Commune

by Auctor incertus

Auctor incertus

Commune

saeculo VIII

editio: Migne
fons: Corpus Corporum

Migne Patrologia Latina Tomus 86

Commune (Auctor incertus), J. P. Migne

INCIPIT OFFICIUM UNIUS INFIRMI, SIVE PLURIMORUM INFIRMORUM:

(0971C) Et dicitur officium istud in sexta feria, quando non habuerit aliqua festa recitare, vel in alio tempore, quando sibi placuerit recitare illud.

[CXLV] Ad Vesperos. (0971D)In nomine Domini nostri Jesu Christi lumen cum pace. R\. Deo gratias.

Dominus sit. R\. Et cum.

Lauda. Dominus illuminatio mea, et salus mea, quem timebo?

Dominus sit. R\. Et cum.

Sonus. Sana, Domine, omnes languores nostros. Alleluia. V\. Redime de interitu vitam nostram. Alleluia, alleluia.

Antiphona. Christe Domine, qui es medicus salutaris, P. Tribue languidis subsidium medicinae coelestis. V\. O Domine salvos nos fac, o Domine bona prosperare. P. Tribue. V\. Gloria, et honor. P. Tribue.

Dominus sit. R\. Et cum.

Lauda. Salvos nos faciat dextera tua. Alleluia. P. (0972C)Exaudi nos Domine Deus noster: Alleluia, alleluia, V\. Ut confiteamur nomini sancto tuo: et gloriemur in laude tua. P. Exaudi. V\. Gloria, et honor. P. Exaudi.

Dominus sit. R\. Et cum.

Lauda. Salvos nos fac Domine Deus noster: Alleluia. P. Et congrega nos de nationibus: Alleluia, alleluia. V\. Ut confiteamur nomini sancto tuo: et (0972D)gloriemur in laude tua. P. Et congrega. V\. Gloria. P. Alleluia, alleluia.

Hymnus.

Christe, coelestis medicina Patris, Verus humanae medicus salutis, Providae plebis precibus potenter Pande favorem.

En ob infirmos tibi supplicamus, Quos nocens pestis valitudo quassat; Ut pius morbum releves jacentum, Quo quatiuntur.

Qui potestate manifestus extans, Mox Petri socrum febribus jacentem, Reguli prolem, puerumque salvans Centurionis.

(0973A)Ferto languenti populo vigorem: Efflue largam in populis salutem: Pristinis, more solito, reformans Viribus aegros.

Corporum morbos, animaeque sana: Vulnerum causis adhibe medelam; Ne sine fructu cruciatus urat Corpora nostra.

Omnis impulsus perimens recedat: Omnis incursus crucians liquescat: Vigor optatae foveat salutis Membra dolentis.

Jam, Deus, nostros miserere fletus; Sic quibus te nunc petimus mederi; Ut tuam omnis recubans medelam (0973B)Sentiat aeger:

Quo, per inlata mala dum teruntur, Eruditorum numero decori Compotes intrent, sociante fructu, Regna polorum.

Gloriam psallat chorus, et resultet; Gloriam dicat, canat, et revolvat: Nomini Trino, Deitati soli Sidera clament.

Supplicatio. Oremus Redemptorem mundi, Dominum nostrum Jesum Christum, cum omni supplicatione rogemus; ut vulnera famulorum suorum, omnium fidelium infirmorum, propitius curare dignetur. R\. Praesta aeterne omnipotens Deus.

(0973C)Kyrie eleison. R\. Christe eleison. Kyrie eleison.

Capitula. Precamur, Domine, ut nos in ira tua non arguas: et furorem tuum in nos desaevire non sinas: sed placidus correptor tolle peccandi usum; ne nos arguendo durius, propellas ad nihilum: Miserere ergo [CXLVI] infirmitati nostrae: et famulorum tuorum, omnium fidelium infirmorum tuam imperti medelam: et quos cernis proprio turbari peccato, quietos deputa, misericorditer indulgendo.

Pater noster. A malo nos libera. fol. 10.

Benedictio. Omnipotens Dominus, qui fidelissimos famulos suos, omnes fideles infirmos, corporali corripit vulnere, ipse illos, et nos a corporis, mentisque aegritudinibus expiet. R\. Amen. Quique nostram in se suscepit infirmitatem, ipse nobis, et illis tribuat (0973D)tolerantiae sine fine mercedem: R\. Amen. Sicque omnes in communi, ejus pietas foveat, ut nec corrupta nostra salus desaeviat; nec desperationis infirmitas illata succumbat. R\. Amen.

Lauda. Salvos nos fac Domine Deus noster: Alleluia. P. Ut confiteamur nomini sancto tuo, Alleluia: et gloriemur in laude tua. Alleluia, alleluia. V\. Memento nostri Domine in beneplacito tuo: visita nos Deus in salute tua. P. Ut confiteamur. V\. Gloria, et honor. P. Ut confiteamur.

Oratio. Omnipotens sempiterne Deus, inclina. Ut hic infra.

Per misericordiam.

Dominus sit. R\. Et cum.

(0974A)In nomine Domini nostri Jesu Christi, salus infirmorum cum pace. R\. Deo gratias.

Ad Matutinum. Ne projicias nos Domine a facie tua: P. Et spiritum sanctum tuum ne auferas a nobis. Psalm. L. P. Et spiritum sanctum. Ne projicias.

Oratio. Ne projicias nos Domine a facie tua; neque auferas misericordiam tuam a nobis: ut quos reatus facinoris tenet obnoxios; miserationis tuae clementia faciat absolutos. R\. Amen.

Per.

Antiphona. Salvator noster, salva nos in dilectione tua; P. Et indulgentia tua libera nos. V\. Ad te levamus oculos nostros, qui habitas in coelis. P. Et indulgentia. V\. Gloria. P. Et indulgentia.

(0974B)Oratio. Omnipotens sempiterne Deus, inclina aurem tuam supplicationibus nostris: et famulis tuis, omnibus fidelibus infirmis, adversa corporis valitudine laborantibus, coelestis gratiae medicinam concede.

Per. R\. Amen.

Antiphona. Ostende nobis Domine misericordiam tuam: P. Et salutare tuum da nobis. V\. Ut confiteamur nomini sancto tuo: et gloriemur in laude tua. P. Et salutare. V\. Gloria, et honor. P. Et salutare.

Oratio. Deus, qui confitentium tibi corda purificas; et accusantem conscientiam ab omni vinculo iniquitatis absolvis: da indulgentiam famulis; et coelestis gratiae synceram medicinam eorum tribue (0974C)corporibus. R\. Amen.

Per.

Antiphona. Convertere Domine, et eripe animas nostras. P. Et salvos nos fac propter misericordiam tuam: quia non est in morte qui memor sit tui. V\. Domine, ne in furore tuo arguas nos: neque in ira tua corripias nos. P. Et salvos. V\. Gloria, et honor. P. Et salvos.

Oratio. Adesto quaesumus, Domine, supplicibus tuis: et quibus austeritatem justae correptionis infligis, propitius adhibe auxilium misericordissimae consolationis. R\. Amen.

Per.

R\. Virtus nostra, Domine, esto firmamentum infirmis: (0974D)P. Esto refugium, et liberator oppressis: V\. Esto brachium nostrum in mane, et salus nostra in tempore tribulationis. P. Esto refugium. V\. Gloria, et honor. Reiteretur Responsorium.

Antiphona. Ego occidam, et vivere faciam: percutiam, et ego sanabo.

Canticum Deuteronomii (Cap. XXXII).

Vidi enim eos fatigatos, * et defectos in obductione, et dissolutos.

Et dixi: Ubi sunt dii tui Israel, * in quibus confidebas in ipsis?

Quorum adipe sacrificiorum edebatis, * et bibebatis: vinum libationum eorum:

Exurgant nunc, et adjuvent vos, * et fiant vobis protectores.

(0975A)Videte, videte, quoniam ego sum Dominus, * et non est alius praeter me:

Ego sum qui occidam, et vivere faciam: * percutiam, et ego sanabo.

Matutinarium. Illumina Domine vultum tuum super nos, et miserere nobis: P. Ut cognoscamus in terra viam tuam. V\. Deus misereatur nobis, et benedicat nos: P. Ut cognoscamus.

Lauda. Laudate Dominum omnes gentes Alleluia, alleluia: et collaudate eum omnes populi. P. Quoniam confirmata est super nos [CXLVII] misericordia ejus: et veritas Domini manet in aeternum. V\. Gloria, et honor.

Lectio libri Hieremiae Prophetae (Cap. XXIX).

R\. Deo gratias.

(0975B)Haec dicit Dominus: Ecce ego visitabo vos: et suscitabo super vos verbum meum bonum, et reducam vos ad locum istum. Ego enim scio cogitationes, quas cogito super vos, ait Dominus, cogitationes pacis, et non afflictionis, ut dem vobis fidem, salutem, et patientiam. Et invocabitis me, et timebitis: orabitis me, et ego exaudiam vos. Quaeretis me, et invenietis: cum quaesieritis me in toto corde vestro, inveniar a vobis, ait Dominus omnipotens. R\. Amen.

Hymnus. Christe coelestis. Ut supra in Vesperis.

Capitula. Respice, Domine, super famulos tuos, omnes fideles aegrotos, tui nominis invocatione gaudentes: tribue eis medicinam coelestem: tutelam mentis infunde: et ab omni infirmitate, et languore (0975C)eos liberare dignare.

Pater noster. A malo nos libera. Fol. 10.

Lauda. Salvos nos fac. Ut supra in Vesperis.

Ad Tertiam. Lectio libri Proverbiorum Salomonis (Cap. VII).

R\. Deo gratias.

Fili, Custodi sermones meos, et praecepta mea reconde tibi. Serva mandata mea, et vives. R\. Amen.

Antiphona. Dominus virtutum, ipse est Rex gloriae. Psalmus XXIII.

Oratio. Domine fortis et potens, Domine virtutum, ipse es Rex gloriae: ab omni peccato cor nostrum munda, et manus nostras innoxias serva; et animas nostras a vanitate dissocia: ut in loco sancto tuo (0975D)stare, et a te Domino Deo nostro benedictionem mereamur percipere. R\. Amen.

Per misericordiam.

Psalmus CXXIV.

Antiphona. Ad te Domine levavi animam meam: Deus meus in te confido, non erubescam: neque irrideant me inimici mei. Reiteretur Antiphona. Ad te Domine.

Oratio. Ad te Domine formam animae nostrae, spei adminiculo erigentes, precamur; sic eam desideriis spiritualibus imbuas, ut carnaliter conversari desistat: ne inimici derideant promittendo terrena, quam spiritualis gratia pertrahit ad superna. Tu itaque Deus Omnipotens, id sapere concede, ut veritati potius, (0976A)quam mendacio ambiat inhaerere; sic libeat humilitati insistere, ut per id et morbum superbiae caveat, et tuorum praemia bonorum cum Sanctis participare suescat. R\. Amen.

Per misericordiam.

Antiphona. Vide humilitatem meam, Domine, vide laborem meum: et dimitte peccata mea.

Psalmus XXIV.

Vide humilitatem meam, et laborem meum: * et dimitte mihi omnia peccata mea.

Respice inimicos meos, quoniam multiplicati sunt, * et odio iniquo oderunt me.

Custodi animam, et eripe me.: * non confundar quoniam invocavi te.

Innocentes et recti adhaeserunt mihi: * quia sustinui (0976B)te, Domine.

Redime me Deus Israel, * ex omnibus angustiis meis.

Gloria, et honor. Reiteretur Antiphona. Vide humilitatem.

R\. Ad adjuvandum nos festina, Domine: ad liberandum nos, P. Ne tardaveris. V\. Deus in nomine tuo salvos nos fac: et in virtute tua libera nos. P. Ne tardaveris. V\. Gloria, et honor. Reiteretur Responsorium.

Lauda. Alleluia, Alleluia, Alleluia, Alleluia, Alleluia, Alleluia. Laus tibi, laus tibi, laus tibi, laus tibi, Jesu Christe. V\. Gloria, et honor. P. Alleluia, alleluia.

Preces. Non est alius, P. Nisi tu Deus, V\. Qui orari possit. P. Nisi, V\. Qui misereri possit. P. Nisi. (0976C)V\. Qui contritos sanet, P. Nisi, V\. Qui infirmos visitet, P. Nisi, V\. Qui captivos liberet, P. Nisi. Reiteretur Non est alius.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut vulnera famulorum suorum omnium fidelium infirmorum propitius curare dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

[CXLVIII] Capitula. Ad te, Domine, levantes animas nostras, precamur; ut eas spirituali sustollas desiderio, quae carnali saepius dimerguntur voto: dona humilitatem, quam ipse videas; et perfice fructuosum laborem, ut peccata dimittas: simplicitas et aequitas nostris inhaereant animis; dolus et injustitia (0976D)procul recedant a nobis.

Pater noster. Sed libera nos.

A malo nos libera, et in tuo timore, et opere bono nos confirma, Trinitas Deus noster; qui es benedictus, et vivis, et omnia regis in saecula saeculorum. R\. Amen.

Benedictio dicatur, ut in Tertia, quae dicitur in diebus feriis per totum annum. Ad Sextam, et Nonam, omnia dicantur, ut in alio tempore.

INCIPIT OFFICIUM MORTUORUM. Ad Vesperos. Antiphona. Eripe Domine animas nostras de morte, ut placeamus tibi in lumine viventium.

Psalmus. (0977A) Eripe animam meam ab impio, * frameam tuam ab inimicis manus tuae.

Eripe me de manu inimicorum nostrorum, * et a persequentibus me.

Illustra faciem tuam super servum tuum, salvum ne fac in misericordia tua: * Domine non confundar, quoniam invocavi te.

Eripe me de inimicis meis Deus meus: * et ab insurgentibus in me libera me.

Eripe me de operantibus iniquitatem: * et de viris sanguinum salva me.

Eripe me de luto ut non infigar: * libera me ab his qui oderunt me, et de profundis aquarum.

Eripe me, quia tu scis improperium meum, * et (0977B)confusionem meam, et reverentiam meam.

Eripe me de inimicis meis Domine, ad te confugi: * doce me facere voluntatem tuam, quia Deus meus es tu.

Eripe me, et libera me de aquis multis; et de manu filiorum alienorum. * Quorum os locutum est vanitatem: et dextera eorum, dextera iniquitatis.

Eripe me Domine ab homine malo: * a viro iniquo eripe me.

Eripies me de contradictionibus populi: * constitues me in caput gentium.

Eripiens inopem de manu fortiorum ejus: * egenum et pauperem a diripientibus eum.

Eripuit me de inimicis meis fortissimis, et ab his qui oderunt me: * quoniam confortati sunt super (0977C)me.

Gloria et honor.

Antiphona. Vivent mortui tui Domine, et interfecti mei resurgent. Alleluia, alleluia. V\. Expergiscimini, qui dormitis in pulvere: et laudate Dominum Deum vestrum. Alleluia, alleluia.

Psalmus David. Usquequo exaltabitur inimicus meus super me? * respice, et exaudi me Domine Deus meus.

Usquequo Domine oblivisceris in finem? * usquequo avertis faciem tuam a me?

Usquequo improperabit me inimicus: * irritat adversarius nomen tuum in finem?

Usquequo Domine irasceris in finem: * accendetur (0977D)velut ignis zelus tuus?

Usquequo Domine avertis in finem: * exardescet sicut ignis ira tua?

Usquequo peccatores Domine, * usquequo peccatores gloriabuntur?

Usquequo gravi corde? ut quid diligitis vanitatem, et quaeritis mendacium?

Usquequo judicatis iniquitatem: * et facies peccatorum sumitis?

Gloria, et honor.

Antiphona. Redime Domine animas servorum tuorum. P. Alleluia. V\. Custodi omnia ossa eorum; et non derelinquas animas servorum tuorum. P. Alleluia. V\. Gloria, et honor Patri.

Psalmus David. (0978A) Redime me, et miserere mei: pes meus stetit in via recta: * in Ecclesiis benedicam te Domine.

Redimet Dominus animas servorum suorum: * et non derelinquet omnes qui sperant in eo.

Redemisti in brachio tuo populum tuum, * filios Jacob, et Joseph.

Redemptionem misit Dominus populo suo: * mandavit in aeternum testamentum suum

Gloria, et honor.

Antiphona. Non intres in judicio P. Cum servis tuis, Domine; V\. Quia non justificabitur in conspectu tuo omnis vivens. P. Cum servis. V\. Gloria, et honor. P. Cum servis.

Psalmus. (0978B)Numquid in aeternum projiciet Deus: * aut non apponet ut complacitior sit adhuc?

Numquid in aeternum irasceris nobis? * aut [CXLIX] extendes iram tuam a generatione in generationem?

Numquid irascetur per singulos dies?

Numquid confitebitur tibi pulvis, * aut annuntiabit veritatem tuam?

Numquid mortuis facies mirabilia: * aut medici suscitabunt, et confitebuntur tibi?

Numquid narrabit aliquis in sepulchro misericordiam tuam, * aut veritatem tuam in perditione?

Numquid cognoscentur in tenebris mirabilia tua, * et justitia tua in terra oblivionis?

Numquid adhaeret tibi sedes iniquitatis, * qui fingis laborem in praecepto?

(0978C)Numquid in fluminibus iratus es Domine? * aut in fluminibus furor tuus? aut in mari indignatio tua?

Numquid non Deus est pater tuus, * qui possedit, et fecit, et creavit te?

Numquid Sion dicet: Homo, et homo natus est in ea: * et ipse fundavit eam Altissimus.

Numquid obliviscetur misereri Deus? * aut continebit in ira sua misericordias suas? Gloria, et honor.

Antiphona. Credimus, quia Redemptor noster resuscitabit nos: P. Et in carne nostra videbimus Dominum Deum. V\. Fidelis Dominus in omnibus verbis suis: et sanctus in omnibus operibus suis. P. Et in carne. V\. Gloria, et honor. P. Et in carne (0978D)nostra videbimus Dominum Deum.

Lauda. Alleluia. Fac cum servis tuis Deus, P. Secundum misericordiam tuam. Alleluia, alleluia. V\. Memento congregationis tuae Domine, quam creasti ab initio. P. Secundum. V\. Gloria, et honor. P. Secundum.

Lauda. Alleluia. Educ eos Domine de tenebris, et umbra mortis: P. Et vincula eorum disrumpe. Alleluia, alleluia. V\. Memento congregationis tuae Domine, quam creasti ab initio. P. Et vincula. V\. Gloria, et honor. P. Et vincula.

Hymnus.

Deus ignee fons animarum, Duo qui socias elementa: Vivum simul, ac moribundum (0979A)Hominem, Pater effigiasti.

Tua sunt, tua Rector utraque: Tibi copula jungitur horum; Tibi, dum vegetata cohaerent Spiritus simul et caro servit.

Rescissa sed ista seorsum, Solvunt hominem, perimuntque; Humus excipit arida corpus, Anima rapit aurae liquorem.

Quia cuncta creata necesse est Labefacta senescere tandem, Compactaque dissociari, Et dissona texta retexi.

Hinc maxima cura sepulchris Impenditur: hinc resolutos (0979B)Honor ultimus accipit artus, Et funeris ambitus ornat.

Hoc provida Christicolarum Pietas studet; ut pote credens Fore protinus omnia viva, Quae nunc gelidus sopor urget.

Qui jacta cadavera passim Miserans tegit aggere terrae: Opus exhibet ille benignum Christo pius omnipotenti.

Quia lex eadem movet omnes Gemitum dare sorte sub una: Cognataque funera nobis Aliena in morte dolere.

Sequimur tua dicta, Redemptor, (0979C)Quibus atra morte triumphans, Tua per vestigia mandas, Socium crucis ire latronem.

Patet ecce fidelibus ampli Via lucida jam paradisi; Licet et nemus illud adire Homini, quod ademerat anguis.

Illic precor, Optime Ductor, Famulam tibi praecipe mentem Genitali in sede sacrari, Quam liquerat exul, et errans.

Animas, non immemor ob hoc, Quarum memores sumus ipsi, Deus, sorde rogamus, piatas, (0979D)Erebi rogis fac alienas.

Sit honor tibi, fons pietatis: Laus, gloria, summa potestas Patri, Genito, sive Domino Orbis Regi; qui Deus unus. Amen.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus: ut spiritus, et animas famulorum suorum, omnium fidelium defunctorum, inter agmina Beatorum propitius collocare dignetur. R\. Praesta aeterne omnipotens Deus.

Kyrie eleison. R\. Christe eleison, Kyrie eleison.

Capitula. Deus, apud quem mortuorum spiritus vivunt, et in quo electorum animae, [CL] seposito (0980A)carnis onere, plena felicitate laetantur; praesta supplicantibus nobis, ut animae famulorum tuorum, omnium fidelium defunctorum, quae temporali caruerunt per corpus visionis hujus luminis usu, aeternae illius lucis solatio potiantur. Non eas tormentum mortis attingat; non dolor horrendae visionis afficiat; non poenalis timor excrutiet; non reorum proxima catena constringat: sed concessa sibi delictorum venia, optata quietis mereantur consequi gaudia repromissa.

