Migne Patrologia Latina Tomus 78
GreI.LibSac 78 Gregorius I540-604 Parisiis J. P. Migne 1849 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Liber sacramentorum
- IX KALEND. IANUARII. - IN VIGILIA NATALIS DOMINI.
- (98) IN VIGILIA DOMINI IN NOCTE.
- MISSA (101) IN MANE PRIMA NAT. DOM., SIVE SANCTAE...
- VIII KAL. IANUARII. - IN DIE NATALIS DOMINI.
- VII KAL. IANUARII. - NATIVITAS SANCTI STEPHANI.
- VI KAL. IANUARII. - NATIVITAS SANCTI IOANNIS EVANGELISTAE.
- V KALEND. IANUARII. NATALIS INNOCENTUM.
- PRID. KALENDAS IANUARII. NATIVITAS SANCTI SILVESTRI PAPAE. (133) Eodem die...
- KALENDIS IANUARII. (134) - IN OCTAVIS DOMINI.
- (138) DOMINICA POST NATALEM DOMINI.
- NONIS IANUARII. - (139) IN VIGILIA THEOPHANIAE.
- VIII IDUS IANUARII. - (140) IN EPIPHANIA DOMINI.
- DOMINICA I POST THEOPHANYAM.
- (146) IN OCTAVIS THEOPHANIAE:
- XIX KAL. FEBRUARII (147) NATALIS SANCTI FELICIS.
- DOMINICA II POST THEOPHANIAM.
- XVII KAL. FEBRUARII. - NATALIS SANCTI MARCELLI PAPAE.
- XV KAL. FEBRUARII. - NATALIS SANCTAE PRISCAE VIRGINIS.
- XIII KAL. FEBRUARII. - NATALIS SANCTI (151) FABIANI.
- EODEM DIE. - NATALIS SANCTI SEBASTIANI MARTYRIS
- XII KAL. FEBRUARII. - NATALIS SANCTAE (153) AGNETIS.
- XI KAL. FEBRUARII. - NATALIS SANCTI VINCENTII MARTYRIS.
- VIII KAL. FEBRUARII. - CONVERSIO SANCTI PAULI.
- (159) EODEM DIE. - NATALIS SANCTI PROIECTI MARTYRIS.
- V KAL. FEBRUARII. - NATALIS SANCTAE AGNETIS. De Nativitate (162).
- IV NONAS FEBRUARII. - (163) PURIFICATIO SANCTAE MARIAE VIRGINIS.
- NONIS FEBRUARII - NATALIS SANCTAE AGATHAE MARTYRIS.
- DOMINICA III POST THEOPHANIAM.
- DOMINICA IV POST THEOPHANIAM.
- DOMINICA V POST THEOPHANIAM.
- DOMINICA VI POST THEOPHANIAM.
- XVI KAL. MARTII. - (178) NATALIS SANCTI VALENTINI MARTYRIS.
- XIII KAL. MARTII. - (179) CATHEDRA SANCTI PETRI.
- VI KAL. MARTII. - NATALIS (183) SANCTI MATTHIAE APOSTOLI.
- IV IDUS MARTII. - NATALIS SANCTI GREGORII PAPAE.
- VIII KAL. APRILIS. - (186) ANNUNTIATIO ANGELI AD BEATAM MARIAM.
- IN (193) SEPTUAGESIMA.
- (197) IN SEXAGESIMA.
- DOMINICA IN QUINQUAGESIMA.
- FERIA IV. - (204) CAPUT IEIUNII.
- FERIA V INTRA QUINQUAGESIMAM.
- FERIA VI INTRA QUINQUAGESIMAM.
- SABBATO INTRA QUINQUAGESIMAM.
- IN QUADRAGESIMA.
- FERIA II INTRA QUADRAGESIMAM.
- FERIA III.
- FERIA IV MENSIS PRIMI.
- FERIA V INTRA QUADRAGESIMAM.
- FERIA VI INTRA QUADRAGESIMAM.
- (218) SABBATO IN XII LECTIONIBUS MENSIS PRIMI.
- DOMINICA II IN QUADRAGESIMA.
- FERIA II IN HEBDOMADA SECUNDA.
- FERIA III IN HEBDOMADA SECUNDA.
- FERIA IV IN HEBDOMADA SECUNDA.
- FERIA V IN HEBDOMADA SECUNDA.
- FERIA VI IN HEBDOMADA SECUNDA.
- SABBATO IN HEBDOMADA SECUNDA.
- DOMINICA III IN QUADRAGESIMA.
- FERIA II IN HEBDOMADA TERTIA.
- FERIA III IN HEBDOMADA TERTIA.
- FERIA IV IN HEBDOMADA TERTIA.
- FERIA V IN HEBDOMADA TERTIA.
- FERIA VI IN HEBDOMADA.
- SABBATO IN HEBDOM. TERTIA.
- DOMINICA IV IN QUADRAGESIMA.
- FERIA II IN HEBDOMADA QUARTA.
- FERIA III IN HEBDOM. IV QUADRAGESIMAE.
- FERIA IV IN HEBDOMADA QUARTA.
- FERIA V IN HEBDOMADA QUARTA.
- FERIA VI IN HEBDOMADA QUARTA.
- SABBATO IN HEBDOM. QUARTA.
- DOMINICA V IN QUADRAGESIMA. DE PASSIONE DOMINI.
- FERIA II IN HEBDOMADA QUINTA.
- FERIA III IN HEBDOMADA QUINTA.
- FERIA IV IN HEBDOMADA QUINTA.
- FERIA V IN HEBDOMADA QUINTA.
- FERIA VI IN HEBDOMADA QUINTA.
- SABBATUM ANTE RAMOS PALMARUM.
- (233) DOM. IN RAMIS PALMARUM.
- FERIA II POST PALMAS.
- FERIA III POST PALMAS.
- FERIA IV.
- FERIA V.
- (283) FERIA VI.
- (298) SABBATO SANCTO.
- (340) IN DIE SANCTO PASCHAE.
- FERIA II IN ALBIS.
- FERIA III IN ALBIS.
- FERIA IV IN ALBIS.
- FERIA V IN ALBIS.
- FERIA VI IN ALBIS.
- SABBATO IN ALBIS.
- (352) DOMINICA OCTAVAS PASCHAE.
- (353) ALIAE ORATIONES PASCHALES.
- XVIII KAL. MAII. - NATALIS SANCTORUM TIBURTII, VALERIANI ET MAXIMI.
- IX KAL. MAII. - NATALIS SANCTI GEORGII MARTYRIS.
- VII (357) KAL. MAII. - NATALIS SANCTI MARCI EVANGELISTAE.
- IV KALENDIS MAII. - NATALIS SANCTI (359) VITALIS MARTYRIS.
- KALENDIS MAII. - NATALIS SANCTORUM APOSTOLORUM DRI, PHILIPPI ET IACOBI.
- V NONAS MAII. - NATALIS SANCTORUM (361) ALEXANEVENTII ET...
- EODEM DIE. - (362) INVENTIO SANCTAE CRUCIS.
- PRIDIE NONAS MAII. - NATALIS (367) SANCTI IOANNIS ANTE PORTAM...
- VI IDUS MAII. - NATALIS SANCTORUM (368) GORDIANI ET EPIMACHI.
- IV IDUS MAII. - NATALIS (369) SANCTI PANCRATII MARTYRIS.
- III IDUS MAII. - (372) NATALIS SANCTAE MARIAE AD MARTYRES.
- VIII KALENDAS IUNII. - (373) NATALIS SANCTI URBANI PAPAE.
- DOMINICA I POST OCTAVAS PASCHAE.
- DOMINICA II POST OCTAVAS PASCHAE.
- DOMINICA III POST OCTAVAS PASCHAE.
- DOMINICA IV POST OCTAVAS PASCHAE.
- FERIA II.
- FERIA III.
- FERIA IV.
- IN ASCENSA (387) DOMINI.
- DOMINICA I POST ASCENSIONEM DOMINI.
- INCIPIUNT ORATIONES DE PENTECOSTE. Die Sabbato (391) ante descensum fontis....
- DIE SANCTO PENTECOSTES.
- FERIA II.
- FERIA III.
- FERIA IV. MENSIS IV.
- (397) FERIA V.
- FERIA VI. MENSIS IV.
- SABBATO IN XII LECTIONIBUS MENSIS IV.
- DOMINICA (401) OCTAVAS PENTECOSTES.
- KALENDAS IUNII. - DEDICATIO (403) BASILICAE SANCTI NICOMEDIS.
- IV NONAS IUNII. - NATALIS SANCTORUM MARCELLINI ET PETRI.
- V IDUS IUNII. - (404) NATALIS SANCTORUM PRIMI ET FELICIANI.
- PRIDIE IDUS IUNII. - NATALIS SANCTORUM BASILIDIS, CYRINI, NABORIS ET...
- XIV KALENDAS IULII. - NATALIS SANCTORUM MARCI ET MARCELLIANI.
- (407) DENUNTIATIO IEIUNIORUM, PRIMI, QUARTI, SEPTIMI ET DECIMI MENSIS.
- (409) MENSIS IV. FERIA IV.
- FERIA VI.
- (411) POST BENEDICTIONES.
- XIII KALENDAS IULII. - NATALIS (412) SANCTORUM GERVASII ET PROTASII.
- IX KALENDAS IULII. - (416) VIGILIA SANCTI IOANNIS BAPTISTAE.
- (418) IN PRIMA MISSA DE NOCTE.
- VIII KALENDAS IULII NATALIS SANCTI IOANNIS BAPTISTAE.
- VI KALENDAS IULII. - NATALIS SANCTORUM IOANNIS ET PAULI.
- IV KALENDAS IULII. - (421) NATALIS SANCTI LEONIS PAPAE.
- EODEM DIE. - (423) VIGILIA SANCTI PETRI ET PAULI.
- III KALENDAS IULII. - NATALIS EIUSDEM PETRI ET PAULI.
- PRIDIE KALENDAS IULII. - (429) NATALIS SANCTI PAULI.
- VI NONAS IULII. - NATALIS SANCTORUM PROCESSI ET MARTINIANI.
- PRIDIE NONAS IULII. - (431) OCTAVA APOSTOLORUM PETRI ET PAULI.
- VI IDUS IULII. - NATALIS (432) SEPTEM FRATRUM.
- VIII KALENDAS AUGUSTI. - (433) NATALIS SANCTI IACOBI APOSTOLI.
- IV KALENDAS AUGUSTI. - NATALIS (434) SANCTI FELICIS.
- III KALENDAS AUGUSTI. - NATALIS SANCTORUM ABDON ET SENNEN.
- KALENDIS AUGUSTI. - AD SANCTUM PETRUM AD VINCULA.
- IV NONAS AUGUSTI. - NATALIS SANCTI STEPHANI EPISCOPI ET MARTYRIS.
- VIII IDUS AUGUSTI. - NATALIS SANCTI SIXTI EPISCOPI.
- EODEM DIE. - NATALIS SANCTORUM FELICISSIMI ET AGAPITI.
- VI IDUS AUGUSTI. - NATALIS SANCTI CYRIACI.
- V IDUS AUGUSTI. - VIGILIA SANCTI LAURENTII.
- IV IDUS AUGUSTI. - NATALIS SANCTI LAURENTII.
- III IDUS AUGUSTI. - (447) NATALIS SANCTI TIBURTII MARTYRIS.
- IDIBUS AUGUSTI. - (451) NATALIS SANCTI HIPPOLYTI MARTYRIS.
- XIX KALENDAS SEPTEMBRIS. - NATALIS SANCTI EUSEBII CONFESSORIS.
- EODEM DIE. (454) VIGILIA ASSUMPTIONIS SANCTAE MARIAE.
- XVIII KALENDAS SEPTEMBRIS. - (456) ASSUMPTIO SANCTAE MARIAE VIRGINIS.
- XV KALENDAS SEPTEMBRIS. - NATALIS SANCTI AGAPITI MARTYRIS
- XI KALENDAS SEPTEMBRIS. - NATALIS SANCTI TIMOTHEI MARTYRIS.
- IX KALENDAS SEPTEMBRIS. - (462) NATALIS SANCTI BARTHOLOMAEI APOSTOLI.
- V KALENDAS SEPTEMBRIS. - NATALIS SANCTI AUGUSTINI EPISCOPI.
- EODEM DIE. - NATALIS SANCTI HERMETIS MARTYRIS.
- IV KALENDAS SEPTEMBRIS. - NATALIS SANCTAE SABINAE.
- EODEM DIE. - DECOLLATIO SANCTI IOANNIS BAPTISTAE.
- III KALENDAS SEPTEMBRIS. - NATALIS SANCTORUM FELICIS ET ADAUCTI.
- VI IDUS SEPTEMBRIS. - NATALIS SANCTAE MARIAE VIRGINIS.
- EODEM DIE. - (472) NATALIS SANCTI ADRIANI MARTYRIS.
- III IDUS SEPTEMBRIS. - NAT. SANCTORUM (473) PROTI ET HYACINTHI.
- XVIII KALENDAS OCTOBRIS. - (474) EXALTATIO SANCTAE CRUCIS.
- EODEM DIE. - NATALIS (478) SANCTORUM CORNELII ET CYPRIANI.
- XVII KALENDAS OCTOBRIS. - NATALIS SANCTI NICOMEDIS MARTYRIS.
- XVI KALENDAS OCTOBRIS. - NATALIS SANCTAE EUPHEMIAE MARTYRIS.
- EODEM DIE. - NATALIS SANCTORUM LUCIAE ET GEMINIANI.
- XII KALENDAS OCTOBRIS. - VIGILIA SANCTI MATTHAEI EVANGELISTAE.
