Migne Patrologia Latina Tomus 138
Benedictiones consecrationes et ordinationes variae (Auctor incertus), J. P. Migne
cc_id: cps_2.AucInc.BeCoEtO, cc_idno: 9593
BENEDICTIONES VARIARUM RERUM.
138.1089C|
BENEDICTIO POMORUM.(Ex codice Vindob. theol. 685, saec. X.)
Te deprecamur omnipotens Deus, ut benedicas hunc fructum novum pomorum etc.
BENEDICTIO PANIS.
Benedic Domine creaturam istam panis, sicut benedixisti quinque panes in deserto, ut sit Dns eundem habundans in annum alimentum, gustantesque ex eo accipiant tam corporis quam animae sanitatem.
BENEDICTIO UVAE SIVE FABAE.
Benedic Domine hos fructus novos uvae sive fabae etc.
BENEDICTIO NUCIS.
138.1089D| Benedic Dne pomum et nuces, nucleosque et omnes 138.1090C| fructus terrae tam arborum quam herbarum, qui tuo jussu oriuntur. Per.
BENEDICTIO SUPER AGNUM IN PASCHA.
Deus creator universae carni etc.
INCIPIT BENEDICTIO DOMUS.(Ex cod. Vind. theol. 685, saec. X.)
Oremus pro hac domo, et dominis hujus tabernaculi, ut eos Dominus in bonis laetificet; dignetur Dominus tribuere aurora desursum coeli, et a fertilitate deorsum terrae habundantem substantiam vitae, et desideriis eorum affectum suae miserationis inmisceat, et introitum nostrum benedicere dignetur, ut his parietibus angelus benedictionis inhabitet. Per.
ORATIO SUPER DOMUM NOVAM.
138.1090D| Sanctificetur ista domus, et fugatur ab ea inmundus 138.1091A| spiritus per virtutem Dni nri Ihu Xpi, ut detur ibi omnibus commanentibus sanitas, claritas, hilaritas protegente ac servante majestate tua Domine. Per.
BENEDICTIO AQUAE SUPER SEGETES.
Benedic Domine hanc creaturam aquae, ut fugiant vermes, et volucres a nostris segetibus per nomen Dni nri Ihu Xpi quod invocatum est in ipsa creatura messis, ut sana sit omnibus, qui utuntur ex ea.
ORATIO SUPER SEGETES.
Domine sancte Pater omnipotens aeterne Deus, permitte Spiritum sanctum tuum cum Panchielo Archangelo, ut defendat segetes nostras a vermibus, a volucribus, a daemonibus malis, ut magnificetur nomen tuum Deus in omni loco. Per.
BENEDICTIO SALIS AD OCULOS HOMINUM.
138.1091B|
Sana Domine oculos hominis istius, cum benedicimus hanc creaturam salis, in nomine Patris et Filii et Spiritus sancti, sicut aperuisti duorum caecorum clamantium tibi in evangelio ac dicentium miserere nostri fili David, et manifestus fuisti illis, et aperti sunt oculi eorum, et sicut is, qui sputo sanatus et lavatus in natatorio Siloe lumen redditus, sic aperiantur oculi istius hominis per te Ihu Xpe qui cum Patre viv.
BENEDICTIO OCULORUM.
Sana Domine oculos hominis istius, sicut sanasti oculos Tobiae, et duorum caecorum, quos in evangelio commemorat, purga oculos, expelle festucam, et aream, et omne quod nocet oculis, et appareat gloria 138.1091C| tua in omni loco. Per.
ORATIO PRO DOLORE PARTUS.
Deus qui ab inicio fecisti hominem, et dedisti ei adjutorem similem sibi, ut crescerent, et multiplicarentur super terram, da misericordiam tuam huic famulae tuae ill ut prospere et sine dolore parturiet, Per.
ORATIO SUPER FONTEM UBI ALIQUA NEGLEGENTIA CONTIGIT.
Domine sancte Pater omnipotens aeterne Deus, qui per invisibilitatis tuae potentiam has aquas ex nichilo conditas in hujus maria formam visibile praebuisti atque ex abditis investigabilibus concava per abyssi magnitudinem largitatis tuae gratiam humanis usibus fluenta fontibus influxisti te supplices exoramus, 138.1091D| ut has aquas, quas neglegentia polluit, sancti Spiritus tui gratia ad mundiciam revocet atque purificet et spiritus callidi hostis abscedat, ac deinceps sanctificatam, familiae tuae potabilem tribuas, utque potantium corpora mundet, cordaque sanctificet. Per.
BENEDICTIO PUTEI NOVI.
Oremus. Benedic quaesumus omnipotens Deus, hanc cisternam aquae in qua exitu terrae interiora per spiracula profluentem laticem inundare jussisti, ut fugata ab ea cuncta diabolica machinatione quisquis 138.1092A| ex ea gustaverit, tibi immensas referat gratiarum actiones. Per.
ORATIO SUPER VASA REPERTA IN LOCIS ANTIQUIS.
Omnipotens aeterne Deus insere te officiis nostris, et haec vascula arte fabricata gentilium sublimitatis tuae potentia ita emendare digneris, ut omni immunditia depulsa, sint tuis fidelibus tempore pacis atque tranquillitatis utenda. Per.
BENEDICTIO AD OMNIA QUAE VOLUERIS.
Benedic Domine creaturam istam ill. etc.
BENEDICTIO SUPER VESTEM NOVAM.
Signaculum Dei super hanc vestem novam, qua induantur homines, ut Spiritus sanctus regnat in homine, qui circum se induerit in nomine Patris et Filii et Spiritus sancti maneat secum in saecula saeculorum.
BENEDICTIO VIDUAE, QUAE FUERIT CASTITATEM PROFESSA.
138.1092B|
Consolare Domine hanc famulam tuam viduitatis laboribus constrictam, sicut consolari dignatus es Sareptam viduam per Helisea prophetam; concede ei pudicitiae fructum, ut antiquarum non meminerit voluptatum. Nesciat enim incentiva desideria, ut soli tibi subdat propria colla, quo possit pro laboribus tantis sexagesimo gradu percipere munus delectabile sanctitatis. Per.
BENEDICTIO VESTIMENTORUM VIRGINUM VEL VIDUARUM.
Deus aeternorum bonorum fidelissime promissor; haec indumenta humilitatem cordis et contemptum mundi significantia, quae familiae tuae sancto visibiliter 138.1092C| sunt informanda proposito, propitius benedicas et beatae castitatis habitum, quem te aspirante susceperit, te protegente custodiat, et quam vestibus venerandae promissionis induis temporaliter, beata facias immortalitate vestiri. P.
ORATIO AD ABBATEM FACIENDUM, VEL ABBATISSAM.
Concede quaesumus omnipotens Deus et famulum tuum, vel famulam tuam, quem ad regimen animarum elegimus gratiae tuae dono prosequere, ut te largiente cum ipsa tibi nostra electione placeamus. Per.
ORDO AD CLERICUM FACIENDUM.(Ex ms. Rhenaug. saec. XI circ.)
Praesta quaesumus omnipotens Deus huic famulo tuo etc.
ITEM AD CLERICUM VEL MONACHUM FACIENDUM.
138.1092D|
Adesto Domine supplicationibus nostris, et hunc famulum tuum benedicere dignare, cui in tuo sancto nomine habitum sacrae religionis imponimus, ut te largiente, et devote in ecclesia persistere, et vitam percipere mereatur aeternam.
Inter tondendum dicantur hae antiphonae. Tu es Domine etc. Et dicit orationem Praesta quaesumus omnipotens Deus huic famulo tuo etc.
Oratio ad capillaturam.
Omnipotens sempiterne Deus, respice super hunc 138.1093A| (hos) famulum (os) tuum (os) quem (os) ad novam tondendi gratiam vocare dignatus es, tribuens ei (eis) remissionem omnium peccatorum, atque ad coelestium donorum pervenire consortium. Per.
