Poeta
[recensere]Lapidi sum similis
Memnonis arcano:
tepefactus radiis
meae lucis cano.
Ante Libertatis statuam Novi Eboraci
[recensere]Quam fatale cecidit
novi mundi masculis,
ut Libertas ipsa sit
feminini generis!
"Nonconformistae" cuidam
[recensere]Dissides, negas, discordas, opponis.
O qui communis es opinionis
semper contemptor, ut tibi figures:
olim et tu - abibis ad plures.
Homines quaerens cum sua lucerna
nil nisi sordes invenerat pridem.
Nobis electrica lux hodierna
clarius monstrat quaerentibus - idem.