- XI KALENDAS OCTOBRIS. - NATALIS SANCTI MATTHAEI APOSTOLI, ET EVANGELISTAE.
- MENSE VII. FERIA IV.
- FERIA VI.
- SABBATO IN XII LECTION.
- V KALENDAS OCTOBRIS. - NATALIS SANCTORUM COSMAE ET DAMIANI.
- III KALENDAS OCTOBRIS. - DEDICATIO BASILICAE SANCTI MICHAELIS.
- NONIS OCTOBRIS. - NATALIS SANCTI (490) MARCI PAPAE.
- PRIDIE IDUS OCTOBRIS. - NATALIS SANCTI CALISTI PAPAE.
- XV KALENDAS NOVEMBRIS. - NATALIS SANCTI LUCAE EVANGELISTAE.
- VI KALENDAS NOVEMBRIS - VIGILIA APOSTOLORUM SIMONIS ET IUDAE.
- V KALENDAS NOVEMBRIS. - NATALIS SANCTORUM APOSTOLORUM SIMONIS ET IUDAE.
- PRIDIE KALENDAS NOVEMBRIS. - VIGILIA OMNIUM SANCTORUM.
- (495) KALENDIS NOVEMBRIS. - NATALIS SANCTI CAESARII MARTYRIS.
- EODEM DIE. - (497) NATALIS OMNIUM SANCTORUM.
- VI IDUS NOVEMBRIS. - NATALIS SANCTORUM QUATUOR CORONATORUM.
- V IDUS NOVEMBRIS. - NATALIS SANCTI THEODORI MARTYRIS.
- III IDUS NOVEMBRIS. - NATALIS SANCTI MENNAE MARTYRIS.
- EODEM DIE. - NATALIS SANCTI MARTINI CONFESSORIS.
- X KALENDAS DECEMBRIS. - NATALIS SANCTAE CAECILIAE.
- IX KALENDAS DECEMBRIS. - NATALIS SANCTI CLEMENTIS.
- EODEM DIE. - NATALIS SANCTAE FELICITATIS.
- VIII KALENDAS DECEMBRIS. - NATALIS SANCTI CHRYSOGONI MARTYRIS.
- III (503) KALENDAS DECEMBRIS. - NATALIS SANCTI SATURNINI MARTYRIS.
- EODEM DIE. - VIGILIA SANCTI ANDREAE.
- PRIDIE KALENDAS DECEMBRIS. - NATALE SANCTI ANDREAE.
- IDIBUS DECEMBRIS. - NATALIS SANCTAE LUCIAE VIRGINIS.
- XII KALENDAS IANUARII. - NATALIS SANCTI THOMAE APOSTOLI.
- (510) INCIPIT ORDO AD ECCLESIAM DEDICANDAM.
- (587) IN ANNIVERSARIO DEDICATIONIS BASILICAE.
- (588) IN VIGILIA APOSTOLORUM.
- MISSA IN VIGILIA UNIUS MARTYRIS.
- MISSA IN NATALI UNIUS MARTYRIS.
- MISSA (594) IN VIGILIA PLURIMORUM MARTYRUM.
- IN NATALI PLURIMORUM MARTYRUM.
- IN VIGILIA UNIUS (596) CONFESSORIS.
- MISSA IN NATALI UNIUS CONFESSORIS.
- MISSA IN VIGILIA PLURIMORUM CONFESSORUM.
- IN NATALI PLURIMORUM CONFESSORUM.
- IN VIGILIA VIRGINUM.
- IN NATALI VIRGINUM.
- MISSA IN CONSECRATIONE VIRGINIS.
- (615) HEBDOMADA II POST PENTECOSTEN.
- HEBDOMADA III POST PENTECOSTEN.
- HEBDOMADA IV POST PENTECOSTEN.
- HEBDOMADA V POST PENTECOSTEN.
- HEBDOMADA VI POST PENTECOSTEN.
- HEBDOMADA VII POST PENTECOSTEN.
- HEBDOMADA VIII POST PENTECOSTEN.
- HEBDOMADA IX POST PENTECOSTEN.
- HEBDOMADA X POST PENTECOSTEN.
- HEBDOMADA XI POST PENTECOSTEN.
- HEBDOMADA XII POST PENTECOSTEN.
- HEBDOMADA XIII POST PENTECOSTEN.
- HEBDOMADA XIV POST PENTECOSTEN.
- HEBDOMADA XV POST PENTECOSTEN.
- HEBDOMADA XVI POST PENTECOSTEN.
- HEBDOMADA XVII POST PENTECOSTEN.
- HEBDOMADA XVIII POST PENTECOSTEN.
- HEBDOMADA XIX POST PENTECOSTEN.
- HEBDOMADA XX POST PENTECOSTEN.
- HEBDOMADA XXI POST PENTECOSTEN.
- HEBDOMADA XXII POST PENTECOSTEN.
- HEBDOMADA XXIII POST PENTECOSTEN.
- HEBDOMADA XXIV POST PENTECOSTEN.
- HEBDOMADA XXV POST PENTECOSTEN.
- HEBDOMADA XXVI POST PENTECOSTEN.
- HEBDOMADA XXVII POST PENTECOSTEN.
- (640) HEBDOMADA V ANTE NATALEM DOMINI.
- HEBDOMADA IV ANTE NATALEM DOMINI.
- HEBDOMADA III ANTE NATALEM DOMINI.
- HEBDOMADA II ANTE NATALEM DOMINI.
- MENSIS X FERIA IV.
- FERIA VI.
- SABBATO IN XII LECT. MENSIS X.
- (651) DOMINICA I ANTE NATALEM DOMINI.
- (683) INCIPIT ORDO (684) AD SACROS ORDINES BENEDICENDOS.
- (786) INCIPIUNT APOLOGIAE.
(1) Hic liber
(2) Sacramentorum de circulo anni expositus, a sancto Gregorio papa Romano editus,
(3) ex authentico libro bibliothecae Cubiculi scriptus, qualiter
(4) Missa Romana celebratur, hoc est:1 In primis
(5) ad introitum Antiphona, qualis fuerit statutis temporibus, sive diebus festis, seu quotidianis.
(6) Deinde, Kyrie eleison. Item dicitur,
(7) Gloria in excelsis Deo.
(8) Si episcopus fuerit, tantummodo die Dominico, sive diebus festis.
(9) A presbyteris autem minime dicitur, nisi solo in Pascha. Quando vero litania agitur, neque Gloria in excelsis Deo, neque Alleluia canitur.
(10) Postmodum dicitur Oratio; deinde sequitur
(11) Apostolus.
(12) Item Graduale, seu Alleluia. Postmodum legitur
(13) Evangelium, deinde
(14) Offertorium, et dicitur Oratio super oblata. Qua completa, dicit sacerdos excelsa voce: Per omnia saecula saeculorum. R\ Amen. Dicit: Dominus vobiscum. R\ Et cum spiritu tuo. Dicit:
(15) Sursum corda. R\
(16) Habemus ad Dominum. Dicit: 2
(17) Gratias agamus Domino Deo nostro. R\ Dignum
(18) et justum est.
VERE dignum et justum est, aequum et salutare, nos tibi semper (19) et ubique gratias agere, Domine sancte, Pater omnipotens, aeterne Deus, per Christum Dominum nostrum. Per quem Majestatem tuam (20) laudant angeli, adorant dominationes, tremunt potestates: coeli, coelorumque virtutes, ac beata seraphim socia exsultatione concelebrant. Cum quibus et nostras voces, ut admitti jubeas, deprecamur, supplici confessione dicentes: (21) SANCTUS, SANCTUS, SANCTUS Dominus Deus Sabaoth. Pleni sunt coeli et terra gloria tua, osanna in excelsis. (22) Benedictus, qui venit in nomine Domini, (23) Osanna in excelsis.
TE (24) IGITUR, clementissime Pater, per Jesum Christum Filium tuum Dominum nostrum, (25) supplices rogamus, et petimus, uti accepta habeas et benedicas (26) haec dona, haec munera, haec sancta sacrificia (27) illibata: in primis (28) quae tibi offerimus 3 pro (29) Ecclesia tua sancta catholica, quam (30) pacificare, custodire, (31) adunare, et regere digneris (32) toto orbe terrarum, una cum famulo tuo papa nostro Ill., et (33) rege nostro Ill., (34) et omnibus orthodoxis, atque catholicae et apostolicae fidei cultoribus.
Memento, Domine, famulorum famularumque tuarum Ill. et Ill., et omnium (35) circumastantium, quorum tibi fides cognita est, et nota devotio: (36) qui tibi offerunt hoc sacrificium laudis pro se, suisque omnibus, pro redemptione animarum suarum, pro spe salutis, et incolumitatis suae, tibi reddunt (37) vota sua, aeterno Deo, vivo et vero.
(38) Communicantes, et memoriam (39) venerantes, in primis gloriosae semper virginis Mariae genitricis Dei et Domini nostri Jesu Christi. Sed et beatorum apostolorum ac martyrum tuorum, Petri, Pauli, Andreae, Jacobi, Joannis, Thomae, Jacobi, Philippi, Bartholomaei, Matthaei, Simonis, et (40) Taddei, Lini, Cleti, Clementis, (41) Syxti, Cornelii, Cypriani, Laurentii, Chrysogoni, Joannis et Pauli, Cosmae et Damiani, (42) Hilarii, Martini, Augustini, Gregorii, Hieronymi, Benedicti, et omnium sanctorum tuorum, (43) quorum meritis precibusque concedas ut in omnibus protectionis tuae muniamur auxilio. Per Christum Dominum nostrum.
Hanc igitur oblationem servitutis nostrae, sed et cunctae familiae tuae, quaesumus, Domine, ut placatus accipias: (44) diesque nostros in tua pace disponas, atque ab aeterna damnatione nos (45) eripi, et in electorum tuorum jubeas grege numerari. Per Christum Dominum nostrum.
Quam oblationem tu, Deus, in omnibus, quaesumus, (46) benedictam, (47) ascriptam, (48) ratam, (49) rationabilem, acceptabilemque facere digneris, ut nobis +corpus, et +sanguis fiat dilectissimi filii tui Domini Dei nostri Jesu Christi.
(50) Qui, pridie quam pateretur, (51) accepit panem in sanctas ac venerabiles manus suas, (52) elevatis oculis in coelum ad te Deum Patrem suum omnipotentem, tibi gratias agens, +benedixit, fregit, (53) dedit discipulis suis, dicens: Accipite, et manducate (54) ex hoc omnes: (55) HOC EST ENIM CORPUS MEUM.
Simili modo, postea quam coenatum est, accipiens et (56) hunc (57) praeclarum calicem in sanctas ac venerabiles manus suas, item tibi gratias agens, +benedixit, (58) dedit discipulis suis, dicens: Accipite, et bibite ex eo omnes: (59) HIC EST ENIM CALIX SANGUINIS MEI, NOVI ET AETERNI TESTAMENTI, (60) MYSTERIUM FIDEI, QUI PRO VOBIS ET PRO MULTIS EFFUNDETUR IN REMISSIONEM PECCATORUM.
Haec quotiescunque feceritis, in mei memoriam facietis.
(61) Unde et memores sumus, Domine, nos tui servi, sed et plebs tua sancta, Christi Filii tui Dei nostri, tam beatae passionis, necnon et ab inferis resurrectionis, sed et in coelos gloriosae ascensionis. Offerimus praeclarae Majestati tuae (62) de tuis donis, ac datis, (63) Hostiam +puram, Hostiam 4 +sanctam, Hostiam + (64) immaculatam, Panem + sanctum vitae aeternae, et calicem + salutis perpetuae.
Supra quae propitio ac sereno vultu respicere digneris, et accepta habere, (65) sicuti accepta habere dignatus es munera pueri tui justi Abel, et sacrificium patriarchae nostri Abrahae, et quod tibi obtulit (66) summus sacerdos tuus Melchisedech sanctum sacrificium, immaculatam Hostiam.
Supplices te rogamus, omnipotens Deus, (67) jube haec perferri per manus angeli tui in (68) sublime altare tuum, in conspectu divinae Majestatis tuae, ut, quotquot ex hac altaris participatione sacrosanctum Filii tui + corpus, et + sanguinem sumpserimus, omni benedictione coelesti, et gratia repleamur. Per Christum Dominum nostrum.
(69) Super diptycha. --(70) Memento etiam, Domine, famulorum famularumque tuarum Ill. qui nos praecesserunt cum signo fidei, (71) et dormiunt in somno pacis. Ipsis, Domine, et (72) omnibus in Christo quiescentibus, locum refrigerii, lucis et pacis, ut indulgeas, deprecamur. Per eumdem.
Nobis quoque peccatoribus famulis tuis de multitudine miserationum tuarum sperantibus, partem aliquam et societatem donare digneris, cum tuis sanctis apostolis, et martyribus, (73) cum Joanne, (74) Stephano, Matthia, Barnaba, Ignatio, (75) Alexandro, Marcellino, Petro, Felicitate, Perpetua, (76) Agathe, Lucia, (77) Agne, Caecilia, Anastasia, (78) cum omnibus sanctis tuis, intra quorum nos consortium, non aestimator (79) meriti, sed veniae, quaesumus, largitor admitte. Per Christum Dominum nostrum.
Per quem haec (80) omnia, Domine, semper bona creas, (81) +sanctificas, (82) +vivificas, +benedicis, et praestas nobis. Per +ipsum, et cum + ipso, et in + ipso, est tibi Deo Patri omnipotenti in unitate Spiritus sancti, omnis honor et gloria.
Per omnia saecula saeculorum. Amen.
