Carmina (Catullus)/115

E Wikisource
Jump to navigation Jump to search

Fairytale left blue.png Carmen 114 Carmen 116 Fairytale right blue.png

Mentula habet iuxta triginta iugera prati,
     Quadraginta arui: cetera sunt maria.
Cur non diuitiis Croesum superare potis sit
     Vno qui in saltu tot bona possideat,
Prata, arua, ingentis siluas saltusque paludesque
     Vsque ad Hyperboreos et mare ad Oceanum?
Omnia magna haec sunt, tamen ipse est maximus ultro,
     Non homo, sed uero mentula magna minax.

Fairytale left blue.png Carmen 114 Carmen 116 Fairytale right blue.png