Diplomata (Columbanus Hibernus), J. P. Migne
I. Privilegium sive prima donatio Flavii Agilulfi, Longobardorum regis, venerabili S. Columbano de territorio Bobiensi per millia quatuor ab omni parte concessum. (0321C)
Flavius Agilulphus vir excellentissimus rex, venerabili Columbano vel sociis ejus. Piam nobis credimus ab omnipotenti Domino vicissitudinem repensari, si sacerdotes in regno nostro salubri ordinatione Domino sua valuerint vota complere. Ideoque ad basilicam beati ac principis apostolorum Petri sitam (0321D)in loco, qui nuncupatur Bobio, per hoc generale nostrum praeceptum cedimus tuae sanctae paternitati ibidem in Dei nomine licentiam habitandi ac possidendi, undique sicut decernimus ab omni parte per circuitu milliaria quatuor, sive culto, sive inculto, praeter tantum medietatem putei, quod fundavit per nostrae donationis praeceptum concessum habemus. Nam aliud omnes fines illos, quos superius nominavimus. Basilicae beati Petri, vel vobis, seu qui ibidem tibi tuorumque deservierit ducibus, castaldis, seu actionariis nostris omnimodis in mandatis, ut nullus eorum contra hoc praeceptum nostrae paginae ire quandoque praesumat, quatenus pro salute, et stabilitate regni nostri Dominum valeatis die noctuque deprecare.
(0322C)Data Mediolani in palatio sub die nono Kalendarum Augusti anno regni nostri felicissimi octavo per indictionem quintam.
Ex dictu domini regis, et ex dictu Agiderii not. scripsi ego Liunus.
II. Chartula qualiter dominus Columbanus tradidit monasterium Bobiense sedi apostolicae. In nomine Domini, et dominatoris omnium Jesu Christi veri Filii Dei Domini nostri.
Anno Deo propitio pontificatus domini Gregorii (0322D)summi pontificis, et universalis papae in sanctissima sede beati Petri apostolorum principis, IV indict. 13, ego Columbanus, servus servorum Dei, ex Hiberniae partibus ortus, papae dixi: Constat enim humanum genus a principio cum divina clementia fuisse formatum, sed antiquus aemulus auctor ad destruenda humani generis gaudia mortifera venena composuit, ut tota massa humana peccati vinculo teneretur obnoxia: formator igitur noster Dominus Jesus Christus, ad reparandam suae imaginis libertatem, per uterum Virginis veniens mundo rediviva gaudia in se credentibus hominibus contulit Paradisi. Quapropter volumus considerantes aeternae retributionis tutorem ut ipse sit nobis pius remunerator, libentissimo decernimus animo, atque statuimus, ut omnes (0323A)res illas quae nobis obvenerunt, per praeceptum a gloriosissimo rege Agilulfo, quae adjacent juxta flumen Treviae in valle quae nominatur Bobio, et est pro legitima mensura milliaria quatuor ex omnibus partibus, vel quod nos nostrique successores acquisierimus, ut sub defensione et immunitate sanctissimae sedis apostolicae, vestro vestrisque successoribus judicio praejudicandi sunt. Si unquam in tempore post constructum coenobium aliqua contentio ex qualicunque parte orta fuerit ex magna parvaque persona appareat, quod in conspectu sanctissimi vestri pectoris in praesenti facta sunt, ut in futuro perenni tempore firma permaneant. Si quis enim aliter egerit quam, ut supra scripta sunt, ei committimus, ab eo qui dixit: Mihi vindictam, et ego retribuam: unde (0323B)duae chartulae pari tenore subscriptae pro certissima veritate fieri volumus, quarum unam in ecclesia beati Petri apostolorum principis tradimus observandam, alteram nobis retinuimus, nostrisque successoribus retinendam, ut diximus omni contentione remota, destruatur. Has chartulas offersionis meae Petro reverendissimo diacono tradidimus cum stipulatione solemniter interposita.
Actum in palatio Constant., sub die tertia mensis Novembris, indictione supra scripta feliciter.
Ego Columbanus hac chartulae offersionis meae a me factae sunt, et relatae sunt.
Ego Bubulenus monachus et sacerdos.
Ego Eunochus sacerdos et monachus.
Ego Domitialis humilis diac. Scotto et monachus.
(0323C)Ego Evonenus sacerdos et monachus.
Ego Bobulenus monachus et sacerdos.
Ego Gurgazus genere Bertonus.
Ego Bonifacius archiscrutinarius.
Ego Attalus sacerdos de genere Francorum.
Ego Deusdedit scrutinarius.
Ego Meliaderus praesbyter et monachus.
Ego Romanus diaconus signum al. al. al.
Leoni et Simeoni, et Audo testes signum al. al. al.
Leoni, Zachariae Epiphoni testes.
Ego Petrus diaconus, et notarius sanctae sedis apostolicae has chartulas offersionis scripsi, publicavi, complevi et dedi.