Oremus. --(83) Praeceptis salutaribus moniti, et divina institutione formati, audemus dicere:
(84) Pater noster, qui es in coelis, Sanctificetur nomen tuum. Adveniat regnum tuum. Fiat voluntas tua sicut in coelo, et in terra. Panem nostrum quotidianum da nobis hodie. Et dimitte nobis debita nostra, sicut et nos dimittimus debitoribus nostris. Et ne nos inducas in tentationem. R\ Sed libera nos a malo.
Libera nos, quaesumus, Domine, ab omnibus malis, praeteritis, praesentibus, et futuris, et intercedente beata et gloriosa semper virgine Dei genitrice Maria, et (85) beatis apostolis tuis, Petro, et Paulo, atque (86) Andrea, necnon et beato (87) Stephano protomartyre tuo, et omnibus sanctis, da propitius pacem diebus nostris, ut, ope misericordiae tuae adjuti, et a peccato simus semper liberi, et ab omni perturbatione securi. Per Dominum.
5 Pax Domini sit semper vobiscum. R\. Et cum Spiritu tuo.
(88) Agnus Dei qui tollis peccata mundi, miserere nobis.
IX KALEND. JANUARII.--IN VIGILIA NATALIS DOMINI. Ad (89) Nonam. --(90) Deus, qui nos Redemptionis nostrae annua exspectatione laetificas, (91) praesta ut Unigenitum tuum quem Redemptorem laeti suscepimus, venientem quoque judicem securi videamus Dominum nostrum, Jesum Christum, Filium tuum, (92) qui tecum vivit et regnat Deus in unitate Spiritus sancti (93) per omnia saecula saeculorum.
(94) Super oblata. --Da nobis, quaesumus, omnipotens Deus, ut, sicut adoranda Filii tui Natalia praevenimus, sic ejus munera capiamus sempiterna gaudentes. Per eumdem.
(95) Praefatio.--Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus. Per Christum Dominum nostrum: cujus hodie faciem in confessione praevenimus, et voce supplici exoramus, ut superventurae noctis officiis nos ita pervigiles reddat, ut sinceris mentibus ejus percipere mereamur Natale venturum, in quo invisibilis ex substantia tua visibilis per carnem apparuit in nostra, tecumque unus non tempore genitus, non natura inferior, ad nos venit ex tempore natus. Per quem, etc.
(96) Ad Complendum.--Da nobis, Domine, quaesumus, Unigeniti Filii tui recensita Nativitate respirare, cujus coelesti mysterio pascimur et potamur (97). Per eumdem, etc.
Ad Vesperas. --Praesta, misericors Deus, ut ad suscipiendum Filii tui singulare Nativitatis mysterium, et mentes credentium praeparentur, et non credentium corda subdantur. Per eumdem.
(98) IN VIGILIA DOMINI IN NOCTE. Deus, qui hanc sacratissimam noctem veri luminis fecisti illustratione clarescere, da, quaesumus, ut cujus lucis mysteria in terra cognovimus, ejus quoque gaudiis in coelo perfruamur. Qui tecum vivit, etc.
6 Super oblata. --Accepta sit tibi, Domine, quaesumus, hodiernae festivitatis oblatio, ut, tua gratia largiente, per haec sacrosancta commercia in illius inveniamur forma in quo tecum est nostra substantia. Qui tecum vivit et regnat Deus in unitate.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, Per Christum Dominum nostrum. Cujus divinae Nativitatis potentiam ingenita virtutis tuae genuit magnitudo. Quem semper Filium, et ante tempora aeterna genitum, quia tibi pleno atque perfecto aeterni Patris nomen non defuit, praedicamus, et honore, majestate atque virtute aequalem tibi cum Spiritu sancto confitemur, et (99) in trino vocabulo unicam credimus Majestatem. Et ideo cum angelis, et archangelis, cum thronis, et dominationibus, cumque omni militia coelestis exercitus, hymnum gloriae tuae canimus sine fine dicentes:
Te igitur, clementissime Pater, etc.
(100) Benedictio. --Omnipotens Deus, qui incarnatione Unigeniti sui mundi tenebras effugavit, et gloriosa nativitate hanc sacratissimam noctem irradiavit, effuget a vobis tenebras vitiorum, et irradiet corda vestra luce virtutum. Amen. Quique ejus sacratissimae Nativitatis gaudium magnum pastoribus ab angelo voluit nuntiari, ipse super vos benedictionis suae gratissimum imbrem infundat, atque ipso pastore vos ad aeternorum gaudiorum pascua aeterna perducat. Amen. Et qui per ejus incarnationem terrena coelestibus sociavit, internae pacis et bonae voluntatis vos nectare repleat, et coelestis militiae consortes efficiat. Amen. Quod ipse, etc.
Ad Complendum. --Da nobis, quaesumus, Domine Deus noster, ut qui Nativitatem Domini nostri Jesu Christi nos frequentare gaudemus, dignis conversationibus ad ejus mereamur pertinere consortium. Qui tecum vivit, etc.
Ad Matutinum. --Respice nos, misericors Deus, et mentibus clementer humanis, nascente Christo, summae veritatis lumen ostende. Qui tecum vivit et regnat.
7 MISSA (101) IN MANE PRIMA NAT. DOM., SIVE SANCTAE ANASTASIAE. Da (102), quaesumus, omnipotens Deus, ut, qui nova incarnati Verbi tui luce perfundimur, hoc in nostro resplendeat opere, quod per fidem fulget in mente. Per eumdem.
Alia. --Da, quaesumus, omnipotens Deus, ut qui beatae Anastasiae martyris tuae solemnia colimus, ejus apud te patrocinia sentiamus. Per Dominum nostrum Jesum Christum.
Super oblata. --Munera nostra, quaesumus, Domine, Nativitatis hodiernae mysteriis apta proveniant, ut (103) sicut homo genitus idem refulsit Deus, sic nobis haec terrena substantia conferat quod divinum est. Per eumdem.
Alia. --Accipe, quaesumus, Domine, munera dignanter oblata, et, beatae Anastasiae suffragantibus meritis, ad nostrae salutis auxilium provenire concede. Per Dominum nostrum Jesum Christum Filium tuum. Qui tecum vivit.
(104) Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia nostri Salvatoris hodie lux vera processit, quae clara nobis omnia et intellectu manifestavit, et visu. Et ideo cum angelis et archangelis, cum thronis et dominationibus, cumque omni militia coelestis exercitus, hymnum gloriae tuae canimus, sine fine dicentes.
Ad Complendum. --(105) Ejus nos, Domine, (106) sacramenti semper (107) natalis instauret, cujus (108) Nativitas singularis humanam repulit vetustatem. Qui tecum vivit.
Alia. --Satiasti, Domine, familiam tuam muneribus sacris; ejus, quaesumus, semper interventione nos refove cujus solemnia celebramus. Per Dominum nostrum Jesum Christum, etc.
VIII KAL. JANUARII.--IN DIE NATALIS DOMINI.
(109) Concede, quaesumus, omnipotens Deus, ut nos Unigeniti Filii tui nova per carnem Nativitas liberet, quos sub peccati jugo vetusta servitus tenet. Qui tecum vivit.
Super oblata. --Oblata, Domine, munera nova Unigeniti tui Nativitate sanctifica, nosque a peccatorum nostrorum 8 maculis emunda. Per eumdem, etc.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia per incarnati Verbi mysterium nova mentis nostrae oculis lux tuae claritatis infulsit. Ut, dum visibiliter Deum cognoscimus, per hunc (110) invisibilium amore rapiamur. Et ideo cum angelis.
Te igitur, clementissime Pater, etc., ut supra.
Benedictio. --Benedicat vobis omnipotens Deus, vestramque ad superna excitet intentionem, qui hanc sacratissimam diem Nativitate Filii sui fecit esse soleinnem. Amen. Et qui eum qui Panis est angelorum in praesepi Ecclesiae cibum fecit esse fidelium animalium, ipse vos et in praesenti saeculo degustare faciat aeternorum dulcedinem gaudiorum, et in futuro perducat ad satietatem aeternorum praemiorum. Amen. (111) Quique ejus infantiam vilibus voluit indui pannis, ipse vos coelestium vestimentorum induat ornamentis. Amen. Quod ipse praestare dignetur, cujus regnum et imperium sine fine permanet in saecula saeculorum. Amen. Benedictio Dei Patris, et Filii, et Spiritus Sancti. Et pax Domini sit semper vobiscum.
Ad Complendum. --(112) Praesta, quaesumus, omnipotens Deus, ut natus hodie Salvator mundi, sicut divinae nobis generationis est auctor, ita et immortalitatis sit ipse largitor. Qui tecum vivit et regnat Deus.
Aliae Orationes. --Concede nobis, omnipotens Deus, ut Salutare tuum, nova coelorum luce mirabile, quod ad salutem mundi hodierna festivitate processit, nostris semper innovandis cordibus oriatur. Qui tecum.
Alia. --Omnipotens sempiterne Deus, qui hunc diem per incarnationem Verbi tui et partum beatae Mariae virginis consecrasti, da populis tuis in hac celebritate consortium ut, qui tua gratia sunt redempti, tua sint adoptione securi. Per eumdem.
Alia. --Fundamentum fidei nostrae Deus, (113) qui in mentibus sanctis, tanquam in excelsis montibus, aeternitatis portas, justitia muniente, componis, concede nobis in te gloriose credere, tuumque Filium Dominum nostrum ad Redemptionem animarum hominem factum praedicabiliter confiteri. Qui tecum, etc.
Alia. --Largire, quaesumus, Domine, famulis tuis, (114) fidei et securitatis augmentum, ut qui de Nativitate Filii tui Domini nostri gloriantur, et adversa mundi, te gubernante, non sentiant, et quae temporaliter 9 celebrare desiderant, sine fine percipiant. Per.
Alia. --Deus, qui per beatae Mariae virginis partum sine humana concupiscentia procreatum, in Filii tui membra venientes (115) paternis fecisti praejudiciis non teneri, praesta, quaesumus, ut, (116) hujus creaturae novitate suscepta, vetustatis antiquae contagiis exuamur. Per eumdem.
Alia. --(117) Deus, qui humanae substantiae dignitatem et mirabiliter condidisti, et mirabilius reformasti, da nobis, quaesumus, ejus divinitatis esse consortes qui humanitatis nostrae fieri dignatus est particeps, Jesus Christus Filius tuus, qui tecum vivit.
Alia. --Omnipotens sempiterne Deus, qui in Filii tui Domini nostri Nativitate tribuisti totius religionis initium perfectionemque constare, da nobis, quaesumus, in ejus portione censeri, in quo totius salutis humanae summa consistit. Qui tecum vivit et regnat Deus.
Alia. --Da, quaesumus, Domine, populo tuo inviolabilem fidei firmitatem, ut qui Unigenitum tuum, in tua tecum gloria sempiternum, (118) in veritate nostri corporis natum de matre Virgine confitentur, et a praesentibus liberentur adversis et mansuris gaudiis inserantur. Per eumdem Dominum nostrum Jesum Christum Filium tuum, qui tecum.
VII KAL. JANUARII.--NATIVITAS SANCTI STEPHANI.
Da nobis, quaesumus, Domine, imitari quod colimus, ut discamus et inimicos diligere, quia ejus natalitia celebramus, qui novit etiam pro persecutoribus exorare Dom.
Super oblata. --Suscipe, Domine, munera pro tuorum commemoratione sanctorum, (119) ut sicut illos passio gloriosos, sic nos devotio reddat innocuos. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, beati Stephani levitae simul et martyris natalitia recolentes: qui fidei, qui sacrae militiae, qui dispensationis et castitatis egregiae, qui praedicationis mirabilisque constantiae, qui confessionis ac patientiae nobis exempla veneranda proposuit. Et ideo Nativitatem Filii tui merito prae caeteris passionis suae festivitate prosequitur, (120) cujus gloriae sempiternae primus martyr occurrit. (121) Per quem Majestatem, etc.
10 Benedictio. --Deus qui beatum Stephanum protomartyrem coronavit, et confessione fidei, et agone martyrii, mentes vestras circumdet, et in praesenti saeculo corona justitiae, et in futuro perducat vos ad coronam gloriae. Amen. Illius obtentu tribuat vobis Dei et proximi charitate semper exuberare, qui hanc studuit etiam inter lapidantium impetus obtinere. Amen. Quo ejus exemplo roborati, et intercessione muniti, ab eo quem ille a dextris Dei vidit stantem, mereamini benedici. Amen. Quod ipse praestare dignetur, etc.
Ad Complendum. --Auxilientur nobis, Domine, sumpta mysteria, et intercedente beato Stephano martyre tuo, sempiterna protectione confirment. Per.
Alia. --Omnipotens sempiterne Deus, qui primitias martyrum, in beati levitae Stephani sanguine dedicasti, tribue, quaesumus, ut pro nobis intercessor existat, qui pro suis etiam persecutoribus exoravit. Per.
Alia. --Deus, qui nos Unigeniti tui clementer incarnatione redemisti, da nobis patrocinia tuorum continuata sanctorum, quibus capere valeamus salutaris mysterii portionem. Per eumdem.
Alia. --Gratias agimus, Domine, multiplicatis circa nos miserationibus tuis, qui et Filii tui Nativitate nos salvas, et beati martyris Stephani deprecatione sustentas. Per eumdem.
VI KAL. JANUARII.--NATIVITAS SANCTI JOANNIS EVANGELISTAE. (122) Ecclesiam tuam, Domine, benignus illustra, ut, beati Joannis evangelistae illuminata doctrinis, ad dona perveniat sempiterna. Per.
