Migne Patrologia Latina Tomus 139a
Carmina I (Sylvester II), J. P. Migne cc_id: cps_2.SylIi.CarI, cc_idno: 9812 c
I. Epigramma Gerberti episcopi Ravennae, post pontificis Romanï, quod sic se habet inscriptum ad imaginem Boetii. [Baron. Annal. eccles. tom. VII, Append. pag. 5.]
139.0287A|
Roma potens dum jura suo declarat in orbe,
Tu Pater et patriae lumen, Severine Boeti
Consulis officio rerum disponis habenas,
Infundis lumen studiis, et cedere nescis.
Graecorum ingeniis; sed mens divina coerce.
Imperium mundi; gladio bacchante Gothorum,
Libertas Romana perit: tu consul et exsul,
Insignes titulos praeclara morte relinquis.
Nunc decus imperii summas qui praegravat artes,
Tertius Otto sua dignum te judicat aula,
139.0287B| Aeternumque tui statuit monumenta laboris,
Et bene promeritum meritis exornat honestis.
II. Epitaphium regis Francorum Lotharii. [Apud Duchesn. Script. rer. Franc., tom. II, inter epist. Gerberti.]
Cujus ad obsequium coiere duces, bonus omnis
Quem coluit, sate Caesaribus, monumenta doloris
139.0288A| Caesar Lothari praetendis luce secunda,
Terrifici Martis quod eras conspectus in astro.
III. Epitaphium ducis Friderici. [Ibid.
Francorum placito nomen tulit hic Friderici:
Quem proavi fudere duces a sanguine regum,
Officio meritisque parem sopor ultimus hausit.
Mercurii cum celsa domus tibi, Phoebe, pateret.
IV. Epitaphium Adalberti Scholastici. [Ibid.]
Edite nobilibus studium rationis adepte,
Dicit Adalbertum te Belgica flore juventae,
Stare diu non passa, tulit fortuna recursus,
139.0288B| Bis senas Februi cum produxisset Apollo.
V. Epitaphium Ottonis imperatoris. [Ibid.]
Cujus ad imperium tremuere duces, tulit hostis
Quem dominum populique suum novere parentem,
Otto decus divum, Caesar charissime, nobis,
mmeritis rapuit te lux septena decembris.