 Azoara XCVII |
Azoara XCIX  |
In n. etc. An ignoras homines oculis coopertis, et faciebus inclinatis ad sua negotia semper superstitiose laborantes? Ignem quidem ferventis simum inibunt, fontes ibi fluentes potaturi, et sambuca tantum ibi cibandi, nec eos saturare, nec famem expellere sufficiente. Aliorum autem illa die facies fient formosissimae, qui propter actus suos, laboresque bonos, paradisum excelsam conscendent: Ubi nullum verbum inhonestum audituri, fontem prosilientem, lectosque sublimes cum stramentis sericis pulvinaribusque congestis, et scyphos appositos habebunt. Nonne vident, qualiter Deus nubes convocavit, coelos extulit, montes disposuit, et terram extendit?
¶ Illos castiga simul, atque doce. Tu namque doctor es, non coactor. Omnis quidem disgrediens, et incredulus permanens a Deo, ante quem omnes venient ibi iudicium habituri, grave malum accipiet.