Super oblata. --Suscipe munera, Domine, quae in ejus tibi solemnitate deferimus, cujus (123) nos confidimus patrocinio liberari. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, beati apostoli tui et evangelistae Joannis veneranda natalitia recensentes: qui Domini nostri Jesu Christi Filii tui vocatione suscepta terrenum respuit patrem, ut posset invenire coelestem, adeptus in regno coelorum sedem apostolici culminis, qui tantum retia (124) carnalia contempserat genitoris; quique ab Unigenito tuo sic familiariter est dilectus, et immensae gratiae muneribus approbatus, ut eum 11 idem Dominus in cruce jam positus, (125) vicarium suae matri Virgini filium subrogaret, quatenus beatae Genitricis integritati probati dilectique discipuli virginitas deserviret. Nam et in coenae mysticae sacrosancto convivio super ipsum vitae fontem aeternum, scilicet pectus recubuerat Salvatoris. De quo perenniter manantia coelestis hauriens fluenta doctrinae, tam profundis ac mysticis revelationibus est imbutus, ut omnem transgrediens creaturam, excelsa mente conspiceret, et evangelica voce proferret quod in principio erat Verbum, et Verbum erat apud Deum, et Deus erat Verbum. Et ideo cum angelis.
Benedictio. --Omnipotens Deus dignetur vobis per intercessionem beati Joannis apostoli et evangelistae benedicere, qui per eum arcana verbi sui voluit Ecclesiae revelare. Amen. Concedat vobis ut quod ille Spiritus sancti munere afflatus vestris auribus infudit, ejusdem Spiritus dono capere mente valeatis. Amen. Quo ejus documento de divinitate nostri Redemptoris edocti, et amando quod tradidit, et exsequendo quod jussit, ad dona pervenire mereamini, quae idem Jesus Christus Dominus noster repromisit. Quod ipse praestare dignetur.
Ad Complendum. --Refecti cibo potuque coelesti, Deus noster, te supplices deprecamur, ut in cujus haec commemoratione percepimus, ejus muniamur et precibus. Per.
(126) Ad Vesperos. --Beati Joannis evangelistae, quaesumus, Domine, supplicatione placatus, et veniam nobis tribue, et remedia sempiterna concede. Per Dominum nostrum.
(127) Alia. --Beati evangelistae Joannis, Domine, precibus adjuvemur, ut quod possibilitas nostra non obtinet ejus nobis intercessione donetur. Per.
(128) Alia. --Sit, Domine, quaesumus, beatus Joannes evangelista nostrae fragilitatis adjutor, ut pro nobis tibi supplicans copiosius audiatur. Per.
Alia. --Deus qui per os beati apostoli tui Joannis Verbi tui nobis arcana reserasti, praesta, quaesumus, ut quod ille nostris auribus excellenter infudit intelligentiae competentis eruditione capiamus. Per.
Alia. --Omnipotens sempiterne Deus, qui hujus diei venerandam sanctamque laetitiam beati apostoli tui Joannis et evangelistae festivitate tribuisti, da Ecclesiae tuae, quaesumus, et amare quod credidit, et praedicare quod docuit. Per.
Alia. --Adsit Ecclesiae tuae, Domine, quaesumus, beatus 12 evangelista Joannes, ut cujus perpetuus doctor existit, semper esse non desinat suffragator. Per Dominum.
Alia. --Praesta, quaesumus, omnipotens Deus, ut excellentiam Verbi tui, quam beatus evangelista Joannes asseruit, et convenienter intelligere valeamus, et veraciter profiteri. Per eumdem.
V KALEND. JANUARII. NATALIS INNOCENTUM. Deus, cujus hodierna die praeconium innocentes martyres non loquendo, sed moriendo confessi sunt, omnia in nobis vitiorum mala mortifica, ut fidem tuam, quam lingua nostra loquitur, etiam moribus vita fateatur. Per.
Super oblata. --Adesto, Domine, muneribus Innocentum festivitate sacrandis, et praesta, quaesumus, ut eorum sinceritatem possimus imitari, quorum tibi dicatam veneramur infantiam. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: (129) et in pretiosis mortibus parvulorum, quos propter nostri Redemptoris infantiam bestiali saevitia Herodes funestus occidit, immensa clementiae tuae dona praedicare, in quibus fulget sola magis gratia quam voluntas, (130) et clara est prius confessio quam loquela, (131) ante passio quam membra idonea passioni. Existunt testes Christi, qui ejus nondum fuerant agnitores. O infinita benignitas! o ineffabilis misericordia, quae pro suo nomine trucidatis meritum gloriae perire non patitur, sed proprio cruore perfusis et salus regenerationis adhibetur, et imputatur corona martyrii. Et ideo cum angelis, etc.
Benedictio. --Omnipotens Deus, pro cujus Unigeniti veneranda infantia infantium innocentium catervas Herodis funesti peremit saevitia, suae vobis benedictionis tribuat dona gratissima. Amen. Et qui eis concessit ut unicum Filium ejus, Dominum nostrum, non loquendo, sed moriendo confiterentur, concedat vobis ut fidem veram, quam lingua vestra fatetur, etiam mores probi et vita inculpabilis fateantur. Amen. Quique eos primitivum fructum sanctae suae suscepit Ecclesiae, cum fructu bonorum operum vos faciat pervenire ad gaudia aeternae patriae. Amen. Quod ipse praestare dignetur, cujus regnum.
Ad Complendum. --(132) Votiva, Domine, dona percepimus, quae sanctorum nobis precibus, et praesentis, quaesumus, vitae pariter et aeternae tribue conferre subsidium. Per.
13 Alia. -- Deus, qui licet sis magnus in magnis, mirabilia tamen gloriosius operaris in minimis, da nobis, quaesumus, in eorum celebritate gaudere, qui Filio tuo Domino nostro testimonium praebuerunt etiam non loquentes. Per eumdem, etc.
Alia. --Ipsi nobis, Domine, quaesumus, postulent mentium puritatem, quorum innocentiam hodie solemniter celebramus. Per.
Alia. --Adjuva nos, Domine, quaesumus, eorum deprecatione sanctorum, qui Filium tuum humana necdum voce profitentes coelesti sunt pro ejus Nativitate gloria coronati. Per eumdem.
PRID. KALENDAS JANUARII. NATIVITAS SANCTI SILVESTRI PAPAE. (133) Eodem die sancti Fulgentii episcopi. Da, quaesumus, omnipotens Deus, ut beati Silvestri confessoris tui, atque pontificis veneranda solemnitas, et devotionem nobis augeat, et salutem. Per.
Super oblata. --Sanctorum tuorum nobis, Domine, pia non desit oratio, quae et munera nostra conciliet, et tuam nobis indulgentiam semper obtineat. Per.
Ad Complendum. --Quaesumus, omnipotens Deus, ut hodiernae munus solemnitatis acceptum, intercedente beato Silvestro confessore tuo, et corporibus nostris salutem praestet et mentibus. Per Dominum.
Alia. --Adesto, Domine, supplicationibus nostris, nec eos ullis mentis et corporis patiaris subjacere periculis, quos beati Silvestri pontificis tui munit gloriosa confessio. Per.
KALENDIS JANUARII. (134)--IN OCTAVIS DOMINI. Deus, qui salutis aeternae, beatae Mariae virginitate fecunda, humano generi praemia praestitisti, tribue, quaesumus, ut ipsam pro nobis intercedere sentiamus, per quam meruimus auctorem vitae suscipere Dominum nostrum Jesum Christum Filium tuum.
Alia. --Deus, qui nobis nati Salvatoris diem celebrare 14 concedis octavum, fac, quaesumus, nos ejus perpetua divinitate muniri cujus sumus carnali commercio reparati. Qui tecum vivit, etc.
Super oblata. --Praesta, quaesumus, Domine, ut per haec munera, quae Domini nostri Jesu Christi arcanae Nativitatis mysterio gerimus, purificatae mentis intelligentiam consequamur. Per eumdem.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus hodie Circumcisionis diem, et Nativitatis octavum celebrantes, tua, Domine, mirabilia veneramur. Quia, quae peperit, et mater et virgo est; qui natus est et infans et Deus est. Et ideo cum angelis, etc.
Benedictio. --Omnipotens Deus, cujus Unigenitus hodierna die, ne legem solveret, quam adimplere venerat, corporalem suscepit circumcisionem, spiritali circumcisione mentes vestras ab omnibus vitiorum incentivis expurget, et suam in vos infundat benedictionem. Amen. Et qui legem per Moysen dedit, ut per Mediatorem nostrum benedictionem daret, exuat vos mortificatione vitiorum et faciat perseverare in novitate virtutum. Amen. Quo sic in senarii numeri perfectione in hoc saeculo vivatis, et in septenario inter beatorum spirituum agmina requiescatis. (135) Quatenus in octavo resurrectione renovati, jubilaei remissione ditati, (136) ad gaudia sine fine mansura perveniatis. Amen. Quod ipse praestare dignetur, cujus regnum.
Ad complendum. --Praesta, quaesumus, Domine, ut quod Salvatoris nostri iterata solemnitate percepimus, perpetuae nobis redemptionis conferat medicinam. Per eumdem.
Super populum. --Omnipotens sempiterne Deus, qui in unigenito tuo novam Creaturam nos tibi esse fecisti, custodi opera misericordiae tuae, et ab omnibus nos maculis vetustatis emunda, ut per auxilium gratiae tuae in (137) illius inveniamur forma, in quo tecum est nostra substantia. Qui tecum vivit.
(138) DOMINICA POST NATALEM DOMINI. Omnipotens sempiterne Deus, dirige actus nostros in beneplacito tuo, ut in nomine dilecti Filii tui mereamur bonis operibus abundare. Qui tecum.
Super oblata. --Concede, quaesumus, Domine, ut oculis tuae 15 Majestatis munus oblatum, et gratiam nobis devotionis obtineat, et effectum beatae perennitatis acquirat. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: Qui peccato primi parentis hominem a salutis finibus exsulantem, pietatis indulgentia ad veniam vitamque revocasti, mittendo nobis unigenitum Filium tuum Dominum et Salvatorem nostrum; per quem Majestatem tuam, etc.
Benedictio. --Deus, qui Unigenitum suum misit, ut mundum salvaret, ejusdem salutis vos participes efficiat, et in ea perseverabiles reddat. Amen. Iram quae super infideles manet a vobis amoveat, et ab ea vos in perpetuum liberos efficiat. Amen. Spiritum Filii sui vobis attribuat, ejusque donis vos affatim exuberare concedat. Amen. Quod ipse praestare dignetur cujus regnum.
Ad Complendum. --Per hujus, Domine, operationem mysterii, et vitia nostra purgentur, et justa desideria compleantur. Per Dominum, etc.
Super populum. --Propitiare, misericors Deus, supplicationibus nostris, et populum tuum pervigili protectione custodi, ut qui Unigenitum tuum in carne nostri corporis Dominum natum esse fatetur, nulla possit diaboli falsitate corrumpi. Per eumdem.
NONIS JANUARII.--(139) IN VIGILIA THEOPHANIAE. Ad Vesperes. --Corda nostra, quaesumus, Domine, venturae festivitatis splendor illustret, quo mundi hujus tenebris carere valeamus, et perveniamus ad patriam claritatis aeternae. Per.
Super oblata. --Tribue, quaesumus, Domine, ut praesentibus illi immolemus sacrificiis, et sumamus quae venturae solemnitatis pia munera praeloquuntur. Per, etc.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te laudare mirabilem Dominum in omnibus operibus tuis, quibus sacratissima regni tui mysteria revelasti. Hanc etenim festivitatem dominicae apparitionis index stella praecessit, quae natum in terra coeli Dominum magis stupentibus nuntiaret. Ut manifestandus mundo Deus et coelesti denuntiaretur indicio, et temporaliter procreatus signorum temporalium ministerio panderetur. Et ideo, etc.
16 Ad Complendum. --Illumina, quaesumus, Domine, populum tuum, et splendore gratiae tuae cor ejus semper accende, ut, Salvatoris mundi stella famulante, manifestata Nativitas mentibus eorum et reveletur, semper et crescat. Per eumdem.
VIII IDUS JANUARII.--(140) IN EPIPHANIA DOMINI. Deus, qui hodierna die Unigenitum tuum gentibus (141) stella duce revelasti, concede propitius ut qui jam te ex fide cognovimus, usque ad contemplandam speciem tuae celsitudinis perducamur. Per eumdem, etc.
Super oblata. --Ecclesiae tuae, quaesumus, Domine, dona propitius intuere, quibus non jam aurum, thus et myrrha profertur, sed quos eisdem muneribus declaratur, immolatur et sumitur, Jesus Christus Dominus noster.
Praefatio. --Vere dignum et justum est, aequum et salutare, nos tibi semper et ubique gratias agere: Domine sancte, Pater omnipotens, aeterne Deus: quia cum Unigenitus tuus in substantia nostrae mortalitatis apparuit, (142) in novam nos immortalitatis suae lucem reparavit. Et ideo cum angelis, etc.
Te igitur, clementissime Pater, etc.
Benedictio. --Deus, lumen verum, qui Unigenitum suum hodierna die stella duce gentibus voluit revelare, sua vos dignetur benedictione ditare. Amen. Quo exemplo (143) magorum mystica Domino Jesu Christo munera offerentes, spreto antiquo hoste, spretisque contagiis vitiorum, ad aeternam patriam redire valeatis per viam virtutum. Amen. Detque vobis veram mentium innocentiam qui super Unigenitum suum Spiritum sanctum demonstrare voluit per columbam, eaque virtute mentes vestrae exerceantur ad intelligenda divinae legis arcana, qua in Cana Galileae lympha est in vinum conversa. Amen. Quod ipse praestare dignetur.
Ad Complendum. --Praesta, quaesumus, omnipotens Deus, ut quae solemni celebramus officio, purificatae mentis intelligentia consequamur. Per.
