do granum congruis temporibus ad utilitatem Abundantiae. Nec possint modo aliquo dictum granum , aut pecunias in suos vel alium usum convertere , hec cogi etiam per Capitaneos expendere, ex quacunque causa, etiam publica, quibus in hoc parere non teneantur nisi de expressa dicti Consilij licentia , et aliter facientes non excusentur praetextu aliquo, nec liberati intelligantur , sed de suo proprio omnino reficiant, et convertentes in proprios usus, vel aliter dolum, aut fraudem in tali officio committentes puniantur iuxta censuram iuris communis. Inhibemus insuper et ipsis Dominis Capitaneis , et cuilibet officiali ne immediate se ingerant contractando granum, vel pecunias praedictas, vel quicquam in praeiudicium Abundantiae circa eas attentando sub poena privationis officiorum, et beneficiorum dictae Terrae, et alia ad arbitrium dicti Consilij , etc.
De electione Plazariorum Communis , et eorum officio.
Rubrica. XL.
Domini Capitanei pro tempore existentes in principio eorum officij proponant in Consilio generali quattuor Plazarios, vel plures ad eorum arbitrium , qui tamen sint oriundi , et incolae Terrae Sancti Marini , vel eius Territorij , nisi aliter magis expedire videbitur, et quicunque ex eis in dicto Consilio per suffragia , et balluctas iuxta solitum a maiori parte Consiliariorum fuerit approbatus, sit, et esse intelligatur Plazarius communis pro toto tempore Capitaneorum , qui illos, ut supra proposuerunt , nec aliter electio ipsorum Plazariorum fieri valeat , et si facta fuerit non teneat ipso iure , et dicti Plazarij in admissione ad eorum officium iureiurando promittant illud diligenter , et fideliter omni dolo , et fraude remotis , exercere, et Dominis Capitaneis eorumque Officialibus , et mandatis illorum obedire , nec aliquid accipere a Dominis Capitaneis , Iudicibus appellationum , Camerario, Fisci Procuratore, et alijs Officialibus pro citandis debitoribus communis,■vel alijs exequendis pro interesse Camerae nostrae. Et ita, ac alia in praesenti volumine statutorum contenta servare teneantur . Citationes quascunque ad nostrum tribunal ad instantiam , et petitionem cuiuscumque facient nulla etiam Capitaneorum , vel alterius cuiuscunque Iudicis pr«cedente commissione, et eorum simplici relationi absque ullis testibus in hoc credatur , et stari debeat.
Ad aliena vero tribunalia citare ullo modo non valeant, nisi de expressa Dominorum Capitaneorum licentia sub poena privationis officij , et alijs arbitrio Consilij generalis. Pi-
