Migne Patrologia Latina Tomus 86
Horae canonicae (Auctor incertus), J. P. Migne
[CXXIV] INCIPIT AURORA, QUAE ANTE PRIMAM RECITATUR IN DIEBUS FERIIS PER TOTUM ANNUM.
(0939B) Antiphona. Deus in adjutorium meum intende; Domine ad adjuvandum me festina.
Psalmus LXIX. Deus in adjutorium meum intende. Folio XXVIII. CXVIII. Psalmus David. Beati immaculati in via. In quo corrigit juvenior viam suam. Retribue servo tuo, vivam. Fol. LII.
Reiteretur Antiphona. Deus in adjutorium meum intende: Domine ad adjuvandum me festina.
Dicat Presbyter. Dominus sit semper vobiscum. R\. Et cum.
Lauda. Alleluia, alleluia, alleluia. Praeveni in maturitate, (0939C)et clamavi: quia in verbo tuo supersperavi. P. Alleluia. V\. Praevenerunt oculi mei, Deus, ad te diluculo: ut meditarer eloquia tua. P. Alleluia.
Hymnus.
Jam meta noctis transiit,
Somni quies jam praeteriit,
Aurora surgit fulgida,
Spargit coelum lux nova.
Sed cum diei speculum
Cernamus hinc nos omnes,
Ad te, superne Lucifer,
Preces necesse est fundere.
Te lucis Sancte Spiritus,
Et charitatis actibus
(0939D)Ad instar illud gloriae
Nos innovatos effice.
Praesta, Pater Piissime,
Patrique compar Unice,
Cum Spiritu Paraclito
Regnans per omne saeculum.
Amen.
V\. Exurge, Domine, adjuva nos; et libera nos propter nomen tuum.
(0940B)Vel alius Vers. A vigilia matutina usque ad noctem, Deus sancte, custodi nos.
Alius Vers. Adjutor, et liberator noster es tu Domine, ne tardaveris ad salvandum nos.
Kyrie eleison. Christe eleison. Kyrie eleison.
Pater noster, qui es in coelis: R\. Amen. Sanctificetur nomen tuum: R\. Amen. Adveniat regnum tuum: R\. Amen. Fiat voluntas tua, sicut in coelo, et in terra. R\. Amen. Panem nostrum quotidianum da nobis hodie: R\. Quia Deus es. Et dimitte nobis debita nostra, sicut et nos dimittimus debitoribus nostris. R\. Amen. Et ne nos inducas in tentationem: R\. Sed libera nos a malo.
A malo nos libera, et in tuo timore, et opere bono nos confirma Trinitas Deus noster; tibique serviamus (0940C)Deo, ac Domino nostro servitute perenni: Qui vivis, et omnia regis nunc, et in aeterna saecula saeculorum. R\. Amen.
Preces. Deus miserere, Deus miserere: Deus miserere infirmis, oppressis, dispersis, captivis, itinerantibus, navigantibus, tribulantibus, poenitentibus; et defunctis fidelibus cito succurre, Pater Coelestis.
Aliae Preces. Deus miserere, Deus miserere, Deus miserere: Miserere nobis, Domine, miseris: Miserere famulis tuis; Miserere infirmis, miserere oppressis, miserere captivis, miserere peregrinis, miserere navigantibus, miserere itinerantibus, miserere poenitentibus, miserere lugentibus, miserere peccatoribus: Tu Christe parce Christianis viventibus cunctis; quoniam meritorum nostrorum diversis atterimur (0940D)malis: et quia coram te propriam fatemur miseriam, misericordiae tuae opem in nobis sentiamus; et operum medelam et requiem jubeto praestare omnibus fidelibus defunctis. Amen.
INCIPIT ORDO PRIMAE, QUAE DEBET DICI PER TOTUM ANNUM. Antiphona. Praevenerunt oculi mei, Deus, ad te diluculo: ut meditarer eloquia tua. 2. Praevenerunt. Gloria, et honor. 3. Praevenerunt.
(0941A)Psalmus LXVI. Psalmus CXLIV. Psalmus CXLIV. Regnum tuum, Domine, regnum, etc. Psalmus CXII. [CXXV] CXVIII. Psalmus David. Adhaesit pavimento anima mea. Legem pone mihi Domine. Veniat super nos misericordia tua, Domine. Fol. LII et LIII.
Antiphona. Praevenerunt oculi mei, Deus, ad te diluculo: ut meditarer eloquia tua.
Responsorium diebus ferialibus. Adjutor, et liberator noster es tu, Domine. V\. Deus in nomine tuo salvum me fac: et in virtute tua judica me. P. Es tu, Domine. V\. Gloria, et honor Patri, et Filio, et Spiritui Sancto: et nunc, et semper in saecula saeculorum. Amen. P. Reiteretur Responsorium. Adjutor, et liberator.
Responsorium aliud feriale. Adjuva nos Deus salutaris (0941B)noster: V\. Et propter honorem nominis tui Domine libera nos. P. Salutaris noster. V\. Gloria, et honor. P. Adjuva nos, etc.
De Confessore Responsorium. In conspectu Angelorum psallam tibi, Domine Alleluia: V\. Adorabo ad templum sanctum tuum, et confitebor tibi, Domine. P. Psallam. V\. Gloria, et honor.
Responsorium de uno justo sive Martyre. De ore justi procedit doctrina. Alleluia, alleluia: Favum mellis distillant labia ejus. V\. Os justi meditabitur sapientiam, et lingua ejus loquetur judicium. P. Favum mellis. V\. Gloria, et honor. Reiteretur R\.
De Sanctis sive de Martyribus Responsorium. Vincula Sanctorum jam soluta sunt; et plagae eorum jam sanatae sunt: quasi navigantes de mundo ferebantur (0941C)in coelum. V\. Qui sunt isti, qui ut nubes volant, et quasi columbae ad fenestras suas? P. Ferebantur. V\. Gloria, et honor.
In Quadragesima diebus Feriis Responsorium. Quaerite primum regnum Dei: et haec omnia apponentur vobis. V\. Quaerite Dominum, et confortamini: quaerite faciem ejus semper. P. Et haec omnia. V\. Gloria. P. Quaerite.
In Quadragesima diebus Dominicis Responsorium. Servi Dei benedicite Dominum, et collaudate regem saeculorum. Quia oportet semper orare et nunquam deficere. V\. Qui statis in domo Domini, in atriis domus Dei nostri. P. Quia oportet. V\. Gloria.
De Adventu Domini Responsorium. Montes filiae Sion ramos vestros extendite, et germinate, et fructum (0941D)jocunditatis afferte populo Dei Israel: quoniam veniet dies Domini. V\. Laudate coeli, et exulta terra, jubilate montes laudem: V\. Et fructum jocunditatis. P. Gloria.
De Nativitate Domini Responsorium. Splendet hodie coelum, et terra: quia Salvator nobis natus est ad redimendum peccata nostra. Ipse est Dominus Deus noster. V\. Parvulus enim natus est nobis, et filius datus est nobis: P. Ipse est Dominus. V\. Gloria, et honor. Reiteretur R\.
In diebus festivis per totum annum Responsorium. Lux tua, Domine, luceat super nos: et majestas tua illuminet nos Alleluia: Ut spiritu tuo repleti, non timeamus insidias inimici. Alleluia, alleluia. V\. Illumina, (0942A)Domine, vultum tuum super nos, et miserere nobis. P. Ut spiritu tuo repleti. V\. Gloria, et honor. P. Lux tua, Domine, etc. Vel dicatur istud Responsorium in Octavis Nativitatis.
Lectio libri Zachariae Prophetae (Cap. VIII).
Haec dicit Dominus: Reversus sum ad Sion, et habitabo in Hierusalem: et vocabitur Hierusalem Civitas veritatis, et Mons Domini exercituum mons sanctificatus. R\. Amen.
Epistola Pauli Apostoli ad Romanos (Cap. XIII).
Fratres, Nox praecessit, dies autem appropinquavit. Abjiciamus ergo a nobis opera tenebrarum, et induamus nos arma lucis. Sicut in die honeste ambulemus: non in comessationibus, et ebrietatibus, non in cubilibus, et impudicitiis, non in contentione, (0942B)et aemulatione: sed induimini Dominum nostrum Jesum Christum. R\. Amen.
Lauda. Alleluia. Cantabo Domino in vita mea. P. Alleluia: V\. Psallam Deo meo quandiu ero. P. Alleluia.
Lauda. Alleluia, Dextera Domini fecit virtutem P. Alleluia: V\. Dextera Domini exaltavit nos. P. Alleluia, alleluia.
Et nota, quod in tempore Quadragesimae non dicitur Alleluia in ista Lauda.
Hymnus.
Jam lucis orto sidere
Deum precemur supplices,
Ut in diurnis actibus
Nos servet a nocentibus.
Linguam refraenans temperet,
(0942C)Ne litis error insonet:
Visum fovendo contegat,
Ne vanitates hauriat.
Sint pura cordis intima,
Absistat et vecordia:
[CXXVI] Carnis terat superbiam
Potus cibique parcitas:
Ut, cum dies abscesserit,
Noctemque sors reduxerit,
Mundi per abstinentiam
Ipsi canamus gloriam.
Iam nos secundae praemonet
Horae peractus circulus,
Deo sacratum promere
Hymnum perennis gloriae.
(0942D)Exurge Jesu alleva
Cordis rei fastidia;
Ut lingua clare concinat
Laudis tuae magnalia.
Infunde lumen Spiritus
Da claritatem cordibus;
Quo te Deum per omnia
Laudemus semper saecula.
Amen.
V\. Bonum est confiteri Domino, P. Et psallere nomini tuo Altissime.
De Resurrectione Responsorium. Dicite in nationibus Alleluia: Dominus regnavit a ligno Alleluia, alleluia. V\. Etenim correxit orbem terrae, quae non (0943A)commovebitur. P. Dominus regnavit. V\. Gloria, et honor. Reiteretur Dicite.
Hymnus.
Aurora lucis rutilat:
Coelum laudibus intonat:
Mundus exultans jubilat:
Gemens infernus ululat.
Cum rex ille fortissimus,
Mortis confractis viribus,
Pede conculcans tartara
Solvit a poena miseros.
Ille, qui clausus lapide
Custoditur sub milite;
Triumphans pompa nobili,
(0943B)Victor surgit de funere.
Solutis jam gemitibus,
Et inferni doloribus:
Quia surrexit Dominus,
Resplendens clamat Angelus.
Tristes erant Apostoli
De nece sui Domini,
Quem poena mortis crudeli
Servi damnarunt impii.
Sermone blando Angelus
Praedixit mulieribus:
In Galilaea Dominus
Videndus est quamtocius.
Illae dum pergunt concitae,
Apostolis haec dicere:
(0943C)Videntes eum vivere,
Osculant pedes Domini.
Quo agnito Discipuli
In Galilaeam propere
Pergunt, videre faciem
Desideratam Domini.
Claro paschali gaudio
Sol mundo nitens radio,
Cum Christum jam Apostoli
Visu cernunt corporeo.