Aliae Orationes. --Omnipotens sempiterne Deus, fidelium splendor animarum, qui hanc solemnitatem electionis gentium (144) primitiis consecrasti, imple mundum gloria tua, et subditis tibi populis per luminis tui appare claritatem. Per.
17 Alia. --Deus, illuminator omnium gentium, da populis tuis perpetua pace gaudere, et illud lumen splendidum infunde cordibus nostris, quod trium magorum mentibus aspirasti. Per.
Alta. --Da nobis, quaesumus, Domine, digne celebrare mysterium, quod in nostri Salvatoris infantia miraculis coruscantibus declaratur, et corporalibus incrementis manifesta designatur humanitas. Per eumdem.
Alia. --Praesta, quaesumus, omnipotens Deus, ut Salvatoris mundi, stella duce, manifesta Nativitas mentibus nostris reveletur semper et crescat. Per eumdem.
Alia. --Illumina, quaesumus, Domine, populum tuum, et splendore gratiae tuae cor ejus semper accende, ut Salvatorem suum et incessanter agnoscat, et veraciter apprehendat. Per Dominum nostrum.
DOMINICA I POST THEOPHANYAM. Vota, quaesumus, Domine, supplicantis populi, coelesti pietate prosequere, ut et quae agenda sunt, videant; et ad implenda quae viderint, convalescant. Per.
Super oblata. --Oblatum tibi, Domine, sacrificium vivificet nos semper et muniat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: Quia cum Unigenitus tuus in substantia nostrae mortalitatis apparuit, in novam nos immortalitatis suae lucem reparavit. Et ideo cum angelis.
Benedictio. --Deus, qui Filii sui temporalem pueritiam fecit esse mirabilem, spiritu prudentiae corda vestra illustrare ac docere dignetur. Amen. Quique illum parentibus temporaliter subdi voluit, ipse vos humilitatis et pietatis muneribus miseratus informet. Amen. Et (145) qui eum sapientia, aetate, et gratia proficere tribuit, spiritalium vobis profectuum incrementa propitius largiatur. Quod ipse praestare dignetur.
Ad complendum. --Supplices te rogamus, omnipotens Deus, ut quos tuis reficis sacramentis, tibi etiam placitis moribus dignanter deservire concedas. Per Dominum.
Super populum. --Conserva, quaesumus, Domine, familiam tuam, 18 et benedictionum tuarum propitius ubertate purifica, et eruditionibus tuis semper multiplicetur et donis. Per.
(146) IN OCTAVIS THEOPHANIAE: Deus cujus Unigenitus in substantia nostrae carnis apparuit, praesta, quaesumus, ut per eum, quem similem nobis foris agnovimus, intus reformari mereamur. Qui tecum vivit, etc.
Super oblata. --Hostias tibi, Domine, pro nati tui Filii apparitione deferimus, suppliciter exorantes, ut sicut ipse nostrorum auctor est munerum, ita ipse sit misericors et susceptor Jesus Christus Dominus noster, qui tecum vivit et regnat Deus.
Ad Complendum. --Coelesti lumine, quaesumus, Domine, semper et ubique nos praeveni, ut mysterium, cujus nos participes esse voluisti, et puro cernamus intuitu, et digno percipiamus effectu. Per.
XIX KAL. FEBRUARII (147) NATALIS SANCTI FELICIS. Concede, quaesumus, omnipotens Deus, ut ad meliorem vitam sanctorum tuorum exempla nos provocent, quatenus quorum solemnia agimus, etiam actus imitemur. Per.
Super oblata. --Hostias tibi, Domine, pro commemoratione sancti Felicis (148) confessoris offerimus, suppliciter deprecantes, ut sicut illi tribuisti sacrae fidei largitatem, sic nobis indulgentiam largiaris et pacem. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et confessionem sancti Felicis memorabilem non tacere qui (149) nec haereticis pravitatibus, nec saeculi blandimentis a sui status rectitudine potuit immutari, sed inter utraque discrimina veritatis assertor, firmitatem tuae fidei non reliquit. Per.
Ad Complendum. --Quaesumus, Domine, salutaribus repleti mysteriis, ut cujus solemnia (150) celebramus, ejus orationibus adjuvemur. Per Dominum.
DOMINICA II POST THEOPHANIAM. Omnipotens sempiterne Deus, qui coelestia simul et terrena moderaris, supplicationes populi tui clementer exaudi, et pacem tuam nostris concede temporibus. Per.
Alia. --Adesto, quaesumus, Domine, supplicationibus nostris, et in tua misericordia confidentes, ab omni nos adversitate custodi. Per.
Super oblata. --Ut tibi grata sint, Domine, munera populi tui supplicantis, ab omni, quaesumus, eum contagione perversitatis emunda. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: semperque virtutes et laudes tuas labiis exsultationis effari, qui nobis ad relevandos istius vitae labores diversa donorum tuorum solatia, et munerum salutarium gaudia contulisti, mittendo nobis Jesum Christum Filium tuum Dominum nostrum. Per quem.
Benedictio. --Deus qui sua mirabili potestate aquam vertit in vinum, vos a vetustate subtractos in beatae vitae transferat novitatem. Amen. Et qui nuptiis interesse voluit, ut earum sua praesentia comprobaret bonum, ipse vobis castitatis et sobrietatis perpetuae conferat donum. Amen. Ipse vobis sanctarum intelligentiam Scripturarum tribuat spiritalem, qui aquas in vina vertendo hoc ipsum voluit designare. Amen. Quod ipse praestare dignetur, cujus.
Ad Complendum. --Augeatur in nobis, Domine, quaesumus, tuae virtutis operatio, ut divinis vegetati sacramentis, ad eorum promissa capienda tuo munere praeparemur. Per.
Super populum. --Auxiliare, Domine, populo tuo, ut sacrae devotionis proficiens incrementis, et tuo semper munere gubernetur, et ad redemptionis aeternae pertineat, te ducente, consortium. Per.
XVII KAL. FEBRUARII.--NATALIS SANCTI MARCELLI PAPAE. Preces populi tui, quaesumus, Domine, clementer exaudi, ut beati Marcelli martyris tui atque pontificis meritis adjuvemur, cujus passione laetamur. Per Dominum nostrum, etc.
Super oblata. --Suscipe, quaesumus, Domine, munera dignanter oblata, et, beati Marcelli suffragantibus meritis, ad nostrae salutis auxilium provenire concede. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui glorificaris in tuorum confessione sanctorum, et 20 non solum excellentioribus praemiis martyrum tuorum merita gloriosa prosequeris, sed etiam sacra mysteria competentibus servitiis exsequentes, gaudium Domini sui tribuis benignus intrare. Per Christum Dominum.
Ad Complendum. --Satiasti, Domine, familiam tuam muneribus sacris; semper ejus, quaesumus, interventione nos refove, cujus solemnia celebramus. Per.
XV KAL. FEBRUARII.--NATALIS SANCTAE PRISCAE VIRGINIS. Da, quaesumus, omnipotens Deus, ut qui beatae Priscae martyris tuae natalitia colimus, et annua solemnitate laetemur, et tantae fidei proficiamus exemplo. Per.
Super oblata. --Hostia, Domine, quaesumus, quam sanctorum tuorum natalitia recensentes offerimus, et vincula nostrae pravitatis absolvat, et tuae nobis misericordiae dona conciliet. Per.
Ad Complendum. --Quaesumus, Domine, salutaribus repleti mysteriis, ut cujus solemnia celebramus, ejus orationibus adjuvemur. Per.
XIII KAL. FEBRUARII.-- NATALIS SANCTI (151) FABIANI. Infirmitatem nostram respice, omnipotens Deus, et (152) quos pondus propriae actionis gravat, beati Fabiani martyris tui atque pontificis intercessio gloriosa nos protegat. Per.
Super oblata. --Hostias tibi, Domine, beati Fabiani martyris tui dicatas meritis benignus assume, et ad perpetuum nobis tribue provenire subsidium. Per Dominum.
Ad Complendum. --Refecti participatione muneris sacri, quaesumus, Domine Deus noster, ut cujus exsequimur cultum, sentiamus effectum. Per
EODEM DIE.--NATALIS SANCTI SEBASTIANI MARTYRIS Deus qui beatum Sebastianum martyrem tuum virtute constantiae in passione roborasti, ex ejus nobis imitatione tribue pro amore tuo prospera mundi despicere, et nulla ejus adversa formidare. Per
Super oblata. --Accepta sit in conspectu tuo, Domine, nostra devotio, et ejus nobis fiat supplicatione salutaris, pro cujus solemnitate defertur. Per.
21 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quoniam martyris beati Sebastiani pro confessione nominis tui venerabilis sanguis effusus simul et tua mirabilia manifestat, quo perficis in infirmitate virtutem, et nostris studiis dat profectum, et infirmis apud te praestat auxilium. Per Christum Dominum nostrum.
Ad Complendum. --Sacro munere satiati, supplices te, Domine, deprecamur, ut quod debitae servitutis celebramus officio, intercedente beato Sebastiano martyre tuo, salvationis tuae sentiamus augmentum. Per Dominum nostrum.
XII KAL. FEBRUARII.--NATALIS SANCTAE (153) AGNETIS. Omnipotens sempiterne Deus, qui infirma mundi eligis, ut fortia quaeque confundas, concede propitius ut qui beatae Agnetis martyris tuae solemnia colimus, ejus apud te patrocinia sentiamus. Per.
Super oblata. --Hostias, Domine, quas tibi offerimus, propitius suscipe, et, intercedente beata Agnete martyre tua, vincula peccatorum nostrorum absolve. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et (154) diem beatae Agnetis martyrio consecratam solemniter recensere, quae, terrenae generositatis oblectamenta despiciens, coelestem meruit dignitatem; societatis humanae vota contemnens, aeterni Regis est sociata consortio; et pretiosam mortem, sexus fragilitate calcata, pro Christi confessione suscipiens (155) simul est facta conformis et sempiternitatis ejus et gloriae. Per quem Majestatem tuam.
Ad Complendum. -- Sumentes, Domine, gaudia sempiterna de participatione sacramenti festivitatis sanctae martyris Agnetis, suppliciter deprecamur, ut quae sedula servitute, donante te, gerimus, dignis sensibus tuo munere capiamus. Per.
XI KAL. FEBRUARII.--NATALIS SANCTI VINCENTII MARTYRIS. Adesto, quaesumus, Domine, supplicationibus nostris, ut qui ex iniquitate nostra reos nos esse cognoscimus, beati Vincentii martyris tui intercessione liberemur. Per.
22 Super oblata. Hodiernum, Domine, sacrificium laetantes offerimus, quo beati Vincentii coelestem victoriam recensentes, et tua magnalia praedicamus, et nos acquisisse gaudemus suffragia gloriosa. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: pro cujus nomine gloriosus levita Vincentius, et miles invictus, rabidi hostis insaniam interritus adiit, modestus sustinuit, securus irrisit, sciens paratus esse ut resisteret, nesciens elatus esse (156) ut vinceret, in utroque, Domini ac Magistri sui vestigia sequens, qui humilitatis custodiendae, et de hostibus triumphandi, suis sequenda exempla monstravit. Per quem.
Ad Complendum. --Quaesumus, omnipotens Deus, ut qui coelestia alimenta percepimus, intercedente beato Vincentio martyre tuo, per haec contra omnia adversa muniamur. Per.
VIII KAL. FEBRUARII.-- CONVERSIO SANCTI PAULI. (157) Deus qui universum mundum beati Pauli apostoli tui praedicatione docuisti, da nobis, quaesumus, ut qui ejus hodie Conversionem colimus, per ejus ad te exempla gradiamur. Per.
Super oblata. --Apostoli tui Pauli precibus, Domine, plebis tuae dona sanctifica, ut quae tibi tuo grata sunt instituto, gratiora fiant patrocinio supplicantis. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam suppliciter exorare, ut Ecclesiam tuam, beati Pauli apostoli tui praedicatione edoctam, nulla sinas fallacia violari; et sicut nihil in vera religione manere dinoscitur, (158) quod non ejus condierit disciplina, ita ad peragenda ea quae docuit ejus obtentu fidelibus tribuatur efficacia, sentiatque credentium gentium multitudo eum pro se apud te intercessorem quem habere cognovit Magistrum atque doctorem. Per Christum Dominum nostrum.
Benedictio. --Deus qui gratia sua beatum Paulum ex persecutore fecit apostolum, ipse vobis compunctionis piaeque conversionis spiritum dignetur impertire. Amen. Quique ei secretorum coelestium mysteria dignatus est revelare, ipse vobis Scripturarum suarum abdita dignetur aperire. Amen. Et qui ei perseverantiam fidei, 23 constantiamque in persecutionibus inflexibilem dare dignatus est, eisdem vestram infirmitatem donis roborare atque munire dignetur. Amen. Quod ipse praestare dignetur.
Ad Complendum. --Sanctifica nos, Domine, quaesumus, salutari mysterio; et pro nobis ejus non desit oratio, cujus nos donasti patrocinio gubernari. Per Dominum.
(159) EODEM DIE.--NATALIS SANCTI PROJECTI MARTYRIS. Martyris tui Projecti nos, quaesumus, Domine, interventio gloriosa commendet, ut quod nostris actibus non meremur, ejus precibus consequamur. Per Dominum.
Super oblata. --Suscipe, Domine, propitius orationem nostram cum oblationibus hostiarum superimpositis, et martyris tui Projecti deprecatione pietati tuae perfice benignus acceptas, et illam quae in eo flagravit fortem dilectionem in nobis aspira benignus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam misericordiam deprecari ut mentibus nostris beati martyris tui Projecti (160) repetita solemnitate spiritalis laetitiae tribuas jugiter suavitatem. (161) Concedasque nobis, ut, venerando passionis ejus triumphum, obtentu illius, et peccatorum remissionem, et sanctorum mereamur adipisci consortium. Per Christum Dominum.
