LexUniv:Tarquinii

E Wikisource
Jump to navigation Jump to search

TARQUINII, colonia & urbs Hetruriæ; οἱ Ταρκυνίοι Dionyſio Halicarnaſſenſi. Strab. verò ac Stephano ἡ Ταρκυνία, Ptolemæus habet Ταρκουΐναι; quem tamen, quia Romanorum plerumque ſequitur formationes, ſuſpicati poſſis ſcripſiſſe Ταρκουΐνιοι. In ruderibus, & hodie la Tarquinia dicitur, atque ita Cornetani cœterique accolæ, quanquam ruſtici la Turchina dicant. L. Holſtenius. À Tarconte, qui Æneæ contra Turnum opem tulit, condita Tarcona primùm dicta eſt, poſteà Tarquinia à Tarquinio Rege. Oppidani inde dicuntur Vitruvio, Varroni, Tullio, Livio, Plinio, ac Frontino, Tarquinenſes, qui Dionysio, l. 5. & 6. Ταρκυνίται, & Straboni l. 5. Ταρκυνῆται. Vide Cluver. Ital. Ant. p. 518. Virgil. Æn. l. 6. v. 818.

          Vis & Tarquinios Reges animamque ſuperbam

          Ultoris Bruti.

Nic. Lloydius.