ipse in iudicio se debitorem confiteatur. Qui si negaverit, et postea ipsum debitorem esse compertum fuerit, condemnetur in
tantundem, quod creditori solvere debuerit, et nihilominus
pro praedictis personaliter suis expensis debeat detineri.
De operarum locatoribus , et conductoribus.
Rubrica. XXXVII.
Considerantes quantum naturali aequitati conveniat pacta, et conventiones servari, hoc statuto decernimus, quod si qua persona cuiuscunque conditionis, artis, sive exercitij fuerit, promiserit, vel aliter convenerit operas per se, vel famulum, seu cum bestijs, ut puta bobus, seu alijs animalibus alicui praestare , sive suis , sive conductoris sumptibus , et tempore convento non iverit ad praestandum operas conventas, talis conductus teneatur llli , cui promiserit , et operam praestare convenerit, tantumdem solvere quantum ipse operibus praestitis lucratus fuisset.
Et similiter si quis aliquem ad operas, ut supra, conduxerit , et per ipsum postea steterit , quo minus huiusmodi conductus operam praestet , salarium nihilominus , et solitam mercedem eidem solvere teneatur.
Et in dubio , non probata conventione mercedis stetur consuetudini Terrae Sancti Marini attento genere operarum de quibus ageretur.
Et super praemissis summarie, simpliciter, et sola facti veritate inspecta procedatur.
De famulo discedente a domino ante tempus conventum et de domino famulum ante idem tempus licentiante.
Rubrica. XXXVIII.
Statuimus et ordinamus, quod nullns famulus , seu famula alterius personae, qui pacto convento ad tempus alteri inservire promiserit , et tempus promissum postea non compleverit se se a suo domino, eoque invito , separando , et recedendo, pro^conservatione integrae mercedis conventae non audiatur, sed imo praedicti cadant a quarta parte totius conventi salarij, quod meruerint pro eo tempore , quo inservierint , et nihilominus ad omnia damna, et interesse patroni, seu patronae teneantur.
