Migne Patrologia Latina Tomus 78
BenCan.AdExCoV 78 Benedictus canonicus Parisiis J. P. Migne 1849 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Additio ex codice Vallicellano
Hae sunt festivitates, in quibus dominus pontifex debet coronari. In festivitate videlicet sanctorum quatuor Coronatorum, in festivitate sancti Martini, ubi dicitur titulus Aequitii; in festivitate sancti Clementis; in Dominica de Adventu; in Dominica de Jerusalem; in Dominica de Gaudete, in festivitate Domini, in festivitate sancti Stephani, in Epiphania, in Dominica Laetare, Jerusalem, in Pascha, in feria secunda ad sanctum Petrum, in Dominica Ego sum Pastor bonus, in Ascensione, in Pentecoste, in festivitate sancti Petri, in anniversario suo, in festivitate sancti Silvestri.
Hae sunt nocturnales stationes sancti Petri. Dominica de Gaudete, Epiphania, Ascensio Domini, Pentecostes, festivitas sancti Petri, et ejus Octava; festivitas sancti Andreae. In unaquaque earum stationum scholae palatii, scilicet cardinales, diacones, subdiacones, cantores regionarii, acolythi debent habere V solid. den. de altari sancti Petri pro coenatica. Archidiaconus XVIII den., pro his qui cantant LX, canonici XII solid., et ad Missam medietatem altaris inter eos et capellanos domini papae usque ad finem. Si deerit dominus pontifex, et venerit cardinalis solus cantare Missam, in quacunque statione totam medietatem altaris habent praedictae scholae. Cardinalis qui cantat Missam habet tertiam partem oblationis; sed si habet aliquem socium cardinalem, non fit ita; sed oblatio, sicut mos est, communiter dividatur per scholas.
Hae sunt sancti Petri diurnae stationes. In omnibus Sabbatis quatuor temporum, in Dominica Quinquagesimae, Dominica in Passione, feria secunda post Pascha, Dominica Ego sum Pastor bonus, in litanias majores, in Dedicatione, et in Cathedra sancti Petri. In unaquaque harum stationum accipiunt V solid, et oblationem. Sed dominus pontifex accipit 154 XX solid. in nocturnis stationibus, quando accenduntur retia; et in diurnis, quando accenduntur candelae.