Ad deam Nortiam

E Wikisource
Jump to navigation Jump to search
EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Carmen ad Nortiam

Festus, Musoni suboles prolesque Avieni,
unde tui latices traxerunt, Caesia, nomen
Nortia, te veneror, lare cretus Vulsiniensi,
Romam habitans, gemino proconsulis auctus honore,
carmina multa serens, vitam insons, integer aevum,
coniugio laetus Placidae numeroque frequenti
natorum exsultans. Vivax sit spiritus ollis!
Cetera composita fatorum lege trahentur.
Ibis in optatas sedes: nam Iuppiter aethram
pandit, Feste, tibi, candidus ut venias
iamque venis. Tendit dextras chorus inde deorum
et toto tibi iam plauditur ecce polo.