Carmina (Catullus)/107

E Wikisource
Jump to navigation Jump to search
Fairytale left blue.png Carmen 106 Carmen 108 Fairytale right blue.png

Si quicquam cupido optantique obtigit umquam
insperanti, hoc est gratum animo proprie.
quare hoc est gratum nobis quoque, carius auro
quod te restituis, Lesbia, mi cupido.
restituis cupido atque insperanti, ipsa refers te
nobis. o lucem candidiore nota!
quis me uno vivit felicior, aut magis hac est
optandus vita dicere quis poterit?

Fairytale left blue.png Carmen 106 Carmen 108 Fairytale right blue.png