Migne Patrologia Latina Tomus 137
Electio S. Odilonis
Electio S. Odilonis (Maiolus Cluniacensis), J. P. Migne 137.0779B
Electio S. Odilonis
137.0777C| Ordine divinae dispensationis cum primum sacris legibus a patriarchis et prophetis, tum etiam humanis consulibus et regibus motus populorum comprimeretur, post tempore incarnati Verbi ignea rhomphaea in ostio paradisi fonte lateris Christi exstincta, ut regnum Dei violentius raperetur, coepit status Ecclesiarum ab apostolicis viris piis moribus informari, et demum a sacris viris et abbatibus in subditorum mentibus regularis ordo disponi, ut per eum currentibus facilis coelestis patriae videretur ascensus. Sicque fit, ut quanto quis per exempla pietatis paterno cultu se ad excelsa erigens processerit, et subditis ad coelestia sequendi ducatum praebuerit, tanto a remuneratore Domino multiplex mercedis et filiationis fenus percipiet. Et quoniam ad praelatos respicit 137.0777D| quidquid a subditis delinquitur, exemplum pravae vitae et negligentiam subditorum, sententia divini examinis, ignis gehennae inexhaustus vindicat. Quapropter ego Maiolus S. Petri Cluniacensis coenobii abbas indignus praesentibus atque futuris generatim notum esse volo, quia haec et hujuscemodi mente pertractans aetate defatigatus, officiis quoque corporis imminutus, dum minus me pastorali cura idoneum 137.0778C| persentisco, beati Benedicti capitulatim de constituendo abbate sollicitudine praemonitus, cum omnibus fratribus meis, filiis, et conservis, beati quidem Petri pridem clericum fratrem et filium monachis Odilonem religiosum eligimus, et abbatem esse decernimus, ne insolentia nostrae infirmitatis ordo deterescat, et repulsam in aliquo patiatur Deo propitio semper ad meliora provehendus.
Et ne technam alicujus excusationis praetendat (nam sicut quis indigne ad regimen incautus aspirat, ita si quis dignus refugit, merito constringendus habetur consilium episcoporum et abbatum adhibuimus. Et sicut Cluniacense monasterium, Deo auctore, a Guillelmo duce fundatum, nomine principis apostolorum sacratum, privilegiis Romanae sedis insignitum, 137.0778D| regalibus praeceptis confirmatum, a reverendis quoque abbatibus domno Bernone atque Odone, necnon Haymardo ordinatum constat; ita cum omnibus abbatiis, locis et cellis ubi ubi eorum vel nostro tempore acquisitis, praedicto fratri ordinandum tradimus, atque tam ad ordinem servandum secundum beatum Benedictum et instituta patrum nostrorum quam ad res disponendas sub omni integritate, 137.0779A| propitia divinitate, vinculis obedientiae astringimus, et abbatem unanimiter omnes proclamamus.
Hujus vero electionis et ordinationis ejus seriem per consultum, ut diximus, primatum comitis etiam, et advocati nostri Henrici ducis, necnon et Otonis litteris sanciri praecipimus, atque regulariter celebratam ordinationem in Christi nomine confirmavimus, et a patribus ac fratribus nostris, scriptis confirmare precati sumus. Acta Cluniacense coenobio feliciter. Amen.
Ego Maiolus abbas huic electioni assensum praebui et signavi.
Rodulphus rex.
Bourchardus archiepiscopus.
137.0779B|
Hugo episcopus Genevensis.
Aguricus episcopus Lausanensis.
Hugo episcopus.
Teuto abbas.
Richfredus abbas.
137.0780A|
Hoc insuper subsignavere monachi centum septuaginta septem; huic etiam electioni subscripserunt.
Ermenfredus episcopus.
Burchardus comes.
Lambertus comes.
Adalbertus comes.
Leotaldus archiepiscopus.
Walterius episcopus.
Hugo abbas.
Wago abbas.
Theobaldus abbas.
Warembertus abbas.
Willelmus abbas.
Maiolus praepositus.
137.0780B|
Walterius praepositus.
Gundulphus.
David.
Aguricus.
Sendelenus.