Ad barbam.
Deus, cujus Spiritu creatura omnis incrementis adulta congaudet, exaudi preces nostras super hunc famulum tuum N. juvenilis aetatis decore laetantem, et florem primis auspiciis adtondentem: exaudi Domine, ut in omnibus protectionis tuae munitus auxilio, coelestem benedictionem accipiat, et praesentis vitae praesidiis gaudeat, et aeternae. Per.
Post Evang. majoris Missae Ordinatio monachorum est agenda hoc modo: Ego frater N. promitto stabilitatem et conversionem morum meorum et obedientiam 138.1093B| secundum Regulam sancti BENEDICTI coram Deo, et Sanctis ejus in hoc monasterio Renaugensi, quod est constructum in honore S. Mariae genitricis Dei; in praesentia Domini etc. Abbatis.
Hoc postquam singuli legunt, ter veniam super manus et genua petentes hunc V\. dicunt:
V\. Suscipe me Domine secundum etc.
Quibus conventu respondente adjungendo Gloria etc. ipsi novitii gyrum facientes flexis poplitibus, postea prosternunt se ad orat. Et Domnus Abbas stans imponit: Kyrie etc. Christe etc. Kyrie etc. Pater noster etc. Miserere mei Deus etc.
Salvum (os) fac servum (os) tuum (os).
Mitte ei (eis) Domine auxilium de sancto.
Nihil proficiat inimicus in eo (eis).
138.1093C| Esto ei (eis) Domine turris fortitudinis.
Dominus vobiscum.
Oremus: Deus indulgentiae Pater, qui severitatem tuae districtionis temperans indulsisti, ne filius portaret iniquitatem patris; et qui mira dispensatione etiam malis bene utens tuae dignationis gratiam per eos frequenter operaris; quaesumus clementiam tuam, ut huic famulo tuo non obsistat, quod habitum religionis per nos tanta ac tali re indignos accipit, sed ministerium, quod exterius per nos exhibetur, tu interius per dona S. Spiritus exequaris. Per.
Deus, qui per coaeternum Filium tuum cuncta creasti, quique mundum peccatis inveteratum per mysterium incarnationis ejus renovare dignatus es; te suppliciter exoramus: ut ejusdem Domini nostri 138.1093D| gratia super hunc famulum tuum abrenuntiationem seculi profitentem, clementer respicere dignetur; per quam in spiritu suae mentis renovatus veterem hominem cum suis actibus exuat, et novum, qui secundum Deum est, induere mereatur. Per.
Domine Jesu Christe, qui es via sine qua nemo venit ad Patrem; quaesumus benignissimam clementiam tuam, ut hunc famulum tuum a carnalibus desideriis abstractum, per iter disciplinae regularis deducas; et qui peccatores vocare dignatus es dicens: Venite ad me omnes, qui laboratis et onerati estis, et ego vos reficiam; praesta: ut haec vox invitationis tuae ita in eo convalescat, quatenus peccatorum onera deponens, et quam dulcis es, gustans, tua refectione 138.1094A| sustentari mereatur; ut sicut attestari de tuis ovibus dignatus es; agnosce eum inter oves tuas; et ipse te agnoscat, ut alienum non sequatur, sed te: neque audiat vocem alienorum, sed tuam qua dicis: qui mihi ministrat, me sequatur. Qui vivis etc.
Sancte Spiritus, qui te Deum, ac Dominum revelare mortalibus dignatus es, immensam tuae pietatis gratiam postulamus: ut sicut ubi vis spiras, sic et huic famulo tuo affectum devotionis indulgeas; et quoniam tua sapientia est conditus, tua quoque providentia gubernetur; quem juxta consuetam tibi gratiam unctio tua de omnibus doceat; et per intercessionem beatissimi Benedicti quem praecipuum hujus sanctae institutionis legislatorem dedisti; nec non et aliorum Sanctorum ad quorum nomina petitionem 138.1094B| facit, eum a vanitate seculi veraciter converte; et sicut es omnium peccatorum remissio, deprimentis impietatis obligationes in eo dissolve, et ad observantiam hujus sancti propositi fac eum certatim fervere in tribulationibus et angustiis; ut tua indeficienti consolatione valeat respirare, et juste et pie per veram humilitatem atque obedientiam in fraterna caritate fundatus, quod te donante promittit, felici perseverantia compleat. Quod ipse praestare digneris, qui cum Deo Patre, sanctoque unigenito Filio ejus Domino nostro Jesu Christo vivis et gloriaris Deus per infinita secula seculorum. Amen.
Hic surgunt Novitii ad orat. ut domnus Abbas eos conspergat aqua benedicta.
Cucullae ita benedicuntur:
138.1094C| Domine Jesu Christe, qui tegimen nostrae mortalitatis induere dignatus es; obsecramus immensam tuae largitatis abundantiam: ut hoc genus vestimenti, quod sancti Patres ad innocentiae, et humilitatis judicium abrenuntiantibus seculum ferre sanxere, ita benedicere digneris, ut hic famulus tuus, qui hoc usus fuerit, te induere mereatur. Qui cum Patre.
Item exuendo froccum dicitur ad singulos.
Exuat te Dominus veterem hominem cum actibus suis.
Inter induendum cucullam dicitur ad unumquemque.
Induat te Dominus novum hominem qui secundum Deum creatus est in justitia et sanctitate veritatis.
Tunc osculato Abbate vadunt in chorum, et omnem 138.1094D| Conventum osculantur.
CONSECRATIO SACRAE VIRGINIS
QUAE IN EPIPHANIA VEL IN SECUNDA FERIA PASCHAE, AUT IN NATALITIIS APOSTOLORUM CELEBRATUR.(Ex cod. Vind. theol. 359, saec. X.)
Omnes qui ad sacros ordines debent promoveri, ante pronuntiationem Evangelii ab episcopo debent consecrari, quia ab eis praedicatio sancti Evangelii debet per totum mundum diffundi. Virgines autem et viduae post perlectum evangelium debent velari, quia decet eas et evangelium praedicari. Virginem episcopo parentes cum oblatione offerunt, et ille involutam manum ejus in palla altaris recipiat dicendo cum adstantibus antiph. Ipsi sum desponsata cui Angeli 138.1095A| serviunt, cujus pulchritudinem sol et luna mirantur. Sanctimonialis cum ad consecrationem sui episcopi offertur in talibus vestibus applicetur, qualibus semper usura est et professioni et sanctimoniae aptis. Inprimis autem offerantur illa vestimenta ante altare episcopo ad benedicendum.
Benedictio vestimentorum virginum.
Deus aeternorum bonorum fidelissime promissor, certissime persolutor, etc
Alia. Domine Deus bonarum virtutum dator, et omnium benedictionum largus infusor, te subnixis precibus deprecamur, ut has vestes, quas famula tua N. pro indicio cognoscendae religionis induere vult, benedicere et sanctificare digneris, ut inter reliquas feminas cognoscatur dedicata. P.
138.1095B| Alia. Exaudi Domine preces nostras et hanc vestem quam famula tua N. signo se adoperandum exposcit, uberrimae benedictionis imbre perfunde, sicut perfudisti oram vestimentorum Aaron, benedictione unguenti profluente a capite in barbam. Et sicut benedixisti vestes omnium religiosorum tibi per omnia placentium, ita etiam hanc benedicere dignare, ac praesta clementissime Pater, ut supradictae famulae tuae N. haec sit vestis salubris protectio haec cognitio religionis, haec initium sanctitatis haec contra omnia tela inimici robusta defensio, ut si continens est sexagesimi fructus donum accipiat, ut si virgo centesimi muneris opulentia in utraque parte perseverante continentia ditetur. Per.
Item benedictio sacri velaminis.
