Similique modo summarie, simpliciter, de plano, et de facto, sine strepitu, et figura iudicij , et sine processu , ^jet scriptura , et omni tempore , etiam feriato , Domini Capitanei possint, et debeant ad instantiam Advocatorum, et Procuratorum
pro eorum patrocinijs praestitis suis clientulis, et Notariorum
pro eorum scripturis , et laboratorum conductorum ad laborandum, etfabrorum pro eorum mercede, et famulorum, seu famularum , et causas laboreriorum , et operum cuiuscunque qualitatis, quantitatis, et extimationis existant, pro ipsorum salario, et mercede, sola facti visa veritate, personaliter in domo
Communis detinere clientulos ipsos, patronos, et eos^ qui ad
laborandum conduxerint , vel conduci fecerint , ac etiam quoslibet alios^ qui quocunque modo obligati sunt ad dicta salaria,
et mercedes persolvendum , donec fuerit dictis Advocatis, Procuratoribus, laboratoribus , Notarijs, famulis, fabris praedictis,
et alijs, qui huiusmodi salaria, et mercedes recipere tenentur,
et debent, integre solutum, et satisfactum de vera sorte, et
expensis.
Nec liceat ipsis clientulis , patronis , nec ad laborandum conducentibus , aut alijs supradictis pro praedictis mercedibus , salarijs , patrocinijs , et huiusmodi aliquam tenutam assignare , sed cum effectu actualiter infra terminum Dominorum Capitaneorum arbitrio statuendum solvere teneantur. Si ipsi debitores comparere neglexerint procedatur ad tenutae acceptionem, et ad eiusdem venditionem de facto ad vocem praeconis usque ad integram ipsius creditoris satisfactionem.
Non obstante statuto de tenutis loquente , quod in praedictis sibi locum non vindicare volumus.
Quae res intelligantur donatae sponsae.
Rubrica LIII.
Si quis post contracta sponsalia de futuro , vel etiam de prasenti uti sponsus portaverit, miseritve ad sponsam, vel ad parentes, fratres, vel sorores, seu alios attinentes ipsius sponsae cincturam non tamen magni pretij, aut similia iocalia, quae tota arbitrio iudicantis remittimus iuxta personarum qualitatem, tam dantis, quam recipientis, haec omnia intelligantur prorsus donata irrevocabiliter inter vivos.
Quae si excederent, ab inde supra, marito, vel eius heredibus tales mulieres ad restituendum cogi, et compelli debeant, nec donata esse
