De bello rustico Valentino/Dedicatio

E Wikisource

Praefatio 

GENEROSISSIMO DOMINO,

OTTONI FRID.

COMITI DE LYNDEN,

GREG. MAJANSIUS,

GENEROSUS VALENTINUS,

S. D.

Bellum Ruſticum Valentinum, à Joſepho Emanuele Miniana ſummo judicio ſcriptum, ac ſtilo verè Romano, ad Te mitto. Leges Hiſtoriam veridicam, amœnam, jucundam, & ſolis Valentinis ob argumentum ingratiſſimam: quippe Jura rebus præclariſſimè geſtis per tot ſæcula parta, & ſtabilita, uno temporis infeliciſſimi articulo, ob paucorum hominum amentiam amiſimus. Sed querelæ nunc inanes, poſteris cautioribus exempla ſunto utilia. Tuque, Vir Illuſtriſſime, quoniam à me hoc Opus petiiſti, accipe illud; & ſiquidem ob Tua merita erga me, omnia officiorum genera potes exigere; manda, jube, impera; Tuam alacriter voluntatem exſequar: & nullam prætermittam occaſionem prædicandi ingenium, doctrinam, eloquentiam, & humanitatem Tuam. Vale igitur ad fovendas, & propagandas litteras cum Tui Nominis gloria. Olivæ vii. Idus Septembr. Anno MDCCLII.

Praefatio