138.1095C| Caput omnium fidelium Deus, et totius corporis Salvator, hoc operimentum velaminis, quod famula tua propter tuum tuaeque genitricis beatissimae scilicet semper virginis Mariae amorem suo capiti est impositura, tua dextera sanctifica, et hos quod per illud mystice datur intellegi, tua semper custodia corpore pariter et animo incontaminato custodiat; ut quando ad perpetuam sanctorum remunerationem venerit, cum prudentibus et ipsa virginibus praeparata, te perducente, ad perpetuae felicitatis nuptias intrare mereatur. Per.
Hic suppliciter prosternat se ante altare illa quae consecranda est, et dicat hunc versum tribus vicibus. Suscipe me Domine secundum eloquium tuum et vivam, et non confundas me ab exspectatione mea. 138.1095D| Post haec episcopus dicat. Soror. Accipe hanc vestem in nomine Domini. Et illa respondeat. Suscipio in nomine Patris et Filii et Spiritus sancti. Tunc episcopus det ei ipsa virginitatis vestimenta, et tantum velamen apud se faciat retineri. Ipsa autem virgo vadat in sacrarium et induat se ipsis vestimentis benedictis, accipiensque duos cereos ardentes in manus suas veniat ante altare et imponat clerus introitum ad missam. Post evangelium autem et dicta, ea prostrata, laetania, inclinato capite ante altare benedicat eam episcopus dicens hanc orationem. Respice-Domine propitius super hanc famulam tuam N. ut virginitatis sanctae propositum, quod te inspirante suscepit, te gubernante custodiat. Per.
138.1096A| Consecratio in modum Praefationis.
Deus castorum corporum benignus habitator et incorruptarum amator animarum. Deus qui humanam substantiam in primis hominibus diabolica fraude vitiatam, ita in verbo tuo per quod omnia facta sunt, reparas, ut eam non solum ad primae originis innocentiam revoces, sed etiam ad experientiam quorundam bonorum quae in novo saeculo sunt habenda perducas, et obstrictos adhuc conditione mortalium jam ad similitudinem promoveas Angelorum; respice super hanc famulam tuam, quae manu tua continentiae suae propositum collocans tibi devotionem suam offert, a quo et ipsa idem votum assumpsit. Quando enim animus mortali carne circumdatus legem naturae, libertatem 138.1096B| licentiae, vim consuetudinis, et stimulos aetatis evinceret, nisi tu per liberum arbitrium hunc amorem virginitatis clementer accenderes; tu hanc cupiditatem in ejus corde benignus aleres, tu fortitudinem ministrares. Effusa namque in omnes gentes gratia tua ex omni natione quae sub coelo est in stellarum innumerabilem numerum Novi Testamenti haeredibus adoptatis inter caeteras virtutes, quas filiis tuis non ex sanguinibus, neque ex voluntate carnis, sed de tuo Spiritu genitis indidisti, et jam hoc donum in quasdam mentes de largitatis tuae fonte defluxit; ut quamvis honorem nuptiarum nulla interdicta minuissent, ac super sanctum conjugium initialis benedictio permaneret; existerent tamen sublimiores animae, quae in viri ac mulieris copula 138.1096C| fastidirent connubium, concupiscerent sacramentum, nec imitarentur quod nuptiis agitur, sed diligerent, quod nuptiis praenotatur. Agnovit auctorem suum beata virginitas, et aemula integritatis angelicae illius thalamo, illius cubiculo se devovit, qui sic perpetuae virginitatis est sponsus, quemadmodum perpetuae virginitatis est filius. Imploranti ergo auxilium tuum et confirmari se benedictionis tuae consecratione cupienti, da protectionis tuae munimen, et regimen, ne hostis antiquus, qui excellentiora studia subtilioribus infestat insidiis ad obscurandam perfectae continentiae palmam per aliquam mentis serpat incuriam, et rapiat de proposito virginum, quod etiam moribus decet inesse nuptiarum. Sit 138.1096D| in ea Domine per donum Spiritus sancti prudens modestia, sapiens benignitas, gravis lenitas, casta libertas. In caritate ferveat, et nihil extra te diligat, laudabiliter vivat, laudarique non appetat. Te in sanctitate corporis, te in animae suae puritate glorificet, amore te timeat amore tibi serviat. Tu ei sis honor, tu gaudium, tu voluntas, tu in moerore solatium, tu in ambiguitate consilium, tu in injuria defensio, in tribulatione pacientia, in paupertate habundantia, in jejunio cibus, in infirmitate medicina. In te habeat omnia, quem diligere appetit super omnia, et quod est professa custodiat, scrutatori pectorum non corpore placitura sed mente, transeat in numerum sapientum puellarum, ut coelestem sponsum aversis lampadibus cum oleo praeparationis exspectet nec turbata 138.1097A| improvisi regis adventu, sed secura cum lumine, et praecedentium virginum choro juncta occurrat, et non excludatur cum stultis, regalem januam cum sapientibus virginibus licenter introeat, et in agni tui comitatu perpetuo probabilis mansura castitate permaneat. Per eundem. Benedictione expleta episcopus mittat velamen super caput ipsius virginis. Accipe velamen sacrum puella, quod praeferas sine macula ante tribunal Dni nri Ihu Xpi cui flectitur omne genu coelestium, terrestrium et infernorum in saecula saeculorum. Amen. Tunc cantetur a circumstantibus ad singulas antiphona. Induit me Dominus ciclade auro texta et immensis monilibus ornavit me.
Oratio post assumptum velamen.
138.1097B| Famulam tuam Domine tuae custodia muniat pietatis, ut continentiae sanctae propositum quod te inspirante suscepit, te protegente illaesum custodiat. Sequitur antiphona. Ipsi sum desponsata cui, etc. Da quaesumus omnipotens Deus, ut haec famula tua, quae pro spe retributionis aeternae tibi Domino desiderat consecrari, plena fide animoque in sancto proposito permaneat. Tu eam omnipotens Pater sanctificare et benedicere et in perpetuum conservare digneris. Tribue ei humilitatem, castitatem, obedientiam, caritatem et omnium bonorum operum quantitatem. Da ei Domine pro operibus gloriam, pro pudore reverentiam, pro pudicitia sanctitatem ut ad meritum possit gloriae pervenire. Per. Tunc cantetur a circumstantibus antiphona. Posuit signum 138.1097C| in faciem meam, ut nullum praeter eum amatorem admittam. Et dicat episcopus benedictionem Matthaei apostoli super eam. Or. Deus plasmator corporum afflator animarum, qui nullam spernis aetatem, non sexum reprobas, nullam conditionem gratia tua ducis indignam; sed omnium aequalis creator es et redemtor; tu hanc famulam tuam, quem ex omni numero gregis pastor bonus eligere ad conservandam coronam perpetuae virginitatis et castimoniam animae dignatus es; tuae protectionis scuto circumtege, et ad omne opus virtutis et gloriae, magistrante sapientia praepara, ut innocens carnis illecebras, et licita connubio, recusans insolubilem Filii tui Domini nostri Jesu Christi copulam mereatur. Hinc petimus Domine, arma suggeras non carnalia, sed spiritus 138.1097D| virtute potentia, ut te muniente ejus sensus et membra in ejus corpore et animo non possit dominari peccatum, atque sub tua gratia vivere cupienti nihil sibi defensor malorum et inimicus bonorum, de hoc vase jam nomini tuo sacrato praevaleat vendicare. Omnem etiam genuinum calorem imber gratiae tuae coelestis extinguat; lumen vero perpetuae castitatis accendat: facies scandalis pudica non pateat, nec incaute occasionem tribuat neglegentia 138.1098A| delinquendi. Sitque in ea casta virginitas, et ornata pariter, et armata, fide integra, spe certa, caritate sincera, ut praeparato animo, ad continentiam virtus tanta praestetur, quae superet diaboli universa figmenta, atque contemnendo praesentia futura sectetur. Jejunia epulis carnalibus praeferat, et lectiones sacras et orationes conviviis et potationibus anteponat, ut orationibus pasta et eruditionibus expleta, illuminata vigiliis opus gratiae virginalis exerceat. His virtutum armis hanc tuam famulam interius exteriusque communiens, praesta inoffensum cursum virginitatis implere. Per.
