Nos dominus Jacobus del Sancto Paulo, utriusque iuris doctor, canonicus agrigentinus, in spiritualibus et temporalibus agrigentinae dioecesis, Sede vacante, Vicarius Generalis.
Multum domino Petro de Monteaperto domino et patrono Status et terrarum Raffadalis et Montis Aperti, agrigentinae diocesis, Nobis in Christo dilecto salutem in Domino Jesu Christo.
Cum Nobis humiliter supplicari fecistis et exposuistis quod tam antecessores vestri de domo et cognomine vestro quam vos exponentes tanquam legitimi et indubitantes successores detinueritis et possideritis ac detineatis et ad praesens possideatis Statum et terras praedictas Raffadalis et Montis Aperti, satas et positas in dicta Agrigentina diocesi, et in eis per supradictos antecessores vestros et vos propriis expensis vestris aedificatae, constructae et fundatae fuerint ecclesiae, videlicet: in dicta terra Raffadalis sub vocabulo sanctae Olive et in dicta terra Montis Aperti sancti Laurentii, in quibus tam praedicti domini antecessores vestri dum vixerunt quam vos de licentia et voluntate illustrissimorum et reverendissimorum dominorum Antistitum agrigentiae ecclesiae et reverendissimorum dominorum Vicariorum Generalium pro tempore existentium a quibus solitos Agrigenti Cappellanos petistis vobis pro celebratione Missarum ac omnium Sacramentorum earundem terrarum incolarum administratione manutenuistis et manutenetis petendo easdem Ecclesias vobis et successoribus in infinitum in parrocchiales et de iure patronatus, ut dicitur, Ecclesiae Montisaperti cum facultate in eis archipresbyteros pro temporibus eligendos et praesentandos, de licentia tamen superiorum, ob quod ut legitime ad hoc devenire potuissemus de monito et ordinatione nostris ad nos bene informandos de expressis ad verum instrumentum pro informatione recepti fuerunt testes die XXI et XXIII mensis Juni, prout praesentibus instrumentis, in omnibus pro qualibet edificatione, constructione et fundatione ac celebratione Missarum et administratione Sacramentorum et aliorum ut superius narratur, per vos plene doctos et probatos et pro vestra devotione et ad gloriam et honorem Omnipotentis Dei, gloriosae Mariae Virginis et beatorum apostolorum Petri et Pauli et omnium Sanctorum ac Patrorum praedictorum Laurentii et Olivae ecclesias praedictas in eorum augumentum et decorationem et servitium Dei et faciliori servitio administrationis cultus divini ac pro victu et substentatione parroccorum et illorum cappellanorum condecentem dotem constituistis videlicet:
Ducati Ecclesiae sanctae Olive unciae duodecim (ponderis generalis) census et annuales redditus perpetui, quae sunt haec, videlicet: unciae septem et tareni sex supra sex domibus terraneis omnibus in dicta terra Raffadalis et in contrata plateae publicae, tareni decem et octo pro horto, vos dominus archipresbyter recipere debetis supra domo Nicolai Manigli, tarenos quindecim supra domo Nicolai Greco, tarenos sex supra domo Ioannellae de Archez, tarenos septem supra domo Orlandini Fragapani, unciam unam et tarenos tres supra una domo Antonini de Alongi, tarenos duodecim supra domibus Antoni de Craceti, unciam unam et tarenos viginti tres supra domibus Antonini Onniti, prout patet vigore publici instrumenti constitutionis doti praedictae celebrati in hac civitate Agrigenti in actibus nostri notarii Nicolai De Bellotta die XXIII Juni II Indict. instantis ad quam relatio habeatur;
et dictae Ecclesiae sancti Laurentii de dicta terra Montis Aperti etiam costituistis in dotem congruentem (ponderis generalis) et in perpetuum videlicet: uncias duas debitas et solvendas per Antonium Desale super duabus domibus insulatis existentibus in dicta terra Montis Aperti et pro reliquis unciis tribus assignastis eodem titulo dotis quattuor domus vestras similiter insulatas existentes in eadem terra Montis Aperti cum iuribus et pertinentis earum omnibus ac finibus intra praesentes et existentes prout probatur etiam vigore publici instrumenti celebrati in actis praecedentibus notarii Nicolai Bellotta eodem die XXIII Junii quo supra, quo circa visis et nobis plene cognitis de omnibus et singulis praemissis ut profertur veris existentibus supplicationibus vestris, uti in filios benigne inclinati, fuit per nos, causae cognitae, provisum die XXV eiusdem Junii Il Indict instantis pro concedenda licentia iuris patronatus in vobis pro et successorum vestrorum personis in Ecclesii praedictis sanctae Olivae et sancti Laurentii sub titulo archipresbyteratus et qui habeant in terris et statu praedicto lus eligendi et praesentandi archipresbyteros in formam iuris prout in dorsu scripturarum eusdem domini Petri, ex quibus latius est videre ad quam relatio habeatur.
Proptera vobis Domino Petro de Monteaperto et successoribus vestris in infinitum, autoritate qua fungimur, concedimus dictum lus patronatus in Ecclesiis praedictis S. Olivae et S. Laurentii in terris praedictis earumque statu. Sub titulo archipresbyteratus ac Matricis Ecclesiae licentiam vois et praedictis successoribus vestris damus et impertimur quo quolibet tempore et in infinitum eligere et praesentare archipresbyteros tam in dicta Ecclesia S. Olivae quam S. Laurentii in praedicta terra de Monte aperto et iuxta formam iuris et non aliter nec alio modo.
In quorum omnium et praemissorum fidem et testimonium nostrae praesentis concessionis et licentiae instrumentum fieri iubsimus nostris propriis subscriptionibus et sigillo multum magnifici Capituli in pendenti munitas et roboratas.
Datum in magnifica civitate Agrigenti die XXVIII Juli II Indict. 1574.
Notarius Sebenicus de Albano
Judex
Dominus Jacobus de S. Paulo
Vicarius Generalis