Migne Patrologia Latina Tomus 94
Carmina dubia (Auctor incertus (Beda?)), J. P. Migne
HYMNUS PRIMUS. De duodecim signis zodiaci.
(0637B)
Primus adest Aries, obscuro lumine labens,
Proximat inde sequens projecto corpore Taurus,
Sic gemini fulgent jactantes orbibus ignem,
Aestifer est pandes ferventia sidera Cancri,
Hunc subter fulgens serpit vis torva Leonis,
Quem rutilo sequitur collucens corpore Virgo.
Exin projectae claro collumine Chelae,
Ipsas consequitur lucens vis magna Nepaei,
Inde Sagittipotens dextra flexum tenet arcum,
Post hunc cornifero Capricornus lumine pergit,
Humidus at lato collucet Aquarius orbe,
Squammiferi rectoque natant tunc ordine Pisces.
HYMNUS II. De aetatibus.
(0638B)
Ter binos deciesque novem super exit in annos
Justa senescentum quos implet vita virorum,
Hos novies superat vivendo garrula Cornix,
Et quater egreditur cornicis saecula Cervus,
Aeripedem cervum ter vincit Corvus et illum
Multiplicat novies Phoenix reparabilis Ales,
Quem nos perpetuo decies praevertimus aevo
Nymphae Hamadryades quarum longissima vita est
Haec cohibet finis vivacia freta animantum,
Caetera secreti novit Deus arbiter aevi.