Ad annulum dandum.
Accipe annulum fidei, signaculum Spiritus sancti, ut sponsa Dei voceris si ei fideliter servieris.
138.1098B| Accipe signum Christi in capite, ut uxor ejus efficiaris, et si in eo permanseris, in perpetuum coroneris.
Interim dicatur antiphona: Annulo suo subarravit me Dominus meus Jesus Christus et tanquam sponsam decoravit me corona. Sequitur benedictio. Benedicat te conditor coeli et terrae Deus Pater omnipotens, qui te eligere dignatur ad sanctae Mariae matris Dni nri Jhu Xpri consortium, ut integram et immaculatam virginitatem, quam professa es coram Domino et angelis ejus conserves, propositum teneas, castitatem diligas, patientiam serves, et coronam virginitatis accipere merearis. Per.
Post haec relinquens cereos puella offerat oblationem. Iterum accipiens cereos, stat inclinata, usquedum 138.1098C| communicet, et missa finiatur ordine suo. Postquam communicet, reservet de ipsa communione usque in diem octavum, ut inde communicet. Et si est, qui et testimonium perhibeat, mittat eam episcopus in manus suas dicens: Videte quomodo istam Deo sacratam repraesentes immaculatam ante tribunal Dni nri Xpi.
Item missa virginum.
Tibi dixit cor meum. Ps. Dominus illuminatio. Da quaesumus Domine ancillae tuae quam virginit. Gr. Miserere mei Deus. V\. Misit de coelo. Alleluia. Lauda anima mea Dominum. Off. Sperent in te. Sac. Oblatis hostiis Domine. Infra can. Hanc igitur oblationem. Benedict. Domine Deus aeterne, qui utrumque sexum de interitu perpetuae mortis per Jesum 138.1098D| Christum Filium tuum de Maria Virgine natum misericorditer redemisti, hanc famulam tuam devota mente tibi servientem omni benedictione spiritali benedicere dignare. Amen. Ut integram fidem habeat, et in praeceptis legis tuae semper perseveret, terrena et transitoria despiciat, aeterna et invisibilia in tanta meditatione diligat. Amen. Ut in numero sanctarum virginum permanens coelesti sponso cum lampadibus bonorum operum fiducialiter occurrere, 138.1099A| ipsi tibi praestanti mereatur. Amen. Quod ipse praestare dign. Comm. Notas mihi fecisti. Respice Domine famulae tuae. Sermo in nat. virginum.
Ad ancillas Dei virgines velandas, quibus conversis vestimenta mutantur.
Ancilla Dei virgo, cum ad consecrationem sui episcopi offertur, in talibus vestibus applicetur, qualibus semper usura, professioni et sanctimoniae aptis. Tunc dicat hanc praefationem. Oremus fratres kmi misericordiam Domini, ut illud donum tribuat huic puellae, quae Deo votum vovit, vestem candidam perferre cum integritate coronae, in resurrectione vitae aeternae, quae futura est nobis. Per. Alia. Familiam tuam Domine tuae custodia muniat pietatis, ut virginitatis sanctae propositum, quod te inspirante suscepit, te 138.1099B| protegente illaesum custodiat. Per.
Alia. Te invocamus Domine Pater omnipotens aeterne Deus super hanc famulam tuam quae tibi vovit servire pura mente, mundoque corde, ut eam sociare digneris inter illa centum quadraginta quatuor millia infantum qui virgines permanserunt, et cum mulieribus non coinquinaverunt, in quorum ore dolus inventus non est. Et ita hanc famulam tuam facias permanere immaculatam usque in finem, per immaculatum Jhm Xpm Dnm nrm, cum quo vivis et regnas Deus in unitate Spiritus sancti. Per. Benedictione expleta mittat episcopus velamen super caput ipsius virginis dicens. Accipe velum sacrum puella, quod praeferas sine macula ante tribunal Dni nri Ihu Xpi, cui flectitur omne genu coelestium, terrestrium 138.1099C| et infernorum in saecula saeculorum amen. Benedictio: Benedicat te Deus Pater et Filius et Spiritus sanctus in omni benedictione spiritali, ut maneas sine macula sub vestimento sanctae Mariae matris Dni nri Jhu Xpi. Qui viv. et reg.
CONSECRATIO VIDUAE
QUAE FUERIT CASTITATEM PROFESSA.
Viduae post perlectum evangelium debent velari, quia decet eas per evangelium praedicari. Vidua autem quia soluta est a lege viri, seipsam similiter dare Deo debet et a presbytero velari, vel etiam consecratum ab episcopo velamen ipsa sibi, nec episcopus debet imponere. Presbyteris vero licet viduas velare, solis episcopis virgines.
Benedictio vestimentorum viduae.
138.1099D| Visibilium et invisibilium creator Deus adesto propitius, ut haec indumenta sanctitatis effigiem ostendentia desuper gratia tua irrigante benedicere et sanctificare digneris. Per. Alia. Aperi quaesumus Domine oculos majestatis tuae ad benedicendam hanc viduitatis vestem, ut quae in ornatis vestibus viri sui usibus placuit, in sacris indumenta benedictionis tuae servare mereatur. Per. Tunc agatur letania. Post letaniam sequitur haec praefatio. Incorruptum aeternitatis Deum et inviolabilis naturae Dominum fratres kmi suppliciter deprecemur poscentes pro Sorore 138.1100A| nostra N. quae corpore ac mente perfectae continentiae et pudicitiae se servituram Domino devovit, ut petenti famulae ipse qui est judex viduarum perfectam tribuat continentiam.
Benedictio propria viduae.
Consolare Domine hanc famulam tuam viduitatis laboribus constrictam; sicut consolari dignatus es Sareptanam viduam per Heliam prophetam. Concede ei pudicitiae fructum ut antiquarum non meminerit voluptatum. Nesciat etiam, etc.
Alia. Da quaesumus omnipotens Deus, ut haec famula tua, quae pro spe retributionis aeternae se tibi Domine desiderat consecrari, etc. Velamen capiti suo imponat.
Oratio post assumptum indumentum et velamen.
138.1100B| Famulam tuam Domine tuae custodia muniat etc. Alia. Domine Jesu Christe omnium Deus, qui inter caetera virtutum documenta ad salutem nostram vigorem castitatis et pudicitiae reparasti, te supplices exoramus, ut hanc Sororem nostram viduam ad gratiam pietatis tuae ex corde conversam ab omnibus temptationibus inimicorum tutam defensamque custodias, et haec capitis velamina ad interioris hominis tutamen perseverare facias. Per. Alia. Domine Deus virtutum coelestium aeterne dominator tibi supplices effundimus preces, ut hanc famulam tuam N. consecrare digneris, quam de pristina conversatione ad novitatem vitae exspolians veterem hominem, et induens novum, converti fecisti, ut sicut Anna prophetissa multis temporibus viduitatis veste induta in 138.1100C| templo gloriae tuae jejuniis et orationibus fideliter deservivit, sic et haec famula tua tibi soli Deo in Ecclesia tua devota mente deserviat. Per. Deus castitatis amator. Et reliqua.
ORDINATIO ABBATISSAE
CANONICAM PROFITENTIS REGULAM.
In ordinatione abbatissae episcopus debet missam cantare et eam benedicat hoc modo. Post antiphonam ad introitum et datam orationem et reliquum officium missae usque ad evangelium prosternat se electa ante altare cum duabus vel tribus de sororibus suis fiantque ibi letaniae. Quibus finitis benedicat eam episcopus inclinato capite dicens. Dominus vobiscum. Et cum spiritu tuo. Sequitur orat. Oremus. Exaudi Domine 138.1100D| preces nostras et super hanc famulam tuam Spiritum tuae benedictionis emitte, ut coelesti munere dicata et tuae gratiam majestatis possit acquirere et bene vivendi aliis exemplum praebere. Per Dnm nrm Jhm Xpm qui tecum vivit et regnat Deus in unitate ejusdem Spiritus sancti.
