Migne Patrologia Latina Tomus 138
Fragmentum Missae Latinae
SEQUITUR LITANIA.
Fragmentum Missae Latinae (Auctor incertus), J. P. Migne cc_id: cps_2.AucInc.FrMiLa, cc_idno: 9615
Fragmentum Missae Latinae
138.1335C| Incipit Ordo qualiter Missa celebrari debeat. In primis sacerdos dicat orationem ad calceandum se.
¶
Calcea Domine pedes meos in praeparatione evangelii pacis, et protege me in velamento alarum tuarum.
138.1335D| Ad manus lavandas. Largire sensibus meis omni potens Pater, ut sicut exterius abluuntur inquinamenta manuum, sic a te mundentur interius pollutiones mentis, et crescant in nobis sanctarum argumenta virtutum. Per Christum etc.
Ad mappam. Da Domine virtutem manibus meis ad abstergendam omnem maculam immundam, ut sine pollutione mentis et corporis valeam tibi servire. Per Christum.
Ad amictum. Obumbra Domine caput meum umbraculo sanctae fidei, et pelle a me nubila ignorantiae.
Ad albam. Indue me Domine vestimento salutis, 138.1336C| et circumda me lorica fortitudinis.
Ad zonam. Domine accinge in me custodiam mentis meae, ne ipsa mens infletur spiritu elationis. Amen.
Ad stolam. Stola justitiae circumda Domine cervicem 138.1336D| meam, et ab omni corruptione peccati purifica mentem meam.
Ad casulam. Indue me Domine ornamento humilitatis, charitatis, et pacis, ut undique munitus virtutibus possim resistere vitiis, et hostibus mentis et corporis.
Ad manipulum. Da mihi Domine sensum rectum et vocem puram, ut implere possim laudem tuam. Amen.
Deinde cantet cum circumstantibus clericis hos psalmos, quam amabilia, id est Psal. LXXXIII, qui sic incipit in versione Italica et propria Romanae 138.1337A| Ecclesiae, de qua egimus lib. II, cap. 3. Benedixisti. Inclina Domine. Pater noster. Vers. Exurge Domine, adjuva nos. Fiat Domine misericordia tua super nos. Deus tu conversus vivificabis nos. Ostende nobis Domine misericordia tuam. Non intres in judicium cum servo tuo. Propitius esto Domine peccatis nostris. Domine exaudi orationem meam.
Oremus.
Aures tuae pietatis mitissime Deus inclina precibus meis, et gratia S. Spiritus illumina cor meum, ut tuis mysteriis digne ministrare, teque aeterna charitate diligere merear. Per Dominum nostrum etc.
Tum dicat apud se. Rogo te Deus Sabaoth altissime, Pater sancte, ut tunica castitatis digneris me accingere, et lumbos meos baltheo tui amoris ambire, 138.1337B| ac renes corporis mei igne charitatis exurere, quatenus pro peccatis meis te Dominum meum digne 138.1338A| possim intercedere, et astantis populi peccatorum veniam promereri, ac pacificas singulorum tibi hostias immolare. Me quoque indignum audacter ad te accedentem sinas perire, sed dignare me tua pietate mundare, lavare, ornare, tibique idoneum et dignum ministrum efficere, leniter me ac benigne suscipere. Praesta mihi hoc omnipotens Pater per Unigenitum Filium tuum Dominum nostrum, qui tecum vivit, etc.
Fac me quaeso omnipotens Deus ita justitia indui, ut in sanctorum tuorum merear exultatione laetari, quatenus emundatus ab omnibus sordibus peccatorum consortium adipiscat tibi placentium sacerdotum, meque tua misericordia a vitiis omnibus exuat, quem reatus propriae consciencia gravat. Per 138.1338B| Christum. etc.
