obtinenda, et in eodem libro propositarum per eundem Cancellarium adnotanda, poena praedictis Archivij Praefectis in primo capite triremium per quinquennium, et quinquaginta scutorum Camerae nostrae applicandorum , et maiori etiam usque
ad mortem naturalem inclusive, si inspecta casus qualitate,
ita puniri posse, ac convenire videbitur ipsi Consilio generali,
vel alteri Judici ab eo specialiter deputando.
In secundo autem capite de alijs scripturis processibus, et sententijs ut supra scutorum vigintiquinque similiter praefatae Camerae applicandorum: declarantes praedictas poenas in primo capite appositas non habere ldcum quando praedicta iura, et scripturae de mandato Dominorum Capitaneorum traderent pro bono publico dictae Terrae , vel pro conservatione iurium alicujus ex nostris subditis. Et similiter in secundo capite contenta non habere locum quando copiae iurium civilium tantum alicui ex partibus de mandato Dominorum Capitaneorum traderentur vocatis tamen habentibus interesse. Qui praefecti Archivij praedicti ad beneplacitum dicti Consilij in eorum officio permaneant. Et pro eorum salario, et mercede habeant ultra emolumenta praedicta duos bononenos pro qualibet partita librorum extimi, videlicet unum a quolibet instante suas partitas poni, vel adimi in dictis libris. Et hoc non intelligatur officium cum quolibet alio incompatibile.
De electione, officio, ac mercede Domini Commissarij.
Rubrica. XXXI.
Considerantes quam difficile sit inter suos consanguineos , affines , concives , et familiares iustitiam aequali statera , et libramine administrare, et praesertim ubi agitur de nece, et vita hominum, et alijs gravibus, et irreparabilibus praeiudicijs, idcirco eveniente casu quo Domini Capitanei pro tempore existentes, vel alter eorum, seu Domini Consiliarij saltem ad numerum duorum pro aliqua causa gravi iudicaverint opus esse Officiali forense, qui nullo motus odio, vel amore aequaliter cunctis ius dicat, statuimus, et ordinamus per dictos Dominos Capitaneos debere convocari, et congregari Consilium magnum, et generale , et facta in eo sic congregato hujusmodi propositione, cuique Consiliario liceat libere dicere suam sententiam, et voluntatem. Et si omnes, excepto uno, erunt concordes in hoc, quod Terra nostra non indigeat Officiali forense, tunc, et eo casu nolumus deveniri ad electionem dicti Officialis forensis. Si yero Capitanei aut Consiliarij saltem ad numerum duorum dixerint opus esse dicto Officiali forensi, tunc deveniatur ad suffragia , et ballu-