Pater noster: Et ne nos.

A malo nos libera, et in tuo timore, et opere bono nos confirma, Trinitas Deus noster; qui es benedictus, et vivis, et omnia regis in saecula saeculorum. R\. Amen.

(0980B)Humiliate vos benedictioni.

R\. Dominus sit. R\. Et cum

Benedictio. Christus Dominus, qui morte sua subvenit mortuis, orantes nos exaudiat pro fidelibus defunctis; R\. Amen. Ut nostris precibus, et nobis salutem optabilem, et illis impetremus quietem: R\. Amen. Quo fides qua cum illis simul Domino credimus, et nos justificet a delictis, et illos liberet a suppliciis. R\. Amen.

Lauda. Defunctorum animas P. Non derelinquas in infernum Domine: Alleluia, alleluia. V\. Quia tu Domine suavis, et mitis; et multae misericordiae omnibus invocantibus te. P. Non derelinquas. V\. Gloria, et honor. P. Non derelinquas.

Dominus sit. R\. Et cum Spiritu tuo.

(0980C)Oratio. Commendamus tibi, Domine, animam famuli tui N., et animas famulorum famularumque tuarum N. N.; precamurque te, Christe Jesu Salvator mundi, ut propter quam ad terram misericorditer descendisti, Patriarcharum tuorum sinibus insinuare non renuas. Agnosce Domine creaturam tuam, non ex diis alienis creatam, sed a te solo Deo vivo et vero; quia non est Deus alius praeter te, et non est secundum opera tua: laetifica Domine animam ejus in conspectu tuo, et ne memineris iniquitatum ejus antiquarum, et ebrietatum, quas suscitavit furor, sive fervor mali desiderii: licet enim peccaverit, tamen Patrem, et Filium, et Spiritum Sanctum non negavit, sed credidit; et zelum Dei (0980D)habuit in se: et Deum, qui fecit omnia, adoravit.

Per misericordiam. R\. Amen.

Dominus sit. R\. Et cum.

In nomine Domini nostri Jesu Christi omnes animae fidelium defunctorum per misericordiam Dei sine fine requiescant in pace. R\. Amen.

IN AGENDA MORTUORUM. Antiphona. Requiem aeternam. Psalmus I. Totus cum Gloria.

Antiphona. Requiem aeternam det tibi Dominus: et lux perpetua luceat tibi in aeternum.

Responsorium. Surgam, et ibo ad patrem meum, et dicam illi: P. Pater, peccavi tibi, indulge mihi. V\. Dum adhuc longe esset, vidit eum pater ejus, et (0981A)misericordia motus, cecidit super collum ejus, dixitque illi filius: P. Pater.

Abicidaria. Deus miserere, Deus miserere: heu me! Reiteretur. Deus miserere. P. Miser, infelix, malum quod gessi, non intellexi: heu me! V\. Ad te Domine animam levo: heu me! occulta cordis jam reus pando: heu me! P. Miser, infelix. V\. O vita omnis valde amara! heu me! in qua commisi plurima mala: heu me! P. Miser, infelix. V\. Oculi mei, fundite aquas: heu me! forsitan Deus delet peccata: heu me! P. Miser, infelix.

Antiphona. Nunc reges intelligite. Psalmus II. Totus cum Gloria.

Antiphona. Nunc reges intelligite: erudimini omnes, qui judicatis terram. Servite Domino in timore.

(0981B)Responsorium. Scio Domine, quia nihil in terra sine causa. P. Quia homo nascitur ad laborem, et avis ad volandum. V\. Ego vero deprecabor Dominum; et ad eum ponam eloquium meum. P. Quia homo nascitur.

Abicidaria. Deus miserere, Deus miserere in peccatis ejus. Reiteretur. Deus miserere. V\. Ecce nunc advenit dirae mortis dies, et hora extrema vitae, ut cum eis patribus locatus, simul jam quiescat. P. Deus miserere. V\. Vos amici mei, sorores, et matres super me dolentes, ad Dominum pie supplices fundite dignas pro me preces. P. Deus miserere.

Antiphona. Confirma super nos. Psalmus CXVI. Totus cum Gloria.

Antiphona. Confirma super nos Deus misericordiam (0981C)tuam.

[CLI] Responsorium. Peccantem me quotidie, nec poenitentem Domine, timor mortis conturbat me: et quia in inferno nulla est confessio, P. Miserere mei Deus, miserere mei. V\. Peccavi, Domine, peccavi; et iniquitates meas ego agnosco: peto obsecrans te: P. Miserere mei Deus.

Abicidaria. Miserere, miserere, miserere illi Deus. P. Miserator, miserere: veniam ei concede. V\. Agnus Dei, qui ut ovis immolatus es pro nobis, et ut homo indignaris, Deus verus adoraris. P. Miserator. V\. Jesu dulcis, Jesu pie, Fili virginis Mariae, qui pro nobis ascendisti crucem; Pater, parce isti. P. Miserator. V\. Terge mala, quae commisit: dele noxam: quod deliquit: et concede locum lucis sempiternae (0981D)amoenitatis. P. Miserator.

Supplicatio. Oremus pium, et exaudibilem Dominum nostrum Jesum Christum, cum omni supplicatione rogemus; ut et spiritum, et animam famuli sui in locum lucis inter agmina Beatorum propitius collocare dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

Oratio. Tibi Domine, commendamus animam famuli tui, ut defunctus saeculo tibi vivat; et quae per fragilitatem mundanae conversationis peccata comisit, tu venia misericordissimae pietatis absterge. Per Christum Dominum nostrum. R\. Amen.

Dominus sit semper. R\. Et cum.

Dicat Sacerdos: In nomine Domini nostri Jesu (0982A)Christi omnes animae fidelium defunctorum per misericordiam Dei sine fine requiescant in pace. R\. Amen.

Ad Matutinum. Lauda. Cor contritum et humiliatum Deus ne despicias. Psalmus L. Totus cum Gloria.

Oratio. Cordis nostri secreta, quae quotidie curis carnalibus sordidantur, hyssopi verbi tui, omnipotens Deus, aspersione mundentur: ut recedat a nobis callidus seminator; et Christus Dominus in nobis maneat perpetuus consolator. R\. Amen.

Antiphona. Memento Domine, quod terra sumus: Homo, sicut foenum dies ejus, sicut flos foeni, ita spiritus pertransivit ab eo.

Psalmus David. (0982B) Ad te levamus oculos nostros, * qui habitas in coelis.

Ad te Domine clamabo: et ad Deum meum deprecabor. * Quae utilitas in sanguine meo, dum descendero in corruptionem?

Numquid confitebitur tibi pulvis, * aut annuntiabit veritatem tuam?

Ad te Domine clamabo, Deus meus ne sileas a me: * nequando taceas a me, et assimilabor descendentibus in lacum.

Ad te clamaverunt patres nostri, et salvi facti sunt: * in te speraverunt, et non sunt confusi.

Ad te clamavi: dum anxiaretur cor meum, in petra exaltasti me. * Et deduxisti me, quia factus es (0982C)spes mea: turris fortitudinis a facie inimici.

Ad te orabo, Domine, mane: exaudies vocem meam. * Mane astabo tibi, et videbo: quoniam non Deus volens iniquitatem tu es.

Ad te Domine levavi animam meam: Deus meus in te confido, non erubescam: neque irrideant me inimici mei: * etenim universi, qui sustinent te, non confundentur.

Ad te confugi: * doce me facere voluntatem tuam, quia Deus meus es tu.

Ad te Domine levavi animam meam: * eripe me de inimicis meis.

Requiem aeternam det tibi Dominus: * et lux perpetua luceat tibi in aeternum.

Oratio. Petimus, Domine, misericordiam tuam; ut (0982D)animas famulorum tuorum omnium fidelium defunctorum pietatis tuae rore perfundas: liberes eas de manibus terribilium ministrorum: de loco ardoris educas: ad paradisi studia jubeas pervenire; ut Abrahae sinu collocatas, cum Sanctis tuis omnibus in prima anastasi suscitentur. R\. Amen.

Antiphona. Memento Domine, quia ventus est vita nostra: anni nostri veloci cursu transierunt. Jam miserere nobis, quia pulvis sumus.

Psalmus David. Miserere mei, et exaudi orationem meam. * Miserere mei Domine: vide humilitatem meam de inimicis meis.

Miserere mei Domine, quoniam infirmus sum: (0983A)* sana me Domine, quoniam conturba a sunt ossa mea. Et anima mea turbata est valde.

Miserere mei Domine: quoniam unicus et pauper sum ego. * Tribulationes cordis mei [CLII] multiplicatae sunt: de necessitatibus meis erue me.

Miserere mei: pes meus stetit in via recta: * in ecclesiis benedicam te Domine.

Miserere mei, et exaudi me. Tibi dixit cor meum, * exquisivit te facies mea: faciem tuam Domine requiram. Ne avertas faciem tuam a me.

Miserere mei Domine quoniam tribulor: conturbatus est in ira oculus meus, anima mea, et venter meus: * quoniam defecit in dolore vita mea, et anni mei in gemitibus.

Miserere mei Deus, secundum magnam misericordiam (0983B)tuam: * et secundum multitudinem miserationum tuarum, dele iniquitatem meam.

Miserere mei Deus, miserere mei: quoniam in te confidit anima mea. * Et in umbra alarum tuarum sperabo, donec transeat iniquitas.

Miserere mei, conculcavit me homo: tota die impugnans tribulavit me. * Conculcaverunt me inimici mei tota die: quoniam multi bellantes adversum me.

Miserere mei Domine, quoniam ad te clamavi tota die: * laetifica animam servi tui, quoniam ad te Domine levavi animam meam.

Miserere mei, et da imperium tuum puero tuo: * et salvum fac filium ancillae tuae. Fac mecum signum in bono.

Miserere nostri Domine, miserere nostri: * quia (0983C)multum repleti sumus despectione.

Requiem aeternam, etc.

Oratio. Deus, qui humanarum animarum amator es; animas famulorum tuorum omnium fidelium defunctorum, quas vera, dum in corporibus manerent, tenuit fides; ab omni cruciatu inferorum redde extorres: ut segregatae ab infernalibus claustris, Sanctorum mereantur adjuvari consortiis. R\. Amen.

Antiphona. Memento Domine congregationis tuae, quam creasti ab initio.

Psalmus David. Libera me, nequando rapiat ut leo animam meam, * dum non est qui redimat, neque qui salvum faciat.

Libera me de sanguinibus Deus, Deus salutis meae: (0983D)* et exultabit lingua mea justitiam tuam.

Libera me ab his qui oderunt, * et de profundis aquarum.

Libera me, quia egenus et pauper ego sum: * et cor meum conturbatum est intra me.

Libera me a persequentibus me: * quia confortati sunt super me.

Libera me de aquis multis; et de manu filiorum alienorum. * Quorum os locutum est vanitatem: et dextera eorum, dextera iniquitatis.

Libera me de operantibus iniquitatem: * et de viris sanguinum salva me:

Libera animam meam Domine a labiis iniquis, * et a lingua dolosa

(0984A)Libera animam meam: * misericors Dominus, et justus, et Deus noster miseretur.

Libera Deus Israel afflictos, * ex omnibus tribulationibus suis.

Liberasti virgam hereditatis tuae: * mons Sion, in quo habitasti in eo.

Requiem aeternam, etc.

Oratio. Fac, quaesumus Domine, hanc cum servis tuis misericordiam, ut factorum suorum in poenis non recipiant vicem, qui tuam in votis tenuerunt fidei veritatem; ut sicut hic vera fides junxit eos fidelium turmis, ita eos illuc tua miseratio societ Angelicis choris. R\. Amen.

Abicidaria. Miserere, miserere, miserere illi, Deus. P. Christe Redemptor, veniam ei concede. V\. Mundi (0984B)Rector, et Redemptor Jesu Christe, rerum Actor. P. Christe Redemptor. V\. Qui exaudis obsecrantes, et gementes intueris. P. Christe Redemptor. V\. Qui expectas poenitentes, et peccata deplorantes. P. Christe. V\. Sacerdotum audi preces, aures tuas implorantum. P. Christe Redemptor. V\. Sepultura domus mea tenebrosa, et dolorosa. P. Christe.

Oratio. Delicta juventutis, et ignorantiae ejus, quaesumus, ne memineris Domine; sed secundum magnam misericordiam tuam, memor esto illius in Gloria claritatis tuae. Aperiantur ei coeli, collaetentur illi Angeli, in regnum tuum Domine servum tuum suscipe. Suscipiat eum Sanctus Michael Archangelus Dei, qui militiae coelestis meruit principatum: Veniant illi obviam sancti Angeli, et perducant eum in coelestem (0984C)civitatem Hierusalem: Suscipiat eum Beatus Petrus Apostolus, cui a Deo claves coelestis regni traditae sunt: Adjuvet eum Sanctus Paulus, qui dignus fuit esse vas electionis: Interce lat pro eo Sanctus Joannes electus Dei Apostolus, [CLIII] cui revelata sunt secreta coelestia: Orent pro illo omnes Sancti Apostoli, quibus a Domino data est potestas ligandi atque solvendi: Intercedant pro eo omnes Sancti Dei, qui pro Christi nomine tormenta in hoc saeculo sustinuerunt; ut vinculis carnis exutus pervenire mereatur ad Gloriam regni coelestis, praestante Domino nostro Jesu Christo; Qui cum Patre.

In secundo Nocturno. Antiphona. Sedentes in tenebris, et umbra mortis: vinctos vinculis tu resolve Domine.

Psalmus David. (0984D) Quia tu Domine suavis, ac mitis es; * et multum misericors invocantibus te.

Tu Domine Deus miserator et misericors, * patiens, et multae misericordiae, et verax.

Tu Domine adjuvisti me, * et consolatus es me.

Tu Domine susceptor meus * gloria mea, et exaltans caput meum.

Tu Domine servabis et custodies nos * a generatione hac in aeternum.

Tu Domine ne elongaveris auxilium tuum a me: * ad defensionem meam conspice.

Tu Domine, * benedixisti justo.

Tu Domine ne longe facias miserationes tuas (0985A)me: misericordia et veritas tua semper susceperunt me.

Tu Domine eruisti animam meam ut non periret, * projecisti post tergum tuum omnia peccata mea.

Tu Domine deridebis malos: * et ad nihilum deduces omnes gentes.

Requiem, etc.

Oratio. Suscipe piissime Deus in sinu Abrahae Patriarchae animas famulorum tuorum, omnium fidelium defunctorum; eosque cum Sanctis et electis adjunge: non eis culpa carnis ad poenam; sed prosit eis tuae pietas miserationis ad veniam. R\. Amen.

Antiphona. Animas pauperum tuorum, Domine, ne obliviscaris in finem.

Psalmus David. (0985B)Tui sunt coeli, et tua est terra, * mare, et omnia quae in eis sunt.

Tu fecisti omnes terminos terrae: aestatem et ver: tu plasmasti ea. * Tu eruisti animam meam ut non periret: projecisti post tergum tuum omnia peccata mea.

Tu fundasti orbem terrae: aquilonem, et mare tu creasti.

Tu illuminas lucernam meam Domine: Deus meus illumina tenebras meas.

Tu cognovisti omnia novissima, et antiqua: * tu formasti me, et posuisti super me manum tuam.

Tu populum humilem salvum facies: * et oculos superborum humiliabis.

(0985C)Tu terribilis es, et quis resistet tibi? * et ex tunc ira tua.

Requiem, etc.

Oratio. Petimus, Domine, misericordiam tuam; ut animae famulorum tuorum, omnium fidelium defunctorum, mutata sorte tristium mansionum, felici perfruantur societate Justorum. R\. Amen.

Antiphona. Parce nobis, Domine, quia animas amas.

Psalmus David. Ad te levamus oculos nostros, * qui habitas in coelis.

Ecce sicut oculi servorum, * in manibus dominorum suorum.

Sicut oculi ancillae in manibus dominae suae: * ita (0985D)oculi nostri ad Dominum Deum nostrum, donec misereatur nostri.

Ad Dominum meum clamavi: et exaudivit de templo sancto suo vocem meam: * et clamor meus introivit in aures ejus.

Ad Dominum cum tribularer clamavi: et exaudivit me. * Domine libera animam meam a labiis iniquis, et a lingua dolosa.

Ad omnia mandata tua dirigebar: * omnem viam iniquam odio habui.

Requiem aeternam, etc.

Oratio. Precamur te, Deus Omnipotens; ut defunctorum animae in te credentes, ac de tua pietate, misericordiaque tua sperantes, sic a delictis omnibus (0986A)absolvantur, ut nulla in aeterna confusione obnoxiae te eantur. V\. Amen.

Abicidaria. Miserere, miserere, Deus, miserere: veniam ei concede, et peccata dele. V\. Aurem tuae pietatis pulsamus modo: tu requiem attribue famulo tuo. P. Miserere. V\. O Jesu Redemptor, Bone, Sancte, Aeterne, huic, pro quo te supplicamus, veniam dona. P. Miserere. V\. Dimitte illi omnia ejus delicta: ejus facta non requiras in die illa. P. Miserere. V\. Vos orate, Sacerdotes, pro me ad Deum, ut non inveniar reus jam ante eum. P. Miserere. V\. Simul et omnes Levitae gemitum date: qui ministratis Christi ante altare. P. Miserere.

[CLIV] Oratio. Deus, cui omnia vivunt, et cui non pereunt moriendo corpora nostra, sed mutantur in (0986B)melius: Te supplices deprecamur, ut suscipi facias animam famuli tui per manus sanctorum Angelorum tuorum deducendam in sinum amici tui Abrahae Patriarchae, resuscitandamque in novissimo magni judicii die: et quicquid vitiorum, fallente diabolo, contraxit, tu pius, et misericors abluas indulgendo. R\. Amen.

In tertio Nocturno. Antiphona. Noli nos relinquere Domine: ne tradas animas nostras imperio inimicorum.

Psalmus David. Domine dilexi decorem domus tuae, * et locum habitationis gloriae tuae.

Domine servabis nos: et custodies nos * a generatione (0986C)hac in aeternum.

Domine a paucis divide eos, in vita eorum * de absconditis tuis adimpletus est venter eorum.

Domine, Domine virtus salutis meae: * obumbrasti super caput meum in die belli.

Domine recessisti longe, despicis in opportunitatibus, in tribulatione? Dum superbit impius, incenditur pauper: comprehenduntur in consiliis quibus cogitant.

Domine Deus clamavi ad te, * et sanasti me.

Domine eduxisti ab inferno animam meam: * salvasti me a descendentibus in lacum.

Domine in voluntate tua, praestitisti decori meo virtutem: * Avertisti faciem tuam a me, factus sum conturbatus.

(0986D)Domine quando respicies? * restitue animam meam a malignitate eorum, a leonibus unicam meam.

Domine Domine Rex deorum, coelorum, * ne extermines populum tuum, et hereditatem tuam, quam liberasti de imperio inimicorum.

Requiem aeternam.

Oratio. Suscipe, Domine, animam famuli tui N. quam hodie de ergastulo hujus saeculi vocare dignatus es; et libera eam de locis poenarum: quietis, ac lucis aeternae beatitudine perfruatur; et inter Sanctos et electos tuos in resurrectionis gloria resuscitari mereatur. R\. Amen.

Antiphona. Resurgunt mortui tui, Deus: resurgunt qui in monumentis sunt, et laetabuntur coram te.

(0987A)Psalmus David. Respice in me, et miserere mei: * quia unicus, et pauper sum ego,

Respice in me, et miserere mei, * da imperium tuum puero tuo: et salvum fac filium ancillae tuae.

Respice inimicos meos quoniam multiplicati sunt, * et odio iniquo oderunt me.

Respice in servos tuos, et in opera tua: * dirige filios eorum.

Respice in testamentum tuum: * quia repleti sunt, qui obscurati sunt terrae domibus iniquitatum.

Respice, et exaudi me Domine Deus meus. Illumina oculos meos, ne unquam obdormiam in morte: * nequando dicat inimicus meus: Praevalui adversus eum.

Requiem aeternam.

(0987B)Oratio. Non intres in judicium cum servo tuo, Domine; quoniam nullus apud te justificabitur homo, nisi per te omnium tribuatur ei remissio peccatorum. Non ergo eum, quaesumus, tua judicialis sententia premat, quem tibi vera supplicatio fidei christianae commendat: sed gratia tua illi succurrente, mereatur evadere judicium ultionis, qui, dum viveret, insignitus est signaculo sanctae Trinitatis. R\. Amen.

Antiphona. Vivent mortui tui Deus; interfecti mei resurgent.

Psalmus David. Laetabitur justus cum viderit vindictam: * manus suas lavabit in sanguine peccatoris.

Laetabitur justus in Domino, et speravit in eo, et (0987C)laudabuntur omnes recti corde. * Laetabor et exultabo in te: psallam nomini tuo Altissime.

Laetabimur in salutari tuo: * et in nomine Dei nostri magnificabimus.

Laetamini in Domino, et exultate justi: * et gloriamini omnes recti corde.

Laetamini justi in Domino: et confitemini memoriae sanctificationis ejus.