Deinde cum clerici inceperint Gloria post Introitum, 138.1339A| procedat antecedente eum diacono, et ante eum subdiacono cum libro evangelii, et ante subdiaconum acolytho cum thymiamate; ante quem duo alii acolythi praecedant cum candelabris et luminaribus, et sic ordinate exeant a Secretario cum Antiphona, Redime me et miserere mei, ut in ecclesiis benedicam te Deus Israel: et Psalmo Judica me Domine, quoniam ego in innocentia mea ingressus sum: et ut pervenerint ante altare incipiant Psalmum cum Antiphona Introibo ad altare Dei. Psal. Judica me Deus et discerne causam meam, cum Gloria Patri, et repetitur Antiphona. Deinde inclinati faciant confessionem diacono stante ad dexteram sacerdotis cum Acolytho, et subdiaconus a sinistris teneat librum evangelii contra faciem ejus.
138.1339B| Sequitur confessio.
Confiteor Deo omnipotenti, et istis, et omnibus sanctis ejus, et vobis fratribus, quia ego miser peccavi nimis in lege Dei mei cogitatione, sermone, et opere, pollutione mentis et corporis, et in omnibus malis, quibus humana fragilitas contaminari potest, propterea precor vos, ut oretis pro me misero peccatore.
Precibus et meritis sanctae Dei genitricis et Virginis Mariae et omnium sanctorum suorum misereatur vobis omnipotens Dominus, et dimittat vobis omnia peccata vestra praeterita, praesentia et futura: liberet vos ab omni malo, conservet vos in omni opere bono, et perducat nos pariter Christus Filius Dei vivi in vitam aeternam. Amen.
138.1339C| Indulgentiam et absolutionem et remissionem omnium peccatorum nostrorum, et spatium verae poenitentiae per intercessionem omnium sanctorum suorum tribuat nobis omnipotens, pius, et misericors Dominus. Amen.
Vers. Converte nos Deus salutaris noster. Resp. Et averte iram tuam a nobis.
Dignare Domine die ista sine peccato nos custodire.
Fiat Domine misericordia tua super nos: quemadmodum speravimus in te.
Domine exaudi orationem meam. Et clamor meus ad te veniat.
Oremus.
138.1339D| Aufer a nobis quaesumus Domine iniquitates nostras, ut ad Sancta Sanctorum puris mereamur mentibus introire. Exaudi quaesumus Domine supplicum preces, et confitentium tibi parce peccatis, ut pariter nobis indulgentiam tribuas benignus et pacem. Per Dominum, etc.
Quibus expletis subdiaconus apertum librum praebeat sacerdoti osculandum. Osculato autem evangelio, quod eo die legendum est, dicat: Pax Christi, quam nobis per evangelium suum tradidit, conservet et confirmet corda nostra et corpora in vitam aeternam. Amen. Et subdiaconus claudens librum ponat super altare in sinistro cornu. Cum vero inceperint in choro Kyrie eleison, acolythi deponant candelabra in pavimento. 138.1340A| Diaconus vero accipiat thuribulum de manu acolythi et accedens osculetur altare, quem subsequitur sacerdos, et inclinatus oret prius hujusmodi.
Ad te Plasmator meus, redemptor meus, salvator meus, ego miserrimus servus tuus ad te cordis devotione confugio. Tu quia pius es miserere mei et suscipe confessionem meam unica spes salutis meae, Domine Deus meus. Nam gulae, ebrietatis, et crapulae vitiis quotidie sine intermissione deservio, et delector. Fornicationis, pollutionis, et libidinis stercoribus ab ipsa pene pueritia putrefactus sum: et omni spurcitia et immunditia libidinis intus exteriusque maculatus sum. Tristitia, acedia, somnolentia, iracundia, concupiscentia, cupiditate, avaritia, invidia, malitia, odio, detractione, suspicione, 138.1340B| simulatione, perjurio, falsitate, mendacio, negligentia, inobedientia, vana gloria, levitate, ac superbia perditus sum: et omni mala cogitatione, locutione, sive actione, atque omnibus malis et iniquitatibus extinctus sum. Sed tu qui justificas impios et vivificas mortuos, justifica me et resuscita me Domine Deus meus.
Deinde surgat et osculetur altare dicens: Omnipotens sempiterne Deus, qui me peccatorem sacris altaribus astare voluisti, et sancti nominis tui laudare potentiam, concede quaesumus per hujus sacramenti mysterium meorum mihi veniam peccatorum, ut tuae majestati digne ministrare merear. Per, etc.
