I.[recensere]
Ut unusquisque sacerdos aut clericus ecclesiam habens libros, id est missalem, psalterium, lectionarium, bene correctos habeat octabas paschæ.
II.[recensere]
Ut ministerium sacerdotale, id est vestimentum, calicem et patenam, melius preparent atque sandalia.
III.[recensere]
Ut de luminaribus ecclesiarum maius studium habeant.
IV.[recensere]
Ut quartam partem rerum suarum in usus ecclesiæ convertant.
V.[recensere]
Ut proprias domus et conversationes honestius preparent.
VI.[recensere]
Ut frequentationes mulierum caveant seque ab eis custodiant.
VII.[recensere]
Ut a publicis mercatis sicuti a tabernis omnimodis abstineant.
VIII.[recensere]
Ut diem dominicum et ipsi observent et plebibus observare precipiant.
IX.[recensere]
Ut nullus solus missam cælebret.
X.[recensere]
Ut nullus nisi in pascha et pentecosten baptizet exceptis infirmis.
XI.[recensere]
Ut hospitalitatem diligant.
XII.[recensere]
Ut nullus de parrochia alterius infantes baptizet.
XIII.[recensere]
Ut nequaquam ecclesias ita neglegant sicuti actenus factum manifestum est.
XIV.[recensere]
Ut conversatio sacerdotis idoneos testes habeat.
XV.[recensere]
Ut prescriptis duobus temporibus, id est pascha et pentecosten, in vicis baptizent, quibus in locis baptismales ecclesias antiqua consuetudo appellat.