Ostensa sibi vulnera
In Christi carne fulgida,
Resurrexisse Dominum,
Voce fatentur publica.
Rex Christe clementissime,
(0943D)Tu corda nostra posside;
Ut tibi laudes debitas
Reddamus omni tempore.
Gloria tibi, Domine,
Qui surrexisti a mortuis,
Cum Patre, Sancto Spiritu
In sempiterna saecula.
Amen.
V\. Bonum est confiteri Domino, P. Et psallere nomini tuo Altissime.
Et istud, quod sequitur, videlicet Canticum Benedictus Dominus Deus. Et Psalmus L debet semper dici per totum annum in diebus Ferialibus, excepto tempore Resurrectionis.
(0944A)Canticum. Benedictus es Domine Deus patrum nostrorum. Fol. 6, Psalmus
Et nota, quod in diebus Dominicis, et festivis debet semper dici Canticum Te Deum laudamus. Et Canticum Gloria in excelsis, Et Symbolum Credimus in unum Deum.
Canticum.
Te Deum laudamus; te Dominum confitemur;
Te aeternum Patrem omnis terra veneratur.
Tibi omnes Angeli, tibi Coeli, et universae potestates:
Tibi Cherubim ac Seraphim incessabili voce proclamant:
Sanctus, Sanctus, Sanctus, Dominus Deus Sabaoth.
(0944B)Pleni sunt coeli et terra gloria majestatis tuae.
Te gloriosus Apostolorum chorus;
Te prophetarum laudabilis numerus;
Te Martyrum candidatus laudat exercitus.
Te per orbem terrarum sancta confitetur Ecclesia
Patrem immensae majestatis,
Ad venerandum tuum verum unigenitum Filium,
Sanctum quoque Paraclitum Spiritum.
[CXXVII] Tu es rex gloriae Christe.
Tu Patris sempiternus es Filius.
Tu ad liberandum suscepturus hominem, non horruisti Virginis uterum:
Tu, devicto mortis aculeo, aperuisti credentibus te regna coelorum:
(0944C)Tu ad dexteram Dei sedes in gloria Patris:
Judex crederis esse venturus.
Te ergo quaesumus; tuis famulis subveni, quos pretioso sanguine redemisti:
Aeterna fac cum sanctis tuis in gloria numerari.
Salvum fac populum tuum Domine; et benedic hereditati tuae:
Et rege eos: et extolle illos usque in saeculum et in saecula saeculorum. Amen.
Per singulos dies benedicimus te:
Et laudamus nomen tuum in aeternum et in saeculum saeculi.
Dignare, Domine, die isto: sine tribulatione et peccato nos custodire.
Miserere nobis, Domine, miserere nobis.
(0944D)Fiat misericordia tua, Domine, super nos; sicut speravimus in te.
In te Domine speravi, non confundar in aeternum.
Parce, Domine, parce populo tuo: et ne des in obprobrium hereditatem tuam.
Canticum Angelorum.
Gloria in excelsis Deo: Et in terra pax hominibus bonae voluntatis. Laudamus te, Benedicimus te, Adoramus te, Glorificamus te: Hymnum dicimus tibi. Gratias tibi agimus propter gloriam tuam magnam, Domine Deus Rex coelestis Deus Pater omnipotens, Domine Fili unigenite Jesu Christe Altissime. Domine Deus, agnus Dei, Filius Patris, Qui tollis peccata (0945A)mundi, miserere nobis. Qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam tu solus sanctus, Tu solus Dominus, Tu solus Altissimus, Jesu Christe, Cum Sancto Spiritu in gloria Dei Patris. Amen.
Symbolum Apostolorum.
Credimus in unum Deum, Patrem omnipotentem, Factorem coeli et terrae, visibilium et invisibilium conditorem. Et in unum Dominum Jesum Christum, Filium Dei unigenitum, Ex Patre natum ante omnia saecula, Deum ex Deo, Lumen ex lumine, Deum verum ex Deo vero, Natum, non factum (Homousion Patri; hoc est, ejusdem cum Patre substantiae:) per quem omnia facta sunt, quae in coelo, et quae in (0945B)terra: Qui propter nos homines, et propter nostram salutem descendit de coelis, * Et incarnatus est de Spiritu Sancto: natus ex Maria Virgine: homo factus est. Passus sub Pontio Pilato: Sepultus: Tertia die resurrexit: Ascendit in coelos: sedet ad dexteram Patris; Iterum venturus est in gloria judicare vivos et mortuos: cujus regni non erit finis. Credimus in Spiritum Sanctum, Dominum et vivificantem, ex Patre, et Filio procedentem, Cum Patre, et Filio simul adorandum, et glorificandum: qui locutus est per Prophetas; In unam sanctam catholicam atque Apostolicam Ecclesiam. Confitemur unum baptisma in remissionem peccatorum. Expectamus resurrectionem mortuorum, Et vitam futuri saeculi. Amen.
V\. Satiati sumus mane misericordia tua: et exultavimus, (0945C)et laetati sumus in omnibus diebus nostris.
Supplicatio. Oremus pium et exaudibilem Dominum nostrum Jesum Christum, cum omni supplicatione rogemus; ut nostri agonis cursum ad finem bonorum operum, et supernae beatitudinis propitius perducere dignetur. R\. Praesta aeterne omnipotens Deus.
Kyrie eleison. R\. Christe eleison Kyrie eleison.
Capitula 3 in diebus Festivis. Deus ad adjuvandum nos festina; ne aut inimicus praevaleat, dum differs adjutorium; aut desperatio succedat, dum retardas auxilium: utramque tuam opitulationem oppone; et piam cautionem nobis et omnibus Christianis impende: ut qui fiduciam nostram in tua collocamus (0945D)virtute, semper tua muniamur Divinitate.
Pater noster.
A malo nos libera. Fol. 10.
Benedictio. Benedicat nos Dominus rector aeternus. R\. Amen. Protegat, muniat, et ab omni malo defendat; R\. Amen. Ut ereptos a malis heredes constituat in coelis. R\. Amen.
Per misericordiam ipsius.
Capitula Ferialis. Deus, in adjutorium nostrum intende; Domine, et ut nos adjuves, festinans aggredere: tribue itaque vires explendi quod novimus, et perfectioni deputa quod optamus.
Pater noster.
A malo nos libera. Fol. 10.
(0946A)[CXXVIII] Benedictio. Sit veritas, et misericordia divina nobiscum; ut superare valeamus in bonis actibus inimicum. R\. Amen. Exultet in suo beneficio cor nostrum, ut decidant a nobis cuncta vulnera delictorum. R\. Amen. Dextera ejus imbuat miseratoris triumphum, quo veternosi hostis, Christo gubernante, conteramus aculeum. R\. Amen.
Capitula Dominicalis. Ad te, Domine, effundimus desiderium cordis nostri; cum lachrymis precamur, ut audias vocem nostri clamoris, et effectum dona petitionibus nostris: Estoque nobis, Domine, in omnibus bonis adjutor promptissimus, in periculis liberator assiduus: pelle a nobis dolum, interime vitium. Praesta alternae dulcedinis incrementum. Sit nobis correptio morum indulgentia criminum; ut orationem (0946B)nostram accipias; peccata dimittas; fide repleas; indulgentia foveas; misericordia protegas; adversa destruas; prospera concedas; habeamus in hoc saeculo bonae actionis documentum; castitatis donum; charitatis studium; sancti amoris affectum; et in futuro cum sanctis Angelis adipiscamur regnum; et propter magnam misericordiam tuam defunctis omnibus fidelibus Christianis sempiternam requiem dona.
Pater noster.
A malo nos libera. Fol. 10.
Benedictio. Benedicat nos omnipotens Dominus coelestibus bonis, et repleat spiritualibus donis. R\. Amen. Concedat nobis charitatem, gaudium, patientiam, (0946C)mansuetudinem, spem, fidem et continentiam; R\. Amen. Ut repeti omnes bonis ejus, ad aeternam vitam beatitudinis pervenire possimus. R\. Amen.
Per misericordiam tuam.
INCIPIT ORDO CANTANDUS VEL RECITANDUS AD TERTIAM.
Antiphona. Praeoccupemus faciem ejus in confessione: et in psalmis jubilemus ei. Psalmus XCIV.
CXVIII.
Psalmus David. Memento verbi tui servo tuo. Portio mea, Domine. Jucunditatem fecisti cum servo tuo. Fol. LIII.
Antiphona. Praeoccupemus faciem ejus in confessione: et in psalmis jubilemus ei.
In diebus Festivis Responsorium. Defensor juste, defende nos: et libera nos de manu inimicorum nostrorum. (0946D)V\. Deus in nomine tuo salvos nos fac: et in virtute tua. P. Libera nos de manu. V\. Gloria, et honor. Reiteretur Responsorium.
In diebus Ferialibus Responsorium. Da nobis, Deus, auxilium in tribulatione: quia vana est salus hominis. V\. In Deo faciemus virtutem: et ipse ad nihilum deducet tribulantes nos. P. Quia vana est. V\. Gloria, et honor.
In Quadragesima diebus Feriis Responsorium. Deprecemur Dominum: et placabilis erit nobis. Et exaudiet nos, et miserebitur nobis. V\. Venite, exultemus Domino: jubilemus Deo salutari nostro. P. Et exaudiet nos. V\. Gloria, et honor.
In diebus Dominicis carnalibus Responsorium. Misericordiam, (0947A)et judicium cantabo tibi Domine: Alleluia, alleluia. V\. Perambulabam in innocentia cordis mei, in medio domus tuae. P. Cantabo tibi, Domine. Alleluia, alleluia. V\. Gloria, et honor. Reiteretur Responsorium.
Lectio libri Levitici (Cap. XXVI).
R\. Deo gratias.
Haec dicit Dominus: Ponam tabernaculum meum in medio vestri, et non abjiciet vos anima mea. Habitabo inter vos, et ero vester Deus, vosque eritis populus meus, et ego Dominus Deus vester. R\. Amen.
Epistola Pauli Apostoli ad Ephesios (Cap. V).
R\. Deo gratias.
Fratres, Estote imitatores Dei, sicut filii charissimi: (0947B)et ambulate in dilectione, sicut et Christus dilexit nos, et tradidit semetipsum pro nobis oblationem, et hostiam Deo in odorem suavitatis. R\. Amen.
Lauda. Alleluia, alleluia. Magnus Dominus noster, et magna virtus ejus: P. Alleluia. V\. Et sapientiae ejus non est numerus. P. Alleluia.
Lauda. Alleluia, alleluia, alleluia. Deus exaudi orationem nostram. P. Alleluia, alleluia: V\. Et clamor noster ad te perveniat. P. Alleluia, alleluia.
Et nota, quod in tempore Quadragesimae non dicitur Alleluia in ista Lauda.
Hymnus.
Certum tenentes ordinem,
Pio poscamus pectore
Hora diei Tertia
(0947C)Virtutem trini numinis.
Ut simus habitaculum
[CXXIX] Illi Sancto Spiritui.