Alia. Omnipotentiam tuam humiliter imploramus Domine ut super hanc famulam tuam, quam ad sacrum ordinem assumere dignatus es, benedictionis tuae donum dignanter infundas, eique gratiam sanctificationis tribuas, ut quod te donante percipit, te protegente illaesum custodiat. Per. Et prosequatur 138.1101A| istam orationem in modum praefationis. Domine sancte Pater omnipotens aeterne Deus adesto precibus nostris, adesto votis, adesto famulatibus, adesto consecrationibus, qui omnia per verbum virtutis tuae mirabiliter dispensas, et dispensanda ministras. Qui diversis floribus tuam semper exornas Ecclesiam, dum eam et virorum exemplis, et illustrium feminarum irradias institutis. Qui etiam de infirmiori sexu hanc famulam tuam servitutis tuae applicare dignatus es famulatui. Effunde quaesumus Domine super hanc famulam tuam, quam in officium divinum fideliter dedicamus, gratiam sancti Spiritus, ut tibi omni tempore ejus servitiis dignanter compleat, eamque dextera potentiae tuae benedicere et sanctificare sive consecrare digneris in opus ministerii tui condignum, 138.1101B| quatenus actum ministrationis sibi creditae fideli . . . exequatur, et ejusdem sancti Spiritus septiformis gratiae virtute corroboretur. Requiescat ergo super eam Domine Spiritus sapientiae et pietatis, ac repleas eam Spiritu timoris tui. Concede quoque ei gravitatem actuum, censuramque vivendi, ut in lege tua die ac nocte meditetur. Mandata tua custodiat, dictis tuis obediat, sacris lectionibus insistat, terrena et transitoria despiciat, atque omni tempore bonis operibus inserviat. Omnem libidinem pravae voluptatis superet, amorem honestae castitatis teneat, ut tibi sponso venienti cum lampadibus suis inextinguibilibus possit occurrere, et praecedentium virginum choro jungi, et ne cum stultis excludatur regalem januam cum sapientibus licenter introeat. 138.1101C| Abundet in ea totius forma virtutis, auctoritas modesta, pudor constans, innocentiae puritas, et spiritalis observantia disciplinae in moribus ejus praecepta tua fulgeant, ut tuae castitatis exemplo cunctis sibi subditis imitationem praebeat puram, et bonum conscientiae testimonium ostendens in Christo Jesu firma et stabilis perseveret atque ita perceptum ministerium te auxiliante peragat, qualiter ad aeternam remunerationem, te donante, pervenire mereatur. Per eundem Dnm nrm. Tunc det ei regulam dicens: Accipe regulam sanctae conversationis simulque gratiam divinae benedictionis, et cum per hanc cum grege tibi credito in districti judicii die Domino incontaminata repraesentari valeas, ipse te adjuvare dignetur, qui cum Deo Patre vivit.
138.1101D| Sequitur oratio.
Domine Deus omnipotens, qui sororem Moysi Mariam praecinente cum caeteris mulieribus inter equoreas undas cum tympanis et choris laetam ad litus maris venire fecisti, te supplices deprecamur pro fideli famula tua, quae hodie materna, in cathedra super universas subditas sibi abbatissa constituitur, ut ita canonica norma tueatur cunctas famulas tuas, quatenus ad aeternam gloriam te auxiliante cum omnibus illis introeat laeta, ibique exultans cum angelis canens cantica nova, sequatur agnum quocunque ierit Xpm Dnm nrm. Famulam tuam quaesumus Domine tua semper gratia benedicat, et inculpabilem ad vitam perducat aeternam. 138.1102A| Per. Quodsi ordinatio in domo sua facta fuerit imponatur Te Deum laudamus. Populo acclamante Kyrie eleison. Postea dicatur haec oratio pro adepta dignitate. Omnium Domine fons bonorum, justorumque profectuum munerator, tribue quaesumus famulae tuae adeptam bene gerere dignitatem et a te sibi praestitam bonis operibus comprobare. Per. Item si alibi consecrata fuerit, regressae ad monasterium omnis chorus virginum honorifice procedat ei obviam cum crucibus, aqua benedicta, incenso et evangelio, et in ipso eodem introitu imponant Te Deum laudamus, turba acclamante Kyrie eleison, et presbytero prosequente orationem ut supra. Omnium Domine fons bonorum.
ORDINATIO ABBATISSAE
MONASTICAM REGULAM PROFITENTIS. Capitulum ex canone Theodori archiepiscopi Anglorum. (Ex cod. monast. Murensis olim monasterii in Nidermunster Ratisb. saec. XI circ. )
138.1102B|
In ordinatione Abbatissae episcopus debet missam celebrare, et eam benedicere hoc modo.
Post antiphoniam ad introitum, et datam orationem, et reliquum officium missae usque ad evangelium, prosternat se electa ante altare retro episcopum, fiantque ibi laetaniae, sequitur Pater noster cum precibus istis: Salvam fac ancillam tuam Domine. Deus meus.
Dominus conservet eam, et vivificet eam.
R\ Et beatam faciat eam in terra.
138.1102C| Dominus custodiat introitum tuum et exitum tuum. R\. Ex hoc nunc.
Dominus custodiat te ab omni malo.
R\. Custodiat animam tuam Dominus.
Mittat tibi auxilium de sancto. R\. Et de Sion.
Esto illi turris fortitudinis. R\. A facie.
Exurge Domine adjuva nos. R\. Et libera nos.
Domine exaudi orationem meam. R\. Et clamor.
Precibus istis finitis benedicat eam episcopus inclinato capite ita dicens:
Dominus vobiscum. R\. Et cum spiritu.
Sequitur ista Oratio.
Concede quaesumus omnipotens Deus affectui nostro miserationis effectum, et famulam tuam, quam 138.1102D| ad regimen animarum elegimus, gratiae tuae dono prosequere, ut te largiente cum ipsa tibi nostra devotione placeamus. Per Dnm nrm Jesum Chrm
Alia. Cunctorum bonorum institutor Deus, qui per Moysen famulum tuum ad gubernandas Ecclesias praepositos instituisti, tibi supplices fundimus preces, te devotis mentibus exoramus, ut hanc famulam tuam N. quam cohibentia et electio famularum tuarum abbatissam hodie famularum tuarum instituit, protectionis tuae gratia munire digneris, sicque regere subditas, commendatasque oves concedas, ut cum illis omnibus regna coelorum adepta, et Domino opitulante apostolicis jugiter fulta doctrinis cum fructu centesimo laeta introeat portas 138.1103A| paradysi, atque te conlaudante Domine audire mereatur: Euge ancilla bona, et fidelis, quia in pauco fuisti fidelis, super multa te constituam, intra in gaudium Domini tui. Quod ipse praesta.
Tunc imponit ei manum super caput dicens orationem hanc in modum praefationis.
Omnipotens sempiterne Deus benedictionis tuae Spiritum N. orantibus nobis propitiatus infunde, ut quae per manus hodie impositionem abbatissa constituitur, sanctificatione tua digne a te electa permaneat, ut nunquam postmodum de tua gratia separetur indigna. Suscipiat te Domine largiente hodie in bono opere perseverantiam, in adversis constantiam, in tribulatione tolerantiam, in jejuniis desiderium, in impietatibus misericordiam, in humilitate 138.1103B| principatum, in superbia odium, in fide dilectionem, in doctrina vigilantiam, in castitate continentiam, in luxuria abstinentiam, in varietatibus moderantiam, in moribus doctrinam. Te munerante Domine talis in hoc ministerio, qualis levita electus ab apostolis sanctus Stephanus meruit perseverare. Totam ab hodie diabolicam conversationem despiciat, tua Domine benedictione largiente contempnat presentia, diligat coelestia, praemia desideret sempiterna. Sit exemplum, et forma justitiae ad gubernandam, regendamque Ecclesiam fideliter, ut speculatrix idonea inter suas collegas semper efficiatur, sit magni consilii, industriae, censurae, efficatiae, disciplinae. Ita te Domine tribuente in omnibus mandatis tuis sine reprehensione tibi mundo 138.1103C| corde deserviat, ut ad bravium supernae vocationis multiplicato foenore cum centesimo fructu, coronaque justitiae ad coelestium thesaurorum dona tua perveniat. Per.
