Quam poenam similiter eisdem solvere teneantur de facto
Syndicatores Dominorum Capitaneorum qui praedicta per eos
observari non curabunt.
Quod Domini Capitanei non possint aedificare absque licentia
Consilij generalis. Rubrica. LVI.
Ne redditus , et proventus nostrae Communitatis expendantur per Dominos Capitaneos ad eorum libitum, absque urgenti necessitate , et utilitate Terrae , et universi Populi nostri , statuimus, et ordinamus quod de cetero Domini Capitanei, qui pro tempore fuerint, non possint, absque licentia per suffragia, et balluctas obtenta in generali consilio a maiori parte Consiliariorum aedificare impensis Communis , nisi usque ad summam scutorum decem pro quolibet sem<wtri, sub poena solvendi de facto tantundem de eorum proprio. Et in dictis aedificijs publicis, summam scutorum decem non excedentibus, non possint apponere eorum nomina , et insignia , etiam impensis proprijs, nisi id eis specialiter fuerit indultum a generali Consilio sub poena arbitrio Consilij statuenda, etc.
De custode Horologij Planelli.
Rubrica. LVII.
Eligatur a Dominis Capitaneis , et Consiliarijs eodem modo , et tempore , quo Praefecti armamentarij , unus magister , sive artifex habitator , et incola Terrae nostrae in custodem horologij Communitatis existentis in Turri Palatij Communis % apud plateam nuncupatam planellum , cuius sit cura temporandi sive moderandi , et custodiendi dictum horologium iuxta eius scientiam, et secundum consuetudinem aliorum custodum, et similiter reaptandi impensa pubblica horologium arcis maioris, quando foret ruptum, et devastatum, absque aliqua alia solutione eius operis, cum salario, et mercede deputanda arbitrio Dominorum Capitaneorum sibi persolvenda per bullectas a Communitate pro medietate in fine cuiuslibet semestris, dummodo non excedat libras viginti. Et elapso anno dictum horologium bene accommodatum resignare teneatur in manibus alterius eius successoris a praefato Consilio electi, nisi ipsemet foret confirmatus modo, et forma praemissis, etc.