Ad Complendum. --Votiva, Domine, pro beati martyris tui Projecti passione dona percepimus: quaesumus, ut ejus precibus, et praesentis vitae nobis pariter et aeternae tribuas conferre praesidium. Per.
V KAL. FEBRUARII.--NATALIS SANCTAE AGNETIS. De Nativitate (162). Deus, qui nos annua beatae Agnetis martyris tuae solemnitate laetificas, da, quaesumus, ut quam veneramur officio, etiam piae conversationis sequamur exemplo. Per.
Super oblata. --Super has, quaesumus, Domine, hostias benedictio copiosa descendat, quae et sanctificationem nobis clementer operetur, et de martyrum nos solemnitate laetificet. Per.
24 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, beatae Agnetis natalitia geminantes. Vere enim hujus honorandus est dies, quae sic terrena generatione processit, ut ad divinitatis consortium perveniret. Per Christum.
Ad Complendum. --Sumpsimus, Domine, celebritatis annuae votiva sacramenta; praesta, quaesumus, ut et temporalis nobis vitae remedia praebeant et aeternae. Per.
Super populum. --Adesto nobis, omnipotens Deus, beatae Agnetis festa repetentibus, quam, hodiernae festivitatis prolatam exortu, ineffabili munere sublevasti. Per.
IV NONAS FEBRUARII.--(163) PURIFICATIO SANCTAE MARIAE VIRGINIS. (164) Ad Collectam. --(165) Erudi, quaesumus, Domine, plebem tuam, et quae extrinsecus annua tribuis devotione venerari, interius assequi gratiae tuae luce concede. Per.
Ad Missam. --Omnipotens sempiterne Deus, Majestatem tuam supplices exoramus, ut sicut Unigenitus Filius tuus hodierna die cum nostrae carnis substantia in templo est praesentatus, ita nos facias purificatis tibi mentibus praesentari. Per eumdem Dominum.
Super oblata. --Exaudi, Domine, preces nostras; ei, ut digna sint munera quae oculis tuae Majestatis offerimus, subsidium nobis tuae pietatis impende. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia per incarnati Verbi mysterium nova mentis nostrae oculis lux tuae claritatis effulsit, ut dum visibiliter Deum cognoscimus, per hunc invisibilium amore rapiamur. Et ideo cum angelis et archangelis.
Benedictio. --Omnipotens Deus qui Unigenitum suum hodierna die in assumpta carne in templo voluit praesentari, benedictionis suae vos munere fultos bonis operibus faciat exornari. Amen. Et qui eum, ut legem adimpleret, (166) ministrum voluit effici legis, 25 mentes vestras instruat legis suae spiritalibus documentis. Amen. Quo ei et pro turturibus castitatis seu charitatis munera offerre valeatis, et pro pullis columbarum Spiritus sancti donis exuberetis. Amen. Quod ipse.
Ad Complendum. --Quaesumus, Domine Deus noster, ut sacrosancta mysteria, quae pro reparationis nostrae munimine contulisti, intercedente beata semper virgine Maria, et praesens nobis remedium esse facias et futurum. Per.
Alia. --Perfice in nobis, quaesumus. Domine, gratiam tuam, qui justi Simeonis exspectationem implesti, ut sicut ille mortem non vidit priusquam Christum Dominum videre mereretur, ita et nos vitam obtineamus aeternam. Per.
NONIS FEBRUARII--NATALIS SANCTAE AGATHAE MARTYRIS. Deus qui inter caetera potentiae tuae miracula, etiam in sexu fragili victoriam martyrii contulisti, concede propitius ut cujus natalitia colimus, per ejus ad te exempla gradiamur. Per Dominum.
Super oblata. --Suscipe, Domine, munera quae in beatae Agathae martyris tuae solemnitate deferimus, cujus nos confidimus patrocinio liberari. Per Dominum nostrum.
Praefatio. --Vere dignum et justum est, aequum et salutare. nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: pro cujus nomine (167) poenarum mortisque contemptum in utroque sexu fidelium cunctis aetatibus contulisti, ut inter felicium martyrum palmas (168) Agathen quoque beatissimam virginem victrici patientia coronares. Quae nec minis territa, nec suppliciis superata, de diaboli saevitia triumphavit, quia in tuae Deitatis confessione permansit. Et ideo.
Ad Complendum. --Beatae Agathae martyris tuae, Domine, precibus confidentes, quaesumus clementiam tuam, ut per ea quae sumpsimus aeterna remedia capiamus. Per.
Alia. --Indulgentiam nobis, Domine, beata Agathe martyr imploret, quae tibi grata (169) semper exstitit et merito castitatis, et tuae professione virtutis. Per Dominum nostrum.
DOMINICA III POST THEOPHANIAM. Omnipotens sempiterne Deus, infirmitatem nostram 26 propitius respice, atque ad protegendum nos dexteram tuae Majestatis extende. Per.
Super oblata. --(170) Haec Hostia, Domine, quaesumus, emundet nostra delicta, et sacrificium celebrandum subditorum tibi corpora mentesque sanctificet. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te omni tempore collaudare et benedicere, quia in te vivimus, et movemur, et sumus. Et nullum tempus nullumque momentum est quod a beneficiis pietatis tuae vacuum transigamus. Variis etenim solemnitatum causis, salutarium nobis operum tuorum et munerum memoria praesentis vitae tempora exornat. Unde et nos vel innovante laetitia praeteriti gaudii, vel permanentis boni tempus agnoscentes, indefessas Majestati tuae grates exsolvimus. Per Christum Dominum nostrum.
Benedictio. --Omnipotens Deus vos ab omnium peccatorum maculis emundet, qui leprosum supplicem tactu proprio dignatus est emundare. Amen. Quique centurionis servum non aspernatus est visitare, ipse cordium vestrorum hospitium dignetur misericorditer introire. Amen. Sicque vos fidei suae plenitudine informet, ut cum sanctis suis in coelorum regno accumbere concedat. Amen. Quod ipse praestare.
Ad Complendum. --Quos tantis, Domine, largiris uti mysteriis, quaesumus ut effectibus nos eorum veraciter aptare digneris. Per.
Super populum. --Adsit, Domine, quaesumus, propitiatio tua populo supplicanti, ut quod te inspirante fideliter expetit, tua celeri largitate percipiat. Per Dominum nostrum.
DOMINICA IV POST THEOPHANIAM. Deus qui nos in tantis periculis constitutos pro humana scis fragilitate non posse subsistere, da nobis salutem mentis et corporis, ut ea quae pro peccatis nostris patimur, te adjuvante, vincamus. Per.
Super oblata. --Concede, quaesumus, omnipotens Deus, ut hujus sacrificii munus oblatum fragilitatem nostram ab omni malo purget semper et muniat. Per.
Praefatio. --Vere dignum et justum est, aequum et salutare, 27 nos tibi semper et ubique gratias agere, Domine sancte, Pater omnipotens, aeterne Deus, qui genus humanum pro praevaricatione sua in ipsius originis radice damnatum (171) per florem virginalis uteri reddere dignatus es absolutum, ut hominem, quem per Unigenitum creaveras, per Filium tuum Deum et hominem recreares; et diabolus, qui Adam in fragili carne devicerat, (172) conservata justitia, a Deo carne vinceretur assumpta. Per quem Majestatem tuam.
Benedictio. --Tentationum omnium a vobis Dominus pericula removeat, et perturbationum procellas miseratus excludat. Amen. Tentatoris fraudes atque molimina dissolvat, et vos adversus eum cautos atque invincibiles faciat. Amen. Continuae pacis vobis munera tribuat, et vos in portu tranquillitatis ac securitatis propitiatus constituat. Amen. Quod ipse praestare dignetur.
Ad Complendum. --Munera tua nos, Deus, a delectationibus terrenis expediant, et coelestibus semper instruant alimentis. Per.
DOMINICA V POST THEOPHANIAM. Familiam tuam, quaesumus, Domine, continua pietate custodi, ut quae in sola spe gratiae coelestis innititur, tua semper protectione muniatur. Per Dominum.
Super oblata. --Hostias tibi, Domine, placationis offerimus, ut et delicta nostra miseratus absolvas, et nutantia corda tu dirigas. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tibi hanc immolationis hostiam offerre, (173) quae est salutifera et ineffabile divinae gratiae sacramentum, quae offertur a plurimis, (174) et unum Christi corpus sancti Spiritus infusione perficitur; singuli accipiunt Christum Dominum, et (175) in singulis portionibus totus est; nec (176) per singulos minuitur, sed integrum se praebet in singulis. Propterea ipsi qui sumimus communionem hujus sancti panis et calicis, (177) unum Christi corpus efficimur. Per ipsius itaque Majestatem te supplices exoramus, ut nos ab omnibus emundes contagiis vetustatis, et in novitate vitae perseverare concedas. Per Christum.
Benedictio. --Deus, qui bonum semen in sua Ecclesia serere consuevit, in vobis illud conservare atque multiplicare nunquam desistat. Amen. Zizaniorum superseminatorem a vobis procul repellat, et sui verbi pabulo vos indesinenter reficiat. Amen. Quo cum dies judicii advenerit, a reprobis separati, ad dexteram judicis sistamini, et in beatissimo ipsius regno collocemini. Amen. Quod ipse praestare.
28 Ad Complendum. --Quaesumus, omnipotens Deus, ut illius salutaris capiamus effectum, cujus per haec mysteria pignus accepimus. Per eumdem.
Super populum. --Ecclesiae tuae, Domine, voces placatus admitte, ut, destructis adversitatibus universis, secura tibi serviat libertate. Per.
DOMINICA VI POST THEOPHANIAM. Praesta, quaesumus, omnipotens Deus, ut semper rationabilia meditantes, quae tibi sunt placita, et dictis exsequamur et factis. Per.
Super oblata. --Haec nos oblatio, Deus, mundet, quaesumus, et renovet et gubernet et protegat. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: ad cujus immensam pertinet gloriam, ut non solum mortalibus tua pietate succurreres, sed de ipsa etiam mortalitate nostra nobis remedium provideres, et perditos quosque unde perierant, inde salvares. Per Christum Dominum nostrum.
Benedictio. --Deus qui mare suis pedibus fecit esse calcabile, vobis quidquid est noxium ipse substernat. Amen. Contrarios immundorum spirituum motus compescat, et vos in sua pace confirmet. Amen. Crucis suae navi inter mundi fluctus gubernet, et in littus beatae perennitatis perducat. Amen. Quod ipse praestare dignetur.
Ad Complendum. --Coelestibus, Domine, pasti deliciis, quaesumus ut semper eadem per quae veraciter vivimus appetamus. Per.
Super populum. --Conserva populum tuum, Deus, et tuo nomini fac devotum, ut, divinis subjectus officiis, et temporalia viriliter et aeterna dona percipiat. Per Dominum nostrum.
XVI KAL. MARTII.--(178) NATALIS SANCTI VALENTINI MARTYRIS. Praesta, quaesumus, omnipotens Deus, ut qui beati Valentini martyris tui natalitia colimus, a cunctis malis imminentibus ejus intercessione liberemur. Per Dominum nostrum.
Super oblata. --Oblatis, Domine, quaesumus, placare muneribus, 29 et, intercedente beato Valentino martyre tuo, a cunctis nos defende periculis. Per Dominum nostrum.
Ad Complendum. --Sit nobis, Domine, reparatio mentis et corporis coeleste mysterium, ut cujus exsequimur actionem, sentiamus effectum. Per.
XIII KAL. MARTII.--(179) CATHEDRA SANCTI PETRI. Deus qui beato apostolo tuo Petro, collatis clavibus regni coelestis, animas ligandi atque solvendi (180) pontificium tradidisti, concede ut intercessionis ejus auxilio a peccatorum nostrorum nexibus liberemur. Qui vivis et regnas.
Super oblata. --Ecclesiae tuae, quaesumus, Domine, preces et hostias beati Petri apostoli commendet oratio, ut quod pro illius gloria celebramus nobis prosit ad veniam. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus; et te laudare mirabilem Deum in sanctis tuis, in quibus glorificatus es vehementer. Per quos Unigeniti tui sacrum corpus exornas, et in quibus Ecclesiae tuae fundamenta constituis, quam (181) in patriarchis fundasti, in prophetis praeparasti, in apostolis condidisti. Ex quibus beatum Petrum apostolorum principem, ob confessionem Unigeniti Filii tui, per os ejusdem Verbi tui confirmatum, in fundamento domus tuae, mutato nomine, coelestium claustrorum praesulem custodemque fecisti, divino ei jure concesso, ut (182) quae statuisset in terris, servarentur in coelis. In cujus veneratione hodierna die Majestati tuae haec festa persolvimus, et gratiarum ac laudis Hostiam immolamus. Per quem Majestatem.
Ad Complendum. --Laetificet nos, Domine, munus oblatum, ut sicut in apostolo tuo Petro te mirabilem praedicamus, sic per illum tuae sumamus indulgentiae largitatem. Per.
Super populum. --Benedic, quaesumus, Domine, plebem tuam; et beati Petri apostoli tui precibus tribue consequi tuae defensionis auxilium. Per.
VI KAL. MARTII.-- NATALIS (183) SANCTI MATTHIAE APOSTOLI. Deus, qui beatum Matthiam apostolorum tuorum collegio sociasti, tribue, quaesumus, ut ejus interventione, 30 tuae circa nos pietatis semper viscera sentiamus. Per Dominum.