Et sic accepto thuribulo de manu diaconi faciat 138.1340C| incensum super altare, et reddat eidem diacono porrigens ei osculum. Diaconus vero faciat incensum circum altare, et reversus odorem praebeat sacerdoti, redditoque thuribulo acolytho stet post sacerdotem, et subdiaconus retro post eum. Finitis in choro Kyrie eleison, si tempus fuerit, dicat sacerdos Gloria in excelsis Deo. Deinde versus ad populum, cum quo verti debet et diaconus dicat Dominus vobiscum et orationem. Qua dicta subdiaconus contra altare legat epistolam, quam dum incipit, sacerdos et diaconus sedeant in sedilibus suis ad dexteram partem altaris, juxta quos et subdiaconus post lectam epistolam sedeat. Deinde canatur Graduale, Alleluia, vel Tractus, seu Sequentia. Interim vero dicantur a sacerdote vel ministris istae orationes.
138.1340D| Oratio.
Benignissime ac misericordissime, serenissime ac clementissime Deus, cui omnis angelica famulatur virtus, cuique quicquid sanctum et mundum est obsequitur, ante conspectum divinae majestatis tuae assisto reus, sacrosancti mysterii usurpator satis indignus: quin et invocare sanctum ac venerabile nomen tuum non sum idoneus, quippe qui sum innumerabilibus criminibus praegravatus, superbia inflatus, cenodoxia turgidus, invidia demolitus, acedia anxiatus, libidine fracidus, lascivia dissolutus, iracundia stimulatus, odio inveteratus, detractione perditus, protervia tumidus, ventris ingluvie et gulae appetitu immoderatus, fallacia repletus, immunditia 138.1341A| sordidatus, amore saeculi nimis detentus, avaritia irretitus, jactantia elatus, hypocrisi subdolus, contentione pertinacissimus, discordia fraudulentus, susurratione promptissimus, rancore cordis et pusillanimitate affectatus, torpore ignavus, in jurando inconsideratus, scurrilitate assiduus, verbis otiosis et superfluis atque criminosis deditus, fornicatione tam spirituali quam corporali graviter pollutus, et in cunctis voluptatibus in quibus humana fragilitas labi potest miserrime praecipitatus; et in omnibus omnino vitiis atque criminibus, in quibus cogitando, loquendo et operando, peccari potest, coram examine aequitatis tuae me graviter peccasse et reum esse recognosco et confiteor. Sed tu piissime et misericordissime Deus, ne intres in 138.1341B| judicium cum servo tuo, quia non justificabitur in conspectu tuo omnis homo vivens, quippe qui est foenum arescens, et corruptibilis caro, quotidieque ad non esse tendens omnino. Quis ergo potest mundum de immundo concoeptum semine facere, nisi tu qui solus es Deus? Sicut enim pannus menstruatae, sic immundi sumus ante majestatem claritatis tuae Domine. In tuo namque conspectu nec ipsi coeli sunt mundi, quanto magis nos creati in carne corruptibili, atque homines terreni et immundi? Quid enim digne offerat mortalis immortali, corruptibilis incorruptibili mutabilis incommutabili? Sed ut hoc valeret fieri, incarnatus es pro nobis Fili Dei, mundus et incorruptibilis permanens sicut es. Sacramentum quoque corporis et sanguinis tui electis 138.1341C| tuis tradidisti, quo efficeremur de immundis mundi, de peccatoribus sancti, de incestis casti, et de foeditate nitidi et quo possemus ante majestatem gloriae tuae apparere praeclari. Ergo tu Domine sacerdos summe, sanctificator et sanctificatio sacerdotii, miserere mihi homini peccatori, parce indigno sacerdoti, ignosce mysterii tui secreta tractanti, nec indignum misericordiae tuae judices, quem pro aliis rogare permittis, et in quo testimonium boni operis non agnoscis, officium saltem creditae non recuses dispensationis. Et fiat mihi haec sacrosancti mysterii frequentatio omnium scelerum meorum indulta propitiatio, Salvator mundi. Qui vivis etc.
Alia oratio.
