Migne Patrologia Latina Tomus 135
Charta
Charta (Udalricus Augustanus), J. P. Migne 135.1073D
Charta
135.1073C| Omnibus spem vitae gerentibus, et adhuc in posterum nascentibus notum sit quod primo Ottone 135.1073D| principatum regni procurante, sanctissimae memoriae Udalricus, Augustensis civitatis episcopus, Campidonensis monasterii ovile de manu praedicti principis suscepit, et ad ipsum, non avaritiae vel austeritatis causa, sed pro augendo sanctae Mariae servitio, paterna provisione procuravit. Per id tempus, duobus electis fratribus in eodem monasterio militantibus vir venerabilis sui laboris pondus commendans, Moysen legiferum vatem imitatus est, qui frequentia populi fatigatus, Aaron et Hur adjutorio sublevatus. In eadem vice sanctus Udalricus unum, nomen habentem Liuterich, infra claustrum fratribus Deo servientibus decanum et magistrum fieri destinabat: alterum Irminhart vocatum in praepositura saecularis negotii desudare praecipiebat. Huic Irminhardo in 135.1074C| exterioribus rebus prudenter conversanti, et dignis meritis suis bonam famam in contiguis partibus et 135.1074D| in regis foribus promerenti, placuit ut aliquod remedium suae animae praepararet, et ut in honore Dei basilicam fundotenus construeret, quam ut mente disposuit, Dei adjutorio et optimi episcopi consilio operis expletione perpetravit, et hanc ipsam ecclesiam in pomoerio fratrum honorifice constructam Deo dignus Vodalricg episcopus in honore sanctae Crucis, et sancti Herasmi et sancti Nicolai confessoris VII Idus Maii dedicavit, et coram multitudine cleri et populi episcopali sententia decrevit, ut unus ex fratribus, qui in regulari vita, morum excellentia dignus fuisset, eamdem ecclesiam quotidiano obsequio provideret, et quotidie sui videlicet episcopi annonam de cellario fratrum pleniter acciperet; dedicatoque altari vir sanctus, omni pietate circumseptus, 135.1075A| in legitimam dotem unum mansum in Ivoningewe, et dimidium in Lietenbere, et tertiam partem in Heimirtingen donans, et adhuc ex tali paupertate ecclesiam non posse procurari existimans, unum mancipium, quod vocabatur, Madelbreth, cum novali quod primus ex viridi silva in monte Chnieboz cepit, adjuncta manu Salechonis advocati 135.1076A| in hoc altare contradidit. Dehinc sacerdotali veste indutus, coram populo publice dixit: « Si qua persona huic ecclesiae vel altari aliquid horum, quae dedimus, abstrahat, huic aeternae vitae januam intrare non liceat, et ab hac luce sequestretur, quam in conspectu Dei omnis justus feliciter contuetur. »
(no apparatus)