Laetentur omnes, qui sperant in te, * in aeternum exultabunt: et habitabis in eis.

Laetetur cor quaerentium Dominum. * Quaerite Dominum, et confirmamini.

Requiem.

Oratio. Clementissime Domine, audi servorum (0987D)tuorum preces; et animam famuli tui N. inter victricium turmarum catervas facito [CLV] collocari: a dextris quoque Filii tui Domini nostri misericordiam inventurus adsistat; et Sanctorum tuorum consortio deputatus, regnum coeleste sine fine possideat. R\. Amen.

Abicidaria. Miserere, miserere, miserere illi Deus: malis ejus finem pone: pone, et dolentes consolare. P. Jam Domine miserere. V\. Audite me, omnes fratres, seu defunctorum matres; ordo fratrum, et sorores pia voce ejulantes: P. Jam Domine miserere. V\. Libera me de inferno, tu Fili Dei Patris: propter temetipsum, Christe, pone finem malis meis: P. Jam Domine. V\. Bona umbra nos tegebat, quando arbor hic adstabat: intus foris nos ornabat, (0988A)et nos omnes gubernabat. P. Jam Domine.

Oratio. Domine Jesu Christe, qui mortem moriens devicisti: et vitam mortuis reddidisti: quaesumus potentiam tuam; ut servus tuus, cujus hodie commemorationem facimus, sinistrae partis contagione exutus, dexteram teneat: ut sine metu, sine corruptione, sine mortalitate, quam diutius concupivit productus ad patriam, ibi sit, ubi omnis turba Justorum in aequalitate permanet Angelorum. R\. Amen.

In laudibus. Ad Canticum. Antiphona. Exortum est in tenebris lumen rectis corde: misericors, et miserator, et justus Dominus.

(0988B)Canticum. Matthaei (Cap. XXII).

Accesserunt ad Jesum Saducaei, qui dicunt non esse resurrectionem: * et interrogaverunt eum, dicentes:

Magister, Moyses dixit, Si quis mortuus fuerit, non habens filium, * frater ejus ducat uxorem illius, et suscitet semen fratri suo.

Erant autem apud nos septem fratres: et primus, uxore ducta, defunctus est: * et non habens semen, reliquit uxorem suam fratri suo.

Similiter secundus, et tertius usque ad septimum: * Novissime autem omnium, et mulier defuncta est.

In resurrectione ergo, cujus erit de septem uxor? * omnes enim habuerunt eam.

Respondens autem Jesus, ait illis: * Erratis, nescientes (0988C)Scripturas, neque virtutem Dei.

In resurrectione enim, nec nubent, neque nubentur, * sed sunt sicut Angeli Dei in coelo.

De resurrectione autem mortuorum, * non legistis, quod dictum est a Domino dicente nobis:

Ego sum Deus Abraham, * et Deus Isaac, et Deus Jacob?

Non est Deus mortuorum, * sed viventium.

Requiem aeternam.

Reiteretur Antiphona. Exortum est.

Ad Benedictus. Antiphona. Exaudi Domine vocem meam, qua clamavi ad te: miserere ei, et exaudi me.

Canticum. Benedictus es Domine. fol. 6.

Reiteretur Antiphona. Exaudi Domine.

(0988D)Sono. Vivent mortui tui Deus: P. Interfecti mei resurgent: V\. Et laetabuntur omnes, qui sunt super terram. P. Interfecti mei.

Lauda. Omnis spiritus laudet Dominum Alleluia: Et conlaudet eum. Alleluia, alleluia. Psalmus CL.

Reiteretur Lauda. Omnis spiritus.

Dominus sit semper. R\. Et cum.

Lectio libri Esaiae Prophetae (Cap. LVIII).

R\. Deo gratias.

Haec dicit Dominus: Orietur in tenebris lumen vobis, et tenebrae vestrae erunt sicut meridies. Et requiem dabit vobis Dominus semper, et replebit splendoribus animas vestras, et ossa vestra liberabit, et eritis quasi hortus irriguus, et sicut fons (0989A)aquarum, cui non deficiunt aquae, ait Dominus Omnipotens. R\. Amen.

Hymnus.

Christe Rex, mundi Creator, Et Redemptor inclyte, Vota plebis obsecrantis, Tu benigne suscipe: Supplici voce precamur, Postulatus adveni.

Mortis olim tu potenter Vincens ut princeps, Tartara saeva petisti Dira claustra diruens, Ferrea vincla resolvens, [CLVI] Et retrusos eximens.

(0989B)Hoc triumpho confitentes, Mente prona quaesumus; Mortis ut tu des quietem, Cum quiete gaudium: Dexterae Patris trophaeo Cum beatis omnibus.

Non eos flamma perurat: Non catena vinciat: Vermis illius pavendi Nemo poenam sentiat; Sed tuo dono beati, Absque fine gaudeant.

Praestet haec Unitas semper, Atque summa Trinitas; (0989C)Cujus est perenne nomen Sempiterna claritas; Ac Deus trinus, et unus Regnat ante saecula. Amen.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus: ut spiritus et animas famulorum suorum, omnium fidelium defunctorum, inter agmina beatorum propitius collocare dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

Capitula. Rogamus sanctam clementiam tuam, Pater Omnipotens Deus, propter animas famulorum tuorum, omnium fidelium defunctorum, quas ex hujus vitae confractibus, et terreni corporis conluvione (0989D)subtrahere voluisti; ut eas supernae congregationi adsocies, atque ab inferorum sedibus erectas coelestibus habitaculis alliges: ita ut eorum caro, quae nunc jacet exanimata, evigilet gloriosa. Non sint poenarum obnoxiae; sed spiritu gratiae copulatae: omnia facta eorum, dicta, et cogitata pia benignitate indulgeas: ut per Unigeniti tui gratiam, et partem accipiant Gloriae, et plenitudinem resurrectionis in futuro cum Sanctis omnibus valeant obtinere.

Pater noster. A malo nos libera. Fol. 10.

Benedictio. Christus Dominus, qui morte. Lauda. Defunctorum animas. Oratio. Commendamus tibi Domine. Et omnia alia ut supra. Fol. 149.

INCIPIT OFFICIUM UNIUS MARTYRIS PRAECIPUI SEX CAPPARUM, VEL QUATUOR CAPPARUM. (0990A) Ad Vesperos. Lauda. Speravit anima mea in Domino. A custodia matutina P. Usque ad noctem V\. Sustinuit anima mea in verbo tuo Domine. Fiant aures tuae intendentes, in orationem servi tui. P. Usque ad noctem.

Dicat Presbyter. Dominus sit semper. R\. Et cum.

Sonus. Deus praecinxit me virtutem: P. Et posuit immaculatam viam meam. Alleluia, V\. Dextera tua Domine suscepit me: et disciplina tua ipsa me docuit. Alleluia. P. Et posuit immaculatam.

(0990B)Dicat Presbyter. Dominus sit R\. Et cum.

Antiphona. Hic vir justus et fidelis in vita sua multa fecit bona; P. Et post mortem laudabilia opera ejus: V\. Hic accipiet benedictionem a Domino: et misericordiam a Deo salutari suo. P. Et post mortem. V\. Gloria, et honor Patri, et Filio, et Spiritui Sancto in saecula saeculorum. Amen. P. Et post mortem.

Dominus sit semper. R\. Et cum

Lauda. Diligam eum ex toto corde meo, dicit Dominus; P. Et erit sicut ros, Israel: germinabit sicut lilium, et florebit. Alleluia, alleluia. V\. Et ego primogenitum ponam illum excelsum prae regibus terrae. P. Et erit sicut ros. V\. Gloria, et honor Patri, et Filio, et Spiritui Sancto in saecula saeculorum. (0990C)Amen. P. Et florebit. Alleluia, alleluia.

Hymnus.

Insignem Christi Martyrem Laudemus ore et pectore, Quem clara mortis gloria Coelestem fecit incolam.

Hic testis namque fidei Auctorem Christum praedicans, Litare Sacris Gentium Contempsit imperterritus.

Non illum poena carceris, Non rigor saevus gladii, Non ferri, non incendia Fide certantem exasperant.

Sepulchro corpus redditum (0990D)Mortis piato vulnere: [CLVII] Emicans in coelum volat Christum secutus spiritus.

Quem cingit corona Deus, Claro coruscat lumine; Laetum victorem choris Consociat Angelicis.

Mors ista pretiosa est Cum Sanctis: et Beata gens, Qua coelum justis panditur, Qua regnum lucis traditur.

Deo Patri sit gloria, Ejusque soli Filio, Cum Spiritu Paraclito (0991A)In sempiterna saecula. Amen.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut per gratiam ipsius, et per intercessionem Sanctae Mariae Virginis, et genitricis suae, et per intercessionem Sancti Martyris sui N. nobis remissionem peccatorum, et pacem propitius donare dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

Capitula. Beatissimi Martyris tui N. Domine natalitia honore debito venerantes dexterae tuae opem exquirimus; et gravati delictorum nostrorum pondere divinam potentiam exposcere non metuimus; quantoque fragilitas nostra vitiorum obice verberetur (0991B)perpendere non valemus; qui recedendo a te, et per tot abrupta gradiendo facinorum, caecitatis peccatum incurrimus, et te, qui verum justitiae lumen es, contemnendo caruimus: assiste, quaesumus nunc, Trinitas incommutabilis Deus, familiae tuae precibus exoratus; cunctorumque in hac hora vespertina suscipe vota, cunctorumque pius crimina laxa: et omnium facinorum labe detersa, coelestis patriae cunctis praemia tribuere promissa digneris.

Pater noster. Liberati a malo. Fol. 2.

Benedictio. Petitiones nostras superna Divinitas suppleat, et desideria nostra beatissimi Martyris sui N. intercessione proficiat. R\. Amen. Omnium precibus clemens auditor assistat, et cunctorum piacula bonitate propitia absolvat. R\. Amen. Sensus (0991C)nostros nunc in bonis sibi adhaerere faciat, et in futuro suorum nos gaudiis jungat. R\. Amen.

Per.

Lauda. Statuit Dominus supra petram pedes meos: et direxit gressus meos; P. Et immisit in os meum alleluia; Hymnum Deo nostro. Alleluia. V\. Expectans expectavi Dominum, et intendit mihi. P. Et immisit. V\. Gloria, et honor. P. Et immisit.

Oratio. Praesta. Hic infra.

Ad Matutinum. Antiphona. Labia mea, Domine, aperies: et os meum annuntiabit laudem tuam. Psalmus

Reiteretur Antiphona. Labia.

Oratio. Exultent Domine. Fol. 60.

Antiphona 1. Coronavit eum Dominus, et benedixit. (0991D)R\. Dilexit illum, P. Et supra multa munera constituet illum. V\. Beatus vir, qui timet Dominum: in mandatis ejus cupiet nimis, P. Et dilexit illum. V\. Gloria, et honor. P. Et supra.

Oratio. Concede, omnipotens Deus, ut sicut gloriosissimus Martyr tuus N., per Christum Dominum in Ecclesia devicit viriliter adversarium, in Christo Ecclesia destruat inimicum: ut populus fidelium aeternam pacem et gaudium obtineat, dum ad te quoque securitatis conquirit proventum. R\. Amen. Per misericordiam.

Antiphona. 2. Coronam gloriae ponam super caput ejus, dicit Dominus: P. Et induam illum stolam candidam; quia servavit mandata mea; P. Et propter (0992A)nomen meum effusus est sanguis ejus in terra. V\. Potens in terra erit semen ejus: generatio rectorum benedicetur. P. Et induam illum. V\. Gloria, et honor. P. Et propter nomen meum.

Oratio. Praesta nobis, Deus, ut beatissimus Martyr tuus N. assiduum det patrocinium: ut ejus quoque praeclarum assequi mereamur exemplum; quem protectorem sentientes impensissime, sequamur fortissime praeliantem. R\ Amen.

Per misericordiam.

Antiphona 3. In paradiso deliciarum constituam illum, dicit Dominus; P. Quia servavit mandata mea, et legem meam dilexit. V\. Manus enim mea auxiliabitur ei: et brachium meum confortabit eum: P. Quia servavit. V\. Gloria, et honor. P. Quia (0992B)servavit.

Oratio. Domine Deus, qui beatissimo Martyri tuo N., post patratam victoriam, concessisti regni potentiam: circa nos, Omnipotens, [CLVIII] defensionis tuae pone custodiam; ut quibus regnandi felicitas non debetur, delinquendi ferocitate sublata, in te requiescendi securitas conferatur. R\. Amen.

Per misericordiam.

Responsorium. Ego sum lux mundi: qui sequitur me, non ambulat in tenebris, P. Sed habebit lucem vitae, dicit Dominus. V\. Si quis vult post me venire, abneget semetipsum: et tollat crucem suam, et sequatur me. P. Sed habebit. V\. Gloria, et honor Patri.

Reiteretur Responsorium. Ego sum lux.

In Laudibus. (0992C) Ad Canticum. Antiphona. Laetor in sanctitate tua: quoniam non est alius Deus quomodo Deus noster.

Canticum. Confirmatum est cor meum. Folio 86.

Reiteretur Antiphona. Laetor.

V\. Gloria, et honor. P. Quoniam non est.

Ad Benedictus. Antiphona. Benedictio Domini in mercedem justi festinat.

Canticum. Benedictus es Domine. Fol. 6.

P. In mercedem justi. V\. Gloria, et honor. P. In mercedem.

Benedicamus Patrem, et Filium, et Spiritum Sanctum; hymnum dicamus, et superexaltemus eum in (0992D)saecula saeculorum. Amen.

Reiteretur Antiphona. Benedictio Domini.

Sonus. Fac mecum Deus signum in bono, Alleluia; V\. Ut videant qui me oderunt, et confundantur: quoniam tu Deus adjuvisti me, et consolatus es me. Alleluia.

Lauda. Laudate Dominum de coelis Alleluia: laudate eum in excelsis. Alleluia.

Psalmus 148. Psalmus 149. Psalmus 150. P. Fac mecum Deus. V\. Gloria, et honor. P. Signum in bono. Alleluia.

Lectio libri Sapientiae Salomonis (Cap. 18).

R\. Deo gratias.

Tetigit justum tentatio mortis, et commotio in eremo (0993A)facta est multitudinis: sed non diu permansit ira tua. Properans enim homo sine querela propugnavit, proferens servitutis suae scutum, orationem, et per incensum deprecationem allegans, restitit irae, et finem imposuit necessitati, ostendens quoniam tuus est famulus. Vicit autem turbas, non virtute corporis, nec armatura potentiae, sed verbo Dei vexatorem projecit, juramenta parentum commemorans. Cum enim jam catervatim cecidissent super alterutrum mortui, inter stetit, et amputavit impetum, et divisit illam quae ad vivos ducebat viam. In veste enim poderis, quam habebat, totus orbis terrarum, et parentum magnalia in quatuor ordinibus lapidum erant sculpta, et magnificentia tua in diademate capitis illius erat inscripta. R\. Amen.

Hymnus. (0993B)

Deus tuorum militum Sors, et corona, praemium, Laudes canentes Martyris Absolve nexum criminis.

Hic nempe mundi gaudia, Et blandimenta noxia Caduca rite deputans, Pervenit ad coelestia:

Poenas cucurrit fortiter, Et sustulit viriliter, Pro te effundens sanguinem Aeterna dona possidet.

Ob hoc precatu supplici (0993C)Te poscimus piissime; In hoc triumpho Martyris, Dimitte noxam servulis.

Deo Patri sit gloria, Ejusque soli Filio, Cum Spiritu Paraclito, In sempiterna saecula. Amen.

Supplicatio. Oremus Redemptorem mundi.

Quaere retro in Vesperis praecedentibus.

Capitula. Acceptabile Deo, nobis quoque conveniens est, ut alacres ac solemnes ad celebrandum tabernaculi gloriam conveniamus, dilectissimi fratres: ut dum ultricis manus reverenter dependimus obsequelam, copiosam hauriamus divinae gratiae opulentiam.

(0993D)Pater noster. Liberati a malo. Fol. 2.

Lauda. In psalterio, et cithara dicam: Alleluia. P. In psalterio decem chordarum dulcis sonus est. Alleluia, alleluia. V\. Cantate Domino canticum novum: quia mirabilia fecit. P. In psalterio decem chordarum. V\. Gloria, et honor Patri. P. In psalterio decem chordarum.

Dicat Presbyter. Humiliate vos benedictioni.

Dominus sit semper, R\. Et cum Spiritu tuo.

Benedictio. Petitiones nostras superna Divinitas supleat, et desideria nostra beatissimi [CLIX] Martyris sui N. intercessione perficiat. R\. Amen. Omnium precibus clemens auditor adsistat, et cunctorum piacula bonitate propitia abluat. R\. Amen. Sensus (0994A)nostros nunc in bonis sibi adhaerere faciat, et in futuro suorum nos gaudiis jungat. R\. Amen.

Per misericordiam ipsius et, etc.

In nomine Domini. Fiat commemoratio.

Lauda. Ad annuntiandum mane misericordiam tuam: et veritatem tuam per noctem.

Oratio. Mane, Domine, oratio nostra perveniat ad te, quia suscepisti confractionem fragilitatis nostrae: concede nobis diem istum jocundum, et pacificum, sine scandalo, sine macula, sine ulla tentatione; ut advenientes, ad vesperum te collaudemus Regem aeternum. R\. Amen.

Per misericordiam. Fidelium animae, omnium defunctorum, per misericordiam Dei cum Christo sine fine requiescant in pace. R\. Deo gratias.

ALIUD OFFICIUM UNIUS MARTYRIS PONTIFICIS. (0994B) Ad Vesperos. Lauda. Gloria, et honore coronasti eum Domine: V\. Gloriam, et magnum decorem imposuisti super eum. P. Domine.

Sonus. Fac mecum Deus signum in bono Alleluia; V\. Ut videant qui me oderunt, et confundantur: quoniam tu Deus adjuvisti me, et consolatus es me. P. Alleluia.

Antiphona. Oculus Dei aspexit justum in bono, et elegit illum ab humilitate sua. Audivit eum, et vocem ipsius. V\. Lex Dei ejus in corde ipsius: et non supplantabuntur gressus ejus. P. Et elegit illum ab humilitate sua. Audivit eum et vocem ipsius. V\. (0994C)Gloria, et honor. P. Audivit eum, et vocem ipsius.

Lauda. Justus ut palma florebit Alleluia: Sicut cedrus Libani multiplicabitur. Alleluia, alleluia. P. Potens in terra erit semen sanctum ejus: V\. Generatio rectorum benedicetur. P. Sicut cedrus Libani. V\. Gloria, et honor. P. Sicut cedrus Libani.

Hymnus. Insignem Christi Martyrem. Supplicatio. Oremus Redemptorem mundi, fol. 156 et 157.

Capitula. Adesto, Domine, celebrantibus Ecclesiae tuae mysteria, quae dependunt in laudem N. Martyris tui atque Pontificis: sint grata in oculis tuis; neque frustremur in nocturnis actibus, qui gloriosum Martyrem tuum vespertinis officiis frequentamus: sitque vita nostra devotioni sacrae non dissona; et (0994D)qui honorifice recolimus Martyrem, ipsius vitae teneamus sanctissimae dignitatem.

Pater noster. Liberati a malo. Fol. 2.

Benedictio. Patrocinio sancti sui N. atque Pontificis preces nostras, et holocausta Christus Dominus clementer custodiat. R\. Amen. Ejus intercessu postulationes nostras adtendat, et ab omnibus peccatis purificatos custodiat; R\. Amen. Ut passio, quae affuit ad Gloriam, comitetur nobis ad veniam. R\. Amen.

Per misericordiam.

Lauda. Statuit Dominus supra. fol. 157.

Oratio. Interveniente beatissimo Martyre tuo N. atque Pontifice custodi nos, Domine ab inimicis; dum aut certandi instantiam sumimus, aut periculi foveam evitamus: ostende mendaces, qui nos odiis (0995A)malignis infestant: et dum maculas infigunt, tu benigne emundes. R\. Amen.

Per misericordiam.

In nomine Domini.

Ad Matutinum. Antiphona. Labia mea, Domine, aperies: et os meum annuntiabit laudem tuam. Psal. Reiteretur Antiphona. Labia mea Domine.

Oratio. Exultent Domine labia nostra. Fol. 60.

R\. Iste sanctus clamavit, et Dominus exaudivit eum: P. Et ex omnibus tribulatioonibus ejus liberavit eum. V\. Potens in terra erit semen ejus: generatio rectorum benedicetur. P. Et ex omnibus.

Oratio. Interveniente beatissimo Martyre tuo, ut hic supra.

(0995B)Antiphona 2. Ego clamavi, quia exaudisti me Deus: inclina aurem tuam mihi, et exaudi verba mea. P. Custodi me, ut pupillam oculi. Sub umbra alarum tuarum protege me. V\. Exaudi Deus orationem meam cum tribulor: a timore inimici libera animam meam. P. Custodi me. V\. Gloria, et honor. P. Custodi.