Tunc det ei regulam dicens:
Accipe regulam a sanctis Patribus nobis traditam, ad regendum custodiendumque gregem tibi a Domino creditum, quantum Deus ipse te confortaverit, ac fragilitas humana permiserit.
Domine Deus omnipotens, qui sororem Moysi Mariam praeeuntem cum caeteris mulieribus inter aequoreas undas cum tympanis et choris laetam ad litus maris venire fecisti, te supplices deprecamur pro fideli famula N. quae hodie materna in cathedra super universas subditas sibi abbatissa constituitur, 138.1103D| ita canonica norma tueatur cunctas famulas tuas, quatenus ad aeternam gloriam te auxiliante cum illis omnibus introeat laeta, ibique exultans cum angelis canens cantica nova sequatur agnum quocunque ierit. Per.
Concede quaesumus omnipotens Deus famulae tuae abbatissae, ut ostendendo et exercendo, quae recta sunt, exemplo bonorum operum animas suarum instruat 138.1104A| subditarum, et aeternae remunerationis mercedem a te piissimo percipiat. Per.
Omnium Domine fons bonorum, justorumque provectuum remunerator, tribue famulae tuae adeptam bene gerere dignitatem, et a te sibi praestitam bonis operibus comprobare. Per Dnm nrm.
Quodsi ordinatio abbatissae infra monasterium facta fuerit, imponatur Te Deum laudamus: populo acclamante Kyrie eleison. postea dicatur haec oratio post adeptam dignitatem.
Deus, cui omnis potestas et dignitas famulatur, da famulae tuae N. prosperum suae dignitatis effectum, in qua te semper timeat, tibique jugiter placere contendat. Per.
Si alibi consecrata fuerit abbatissa, regressae ad 138.1104B| monasterium omnis chorus monacharum honorifice praecedat cum crucibus, aqua benedicta, incenso, et evangelio, et in ipso ecclesiae introitu imponatur Te Deum laudamus, turba clamante Kyrie eleison, et presbytero prosequente orationes ut supra: Deus, cui omnis potestas, etc.
CONSECRATIO SACRAE VIRGINIS,
QUAE IN EPIPHANIA, VEL IN SECUNDA FERIA PASCHAE, ET IN NATALICIIS APOSTOLORUM CELEBRATUR.
Omnes, qui ad sacros ordines debent promoveri, ante pronuntiationem evangelii debent consecrari. Virgines post lectum evangelium debent velari, post evangelium, et dictam ea prostrata laetaniam inclinato capite ante altare benedicat eam episcopus dicens:
Respice Domine super hanc famulam tuam N. ut 138.1104C| virginitatis propositum, quod te inspirante suscepit, te gubernante custodiat. Per.
Consecratio in modum praefationis.
Deus castorum corporum benignus habitator et incorruptorum amator cordium. Deus qui humanam substantiam in primis hominibus diabolica fraude viciatam ita in verbo tuo, per quod omnia facta sunt, reparas, ut eam non solum ad primae originis innocentiam revoces, sed etiam ad experientiam quorumdam bonorum, quae in novo seculo sunt habenda perducas, et obstrictos conditione mortalium ad similitudinem provehis angelorum, respice super hanc famulam tuam, quae in manu tua propositum continentiae suae collocans votum, tibi devotionem suam offert, a quo etiam idem votum assumpsit, quando 138.1104D| animus mortali carne circumdatus legem naturae, libertatem licentiae, vim consuetudinis, et stimulos aetatis vinceret, nisi tu per liberum arbitrium hunc amorem clementer accenderes, tu hanc cupiditatem in ejus corde clementer aleres, tu fortitudinem ministrares, effusa in omnes gentes gratia tua, ex omni natione, quae est sub coelo, in stellarum innumerabilem numerum novi testamenti heredibus adoptatis, 138.1105A| inter caeteras virtutes, quas filiis tuis non ex sanguinibus, neque ex voluntate carnis, sed de tuo Spiritu genitis indidisti. Etiam hoc donum in quasdam mentes de largitatis tuae fonte defluxit, ut cum nuptiarum honorem nulla interdicta minuissent, ac super sanctum conjugium initialis benedictio permaneret, existerent tamen sublimiores animae, quae viri ac mulieris copulae fastidirent connubium, concupiscerent sacramentum, nec imitarentur, quod nuptiis agitur, sed diligerent, quod nuptiis praenotatur. Agnovit auctorem suum beata virginitas, aemula integritatis angelicae, illius thalamo, illius cubiculo se devovit, qui sic perpetuae virginitatis est sponsus, quemadmodum perpetuae virginitatis est filius. Imploranti auxilium tuum Domine, et confirmari se benedictionis tuae consecratione cupienti, da 138.1105B| protectionis tuae munimen et regimen, ne hostis antiquus, qui excellentiora studia subtilioribus infestat insidiis ad execandam perfectae continentiae palmam per aliquam mentis serpat incuriam et rapiat de proposito virginum, quod moribus decet inesse nuptarum. Sit in ea Dne per donum Spiritus tui prudens modestia, sapiens benignitas, gravis lenitas, casta libertas, in caritate ferveat, et nihil extra te diligat, laudabiliter vivat, laudarique non appetat. Te in sanctitate corporis, te in animae suae glorificet studiis, amore te timeat, amore te diligat, amore tibi serviat.
Tu ei sis honor, tu gaudium, tu voluptas, tu in moerore solatium, tu in ambiguitate consilium, tu in 138.1105C| injuria defensio, in tribulatione patientia, in paupertate habundantia in jejunio cibus, in infirmitate medicina. In te habeat omnia, quem diligere appetit super omnia, et quod est professa custodiat, scrutatori pectorum non corpore placitura, sed mente. Transeat in numerum sapientium puellarum, ut coelestem sponsum accensis lampadibus cum oleo praeparationis exspectet, ne turbata improvisi regis adventu, sed secura cum lumine, et praecedentium virginum choro jocanter occurrat, et ne excludatur cum stultis, regalem januam cum sapientibus virginibus licenter introeat, et agni tui perpetuo comitatu probabilis mansura castitate permaneat.
Benedictione expleta episcopus mittat velamen super caput ipsius virginis dicens:
138.1105D| Accipe velum sacrum puellae, quod perferas sine macula ante tribunal Christi, cui flectitur omne genu coelestium, terrestrium et infernorum, in secula seculorum.
Tunc cantetur a circumstantibus ad singulas antiphona.
Induit te Dominus cyclade auro texta, et immensis monilibus ornavit te.
¶
Oratio post assumptum velamen.
Famulam tuam Domine custodia muniat pietatis, ut continentiae sanctae propositum, quod te inspirante suscepit, te protegente illesum custodiat. Per.
Sequitur Antiphona. Ipsi sis desponsata, cui an. etc.
Da quaesumus omnipotens Deus, ut haec famula 138.1106A| tua N. quae pro spe retributionis aeternae tibi Domino desiderat consecrari, plena fide, animoque in sancto proposito permaneat. Tu omnipotens Pater sanctificare, et benedicere, in perpetuum conservare digneris, tribue ei humilitatem, castitatem, obedientiam, caritatem, et omnium bonorum operum quantitatem. Da ei Domine pro operibus gloriam, pro pudore sanctitatem, ut ad meritum gloriae possit pervenire. Per.
