Migne Patrologia Latina Tomus 114
In Nativitate Christi.
[recensere]114.1083B|
114.1083C| Natus enim est hodie sator atque redemptor,
Christus de Maria Virgine factus homo:
Ut nos consortes sanctae Deitatis haberet,
Mundatos vitiis et placitos meritis.
In Octava Domini.
[recensere]Accepit et nomen jam circumcisus Iesus,
Ut mundatus homo sit soboles Domini.
In Epiphania.
[recensere]Munera suscipiens dignis apparuit ipse,
Sic pius adveniens munera nostra videt.
In Yppapanti [Hypapante].
[recensere]Qui sine peccato in templo est oblatus ad aram,
Nos peccatores ad sua tecta vocat.
Cujus mater adest, mater sed Virgo perennis
Permanet a nato glorificata suo.
In Septuagesima.
[recensere]114.1083D|
Ecce paramur enim ventura ad festa colenda,
Moribus in sanctis corda parare juvat.
In Quadragesima.
[recensere]Exemplo Domini jejunia corporis extra
Incipimus, mentes abstineant vitiis.
In Palmis.
[recensere]Obvia turba pio stravit sua tegmina Christo,
Nos ut in his sedeat, corpora nostra damus.
De passione.
[recensere]Ille crucem, plagas, alapas, sputa aspera passus,
Ostendit quanta te tolerare decet.
De Resurrectione.
[recensere]114.1084C| Tartara despolians, devicta morte resurgens,
Ut te vivificet, quam jacuisse videt,
Mortuus est ut peccatis moriamur ademptis,
Surgit ut in vitae limine constituat.
In Ascensione.
[recensere]Ascendit coelos sumpto per saecla triumpho,
Ut nos victores sidera ad alta vocet.
In Pentecoste.
[recensere]Spiritus ad terras Domini descendit in igne,
Qui dat apostolicis ignea corda viris.
Illos quippe suo refovet tutamine praesens,
Quorum ardere videt, casto in amore animos.
In Natale sancti Joannis Baptistae.
[recensere]Est hodie natus sanctus Baptista Joannes,
Cujus nos precibus dextra juvet Domini.
In Natale sancti Bonifacii archiepiscopi.
[recensere]114.1084D|
Gaudia praesentis, Bonifaci sancte, diei
Nos salvent, Domino dante tuis meritis.
In Assumptione sanctae Mariae.
[recensere]Virgo Dei genitrix de corpore ducta pudico
In requiem Domini transiit ecce sui.
Ad quam nos precibus transire juvantibus ejus
Aeternae proles virginis alma velit.
De apostolis.
[recensere]Hi sunt quos toto divina electio mundo
Elegit primos, praetulit atque gradu.
Quorum non fidei semper praecepta sequentes
Illorum precibus regna poli accipiant.
De confessoribus.
[recensere]114.1085A|
Hos perfecta suo servans confessio Regi
Fecit in aetheria consocios requie.
Exemplis quorum dictisque in pace manentes,
Instruimur summae pacis amare viam.
De martyribus.
[recensere]Sanguine qui proprio coelestia praemia adepti
Quae sibi retribuit retribuente Deo.
Nos tolerando monent facile pretiosa subire,
Pro Christo opprobria, quae sacra regna parent.
De virginibus.
[recensere]114.1086A|
Fortis in infirmo viguit constantia sexu
Quae sibi virgineum copulat officium.
Nosque monemur in hoc, mundi si incursio desit,
Saltem cum vitiis mens pia bella gerat.
In natale sancti Martini episcopi.
[recensere]Iste Dei sanctus doctor venerabilis orbi
Vitae exempla dedit, adjuvat et precibus.
Haec quicunque legas, veniam deposcere Strabo
Sis memor, et cunctos hos voca in auxilium.