Appendix (Grimoaldus), J. P. Migne
(0325B)Charta qua Grimoaldus donat monasteriis Stabulensi (0325C)et Malmundariensi villam Germaniacum ( Ann. 650). (Ex Brequigny Diplom., Chart., Leg.)
Domino sancto et in Christo patri Remaclo episcopo, vel omni congregationi monasterio Malmundario [Malmuldario] seu Stabulau consistentium. Grimoaldus, recogitans molem peccaminum meorum, qualiter veniam obtinere [optinere] merear, dono vobis donatumque esse volo pro compendiis ipsorum servorum Dei qui in ipsa monasteria conversare videntur, loco cognominante Germiniaco, in pago Remensi, quem domnus gloriosus Sigebertus rex (rex nobilis) nobis concessit; ipsam villam Germiniaco, cum omni integritate sua, domos, aedificiis, mancipiis, acolabus, pecuniis, campis, aquis, cum omni soliditate, (0325D)appendiciis, id est, duos molendinos in lupia, (0326B)cum area et terra, vinea una in Boterio [Beterio], et (0326C)alia appendicia, quae dicitur Terune, juxta fluviolum, Axina, quem de Godetrude dato pretio comparavi, domos mancipiis, campis, pratis, vineis, aquis, aquarumve decursibus, cum omni integritate ad se pertinente, concedo vobis, a die praesente, perpetualiter, ut ipsam villam Germiniaco, vel appendiciis suis superius cognominatis teneatis, possideatis, vel quidquid inde facere volueritis liberam et firmissimam habeatis potestatem. Et si sane, quod fieri non credo, aliquis de haeredibus meis, vel aliqua opposita persona, contra hanc firmationem de parva munuscula, quae in ara summi Dei omnipotentis offerre non dubito, venire tentaverit [vetare temptaverit], inferat in sacro fisco auri libram unam, argenti pondera quinque, et nihilominus facta mea irrumpere non (0326D)valeat.