Oratio. Christe, qui es Ecclesiae tuae caput, praesta: ut beatus Martyr tuus N. in corpore Ecclesiae constitutus, qui tunc membra pro capite dedit, nunc caput pro membris adhibere non cesset: capiti proximus [CLX] regat totum, et protegat corpus, adimpendens uberius, quo se exultat obtinuisse felicius. R\. Amen.

Per.

(0995C)Antiphona 3. Homo justus erit quasi flos agri, et redolebit gratus odor ejus: P. Et omnis qui sperat in Deum laudabit eum. V\. Beatus qui intelligit super egenum, et pauperem: in die mala liberabit eum Dominus. P. Et omnis qui sperat. V\. Gloria, et honor. R. Et omnis qui sperat.

Oratio. Domine Deus, beatus Martyr tuus N. vincat suis meritis nostra flagitia; qui non suis, sed divinis virtutibus saevientium potuit superare supplicia: et qui dudum in illis vicit attrocitatibus impietatem, in nobis ipsa manu tua malae cupiditatis superet voluntatem. R\. Amen.

Per misericordiam.

R\. Justus justificetur, et sanctus sanctificetur P. (0995D)Adhuc. Beatus, qui lavit stolam suam: ut sit potestas ejus in ligno vitae. V\. Et quicumque vicerit, sic vestietur candida veste, et non delebo nomen ejus de libro vitae. P. Adhuc. Beatus. V\. Gloria, et honor. Reiteretur R\. Justus justificetur.

In Laudibus. Antiphona. Thronum gloriae hereditans illi: dat votum optanti, et benedicet annos justi.

Canticum. Confirmatum est cor meum. Folio 86. Reiteretur Antiphona. Thronum.

Ad Benedictus. Antiphona. Benedictio Domini mercedem justi festinat.

Canticum. Benedictus es Domine. Fol. 6.

Reiteretur Antiphona. Benedictio Domini.

Sonus. Septies in die laudem dixi tibi, Domine (0996A)Alleluia, alleluia. V\. Super judicia justitiae tuae. Alleluia, alleluia.

Lauda. Laudate Dominum de coelis Alleluia: Laudate eum in excelsis. Alleluia. Psalmus CXLVIII.

Prophetia. Justus si morte praeoccupatus. Folio 53. Hymnus. Deus tuorum militum. Folio 158.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut nos gratia ipsius, et per intercessionem sanctae Mariae Virginis et Genitricis suae, et per intercessionem sancti N. Martyris sui atque Pontificis, nobis salutem animae, et corporis, et remissionem omnium nostrorum peccatorum propitius, et pacem nobis donare dignetur. R\. Praesta omnipotens Deus.

(0996B)Kyrie, eleison. R\. Christe, eleison. Kyrie, eleison.

Capitula. Omnipotens Deus, qui Martyrem tuum N. atque Pontificem de hostibus triumphare fecisti; eodem intercedente, remove Ecclesiae hostes; in Ecclesia auge credentes: illi virtute assidua repellantur; isti gratia indefessa multiplicentur: ut tuam in Martyre fortitudinem adversi sentiant, et favorem subjecti cognoscant.

Pater noster. Liberati a malo. Fol. 2.

Lauda. In psalterio, et cithara dicam: Alleluia. P. In psalterio decem chordarum dulcis sonus est. Alleluia, alleluia. V\. Cantate Domino canticum novum: quia mirabilia fecit. P. In psalterio decem chordarum. V\. Gloria, et honor. P. In psalterio decem (0996C)chordarum.

Benedictio. Patrocinio sancti sui N. Martyris. Fol. 119.

In nomine Domini. Fiat commemoratio. Lauda. Ad annuntiandum mane.

Oratio. Mane Domine oratio nostra. Fol. 150.

SEQUUNTUR ALII VESPERTINI UNIUS MARTYRIS SIMPLICIS NOVEM LECTIONUM. Ad Vesperos. Lauda. Lucerna pedibus meis verbum tuum, P. Domine, lumen semitis meis. V\. Voluntaria oris mei comproba Deus: et judicia tua doce me. P. Domine, et lumen semitis meis.

Sonus. Benedic anima mea Dominum: qui sanat (0996D)omnes languores tuos; P. Et de interitu vitam tuam. Alleluia. V\. Qui coronat te in miseratione et misericordia: renovabit sicut aquilae juventutem tuam. P. Et de interitu.

Antiphona. Bene nuntiavi justitiam tuam in Ecclesia magna, P. Ecce labia mea non prohibui: Domine, tu cognovisti. V\. Expectans expectavi Dominum, et intendit mihi. P. Ecce labia mea. V\. Gloria. et honor. P. Ecce labia mea.

Lauda. Beatus vir. Alleluia. P. Qui implevit. Alleluia [CLXI] desiderium suum Alleluia. V\. Benignus vir qui miseretur et commodat, disponit sermones suos in judicio: quia in aeternum non commovebitur. P. Qui implevit. Alleluia. V\. Gloria, et honor. P. Desiderium suum. Alleluia.

(0997A)Hymnus. Deus tuorum militum. Supplicatio. Oremus Redemptorem mundi. Fol. 146.

Capitula. Gratias tibi agimus, omnipotens Deus, in quo noviter ostenduntur spei fructus, quibus promerendi fiduciam tam fortissimi Martyris tui N. praestatur infatigabilis intercessus: quo invictus Christi tui miles officii sui non immemor, qui tradidit animam suam pro Christo, non cesset preces offerre pro populo Christiano.

Pater noster. Liberati a malo. Fol. 2.

Benedictio. Christus Dominus, qui Martyri suo N. patiendi contulit votum, patientiam nobis tribuat contra omnes inlecebras vitiorum: R\. Amen. Et qui illi donavit, peracta passione, coronam; nobis conferat, peracto luctamine mundi, gaudia promissa. (0997B)R\. Amen. Ut qui hac die tanti Martyris solemnia celebratis, cum eodem post transitum conlocati, in coelestibus sedibus gaudeatis. Per misericordiam ipsius Dei nostri, qui est benedictus, et vivit, et omnia regit in saecula saeculorum. R\. Amen.

Dominus sit semper. R\. Et cum.

Lauda. Benefecit Dominus cum anima ejus. P. Et aperuit illi januam fidei. Alleluia, alleluia. V\. Lex Dei ejus in corde ipsius: et non supplantabuntur gressus ejus. P. Et aperuit illi. V\. Gloria, et honor. P. Et aperuit.

Oratio. Praesta nobis, omnipotens Deus; ut beatus N. Martyr tuus assiduum det patrocinium: ut ejus quoque praeclarum assequi mereamur exemplum; (0997C)et sentientes impensissime suffragantem, sequamur fortissime praeliantem. R\. Amen.

Per misericordiam.

In nomine Domini.

Ad Matutinum. Antiphona. Laudabit lingua mea justitias tuas, Deus meus. Psalmus

Oratio. Laudet te, Domine, lingua nostra annuntiando justitias tuas: et exultent labia nostra praeconio veritatis: ut non dissolvantur vaniloquio falsitatis: Sicque tibi confitendo, remissis criminibus in te exultemus: ut in congregatione justorum sacro agmine decantantes, vitae beatae efficiamur heredes. R\. Amen.

Per misericordiam.

(0997D)Antiphona. 1. Iste homo in certamine fortis factus est; P. Et a persequentibus liberatus est: quoniam perseveravit in innocentia sua. V\. Maxima est gloria ejus in salutari tuo: gloriam et magnum decorem impones super eum. P. Et a persequentibus. V\. Gloria, et honor. P. Et a persequentibus.

Oratio. Praesta nobis omnipotens Deus. Ut hic supra.

Antiphona. 2. Ecce intelliget puer meus, excelsus erit et sublimis; P. Et ego suscipiam eum. V\. Manus enim mea auxiliabitur ei: et brachium meum confortabit eum. P. Et ego. V\. Gloria, et honor. P. Et ego.

Oratio. Fac nos, Domine, beati N. Martyris tui sequi pedes: ut ejus muniti suffragio, respuamus (0998A)falacias daemonum; cujus instructi patrocinio, videamus bona Domini in regione vivorum. R\. Amen.

Per misericordiam.

Antiphona 3. Ecce servus meus suscipiam eum: P. Electus meus complacuit sibi in illo anima mea. V\. Potens in terra erit semen ejus: generatio rectorum benedicetur. P. Electus meus. V\. Gloria, et honor. P. Complacuit sibi.

Oratio. Aeternum nomen virtutis tuae, omnipotens Deus, oramus: ut nos Martyris tui N. et omnium Sanctorum meritis socios fide pares, devotione strenuos, passione consimiles; et in resurrectione felicium facias coaequari. R\. Amen.

Per.

R\. Justus si morte praeoccupatus fuerit, P. Anima (0998B)ejus in refrigerio erit. V\. In memoria aeterna erit justus: obauditu malo non timebit. P. Anima ejus. V\. Gloria, et honor. P. Anima ejus.

In Laudibus. Antiphona. Thronum gloriae hereditans illi: dat votum optanti.

Canticum. Confirmatum est cor meum. Fol. 86. P. Thronum gloriae. V\. Gloria, et honor. P. Dat votum optanti.

[CLXII] Ad Benedictus. Antiphona. Benedictio Domini in mercedem justi festinat.

Canticum. Benedictus es Domine. Fol. 6.

Sonus. Septies in die laudem dixi tibi Domine alleluia, alleluia, super judicia justitiae tuae. Alleluia, (0998C)alleluia.

Lauda. Laudate Dominum de coelis Alleluia: Laudate eum in excelsis. Alleluia. Psalmus. 148.

Prophetia. Justus si morte praeoccupatus. Fol. 53. Hymnus. Deus tuorum militum. Supplicatio. Oremus Redemptorem. fol, 156. Capitula. Omnipotens Deus, qui Martyrem tuum. Lauda. In psalterio, et cithara. Benedictio. Christus Dominus, qui Martyri suo. Fol. 191.

INCIPIT OFFICIUM SIVE HISTORIA PLURIMORUM MARTYRUM. SEX CAPPARUM. Ad Vesperos. (0998D) Lauda. Exortum est in tenebris lumen rectis corde: P. Misericors, et miserator, et justus Dominus. V\. Directam fecit viam justorum, et praeparavit iter Sanctorum. P. Misericors.

Dominus sit. R\. Et cum.

Sonus. Justorum animae in manu Dei sunt, et non tanget illos tormentum mortis, Alleluia. V\. Visi sunt in oculis insipientium mori: et aestimata est malitia exitus illorum: illi autem sunt in pace. Alleluia.

Dominus sit semper. R\. Et cum.

Antiphona. Viri justi, germinate sicut rosae germinant sub umbra montis; P. Et quasi lilium odorem suavitatis habete. V\. Gaudete justi in Domino: (0999A)rectos decet collaudatio. P. Et quasi lilium. V\. Gloria, et honor. P. Et quasi lilium.

Dominus sit semper. R\. Et cum.

Lauda. Sanguinem Sanctorum requiram, dicit Dominus: P. Et habitabo cum eis in regno meo. Alleluia, alleluia. V\. Fidelis Dominus in verbis suis: et sanctus in omnibus operibus suis. P. Et habitabo. V\. Gloria, et honor. P. Et habitabo.

Hymnus.

Sanctorum meritis inclyta gaudia Pangamus socii, gestaque fortia: Nam gliscit animus promere cantibus Victorum genus optimum.

Hi sunt quos retinens mundus inhorruit: Ipsum nam sterili flore per aridum (0999B)Sprevere penitus, teque secuti sunt, Rex Christe bone coelitus.

Hi pro te furias, atque ferocia Calcarunt hominum, saevaque verbera: Cessit his lacerans fortiter ungula Nec carpsit penetralia.

Caeduntur gladiis more bidentium: Non murmur resonat, non querimonia; Sed corde tacito mens bene conscia Conservat patientiam.

Quae vox, quae poterit lingua retexere, Quae tu Martyribus munera praeparas? Rubri nam fluido sanguine laureis Ditantur bene fulgidis.

Te summa Deitas, unaque poscimus, (0999C)Ut culpas abluas, noxia subtrahas, Des pacem famulis, nobisque gloriam Per cuncta tibi saecula. Amen.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut per gratiam ipsius, et per intercessionem Sanctae Mariae Virginis, et Genitricis suae, et per intercessionem sanctorum Martyrum suorum. NN. nobis remissionem peccatorum, et pacem propitius donare dignetur. R\. Praesta aeterne omnipotens Deus.

Kyrie, eleison. R\. Christe, eleison, Kyrie, eleison.

Capitula. Christe, qui es Dei Patris indeficiens lumen, (0999D)tibi hoc diei vergentis occiduo, et advenientis primordio, in commemorationem sanctorum Martyrum tuorum NN. votivas fundimus preces; fideliter exorantes: ut iisdem suffragantibus, famulorum tuorum concordes, et pacificas orationes ad vocem sacrificii vespertini hymnis oblatas et canticis, misericors et placatus acceptare digneris.

Pater noster. Liberati a malo. Fol. 2.

Benedictio. Meritis Sanctorum suorum NN. divina pietas benedictionem nobis impertiat. R\. Amen. Preces nostras propitiatus exaudiat. R\. Amen. Ira sua occurrat nobis in veniam, et mortem nostram commoveat in vitam. R\. Amen.

Lauda. Gaudium sempiternum super caput Sanctorum; P. Laus et jocunditas apprehendet [CLXIII] (1000A)eos. Alleluia, alleluia. V\. Beati, qui custodiunt judicium, et faciunt justitiam in omni tempore. P. Laus et jocunditas. V\. Gloria, et honor. P. Laus et jocunditas.

Oratio. Memento nostri, Domine; et sicut beatissimis sanctis tuis N. N. digna praemia reddis: ita nostris parce, et miserere peccatis: ut absoluti de praeteritis, mereamur custodiam de futuris. R\. Amen.

Per.

In nomine Domini.

SEQUUNTUR MATUTINI DE SANCTIS, VEL PLURIMORUM MARTYRUM PRAECIPUIS, VEL SOLEMNIBUS. Antiphona. Da nobis laetitiam salutaris tui: spiritu (1000B)principali confirma nos Domine. Psalmus

Oratio. Redde nobis, Domine, laetitiam salutaris tui, quam amisimus inique gerendo, et praetermisimus negligendo: Tu ad eam nos revoca, et eam nobis restaura: ut peccato expulso, succedat justitia: et, moestitia repulsa, adsit laetitia: Da, quaesumus, hanc jocunditatem, ut pervenire mereamur ad aeternam salutem. R\. Amen.

Per misericordiam.

Antiphona. Justi epulentur, et exultent in conspectu Domini: P. Et delectentur in laetitia. V\. Salus autem justorum a Domino Deo est: in tempore opportuno, et in tempore tribulationis. P. Et delectentur in laetitia. V\. Gloria, et honor. P. Et delectentur.

(1000C)Oratio. Memento nostri, Domine. Ut hic supra.

Antiphona. Qui persequebantur justos, dimersisti, Domine, in profundum; P. Et in columna nubis dux eorum fuisti. V\. Quia tu Domine suavis, et mitis; et multae misericordiae omnibus invocantibus te. P. Et in columna. V\. Gloria, et honor. P. Et in columna nubis.

Oratio. Gaudium nostrum, et salus nostra, virtus, atque justitia, Domine Deus omnipotens, fac nos, quaesumus, placida tibi Sanctorum sorte gaudere: et illic laudes tuas rectorum munere perpetim decantare. R\. Amen.

Antiphona. Prope timentes Deum, salutare ipsius, et super sanctos suos, P. Et in eos qui convertuntur (1000D)ad ipsum. V\. Fidelis Dominus in omnibus verbis suis: et sanctus in omnibus operibus suis. P. Et in eos. V\. Gloria, et honor. P. Et in eos.

Oratio. Beatissimorum Martyrum N. N. praesidiis animati, fida ad Dominum nostrum pergat oratio: ut quorum in hoc saeculo gloriosum celebramus triumphum, eorum in aeternum precibus adjuvemur. R\. Amen.

Per misericordiam.

R\. Sancti, qui certamen habuerunt pro fide, inimicus in eis potestatem non habebit: quia clamaverunt una voce, dicentes: P. Sanctus Deus, Sanctus fortis, excelsus, Sanctus, et immortalis, miserere nobis. V\. Vidi in coelo turbam magnam, quam dinumerare nullus poterat: et clamabant voce magna, (1001A)dicentes: V\. Sanctus Deus, Sanctus fortis. V\. Gloria, et honor. Reiteretur Responsoriam Sancti.

In Laudibus. Ad Canticum. Antiphona. Diligentes te, Domine, sicut sol in ortu suo resplendens, ita rutilant.

Canticum Judicum (Cap. 5).

Qui sponte obtulistis de Israel animas vestras ad periculum, * benedicite Dominum.

Audite reges, percipite auribus principes: * Ego sum, ego sum quae Domino canam, et psallam Domino Deo Israel.

Domine, cum exires de Seir, * et transires per regiones Edom,

Terra mota est, coelique ac nunes stillaverunt aquis.

(1001B)Montes fluxerunt a facie Domini, * et Sinai a facie Domini Dei Israel.

In diebus Samgar filii Anath, in diebus Jahel, quieverunt semitae: * et ingrediebantur per eas, ambulaverunt per calles devios.

Cessaverunt fortes in Israel, et quieverunt: * donec surgeret Debbora, surgeret mater in Israel.

Nova bella elegit Dominus, * et portas hostium ipse subvertit

Clypeus et nasta si apparuerint in quadraginta millibus Israel. * Cor meum diligit principes Israel:

Qui propria voluntate obtulistis vos discrimini, * benedicite Dominum.

Qui ascenditis super nitentes asinos, et sedetis in (1001C)iudicio, et ambulatis in via, * loquimini. Ubi collisi sunt currus hostium, et suffocatus est exercitus,

[CLXIV] Ibi narrentur justitiae Domini * et clementia in fortes Israel.

Tunc descendit populus Domini ad portas, * et obtinuit principatum.

Surge, surge Debbora, surge, surge, loquere canticum: * surge Barac, et apprehende captivos tuos, fili Abinoem

Salvatae sunt reliquiae populi, * Dominus in fortibus dimicavit.

Ex Ephraim delebo eos in Amalec, * et post eum Benjamin

In populos tuos, o Amalec: de Machir principes (1001D)descenderunt, * et de Zabulon qui exercitum ducerent ad bellandum.

Duces Issachar fuere cum Debbora, et Barach vestigia sunt secuti, * qui quasi in praeceps ac in barathrum se discrimini dedit:

Diviso contra se Ruben, * magnanimorum reperta contentio est.

Quare habitas inter duos terminos, * ut audias sibilos gregum?

Gath trans Jordanem quiescebat, * et Dan vacabat navibus:

Aser habitabit in littore maris, * et in portibus morabatur.

Zabulon vero et Nephtalim obtulerunt animas suas morti * in regione Cane.

(1002A)Venerunt reges et pugnaverunt, pugnaverunt reges Chanaan in Thanach juxta aquas Mageddo, * et tamen nihil tulerunt praedantes.

De coelo dimicatum est contra eos: stellae manentes in ordine et cursu suo, adversus Sisaram pugnaverunt.

Torrens Cison traxit cadavera eorum, * torrens Cadumim, torrens Cison.

Conculca animam robustorum: * ungulae equorum ceciderunt, fugientibus impetum, et per praeceps rugientibus fortissimis hostium.

Maledicite terrae Meroz, dixit Angelus Domini: * maledicite habitatoribus ejus, quia non venerunt in auxilium Domini, in adjutorium fortissimorum ejus.

(1002B)Benedicta inter mulieres Jahel uxor Haber Cinaei, * benedicatur in tabernaculo suo.

Aquam petenti lac dedit, * et in phiala principum obtulit butyrum.

Sinistram manum misit ad clavum, et dexteram ad fabrorum malleos, * percussitque Sisaram quaerens in capite vulneris locum, et tempus valide perforans.

Inter pedes ejus ruit: defecit, et mortuus est: * ante pedes illius volvebatur, et jacebat exanimis et miserabilis.

Per fenestram respiciens, ululabat mater; * et de coenaculo loquebatur, dicens:

Cur morantur regredi currus ejus? * Quare tardaverunt pedes quadrigarum illius?

(1002C)Una sapientior caeteris uxoribus ejus, * haec socrui verba respondit:

Forsitan nunc dividet spolia, * et pulcherrima feminarum eligitur ei:

Vestes quoque diversorum colorum Sisarae tradentur in praedam, * et supellex varia ad ornanda colla congeruntur.

Sic pereant omnes inimici tui, Domine: * qui autem te diligunt, sicut sol in ortu resplendens, ita rutilent.

Gloria, et honor Patri.

P. Diligentes te, Domine, sicut sol in ortu suo resplendens, ita rutilant.

Ad Benedictus. Antiphona. Sancti, et humiles (1002D)corde, spiritus et animae justorum, benedicite Dominum.

Canticum. Benedictus es Domine. fol. 6.

Reiteretur Antiphona Sancti.

Sonus. Salus justorum a Domino est: et salvabit eos Alleluia, alleluia; V\. Quia speraverunt in Deum vivum. P. Et salvabit eos. Alleluia, alleluia.

