Ad caenam agni providi
Ad caenam agni providi,
et stolis albis candidi,
post transitum maris Rubri
Christo canamus principi.
Protecti paschae vespere,
ad devastante Angelo
erepti de durissimo
Pharaonis imperio.
O vere digna hostia,
per quam fracta sunt tartara,
redempta plebs captivata,
reddita vitae praemia.
Quaesumus auctor omnium,
in hoc paschali gaudio,
ab omni mortis impetu,
tuum defende populum.
Cuius corpus sanctissimum
in ara crucis torridum,
cruore eius roseo,
gustando vivimus Deo.
Iam pascha nostrum Christus est,
qui immolatus agnus est,
sinceritatis azyma,
caro eius oblata est.
Consurgit Christus tumulo,
victor redit de barathro,
tyrannum trudens vinculo _
et reserans Paradisum
Gloria tibi Domine,
qui surrexisti a mortuis,
cum Patre et Sancto Spiritu,
in sempiterna saecula.
Amen.