Super oblata. --Deus, qui proditoris apostatae ruinam, ne apostolorum tuorum (184) numerus sacratus perfectione careret, beati Matthiae electione supplesti, praesentia munera sanctifica, et per ea nos gratiae tuae virtute confirma. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te laudare mirabilem Deum in beatis apostolis tuis, in quibus glorificatus es vehementer. Per quos Unigeniti tui sacrum corpus colligis, et in quibus Ecclesiae tuae fundamenta constituis. Unde poscimus clementiam tuam, piissime omnipotens Deus, ut intercessione beati apostoli tui Matthiae, cujus passionis triumphum solemniter celebramus, mereamur a peccatorum nostrorum nexibus solvi, et aeternae vitae felicitati reddi, atque sanctorum tuorum coetibus connumerari. Per quem.
Benedictio. --Deus, qui vos in apostolicis tribuit consistere fundamentis, benedicere vobis dignetur, beati apostoli sui Matthiae intercedentibus meritis. Amen. Defendatque vos a cunctis adversis, apostolicis praesidiis, qui vos eorum voluit ornari et munerari exemplis et documentis. Amen. Quo per eorum intercessionem perveniatis ad aeternae patriae haereditatem, per quorum doctrinam tenetis fidei integritatem. Quod ipse praestare dignetur.
Ad Complendum. --Praesta, quaesumus, omnipotens et misericors Deus, ut per haec sancta, quae sumpsimus, interveniente beato Matthia apostolo tuo, veniam consequamur et pacem. Per Dominum.
Super populum. --Percipiat, Domine, quaesumus, populus tuus, intercedente beato Matthia apostolo tuo, misericordiam, quam deposcit, et quam precatur humiliter, indulgentiam consequatur et pacem. Per Dominum.
IV IDUS MARTII.--NATALIS SANCTI GREGORII PAPAE. Concede, quaesumus, Domine, fidelibus tuis digne sancti Gregorii pontificis tui celebrare solemnia, ut ejus et hic experiantur auxilia, et aeternis effectibus apprehendant. Per.
Super oblata. --Hostias, Domine, quas nomini tuo sacrandas offerimus, sancti Gregorii prosequatur oratio, per quam nos et expiari facias, et defendi. Per.
31 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia sic tribuis Ecclesiam tuam sancti Gregorii pontificis tui commemoratione gaudere, ut eam illius et festivitate laetifices, et exemplo piae conversationis exerceas, et verbo praedicationis erudias, grataque tibi supplicatione tuearis. Per.
Ad Complendum. --(185) Praestent nobis, quaesumus, Domine, tua sancta praesidium, quod, intervenientibus beati Gregorii meritis, ab omnibus nos absolvat peccatis. Per.
VIII KAL. APRILIS.--(186) ANNUNTIATIO ANGELI AD BEATAM MARIAM. Deus, qui in (187) beatae Mariae virginis utero Verbum tuum, angelo annuntiante, carnem suscipere voluisti, praesta supplicibus tuis, ut qui vere eam Genitricem Dei credimus, ejus apud te intercessionibus adjuvemur. Per eumdem.
Ad Missam. --Deus, qui hodierna die Verbum tuum in (188) beatae Virginis alvo (189) incarnari voluisti, fac nos ita praesentem (190) solemnitatem peragere, ut tibi placere valeamus. Per eumdem.
Super oblata. --Altari tuo, Domine, superposita munera Spiritus sanctus assumat, qui hodie beatae Mariae viscera splendoribus suae virtutis replevit. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: quem pro salute hominum nasciturum Gabriel archangelus nuntiavit, virgo Maria Spiritus sancti cooperatione concepit; ut quod angelica nuntiavit sublimitas, virginea crederet puritas, ineffabilis perficeret Deitas. Illius itaque optamus, te opitulante, cernere faciem sine confusione, cujus Incarnationis gaudemus solemnitate. Per quem Majestatem.
Ad Complendum. --In mentibus nostris, Domine, verae fidei sacramenta confirma, ut qui conceptum de Virgine Deum verum et hominem confitemur, per ejus salutiferae resurrectionis potentiam ad aeternam mereamur pervenire laetitiam. Per.
Super populum. --Protege, Domine, famulos tuos subsidiis pacis, 32 et beatae Mariae patrociniis confidentes a cunctis hostibus redde securos. Per.
Alia. --Gratiam tuam, quaesumus, Domine, mentibus nostris infunde, ut qui angelo nuntiante Christi Filii tui Incarnationem cognovimus, per passionem ejus et crucem ad resurrectionis gloriam perducamur. Qui tecum vivit et regnat Deus.
Alia. --Omnipotens sempiterne Deus, qui coaeternum tibi Filium hodie pro mundi salute secundum carnem Spiritu sancto concipiendum angelico ministerio beatae Mariae semper virgini declarasti, adesto propitius populo tuo, ut ad ejus Nativitatem, (191) pace concessa, liberioribus animis occurramus. Per eumdem.
Alia. --Exaudi nos, Domine sancte, Pater omnipotens, aeterne Deus, qui per beatae Mariae sacri uteri (192) divinae gratiae obumbrationem universum mundum illuminare dignatus es, et praesta ut quod nostris meritis non valemus obtinere, ejus adipisci praesidiis mereamur. Per Dominum nostrum.
Alia. --Beatae et gloriosae semperque virginis Dei genitricis Mariae nos, Domine, quaesumus, merita consequantur, et tuam nobis indulgentiam semper implorent. Per.
Alia. --Porrige nobis, Deus, dexteram tuam, et per intercessionem beatae et gloriosae semperque virginis Dei genitricis Mariae auxilium nobis supernae Virtutis impende. Per eumdem.
IN (193) SEPTUAGESIMA. Concede, quaesumus, omnipotens Deus, fragilitati nostrae sufficientiam competentem, ut suae reparationis effectum, et pia conversatione recenseat, et cum exsultatione suscipiat.
Super oblata. --Concede nobis, misericors Deus, et digne tuis servire semper altaribus, et eorum perpetua participatione salvari. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia per ea quae conspiciuntur instruimur quibus modis ad invisibilia tendere debeamus. Denique commonemur, anni ducente successu, de praeteritis ad futura, de vetustate in novitatem vitae transire, (194) ut, terrenis sustentationibus expediti, coelestis doni capiamus desiderabilius ubertatem. Et (195) per eum cibum qui beneficiis praerogatur alternis 33 perveniamus ad victum sine fine mansurum, Jesum Christum Dominum nostrum. Per quem.
Benedictio. --Omnipotens Deus ita stadium vestri cursus dirigere dignetur, ut bravium vos aeternae vitae comprehendere faciat. Amen. Et ita vos abstinentiae armis circumdet, ut nullis vitae hujus oneribus a (196) perventione retardemini. Amen. Quique vos vineam suam vocare vobisque sanctos operarios mittere dignatus est, ipse vos sua gratia dignetur excolere, ut denario vitae perennis munerare non abnuat. Quod ipse praestare.
Ad Complendum. --Fideles tui, Deus, per tua dona firmentur, ut eadem et percipiendo requirant, et quaerendo sine fine percipiant. Per.
Super populum. --Preces populi tui, quaesumus, Domine, clementer exaudi, ut qui juste pro peccatis nostris affligimur, pro tui nominis gloria misericorditer liberemur. Per Dominum.
(197) IN SEXAGESIMA. Deus, qui conspicis quia ex nulla nostra actione confidimus, concede propitius ut contra adversa omnia Doctoris Gentium protectione muniamur. Per.
Super oblata. --Intende, quaesumus, Domine, Hostias familiae tuae, et quam sacri muneris facis esse participem, tribue (198) ad ejus plenitudinem pervenire. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui rationalem creaturam, ne, temporalibus dedita bonis, ad praemia sempiterna non tendat, ea dispensatione dignaris erudire, ut nec castigatione deficiat, nec prosperitatibus insolescat, sed hoc potius fiat ejus gloriosa devotio, quo nullis adversitatibus obruta superetur. Per Christum Dominum.
Benedictio. --Det vobis Dominus nosse mysteria regni Dei, qui jam dare dignatus est auditum verbi sui. Amen. Sicque mentes vestras seminis sui copia repleat, ut in vebis illud sibi placite fructificare concedat. Amen. Et ita vos ab omni tentatione muniat, quatenus (199) triceni, sexageni, atque centeni fructus pro suae gratiae distributione, magnificentia muneret. Amen. Quod ipse.
34 Ad Complendum. --(200) Adsit nobis, quaesumus, Domine, cibus sacer, potusque salutaris, qui et temporalem vitam muniat, et praestet aeternam. Per Dominum nostrum.
Super populum. --Tuere, quaesumus, Domine, plebem tuam, et sacram solemnitatem recolentem gratiae coelestis largitate prosequere, ut, visibilibus adjuta solatiis, ad invisibilia bona promptius incitetur. Per.
DOMINICA IN QUINQUAGESIMA. Preces nostras, quaesumus, Domine, clementer exaudi, atque a peccatorum vinculis absolutos ab omni nos adversitate custodi. Per.
Super oblata. --Haec Hostia, Domine, quaesumus, emundet nostra delicta, (201) et sacrificium celebrandum subditorum tibi corpora mentesque sanctificet. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et (202) Majestatem tuam (203) cernua devotione exorare, ut modulum terrenae fragilitatis aspiciens, non in ira tua pro nostra pravitate nos arguas, sed immensa clementia purifices, erudias, consoleris. Qui cum sine te nihil possimus facere quod tibi sit placitum, tua nobis gratia sola praestabit ut salubri conversatione vivamus. Per Christum.
Benedictio. --Omnipotens Deus sua vos benedictione confirmet, et imminenti quadragesimali abstinentiae aptos efficiat. Amen. Quique caeco supplicanti per divinitatis potentiam lumen restituit, caecitatem vestri cordis clementissimus illuminator abstergat, et lucis suae radiis mentes vestras benignus illustret. Amen. Quatenus, vitiorum sordibus emundati, et charitatis ardore solidati, coelestem haereditatem percipere valeatis illaesi. Amen. Quod ipse praestare dignetur.
Ad Complendum. --Repleti sumus, Domine, donorum participatione coelestium; praesta, quaesumus, ut eadem et sumamus jugiter, et incessabiliter ambiamus. Per.
Super populum. --De multitudine misericordiae tuae, Domine, populum tibi protege confitentem, et corporaliter gubernatum, piae mentis affectu, tuis muneribus assequendis effice promptiorem. Per Dominum nostrum.
35 FERIA IV.--(204) CAPUT JEJUNII. (205) Ad Collectam. --Concede nobis, Domine, praesidia militiae Christianae sanctis inchoare jejuniis, ut contra spiritales nequitias pugnaturi continentiae muniamur auxiliis. Per.
Ad Missam. --Praesta, quaesumus, Domine, fidelibus tuis, ut jejuniorum veneranda solemnia, et congrua pietate suscipiant, et secura devotione percurrant. Per.
Super oblata. --Fac nos, Domine, quaesumus, his muneribus offerendis convenienter aptari, quibus ipsius venerabilis (206) sacramenti celebramus exordium. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui corporali jejunio vitia comprimis, mentem elevas, virtutem largiris et praemia.--Per Christum.
Ad Complendum. --Percepta nobis, Domine, praebeant sacramenta (207) subsidium, ut et tibi grata sint nostra jejunia, et nobis proficiant ad medelam. Per.
Super populum. --Inclinantes se, Domine, Majestati tuae propitiatus intende, ut qui divino munere sunt refecti coelestibus semper nutriantur auxiliis. Per Dominum nostrum.
FERIA V INTRA QUINQUAGESIMAM. Deus, qui culpa offenderis, poenitentia placaris, preces populi tui supplicantis propitius respice, et flagella tuae iracundiae, quae pro peccatis nostris meremur, averte. Per.
Super oblata. --Sacrificiis praesentibus, Domine, quaesumus, intende placatus, ut et devotioni nostrae proficiant et saluti. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, 36 Domine sancte, Pater omnipotens, aeterne Deus: quoniam illa festa remeant quibus nostrae mortalitati procuratur immortale commercium, ac temporali vitae subrogatur aeternitas; et (208) de peccati poena, peccata mundantur, mirisque modis conficitur de perditione salvatio, ut status conditionis humanae, qui per felicitatis insolentiam venit ad tristitiam, humilis et modestus ad aeterna gaudia redeat per moerorem. Per Christum.
Ad Complendum. --Coelestis doni benedictione percepta, supplices te, Deus omnipotens, deprecamur, ut hoc idem nobis et (209) sacramenti causa sit et salutis. Per.
Super populum. --Parce, Domine, parce populo tuo, ut, dignis flagellationibus castigatus, in tua miseratione respiret. Per.
FERIA VI INTRA QUINQUAGESIMAM. Inchoata jejunia, quaesumus, Domine, benigno favore prosequere, ut observantiam, quam corporaliter exhibemus, mentibus etiam sinceris exercere valeamus. Per Dominum.
Super oblata. --Sacrificium, Domine, (210) observantiae paschalis quod offerimus, praesta, quaesumus, ut tibi et mentes nostras reddat acceptas, et continentiae promptioris nobis tribuat facultatem. Per Dominum.
Praefatio --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et majestatem tuam suppliciter deprecari, ut intelligentiae nobis spiritum benignus infundas, quo vel ipsi rationabiliter agenda cernamus, vel eis, qui (211) inutilia sentiunt, indicemus, esse (212) censendum; nec studia nostra sectemur, sed offerentibus meliora subdamur. Quoniam haec apud te sapientia est quae non suis inhaeret vitiis, sed undecunque prolatam diligit veritatem. Per Christum Dominum.
Ad Complendum. --Spiritum nobis, Domine, tuae charitatis infunde, ut quos uno coelesti pane satiasti, tua facias pietate concordes.
