Migne Patrologia Latina Tomus 129
Excerptum de conversione Carentanorum
Excerptum de conversione Carentanorum (Auctor incertus), J. P. Migne
Excerptum de conversione Carentanorum
129.1271D| Carentanis primo praedicavit Modestus episcopus missus et consecratus a beato Virgilio sub Pippino Francorum rege. Post hunc missus et consecratus est Theodoricus episcopus in praesentia Caroli imperatoris ab Arnone archiepiscopo. Post hunc Otto episcopus consecratus ab Adelrammo archiepiscopo. 129.1272D| Post hunc Hosbaldus episcopus sub Liuprammo et Adelwino archiepiscopis. Huic Osbaldo scripsit Nicolaus papa duos canones qui in corpore decretorum inveniuntur. Post hunc interjecto aliquo tempore supervenit quidam Sclavus ab Hystrie et Dalmatic partibus nomine Methodius qui adinvenit Selavicas 129.1273A| litteras et Sclavice celebravit divinum officium et vilescere fecit Latinum; tandem fugatus a Carentanis partibus intravit Moraviam, ibique quiescit.
Tempore Dagoberti regis Francorum praeerant Carentanis dux Samo, post quem Boruth, post quem Carastus et post hunc Cheitmarus et post hunc Waltunc. Item sub Carolo et ejus successoribus Priwizlauga, Cemicas, Ztoimar, Etgar.
129.1274A| In orientali etiam parte Bavariae expulsis Hunnis hi comites ab imperatore Carolo et ejus successoribus sunt constituti: Goterammus, secundus Werenharius, tertius Albricus, quartus Gotfridus, quintus Geroldus, et post hos duces Helmwinus, Albgarius, Pabo et duces Carentanorum suprascripti sub iste comitibus et ducibus erant