De Conservatoribus aedificiorum pubblicorum.
Rubrica. LII.
Eligantur in Consilio generali per suffragia, et balluctas in
principio cuiuslibet Capitaneatus ad propositionem Dominorum
Capitaneorum, et aliorum Consiliariorum duo ex nostris Civibus
Terrae Sancti Marini, in Conservatores aedifieiorum publicorum.
Quorum officium, praevio eorum iuramento de illud bene, et fideliter administrando, sit revidere saltem quatuor vicibus, durante eorum officio, Arces, Portas, Fortilitia, domos custodiarum , cisternas nuncupatas de fossis, et alias nuncupatas de planello cum earum aquaeductibus , necnon moenia, et cetera alia aedificia, tum publica tum privata Terrae nostrae Sancti Marini, et eius Mercatalis , et Plagiarum , et similiter Arcem , moenia, et cetera alia aedificia tum publica tum privata; existentia in nostris Castris Serravalli, Faitani , et Montis giardini , eundo per omnes vicos, et contratas dictorum locorum.
Et si dicta moenia, seu alia aedificia publica invenerint lacera, seu lapsa, et labentia vetustate, vel alia causa , possint, et quilibet eorum in solidum possit, ac debeat, ea resarciri, et restitui facere de pecunia publica, dummodo huiusmodi refectionis expensa, pro quolibet semestri , non excedat summam vigintiquinque Librarum, et si excesserit, debeant continuo instare apud Dominos Capitaneos in Consilio generali pro eorum re&ctione, et restitutione. Possint etiam, ac debeant revidere saltem semel durante eorum officio, nostrum arsenale, molendinum a vento , necnon omnia arma, instrumenta, et munitiones bellicas Terrae nostrae, notificando Dominis Capitaneis, et in Consilio generali ea , quae invenerint deficere, vel male custodita, et instando continue pro eorum reparatione, et augumento, et praesertim pro confectione tormentorum bellicorum, pulveris, necnon coadunatione, et emptione plumbi, sulfuris, et salnitri. Debeant pariter impedire destruentes, vel devastare volentes domos existentes tum in Terra Sancti Marini, et eius Plagijs, et Mercatale, tum etiam in praedictis Castris Serravallis, Faitani, et Montis giardini, et recusantes obedire notificare Capitaneis, et Cancellario Communiiatis, et instare pro salubri remedio.
Habeant quoque dicti Conservatores aedificiorum publicorum auctoritatem gerendi, et faciedi cetera alia, quae continentur in praecedenti capitulo, et in alijs decretis praesentis Statuti, etc.