Lauda. Laudate Dominum de coelis Alleluia: Laudate eum in excelsis. Alleluia. Psalmus CXLVIII.

Lectio libri Sapientiae Salomonis (Cap. V).

R\. Deo gratias.

Justi in perpetuum vivent, et apud Dominum est merces eorum, et cogitatio illorum apud Altissimum. Ideo susceperunt regnum decoris, et diadema speciei de manu Domini: quoniam dextera sua teget (1003A)eos, et brachio suo defendit illos. Tunc stabunt justi in magna constantia adversus eos qui se angustiaverunt, et qui abstulerunt labores illorum. Videntes turbabuntur terrore horribili, et mirabuntur in subitatione insperatae salutis, dicentes inter se, poenitentiam agentes, et prae angustia spiritus gementes: Hi sunt quos aliquando habuimus in risu, et in similitudinem improperii. Nos insensati vitam illorum aestimabamus insaniam, et finem illorum sine honore: quomodo computati sunt inter filios Dei, et inter sanctos sors illorum inventa est. R\. Amen.

[CLXV] Hymnus.

Laudes sanctorum Martyrum, Quos sacra fecit passio Christi conformes glori (1003B)Puris canamus cordibus:

Quos de futuris praemiis Securos coeli milites, Nec mundi movit vanitas, Nec terror fregit impius

Non tenebrosi carceres, Onus cervicis ferreum, Non manicae, vel compedes Mentium mutarunt gaudia.

Aeterni fontis etiam Semel rigati poculo, Sitim praesentis temporis Refrigerabat Spiritus.

Negato pane fortius, (1003C)Non famem sentit sanctitas; Quos pascit verbo solito Fide bibebant uberes.

Cordis probato robore, Velantes tot molestias Agon suscepit publicus Vitam petentes Martyres.

Sic Sancti, quos non fregeram Carcer, fames, et vincula, Alacres in supplicia Mundi vicerunt Principem.

Suum factorem Dominum Christum secuti Martyres, Post ignes, cruces, gladios, Aeternis florent praemiis.

Deo Patri sit gloria, (1003D)Ejusque soli Filio, Cum Spiritu Paraclito, In sempiterna saecula. Amen.

Supplicatio. Oremus. fol. CLXII.

Capitula. Deus, qui in omnium Sanctorum protectione mirabilis, hunc diem praecipuorum Martyrum tuorum N. N. consecrasti: quaesumus potentiam tuam: et da Ecclesiae tuae catholicae de tantis gaudere principibus: ut illorum sequi mereamur pia devotione doctrinam; qui dilectos tibi greges tuo pane paverunt: et qui tibi de tuo munere placuerunt, eorum precibus adjuti, mereamur de praesentibus angustiis liberari.

(1004A)Pater noster. Liberati. fol. 2.

Lauda. Respexit eos cum tribularentur: Alleluia; P. Cum exaudiret orationes eorum. Alleluia, alleluia. V\. Et clamaverunt justi ad Dominum cum tribularentur: et de necessitatibus eorum liberavit eos. P. Cum exaudiret. V\. Gloria. P. Cum exaudiret.

Benedictio. Meritis sanctorum. fol. CLXII.

In nomine Domini.

Fiat commemoratio. Lauda. Ad annuntiandum. Oratio. Mane Domine. fol. CLIX.

OFFICIUM PLURIMORUM MARTYRUM QUATUOR CAPPARUM. Ad Vesperos. Lauda. Exortum est. fol. CLXII.

(1004B)Sonus. Gaudete justi in Domino: rectos decet collaudatio. Alleluia. V\. Confitemini Domino in cithara: in psalterio decem chordarum psallite Deo. Alleluia, alleluia.

Dominus sit. R\. Et cum.

Antiphona. Sancti sicut rosae germinant per diem, P. Et velut germen olivae per totam noctem. V\. Beata gens, cujus est Dominus Deus ejus; populus, quem elegit in hereditatem sibi. P. Et velut. V\. Gloria, et honor. P. Et velut.

Dominus sit. R\. Et cum.

Lauda. Beati mundo corde: P. Quoniam ipsi Deum videbunt. Alleluia, alleluia, alleluia. V\. Beati, qui custodiunt judicium, et faciunt justitiam in (1004C)omni tempore. P. Quoniam ipsi. V\. Gloria, et honor. P. Quoniam.

Hymnus. Sanctorum meritis. Supplicatio. Oremus. fol. CLXII.

Capitula. Deus, Sanctorum omnium gloriosa, et copiosa misericordia, exaudi supplicem tibi plebem, per sanctorum Martyrum tuorum N. N. a te suffragia postulantem: rege nos per alternas temporum vices, et dispares dierum, ac noctium successiones pari protectione custodi: ut adjuti sanctorum praecipuorum Martyrum tuorum N. N. precibus; qui diem hunc per misericordiam tuam prosperum duximus; noctem quoque hanc placidam tibi, animarum, et corporum puritate ducamus.

Pater noster. Liberati. fol. 2.

(1004D)Benedictio. Sanctorum praecipuorum Martyrum suorum N. N. nos Dominus muniat patrocinio, et expiet a peccato. R\. Amen. Illorum nos efficiat suffragatione felices; quorum [CLXVI] nunc sumus solemnitatibus obsequentes. R\. Amen. Et cum illis pariter mereamur ingredi caelum; quorum nunc in terra celebramus triumphum. R\. Amen.

Per.

Lauda. Gaudium sempiternum. fol. CLXII.

Oratio. Deus, qui sanctorum Martyrum tuorum N. N. meritis agnosceris esse mirabilis: esto placabilis excessibus nostris, et auxiliator in omnibus opportunis: sitque honor virtutis tuae, quod glorificas sanctos, et gratia, quod justificas impios. R\ Amen.

(1005A)Per.

In nomine Domini.

Ad Matutinum. Antiphona. Da nobis laetitiam salutaris tui: et spiritu principali confirma nos Domine. Psalmus L. Reiteretur. Da nobis.

Oratio. Redde nobis. fol. CLXIII.

Antiphona 1. Sanctis tuis, Domine magna erat lux; P. Eo quod ignem urentem, columnam lucis habuerunt in nocte. V\. Invocabant Dominum, et ipse exaudiebat eos: in columna nubis loquebatur ad eos. P. Eo quod. V\. Gloria, et honor. P. Eo quod.

Oratio. Deus, qui Sanctorum. Ut hic supra.

Dominus sit. R\. Et cum

(1005B)Antiphona. 2. Quanta malignatus est inimicus in sanctis tuis. Et gloriati sunt omnes qui te oderunt, in medio atrii tui. P. Eleva manum tuam, Domine, in superbia eorum in fine. V\. Incenderunt igni sanctuarium tuum: in terra polluerunt tabernaculum nominis tui. P. Et gloriati sunt. V\. Gloria, et honor. P. Eleva manum.

Oratio. Deus, qui virtutem Sanctis, et sanctimoniae ornamenta largiris: hanc Ecclesiam honores Martyribus tuis N. N. exhibentem, sanctitatis perorna insignibus: ut qui gloriantur victores triumpho extare Martyres, sic aeternis Sanctorum tuorum felicitatibus copulentur. R\. Amen.

Per.

Antiphona 3. Sancti tui Domine. P. Quasi oves (1005C)exultaverunt, glorificantes te: V\. Quia liberasti eos. P. Domine, in lumine vultus tui ambulabunt, et in nomine tuo exaltabuntur. P. Quasi. V\. Gloria, etc. P. Quia liberasti.

Oratio. Sanctos tuos, Domine, Martyres N. N. virtute tuae dexterae fultos, invicto agone certasse recolimus; unde eorum memorias veneramur pariter et oramus: ut sicut illustres eos tui nominis confessio praebuit, ita nostri sedulitate obsequii, dignentur jugiter nobis adesse patroni. R\. Amen.

Per.

R\. Beati, qui habent partem in prima resurrectione: in eis secunda mors non habebit potestatem. V\. Beati, qui persecutionem patiuntur propter justitiam: quoniam ipsorum est regnum coelorum. P. In (1005D)eis secunda mors. V\. Gloria, et honor. Reiteretur Responsorium. Beati.

In Laudibus. Ad Canticum. Antiphona. Omnes sancti in manu Dei sunt: et qui appropinquant pedibus ejus, accipient de doctrina ipsius.

Canticum Deuteronomii. (Cap. XXXIII).

Dominus de Sina venit, * et de Seir ortus est nobis:

Apparuit de monte Pharan, * et cum eo sanctorum millia.

In dextera ejus ignea lex. * Dilexit populos.

Omnes sancti in manu ejus sunt: * et qui appropinquant pedibus ejus, accipient de doctrina ipsius.

(1006A)Legem praecepit nobis Moyses, * hereditatem multitudinis Jacob.

Erit apud rectissimum rex, * congregatis principibus populi cum tribubus Israel.

Vivat Ruben, et non moriatur, * et sit parvus in numero.

Audi Domine vocem Judae, * et ad populum suum introduc eum:

Manus ejus pugnaverunt pro eo, * et adiutor illius contra adversarios ejus erit.

Perfectio tua, et doctrina tua * Levi viro sancto tuo,

Quem probasti in tentatione, * et judicasti ad aquas contradictionis.

Qui dixit patri suo, et matri: Nescio vos; * et (1006B)fratribus suis: Ignoro illos: et nescierunt filios suos.

Hi custodierunt eloquium tuum, et praeceptum servaverunt, * judicia tua o Jacob, et legem tuam o Israel:

Ponent thymiama in furore tuo, et holocaustum super altare tuum.

Benedic Domine fortitudini ejus, * et opera manuum illius suscipe.

Percute dorsa inimicorum ejus: * et qui oderunt eum, non consurgant.

Amantissimus Domini Benjamin habitabit confidenter in eo: * et quasi in thalamo tota die morabitur, inter humeros illius requiescet.

[CLXVII.] Benedicat Dominus terram Joseph, * de (1006C)pomis coeli, et rore, atque abysso subjacente. De pomis fructuum solis ac lunae.

Vertice antiquorum montium, de pomis polorum aeternorum: * et de fructibus terrae, et plenitudine ejus.

Benedictio illius qui apparuit in rubo, veniat super caput Joseph, * et super verticem nazaraei inter fratres suos.

Quasi primogenita tauri pulchritudo ejus, cornua rhinocerotis cornua ipsius: * in ipsis ventilabit gentes usque ad terminos terrae:

Hae sunt multitudines Ephraim, * et naec millia Manasse.

Laetare Zabulon in exitu tuo, * et Issachar in tabernaculo tuo.

(1006D)Populos ad montem vocabunt: * ibi immolabunt victimas justitiae.

Qui inundationem maris quasi lac sugent, * et thesauros absconditos arenarum.

Benedictus ille in latitudine Gad: * quasi leo requievit, cepit brachium ac verticem.

Et vidit principatum suum, quod in parte doctorum esset repositus:

Qui fuit cum principibus populi, * et fecit justitias Domini, et judicium suum cum Israel.

Dan catulus leonis, * fluet largiter de Basan.

Nephtalim abundantia perfruetur, et plenus erit benedictione Domini: * mare et meridiem possidebit.

(1007A)Benedictus in filiis Aser, * sit placens in fratribus suis,

Tingat in oleo pedem suum: * ferrum et aes calceamentum ejus.

Sicut dies juventutis tuae, * ita et senectus tua.

Non est alius ut Deus fortissimus: * accensor coeli auxiliator tuus.

Magnificentiae ejus discurrunt nubes, habitacula ejus sursum, * et subter brachia sempiterna: ejiciet a facie tua inimicum, dicetque: Conterere.

Habitabit Israel confidenter, et solus: * oculi Jacob in terra frumenti et vini, coelique caligabunt rore.

Beatus tu Israel: * quis similis tibi popule, qui salvaris a Domino?

(1007B)Scutum auxilii tui: * et gladius gloriae tuae.

Negabunt te inimici tui, * et tu eorum colla calcabis.

P. Et qui appropinquant pedibus ejus, accipient de doctrina ipsius. Gloria, et honor.

P. Et qui appropinquant.

Oratio. Venisse te Dominum cum Sanctorum millibus, et venturum Prophetarum vaticiniis audientes, exposcimus: ut, qui te ad redemptionem mundi venisse jam credimus, venturum quoque ad judicium, purgatis cordibus praestolemur: ut, quia in manu tua Sanctorum multitudo consistit, in remedio pietatis tuae reditus a te peccantium cumuletur: qualiter adpropinquantes pedibus tuis, satiemur semper doctrina intimae visionis. R\. Amen.

(1007C)Per.

Ad Benedictus. Antiphona. Sancti et humiles corde, spiritus et animae justorum, benedicite Dominum.

Canticum. Benedictus es. fol. 6.

Sonus. Via justorum regia facta est Alleluia. Iter sanctorum praeparatum est. Alleluia, alleluia, alleluia, V\. Hic est civitas, et salvatio justorum. Pone murum, et juxta murum congregationes Sanctorum. Alleluia.

Lauda. Laudate Dominum de coelis Alleluia: Laudate eum in excelsis. Alleluia. Psalmus CXLVIII.

Lectio libri Sapientiae Salomonis (Cap. III).

R\. Deo gratias.

Justorum animae in manu Dei sunt, et non tanget (1007D)illos tormentum mortis. Visi sunt oculis insipientium mori: et aestimata est malitia exitus illorum; et ab itinere justo abierunt in exterminium: et quod a nobis est iter exterminii: illi autem sunt in pace. Et si coram hominibus tormenta passi sunt, spes illorum immortalitate plena est. In paucis vexati, et in multis bene disponentur: quoniam Deus tentavit illos, et invenit eos dignos se. Tanquam aurum in fornace probavit illos, et quasi holocausti hostiam accepit illos, et in tempore erit respectus illorum. Fulgebunt justi, et tamquam scintillae in arundineto discurrunt. Judicabunt nationes, et dominabuntur populis, et regnabit illorum Dominus in perpetuum. R\. Amen.

Hymnus. (1008A)

Rex gloriose Martyrum, Corona confitentium; Qui respuentes terrea Perducis ad Coelestia.

Aurem benignam protinus Appone nostris vocibus: Trophea sacra pangimus: Ignosce quod delinquimus.

[CLXVIII] Tu vincis in Martyribus, Parcendo confessoribus: Tu vince nostra crimina, Donando indulgentiam.

Deo Patri sit gloria, Ejusque soli Filio, (1008B)Cum Spiritu Paraclito, In sempiterna saecula. Amen.

Supplicatio. Oremus. fol. CLXII.

Capitula. Deus, qui beatorum tuorum N. N. Martyrum solicitus custos, et amplificus remunerator existis: hanc plebem nostram agonibus congaudentem, intende clemens, et da singulis quod poscunt, qui Sanctis tribuisti de hoste triumphum: ut quos per carnis mortem tibi placuisse meminimus, patronos apud te semper strenuos habeamus.

Pater noster. Liberati. fol. 2.

Lauda. Gaudium sempiternum super caput Sanctorum: P. Laus, et jocunditas apprehendit eos. Alleluia, alleluia. V\. Beati, qui custodiunt judicium, (1008C)et faciunt justitiam in omni tempore. P. Laus. V\. Gloria, et honor. P. Laus.

Benedictio. Sanctorum praecipuorum. fol. CLXV.

In nomine.

Commemoratio. Lauda. Ad annuntiandum. Oratio. Mane Domine. fol. CLIX.

OFFICIUM PLURIMORUM MARTYRUM DUARUM CAPPARUM VEL NOVEM LECTIONUM. Ad Vesperos. Lauda. Exortum est. fol. CLXII.

Sonus. Alleluia. Justi in perpetuum vivent Alleluia, V\. Et apud Dominum est merces eorum. Alleluia, alleluia.

Dominus sit. R\. Et cum.

(1008D)Antiphona. Sanctorum ossa germinabunt de loco suo; P. Et nomina eorum sicut lilia munda florebunt. V\. Plantati in domo Domini, in atriis domus Dei nostri. P. Et nomina. V\. Gloria. P. Et nomina.

Dominus sit. R\. Et cum.

Lauda. Invocabant Dominum, et ipse exaudiebat eos: P. In columna nubis loquebatur ad eos. Alleluia, alleluia. V\. Et clamaverunt justi ad Dominum cum tribularentur: et de necessitatibus eorum liberavit eos. P. In columna. V\. Gloria, etc. P. In columna.

Hymnus. Sanctorum meritis.

Supplicatio. Oremus. fol. CLXII.

Capitula. Sancte Domine, in cujus honore Martyrum tuorum N. N. pia confessione laetamur. oramus te, et quaesumus; ut qui propter David servum tuum (1009A)Christi tui faciem non avertis, propter nos famulos tuos, Sanctorum Martyrum tuorum N. N. suffragia non retardes

Pater noster. Liberati. fol. 2.

Benedictio. Benedicat vos Dominus intercessu sanctorum Martyrum suorum N. N., et dextera sua protectos custodire dignetur. R\. Amen. Liberet vos eorum meritis a cunctis vitae praesentis illecebris; et gratiam Sancti Spiritus infundat in cordibus vestris. R\. Amen. Auferat a vobis omnes maculas delictorum; et perducat vos ad splendorem omnium Sanctorum suorum. R\. Amen.

Per.

Lauda. Respexit eos cum tribularentur Alleluia. P. Cum exaudiret orationes eorum. Alleluia, alleluia, (1009B)alleluia. V\. Et clamaverunt justi ad Dominum cum tribularentur: et de necessitatibus eorum liberavit eos. P. Cum. V\. Gloria, et honor. P. Cum.

Oratio. Confitentes tibi, Domine, in omnibus operibus tuis, te benedicent in Sanctis: Te quaesumus, ut nos Martyrum tuorum N. N. intercessione sanctifices, et perfectione corones. R\. Amen.

Per.

In nomine.

Ad Matutinum. Da nobis laetitiam. Psalmus

Oratio. Redde nobis Domine. fol. CLXIII.

Antiphona 1. Palmae fuerunt in manibus Sanctorum: et magno clamore dicebant: P. Salus Deo (1009C)nostro, qui sedet super thronum, et Agno. V\. Et adjuvabit eos Dominus, et liberabit eos: qui speraverunt in eo. P. Et magno clamore. V\. Gloria, et honor, P. Salus Deo nostro.

Oratio. Confitentes tibi Domine. Quaere retro hic in Vesperis praecedentibus.

Antiphona 2. Florete Sancti sicut rosa plantata super aquas, P. Et quasi lilium date odorem suavitatis. V\. Plantati in domo Domini, in atriis domus Dei nostri. P. Et quasi lilium. V\. Gloria, et honor. P. Et quasi lilium.

[CLXIX] Oratio. Exultatio sanctorum tuorum N. N. Martyrum, Domine Deus Sancte, quaesumus, te requirentes, et invocantes exaudi; et haec nobis munere pietatis attribue: ut dum litamus triumphis (1009D)Martyrum, salvemur suffragiis Sanctorum. R\. Amen.

Per.

Antiphona 3. Filius Dei laetatus est super justos; et in paradiso delitiarum constituit illos. V\. Et clamaverunt justi ad Dominum cum tribularentur: et de necessitatibus eorum liberavit eos. P. Et in paradiso. V\. Gloria, et honor. P. Et in.

Oratio. Redime, Domine, in te sperantium animas nostras: et quia servos tuos nos esse confidimus, Amicorum tuorum suffragiis commendamur: nec unquam eorum auxilio deseramur; quorum nunc te precibus annuere feliciter gratulamur. R\. Amen.

Per.

R\. Sancti, qui per fidem vicerunt regna, operati (1010A)sunt justitiam, adepti sunt repromissiones, extinxerunt impetum ignis, fugaverunt aciem gladii, fortes facti sunt in bello, V\. Obturaverunt ora leonum, convaluerunt de infirmitate sua. P. Et fortes, V\. Gloria, et honor. Reiteretur Responsorium. Sancti.

In Laudibus. Ad Canticum. Antiphona. Gloriosus Dominus in Sanctis, gloriosus, et mirabilis.

Canticum. Cantemus Domino. fol. LXXXIII.

Antiphona. Gloriosus Dominus in Sanctis ejus.

Ad Benedictus. Antiphona. Sancti et humiles corde, spiritus et animae justorum, benedicite Dominum.

Canticum. Benedictus. fol. 6.

Antiphona. Sancti et humiles corde.

Sonus. Via justorum facta est, alleluia: Iter Sanctorum (1010B)praeparatum est. Alleluia, alleluia. V\. Hic est civitas, et salvatio justorum. Pone murum, et juxta murum congregationes Sanctorum. Iter Sanctorum praeparatum est. Alleluia, alleluia.

Lauda. Laudate Dominum de coelis Alleluia: laudate eum in excelsis. Alleluia. Psalmus CXLVIII.

P. Iter Sanctorum praeparatum est. Alleluia.

Prophetia. Justorum animae.

Hymnus. Rex gloriose.

Supplicatio. Oremus Redemptorem.

Capitula. Deus, qui beatorum Martyrum.

Benedictio. Benedicat vos Dominus. folio CLXV, LXVI, LXVII, LXVIII.

