salma , et bononenorum decem pro qualibet libra toties quoties. Et ut dicti conductores facilius alliciantur ad dictam conductionem , et alijs iustis causis suadentibus , volumus , et mandamus, quod nemo de districtu, et iurisdictione Terrae nostrae audeat emere salem extra Territorium eiusdem Terrae nostrae ab aliquo salinario extra districtum nostrum sub poena ducatorum decem pro qualibet salma , et bononenorum decem pro qualibet libra salis toties quoties, etc. applicandorum Camerae lommunis nostrae Terrae de facto, etc.
De duobus officijs uno , et eodem tempore non retinendis nec exercendis.
Rubrica. LIX.
Statuimus , et ordinamus , quod nemo possit aut debeat in Terra nostra habere , aut exercere uno , et eodem tempore duo officia, quamvis forent inter se compatibilia , sed quicunque habens officium, qui extractus fuerit ad aliud, debeat se in primo exercere , et breve eius , extractum posteriori loco ad aliud secundum officium reponatur per Dominos Capitaneos in bussulo , praeterquam si breve , posteriori loco extractum, contineret officium Capitaneatus Terrae nostrae Sancti Marini quia tunc, et eo casu volumus, talem nominatum in dicto posteriori breve exercere officium Capitaneatus , et aliud officium , quod habebat, vel ad quod fuerat extractus, prius deponere , et a se abdicare sub poena Scutorum decem in casu contraventionis huic decreto, et pro qualibet vice. Declarantes ad officia Praefectorum Archivij , et Notarij bonorum emphyteoticorum praesens statutum non extendi , quia eis non obstantibus, ac alijs quibuscunque volumus illos quodlibet aliud officium eodem tempore una cum eis retinere, et exercere posse.
De auxilio , et favore dando Dominis Capitaneis , et alijs
Officialibus communis. Rubrica. LX.'
Statuimus, et ordinamus ad hoc ut Capitanei, et officiales Communis Sancti Marini sint solliciti, ferventes, et audaces in eorum officio exercendo, quod Commune, et homines Sancti Marini, et eius Curiae, et destrictus teneantur dictis Dominis Capitaneis, et Officialibus dare auxilium, et favorem in omnibus eisdem necessarijs, opportunis,acutilibus,etde quibus ipsi Domini Capitanei, et Officiales, pro dicto eorum officio exercendo, requirent perso
