Migne Patrologia Latina Tomus 138
Benedictio reginae (Auctor incertus), J. P. Migne cc_id: cps_2.AucInc.BenReg, cc_idno: 9591
Benedictio reginae
¶
138.1117D| In ingressu ecclesiae dicat episcopus orationem. Omnipotens sempiterne Deus, fons et origo totius bonitatis, qui feminei sexus fragilitatem nequaquam reprobando aversaris, sed dignanter comprobando potius eligis, et qui infirma mundi eligendo fortia 138.1118D| quaeque confundere docuisti, qui etiam gloriae virtutisque tuae triumphum in manu Judith feminae olim Judaicae plebi de hoste saevissimo resignare voluisti; respice quaesumus preces humilitatis nostrae, et super hanc famulam tuam N. quam supplici devotione 138.1119A| in reginam eligimus, benedictionum tuarum dona multiplica, eamque dextera potentiae tuae semper et ubique circumda, ut ambone muniminis tui undique secus firmiter protecta visibilis seu invisibilis hostis nequicias triumphaliter expugnare valeat, et una cum Sara atque Rebecca, Lia, et Rachel beatis reverendisque feminis fructu uteri sui foecundari, seu gratulari mereatur ad decorem totius regni, statumque sanctae Dei Ecclesiae regendum, nec non protegendum. Per Xpm Dnm nrm, qui ex intemerato beatae Mariae virginati alvo nasci, visitare ac renovare hunc dignatus est mundum, qui tecum vivit.
Deus qui solus habes immortalitatem, lucemque inhabitas inaccessibilem, cuius providentia in sui dispositione non fallitur qui fecisti quae futura (facta) 138.1119B| sunt, et vocas ea quae non sunt, tanquam ea quae sunt, qui superbos aequo moderamine principatu deiicis, atque humiles dignatus in sublime provehis; ineffabilem misericordiam tuam supplices exoramus, ut sicut Hester regina Israelis causa salutis de captivitatis suae compede solutam ad regis Assueri thalamum regnique sui consortium transire fecisti, ita hanc famulam tuam humilitatis nostrae benedictione christianae plebi gratia salutis ad dignam sublimemque regis nostri copulam regnique sui participium misericorditer transire concedas, et ut in regalis federe conjugii semper manens pudicam proximam virginitati palmam continere queat, tibique Deo vivo et vero in omnibus et super omnia jugiter placere desideret, et te inspirante, quae tibi placita sunt toto 138.1119C| corde perficiat. Per.
Sancti Spiritus gratia humilitatis nostrae officio in te copiosa descendat, ut sicut in manibus nostris indignis oleo materiali oblita pinguescis exterius, ita eius invisibili unguine delibuta impinguari merearis interius, eiusque spiritali unctione perfectissime semper imbuta, et illicita declinare tota mente et spernere discas seu valeas, et utilia animae tuae jugiter cogitare, optare atque operari queas, auxiliante Dno nro Ihu Xpo, qui cum Deo Patre et Spiritu vivis et regnas Deus per omnia saecula saeculorum. Amen.
Xps vincit. Xps regnat. Xps imperat. Exaudi Xpe.
Silvestro summo pontifici, et universali papae vita et victoria.
138.1119D|
Salvator mundi. Tu illum adiuva.
Sancte Petre. Tu illum adiuva
Sancte Paule. Tu illum adiuva.
Sce Andrea. Tu illum adiuva.
Sce Clemens. Tu illum adiuva.
Sce Sixte. Tu illum adiuva.
138.1120A|
Exaudi Xpe. Henrico.
Sce Cyriace. Tu illum adiuva.
138.1120D| a Deo coronato magno et pacifico regi vita et victoria.
Redemptor mundi. Tu illum adiuva.
Sca Maria. Tu illum adiuva.
Sce Michahel. Tu illum adiuva.
Sce Gabriel. Tu illum adiuva.
Sce Raphael. Tu illum adiuva.
Sce Johannes. Tu illum adiuva.
Sce Stephane. Tu illum adiuva.
Sce Line. Tu illum adiuva. Exaudi Xpe.
Antistiti a Deo electo vita et victoria.
Sca Felicitas. Tu illum adiuva.
Sca Perpetua. Tu illum adiuva.
Sca Agatha. Tu illum adiuva.
138.1120B|
Sca Lucia. Tu illum adiuva.
Scta Caecilia. Tu illum adiuva.
Sca Petronella. Tu illum adiuva. Exaudi Xpe.
Omni clero Pataviensis ecclesiae vita et victoria.
Sce Apollinaris. Tu illum adiuva.
Sce Laurenti. Tu illum adiuva.
Sce Nazari. Tu illum adiuva.
Sce Silvester. Tu illum adiuva.
Sce Leo. Tu illum adiuva.
Sce Anastasi. Tu illum adiuva. Exaudi Xpe.
Omnibus judicibus fidelibus et cuncto exercitui Christianorum vita et victoria.
Sce Maurici. Tu illos adiuva.
Sce Dyonisi. Tu illos adiuva.
Sce Willibalde. Tu illos adiuva.
138.1120C|
Sce Gregori. Tu illos adiuva.
Sce Albane. Tu illos adiuva.
Sce Martine. Tu illos adiuva.
Sce Ambrosi. Tu illos adiuva.
Xps vincit. Xps regnat. Xps imperat. Spes nostra. Xps vincit, Xps regnat. Xps imperat. Gloria nostra. Xps vincit. Xps regnat. Xps imperat. Fortitudo nostra. Xps vincit. Xps regnat. Xps imperat. Misericordia nostra. Xps vincit. Xps regnat. Xps imperat. Auxilium nostrum. Xps vincit. Xps regnat. Xps imperat. Liberatio et redemptio nostra. Xps vincit. Xps regnat. Xps imperat. Victoria nostra. Xps vincit. Xps regnat. Xps imperat. Arma nostra invictissima. Xps vincit. Xps regnat. Xps imperat. Murus noster inexpugnabilis. Xps vincit. Xps regnat. Xps imperat. 138.1120D| Defensio et exaltatio nostra. Xps vincit. Xps regnat. Xps imperat. Lux nostra et vita nostra. Xps vincit. Xps regnat. Xps imperat. Ipsi soli gloria et potestas per immortalia saecula saeculorum. Amen. Ipsi soli honor, laus et iubilatio per infinita saecula saeculorum. 138.1121A| Amen. Ipsi soli virtus, fortitudo et victoria per omnia saecula saeculorum. Amen. Xpe audi 138.1122A| nos. Ter. Kyrie eleison. Ter. Xpe eleison. Ter. Kyrie eleison.
Quotation analysis