In nomine Domini.

Fiat commemoratio. Antiphona. Ad annuntiandum.

(1010C)Oratio. Mane Domine. fol. CLIX.

INCIPIT HISTORIA UNIUS CONFESSORIS PONTIFICIS PRAECIPUI. Ad Vesperos. Lauda. Confessionem, et decorem induisti: P. Amictus sicut lumen vestimentum. V\. Confessio et spes in conspectu ejus: sanctitas et magnificentia in sanctitate ejus. P. Amictus sicut lumen.

Dominus sit. R\. Et cum.

Sonus. Confitebor tibi Domine in toto corde meo: narrabo mirabilia tua. Alleluia. V\. Laetabor et exultabo (1010D)in te Domine: psallam nomini tuo Altissime. Alleluia.

Dominus sit. R\. Et cum.

Antiphona. Confitebor tibi Domine in toto corde meo: P. In consilio justorum, et congregatione. V\. Adorabo ad templum sanctum tuum, et confitebor nomini tuo. P. In consilio. V\. Gloria, et honor. P. In consilio.

Dominus sit. R\. Et cum.

Lauda. Confitebor tibi Domine rex Alleluia: P. Et collaudabo Deum salvatorem meum. Alleluia, alleluia. V\. In conspectu Angelorum psallam tibi: adorabo ad templum sanctum tuum, et confitebor nomini tuo. P. Et collaudabo. V\. Gloria, et honor. P. Et collaudabo.

Hymnus. (1011A)

Summe Confessor, sacer, et sacerdos, Temporum metas rota torquet anni; Tempus est nobis tibi consecratum Pangere festum.

Praesul insignis, meritisque clare, Te sacra Cleri, populique turba Corde prostrati, pietate multa Vernula Patrem.

Vota cunctorum relegas in aula Regis aeterni: foveas utrumque Ordinem; cujus pius extitisti Pastor in urbe

Questubus cunctis referunt gementes; Gestis culparum, lachrymisque pandunt (1011B)[CLXX] Pessimae mentis, animaeque nigrae Crimina dira

Dignaque poena revocat in ora Nostra, cum dira miseros perurget Pendere mundo, variante facta Coelitus ira.

Tu procul casus prohibe tonantis: Pelle peccata, tenua furorem: Pestis et morbus, petimus, recedant, Sospite cive.

Moribus cultis moderare vitam, Conferque sudam, placidamque mentem: Corda virtutum meditentur alma Munera Christi.

Sancte, tu praebe, quotiens rogaris, (1011C)Profluos fructus, pluviasque largas: Credimus, cuncta, Domino favente, Te dare posse.

Credimus Christum pretium laborum, Praemium justum studiis dedisse; A quibus per artus etiam solutos Morte, bearis.

Gloriam Christo patulo canamus Ore praestanti sibi servienti; Tanta qui pollet Deitate simplex, Trinus et Unus. Amen.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut per gratiam ipsius, et per intercessionem (1011D)Sanctae Mariae virginis et genitricis suae, et sancti N. Episcopi et Confessoris, nobis salutem animae, et corporis, et remissionem peccatorum, et pacem propitius donare dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

Capitula. Tu Paternae Divinitatis consors, et Unigeniti connexe Sancte Spiritus, tuam quaesumus, in haec sacrificia vespertina appone clementiam: Ut plebs, quae tuum honorat Confessorem, famulanter te quaesumus, sentiat in beneficiis largitorem, et sua quisque vota se obtinuisse congaudeat; dum Confessoris sui atque Pontificis N. recursis festivitatibus celebrat Natalem.

Pater noster. Liberati. fol. 2.

(1012A)Benedictio. Per interventum beatissimi Antistitis et Confessoris sui N. benedictio Domini largissima veniat super vos. R\. Amen. Orationibus vestris accommodet aurem, et petitionum vestrarum propitius exaudiat precem. R\. Amen. Viam salutis, ipso intercedente, in hujus vitae cursu praeambulemus; ut ad culmen regni coelestis omnes illaesi perveniamus. R\. Amen.

Per.

Lauda. Germinabunt ossa tua quasi salices Alleluia, P. Juxta fluentes aquas. Alleluia alleluia. V\. Et erit tamquam lignum, quod transplantatum est. P. Quasi salices. V\. Gloria, et honor. P: Juxta.

Oratio. Domine Deus, qui beatissimo Confessori tuo atque Pontifici N. dedisti, ut caro ejus requiesceret, (1012B)et pro nominis confessione coronam justitiae consequi posset: da nobis miseris, ut qui confessionis meritum non habemus, ejus precibus et meritis vindictam scelerum evadamus: et sicut caro ejus in inferno non est derelicta, sed a corruptione criminum libera, spiritui post sociata cum Sanctis erit in gloria; ita nos peccatores, ut ad te veniamus, Redemptor criminum jube. R\. Amen.

Per misericordiam.

In nomine. Fiat commemoratio.

Antiphona. Vespere, mane, et meridie te laudamus Domine.

Oratio. Domine Deus omnipotens, qui vespere et mane et meridie unum diem vocari jussisti; et ut sol agnosceret occassum suum imperasti: aperi, (1012C)quaesumus, tenebras cordium nostrorum; ut, te radiante, cognoscamus te Deum verum et lumen aeternum. R\. Amen.

Per misericordiam.

In nomine Domini.

Sequitur Matutinum unius praecipui confessoris et pontificis.

Antiphona. Labia mea Domine aperies: et os meum annuntiabit laudem tuam. Psalm. Reiteretur Labia mea Domine.

Oratio. Laudet te, Domine, lingua nostra, annuntiando justitias tuas: et exultent labia nostra praeconio veritatis, ut non dissolvantur vaniloquio falsitatis: Ut qui tibi confitendo, remissis criminibus, (1012D)in te exultamus; in congregatione justorum, sacro agmine decantantes, vitae beatae efficiamur heredes. R\. Amen.

Per misericordiam.

Antiphona 1. Caro mea requiescet in spe. P. Quoniam non derelinques animam meam in inferno: nec dabis sanctum tuum videre [CLXXI] corruptionem. V\. Notas mihi fecisti vias vitae, et implebis me laetitia cum vultu tuo: delectationes in dextera tua usque in finem: P. Quoniam non derelinques. V\. Gloria, et honor. P. Nec dabis sanctum tuum.

Oratio. Domine Deus, qui beatissimo Confessori tuo atque Pontifici N. dedisti, ut caro ejus requiesceret, et pro nominis confessione coronam justitiae consequi posset: da nobis miseris, ut qui confessionis (1013A)meritum non habemus, ejus precibus et meritis vindictam scelerum evadamus: et sicut caro ejus in inferno non est derelicta, sed a corruptione criminum libera, spiritui post sociata cum Sanctis erit in gloria; ita nos peccatores, ut ad te veniamus, Redemptor criminum jube. R\. Amen.

Per.

Antiphona 2. Custodisti corpus meum ab omni pollutione: P. Odor tuus, Domine, concupiscentias in me excitavit aeternas. V\. Quoniam tu illuminas lucernam meam Domine: et dixi: Illumina tenebras meas. P. Odor tuus Domine. V\. Gloria, et honor. P. Odor tuus.

Oratio. Christe Jesu Dei Filius, qui custodisti corpus beatissimi Confessoris tui atque Pontificis N. ab (1013B)omni pollutione; in quo odor tui muneris concupiscentias excitavit aeternas: excita in nos talem charitatis tuae amorem, quo voluptates superemus carnales; et sic vivamus, ut non futuras veniamus in poenas: ut qui ultonem meremur promeritam; beatitudinis regnum consequamur intercessionibus sanctis. R\. Amen.

Per.

Antiphona 3. Facies tua tamquam aqua munda illuminabitur: P. Vultus autem tuus sicut lucifer orietur a meridiana parte; germinabit tibi vitam. V\. Non det in commotionem pedem tuum: neque obdormiet, qui custodit te. P. Vultus. V\. Gloria. P. Vultus.

Oratio. Aeterne omnipotens Deus, qui sanctum Pontificem et Confessorem tuum N., cujus nunc (1013C)praesenti festivitate gaudemus, ita pro nomine tuo fortiter mundi fallacias repugnare fecisti, ut nihil praesenti saeculo, tuo magno praeferret amori; nobis quoque peccatoribus famulis tuis, ejus concede precibus; ut nullis impediti adversitatibus inimici, ad te Dominum properare festinemus invicti. R\. Amen.

Per misericordiam tuam, etc.

[CLXXI] Responsorium. Ecce Domine in toto corde suo te solum Confessor tuus N. confitetur et credit; dum conceptum amorem tuae fidei confitendo narrat, et mirabilia tua de toto corde pronuntiat; ut credentes vitam habeamus in illo, P. In quo ille per confessionem meruit invenire mercedem. V\. Laetare ergo, et exultare nos fac in te jugiter, et evidenter: (1013D)ut in te habeamus post discrimina requiem. P. In quo ille. V\. Gloria, et honor. Reiteretur Responsorium Ecce.

Oratio. Mirabilis in Sanctis tuis, Domine virtutum, exaudi supplices tuos, et peccatoribus nobis beatissimi Confessoris tui atque Pontificis N. patrocinia largire, et charitatis perpetuae ubertatem attribue. Ille coronam virtutis meruit; nos ejus suffragiis, te donante, veniam criminum, et pacem perpetuae charitatis consequi mereamur. R\. Amen.

Per misericordiam.

In laudibus. Ad Canticum. Antiphona. Confitebor tibi Domine. quia liberasti me a rugientibus, paratis ad escam, et de manu quaerentium animam meam.

(1014A)Canticum Ecclesiastici (cap. LI).

Confitebor tibi Domine Rex, * et collaudabo te Deum salvatorem meum.

Confitebor nomini tuo magno: * quoniam adjutor et protector factus es mihi,

Et liberasti animam meam a perditione, * et a laqueo linguae iniquae, et a labiis operantium mendacium,

Et contra assistentes factus es mihi adjutor. * Et liberasti me secundum multitudinem misericordiae nominis tui

A rugientibus, paratis ad escam, * et de manu quaerentium animam, et de portis tribulationis quae circumdedit me:

A pressura flammae quae circumdedit me, * et in (1014B)medio ignis non aestuavi:

De altitudine ventris inferi, et lingua iniqua, et a verbo mendacii, * a rege injusto, et a lingua injusta:

Laudabit usque ad mortem anima Dominum, * et vita mea in inferno appropinquans erat in inferno deorsum.

Circumdederunt me undique et non erat qui adjuvaret. * Respiciens eram ad adjutorium meum, et non erat.

[CLXXII] Memoratus sum misericordiae tuae Domine, * et operationis tuae, quae a saeculo sunt:

Quoniam eruis sustinentes te, * et liberas eos de manibus gentium.

Exaltasti in terra habitationem meam, * et pro (1014C)mortuo deflendo deprecatus sum.

Invocavi Dominum patrem Domini mei, ut non derelinquat me in die tribulationis, * et in tempore superborum sine adjutorio.

Laudabo nomen tuum assidue, * et collaudabo eum in confessione,

Exaudita est oratio mea. * Liberasti animam meam

A perditione, * et eripuisti me de tempore iniquo.

Propterea confitebor, et laudem dicam tibi, * et benedicam nomini Domini.

Cum adhuc junior sum, priusquam errarem, * quaesivi sapientiam palam in oratione mea.

(1014D)Ante tempus postulabam pro illa, * et usque in novissimo inquiram eam. Et deflui tamquam praecox uva,

Laetatum est cor meum in ea. * Ambulavit pes meus iter rectum,

A juventute mea investigabam illam. * Inclinavi modice aurem meam, et excepi illam.

Multam inveni mihimetipsi sapientiam, * multum profeci in ea.

Danti mihi sapientiam, dabo gloriam. * Consiliatus enim ut facerem illam: zelatus sum, ut non confundar.

Colluctata est anima mea in illa, * et in faciendo eam confirmatus sum.

(1015A)Manus meas extendi in altum, * et insipientiam ejus luxi.

Viam meam direxi ad illam, * et in magnitudinem inveni eam.

Possedi cum ipsa cor ab initio: * propter hoc non relinquar

Venter meus conturbatus est quaerendo eam: * propterea possidebo bonam possessionem.

Dedit enim mihi Dominus linguam mercedem meam: * et in ipsa laudabo eam.

Appropinquate ad me indocti, * et congregate vos in domum disciplinae:

Quid adhuc retardatis? et quid dicitis? * animae vestrae sitiunt vehementer.

Aperui os meum, et locutus sum: comparate (1015B)vobis sine argento,

Et collum vestrum subjicite jugo, et suscipiat anima vestra disciplinam: in proximo est enim invenire eam.

Videte oculis vestris, quoniam modicum laboravi, * et inveni multam requiem.

Assumite disciplinam in multo numero argenti, * et copiosum aurum possidete in ea.

Laetetur anima vestra in misericordia ejus, * et non confundemini in laude ipsius.

Operamini opus vestrum ante tempus, * et dabit vobis mercedem vestram in tempore suo.

Antiphona. Confitebor tibi Domine: quia liberasti, ut supra.

Ad Benedictus. Antiphona. Benedictio Domini in (1015C)mercedem justi festinat.

Canticum. Benedictus es Domine. fol. 6.

Sonus. In conspectu Angelorum psallam tibi Domine Alleluia: V\. Adorabo ad templum sanctum tuum, et confitebor tibi, Domine. Alleluia.

Dominus sit. R\. Et cum.

Lauda. Alleluia. Confessio ejus super coelum et terram Alleluia: Exaltavit cornu populi sui. Alleluia. Hymnus est omnibus sanctis ejus. Alleluia, alleluia. Psalmus CXLVIII. Reiteretur Antiphona. Alleluia. Confessio ejus super coelum et terram. V\. Gloria, et honor. P. Exaltavit cornu populi sui. Alleluia. Ut supra.

Lectio libri Esaiae Prophetae (cap. XLII).

(1015D)R\. Deo gratias.

Haec dicit Dominus: Ecce servus meus, suscipiam eum: electus meus, complacuit sibi in illo anima mea: dedit spiritum meum, judicium super gentibus profert. Non clamabit, neque accipiet personam, neque audietur foris vox ejus. Calamum quassatum non conteret, et lignum fumigans non extinguet: in veritate educet judicium. Non erit tristis, nec turbulentus, donec ponat in terra judicium: et legem ejus insulae expectabunt. R\. Amen.

Hymnus.

Deus immensa Trinitas, Corona confitentium, Et magna laus Martyrum, Sume preces fidelium.

(1016A)Hujus sancti Pontificis Et Confessoris merito Praestes nobis solatia; Cunctaque purges noxia:

Ut confitentes erigas, Et peccatores redimas, Donando indulgentiam, Et conferendo gratiam.

Et ut vir hic confessus est Tuum nomen mortalibus; [CLXXIII] Ita devotis mentibu. Te fateamur omnibus.

Deo Patri sit gloria, Ejusque soli Filio, Cum Spiritu Paraclito. (1016B)In sempiterna saecula. Amen.

Supplicatio. Oremus Redemptorem. f. CLXX.

Capitula. Christe Deus, qui per Apostolum tuum oris confessionem ad salutem prodesse dixisti; Confessoris tui atque Pontificis N. precibus consule nostrae saluti: ut ea, quae corde credimus, ore autem professi fuerimus, a te exaudiri ocyus mereamur, quo jubente, dicamus:

Pater noster. A malo nos libera. fol. 10.

Dicat Presbyter. Humiliate vos benedictioni.

Dominus sit. R\. Et cum.

Lauda. Germinabunt ossa tua.

Benedictio. Per interventum beatissimi. folio. CLXX.

In nomine Domini. Fiat commemoratio.

(1016C)Lauda. Ad annuntiandum mane misericordiam tuam. Oratio. Mane Domine oratio nostra. folio CLIX.

INCIPIT OFFICIUM UNIUS CONFESSORIS PRAECIPUI NON PONTIFICIS. Ad Vesperos. Lauda. Confessionem, et decorem. folio CLXIX.

Dominus sit. R\. Et cum.

Sonus. In conspectu Angelorum psallam tibi Domine Alleluia: Adorabo ad templum sanctum tuum, et confitebor tibi, Domine. Alleluia.

Dominus sit. R\. Et cum.

Antiphona. Confitebor tibi Domine, quoniam exaudisti me: P. Et factus es mihi in salutem. V\. Deus canticum novum cantabo tibi: in psalterio decachordo (1016D)psallam tibi. P. Et factus es. V\. Gloria, et honor. P. Et factus.

Dominus sit. R\. Et cum.

Lauda. Confitebor Domino Alleluia P. Secundum justitiam ejus. Alleluia. Et psallam. Alleluia. V\. Laetabor et exsultabo in te Domine: et psallam nomini tuo Altissime. P. Secundum justitiam. V\. Gloria, et honor Patri. P. Et psallam. Alleluia.

Hymnus.

Iste Confessor Domini sacratus, Festa plebs cujus celebrat per orbem, Hodie laetus meruit secreta Scandere coeli.

Qui pius, prudens, humilis, pudicus Sobrius, castus fuit, et quietus; (1017A)Vita dum praesens vegetavit ejus Corporis artus.

Ad sacrum cujus tumulum frequenter Membra languentum modo sanitati, Quolibet morbo fuerint gravata, Restituuntur.

Unde nunc noster Chorus in honorem Ipsius, hymnum canit hunc libenter; Ut piis ejus meritis juvemur Omne per aevum.

Sit salus illi, decus, atque virtus, Qui supra coeli residens cacumen Totius mundi machinam gubernat Trinus, et unus. Amen.

(1017B)Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut per gratiam ipsius, et per intercessionem Sanctae Mariae Virginis et Genitricis suae, et sancti Confessoris sui N. nobis salutem animae et corporis, et remissionem peccatorum, et pacem propitius donare dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

Capitula. Aeterne omnipotens Deus, a quo omne bonum exoritur, et meliori cursu progreditur: qui fidem roboras confessorum, praesta tolerantiam bonorum, dum saevit acerbitas persequentium. Omnipotentiam tuam Domine poscimus; ut preces nostras dignanter attendas, et clementer accipias, quas in honorem (1017C)placiti beatissimi Confessoris tui N. adhibemus: ut ejus interventu, cooperante misericordia tua, quod fide postulant, indubitanter obtineant; et ab omnibus absoluti delictis, coeleste regnum possideant.

Pater noster. Liberati a malo. fol. 2.

Benedictio. Christus Dominus, qui beatissimum Confessorem suum N. se digne coram hominibus confiteri fecit in terris, confiteatur nos coram Patre suo, qui est in coelis. R\. Amen. [CLXXIV] Et qui in ore suo accepta sibi confessionis contulit cantica, ipse confessionem nostram remunerandam suscipiat; R\. Amen. Ut exemplo beatissimi Confessoris sui N. confitendo, et laudando nomen Jesu Christi in saeculum, participes ejus, quem confessi sumus, mereamur esse in coelo. R\. Amen

Per.

(1017D)Lauda. Germinabunt ossa. fol. CLXX.

Oratio. Tuam, Clementissime Pater, supplices exoramus clementiam; ut hodierna solemnitas, quam pro beatissimi Confessoris tui N. veneratione suscepimus, ipsa nos tibi commendet: et sicut illi coronam sanctae perfectionis tribuisti; ita nobis ejus intercessione omnium delictorum veniam et indulgentiam largiaris. R\. Amen.

Per misericordiam.

In nomine Domini. Fiat commemoratio. folio 170.

Ad Matutinum. Labia mea Domine. Psalmus L. P. Et os meum. Oratio. Laudet te Domine. fol. CLXX.

Antiphona 1. Confitebor tibi Domine in vasis psalmorum: (1018A)veritatem tuam psallam tibi Deus meus. V\. Gaudebunt labia mea dum cantavero tibi: et anima mea, quam redemisti. P. Veritatem. V\. Gloria, et honor. P. Veritatem tuam.

Oratio. Exemplis, ac meritis sanctissimi Confessoris sui N. instituti, aeterno Regi, ac Patri Deo preces, fratres charissimi, cum omni humilitate fundamus: ut sicut illum pro nostrae eruditionis exemplo, diversarum colluctationum fecit exempla subire; ita intercedendi pro nobis apud pietatis suae clementiam ei tribuat plenissimam facultatem. R\. Amen.

Antiphona 2. Habebis fiduciam, reposita tibi spe, et depositus in terram securus dormies: et requiesces, et non erit qui exterreat te. V\. Non det in commotionem pedem tuum: neque obdormiet, qui custodit (1018B)te. P. Securus dormies. V\. Gloria et honor. P. Et requiesces.

Oratio. Intenta, fratres charissimi, Dominum oratione poscamus; ut hunc diem, quem sancti sui N. confessio illustrat, triumphum celebre nobis ac posteris in rebus et actionibus propitiatus concedat: ut cujus veneratores meremur esse in saeculo, ejus meritis nostrorum consequi mereamur veniam delictorum. R\. Amen.

Per misericordiam.