Tunc cantetur a circumstantibus. Posuit signum in faciem tuam, ut nullum prae, etc.
Deus plasmator corporum, afflator animarum, qui nullam spernis aetatem, non sexum reprobas, nullam conditionem gratia tua ducis indignam, sed creator equalis es et redemptor, tu hanc famulam tuam, quam ex omni numero gregis bonus pastor elegere 138.1106B| ad conservandam coronam perpetuae virginitatis et castitatis animae dignatus es, tuae protectionis scuto et ad omne opus virtutis, et gloriae magistrante sapientia praepara, ut vincens carnis illecebras, et licita connubia recusans, insolubilem tui Filii Domini nostri Jesu Christi copulam mereatur. Huic petimus Domine arma suggeras non carnalia, sed spiritus virtute potentia ut te muniente ei sensus et membra ab omnibus conserventur peccatis, et sub tua gratia vivere cupienti nihil sibi inimicus bonorum de hoc vase nomini tuo consecrato praevaleat vendicare. Omnem genuinum calorem ymber coelestis gratiae extinguat, lumen perpetuae castitatis accendat, facies scandalis pudica non pateat, ne incaute occasionem 138.1106C| tribuat negligentia delinquendi. Sit in ea casta virginitas, ornata fide integra, spe certa, caritate sincera, ut praeparato animo ad continentiam virtus tanta praestetur, quae superet universa figmenta diaboli. Contempnendo praesentia sectetur futura, carnalibus epulis jejunia praeferat, sacras lectiones et orationes conviviis et potationibus anteponat, ut orationibus pasta, illuminata vigiliis virginalis gratiae opus exerceat. His virtutum armis hanc tuam famulam interius exteriusque communiens praesta inoffensum cursum virginitatis implere. Per Dnm.
Ad annulum dandum.
Accipe annulum fidei, signaculum Spiritus sancti, ut sponsa Dei voceris, si ei fideliter servieris. Per.
138.1106D| Ad torquem.
Accipe signum Christi in capite. ut uxor ejus efficiaris, et si in eo permanseris, perpetuo coroneris. Per Dnm.
Interim dicatur antiphona: Annulo suo subarravit. Sequitur Benedictio.
Benedicat te conditor coeli et terrae Deus Pater omnipotens, qui te eligere dignatur ad sanctae Mariae matris Domini nostri Jesu Christi consortium, ut integram et immaculatam virginitatem, quam professa es, coram Domino et angelis ejus conserves, propositum teneas, castitatem diligas, patientiam serves, coronam virginitatis accipere merearis. Per.
Post haec relinquit puella cereos, offerat oblat. iterum 138.1107A| accipiens cereos, stet dum communio et Missa finiatur. Usque in octavam diem communicet. Si est, qui ei testimonium perhibuerit, mittat eam Episcopus in manus suas dicens:
Vide quomodo istam Deo sacratam representes immaculatam ante tribunal Domini nostri.
BENEDICTIO ET ORATIO AD MONACHAS FACIENDAS.
Dignare Domine quesumus famulabus tuis (famulae tuae) renuntiantibus secularibus pompis gratiae tuae januas aperire, quae despecto diabolo confugiunt sub titulo Christi, et venientes ad te sereno vultu suscipe, ne de eis valeat inimicus triumphare, tribue eis infatigabile brachium auxilii tui, mentem earum fidei lorica circumda, ut felici muro vallatae mundum 138.1107B| se gaudeant evasisse. Per.
Alia. Clementissime Deus tuam invocamus pietatem, ut has famulas tuas, quas a seculo conversas in numero Sanctorum tuorum accersere dignatus es, quesumus, ut conversionis suae fidem digne custodiant, et quidquid pro salute animarum suarum deprecatae fuerint, obtineant. Sint vita probabiles, sint sapientes et humiles. Scientia verae, obedientia clarae, convenientes in doctrina, in increpationibus immobiles, in gravitate decorae, in passione piissimae, in operatione cautae, in dispensatione sollicitae, in temptatione fortes, in injuriis patientes, in pace fixae, in elemosinis promptae, in orationibus frequentes, in misericordia efficaces, nec sint immemores, quod tuo judicio judicandae sint. Harum deprecamur 138.1107C| Domine ut munera placatus suscipias, et quicquid a te petierint, clementer impertias. Per.
Omnipotens et misericors Deus totius sanctae religionis origo, omni profitenti tibi vitae salvatio, suscipe professionem famularum tuarum, quae de hujus seculi vanitate ad te confugiunt, sint quesumus te adjuvante ab omni negotiorum secularium strepitu exutae, ab antiqui hostis insidiis ereptae, mortuae huic mundo, remotae ab omnibus pravorum retinaculis. Doce eas Domine omnia hujus vitae prospera contempnere, non timere adversa, non inferre injurias, sed aequanimiter tolerare, inimicos diligere, pro persequentibus, et calumniantibus suppliciter deprecari, nil concupiscere carnaliter, non eas superbia inflet, non ardor avaritiae succendat, non incentiva luxuriae 138.1107D| inflamment, non vana gloria turpiter jactet, non gula aut ebrietas eas praepediat, non ambitio ventosa praecipitet, non ardor animosae contentionis exagitet, non desiderium humanae opinionis elevet, non diabolus auctor perditionis ledat, aut perdat, sed tuae pietatis dextera clementissime Deus a cunctis eruat malis, et in futuro seculo protegat, regat, ac gubernet. Te timeant, imitentur, diligant. Aperi eis sensum, ut divinarum studiis litterarum te legant corde, ore, opere meditentur, intelligant, die noctuque tibi deserviant, coelestia et aeterna sapiant, terrena et caduca respuant, obedientes sint et instructae, amicos et inimicos pro tui nominis amore ament et diligant, humilitatem et utilitatem teneant, 138.1108A| exerceant. Castitatem et pudicitiam corde, ac corpore teneant. Patientiam et longanimitatem arripiant, et custodiant. Jejunio, et abstinentiae studeant, et ament, gemitum et orationem desiderent ac invigilent. Peccata sua incessanter cum lacrimis et suspiriis accusent, et diluant. Te Deum omnipotentem corde, ore, opere circumferant.
Suscipe quesumus sancte Pater omnipotens has famulas tuas, quas de hujus seculi naufragiis et periculis eruisti, ad monasticam vocare dignatus es gratiam. Concede propitius, ut arctam et angustam, quam professae sunt, viam jugiter diligant, sectentur, quatenus ad aeternam, quam in te perseverantibus promittere dignatus es, gloriam pervenire mereantur. Per Dum.
PROFESSIO REGULARIS.
138.1108B|
Ego soror N. ab hodierna die et deinceps monacha promitto stabilitatem hujus vitae, et conversionem morum meorum, et obedientiam secundum regulam sancti Benedicti abbatis, quantum me humana fragilitas permittit, coram Deo et sanctis ejus, et presente abbate. EIBIKA.
Tunc prosternantur ante altare, et dicant hunc versum:
Suscipe me Domine secundum eloquium tuum et vivam, et non confundas me ab expectatione mea. Et tertio repetatur ab omnibus, subjungentes Gloria Patri, et illis jacentibus sequatur letania et preces:
Salvas fac ancillas tuas Domine Deus meus.
138.1108C| Dominus custodiat eas ab omni malo.
Mitte eis Domine auxilium de sancto.
Nihil in eis proficiat inimicus. Et filius.
Esto eis Domine turris fortitudinis. A facie.
Exurge Domine adiu.
Tunc aspergantur aqua benedicta vestimenta, et sequatur ista oratio:
Exaudi quesumus omnipotens Deus preces nostras, et has vestes, quas famulae tuae ad operiendum exposcunt, uberrimae benedictionis ymbre perfunde, sicut perfudisti ora vestimentorum Aaron benedictione perfluenti a capite in barbam ungenti, et sicut benedixisti vestes omnium religiosorum tibi per omnia placentium, ita eas benedicere dignare, ac praesta quesumus Domine, ut supradictis famulabus 138.1108D| tuis haec sint vestimenta salubris protectio, haec cognitio religionis, haec inicium sanctitatis, haec contra omnia tela inimici robusta defensio. Per.
