De contractibus minorum.
Rubrica. XV.
Ut minorum facilitati modis convenientibus succurratur, statuimus , et ordinamus , quod contractus factus , et celebratus a minore quatuordecim annis sine tutoris vel curatoris auctoritate, ipso iure nullius sit momenti, vel valoris.
Venditiones vero, alienationes, remissiones, cessiones, et concessiones, et quietationes quarumcunque rerum, iurium, vel actionum, sub quacunque forma contractuum , vel verborum, a maioribus quatuordecim annis, et vigesimum annum non excedentibus sine iuramento corporaliter praestito, et sine consensu duorum , vel trium proximorum consanguineorum, si existant, vel saltem affinium , si consanguinei non existerent, et sine decreto Capitaneorum, vel alterius eorum cum quibuscumque hominibus, et personis, seu collegijs, vel universitatibus fieri non valeant, et nullatenus celebrentur.
Et si facti, vel celebrati fuerint, non servatis omnibus supradictis, praesumantur , et fingantur dolose extorti, et nullam obtineant firmitatem. Et contrahentes cum minore contra formam superius adnotatam arbitrio Dominorum Capitaneorum puniantur.
Et si forte dicti consanguinei, vel attinentes nollent comparere ad consentiendum, vel dissentiendum , tunc Domini Capitanei ad minoris praedicti instantiam teneantur dictos consanguineos, et affines iuris remedijs opportunis cogere, et mulctare ad comparendum, et eorum intentionem exponendum super contractu celebrando. Et si discordes essent, ut quia alter eorum contractum in minoris utilitatem cedere asseveraret , et alter id negaret, tunc arbitrio Dominorum Capitaneorum statuimus remittendum, ut quid ipsi super huiusmodi minoris utilitate, vel praeiudicio declaraverint, plenam obtineat firmitatem.
Et si consanguinei, vel affines usque in quintum gradum inclusive in Terra Sancti Marini , vel eius districtu non reperirentur , tunc loco dictorum consanguineorum , sive affinium deficentium, trium ex Consilio duodecim dictorum Dominorum Capitaneorum, et ab eis eligendorum consensus sufficiat, qui eorum iuramento deponant huiusmodi contractum in dicti minoris utilitatem cedere.
Qui contractus sicut praefertur, omnibusque ut supra requi