Deus misericordiae, et veritatis clementiam tuam 138.1341D| suppliciter deprecor etc. Exstat supra in missa Illyrici.
Alia oratio.
Deus qui non mortem sed poenitentiam desideras peccatorum. Ut supra in missa Illyrici.
SEQUITUR LITANIA.
Christe audi nos.
Pater de coelis Deus miserere nobis.
Fili redemptor mundi Deus, miserere nobis.
Spiritus sancte Deus, miserere nobis.
Sancta Trinitas unus Deus, miserere nobis.
Sancte sanctorum Deus, miserere nobis.
Sancta Maria, ora pro nobis.
Sancta Dei genitrix,
138.1342A|
Sancta Mater Domini,
Sancta Virgo Virginum.
Sancta Regina coelorum.
Sancta Mater misericordiae.
Sancte Michael.
Sancte Gabriel.
Sancte Raphael.
Omnes sancti Angeli et Archangeli.
Sancte Joannes Baptista.
Omnes sancti Patriarchae et Prophetae.
Sancte Petre.
Sancte Paule.
Sancte Andrea.
Sancte Jacobe.
Sancte Joannes
138.1342B|
Sancte Jacobe.
Sancte Philippe.
Sancte Bartholomaee.
Sancte Matthaee.
Omnes Sancti Apostoli et Evangelistae.
Sancte Dionysi.
Sancte Stephane.
Sancte Corneli.
Sancte Cypriane.
Sancte Sebastiane.
Sancte Chrysante.
Sancte Georgi.
Sancte Aureli.
Sancte Processe.
Sancte Januari.
138.1342C|
Sancte Hermes.
Sancte Vite.
Sancte Mercuri.
Sancte Caesari.
Sancte Pancrati.
Sancte Adelberte.
Sancte Cyriace.
Sancte Evatici.
Sancte Phocas.
Sancti Joannes et Paule.
Sancti Tiburti et Valeriane.
Sancti Faustine et Jovita.
Sancti Prime et Feliciane.
Sancti Sergi et Bacche.
Sancti Nazari et Celse.
138.1342D|
Sancti Felicissime et Agapite.
Sancti Nicander et Marciane.
Sancti Valentine et Hilari.
Sancti Cirine et Maxime.
Sancti Quadraginta Martyres.
Sancte Fortunate cum sociis tuis.
Omnes sancti Martyres.
Sancte Gregori.
Sancte Martine.
Sancte Ambrosi
Sancte Pauline.
Sancte Maxime.
Sancte Felix.
Sancte Nicolae.
138.1343A|
Sancte Remigi.
Omnes sancti Pontifices et Confessores.
Sancte Benedicte.
Sancte Maure.
Sancte Placide.
Sancte Severine.
Sancte Romane.
Omnes sancti Monachi et Heremitae.
Sancta Scholastica.
Sancta Caecilia.
Sancta Daria.
Sancta Catharina.
Omnes sanctae Virgines.
Omnes sancti et sanctae Dei.
Propitius esto, parce nobis Domine.
138.1343B| Ut nobis per incarnationem tuam introitum in sancta
Ab insidiis daemonum libera nos Domine.
A periculo mortis libera
Ab immundis cogitationibus.
A dominatu omnium vitiorum.
A caecitate cordis.
Ab omni malo.
Peccatores, te rogamus, audi nos.
Ut parcas nobis, te rog.
Ut nobis spem certam dones.
Ut fidem rectam tribuas.
Ut charitatem perfectam conferas.
Ut cunctorum in nobis vitiorum monstra mortifices.
Ut omnium nos virtutum praerogativa vivifices.
138.1343C| Ut gratiam sancti Spiritus cordibus nostris infundere
sanctorum pandas.
Ut per hoc sacrosanctum mysterium animas et corpora nostra renoves.
Ut per hoc conscientias nostras purifices.
Ut hoc terribile mysterium non sinas nobis fieri ad judicium
Ut istud ineffabile sacramentum mundis manibus tractemus.
Ut puris mentibus sumamus.
Ut indulgentiam omnium peccatorum per hoc consequamur.
Ut per hoc tibi semper inhaerere valeamus.