Deus qui vestimentum salutare, et indumentum aeternae jocunditatis tuis fidelibus promisisti, te suppliciter exoramus, ut haec indumenta mortificationis humilitatem cordis, et contemptum mundi significantia, quibus famulae tuae sancto invisibiliter sunt informandae proposito, propitius benedicas, et monasticae religionis habitum, quem te inspirante susceperint, te protegente custodiant. Per.
Alia. Deus bonarum virtutum dator, et omnium benedictionum largus infusor, exaudi preces nostras, et haec vestimenta, quae famulae tuae pro signo 138.1109A| conservandae regulae se ad induendum exposcunt, benedicere et sanctificare digneris. P.
Alia. Adesto Domine supplicationibus nostris et has famulas tuas benedicere digneris, quibus in tuo sancto nomine habitum sanctae religionis imponimus, ut te largiente devote in monasterio persistere, et vitam percipere mereantur. Per.
Da quaesumus Domine famulabus tuis indulgentiam delictorum suorum, quatenus de omnibus, quae carnali delectatione, vel animi cogitatione, aut vana hujus seculi ambitione contra tuorum rectitudinem mandatorum perfecerunt, in presenti vita perseverantes in regulari actione, veniam aeternam percipere mereantur. Per.
Tunc exuantur vestimentis suis, et induantur rebus 138.1109B| monasterii, et dicatur:
Exuat te Dominus veterem hominem cum actibus suis, et induat te novum hominem, qui secundum Deum est creatus in justitia et sanctitate veritatis.
Tunc respondeant omnes: Amen, et ipse oblat. offerant.
MISSA EODEM DIE PRO IPSIS.
Omnipotens sempiterne Deus, qui arctam et angustam viam jussisti arripere, famulas tuas de hujus seculi periculis ad te confugientes propicius suscipe, et delictorum poenam, qua se districtas sentiunt esse pie disrumpe, perseverantiam boni operis et praemia perpetua largire. Per.
Praefatio.
138.1109C| VD. usque aeterne Deus tuam deprecamur clementiam, ut famulas tuas, quas hodierna die a mundiali contagione abstrahere et ad monasticae religionis professionem vocare dignatus es, protegas, quibus donasti bonae voluntatis exordium, tribuas rectae operationis perseverantiam, et sempiternae beatitudinis praemium. Per.
Ad Commun.
Haec nos quaesumus Domine divini sacramenti perceptio a nostris emundet offensis, et famulas tuas a mundanis pravitatibus, et omnium tumultuum carnalium delectationibus clementer eruat. Per.
Alia. Famulas tuas Domine quaesumus custodia tuae pietatis mundet et muniat, ut virginitatis sanctae propositum, quod mente susceperunt, te protegente 138.1109D| illaesum custodiant in aeternum. Per
Alia. Famulas tuas quaesumus Domine tua dextera benedicat, et inculpabiles ad vitam aeternam perducat. Per.
ORDINATIO ABBATIS. Ex Canone Theodori. ( Ex cod. Vind. Th. 359, saec. X vel XI.
In ordinatione abbatis debet episcopus missam celebrare, et eum benedicere inclinato capite cum duobus vel tribus de fratribus suis, et dat ei baculum et 138.1110A| pedules. Post antiphonam ad Introitum, et datam orat. annuntiat episcopus in populum, dicens allocutionem.
Ecclesiae nostrae fratres kmi, pater electus suum adest ordinem ad suscipiendum. Unde apostolica prius eum censemus auctoritate examinandum, suum propositum, et sancti Benedicti regulam si velit ipse observare, sibique subjectos, ut idipsum faciant, diligenter instruere, res quoque ecclesiae ubique locorum hactenus dispersas injuste, quantum praevalet congregare, easque in usus ecclesiae et fratrum pauperum etiam, et peregrinorum observare, sicque dignum esse, ad ordinem accedere. Eo autem profitente pro viribus haec adimplere, prosternat se episcopus ante altare, et abbas sacris vestibus 138.1110B| indutus. Fiant ibi letaniae. Sequitur. Pater noster. Preces.
Salvum fac servum tuum Domine. Deus meus sperantem in te.
Dominus conservet eum et vivificet eum. Et beatum faciat.
Dominus custodiat introitum tuum et exitum tuum. Ex hoc nunc.
Dominus custodiat te ab omni malo. Custodiat animam.
Mittat tibi auxilium de sancto. Et de Sion tueatur.
Nihil proficiat inimicus in eo. Et filius iniquitatis.
Esto illi Domine turris fortitudinis. A facie inimici.
Exurge Domine adjuva eum. Et redime eum.
Domine exaudi orationem meam. Et clamor meus.
138.1110C| Sequitur oratio.
Concede quaesumus omnipotens Deus affectui nostro tuae miserationis effectum, et famulum tuum N. quem ad regimen animarum eligimus, gratiae tuae dono prosequere, ut te largiente cum ipsa tibi nostra electione placeamus. Per.
Tunc det ei regulam dicens.
Accipe regulam a sanctis Patribus nobis traditam, ad regendum, custodiendumque gregem tibi a Deo creditum, quantum Deus ipse te confortaverit, ac fragilitas humana permiserit. Per.
Tunc det ei baculum dicens.
Accipe baculum pastoralem, quem praeferas catervae tibi commissae ad exemplum justae severitatis et 138.1110D| correptionis.
CONSECRATIO.
QUANDO ABBAS VEL ABBATISSA ORDINANTUR IN MONASTERIO.
Cunctorum bonorum operum institutor, etc. Tunc imponat ei manum super caput dicens hanc orationem in modum Praefationis. Omnipotens sempiterne Deus affluentem spiritum, etc. Deus omnium fidelium pastor et rector, famulum tuum, quem ecclesiae tuae praeesse voluisti propitius respice; da 138.1111A| ei quaesumus, verbo et exemplo, quibus praeest, proficere, ut ad vitam unacum grege sibi commisso perveniat sempiternam. Per.
Oratio adepta dignitate.
Omnium fons Domine bonorum etc. Deus cui omnis potestas etc. Sequitur Te Deum laudamus populo acclamante Kyrie eleison. Postea dicit orationem: Deus aeterne lucis inventor, omnipotentiam tuam supplici prece deposcimus, ut famulum tuum N. quem ad regimen animarum eligimus, gratiae tuae dono prosequaris, ut te largiente cum ipsa tibi nostra electione placeamus. Per unigenitum tuum Dnm nrm Ihm Xpm, cum quo et Spiritu sancto unus et verus es Deus, qui vivis et regnas per omnia saecula.
MISSA PRO ABBATE.
138.1111B|
Protector noster aspice Deus. Ps. Quam dilecta tabernacula. Missa. Concede quaesumus Domine 138.1112A| famulo abbati, ut praedicando et exercendo, quae recta sunt exemplo bonorum operum animos suorum instruat subditorum, aeternae remunerationis mercedem a te piissimo pastore percipiat. Per.
Secreta. Munera quaesumus nostra Domine suscipe placatus, et famulum tuum N. semper ubique misericorditer protege. Per.
Benedictiones. Benedicat te Deus coeli, adjuvet te Christus Filius Dei, corpus tuum in servitio suo custodire et conservare dignetur. Amen. Mentem tuam illuminet, sensum tuum custodiat, gratiam suam ad profectum animae tuae tibi porrigat. Amen. Ab omni malo te liberet, dextera sua defendat, et qui Sanctos suos semper adjuvat, ipse te adjuvet, et ad coelestia regna perducat. Amen.
138.1112B| Ad Complendum.
Haec nos Domine communio purget a crimine, et famulum tuum benigna pietate conservet. Per.