Qui quondam in Apostolis
Hac hora distributus est:
Quo gradientes ordine,
Ornavit cuncta splendide
Regni coelestis Conditor
Aeternae vitae praemiis.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
(0947D)Clamores. 1. Non secundum peccata nostra facias nobis, Deus: neque secundum iniquitates nostras retribuas nobis. 2. Non secundum. 3. Non secundum peccata. V\. Sed secundum multitudinem miserationum tuarum miserere nobis, Domine.
Supplicatio. Oremus pium et exaudibilem Dominum nostrum Jesum Christum, cum omni supplicatione rogemus; ut nobis gratiam misericordiae suae, et delictorum veniam propitius donare dignetur. R\. Praesta aeterne.
Kyrie eleison. R\. Christe eleison. Kyrie eleison.
Capitula. Domine Jesu Christe, Fili Dei Patris, qui hora diei tertia in Crucis suspensus patibulo, totius mundi delictum tuo abluisti supplicio, eodemque horae curriculo super capita Apostolorum tuorum (0948A)igne Sancti Spiritus dedisti donum: te quaesumus, et rogamus, ut eo munere corda nostra irradies, et animas benedicas.
Pater noster.
Benedictio. Benedicat nos trina majestas, et una Deitas: R\. Amen. Pater et Filius, et Spiritus Sanctus. R\. Amen. Tales nos dies examinationis inveniat, quales fons regenerationis emisit. R\. Amen.
De Adventu Domini Responsorium. Veniet Dominus, et apparebit in medio filiorum populi sui. De manu impiorum liberabit eos, et de morte redimet illos. V\. Dominus omnipotens suscitabit justum nobis. Et ipse salvum faciet populum suum a peccatis eorum. P. Et de manu impiorum liberabit eos. V\. Gloria, et honor. Reiteretur Responsorium.
(0948B)Aliud. Ecce Dominus veniet, Redemptor noster sanctus Israel, Coronam regni habens in capite suo. V\. Attendite ad me populus meus: et tribus mea me audite: quia prope est justus meus, et egressus est Salvator meus, P. Coronam regni habens in capite suo.
Aliud. V\. Aspiciebam in nubibus Coeli: et quasi Filius hominis veniebat, P. Coronam regni. V\. Gloria, et honor. Reiteretur.
Responsorium. Quare tardas, Deus? Veni: et libera populum tuum; te enim expectat omnis Israel. V\. Veni, Domine, noli tardare: relaxa facinora plebis tuae; P. Te enim expectat. V\. Gloria, et honor.
Lectio libri Esaiae Prophetae (Cap. XXXV).
R\. Deo gratias.
(0948C)Haec dicit Dominus: Laetabitur deserta et invia, et exultabit solitudo, et florebit quasi lilium. Germinans germinabit, et exultabit laetabunda et laudans: gloria Libani data est ei: decor Carmeli, et Saron; ipsi videbunt gloriam Domini, et decorem Dei nostri. R\. Amen.
Epistola Pauli Apostoli ad Philippenses (Cap. IV).
R\. Deo gratias.
Fratres, gaudete in Domino semper: et iterum dico gaudete. Modestia vestra nota sit omnibus hominibus: Dominus prope est. Nihil soliciti sitis: sed in omni oratione, et obsecratione, cum gratiarum actione, petitiones vestrae innotescant apud Deum. Et pax Christi, quae exuperat omnem sensum, custodiat corda, et corpora vestra, et intelligentias vestras, (0948D)per fidem, quae est in Christo Jesu Domino nostro. R\. Amen.
Lauda. Alleluia, alleluia. Veni, Domine, et appare populo tuo: P. Alleluia. V\. Et relaxa facinora eorum. P. Alleluia.
Hymnus.
Te majestatis Domine,
Trino colentes nomine,
Precamur tui famuli;
Libens ut nos exaudias.
Errata nostra dilue;
Vocem clamoris accipe;
Largire te fatentibus
Regni coelestis praemia.
(0949A)Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
In Tempore Spiritus Sancti. Gloria tibi Trinitas. Fol. 422.
[CXXX] Supplicatio. Oremus pium, et exaudibilem Dominum nostrum Jesum Christum, cum omni supplicatione rogemus; ut nos gratia adventus sui nobis de die in diem cor novum, et spiritum rectum propitius innovare dignetur. R\. Praesta aeterne omnipotens Deus.
Capitula. Tertia jam, Domine, diei surgit hora, in qua Spiritum Sanctum in Apostolorum cordibus infundere (0949B)dignatus es; et ut variis loquerentur in linguis, eorum faucibus resonasti: Praesta ergo, aeterne omnipotens Deus, ut sicut in eodem tempore os eorum in tuis laudibus appernisti, ita quoque nos in futuro tuam misericordiam consequi mereamur.
Pater noster.
Benedictio. Custodiat nos Dominus; ubique praecedat: et suorum mandatorum observatores efficiat; R\. Amen. Quique ad exorandum eum in hac hora diei Tertia devota mente concurrimus, occursum, atque subsidium semper habere mereamur ineffabile Trinitatis; R\. Amen. Ut ejus protectione salvati cum eodem Domino in aeterna saecula mereamur laetari. R\. Amen.
In Quadragesima Responsorium. Ecce venient dies (0949C)Domini magni, eleemosynae, et jejunii: estote parati benefacere oppressis, viduis, et orphanis; ut recipiatis mercedem in novissimis temporibus, dicit Dominus. Quiescite agere perverse: discite benefacere: quaerite judicium: subvenite oppressis; P. Ut recipiatis. V\. Gloria, et honor. Reiteretur Responsorium.
Lectio libri Esaiae Prophetae (Cap. LV).
R\. Deo gratias.
In illis diebus: Locutus est Esaias dicens: Quaerite Dominum, dum inveniri potest: invocate eum, dum prope est. Derelinquat impius vias suas, et vir iniquus cogitationes suas, et revertatur ad Dominum, et miserebitur ejus, et ad Dominum Deum nostrum: quoniam multus est ad ignoscendum. R\. Amen.
(0949D)Epistola Pauli Apostoli ad Ephesios (Cap. IV).
R\. Deo gratias.
Fratres, Omnis sermo malus de ore nostro non procedat: sed si quid bonum est ad aedificationem opportunitatis, ut det gratiam audientibus. Et nolite contristari Spiritum Sanctum Dei: in quo signati estis in diem redemptionis. R\. Amen.
Lauda. Laus tibi, laus tibi, Domine, Rex aeternae gloriae. Deus exaudi orationem nostram, P. Rex aeternae gloriae. V\. Et clamor noster ad te perveniat. P. Rex aeternae gloriae.
Hymnus.
Benignitatis fons Deus,
Qui non habes finem boni,
Super malum scelestium
(0950A)Semper pius, semper bonus.
Moestum satis cor caedimus,
Et triste pectus tundimus:
Aquas pupillae fundimus:
Moestas genas inducimus.
Egisse multum poenitet
Horrens tetrum, vel pessimum,
Turpissimumque sordidum;
Fatemur omne noxium.
Elata vox te postulat:
Tu parce, dicit, Conditor;
Jam parce, clamat obsecrans:
Ignosce quod commissimus.
Non ira moestos sorbeat;
Non poena fessos conterat:
(0950B)Solare contritos cito,
Et gaudium nobis dato.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
Clamores. 1. Non secundum peccata nostra facias nobis, Deus: neque secundum iniquitates nostras retribuas nobis. 2. Non secundum. 3. Non secundum. V\. Sed secundum multitudinem miserationum.
Supplicatio. Oremus pium, et exaudibilem Dominum nostrum, ut supra.
Capitula. Exaudi orationem nostram, Domine; gemitusque nostros auribus percipe: nos enim iniquitates (0950C)nostras agnoscimus; et delicta nostra coram te pandimus: tibi, Deus, peccavimus; tibique confitentes veniam exposcimus: Et quia recessimus a mandatis tuis, et legi tuae minime paruimus; convertere Domine, super servos tuos, quos redemisti sanguine tuo: Indulge quaesumus nobis; et peccatis nostris veniam tribue: tuaeque pietatis misericordiam in nobis largiri dignare.
Pater noster.
Benedictio. Deus, qui est fons indulgentiae, suscipiat litationem abstinentiae nostrae; [CXXXI] R\. Amen. Quique est Omnipotens et substantia Divinitatis, det posse parere praeceptis. R\. Amen. Et quod non possumus carnali ex infirmitate perficere, ipsius Divinitate adjuti mereamur adimplere. R\. Amen.
(0950D)De Traditione Domini Responsorium. Miserere, quia Deus es: misericors, miserere; quia peccavimus tibi. V\. Ad te levamus oculos nostros, qui habitas in coelis. P. Misericors, miserere.
Aliud Responsorium. Quot sunt dies servi tui, Domine: quando facies de persequentibus me judicium? V\. Posuerunt peccatores laqueos mihi: et a mandatis tuis non erravi. P. Domine, quando facies.
Lectio libri Hieremiae Prophetae (Cap. IX).
R\. Deo gratias.
Haec dicit Dominus: Ecce ego conflabo, et comprobabo inimicos meos: quid enim aliud faciam a facie filii populi mei? Sagittae vulnerantes lingua eorum; dolum locuta est in ore eorum: pacem cum (0951A)amico suo loquitur, et occulte ponit ei insidias. Numquid super his non visitabo, dicit Dominus? Si quis est vir sapiens, qui intelligit hoc, ad quem verbum Domini fiat, annuntiet istud, ait Dominus omnipotens. R\. Amen.
Epistola prima Joannis Apostoli ad Gentes (Cap. II).
R\. Deo gratias.
Charissimi, Nolite diligere mundum, neque ea, quae in mundo sunt. Si quis diligit hunc mundum, non est charitas Patris in eo: quoniam omne, quod est in mundo, concupiscentia carnis, et concupiscentia oculorum est, et superbia vitae: qui vero ex hoc mundo est, et mundus transit, et concupiscentia ejus. Qui autem facit voluntatem Dei, manet in aeternum, quomodo Deus manet in aeternum. R\. (0951B)Amen.
Lauda, Hymnus. Benignitatis fons. ut supra V\. Eripe me Domine ab homine malo: a viro iniquo, et doloso libera me.
Supplicatio. Oremus pium, et exaudibilem Dominum nostrum Jesum Christum, cum omni supplicatione rogemus; ut nos per stigmata passionis suae propitius justificare dignetur. R\. Praesta aeterne omnipotens Deus.
Capitula. Miserere nobis Domine, miserere nobis: et in te confidentes exaudi: adversantium arma confringe; et laqueos nobis destrue praeparatos: ut circumdati claritate coelesti, non incidamus in foveam mortis: sed parato corde tuam in populis exaltemus misericordiam veritatis; qui pro nobis sustulisti obprobrium (0951C)Crucis.
Pater noster.
Benedictio. Mors Christi admirabile sacramentum depellat a nobis omnium conluviones facinorum: R\. Amen. Sanguis ejus ineffabile pretium extinguat in vos omnium deformitatem vitiorum: R\. Amen. Crucis ejus insigne vexillum consortes vos efficiat Angelorum. R\. Amen.
