Migne Patrologia Latina Tomus 138
Edictum de tributo Nordmannico (Carolus II Calvus), J. P. Migne cc_id: cps_2.CaIiCa.EdDeTrN, cc_idno: 9701
¶
Unusquisque episcopus qui habet abbatiam, aut 138.0680D| abbas qui similiter habet abbatiam, aut comes qui aeque habet abbatiam, de suo manso indominicato, similiterque et de vassallorum, accipiat de manso indominicato denarios duodecim; de manso ingenuili 138.0681A| quatuor denarios de censu dominicato, et quatuor de sua facultate; de servili vero duos denarios de censu, et de sua facultate duos. De omnibus vero ecclesiis, unusquisque episcopus vel abbas de sua solummodo potestate accipiant, de presbyteris a quocumque plurimum solidos quinque, et de unoquoque juxta quod possibile fuerit; ita ut a quo plurimum, quinque 138.0682A| solidos, a quo minimum, quatuor denarios De ecclesiis vero quas comites et vassalli dominici habent, seu de illis qui cum seniore nostro pergere debent, sive qui remanserint, episcopus in cujus parrochia consistunt secundum praetaxatum modum accipere procurabit. De ecclesiis vero imperatricis episcopus similiter accipiet praetaxato modo.
Apparatus Quotation analysis
NOTA. Haec exactio a Nortmannis, qui erant in Sequana tempore Karoli regis, de suo regno fuit facta, ut ab ipsius regno recederent. p. 0682A