Homilia de decimis et de jejunio

Homilia de decimis et de jejunio (Auctor incertus), J. P. Migne 129.1261D

129.1261C| Totos nomines debetis amare et benefacere, dilectissimi fratres. Sed plus illis debetis facere bene qui plus Deo serviunt et cum bona fide vivunt. Primitias de fructibus vestris et de laboribus debetis offerre ad altare, id est, spicas novas et uvas et fava. Alias primitias ad domum presbyteri de omni fructu debetis portare, et presbyter eas benedicat. Et sic cum benedictione Domini manducate. Et precamini Dominum ut cum sua gratia et misericordia concedat vobis in pace colligere alios fructus et in suo sancto servitio usitare et quod illi placet inde facere. Et decimas vestras non debetis retinere nec tarde donare nec peimi causa. Nec debetis exspectare ut presbyteri et clerici alii decimas vobis requirant; sed cum bona voluntate vos ipsi sine admonitione debetis donare 129.1261D| et ad domum presbyteri ducere. Alias elimosinas debetis dispensare per hospites et pauperes. Sed decimas non licet vobis donare alteri quam sacerdoti. Et ille dispensat eas cum timore et reverentia Dei ad tecta Ecclesiae et in luminaria et in susceptione hospitum et pauperum et in suos usus et suam necessitatem. Jejunia debetis custodire Quatuor Tempora in anno, id est, mense Martio in prima septimana, quando intrat Martius, debetis jejunare die Mercoris et die Veneris et die Sabbati. In mense Junio in secunda septimana postquam Junius intrat, debetis jejunare die Mercoris et Veneris et die Sabbati. In mense Septembr. in tertia septimana postquam September intrat, jejunate die Mercoris et Veneris et Sabbati. In mense December in quarta septimana 129.1262C| jejunate die Mercoris et Veneris et Sabbati. Et in illis diebus debetis venire ad Ecclesiam audire unusquisque missam et Deo offerre sacrificia et luminaria et incensum et elimosinas donare. Nullus Christianus debet laxare ista jejunia, si talis infans non est qui non possit jejunare, aut talis senex vel infirmus. Et qui ista jejunia laxat aut negligit, peccatum grande inde habet. Ista jejunia debetis custodire et observare, id est, die Mercoris ante initium Quadragesimae, et die Jovis, Veneris et Sabbato. Et totum Quadragesimum debetis jejunare, nisi in die Dominico non debetis jejunare. Qui in die Dominico sine aliqua necessitate jejunat, peccatum inde habet. In vigilia Natalis Domini jejunate, et in vigilia Paschae et Pentecosten. In vigilia sancti Petri et sancti Andreae 129.1262D| et sancti Johannis Baptistae jejunate, et precamini ut ipsi orent pro vobis ad Dominum. Et illo tres dies ante Ascensionem Domini jejunate. Et cruces et reliquias sequimini, non in joco, nec caballicando; sed cum humilitate et contritione cordis celebrate ipsas Rogationes, et a carne omnes abstinete, et missas audite. Qui vel alio tempore vel aliis diebus jejunat, mercedem inde habet. Tamen ista jejunia quae diximus nullus dimittere debet, sed cum bona voluntate debet ea custodire et orare pro se et pro suis amicis, ut per haec jejunia et per alia bona et per elimosinas pium Dominum propitium et placatum habere possimus, ipso praestante qui vivit et regnat in secula seculorum. Amen

(no apparatus)