Ut per hoc et tu in nobis, et nos in te manere mereamur.
138.1343D|
digneris.
Ut cunctum populum Christianum pretiosissimo anguine tuo redemptum conservare digneris.
Ut locum poenitentiae nobis concedas.
Pater noster. Vers. Converte nos Deus salutaris noster.
Dignare Domine die ista.
Miserere nobis Domine.
Fiat Domine misericordia tua super nos.
Delicta juventutis meae et ignorantias meas.
Adjuva nos Deus salutaris noster.
Non intres in judicio cum servo tuo Domine.
Domine non secundum peccata nostra facias nobis.
138.1344A|
Non nobis Domine, non nobis.
Exurge Domine adjuva nos.
Domine exaudi orationem meam.
Sequitur oratio.
Adjuva nos Domine Deus noster tuorum deprecatione sanctorum, ut omnium beatorum Angelorum, Archangelorum, cunctorumque spirituum supernorum, Patriarcharum, Prophetarum, Apostolorum, Evangelistarum, Martyrum, Confessorum, Sacerdotum, Levitarum, Monachorum, Virginum, Viduarum, Innocentium, atque omnium fidelium tibi in coelo et in terra ministrantium, quorum hodie festa geruntur per universum mundum, eorum nos peccatores et indigni quod optamus et indigemus opportuno tempore sentiamus auxilium. Per te Jesu Christe, 138.1344B| Salvator mundi. Qui vivis, etc.
Alia oratio.
Conscientia quidem trepida omnipotens Deus ad altare tuum accedo, sed si dimitto vereor de inobedientia condemnari. Parce ergo mihi Domine indigno famulo tuo, et licet ad tanta mysteria celebranda semper indignus inveniar, tamen fiduciam de tua misericordia retineo. Pro qua re, Deus omnipotens, dignare me paterna pietate placidoque vultu respicere, et cordis mei interiora purgare, et si ego reatu culpabilis existo, beatae tamen et gloriosae semperque Virginis Mariae, et omnium sanctorum tuorum obtentu sint tibi in omnibus placita mea ministeria. Qui vivis, etc
Alia oratio
138.1344C| Domine Deus omnipotens qui es trinus et unus, ubique praesens, ubique totus, tibi confiteor omnia peccata mea, quae si non confiterer, te tamen Domine, quem occulta non fallunt, latere non poterant: quia peccavi nimis in cogitationibus, locutionibus, diversisque operibus malis et multis. Et quia ego miser et miserabilis propter duritiam cordis mei, nisi tu adjuves me in ipsa peccatorum meorum morte perduro, propterea precor te, miserere mei. Qui vivis et regnas in saecula saeculorum. Amen.
Alia.
Deus qui de indignis dignos, de immundis mundos, de peccatoribus efficis justos, munda cor meum et corpus meum ab omni sorde et contagione peccati, 138.1344D| et fac me dignum sacris altaribus tuis ministrum, et concede propitius, ut in hoc altari ad quod indignus ministraturus accedo, hostias acceptabiles atque placabiles offeram pietati tuae pro omnibus peccatis et offensionibus meis, et innumeris quotidianis excessibus, et pro omnibus qui se meis indignis precibus commendaverunt; sed et pro omnibus fidelibus Christianis, et pro omnibus circumstantibus, omnibusque mihi familiaritate vel consanguinitate conjunctis, et pro omnibus etiam qui mei memoriam in suis orationibus faciunt: et per eum sit tibi meum votum atque sacrificium acceptabile, qui se tibi Deo Patri obtulit in sacrificium Jesus Christus Dominus noster. Qui tecum etc.
138.1345A| Alia.
In gnum me Domine fateor tuis sacris, qui innumeris quotidie fuscor peccatis. Exstat totidem verbis in superiori missa Illyrici.
Alia.
Altissime Deus ignosce mihi, etc. Exstat etiam supra aliquot verbis additis et immutatis.
138.1346A| Alia.
Impellit me ministrandi officium hostiam salutarem offerre pro populi delicto, sed terret conscientia indebiti sacerdotii, etc. Habetur item in superiori missa.
Caetera desunt.
Quotation analysis