Antiphona 3. In pace dormiam, et requiescam: quoniam tu Domine singulariter in spe constituisti me. V\. Confitebor tibi Domine in toto corde meo: in consilio justorum, et congregatione. P. Quoniam tu Domine. V\. Gloria, et honor. P. Quoniam tu.

(1018C)Oratio. Tuam, clementissime Pater, supplices exoramus clementiam; ut hodierna solemnitas, quam pro beatissimi Confessoris tui N. veneratione suscepimus, ipsa nos tibi commendet: et sicut illi coronam sanctae perfectionis tribuisti; ita nobis ejus intercessione omnium delictorum veniam et indulgentiam largiaris. R\. Amen.

Per misericordiam.

R\. Ecce quomodo moritur justus, et nemo considerat; et viri justi tolluntur, et nemo conspicit corde; a facie iniquitatis sublatus est justus: erit pax sepulturae ejus. V\. Justus, si morte praeoccupatus fuerit, anima ejus in refrigerio: erit pax. V\. Gloria, et honor. P. Ecce quomodo.

Oratio. Confessoris tui beatissimi N. annua recursione, (1018D)Domine, memoriam solemniter recolentes, supernae gratiae aspersione locupleta: ut cujus nunc festa devoto prosequuntur adnisu, ejus quoque perpetim clementi regantur, et protegantur intutu. R\. Amen.

Per misericordiam.

In Laudibus. Ad Canticum. Antiphona. Confitebor tibi Domine. folio CLXXI. Canticum. Confitebor tibi Domine. P. Quia liberasti. V\. Gloria, et honor. P. Et de manu.

Ad Benedictus. Antiphona. Benedictio Domini. Canticum. Benedictus. fol. 6. P. In mercedem justi. V\. Gloria, et honor. P. In mercedem justi. V\. Benedicamus Patrem. P. In mercedem justi. Sono. In conspectu Angelorum. fol. CLXXII.

(1019A)Lauda. Alleluia. Confessio ejus super coelum et terram Alleluia: P. Exaltavit cornu populi sui. Alleluia. V\. Hymnus est omnibus sanctis ejus. Alleluia, alleluia. Psalmus 148.

Antequam dicatur. Gloria, et honor Patri. [CLXXV] P. Exaltavit cornu. V\. Gloria, et honor. P. Alleluia. Confessio ejus. Totum.

Prophetia. Haec dicit Dominus. Hymnus. Deus immensa. fol. CLXXII. Supplicatio. Oremus Redemptorem. Capitula. Aeterne omnipotens Deus. folio CLXXI. Lauda. Germinabunt ossa fol. 170. Benedictio. Christus Dominus, qui beatissimum. fol. CXXIII.

In nomine Domini.

Fiat commemoratio. fol. CLIX.

INCIPIT OFFICIUM UNIUS CONFESSORIS SIMPLICIS DUARUM CAPPARUM, VEL NOVEM LECTIONUM. (1019B) Ad Vesperos. Lauda. Confessionem, et decorem. Sonus. Confitebor tibi Domine. fol. CLXIX.

Antiphona. Confitebor tibi Domine in toto corde meo: P. Quoniam exaudisti verba oris mei. In conspectu Angelorum psallam tibi. V\. Deus meus es tu, confitebor tibi: Deus meus es tu, et exaltabo te. P. Quia exaudisti. V\. Gloria, et honor. P. In conspectu.

Dominus sit. R\. Et cum.

(1019C)Lauda. Confitebor Domino. Hymnus. Iste Confessor. Supplicatio. Oremus Redemptorem. folio CLXXIII.

Capitula. Gloriose, ac misericors Domine, qui beato Confessori tuo N. tibi nimis in ore suo confiteri dedisti; teque in medio Justorum, ejus confessione laudari voluisti: idem Confessor tuus in hoc vespertino tempore cognoscis esse prolatus: At tu Domine, qui largitus es pro tui nominis confessione coronam; nobis quoque peccatoribus misericordiam, et confitentibus delicta nostra, impetrandi quae poscimus, praesta efficaciam.

Pater noster. Liberati a malo. Quaere fol. 2.

Benedictio. Dominus Jesus Christus, qui est Confessorum remuneratio, Confessoris sui N. suffragio, (1019D)nos sanctae confessionis magnificet dono; R\. Amen. Ut tanti Confessoris sui veraciter imitando exemplum, ad coeleste mereamur pervenire promissum: R\. Amen. Detque nobis se confitendi votum, qui eidem confessionis contulit praemium. R\. Amen.

Per.

Lauda. Germinabunt. fol. CLXX.

Oratio. Deus Dei Filius, quem ille Confessor tuus N. in toto corde confessus, nomen tuum honorificando, perductus est ad coronam; da in ore nostro confessionem, quae nos expurget a crimine: ut quicquid in tuae laudis honore depromimus, in lucro nobis prodesse aeterni muneris sentiamus R\. Amen.

Per misericordiam.

In nomine Domini

(1020A)Fiat commemoratio.

Antiphona. Vespere, et mane.

Oratio. Domine Deus. fol. CLXX.

Ad Matutinum. Antiphona. Labia mea Domine. Psalm. Oratio. Laudet te, Domine. fol. CLXX.

Antiphona. Confitebor tibi in populis Domine: psalmum dicam nomini tuo inter gentes. V\. O Domine ego servus tuus: ego servus tuus, et filius ancillae tuae. P. Psalmum dicam. V\. Gloria, et honor. P. Psalmum dicam.

Oratio. Deus Dei Filius. Ut hic supra.

Antiphona. Confitebor Domino nimis in ore meo: P. Et in medio multorum laudabo eum. V\. Quoniam (1020B)astitit a dextris pauperis, ut salvam faceret a persequentibus animam meam. P. Et in medio. V\ Gloria, et honor Patri. P. Et in medio.

Oratio. Beatum satis, Domine, N. Confessorem tuum esse fecisti: qui in tote corde suo tibi confessus, in concilio Justorum, et congregatione probatur esse conspicuus: Da ergo nos meritis ejusdem, ut confessione simpliciori mundari a crimine, et Sanctorum mereamur congregationi, et coetibus interesse. R\. Amen.

Per misericordiam.

Antiphona. In pace dormiam et requiescam: P. Quoniam tu Domine singulariter in spe constituisti me. V\. Confitebor tibi Domine in toto corde meo: narrabo omnia mirabilia tua. P. Quoniam tu Domine. (1020C)V\. Gloria, et honor. P. Quoniam tu Domine.

Oratio. Deus, qui beatissimi N. confessionem acceptans, ita omnia verba oris ejus plenissime exaudisti, ut participem eum efficeres [CLXXVI] regni tui, quo in conspectu Angelorum tibi psalleret; accipe nunc per eum confessionis nostrae votum, qui illum produxisti ad praemium: et qui illum per confessionem voluisti esse beatum, nos post lapsum in hoc mundo, demum ad aeternam coronandos pertrahas patriam. R\. Amen.

Per misericordiam.

R\. Iste homo in professione sua non est praevaricatus; et in tempore oppressionis suae fidelis inventus est: ideo dilectus factus est a Domino Deo suo. (1020D)V\. Homo iste conservavit legem Dei excelsi in angustia, et tentatione. P. Fidelis inventus est. V\. Gloria, et honor. R\. Iste homo.

Antiphona, ad Canticum. Confitebor Domine. Canticum. Confitebor tibi Domine. Ad Benedictus. Antiphona. Benedictio Domini. Canticum. Benedictus es Cum sono. In conspectu. Et lauda. Alleluia. Confessio. Psalm. CXLVIII. Prophetia. Haec dicit Dominus: Ecce servus meus. Hymnus. Deus immensa. fol. CLXXII. Supplicatio. Oremus Redemptorem mundi. Capitula. Gloriose, ac misericors. Quaere retro folia praecedenti. Lauda. Germinabunt ossa. fol. CLXX. Benedictio. Dominus Jesus Christus. Hic supra. In nomine Domini, etc.

INCIPIUNT HORAE, SIVE HISTORIA PLURIMORUM CONFESSORUM. (1021A) Ad Vesperos. Lauda. Exortum est in tenebris lumen rectis corde: misericors, et miserator, et justus Dominus. V\. Directam fecit viam justorum, et praeparavit iter Sanctorum. P. Misericors, et miserator, et justus Dominus.

Dominus sit. R\. Et cum.

Sono. Salus justorum a Domino est: et salvavit eos. Alleluia, alleluia. V\. Qui speraverunt in Deum: P. Et salvavit eos. Alleluia, alleluia.

(1021B)Dominus sit. R\. Et cum.

Antiphona. Juste, Confessorum opera multa reposita apud te sunt. P. Domine, ex propriis operibus mercedem recipiunt. V\. Justi vero in perpetuum vivent, et apud Dominum est merces eorum. V\. Gloria, et honor. P. Domine, ex propriis.

Dominus sit. R\. Et cum.

Lauda. Invocabant Dominum, et ipse exaudiebat eos: in columna nubis loquebatur ad eos. Alleluia, alleluia. V\. Et clamaverunt justi ad Dominum cum tribularentur: et de necessitatibus eorum liberavit eos. P. In columna nubis. V\. Gloria, et honor. P. In columna.

Hymnus. Sanctorum meritis. fol. CLXII.

Supplicatio. Oremus Redemptorem mundi Dominum (1021C)nostrum Jesum Christum, cum omni supplicatione rogemus; ut per gratiam ipsius, et per intercessionem sanctae Mariae Virginis ejus genitricis, et sanctorum confessorum suorum N. N. nobis salutem animae et corporis, et remissionem peccatorum, et pacem propitius tribuere dignetur. R\. Praesta aeterne omnipotens Deus.

Kyrie, eleison. R\. Christe, eleison. Kyrie eleison.

Capitula. Deus, qui sanctorum Confessorum tuorum providentia mirabili hunc diem solemnitate consecrasti; da Ecclesiae tuae Catholicae, quaesumus potentiam tuam, de tantis gaudere principibus; ut illorum regi mereamur pia devotione, doctrinarique, (1021D)qui dilectos tibi greges tuo pane paverunt: ut qui tibi de tuo munere placuerunt, eorum precibus adjuti mereamur de praesentibus angustiis liberari.

Pater noster. Liberati a malo. fol. 2.

Benedictio. Benedicat vos, omnipotens Deus sanctorum Confessorum suorum N. N. gratia gratulantes. R\. Amen. Donet vobis firmitatem fidei, expectationem spei, et dulcedinem charitatis; R\. Amen. Ut talibus suae gratiae muniti praesidiis, eorum festa celebrantes fieri etiam participes mereamini. R\. Amen.

Per misericordiam.

Lauda. Gaudium sempiternum super caput sanctorum confessorum: P. Laus, et jocunditas apprehendit eos. Alleluia, alleluia. V\. Beati qui custodiunt judicium, et faciunt justitiam in omni tempore. P. (1022A)Laus, et jocunditas. V\. Gloria, et honor. P. Laus.

Oratio. Propitiare, Domine, supplicationibus nostris; et exemplo sanctorum Confessorum tuorum N. N. [CLXXVII.] flammam in nobis accende charitatis: et quorum nos jubes esse imitatores, praesta esse participes. R\. Amen.

Per misericordiam.

In nomine Domini.

Fiat commemoratio.

Antiphona. Vespere, et mane.

Oratio. Domine Deus omnipotens. fol. CLXX.

Ad Matutinum. Antiphona. Da nobis laetitiam salutaris tui: et spiritu principali confirma nos Domine. Psalmus

(1022B)Oratio. Redde nobis laetitiam. fol. CLXIII.

Antiphona 1. Hi sunt qui mortales tunicas deposuerunt, et immortalem vitam sumpserunt: P. Modo coronantur, et accipiunt palmam; V\. Adhuc multiplicabuntur in senecta uberi: et bene patientes erunt, ut annuntient. P. Modo. V\. Gloria, et honor. P. Modo.

Oratio. Deus, exultatio et palma sanctorum Confessorum N N. exaudi nos supplices tuos: et praesta, ut quorum in tuo amore reliquias veneramur, et emolumenta recolimus, eorum meritis ab omnibus malis liberari, et conservari mereamur. R\. Amen.

Per misericordiam.

Antiphona 2. Venite ad me, omnes sancti mei, dicit Dominus, Qui laboratis, et onerati estis, et ego (1022C)reficiam vos. V\. Venite filii, audite me: timorem Domini docebo vos. P. Qui laboratis. V\. Gloria, et honor. P. Qui laboratis.

Oratio. Propitiare, Domine. Hic supra.

Antiphona 3. Venite benedicti patris mei, dicit Dominus: Percipite regnum, quod vobis paratum est ab origine mundi. V\. Accedite ad me, et illuminamini: vultus vestri non erubescent. P. Percipite. V\. Gloria, et honor. P. Percipite.

Oratio. Beatissimorum memoriam Confessorum suorum honorantes, Deum omnipotentem supplices deprecemur; ut nos eorum orationibus circumsepti, eruamur a cunctis infestationibus inimici. R\. Amen.

Per misericordiam.

(1022D)R\. Viri sancti, vobis apertus est paradisus, plantata est arbor vitae, praeparata est abundantia, aedificata est civitas, inventa est requies, perfecta est charitas. Infirmitas a vobis extincta est: dolores transierunt. V\. Ecce quam bonum, et quam jocundum, habitare fratres in unum. P. Perfecta est charitas. V\. Gloria, et honor. R\. Viri sancti.

In Laudibus. Ad Canticum. Antiphona. Domine, qui te diligunt sicut sol splendens in ortu suo, ita rutilent.

Canticum. Qui sponte obtulistis. f. CLXIII.

Ad Benedictus. Antiphona. Justi, et sacerdotes sancti et humiles corde, benedicite Dominum

Canticum. Benedictus es Domine. fol. 6.

(1023A)Sono. Via justorum facta est, Alleluia: iter Sanctorum praeparatum est. Alleluia, alleluia. V\. Hic est civitas, et salvatio justorum: pone murum, et juxta murum congregationem Sanctorum. P. Iter Sanctorum. Psalmus CXLVIII

Prophetia. Justorum animae in manu. Hymnus. Rex gloriose Martyrum. fol. CLXVII. Supplicatio. Oremus. fol. CLXII. Capitula. Deus, qui sanctorum Confessorum. fol. CLXXVI. Lauda. Gaudium sempiternum. Benedictio. Benedicat vos omnipotens. Quaere in Vesperis praecedentibus.

INCIPIT OFFICIUM PLURIMORUM EPISCOPORUM ET CONFESSORUM. Ad Vesperum. (1023B)Lauda. Exortum est in tenebris.

Sono. Alleluia. In omnem terram exivit sonus Sanctorum: P. Et in fines orbis terrae verba illorum. Alleluia. Alleluia. V\. Non sunt loquelae, neque sermones, quibus non audiantur voces eorum. P. Et in fines.

Dominus sit semper. R\. Et cum.

Antiphona. Isti sunt viri nominati in virtute. P. Doctores populi, facientes judicium in doctrina sua. V\. Coeli enarrant gloriam Dei, et opera manuum ejus annuntiat firmamentum. P. Doctores populi. V\. Gloria, et honor. P. Doctores.

Dominus sit. R\. Et cum. P. Disciplina, et sapientia replevit illos Dominus. Alleluia.

Lauda. Creavit in illis gratiam spiritus sui, et intellectu (1023C)replevit corda eorum. Alleluia, alleluia. V\. Et clamaverunt ad Dominum cum tribularentur: et de necessitatibus eorum liberavit eos. P. Creavit in illis. V\. Gloria, et honor. P. Creavit in illis.

[CLXXVIII] Hymnus. Rex gloriose. fol. CLXVII

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus, ut nos gratia ipsius, et per intercessionem sanctorum Episcoporum et Confessorum nobis remissionem peccatorum, et pacem propitius donare dignetur. R\. Praesta aeterne omnipotens Deus.

Kyrie eleison, R\. Christe eleison. Kyrie eleison.

Capitula. Omnipotens Deus, qui diversitates gratiarum in Ecclesia tua distribuens, alios Martyriali (1023D)excellentia consecras, alios gratia Confessionis exornas: da nobis, ut qui Confessorum tuorum N. N. hodie solemnia celebramus, tibi placere ex confessione nostrorum actuum mereamur: ut rogaturi ea, quae, Filio tuo docente, didicimus, exaudiamur, cum clamaverimus:

Pater noster. Liberati a malo. fol. 2.

Benedictio. Christus Dominus, qui justificatorum decore, et poenitentium confessione induitur; Confessorum suorum N. N. prece det vobis ita per confessionem male gesta deflere, ut justificationis fulgeatis decore. R\. Amen. Quique se confitentes justificat, nos per poenitentiam provehat ad coronam; R\. Amen. Ut qui nunc in Confessorum N. N. recordatione et vota promittis, et lamenta, in retributione (1024A)cum eis gaudia obtineatis perpetua. R\. Amen.

Per misericordiam.

Lauda. Vos estis vasa sancta Domini, auro fulgentia Alleluia; P. Quia sponte obtulistis Domino Deo animas vestras. Alleluia, alleluia, alleluia. V\. Benedicti vos a Domino, qui fecit coelum et terram. P. Quia sponte. V\. Gloria, et honor. P. Quia.

Oratio. Deus Dei Filius, lumen astrorum, fulgor syderum, stella splendida et matutina, claritas sempiterna, et Sanctorum eruditio copiosa, erudiat nos, quaesumus, justitiae suae virga per sanctorum suorum N. N. intercessionem assiduam: Sicque quod praedicaverunt splendide inluminati, agendo existamus corde; ut ad illud, quod apud te repositum est (quod oculus non vidit, nec auris audivit) post obitum accedamus (1024B)indemnes, et a nexu peccaminum liberi. R\. Amen.

Per

In nomine Domini.

Ad Matutinum. Antiphona. Da nobis laetitiam. Psalmus L.

Oratio. Redde nobis, Domine. fol. CLXIII.

Antiphona 1. Hi sunt qui missi sunt per orbem terrarum, et prostraverunt se ante Agnum, P. Habentes phialas aureas plenas incensu, quae sunt memoriae sanctorum cantantes canticum novum. V\. In omnem terram exivit sonus eorum: et in fines orbis terrae verba illorum. P. Habentes phialas aureas V\. Gloria, et honor. P. Habentes.

Oratio. Beatissimorum Episcoporum memoriam, (1024C)et sanctorum Confessorum NN. tolerantiam honorantes, Deum omnipotentem supplices deprecemur: ut nos eorum orationibus circumsepti, eruamur a cunctis infestationibus inimici. R\. Amen.

Per misericordiam.

Antiphona 2. Beati, et multo honore digni, quorum portio Deus est; P. Quibus a principio praeparatum est regnum; quorum animae in manu Dei sunt. V\. Clamaverunt justi, et Dominus exaudivit eos: et ex omnibus tribulationibus eorum liberavit eos. P. Quibus a principio. V\. Gloria, et honor. P. Quibus.

Oratio. Beati vere, Domine, et nimio honore digni sunt, quorum tu portio esse dignatus es; ideoque interventu sanctorum tuorum N. N. et Sociorum, quicquid tibi ex nobis non militat, amor coelestis (1024D)Patriae in nobis flagrans usquequaque interimat: et post cum his Sanctis, quorum animae in manu tua sunt, nos pietas tua coelesti in regno adjungat. R\. Amen.

Per misericordiam.

Antiphona 3. Legem tuam splendide docuerunt; P. Quorum sunt opera multa reposita apud te, Domine. V\. Qui confidunt in Domino, sicut mons Sion: non commovebuntur in aeternum, qui habitan in Hierusalem. P. Quorum sunt opera. V\. Gloria, et honor. P. Quorum.

Oratio. Deus Dei Filius. Quaere retro in Vesperis praecedentibus.

R\. Sancti, qui in justitia erudierunt multos, fulgebunt (1025A)sicut splendor firmamenti: P. Et sicut stellae coeli in perpetua aeternitate. V\. Isti sunt viri sancti, quos elegit Dominus [CLXXIX] in charitate non ficta, et eorum doctrina fulget Ecclesia, ut sol et luna. P. Et sicut. V\. Gloria, et honor. P. Et sicut.

Oratio. Christe Dei Filius, qui Sanctos tuos N N. praesciens, ante mundi constitutionem eos eligis et in exemplum nostrum hic eos constituis: fac ita nos sanctorum N. N. Episcoporum et Confessorum praedicamento obedientes existere; ut adoptionem filiorum post nostrum obitum mereamur. R\. Amen.

Per misericordiam.

In Laudibus. Ad Canticum. Antiphona. Qui propria voluntate obtulistis vos discrimini, benedicite Dominum, narrantes (1025B)justitias ejus et clementiam in fortes Israel.

Canticum. Qui sponte obtulistis. f. CLXIII.

Ad Benedictus. Antiphona. Sancti, et humiles corde, spiritus et animae justorum, benedicite Dominum.

Canticum. Benedictus es Domine. fol. 6.

Sono. Alleluia. In omnem terram. Quaere retro in Vesperis praecedentibus.

Lauda. Laudate Dominum de coelis Alleluia: laudate eum in excelsis. Alleluia. Psalmus CXLVIII.

