Haec pagina emendata est
Sic positum servabis onus, ne forte sub ala
Fasciculum portes librorum, ut rusticus agnum ;
Ut vinosa glomus furtivæ Pyrrhia lanæ ;
Ut cum pileolo soleas conviua tribulis.
Ne vulgo narres te sudavisse ferendo
Carmina, quæ possint oculos auresque morari
Cæsaris ; oratus multa prece, nitere porro.
Vade, vale, cave ne titubes mandataque frangas.
Villice silvarum et mihi me reddentis agelli,
Quem tu fastidis, habitatum quinque focis, et
Quinque bonos solitum Variam dimittere patres,
Certemus spinas animone ego fortius, an tu