De Resurrectione Domini Responsorium. Hoc jam tertio manifestatus est Jesus Discipulis suis, cum resurrexisset a mortuis. Alleluia, alleluia. V\. Et undecim Discipuli abierunt in Galilaeam, ubi constituerat illis Jesus. Et videntes eum adoraverunt. P. Cum resurrexisset. V\. Gloria, et honor.
(0951D)Apocalypsis Joannis Apostoli (Cap. I).
R\. Deo gratias.
Ego Joannes servus Jesu Christi fui in spiritu, et audivi vocem de coelo dicentem mihi: Ego sum primus, et ego novissimus; et vivus, et fui mortuus; et ecce sum vivens in saecula saeculorum. R\. Amen.
Epistola Pauli Apostoli ad Colossenses (Cap. III).
R\. Deo gratias.
Fratres, Si consurrexistis cum Christo, quae sursum sunt quaerite, ubi Christus est in dextera Dei sedens: quae sursum sunt sapite, non quae super terram. Mortui enim estis, et vita vestra abscondita est cum Christo in Deo. R\. Amen.
Lauda. Alleluia, alleluia, alleluia. V\. Resurrexit Dominus Jesus Christus: P. Alleluia, alleluia. V\. (0952A)Sit gloria illi in saecula saeculorum. Amen. P. Alleluia, alleluia, alleluia.
Hymnus.
Jam surgit hora Tertia, Et nos intenti currimus, Psallendi opus implemus: Christum laudemus Dominum.
[CXXXII] Hora quoque jam Tertia
Christus cruce suspensus est,
Voluntatem Patris implevit,
Mundi peccatum abstulit,
Conscendit sedem propriam,
Sedet ad Patris dexteram;
Conlaudant throni Dominum.
Quem perfidi negaverant.
(0952B)Nos Christum Deum colimus,
Judicemque speramus;
Quem Prophetae cecinerunt,
Apostoli secuti sunt.
Egressus hora Tertia
Sanctus Pater familias
Per singulos denarios
Conduxit operarios.
In tua, Christe, vinea,
Quam praemio jam cernimus,
Sequimur opus mysticum
Propter promissum optimum.
Ecce praecessit jam hora,
In qua Sanctus Spiritus
(0952C)Apostolorum vascula
De verbo fecit ebria.
Infunde sensum, Domine;
Ut te canamus laudibus:
Christe, Redemptor omnium
Sanctifica nostrum chorum.
Gloria tibi Domine,
Qui surrexisti a mortuis
Cum Patre, Sancto Spiritu
In sempiterna saecula.
Amen.
V\. Dominus regnavit a ligno. Alleluia. Etenim correxit orbem terrae, qui non commovebitur.
Supplicatio. Oremus pium et exaudibilem Dominum nostrum Jesum Christum, cum omni supplicatione (0952D)rogemus; ut sicut in hac hora diei Tertia, Apostolorum corda Spiritus Sanctus illuminavit, et docuit; ita nos indignos, lumine vero propitius illuminare dignetur. R\. Praesta aeterne omnipotens Deus.
Kyrie, eleison. R\. Christe, eleison.
Capitula. Domine Jesu Christe, Fili Dei Patris, qui hora diei Tertia, propter redimendum populum tuum te tradi voluisti, et inimicorum colla per potentiam gloriae ad nihilum reduxisti: concede nobis, atque familiae tuae de reatu conscientiae veniam, de morte vitam; ut te merito inveniamus Redemptorem, quem nunc, et per omnia saecula credimus esse judicem, et piissimum Salvatorem.
Pater noster.
(0953A)Benedictio. Dominus Jesus Christus, qui hora diei Tertia misit ad Apostolos suos Spiritum Paraclitum; in visceribus nostris innovet Spiritum rectum; R\. Amen. Et quia mirabile in aequitate permanet Sanctum, arcana pectoris nostri repleat Spiritus Sanctus: R\. Amen. Unigenitus Christus Dominus, qui in faciem discipulorum suorum flatu vivifico insufflavit, ipse populum suum benedictionibus faciat abundare per Spiritum principalem. R\. Amen.
Per misericordiam.
De Ascensione Responsorium. Quis dabit mihi pennas sicut columbae, et volabo, ut requiescam? V\. Ecce elongavi fugiens.: et mansi in solitudine. P. Et volabo, ut requiescam? V\. Gloria, et honor.
Apocalypsis Joannis Apostoli (Cap. IV).
(0953B)R\. Deo gratias.
Ego Joannes servus Jesu Christi fui in Spiritu, et vidi: et ecce sedes Dei posita erat in coelo, et supra sedem sedens: et qui sedebat, ipse vocabatur Testis fidelis, et immortalis in saecula saeculorum. R\. Amen.
Epistola Pauli Apostoli ad Ephesios (Cap. IV).
R\. Deo gratias.
Fratres: Qui descendit, ipse est qui ascendit super coelos, ut adimpleret omnia. Ipsi gloria, et imperium in saecula saeculorum. R\. Amen.
Lauda. Alleluia, alleluia, alleluia. Ascendit Deus in jubilatione, P. Alleluia. V\. Ascendit Dominus in voce tubae. P. Alleluia, alleluia, alleluia.
Hymnus. (0953C)
Nunc sancte nobis Spiritus, Unum Patri cum Filio, Dignare promptus ingeri Nostro refusus pectori.
Os, lingua, mens, sensus, vigor,
Confessionem personent,
Flammescat igne charitas,
Accendat ardor proximos.
Praesta, Pater piissime,
[CXXXIII] Patrique compar Unice,
Cum Spiritu Paraclito
Regnans per omne saeculum.
Amen.
V\. Veni Domine, noli tardare: et relaxa facinora (0953D)plebis tuae.
Supplicatio. Oremus pium et exaudibilem Dominum nostrum Jesum Christum, cum omni supplicatione rogemus; ut nos gloria Ascensionis suae propitius justificare dignetur. R\. Praesta aeterne omnipotens Deus.
Kyrie, eleison. R\. Christe, eleison.
INCIPIT ORDO AD SEXTAM DICENDUS VEL RECITANDUS. Antiphona. Deus in nomine tuo salvum me fac: et in virtute tua libera me. Psalm. LIII.
CXVIII. Psalmus David. Feci judicium et justitiam. Mirabilia testimonia tua. Justus es, Domine. Fol. LV. (0954A)Antiphona. Deus in nomine tuo salvum me fac: et in virtute tua libera me.
Diebus Festivis Responsorium. In omni loco, dominationes ejus: Benedic anima mea Dominum Alleluia, alleluia: V\. Qui sanat omnes languores tuos: Qui redemit de interitu vitam tuam. P. Benedic anima mea. V\. Gloria, et honor.
Diebus Ferialibus Responsorium. Miserere, miserator: miserere nobis. V\. Ad te levamus oculos nostros, qui habitas in coelis. P. Miserere nobis. V\. Gloria, et honor.
Diebus Dominicis Responsorium. Da nobis Domine laetitiam cordis: et concede pacem in diebus nostris. Alleluia, alleluia. V\. Deus in nomine tuo salvos nos fac: et in virtute tua libera nos. P. Et concede. (0954B)V\. Gloria, et honor.
De Adventu Domini Responsorium. Hierusalem laetare in Adventu Domini, quoniam ipse veniet tibi. Et auferet a te stolam luctus, et anxietates, et induet te pulchritudinem aequitatis in adventu suo. V\. Et ponam visitationem tuam pacem, et praepositos tuos justitiam. P. Et auferet a te stolam. V\. Gloria, et honor.
Lectio libri Michaeae Prophetae (Cap. VI).
R\. Deo gratias.
In illis diebus: Locutus est Michaeas, dicens: Indicabo tibi o homo quid sit bonum, et quid Dominus quaerat a te: utique facere judicium et justitiam, et diligere misericordiam, et solicite ambulare cum (0954C)Domino Deo tuo. R\. Amen.
Epistola Pauli Apostoli ad Romanos (Cap. VII).
R\. Deo gratias.
Fratres, Infelix ego homo, quis me liberabit de corpore mortis hujus? Gratia Dei per Jesum Christum Dominum nostrum. R\. Amen.
Lauda. Alleluia, alleluia. Salva, Domine Deus noster: et congrega nos de Gentibus Alleluia: V\. Ut confiteamur nomini sancto tuo: et gloriemur in laude tua. P. Alleluia, alleluia.
De Resurrectione Domini Responsorium. Videte magnalia Dei, quae fecit Dominus; confortamini, et nolite timere; P. Quia Deus pro nobis pugnat. Alleluia, alleluia. V\. Laudate Dominum omnes Gentes: conlaudate omnes populi: P. Quia Deus pro nobis. (0954D)V\. Gloria, et honor Patri.
Hymnus.
Rector potens, verax Deus, Qui temperas rerum vices, Splendore mane instruis, Et ignibus meridiem.
Extingue flammas litium,
Aufer calorem noxium,
Confer salutem corporum,
Veramque pacem cordium.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
In Quadragesima Hymnus. (0955A)
Dicamus laudes Domino Ferventi valde spiritu; Hora voluta sexies Nos ad orandum provocat.
Quia in hoc fidelibus
Vera salutis gratia,
Beati Agni hostia,
Virtute crucis redditur;
Cuius luce clarissima
Tenebrescit meridies:
Sumamus toto pectore
[CXXXIV] Tantum splendorem gratiae.
Amen.
Alius.
(0955B)Jam cursus horae Sextae Rotat diei tempore, Nos admonet per omnia Laudes referre debitas.
Nunc Petrus orans, Gentibus
Fidem futuram prospicit:
Nunc viva Christus feminae
Instat fluenta tradere.
Hoc solis aevo mystice
Tres Patriarcha hospitat
Carnis figurae Nuntios
Sub Trinitatis numine.
Perfecta summi calculi
Haec prima constat partibus;
(0955C)Quae ducta sese perficit,
Tenetque mundi fabricam.
Haec nempe Christe condita
Manent tua potentia;
Cujus potestas gloriae
Per cuncta regnat saecula.
Amen.
Clamores 1. Ne projicias nos, Deus, a facie tua: et Spiritum sanctum tuum ne auferas a nobis. 2. Ne projicias. 3. Ne projicias nos. V\. A ruina, et Daemonio meridiano, Deus sancte custodi nos.
Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut nobis auxilium de coelo, et misericordiam suam largam propitius tribuere dignetur. (0955D)R\. Praesta aeterne omnipotens Deus.
Capitula. Deus, qui horarum tempora consecras, Sextae horae curriculo pro mundi salvatione triumphasti in crucis patibulo; tibi et Ecclesia tua sub hujus sanctificatione temporis, et mentis obsequia defert, et confessionis precamina profert: Proinde rogamus, ut ita hujus celebritatis obsequia tibi depromamus, dum vivimus; ut ad te coronandi mereamur venire post transitum.
Pater noster.
Benedictio. Salutare tuum Domine, famulis tuis tribuere dignare; R\. Amen. Orationes suscipe: petitiones supple: et peccata dimitte. R\. Amen. A languoribus cura, et fidelium pectora a delictorum maculis purga. R\. Amen.
