Migne Patrologia Latina Tomus 138
Electio regis Widonis (Auctor incertus), J. P. Migne cc_id: cps_2.AucInc.ElReWi, cc_idno: 9609
ELECTIONIS CAPITULA. 138.0797D| ¶
Post bella horribilia cladesque nefandissimas, que meritis facinorum nostrorum acciderunt huic provincie, disponente jura regni hujus cum tranquillitate, sopitis hostibus suis, insigni rege et seniore nostro Widone, in aula Ticinensi nos humiles episcopos ex diversis partibus Papiae convenientibus, pro ecclesiarum nostrarum ereptione et omnis christianitatis salvatione quae pene jam ad interitum 138.0798D| desolationis inclinata erat, annuente nobis eodem principe in uno congregati sumus collegio, ea videlicet ratione, ut his per quos homicidia, sacrilegia, rapine, et cetera facinora perpetrata erant, dignam penitentiam ad capiendam salutem, subtractis eis a male cepto negotio, per veram confessionem Deo adjuvante imponeremus; ac ne ulterius tantum nefas excrescere aut vires sumere valeret, pastorali provisione et auxilio regio compescendum decrevimus.
- 1.
138.0799A| In primis oramus, optamus operamque damus, ut mater nostra sancta Romana ecclesia in statu et honore suo cum omnibus privilegiis et auctoritatibus, sicut ab antiquis et modernis imperatoribus atque regibus sublimata est, ita habeatur, teneatur, et perhenniter custodiatur illesa. Nefas est enim, ut hec quae totius corporis ecclesiae caput est, et confugium atque relevatio infirmantium, a quoquam temere propulsari vexarive permittatur, presertim cum sanitas ipsius nostrorum omnium sit salubritas. Ipse quoque summus pontifex a cunctis principibus et christiani nominis cultoribus digno semper veneretur honore, debitaque precellat reverentia.
- 2.
Singulorum episcoporum ecclesiae cum suis privilegiis et possessionibus tam interioribus quam 138.0799B| exterioribus inconvulse et incorrupte, absque aliqua sui deminoratione vel quorumlibet pravorum hominum injusta vexatione permaneant, sicut praecepta regum et imperatorum sibi collata continent. Rectoresque earum libere pontificalem exerceant potestatem, tam in disponendis ecclesiasticis negotiis, quam in comprimendis legis Dei transgressoribus universis.
- 3.
Sancimus etiam, ut neque in episcopatibus neque in abbatiis vel in senedochiis aut ullis Deo sacratis locis, ulla violentia aut novae conditionis gravamina imponantur, sed secundum antiquam consuetudinem omnes in suo statu suoque privilegio perpetuo maneant.
- 4.
Ut sacerdotum omnium et ministrorum Christi 138.0799C| unusquisque in suo ordine condigno veneretur honore et reverentia, et cum omnibus rebus ecclesiasticis ac familiis ad se pertinentibus sub potestate proprii episcopi quietus et inconcussus permaneat, salva ecclesiastica disciplina.
- 5.
Plebei homines et universi ecclesiae filii libere suis utantur legibus. Ex parte publica, ultra quam legibus sancitum est, ab eis non exigatur, nec violenter opprimantur; quod si factum fuerit, legaliter per comitem ipsius loci emendetur, si suo voluerit deinceps potiri honore; si vero ipse neglexerit, vel fecerit, aut facienti prebuerit assensum, a loci episcopo usque ad dignam satisfactionem excommunicatus habeatur.
- 6.
Palatini qui in regio morantur obsequio, pacifice 138.0799D| sine depredatione regi deserviant, suis contenti stipendiis.
- 7.
Hi vero qui tempore placiti diversis ex partibus conveniunt, nullam pertranseuntes in villis seu civitatibus rapinam exerceant, sibi necessaria antiqua consuetudine digno pretio ementes.
- 8.
Quicumque ab exteris provinciis adventantes, depredationes atque rapinas infra regnum hoc exercere 138.0800A| presumunt, hi cum quibus morantur, aut ad audientiam eos adducant aut pro eis emendent, neque eos ulterius in talibus ausis sua potestate defendere audeant; quod si fecerint, inter excommunicatos habeantur quousque resipiscant.
- 9.
Preterea quia gloriosus rex Wido dignatus est nobis promittere, conservaturus se prescripta capitula necessitate non minima confecta et quae in eis continentur, curam habens, Deo inspirante, suae nostraeque salutis, sicut apertis inditiis jam demonstrat; ideo nobis omnibus complacuit, eligere illum in regem et seniorem atque defensorem, quatinus amodo et deinceps, illo nos secundum regale ministerium gubernante, singuli nostrum in suo ordine oboedientes et adjutores pro posse existamus illi ad 138.0800B| suam regnique sui salvationem.
ELECTIONIS DECRETUM.
Post obitum recordandae memoriae domni Karoli, gloriosi imperatoris et senioris nostri, quot quantaque pericula huic Italico regno usque in presens tempus supervenerint, nec lingua potest evolvere nec calamus explicare. Ipsis denique diebus quasi ad certum signum supervenerunt, qui pro hoc regno, ut sibi volentes nolentesque adsentiremus, minis diversis et suasionibus inretitos furtive ac fraudulenter adtraxerunt. Sed quia illi, superveniente perspicuo principe Widone, bis jam fuga lapsi, ut fumus evanuerunt, nosque in ambiguo reliquerunt tamquam oves non habentes pastorem, necessarium 138.0800C| duximus ad mutuum colloquium Papie in aula regia convenire; ibique de communi salute et statu hujus regni sollicite pertractantes, decrevimus uno animo eademque sententia, praefatum magnanimum principem Widonem ad protegendum et regaliter gubernandum nos in regem et seniorem nobis eligere et in regni fastigium Deo miserante prefigere, pro eo quod isdem magnificus rex, divino ut credimus protectus auxilio, de hostibus potenter triumphavit, et hoc non sue virtuti, sed totum divinae misericordiae prudenter adtribuit, insuper etiam sanctam Romanam ecclesiam ex corde se diligere et exaltare, et ecclesiastica jura in omnibus observare, et leges proprias singulis quibusque sub sua ditione positis concedere, et rapinas de suo regno penitus 138.0800D| extirpare, et pacem reformare et custodire se velle, Deo teste professus est. Pro his ergo et aliis multis ejus bonae voluntatis inditiis, ipsum, ut prelibavimus, ad regni hujus gubernacula ascivimus, eique toto mentis nisu adhesimus, seniorem piissimum et regem excellentissimum pari consensu ex hinc et in posterum decernentes.