Migne Patrologia Latina Tomus 137
Chartularium S. Maioli
Chartularium S. Maioli (Auctores varii), J. P. Migne 137.0780D
- I. Charta Lotharii regis de S. Amando Cluniacensi monasterio concesso, tempore Maioli abbatis. (Anno 960.)
137.0779C|
In nomine sanctae et individuae Trinitatis LOTHARIUS gratia Dei rex.
Praecessorum nostrorum consuetudines regum obtinemus, si familiariter congruis in petitionibus fideles nostros exaudimus. Quapropter universae sanctae Dei Ecclesiae, nostrorumque omnium fidelium tam praesentium quam et futurorum animis notum esse volumus, quoniam domina mea mater gloriosissima Gerberga regina per consensum suorum nostrorumque fidelium, accessit nostrae praesentiae serenitatem maternis, cum jussionibus rogans, ut monasterium quod est situm in comitatu Trahesino in honore 137.0779D| S. Amandi, dicatumque, eo quod absque rectoribus etiam veluti inhabitabilibus locis, monasterio Cluniacensi suisque rectoribus subderemus, cum suis omnibus ad se pertinentibus tam in villis quam in praediis omnibus, cum mancipiis utriusque sexus, pratis, vineis, silvis, aquis, aquarumque decursibus, et regressibus, et exitibus. Cui assensum praebentes, quod aequum fuerat, petitiones . . . . . . . in harum jussione ut in aliis suscepimus, praefatumque monasterium S. Amandi cum omni integritate, ut jam dictum est, jam dicto Cluniacensi monasterio subdendo concessimus eo statu, ut inquantum Deus illis suppeditaverit auxilium, eum construant, locumque habitabilem, prout potuerint reddant, quatenus cunctipotens Deus ibi jugiter laudetur cum sanctis dominaque 137.0780B| mea gloriosissima nobiscum mater, quae hoc 137.0780C| statuit, aeternae felicitatis praemio, Christo largiente, donetur. Et quo firmius credatur, stabiliusque possideatur, manu propria subterfirmavimus, et annulo nostrae auctoritatis insigniri jussimus.
Signum domni et gloriosissimi Lotharii regis.
Gebo humilis quaestor ad vicem Artoldi archiepiscopi summique cancellarii cognovit.
Datum IX Kal. Decembr. regnante gloriosissimo Lothario rege anno V, ind. III. Actum Divioni in palatio ter. Amen.
- II. Charta Theobaldi Cabilonensis comitis, qua donationem monasterii S. Marcelli Cabilonensis Maiolo Cluniacensi abbati factam confirmavit
Ego in Dei nomine THEOBALDUS comes Cabilonensis 137.0780D| omnibus filiis sanctae Ecclesiae in Domino salutem.
Audivi a praedecessoribus meis, et vicinis antiquis viris, quod nobilissimus comes Gaufredus, qui post mortem praestantissimi et Christianissimi comitis avi nostri Lamberti accepit ejus conjugem aviam meam Adheidem comitissam, accessit ad beatae recordationis abbatem Mayolum, et commendavit illi monasterium in suburbio Cabillonensis civitatis a Guntranno nobilissimo et religioso rege magnifice constructum, ubi requiescit corpus beati Marcelli martyris, eo tenore ut religionem monastici ordinis, quae pene abolita fuerat, reformaret; jura et possessiones ad ipsum locum pertinentes excoleret: et ut ipse, et successores ejus Cluniacenses abbates perpetualiter 137.0781A| haberent et possiderent. Hanc autem commendationem sive donationem fecit supradictus comes Gauffredus domno Mayolo, cum consilio conjugis suae, et filii ejus Hugonis tunc clerici, postea episcopi, annuente et laudante Almerico duce. Postea vero regnante serenissimo rege Roberto, avunculus meus domnus Hugo comes et episcopus, praesente ipso rege, comitibus et episcopis istius patriae, supradicti monasterii donum tradidit domno Odiloni abbati, successori abbatis Mayoli, ut ipse jure antecessori sui locum haberet, teneret et possideret. Ego vero gratia Dei comes Theobaldus, quod antecessores nostri et parentes Deo et sancto Petro, et loco 137.0782A| Cluniacensi dederunt, laudo, volo et confirmo; et uxori meae, et meis fidelibus laudare et firmare facio: et quandiu vixero, testis et adjutor ero. Post meum decessum qui contra hanc restitutionem venerit, iram Dei omnipotentis incurrere sese non dubitabit.
Signum Theobaldi comitis, qui hoc testamentum laudavit atque firmavit, suosque fideles et amicos firmare praecepit.
S. Ermentrudis ejus conjugis.
S. Hugonis de Mont-Paon.
S. Ansedei de Naviliaco.
S. Tetardi de Raon.