LexUniv:Iapygia
| Lexicon Universale Navigatio | |
|---|---|
|
|
Posterius |
 In Vicipaedia: | |
 In Victionario: | |
IAPYGIA, reg. in finibus Italiae, in Cherronesi formam coacta, cuius Isthmus Tarento Brundusium usque extenditur, alio nomine Messapia dicitur. Strabo l. 6. p. 277. Serv. Iapygia, inquit, pars est Apuliae, in qua mons est Garganus qui ad mare Hadriaticum extenditur. Quod si verum est, longe maiores sunt Iapygiae fines, quàm quos modò ex sententia Strab. descripsimus, Nam Garganus mons multis pass. mill. extra iam dictam penins. situs est. Hanc regionem Calabriam & Salentinam multi nominant. Nic. Lloyd. Ea nunc, Apuliâ exclusâ, Terra d'Otranto dicitur, in qua Calabria in ora Bor. collocatur. Messapia in Austr. vergit & Occ. Salentini & Iapygia in Ort. Pop. Iapyges, Plin. l. 5. c. XI. Messapii & Salentini. Ovid. Met. l. 15. v. 52.
- Thurinosque sinus, Temesenque & Iapygis arva,
Idem ibid. v. 703.
- Linquit Iapygiam, laevisque Amphisia remis.
Nomen ab Iapyge vento habet, an hoc nomen Caurus Iapygiam perflans à regione accepit, Ferrar. Herod. l. 3. c. 138. l. 4. c. 99. & l. 8. c. 170.
IAPYGIA, urbs Italiae. Steph. & alia Illyriae.