Lectio libri Sapientiae Salomonis (Cap. XLIV.)

R\. Deo gratias.

Multam gloriam fecit Dominus magnificentia sua a saeculo. Dominantes in potestatibus suis, homines magni virtute, et prudentia sua praediti, nuntiantes in dignitate prophetarum, et imperantes in praesenti (1025C)saeculo, et virtute prudentiae populis sanctissima verba. In pueritia sua requirentes modos musicos, et narrantes carmina scripturarum. Omnes divites in virtute, pulchritudinis studium habentes: pacificantes in domibus suis. Omnes isti in generationibus gentis suae gloriam adepti sunt, et in diebus suis habentur in laudibus. Qui de illis nati sunt, reliquerunt nomen narrantes laudes eorum: et sunt quorum non est memoria: perierunt quasi non fuerint: et nati sunt quasi non nati, et filii ipsorum cum ipsis. Sed illi viri misericordes sunt, quorum pietas non defuit: et cum semine ipsorum perseverant bona, hereditas nepotum illorum, et in testamentis stetit semen illorum; et filii illorum propter illos: usque in aeternum (1025D)manebit semen eorum: et gloria eorum non derelinquetur. Corpora eorum in pace sepulta sunt, et nomen eorum manebit in generatione et generatione. Sapientiam ipsorum narrant populi, et laudem eorum nuntiat Ecclesia. R\. Amen.

Hymnus. Rex gloriose Martyrum. folio CLXVII. Supplicatio. Oremus Redemptorem. folio CLXII. Capitula. Omnipotens Deus, qui diversitates. Lauda. Vos estis vasa sancta Domini. Benedictio. Christus Dominus, qui justificatorum. fol. CLXXVIII.

INCIPIT OFFICIUM DE UNA VIRGINE PRAECIPUA. Ad Vesperos. Lauda. Speravit anima mea in Domino, a custodia (1026A)matutina usque ad noctem. V\. Sustinuit anima mea in verbo tuo, Domine. Fiant aures tuae intendentes in orationem ancillae tuae. P. Usque ad noctem.

Sonus. Alleluia. Psallam nomini tuo, Deus, in saecula; P. Ut reddam vota mea de die in diem. Alleluia. V\. Deduxisti me Domine, quia factus es fiducia mea: turris fortitudinis a facie inimici. Habitabo in sanctuario tuo Deus in saecula. P. Ut reddam vota.

Antiphona. Ostende mihi faciem tuam Sion, et vox tua in auribus meis: dulcis est enim mihi vox tua, et facies tua decora. V\. Audi filia, et vide, et inclina aurem tuam: et obliviscere domum patris tui. P. Dulcis est. V\. Gloria, et honor. P. Dulcis est.

Antiphona. Virgo prudentissima, quo progrederis quasi aurora valde rutilans? Filia Sion, tota formosa (1026B)et suavis es. Pulchra ut luna, et electa ut sol. V\. Per diem sol non uret te, neque luna per noctem. P. Tota formosa. V\. Gloria, et honor. P. Pulchra ut luna.

Lauda. Speciosa facta es, et suavis in deliciis tuis: Alleluia. Pulchritudo tua similis est palmae indesinentis in plenitudine claritatis. Alleluia, alleluia, alleluia. V\. Lauda Hierusalem Dominum: et conlauda Deum tuum Sion. P. Pulchritudo. V\. Gloria et honor. P. Pulchritudo tua.

Lauda. Specie et pulchritudine tua intende, prospere procede, et regna, Alleluia, alleluia, alleluia. V\. Propter veritatem et mansuetudinem, et justitiam: et deducet te [CLXXX] mirabiliter dextera tua. P. Intende, prospere. V\. Gloria, et honor. P. Alleluia, alleluia, alleluia.

Hymnus. (1026C)

Virginis Proles, Opifexque Matris, Virgo quem gessit, peperitque Virgo; Virginis festum canimus, trophaeum, Accipe votum.

Haec tua Virgo duplici beata Sorte, dum gessit fragilem domare Corporis sexum, domuit cruentum Corpore saeclum.

Inde nec mortem, nec amica mortis Saeva poenarum genera pavescens, Sanguine fuso meruit sacratum Scandere coelum.

Hujus obtentu, Deus alme, nostris (1026D)Parce jam culpis, vitia remittens; Quo tibi puri resonemus almum Pectoris hymnum.

Gloria Patri, genitaeque Proli, Et tibi compar utriusque semper Spiritus alme, Deus unus omni Tempore saecli. Amen.

Supplicatio. Oremus redemptorem mundi Dominum nostrum Jesum Christum, cum omni supplicatione rogemus; ut per gratiam ipsius, et per intercessionem intemeratae gloriosae beatissimae Virginis Mariae genitricis suae, et sanctae N. virginis et martyris, nobis salutem animae et corporis, et remissionem (1027A)peccatorum, et pacem propitius tribuere dignetur. R\. Praesta aeterne omnipotens Deus.

Kyrie eleison. R\. Christe eleison. Kyrie eleison.

Capitula. Domine Jesu Christe, qui carnis virginitatem servantibus, fructum promittis sperare centesimum; intercessu virginis tuae nostrorum vincula solve peccatorum: ut qui carnea fragilitate dejicimur, ejus patrocinio sublevemur.

Pater noster. Liberati a malo. fol. 2.

Benedictio. Dominus Jesus Christus, qui virginem suam N. casto servavit pudore; castitatis nos dono munificet: R\. Amen. Et qui illam subarrhavit sibi annulo fidei, nos suae connectat indissolubili charitati; R\. Amen. Ut eam pro nobis apud se suffragatricem admittat, quam ipse sibi incorrupto amore (1027B)assumpsit sponsam. R\. Amen.

Per.

Lauda. Sicut palma exaltata sum in Cades Alleluia: et sicut oliva speciosa in campis. Alleluia. Sicit vitis fructificavi suavitatem odoris, Alleluia, alleluia, alleluia. V\. Ego autem, sicut oliva fructifera in domo Domini sperabo et in misericordia Dei mei in aeternum, et in saeculum saeculi. P. Sicut vitis. V\. Gloria, et honor. P. Alleluia, alleluia, alleluia.

Oratio. Domine Jesu Christe, qui castimoniam diligis, et virginitatem amplecteris, sancta virgine tua N. intercedente pro nobis, nostris ignosce piaculis: et nobis ita in praesenti donum tribue castitatis, ut laetemur in futuro cum Angelis sanctis. R\. (1027C)Amen.

Per misericordiam.

In nomine Domini.

Fiat commemoratio.

Antiphona. Vespere, mane, et meridie. Oratio. Domine Deus Omnipotens. folio CLXX.

Ad Matutinum. Antiphona. Labia mea Domine aperies: et os meum annuntiabit laudem tuam. Psalmus

Oratio. Exultent Domine labia nostra praeconio veritatis; ut non resolvantur vaniloquio falsitatis: sicque lingua nostra judicium veritatis loquatur, ut Christum tuum verum judicem promptissima devotione laudet: atque ita praecepta tua assidue in nostro corde versentur; ut gressus nostri ab insidiosis (1027D)decipulis minime supplantentur. R\. Amen.

Per misericordiam.

Antiphona 1. Dilectione aeterna Dominus dilexit te; propterea attraxit te ad misericordiam. P. Adhuc aedificavit te Dominus Deus tuus, virgo Israel. V\. Non det in commotionem pedem tuum; neque obdormiet qui custodit Israel. P. Adhuc aedificavit te. V\. Gloria, et honor. P. Adhuc aedificavit te.

Oratio. Domine Jesu Christe, qui et meritis beatissimam N. dotare jussisti, ut te sequendo, qui justus es, particeps tuae justitiae [CLXXXI] efficeretur; nec deficeret inquirendo, donec potiretur Martyrii praemio: praesta nobis ejus intercessione; ut sicut illa pro tuo nomine dimicavit, et vicit; ita nos justitiae (1028A)sequaces effecti, pietatis tuae intuitu justificemur. R\. Amen.

Per misericordiam.

Antiphona 2. Una es proxima mea, una es columba mea, P. Et macula non est in te. V\. Per diem sol non uret te, neque luna per noctem. P. Et macula. V\. Gloria, et honor. P. Et macula.

Oratio. Deus largitor divitiarum coelestium, et mirabilis peractor munerum aeternorum, qui beatissimam N. in saeculo pauperem elegisti; sed pro te certando aeternis opibus sublimasti: paupertatem spiritus nos sequi semper attribue, per quam possimus tuae majestati per omnia complacere. R\. Amen.

Per misericordiam.

Antiphona. 3. Veni sponsa a Libano, veni a montibus (1028B)pascuae. P. Curramus in odorem unguentorum tuorum. V\. Non det in commotionem pedem tuum: nec obdormiet qui custodit Israel. P. Curramus. V\. Gloria, et honor Patri. P. Curramus.

Oratio. Christe Domine, qui sacris virginibus tantam tribuis fortitudinem, ut saeculum vincentes et carnem, pro te mori festinant: intercessu virginis tuae N. et martyris, flammam in nos tuae charitatis accende; ut nec titillationes nos carnis illiciant, nec saeculi blandimenta decipiant. R\. Amen.

Per misericordiam.

R\. Gaude filia Sion, dicit Dominus: Spiritus meus, qui est in te, et verba mea quae posui in corde tuo, non recedant de ore tuo, nec de ore seminis tui P. Usque in sempiternum. V\. Lauda Hierusalem (1028C)Dominum: lauda Deum tuum Sion. P. Usque in. V\. Gloria, et honor. P. Gaude filia.

Oratio. Domine Jesu Christe. Require retro in superioribus Vesperis.

In Laudibus Ad Canticum. Antiphona. Benedictus Dominus, quia induit me vestimentum salutaris: et indumentum jocunditatis circumdedit me: tamquam sponsam decoravit me corona.

Canticum Esaiae (Cap. LXI, LXII). R\. Deo gratias. Gaudens gaudebo in Domino, etc., fol. 81.

Repetitur Antiphona.

Ad Benedictus. Antiphona. Filia Sion, benedic Domino de excelso in omni benedictione et laude.

Canticum. Benedictus es Domine Deus patrum. (1028D)fol. 6.

Sonus. Dominus Deus coeli benedicat tibi: honor regni dabitur in manu tua, et adorabunt coram te filii multarum gentium. Alleluia. V\. Audi filia Sion, quia exaltata es, et facies tua fulget in templo Dei: sol justitiae ingressu tuo orietur. Alleluia, alleluia.

Lauda. Laudate Dominum de coelis Alleluia: laudate eum in excelsis. Alleluia. Psalmus CXLVIII.

Lectio libri Hieremiae Prophetae (Cap. XXXI).

R\. Deo gratias.

Longe Dominus apparuit mihi, et dixit: In charitate perpetua dilexi te: ideo attraxi te, miserans. Rursum aedificabo te, et aedificaberis virgo Israel: adhuc ornaberis tympanis tuis, et egredieris in (1029A)choro psallentium. Adhuc plantabis vineam in montibus Samariae: plantabunt plantantes, et donec tempus veniat, non vindemiabunt: quia erit dies, in qua clamabunt custodes in monte Ephraim: Surgite, ascendamus in Sion ad Dominum Deum nostrum. Quia haec dicit Dominus: Exultate in laetitia Jacob, et hinnite contra caput gentium: personate, canite, et dicite: Salva Domine populum tuum, reliquias Israel. R\. Amen.

Hymnus. Virginis Proles. Supplicatio. Oremus. Quaere. fol. CLXXX.

Capitula. Deus, qui Sanctos tuos unica dilectione complecteris, et gemina ad te charitate tendentes saecularibus evellis aerumnis; accipe Ecclesiae tuae votiva congratulatione obsequia: ut, qui dilectione (1029B)memores Virginis meritum praedicamus honorem; proficiente in nobis bonitatis augmento, per charitatem proximi, tuae quoque mereamur dilectioni connecti.

Pater noster. Liberati a malo. fol. 2.

Lauda. Sicut palma, fol. CLXXX. Benedicio. Dominus Jesus Christus, qui virginem suam N. Quaere in Matutinis praecedentibus.

[CLXXXII] In nomine Domini nostri Jesu Christi, etc.

Fiat commemoratio ut in folio CLIX.

INCIPIT OFFICIUM, SIVE HISTORIA PLURIMARUM VIRGINUM. (1029C) Ad Vesperas. Lauda. Laudaverunt te, Domine, omnes Angeli tui, et hymnum dixerunt, dum perficeres fabricam coeli. Tuus est dies, et tua est nox: P. Tu fecisti solem et lunam. V\. Tu confirmasti in virtute tua mare: contribulasti capita draconum super aquas. P. Tu fecisti.

Dominus sit semper. R\. Et cum

Sonus. Alleluia. Justitia plena est dextera tua. Laetetur mons Sion, et exultent filiae Judae P. Propter judicia tua. Alleluia, alleluia. V\. Alleluia. Magnus Dominus, et laudabilis valde in civitate Dei nostri, in monte sancto ejus. Dilatans exultationes (1029D)universae terrae. P. Propter judicia.

Dominus sit semper. R\. Et cum.

Antiphona. Ecce istae religiosae feminae patientes, et castae, curam domus suae gerentes: P. Nihil habentes, et omnia possidentes. R\. Haec est generatio quaerentium Dominum, requirentium faciem Dei Jacob. P. Curam domus. V\. Gloria, et honor Patri. P. Nihil habentes.

Dominus sit semper. R\. Et cum.

Lauda. Filiae tuae, Hierusalem, in latere surgent. V\. Tunc videbis, et afflues, P. Et dilatabitur cor tuum. Alleluia, alleluia, alleluia. V\. Lauda Hierusalem Dominum: et collauda Deum tuum Sion. P Tunc videbis. V\. Gloria, et honor. P. Et dilatabitur.

Hymnus. (1030A)

Jesu, corona Virginum, Quem mater illa concipit, Quem sola Virgo parturit; Haec vota clemens accipe.

Qui pascis inter lilia, Septus choreis Virginum, Sponsus decorus gloria, Sponsisque reddens praemia.

Quocumque pergis, Virgines Sequuntur, atque laudibus Post te canentes cursitant, Hymnosque dulces insonant.

Te deprecamur largius, Nostris adauge mentibus, (1030B)Nescire prorsus omnia Corruptionis vulnera.

Deo Patri sit gloria, Ejusque soli Filio, Cum Spiritu Paraclito, In sempiterna saecula. Amen.

Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut per gratiam ipsius, et per intercessionem intemeratae, et gloriosae, semperque Virginis Mariae genitricis ejus, et sanctarum virginum, et martyrum suarum N. N. nobis salutem animae et corporis, et remissionem peccatorum, et pacem tribuere dignetur. R\. Praesta aeterne omnipotens Deus.

(1030C)Kyrie eleison. R\. Christe eleison. Kyrie eleison.

Capitula. Omnipotens sempiterne Deus, qui bonitate inenarrabili redimis omnia; interventu sanctarum N. N. virginum et martyrum orationi nostrae aurem tuae pietatis inclina; et contra invisibilis hostis amarissima tela tentationis, victricia nobis fidei porrige arma: ut qui altitudinem cordis nostri ad excelsa solii tui dirigimus, a conventu malignantium in hac humilitate terrarum verae fidei protectione salvemur.

Pater noster. Liberati a malo. fol. 2.

Benedictio. Dominus Jesus Christus, qui virgines suas N. N. casto sibi servavit pudore, castitatis nos dono munificet: R\. Amen. Et qui illas subarrhavit sibi annulo fidei, nos suae connectat indissolubili (1030D)charitati: V\. Amen. Ut eas pro nobis apud se suffragatrices admittat, quas sibi indisrupto amore assumpsit sponsas. R\. Amen.

Per

Lauda. Exaltatae sunt filiae Hierusalem, et processerunt in gloria. Alleluia, alleluia. V\. Laetetur mons Sion, et exultent filiae Judae, propter judicia tua Domine. P. Et processerunt. V\. Gloria, et honor Patri, etc. P. Et processerunt.

Oratio. Adesto Domine. Quaere infra in istis Matutinis.

Ad Matutinum Da nobis laetitiam salutaris tui. Psalmus L. Oratio. Redde nobis laetitiam. Quaere folio CLXIII.

(1031A)[CLXXXIII] Antiphona 1. Ut columbae mansuetae plaudebant sibi alis suis, et gloriabantur in itinere suo: populus autem gaudebat gaudio magno in laetitia earum. V\. Laetetur mons Sion, et exultent filiae Judae, propter judicia tua Domine. P. Et gloriabantur. V\. Gloria, et honor Patri, etc. P. Populus autem.

Oratio. Gloriose Rex Christe, cui Virginitas florida nitet; dum sanctitate perspicuos clarificas, et Virgines beatitudine claritatis glorificas: dum Virgines te sequuntur, tibique gloriose martyrio conjunguntur: Te supplices deprecamur, ut pietatis tuae medelam impertias criminibus omnium, quorum non debetur gloria meritorum; et quibus dignitas non est ex merito, ex indulgentia pietatis Virginum dona. (1031B)R\. Amen. Per.

Antiphona 2. Offerentur Regi virgines post eam: proximae ejus adducentur nobis in laetitia et exultatione. V\. Memores erunt nominis tui, Domine, in omni progenie et generatione. V\. Gloria. P. Proximae.

Oratio. Virga aequitatis, virga regni tui Domine: ipsa nos corrigat, a plagaque eruat; atque eamdem correctionem et ingerat poena, et instruat disciplina: Sit ergo nobis haec virginitas non perditio, sed doctrina: fac et nos diligere justitiam; et odire iniquitatem: ac per speciem tuam pulchritudinemque currentes, deducat nos mirabiliter dextera tua; et mortificato in nobis incentivae libidinis ardore, accinge lumbos nostros custodia castitatis. R\. Amen.

(1031C)Per.

Antiphona 3. Omnis gloria filiae Regis ab intus, Virgines sequuntur eum: P. Ducentur in laetitia et exultatione: ducentur in templo Regis. V. Pro patribus tuis nati sunt tibi filii: constitues eos principes super omnem terram. P. Ducentur in laetitia. V\. Gloria. P. Ducentur.

Oratio. Deus, cujus sedes manet in saeculum saeculi; fulgeat Ecclesia tua varietate virtutum, sceptrum tuum perornetur disciplina officiorum: quodque ejus ornamentis affigitur, separari ab ea nullatenus patiaris. R\. Amen.

Per misericordiam.

Dominus sit. R\. Et cum.

R\. Simile est regnum coelorum decem virginibus: (1031D)quae accipientes lampades suas exierunt sponso obviam. P. Et quae paratae erant, intraverunt cum eo ad nuptias, et clausa est janua. V\. Media autem (1032A)nocte clamor factus est: Ecce sponsus venit, exite obviam ei. P. Et quae paratae. V\. Gloria, etc. Reiteretur Responsorium.

Oratio. Adesto, Domine tibi supplicantibus; et invocantibus nomen sanctum tuum placatus intende: atque interventu sanctarum virginum N. N. erectos nos, ac redemptos in saeculo gaudere concede: ut calicis permixtione, cujus nos fusione redemptos fatemur, ipsius transformatione ab hac ignobilitate ad aeternam gloriam perducamur. R\. Amen.

Per misericordiam tuam.

In Laudibus. Ad Canticum. Antiphona. Diligentes te, Domine, sicut sol in ortu suo resplendens, ita rutilant.

Canticum. Qui sponte obtulistis. fol. CLXIII.

(1032B)Ad Benedictus. Antiphona. Benedicamus te, Domine, qui sedes super Cherubim, Rex Israel.

Canticum. Benedictus es Deus. fol. 6.

Sono. Alleluia. Justitia plena est. Require retro in Vesperis.

Lauda. Laudate Dominum de coelis Alleluia: laudate eum in excelsis. Alleluia. Psalmus. 148.

Lectio libri Ecclesiastici (Cap. XXXIX).

R\. Deo gratias.

Audite me divini fructus, et quasi rosa plantata super rivum aquarum fructificate. Quasi Libanus odorem suavitatis habete. Florete flores, quasi lilium, date odorem, et frondete in gratiam, et conlaudate canticum, et benedicite Dominum in operibus suis. Date nomini ejus magnificentiam, et confitemini (1032C)illi in voce labiorum vestrorum, in canticis labiorum, et citharis, et sic dicetis in confessione: Opera Domini universa valde bona. R\. Amen.

Hymnus. Jesu, corona Virginum. Supplicatio. Oremus Redemptorem mundi. Require retro in Vesperis.

[CLXXXIV] Capitula. Deus, cujus sunt eloquia casta, et judicia recta; tribue nobis intercessione sanctarum virginum et martyrum tuarum N. N. casto ore verba tua depromere, et corde purissimo judiciorum tuorum mandata servare: ut in te laetetur copia redemptorum, qui es corona justorum: tibi decantemus psalmum laetitiae; cujus munere perveniamus ad fructum justitiae.

(1032D)Pater noster. Liberati a malo. fol. 2.

Lauda. Exaltatae sunt filiae Hierusalem. Benedictio. Dominus Jesus Christus, qui virgines. Quaere ut supra.