2 Cypriano fratri Maximus, Urbanus, Sidonius et Macharius salutem.
3 Certi sumus, frater charissime, te quoque nobiscum pari voto congaudere nos, habito consilio, utilitatibus Ecclesiae et paci magis consulentes, omnibus rebus praetermissis et iudicio Dei servatis, cum Cornelio episcopo nostro pariter et cum universo clero pacem fecisse.
4 Cum gaudio etiam universae Ecclesiae, prona etiam omnium charitate, hoc factum his litteris nostris scire certissime debuisti.
5 Oramus te, frater charissime, multis annis bene valere.