(0956A)Ad Sextam de Quadragesima Responsorium. Averte, Domine, iram tuam a nobis. P. Ne in aeternum irascaris nobis. V\. Mitiga, Domine, omnem iram tuam: et averte ab ira indignationis tuae. P. Ne in aeternum. V\. Gloria, et honor.
Lectio libri Joelis Prophetae (Cap. II).
R\. Deo gratias.
Haec dicit Dominus: Convertimini ad me in toto corde vestro, in jejunio, et fletu, et planctu. Et scindite corda vestra, et non vestimenta vestra, et convertimini ad Dominum Deum vestrum: quia benignus, et misericors est. R\. Amen.
Epistola I. Joannis Apostoli ad Gentes (Cap. II).
R\. Deo gratias.
Charissimi: Mandatum novum scribo vobis, quod (0956B)est verum et in ipso, et in vobis: quoniam tenebrae transierunt, et lumen verum jam lucet. Qui dicit se in luce esse, et fratrem suum odit, in tenebris est usque adhuc. Nam qui diligit fratrem suum, in lumine manet, et scandalum in eo non est. Qui autem odit fratrem suum, in tenebris est, et in tenebris ambulat: et nescit quo eat: quoniam tenebrae obcaecaverunt oculos ejus. Scribo vobis, filioli, quoniam remittuntur vobis peccata propter nomen ejus; cui est honor et gloria in saecula saeculorum. R\. Amen.
Lauda. Laus tibi Domine, Rex aeternae gloriae. Salva nos, Domine, V\. Ut confiteamur nomini sancto tuo.
Hymnus. Dicamus laudes Domino. Folio CXXXII.
(0956C)Capitula. Accipe, Domine, sacrificium confessionum nostrarum de manu linguae nostrae, quam formasti, et excitasti; ut confiteatur nomini sancto tuo: et sana vulnera animae nostrae, et dicent: Domine, quis similis tibi? Pie enim docet nos, quomodo misereatur ei, qui sibi confitetur. Solve ergo a nobis miseram stridentem catenam vitiorum; et a jugo flagitiorum, quo demersi sumus, nos erue: atque ab intensa confusionis caligine, serenitatis tuae pius illustra dilectione.
Pater noster.
A malo nos libera. Fol. 10.
Benedictio. Omnipotens Dominus, qui nos per abstinentiam fecit esse devotos, efficiat nos castitate mundissimos; R\. Amen. Quique nobis jejunii inspiravit (0956D)votum, habere tribuat apud se mercedem beatitudinis invenire; R\. Amen. Ut simus spiritu fructificantes, [CXXXV] qui carnales per jejunium cupimus extinguere voluptates. R\. Amen.
De Traditione Domini Responsorium. Eripe me de inimicis meis Domine; quia tu es Deus meus. V\. Eripe me Domine ab homine malo: et a viro iniquo libera me. P. Quia tu es. Reiteretur.
Aliud Responsorium. Placabilis esto Domine, et ostende te nobis in tempore tribulationis, et angustiae nostrae. V\. Deus in nomine tuo salvos nos fac: et in virtute tua libera nos. P. In tempore tribulationis. Reiteretur R\.
Lectio libri Threnorum (Cap. I).
R\. Deo gratias.
(0957A)In illis diebus: Dixit Hieremias: Misit inimicus ignem in ossibus meis, et erudivit me: expandit rete pedibus meis, et convertit me retrorsum. Justus est Doinus, quia os ejus ad iracundiam provocavit: audite obsecro universi populi: Pars mea Dominus dixit ad animam meam: propterea expectabo eum. R\. Amen.
Epistola I Joannis Apostoli ad Gentes (Cap. V).
R\. Deo gratias.
Charissimi: Haec est annunciatio, quam audistis ab initio, ut diligamus alterutrum. Non sicut Cain, qui ex maligno erat, et occidit fratrem suum. Et propter quid occidit eum? Quoniam opera ejus maligna: fratris autem erant justa. Omnis autem, qui odit fratrem suum, homicida est. Et scimus quoniam (0957B)omnis homicida non habet vitam aeternam in se manentem. In hoc cognovimus charitatem, quoniam pro nobis animam posuit; et nos debemus pro fratribus animas ponere. R\. Amen.
Lauda. Laus tibi, Domine, Rex aeternae gloriae. Salva nos, V\. Ut confiteamur. Hymnus. Jam cursus. Clamores. Ne projicias fol. CXXXIII, CXXXIV.
Supplicatio. Oremus pium, et exaudibilem Dominum nostrum Jesum Christum cum omni supplicatione rogemus; ut nos per stigmata passionis suae propitius justificare dignetur. R\. Praesta aeterne, omnipotens Deus.
Capitula. Dic animae nostrae, Domine: Salus tua ego sum; Quamque cernis imbecillitatis suae turbari (0957C)contuitu, non sinas in aeterno eloquio: nec deseras nostra intima, dum se iniquitas prodiderit virulenta: Sed nocentes nos, tu judica; tuaque potestate, nos impugnantes expugna.
Pater noster.
Benedictio. Christus Dominus, qui innocens expansis manibus pependit in ligno, Crucis suae nos salvificet sacramento. R\. Amen. Appensione quoque sua sursum nos allevet, qui pro nobis dignatus est exaltari in Cruce; R\. Amen. Ut vere lucrum sanguinis ejus simus, qui in illo confidentiam cordis nostri dirigimus. R\. Amen.
INCIPIT ORDO AD HORAM NONAE DICENDUS. Antiphona. Dominus solvit compeditos: Dominus (0957D)erigit elisos. Dominus illuminat coecos, dirigit justos. Psalmus CXLV.
Psalmus CXXI. Psalmus CXXII. Psalmus CXXIII.
Antiphona. Dominus solvit compeditos: Dominus erigit elisos. Dominus illuminat coecos, dirigit justos.
Responsorium Feriale. Salvus ero, Domine, si me consolatus fueris, quamvis indignus ego sum. Credo, quia salvabis me. V\. Domine non sum dignus, ut intres sub tectum meum, sed tantum dic verbo. P. Credo, quia. V\. Gloria, et honor.
Aliud Responsorium. Vivit anima mea, Deus, et laudabit te. V\. Erravi sicut ovis, quae perierat: quaere servum tuum, Deus; P. Et laudabit te. V\. Gloria, et honor.
(0958A)In Adventu Domini Responsorium. Laetamini Gentes, et exultate, quoniam veniet Dominus; P. Ut clarificet orbem terrarum : et fructus vester erit in jocunditatem. V\. Nolite ante tempus judicare, quoadusque veniat Dominus; P. Ut clarificet.
De Resurrectione Domini Responsorium Dominicis diebus. Mane nobiscum Domine, quoniam jam declinat dies in vesperum. Alleluia, alleluia, alleluia. V\. Confirma super nos misericordiam tuam: et veritas tua maneat nobiscum; P. Quoniam jam declinat dies. V\. Gloria, et honor.
In Ferialibus Resurrectionis Responsorium. Recordamini qualiter locutus est vobis Dominus: Quia oportet Filium hominus crucifigi, et die tertia resurgere. Alleluia, alleluia, alleluia. V\. Dixit Jesus discipulis (0958B)suis: Haec sunt verba, quae locutus sum ad vos, dum adhuc [CXXXVI] essem vobiscum. P. Quia oportet.
Responsorium in diebus Festivis. Gloria magna est sequi Dominum, quia nihil melius, quam timere illum: nec dulcius, quam respicere in mandatis ejus. Alleluia, alleluia. V\. Nobis adhaerere Deo bonum est: et ponere in Deo spem nostram. P. Quia nihil melius. V\. Gloria, et honor.
Aliud Responsorium. Auxilium meum a Domino, qui fecit coelum et terram. Alleluia. V\. Levavi oculos meos ad montes, unde veniet auxilium mihi. P. A Domino, qui fecit. V\. Gloria, et honor.
Lectio libri Hieremiae Prophetae (Cap. VI).
R\. Deo gratias.
(0958C)Haec dicit Dominus: State super vias, et videte, et interrogate de semitis antiquis, quae sit via bona, et ambulate in ea; et invenietis requiem animabus vestris. R\. Amen.
Lectio Epistolae beati Pauli Apostoli ad Colossenses (Cap. III).
R\. Deo gratias.
Fratres, Charitatem tenete, quod est vinculum perfectionis: et pax Christi exsultet in cordibus vestris, in qua et vocati estis in uno copore: grati estote per fidem, quae est in Christo Jesu Domino nostro. R\. Amen.
Lauda. Alleluia, alleluia, alleluia. Vivit anima mea, Deus, et laudabit te: V\. Et judicia tua adjuvabunt (0958D)me. P. Alleluia, alleluia.
Hymnus per annum.
Fundere preces tempus est; Diei cursus admonet Canere laudis canticum Tibi Redemptor omnium.
Serenam mentem effice;
Opus honestum perfice;
Preces orantum accipe;
Vitam perennem tribue.
Praesta, Pater piissime;
Patrique compar Unice,
Cum Spiritu Paraclito
Regnans per omne saeculum.
Amen.
In Quadragesima Hymnus. (0959A)
Convexa solis orbita, Novem voluta circulis, Horae peracto tramite, Ter conficit ternario.
Hoc passionis tempore
Complevit Auctor omnium:
Nunc ad laborem vineae
Misit vocatos servulos.
Hac Petrus hora mystica
Claudi resolvit vincula;
Nunc visionum cognitor
Terno recursu terminat.
In hac canamus gloriam
Cum voce, puris mentibus,
(0959B)Deo creanti prospera
Peracta justis saecula.
Amen.
Clamor. 1. Propitius esto iniquitatibus nostris: et sana, Domine, languores nostros. 2. Propitius esto. 3. Propitius esto. Convertere Domine aliquantulum, et repropitiare super servos tuos.
Supplicatio. Oremus pium, et exaudibilem Dominum nostrum Jesum Christum, cum omni supplicatione rogemus; ut nobis poenitendi votum, et poenitentiae fructum, et vitae aeternae remedium propitius tribuere dignetur. R\. Praesta aeterne omnipotens Deus.
Capitula. Deus, qui pro mundi salvatione Nonae horae curriculo in Crucis stigmate glorioso triumphasti (0959C)miraculo; et perempta morte Sanctorum animas eruens ab infernali ergastulo, viam nobis reserasti, revertendo ad superos: quaesumus, ut ita nostro complacearis obsequio, quatenus illic post transitum properemus gressu perconcito, quo tu nostra praecessisti vera redemptio.
Pater noster.
Benedictio. Salva plebem tuam Domine, quam tu ipse creasti: R\. Amen. Benedic hereditatem tuam, quam pretioso sanguine redemisti; R\. Amen. Rege eam, et extolle eam usque in sempiternum, et in saeculum saeculi. R\. Amen.
Responsorium de Quadragesima. Spes nostra in Deo est, et ipse adjuvabit nos. V\. Sperate in eum (0959D)omnis conventus plebis meae, et effundite coram illo corda vestra. P. Et ipse adjuvabit nos. V\. Gloria, et honor.
