Migne Patrologia Latina Tomus 51
ProAqu.EpInObA2 51 Prosper Aquitanus390-463 Parisiis J. P. Migne 1846 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Epigramma in obtractorem Augustini
191 Quidam dictiloqui libros senis Augustini Carpere, et adversum condere fertur opus. Usque adeone bonum ingenium, et facundia dives, Ostentare artem non aliter potuit; In nova prostratas acies nisi bella cieret, Impiaque exstinctis hostibus arma daret. Haec pugna, incentor, mors est tua, te stylus iste Conficit, et verbis perderis ipse tuis. Dumque doces quantum valeat mens libera, monstras Velle tuum tibimet sufficere ut pereas. Verte gradum, fuge perniciem; stratosque re belles Oris apostolici fulmine ubique vide. Nec te mutato defendi nomine credas. Si pastorem ovium laedere vis, lupus es.