Capitula Moguntiacensia

by 0

Sine Nomine

Capitula Moguntiacensia

saeculo IX

editio: incognita
fons: []

Volumus, ut omnes sacerdotes nostri hoc ordine requirantur:

I.

Inprimis, si fidem rectam sibi intellegat pleniter et alios docere possit.

II.

Similiter de oratione dominica et simbolo.

III.

Post hæc, si eorum psalmos sciant et interpretari possint, quia, si hæc non sciunt, eorum debitum persolvere non possunt, hoc est primam, III., VI., IX., vesperam, completam, nocturnam, matutinam.

IV.

Post autem, ut missam intellegere sciant, tam ipsum canonem quam et alias orationes, quæ ad ipsam missam pertineant.

V.

Simili modo evangelia et lectiones sive omelias ad populum predicandum.

VI.

Similiter signaculum sive omnis baptismatis offitium et memoriter teneant et disponere sciant.

VII.

Similiter et pænitentialem sive et compotum, canonem, unde iam non semel ammonuimus.

VIII.

Et, quando oblationes super ipsum altare sanctum offerunt, quid dicit, quando illas oblationes ponunt super ipso altare.

IX.

Et capitularem, quam de baptismi offitio vel venientium ad fidem eis dedi, ipsum intellegant et memoriter teneant.

X.

Similiter de ministris ecclesiæ, quid significant et unde originem acciperunt, hæc sunt patriarcha, archiepiscopus, metropolis, episcopus sive clericus – unde apellatus est clericus – de minoribus gradibus, sicut est presbiter, diaconus, subdiaconus, lector, acolitus, exorcista, hostiarius.

Ista omnia volumus ab eis requirere, et archipresbiteri nostri assiduæ ista omnia ab eis requirant.

XI.

Et quando missam celebrent, discipulum habeant, qui responsum eis dare possit.