Aliud Responsorium. Miserere nobis, Domine: miserere nobis. V\. Ad te levamus oculos nostros, qui habitas in coelis. P. Miserere. V\. Gloria, et honor.
Lectio libri Esaiae Prophetae (Cap. LV).
R\. Deo gratias.
In diebus illis, Locutus est Esaias dicens: Quaerite Dominum, dum inveniri potest: invocate eum, dum prope est. Derelinquat [CXXXVII] impius vias suas, et vir iniquus cogitationes suas, et revertatur ad Dominum, et miserebitur ejus, et ad Dominum Deum nostrum, quoniam multus est ad ignoscendum. R\. Amen.
(0960A)Epistola I Joannis Apostoli ad Gentes (Cap. III).
R\. Deo gratias.
Charissimi, Nemo vos seducat. Qui facit justitiam, justus est. Qui facit peccatum, ex diabolo est: quoniam ab initio diabolus peccat. In hoc apparuit Filius Dei, ut dissolvat opera diaboli. Omnis qui natus est ex Deo, peccatum non facit: quoniam semen ipsius in eo manet, et non potest peccare, quoniam ex Deo natus est. R\. Amen.
Lauda. Laus tibi, Domine, Rex aeternae gloriae. V\. Vivit anima. P. Et judicia tua. V\. Rex aeternae.
Hymnus.
Perfecto trino numero, Ternis horarum terminis, Laudes canentes debitas, (0960B)Nonam dicentes psallimus.
Sacrum Dei mysterium
Puro canentes pectore;
Patris Magistri regulam
Signo salutis proditam.
Et nos surgamus spiritu
Adhaerentes Apostolis:
Qui plantas habent debiles,
Christi virtutem diligunt.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
(0960C)Clamores. Propitius esto iniquitatibus: Et sana, Domine. Et omnia alia, ut supra praeter Capitulam, quae sit ista:
Capitula. Miserere nobis, Domine, quia peccavimus tibi; et propter duritiam cordis nostri in ipsa peccatorum morte duramus: nos ore, nos corde, nos opere, nos omnibus vitiis inquinati veniam poscimus: quia crimen agnoscimus; et ut peccati noxam indulgeas hujus, prostrati fidem commitantes rogamus.
Pater noster.
Benedictio. Benedicat nos Dominus, et propitius nos sanctificare dignetur: R\. Amen. Fidem nostram roboret promissis donorum coelestium, et spem nutriat incrementis praesentium gaudiorum. R\. Amen. (0960D)Ipse nos glorificet praemio aeternitatis, qui redimere dignatus est pretio passionis. R\. Amen.
ORDO ANTE COMPLETORIA DICENDUS VEL RECITANDUS IN QUADRAGESIMA. Quam magnificata sunt opera tua Domine! Omnia in sapientia fecisti: repleta est terra creatura tua. Quam magnificata sunt opera tua, Domine! Gloria, et honor Patri, et Filio, etc. Quam magnificata. Qui dat escam omni carni: quoniam in saeculum misericordia ejus. Gloria, et honor. Confitemini Deo coeli: quoniam in saeculum misericordia ejus. Gloria. Confitemini Domino quoniam bonus: quoniam in saeculum misericordia ejus. Gloria.
Hymnus.
Cibis resumptis congruis, (0961A)Coenae peractis usibus, Ad te, Redemptor inclyte, Laudes venimus promere.
Occurre nobis ocyus,
Tollens cibi gravedinem,
Corpus parandum ad precem,
Confessionis dans fidem.
Ut quicquid ore promimus
Tuis sacris in laudibus,
Nobis coronam conferens,
Soli Deo dans gloriam.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
(0961B)Amen.
HIC INCIPIUNT COMPLETORIA IN HUNC MODUM, QUI SEQUITUR IN DIEBUS FESTIVIS. Signatum est super nos lumen vultus tui Domine: * dedisti laetitiam in corde meo.
A tempore frumenti, vini, et olei, sui, * multiplicati sunt.
In pace in idipsum * dormiam, et requiescam:
Quoniam tu Domine singulariter in spe * constituisti me.
Gloria, et honor Patri, et Filio, et Spiritui Sancto in saecula saeculorum. Amen. Alleluia, alleluia, alleluia.
In Quadragesima dicitur Laus tibi: laus tibi Domine, Rex aeternae gloriae.
(0961C)Ecce nunc benedicite Dominum, * omnes servi Domini:
Qui statis in domo Domini, * in atriis domus Dei nostri.
In noctibus extollite manus vestras in sancta, * [CXXXVIII] et benedicite Dominum.
Benedicat tibi Dominus ex Sion, * qui fecit coelum et terram.
Gloria, et honor. Alleluia, alleluia, alleluia.
In Quadragesima. Laus tibi: laus tibi Domine, Rex aeternae gloriae.
Benedictus es Domine Deus patrum nostrorum: * et laudabilis, et gloriosus in saecula.
Dignare, Domine, nocte ista, * sine tribulatione, (0961D)et peccato nos custodire.
Miserere nobis, Domine: * miserere nobis.
Quoniam tu es protector meus, * in manus tuas commendo spiritum meum.
Redemisti me Domine * Deus veritatis.
Custodi nos Domine ut pupillam oculi: * sub umbra alarum tuarum protege nos.
Hymnus.
Sol Angelorum respice, Quem concupiscit mentium Intento visu castitas, Sursum manentem cernere.
Quo cuncta pollent coelitus
Cursu recursu prospero:
Quo vita constat omnium.
(0962A)Intende grates supplicum.
Da servulis custodiam,
Qua temperentur commoda:
Adversa sint innoxia;
Corrupta ne sint pectora.
Frugalitas tu sensuum
Sator, salus, refectio,
Potus, cibique, gaudium,
Lux, atque virtus cordium.
Repelle membris lubricam,
Ne polluat lascivia;
Ne foeda vexet passio,
Culpetque mentis actio.
Virtutis infer copiam,
Qua conferas clementiam;
(0962B)Oblitus ut peccaminum,
Dones quietem temporum.
Votis rogamus affatim
Superna pax inlabere,
Qua cuncta tuta perpetim,
Serves subactis scandalis.
Gloria Patri ingenito,
Gloria Unigenito,
Una cum Sancto Spiritu
In sempiterna saecula.
Amen.
V\. Respice, et exaudi me Domine Deus meus. Illumina oculos meos, ne unquam obdormiam in morte.
Psalm. XC statim sequitur.
(0962C)Scuto circumdabit te veritas ejus: * non timebis a timore nocturno.
Si ascendero in lectum strati mei: * memor esto mei, Domine.
Si dedero somnium oculis meis, aut palpebris meis dormitationem, aut requiem temporibus meis: * memor esto mei, Domine:
Donec inveniam locum Domino, tabernaculum Deo Jacob: * memor esto mei Domine.
Gloria, et honor Patri, et Filio, et Spiritui Sancto. * Memor esto mei, Domine.
Sicut erat in principio, et nunc, et semper, et in saecula saeculorum. Amen; * Memor esto mei, Domine.
(0962D)Si ascendero in lectum strati mei: * memor esto mei, Domine.
V\. Te precor, Domine, auctor lucis, et diei, ne derelinquas me; sed memor esto mei, Domine.
Hymnus.
Cultor Dei memento, Te fontis, et lavacri Rorem subisse sacrum, Te chrismate innovatum.
Fac cum vocante somno,
Castum petens cubile;
Frontem, locumque cordis
Crucis figura signet.
Crux pellit omne crimen:
Fugiant crucem tenebrae;
(0963A)Tali dicata signo
Mens fluctuare nescit.
Procul procul vagantum
Portenta somniorum,
Procul esto pervicaci
Praestigiator astu.
O tortuose serpens,
Qui mille per maeandros,
Fraudesque flexuosas
Agitas quieta corda:
Discede; Christus hic est,
Hic Christus est, liquesce:
Signum, quod ipse nosti,
Damnat tuam catervam.
Corpus licet fatiscens,
(0963B)Jacens reclinet paulum;
Christum tamen sub ipso
Meditabimur sopore.
Gloria Deo Patri,
Et Christo vivo regi,
Paraclitoque Sancto,
Et nunc, et in aeternum.
Amen.
V\. Redimet Dominus animas servorum suorum: [CXXXIX] et non derelinquet omnes qui sperant in eum.
Supplicatio. Oremus pium, et exaudibilem Dominum nostrum Jesum Christum, cum omni supplicatione rogemus; ut nos in hac nocte, et in omni (0963C)tempore Angelica custodia tueatur; et hostem callidum, et cum actibus suis procul a cordibus, et a cubilibus nostris propitius expellere, et effugare dignetur. R\. Praesta aeterne omnipotens Deus.
Kyrie eleison R\. Christe eleison. Kyrie eleison.
Alia Supplicatio. Oremus Pium, et exaudibilem, etc., ut nos in hac nocte, et in omni tempore de insidiis inimici propitius liberare dignetur. R\. Praesta.
Supplicatio. Oremus pium, et exaudibilem Redemptorem mundi Dominum nostrum, etc.; ut nos in hac nocte, et in omni tempore per Angelum suum sanctum ab omnibus adversitatibus inimici, et antiqui serpentis propitius protegere et conservare dignetur. R\. Praesta aeterne, etc.
(0963D)Capitula. Respice, Domine, super nos, et vigila super oves gregis tui, ne fur nocturnus subripiat, et furetur. Tu es enim, Domine, qui non dormis, neque obdormitas ad custodiendum animas nostras: illumina cor nostrum lumine veritatis tuae; ut tua misericordia semper fulgeat in cordibus nostris.
Pater noster.
A malo nos libera. Fol. 10.
Benedictio. Gregem tuum ne deseras, pastor bone, et visitator animarum. R\. Amen. Fuga insidiantem lupum, ut nullum in nobis nocendi reperiat locum. R\. Amen. Nocturnum furem interfice, Christe, ut oves gregis tui in lumine constituti, integro possint numero permanere. R\. Amen. Per misericordiam (0964A)tuam, Deus noster; qui vivis, et omnia regis in saecula saeculorum. Amen.
Dominus sit. R\. Et cum Spiritu tuo.
In nomine Domini nostri Jesu Christi perficiamus cum pace. R\. Amen.
Finitis Completoriis, omni tempore debent dici ista, quae sequuntur.
V\. Custodi nos Domine ut pupillam oculi: sub umbra alarum tuarum protege nos.
Oratio. Salvasti nos, Domine Jesu Christe, per diem vigilantes; custodi nos in hac nocte requiescentes: quod si nos obdormierimus, Spiritus tuus Sanctus vigilet super nos; et custodiat in hac nocte, et in omni tempore. Amen.
Per misericordiam tuam.
(0964B)Dominus sit. R\. Et cum.
In nomine Domini nostri Jesu Christi in hac nocte dormiamus, et requiescamus cum pace. R\. Deo gratias.
Pater noster.