III. Confirmatio supradicti privilegii ab Adivaldo rege. (0323D) Flavius Adivaldus excellentissimus rex monasterio beatissimorum apostolorum Petri et Pauli sito in Ebobio, et V. B. Attalanae abb. et omnibus monachis ejus. Dum devotionis causa pro nostris facinoribus deprecandam beatorum apostolorum aulam venissemus, ubibo mem. pater noster dominus Columbanus corpore quiescit, petiit nobis tua veneratio, omnisque simul servorum Dei alma congregatio, et prae manibus ostendistis nobis praeceptum Domini, et genitoris nostri Agilulfi regis, continebaturque in eo quod genitor noster locum istum beato Columbano tradiderat ad inhabitandum, et possidendum sibi, et qui post ipsum perpetuo Domino inibi desservierint pro tempore, quod et nos simul modo, ut faceremus (0324A)vestra omnium sancta postulavit paternitas. Nos itaque aeternam exspectantes remunerationem, decrevimus acclamare praesentia, ut mereamur aeterna, et sine fine mansura. Et ideo vestram omnium audientes petitionem confirmamus, atque cedimus vobis ad nomen beatorum apostolorum Petri et Pauli, basilicam sitam in Bobio in Dei nomine licentia inhabitandi et possidendi. Decernimus itaque fines ab omni parte basilicae ipsius milliaria quatuor, sicut Dominus genitor noster per suum praeceptum beato Columbano instituit habere. Praeter tantum medietatem putei, quod idem genitor fundavit venerabilis memoriae vir, concessit vel ligna ad sales coquendas, quod et nos simili modo concedimus atque firmamus possidendum. Similiter Alpecellam, quae appellatur (0324B)Pennice, ubi domina et genitrix nostra Theodolinda gloriosissima regina ob amorem patris nostri Columbani ascendit ad locum istum praevidendum. Postulavit a nobis ut in vestro sancto monasterio ipsam concederemus Alpecellam, quod et nos ipsius rogationem audientes libenti animo decrevimus dare, datumque in perpetuum vobis, et qui post vos ibi Deo militaturi fuerint, volumus permanere. Ideoque aeternam nos considerantes retributionem per hoc potestatis nostrae praeceptum confirmamus in vestro sancto monasterio vel vestrae venerationis jam super jus terminatos fines cum ipsa Alpecella monte Pennice cum finibus suis percurrente per ipsos fines usque in petra de Gragio, indeque revertente subtus petra Pedenna in causta antequam perveniatur in (0324C)petra de Digna, et exinde per ipsam jam dictam costam usque in fluvio Treviae per nostras recentiores apices identidem possidendum dono nostro firmamus. Quatenus deinceps nullus ex judicibus, comitibus, gastaldiis, vel agentibus nostris exinde minuere praesumat aliquid, sed ea, quae Deo auspice contulimus in ipso sancto ac venerando loco, tam felicissimis nostris temporibus, quam etiam et futuris stabili ordine ipse sanctus locus, vel tua beatitudo, seu qui decedenti tempore tibi fuerit successurus inviolabiliter valeamini possidere. Ex dictu domini regis, et ex dictu Agiderii notarii subscripsi ego pron.
Datum Ticino in palatio sub die 8 Kalendarum Augusti, anno felicissimi regni nostri 6, indictione (0324D)9 feliciter.
IV. Altera Confirmatio supradicti privilegii. Flavius Adjuvaldus excellentissimus rex venerabilis Bertulpho abbati, vel omnibus monachis ejuspiam, nobis credimus ab omnipotenti Domino vicissitudinem recompensari, si sacerdotes in regno nostro salubri ordinatione Deo sua valuerint vota complere. Ideoque sicut pietati nostrae Dominus Agilulfus rex genitor noster vos, vel praecessores vestros, sanctae memoriae domino Columbano, vel Attalae abbatibus Bobii ad basilicam, beati ac principis apostolorum Petri concessit habitandum per hoc generale nostrum praeceptum cedimus vobis ad limen beati Petri ibidem in Dei nomine licentia, habitandi et possidendi undique (0325A)fines decernimus sicut a Domino, et genitore nostro, sanctae memoriae domino Columbano, vel Attalae concessum, vel traditum fuit ab omni parte per circuitum milliara quatuor, seu culto, vel inculto, praeter tantum medietatem putei, quodque suaserit decessor et genitor noster Agilulfus rex concessit, vel ligna ad incendendum inibi ad sales coquendas. Sed et quod vobis a Russone pro donatione, atque cum ditione evenit ea dono nostro in vestro monasterio confirmamus; sed etiam fines illos, quos superius nominavimus, (0325B)basilicae beati Petri vel vobis tribuimus habendi (0326A)usque in petra de Gragio, et exinde subtus petra de Pedena in costa antequam perveniatur ad digua, et per ipsam eostam usque in fluvio Treviae. Quapropter dantes in mandatis omnibus ducibus, gastaldis, seu actionariis nostris, ut nullus eorum contra hanc praecepti nostri paginam ire quandoque praesumat. Quatenus pro salute, et stabilitate regni nostri dominum valentis die ac nocte deprecare. Scripsi ego Bonus notarius.
Datum Papiae in palatio sub die 16 mensis Augusti, (0326B)anno regni nostri feliciter 7, indictione 10.
(no app