Liber Epigrammaton/Sapphicum in grammaticum furiosum

E Wikisource
VIII. Sapphicum in grammaticum furiosum

 VII IX 

Carminum interpres meritique vatum,
Cum leves artem pueros docere
Diceris vel te iuvenes magistrum
Audiunt verbis veluti disertum
Cur in horrendam furiam recedis
Et manu et telo raperis cruentus?
Non es, in quantum furor hic probatur,
Dignus inter grammaticos vocari
Sed malos inter sociari Orestas.