In diebus vero Sabbatorum vel praecipuarum festivitatum, finitis in ordinem Psalmis Completorii secundum usum modernorum, ut dictum est, dicitur istud Responsorium, et alia quae sequuntur.
Responsorium. Gregem tuum ne deseras, Pastor bone, qui dormire nescis in vigilia: V\. Et ne nocturnis terroribus fatigemur, coeleste super nos velamen praetende, P. Qui dormire nescis. V\. Gloria, et honor. Duplicatur Responsorium.
(0964C)Lectio libri Ezechielis Prophetae (Cap. XXXIV).
R\. Deo gratias.
Haec dicit Dominus: Salvabo gregem meum, et non erit ultra in rapinam; et ideo judicabo inter pecus, et pecus. Et cessare faciam bestias pessimas de terra. Et qui in desertis habitant, securi dormient, ait Dominus omnipotens. R\. Amen.
Epistola Pauli Apostoli ad Philippenses (Cap. IV).
R\. Deo gratias.
Fratres: Petitiones vestrae innotescant apud Deum. Et pax Christi, quae exuperat omnem sensum, custodiat corda, et corpora vestra, et intelligentias vestras, per fidem, quae est in Christo Jesu Domino nostro. R\. Amen.
Lauda in Quadragesima. Laus tibi, laus tibi, Domine Jesu Christe: Illumina Domine oculos nostros, (0964D)ne unquam obdormiamus in morte: V\. Confirma super nos, Deus, misericordiam tuam: et veritas tua manet nobiscum in aeternum. P. Jesu Christe.
Lauda de Traditione Domini. Laus tibi, laus tibi Domine, Rex aeternae gloriae. Salva plebem tuam, Domine Rex aetenae gloriae; V\. Rege eam Domine, Rex aeternae gloriae: P. Quam redemisti tuo sanguine. V\. Laus.
[CXL] Hymnus.
Obsidiones obvias. Paremus omnes carminum, Contra tenebrarum ducem, Contra tetrum satellitem.
Manus perarmet spes, fides;
(0965A)Lumbos, valens Crux obtegat:
Cingamur ense spiritus
Propter timorem noctium.
Jesu manu fortissima
Salva fideles per fidem,
Everte adversos Cruce,
In pace cuncta protege.
Hymnus.
Adsunt tenebrae primae; Noctis tetrae excursus Cum canticis, et hymnis Nunc dedicemus omnes.
Nam tempus illud hoc est,
Quod Hieremias dicit
Surgendum esse nobis
(0965B)Primordio in noctis.
Nos spiritu per arma,
Invicta radix David;
Disrumpe vincla noctis,
Et da jubar salutis.
Somni quies sit grata:
Mens pervigil resurgat:
Non sordidemur actu;
Nec spiritu gravemur:
Sed corpore, et mente
Spiritu fervente,
Vestigio impigro
Te consequamur, Christe.
Hymnus.
(0965C)Noctis tetrae primordia In laudibus transegimus: Nunc te precamur, Trinitas; Ut praecinentes audias.
Tu omnibus da gratiam;
Tu fessa quoque alleva,
Errata dele criminum,
Exclude juge scandalum.
Lux vera nos inluminet,
Mentis tenebras effuget;
Ut pax abundet omnibus,
Qui te, Creator, credimus.
Alius Hymnus.
Quieti tempus adest, Quod fessa membra quies (0965D)Obtineat innocens, Et Christo vigilet mens.
Pelle a nobis, Deus,
Rogamus, omne tetrum;
Anguis prisci malignum,
Virusque mortiferum.
Ut sub umbra alarum
Tutissima tuarum
Protecti maneamus,
Ad tuasque laudes surgamus.
Sit gloria, et potestas
Deo Patri, et Proli,
Paraclito coaequali
In saeculorum saecula.
Amen.
(0966A)Psalmus L. Cum gloria, etc.
V\. Scuto circumdabit te veritas ejus: non timebis a timore nocturno.
Kyrie eleison. Christe eleison, Kyrie eleison.
Pater noster. Deus, miserere.
Hymnus in Quadragesima dicendus.
Lucis auctor clemens, lumen immensum: Lumen, cujus fulget Sanctus aeternus Christus, cum quo regnat cum ipso in unum Et Sanctus Spiritus, una potestas.
Tetrae noctis hujus caliginem pelle,
Serpentisque fraudes, quaesumus, fuga:
Nos armatos Crucis signaculo salva:
Sacrosancto tuo nomine dita.
Quos peccati mole gravide pressos,
(0966B)Sua milleformis fraude decepit,
Se victorem gaudens, quoque se victum
Cognoscat virtute Omnipotentis.
Pater immortalis, omnium Pastor,
Invidentem hostem frange fuscantem;
Lumen nobis praebe perenne de Sancto:
Tenebroso calle non paveamus.
Redemptor aeterne, Rex omnis terrae,
Delictorum pius gemitus adtende:
Insidiantem hostem confringe Salvator;
Nos aeternae vitae redde beatos.
Noctem nobis istam dona quietam:
Inimicum hostem fuga a nobis:
Crucis signum vincat omne iniquum:
Te, Christe, rogamus, mane nobiscum.
(0966C)Gloria, et honor, potestas, et virtus
Ingenito Deo, genitoque Christo,
Spirituique simul Paraclito Sancto;
Cujus verbo clarent saecula cuncta,
Amen.
Psalmus L. V\. Scuto.
Hymnus dicendus diebus Dominicis.
Christe, qui lux es, et dies, Noctis tenebras detege: Lux ipse lumen praeferens, Vitam beatam praedicans.
[CXLI] Precamur, Sancte Domine,
Defende nos in hac nocte:
Sit nobis in te requies,
(0966D)Quietam noctem tribue.
Ne gravis somnus inruat,
Nec hostis nos subrepat;
Nec caro illi consentiens,
Et nos reos statuat.
Oculi somnium capiant:
Cor ad te semper vigilet:
Dextera tua protegat
Famulos, qui te diligunt.
Defensor noster aspice,
Insidiantem reprime:
Guberna tuos famulos,
Quos sanguine mercatus es.
Memento nostri Domine
In gravi isto corpore;
(0967A)Qui es defensor animae,
Adesto nobis Domine.
Tetrae noctis insidias
Hujus timoris libera:
Tuae lucis magnalibus
Totum Clerum inlumina.
Gloria Patri ingenito,
Gloria Unigenito,
Una cum Sancto Spiritu,
In sempiterna saecula.
Amen.
Psalmus
V\. Scuto circumdabit te veritas ejus: non timebis a timore nocturno.
Kyrie eleison. Christe eleison. Kyrie eleison.
(0967B)Pater noster. Et ne nos. Sed libera nos a malo.
Deinde dicantur Miserationes in qualibet Feria, pro ut sequuntur per ordinem in secunda, et tertia, et quarta, quinta, sexta, et sabbato Feria. Et quia capitulae praecedunt Miserationes: ideo sic ordinantur, prout debent dici in qualibet Feria.
Secunda Feria, Capitula. Noctem nostram illumina, aeterne omnipotens Deus, effice nos famulos tuos obdormire quietibus, et virtutibus sanctorum excitare: ut ab omni inquietudine tenebrarum, te auxiliante, ad diem clarum pervenire mereamur.
Pater noster.
Benedictio. Crux Domini nostri Jesu Christi a timore nos defendat inimici. R\. Amen. Lux veritatis expellat a nobis omnes tenebras caecitatis; R\. Amen. (0967C)Ut ejus illuminatione salvati, aeternam benedictionem percipere mereamur. R\. Amen.
Tertia Feria, Capitula. Deus, lumen aeternum, splendor siderum, claritas noctium, illuminatio incomprehensa tenebrarum da nobis hanc noctem securam, tranquillam, ac quietam; et siqua hodie peccata contraximus, tu pius, et misericors indulge propitius: preces quoque famulorum libenter exaudi, et postulata concede.
Pater noster.
Benedictio. Manus Dei Patris omnipotentis auxilietur nobis; R\. Amen. Brachium sanctum ejus confortet nos. R\. Amen. Nihil in nobis praevaleat inimicus: R\. Amen. Sed in omnibus nobis aurem (0967D)suam inclinet Dominus noster Jesus Christus. R\. Amen.
Quarta Feria, Capitula. Siqua, Domine, in die peccata contraximus opere, sermone et cogitatione: tu dimitte: et hanc nobis noctem tranquillam, pacificam, ac sine peccato concedere digneris.
Pater noster, qui es.
Benedictio. Dominus Jesus Christus, qui nos redemit: in hac nocte custodiat: R\. Amen. Sanctificet corda, et corpora nostra; R\. Amen. Et in bonis actibus compleat desideria nostra. R\. Amen.
Quinta Feria, Capitula. Custodi, Domine, animas nostras, ac de manu tentatoris erue: elonga a nobis nocturnum furem, et insidias falsitatis ejus a nobis repelle; quia milleformis in nocturnis temporibus (0968A)adest, quaerens decipere dormientem, quem vigilantem superare non potest. Sed tu, Domine, ut bonus pastor, ac piissimus gubernator, gregem tuum ne deseras: animam tuam pro ovibus posuisti; et quos tuo pretioso sanguine redemisti, salva nos.
Pater noster, qui es.
Benedictio. Gregem tuum, Pastor bone, placatus adtende: et hos famulos tuos de tuis benedictionibus reple. R\. Amen. Columitatem mentis, et corporis tribue: et perpetuam salutem concede. R\. Amen. Dona nobis tempora quieta, et pacifica, ut tibi serviamus mente devota. R\. Amen.
Sexta Feria, Capitula. Custodi nos quiescentes in hac nocte, et velociter exaudire digneris, quas coram te fundimus preces; et ut in tenebris non [CXLII] timeamus (0968B)inimicum tentatorem, circumvalla nos fortitudinis Cruce.
Pater noster.
Benedictio. Benedictionum suarum super nos Dominus imbrem infundat; et Trinitas inseparabilis a nobis numquam recedat. R\. Amen. Angelica visitatione nos protegat, et nocturnum furem de cubilibus nostris expellat: R\. Amen. Ut cingulo castitatis adstrictos, in nulla nos ludificationis suae arte deterreat inimicus. R\. Amen.
Sexta Feria, Capitula. Custodi nos, Domine, sicut exaudire, et custodire dignatus fuisti sanctum Danielem orantem in lacu leonum, et non tetigerunt illum bestiae; quia fortissima eum tua tegebat dextera: ferae feroces ante eum se solvebant, et odorantes fugiebant: (0968C)Fulgeat in nobis, Domine, tuus Christus; et fugiat a cordibus, et a cubilibus nostris perfidus inimicus.
Pater noster.
Benedictio. Omnipotens Deus, qui es lumen aeternum; inlabere, quaesumus, sensibus famulorum tuorum: R\. Amen. Custodi gregem tuum; et lupum insidiatorem repelle. R\. Amen. Omnium corda, et pectora conserva; et nocturnum furem cum Angelis suis ab eis procul effuga. R\. Amen.
Sabbato, Capitula. Amove a nobis, Domine, scandalum noctis; ut non timeamus ambulare in medio umbrae mortis: apprehendat nos virga tua, et baculus tuus: virga Jesse per Beatam Mariam: ipse nos (0968D)perducat ad vigiliam matutinam, qui nos docuit orare, et dicere:
Pater noster, qui es.
Benedictio. Exaudiat nos Dominus, et benedicat. R\. Amen. Protegat ab hoste callido, et ab omni malo defendat; R\. Amen. Et sub umbra alarum suarum, nos in hac nocte, et in omni tempore custodiat. R\. Amen.
His peractis, qualibet die totius anni, finitis Completoriis in hunc modum, ante aspersionem aquae benedictae, debet dici iste Versiculus, qui sequitur, et Oratio, quae sibi jungitur.
V\. Custodi nos, Domine, ut pupillam oculi: sub umbra alarum tuarum protege nos.
Sequitur Oratio. Salvasti nos, Domine Jesu Christe (0969A)per diem vigilantes; custodi nos in hac nocte requiescentes. quod si nos obdormierimus, Spiritus tuus Sanctus vigilet super nos; et custodiat in hac nocte, et in omni tempore, et maneat semper nobiscum. R\. Amen.
Per misericordiam tuam, etc.
Dominus sit semper vobiscum. R\. Et cum Spiritu tuo.
In nomine Domini nostri Jesu Christi in hac nocte dormiamus, et quiescamus cum pace. R\. Deo gratias.
Et quando spargitur Aqua benedicta super altare, dicat Presbyter: Benedicat vos Pater, et doceat Filius, et illuminet Spiritus Sanctus. R\. Amen.
Et quando spargitur Aqua benedicta fidelibus Christianis, (0969B)debet Presbyter dicere: Gratia Sancti Spiritus mundet vos a delictis omnibus. Vel sic: Filius Dei Patris omnipotentis purget vos omnibus inquinamentis.
Secunda Feria, Miserationes. Miserere nobis, Deus, miserere nobis. P. Miserere nobis, et esto placatus. V\. Audi pie, Rex aeterne, preces supplicantium, et averte iram. Facinus remitte cunctis, et quietem dona populo fideli. P. Miserere nobis Deus: V\. Omnes simul te precamur, Jesu bone Deus, adtende misertus nostri, precibus exoratus: et quaesita praebe populo tuo fideli. P. Miserere nobis Deus. V\. Praebe pacem, da quietem, et tranquillitatem temporum. Precamur: mitte Angelum salutis, et precantibus fave de tuis excelsis. P. Miserere nobis Deus. V\. Esto (0969C)nobis, Deus pie, jugiter defensor, simul et protector: sume arma, et exurge, et fer opem nobis, et adesto clemens. P. Miserere nobis Deus.
Tertia Feria, Miserationes. Miserere Miserator, et esto placatus: miserantem te ostende, et peccata dimitte: ex Maria natus homo, in natura Deus, P. Remitte iniquitates, quas tibi peccavimus: V\. Per quem te semper in coelis credimus regnantem; ita careamus malis, te auxiliante. P. Remitte iniquitates. V\. Te rogamus, te precamur, Sancte pie Deus; ut nos respicias, Christe, miseros placatus. P. Remitte. V\. Grex tuus tibi fatetur mala, quae commisit: tu Pater Sancte, ab hostis voratu. V\. Aggravati sumus: nostra peccata ploramus: non sinas, quod adquisisti, ab Angelis deleri. V\. Ecclesiae catholicae (0969D)totius conventus ad te proclamantes: praebe pietatis locum. V\. Peregrinis, sive egenis patriam [CXLIII] redde: aegris pristinam salutem, defunctisque requiem.
Quarta Feria Miserationes. Miserere Domine, miserere nobis: tibi soli peccavimus, P. Indulge nobis, rogamus. V\. Lapsi sumus graviter in peccatis magnis; veniam precamur. Christe parce nostris delictis. V\. Scelus flemus admissum; non reddas, ut meremur. Pater pie, dele noxam, et peccata relaxa. V\. Poenitentibus conversis redde cor contritum: et elisis jam succurre, Rex coelestis. V\. Pauperibus, egenis, itinerantibus, naufragis, lapsis, viduis, pupillis jam succurre, Rex coelestis. V\. Peregrinis, oppressis, (0970A)dispersis, et captivis, vinctis, aegris, et defunctis jam succurre, Rex coelestis. V\. Si peccavimus in te, tui sumus, Deus, expectantes, Domine, misericordiam tuam. V\. Quid est homo, Domine, ut ei indigneris: aut genus corruptibile, ut ita de ipso amare irascaris? V\. Nemo de genitis est, qui non impie gessit; nec de confitentibus, qui tibi non deliquit. V\. In hoc nuntiabitur bonitas tua, Deus, cum misertus fueris iniquitatibus nostris.
Quinta Feria. Miserationes. Miserere, miserere, P. Domine: nos peccavimus; tu dimitte, P. Domine. V\. Nos erramus; tu emenda, P. Domine. V\. Pro infirmis te precamur, P. Domine. V\. Pro defunctis te rogamus, P. Domine. V\. Pro captivis te rogamus, P. Domine. V\. Pro itinerantibus te postulamus, P. (0970B)Domine. V\. Pro navigantibus te precamur, P. Domine. V\. Pro poenitentibus te exoramus, P. Domine. V\. Indulgentiam postulamus, P. Domine.
Sexta Feria, Miserationes. Domine, miserere nobis: Domine, miserere nobis; P. Et averte iram tuam a nobis. V\. Domine, audi lachrymantes; Domine, veniam petentes; P. Et averte. V\. Domine, pupillorum precibus subveni misertus, et clemens; P. Et averte. V\. Domine, propter temetipsum suscipe singulorum preces; P. Et averte. V\. Domine, ne spernas plebem; qui tuam pietatem exquirunt; P. Et averte iram.
Sabbato, Miserationes. Miserere, miserere, miserere, Jesu bone. P. Peccatis nostris finem pone: V\. Audi pie, et intende, et gementes consolare, Pater (0970C)pie, Rex aeterne. V\. Auctor noster, et Redemptor, plebis tuae sis protector, peccatorumque indultor. V\. Prostrati omnes rogamus: ut agnoscas, supplicamus; ut dimittas, exoramus; V\. Qui pro nobis formam servi induere voluisti, poenitentes jam exaudi; V\. Qui latronem confitentem paradiso collocasti; et alium condemnasti; V\. Qui pro nobis sustulisti passionem quoque Crucis, jam memento servis tuis. V\. Cruce tua jam protege, quos per eam redemisti: dextera tua jam custodi; V\. Qui Lazarum jam putentem de sepulchro suscitasti, oves tuas tu custodi. V\. Rex aeterne, Jesu bone, a macula nos absolve, et in bonis nos confirma; V\. Defunctis dona requiem: dona paradisum: colloca vinctos Sanctorum catervae.
(0970D)In tempore Traditionis Domini, Miserationes. Deus miserere, Deus miserere, miserere Deus, miserere. P. Christe miserere: V\. Tu caecis lumen, surdis auditum, mutis eloquium, atque claudis gressum, virtus debilium: V\. Tu pastor et ovis in via salutis: tu passus pro nobis: tu victor perennis: Christe, parce nobis. V\. Audi viduas: rege pupillos: orphanis, et vinctis, fidelibus cunctis, solamen tribue. V\. Adtende, et audi precantes: subveni: furorem remove: praesidium praebe, Redemptor aeterne.
Oratio. Miserere nobis Domine, miserere nobis: et iniquitatum nostrarum clemens copiam digneris abolere: ut quicquid, suadente inimico, in hujus diei spatio, cogitatu, dicto, vel facto deliquimus, tu (0971A)qui pius es, et misericors, indulge propitius: ut nocturnam evadentes decipulam, ad constitutum ministeriorum ordinem exurgentes, laudationis tibi jubilum persolvamus indemnes. R\. Amen.
Oratio. Miserere nobis Domine, miserere nobis: et pupillis, atque egenis, elisis, seu peregrinis, moestis, ac lapsis solamen tribue clemens: oppressos releva, dispersos congrega, captivos revoca, infirmos visita, poenitentibus, reisque dele crimina: et universis christianis congrua largire subsidia; itinerantibus, et vinctis, seu fidelibus cunctis sospitatem animarum et corporum, accumula: innumerosa nostra dele scelera; et propter magnam misericordiam tuam defunctis omnibus sempiternam requiem dona. R\. Amen.
(0971B)Et istae duae Orationes debent dici in tempore Quadragesimali post Miserationes; una ipsarum una die, et altera in alia die: et [CXLIV] his finitis, Presbyter debet spargere Aquam benedictam, ut supra dictum est.
Sequitur Benedictio mensae.
V\. Oculi hominum in te sperant Domine: et tu das escam illis in tempore opportuno. V\. Gloria, et honor. V\. Aperis tu manum tuam: et imples omnem animam benedictione. V\. Gloria et honor. V\. Edent pauperes, et saturabuntur: et laudabunt Dominum qui requirunt eum: et vivet cor eorum in saeculum saeculi. Et hic non dicitur Gloria;
Et sic accedens Minister, qui panes mensae intulit, et imponit hunc versum:
Qui dat escam omni carni: quoniam in saeculum misericordia ejus. Gloria, et honor Patri, et Filio, et (0971C)Spiritui Sancto: Sicut erat in principio, et nunc, etc.
(0972A)Benedictio. Sanctifica, Domine, hanc escam et potum, quae sumpturi sumus: ut per manus sancti Angeli tui sanctificata, utraque sumere mereamur. R\. Amen.
Per misericordiam tuam, Deus noster; qui vivis, et omnia regis in omnia saecula saeculorum. Amen.
In nomine Domini nostri Jesu Christi; sanctificatum, et benedictum: reficiamur cum pace. R\. Deo gratias.
Et dum prandium, vel coena fit, omnes silentium debent habere: et inter Regulares personas liber regulae debet legi, ne fabulae vulgares intermittantur: quo prandio peracto, vel coena imponitur ista Lauda:
Vox laetitiae et salutis Alleluia P. In tabernaculis justorum. Alleluia, alleluia. Ecce quam bonum, et quam jocundum, habitare fratres in unum. P. In tabernaculis justorum. V\. Gloria, et honor Patri. (0972B)P. In tabernaculis.
Imponitur iste versiculus.
Refecisti nos Domine in factura tua: et in operibus manuum tuarum exultabimus. V\. Gloria, et honor Patri.
Oratio. Tibi gratias agimus, et te benedicimus, Domine Jesu Christe: qui nos satiare dignatus es esca et potu carnali; refice nos dono spirituali, et libera nos ab omni nexu peccati; ut tibi semper serviamus illaesi. R\. Amen.
Per misericordiam tuam, Deus noster; qui vivis, et omnia regis in saecula saeculorum. R\. Amen.
In nomine Domini nostri Jesu Christi: Dominus abundare faciat servis suis omni benedictione, et pace. Amen. V\. Semper laetitia in domo ista cum (0972C)fratribus istis. Amen.