Super populum. --Guberna, Domine, quaesumus, plebem tuam, et tuis beneficiis semper accumula, ut et praesentis vitae subsidiis gaudeat, et aeternae. Per.
37 SABBATO INTRA QUINQUAGESIMAM. Exaudi nos, miserator et misericors Deus, et continentiae salutaris propitius nobis dona concede. Per Dominum nostrum.
Super populum. --Praepara nos, quaesumus, Domine, hujus abstinentiae festivis officiis, ut haec sacrificia veneranda sobriis semper mentibus celebremus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam suppliciter deprecari, ut mentem nostram tibi placitam benignus efficias, quae non tantum speciem bonitatis ostendat, sed justitiae fructibus illuminata clarescat, tuaeque semper dedita Majestati, beneficia desiderata percipiat. Qui necessariis prosequi muneribus non omittis quos tuo cultui praestiteris convenienter intentos. Per Christum Dominum nostrum.
Ad Complendum. --Tribue nobis, omnipotens Deus, ut dona coelestia, quae debito frequentamus obsequio, salutaria nobis jugiter sentiamus. Per.
Super populum. --Tuere, Domine, populum tuum, et ab omnibus peccatis clementer emunda, quia nulla ei nocebit adversitas, si nulla dominetur iniquitas. Per.
IN QUADRAGESIMA. Ad Missam. --Deus, qui Ecclesiam tuam annua Quadragesimali observatione purificas, praesta familiae tuae ut quod a te obtinere abstinendo nititur, hoc bonis operibus exsequatur. Per Dominum.
Super oblata. --Sacrificium Quadragesimalis initii solemniter immolamus, te, Domine, deprecantes, ut cum epularum restrictione carnalium a noxiis quoque voluptatibus temperemus. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui continuatis quadraginta diebus et noctibus hoc jejunium non esuriens dedicavit; postea enim esuriit non tam cibum hominum quam salutem; nec escarum saecularium epulas concupivit, sed animarum desideravit potius sanctitatem. Cibus namque ejus est 38 redemptio populorum. (213) Cibus ejus est totius bonae voluntatis effectus: qui nos docuit operari, non cibum, qui terrenis dapibus apparatur, sed eum qui divinarum Scripturarum lectione percipitur. Per quem.
Benedictio. --Benedicat vobis omnipotens Deus, qui quadragenarium numerum in Moysi et Eliae necnon et Mediatoris nostri jejunio consecravit, concedatque vobis ita transigere praesentis vitae dispensationem, ut, accepto a Patrefamilias remunerationis denario, perveniatis ad peccatorum omnium remissionem, et ad gloriosam cum sanctis omnibus resurrectionem. Amen. Detque vobis spiritalium virtutum invictricia [ Forte, victricia] arma, quibus exemplo Domini devincere valeatis antiqui hostis sagacissima tentamenta. Amen. Quo non in solo pane, sed in omni verbo quod de ore ejus procedit, spiritalem sumentes alimoniam, per jejuniorum observationem et caeterorum bonorum operum exhibitionem percipere mereamini immarcescibilem gloriae coronam. Amen. Quod ipse praestare dignetur.
Ad Complendum. --Tui nos, Domine, sacramenti libatio sancta restauret, et a vetustate purgatos in mysterii salutaris faciat transire consortium. Per.
Super populum. --In populum tuum, quaesumus, Domine, benedictio copiosa descendat, indulgentia veniat, consolatio tribuatur, fides sancta succrescat, redemptio sempiterna firmetur. Per.
Alia. --Da nobis, quaesumus, omnipotens Deus, aeternae promissionis gaudia quaerere, et quaesita citius invenire. Per.
Alia. --Adesto, quaesumus, Domine, supplicationibus nostris, et in tua misericordia confidentes ab omni nos adversitate custodi. Per Dominum nostrum.
Alia. --Concede, quaesumus, omnipotens Deus, ut per annua Quadragesimalis exercitia (214) sacramenti, et ad intelligendum Christi proficiamus arcanum, et effectus ejus digna conversatione sectemur. Per.
(215) Per totam Quadragesimam, quotidianis diebus, finita Missa, episcopus et clerici discedunt, et exuuntur sacris vestibus, et tunc redeunt ad Vesperos. Et nullus clericus in ecclesia (216) stat operto capite, nisi habeat infirmitatem, ullo tempore.
FERIA II INTRA QUADRAGESIMAM. Converte, nos, Deus salutaris noster, et, ut nobis jejunium Quadragesimale proficiat, mentes nostras 39 coelestibus instrue disciplinis. Per.
Super oblata. --Accepta tibi sit, Domine, nostrae devotionis oblatio, quae et jejunium nostrum, te operante, sanctificet, et indulgentiam nobis tuae consolationis obtineat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui das escam omni carni, et nos non solum carnalibus, sed etiam spiritalibus escis reficis, ut non in solo pane vivamus, sed in omni verbo tuo vitalem habeamus alimoniam; nec tantum epulando, sed etiam jejunando pascamur. Nam ut dapibus et poculis corpora, sic jejuniis et virtutibus animae saginantur. Magnam in hoc munere salubritatem mentis ac corporis contulisti, quia jejunium nobis venerabile dedicasti, ut ad paradisum, de quo non abstinendo decidimus, jejunando solemnius redeamus. Per Christum Dominum nostrum.
Ad Complendum. --Salutaris tui, Domine, munere satiati, supplices exoramus, ut cujus laetamur gustu, renovemur effectu. Per eumdem.
Super populum. --Esto, Domine, propitius plebi tuae, et temporali consolatione non deseras quam vis ad aeterna contendere. Per Dominum.
FERIA III. Respice, Domine, familiam tuam, et praesta, ut apud te mens nostra tuo desiderio fulgeat, quae se carnis maceratione castigat. Per.
Super oblata. --Oblatis, Domine, placare muneribus, et a cunctis nos defende periculis.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: in quo jejunantium fides alitur, spes provehitur, charitas roboratur. Ipse enim est panis vivus et verus qui substantia aeternitatis et esca virtutis est. Verbum enim tuum, per quod facta sunt omnia, non solum humanarum mentium, sed ipsorum panis est angelorum. Hunc panem ministrare nobis non desinis, et, ut eum indesinenter esuriamus, hortaris. Cujus carne dum pascimur, roboramur, et sanguine dum potamur, abluimur. Per quem.
Ad Complendum. --Sumpsimus, Domine, celebritatis annuae votiva sacramenta: praesta, quaesumus, ut et temporalis vitae 40 nobis (217) remedio proveniant, et aeternae. Per Dominum nostrum Jesum Christum.
Super populum. --Ascendant ad te, Domine, preces nostrae, et ab Ecclesia tua cunctam repelle nequitiam. Per.
FERIA IV MENSIS PRIMI. Preces nostras, quaesumus, Domine, clementer exaudi, et contra cuncta nobis adversantia dexteram tuae Majestatis extende. Per Dominum nostrum.
Alia. --Devotionem populi tui, Domine, quaesumus, benignus intende, ut qui per abstinentiam macerantur in corpore, per fructum boni operis reficiantur in mente. Per Dominum.
Super oblata. --Suscipe, Creator omnipotens Deus, quae jejunantes de tuae munificentiae largitate deferimus, et pro temporali nobis collata praesidio, ad vitam converte propitiatus aeternam. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui in alimentum corporis humani frugum copiam produci jussisti, et in alimentum animarum jejunii nobis medicinam indidisti. Te itaque supplices invocamus, ut tibi sit acceptabile jejunium nostrum, et nos a cibis jejunantes, peccatis absolvas. Per Christum.
Ad Complendum. --Tui, Domine, perceptione sacramenti, et a nostris mundemur occultis, et ab hostium liberemur insidiis. Per Dominum.
Super populum. --Mentes nostras, quaesumus, Domine, lumine tuae claritatis illustra, ut videre possimus quae agenda sunt, et quae recta sunt agere valeamus. Per Dominum nostrum.
FERIA V INTRA QUADRAGESIMAM. Suscipe, quaesumus, Domine, preces nostras, et ad aures misericordiae tuae postulationes sacratae tibi plebis admitte. Per Dominum.
Super oblata. --Sacrificia, Domine, quaesumus, ista nos salvent, quae medicinalibus sunt instituta jejuniis. Per.
41 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia competenter atque salubriter religiosa sunt nobis instituta jejunia, ut corporeae jucunditatis immoderatas coerceamus illecebras, et terrenae delectationis insolentia refrenato, purior atque tranquillior appetitus ad coelestia contemplanda mysteria fidelium reddatur animarum. Per Christum Dominum nostrum.
Ad Complendum. --Tuorum nos, Domine, largitate donorum, et temporalibus attolle praesidiis, et renova sempiternis. Per Dominum nostrum.
Super populum. --Da, quaesumus, Domine, populis Christianis, et quae profitentur agnoscere, et coeleste munus diligere quod frequentant. Per Dominum.
FERIA VI INTRA QUADRAGESIMAM. Esto, Domine, propitius plebi tuae, et quam tibi facis esse devotam, benigno refove miseratus auxilio. Per Dominum nostrum.
Super oblata. --Suscipe, quaesumus, Domine, nostris oblata servitiis, et tua propitius dona sanctifica. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui jejunii observatione et eleemosynarum gratissima largitione nos docuisti nostrorum consequi remedia peccatorum. Unde tuam imploramus clementiam, ut, his observationibus et caeteris bonorum operum exhibitionibus muniti, ea operemur quibus ad aeterna gaudia consequenda et spes nobis suppetat et facultas. Per Christum.
Ad Complendum. --Per hujus, Domine, operationem mysterii, et vitia nostra purgentur, et justa desideria impleantur. Per Dominum nostrum.
Super populum. --Conserva, quaesumus, Domine, populum tuum, et ab omnibus quas meretur adversitatibus redde securum, ut, tranquillitate percepta, devota tibi mente deserviat. Per.
(218) SABBATO IN XII LECTIONIBUS MENSIS PRIMI. Populum tuum, Domine, quaesumus, propitius 42 respice, atque ab eo flagella tuae iracundiae clementer averte. Per Dominum nostrum.
Alia. --Deus qui delinquentes perire non pateris, sed exspectas, ut convertantur et vivant, debitam, quaesumus, peccatis nostris suspende vindictam, et praesta propitius ne dissimulatio cumulet ultionem, sed potius per jejunium emendatio prosit ad veniam. Per.
Alia. --Protector noster aspice, Deus, ut qui majorum nostrorum pondere premimur, percepta misericordia, libera tibi mente famulemur. Per.
Alia. --Adesto, quaesumus, Domine, supplicationibus nostris, ut esse, te largiente, mereamur et inter prospera humiles et inter adversa securi. Per.
Alia. --Actiones nostras, quaesumus, Domine, et aspirando praeveni, et adjuvando prosequere, ut cuncta nostra operatio et a te semper incipiat, et per te coepta finiatur. Per.
Ad Missam. --Deus, qui tribus pueris mitigasti flammas ignium, concede propitius ut nos famulos tuos non exurat flamma vitiorum. Per Christum Dominum.
Super oblata. --Praesentibus sacrificiis, Domine, jejunia nostra sanctifica, ut quod observantia nostra profitetur extrinsecus, interius operetur. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: illuminator et Redemptor animarum nostrarum, qui nos per primum Adam, abstinentiae lege violata, paradiso ejectos, fortiores jejunii remedio ad antiquae patriae beatitudinem per gratiam revocasti. Nosque pia institutione docuisti quibus observationibus a peccatis omnibus liberemur. Per Christum Dominum nostrum.
Ad Complendum. --Sanctificationibus tuis, omnipotens Deus, et vitia nostra curentur, et (219) remedia nobis aeterna proveniant. Per Christum Dominum nostrum.
Super populum. --Ab omnibus nos, quaesumus, Domine, peccatis propitius absolve, ut percepta venia peccatorum, liberis tibi mentibus serviamus. Per.
43 DOMINICA II IN QUADRAGESIMA. Deus, qui conspicis omni nos virtute destitui, interius exteriusque custodi, ut et ab omnibus adversitatibus muniamur in corpore, et a pravis cogitationibus mundemur in mente. Per Dominum.
Super oblata. --Ecclesiae tuae, Domine, munera placatus assume, quae et misericors offerenda tribuisti, et in nostrae salutis potenter efficis transire mysterium. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam suppliciter exorare, ut mentibus nostris medicinalis observantiae munus infundas. Et qui negligentibus etiam subsidium ferre non desinis, beneficia praebeas potiora devotis. Per Christum Dominum.
Benedictio. --Omnipotens Deus, jejunii caeterarumque virtutum dedicator atque amator, sua vos benedictione sanctificet. Amen. Accendat in vobis piae devotionis affectum, et praebeat supplicantibus suum benignus auditum. Amen. Quatenus mentes vestrae sinceris purgatae jejuniis, bonorum omnium exuberent incrementis. Amen. Quod ipse praestare dignetur.
Ad Complendum. --Refecti, Domine, pane coelesti, ad vitam, quaesumus, nutriamur aeternam. Per.
Super populum. --Familiam tuam, quaesumus, Domine, propitiatus illustra, ut beneplacitis inhaerendo, cuncta quae bona sunt mereatur accipere. Per.
FERIA II IN HEBDOMADA SECUNDA. Praesta, quaesumus, omnipotens Deus, ut familia tua (220) quae se, affligendo carne, ab alimentis abstinet, sectando justitiam a culpa jejunet. Per.
Super oblata. --Haec Hostia, Domine, placationis et laudis tua nos propitiatione dignos efficiat. Per.
Praefatio. --Vere dignum et justum est, aequum et salutare, 44 nos tibi semper et ubique gratias agere, Domine sancte, Pater omnipotens, aeterne Deus: et pietatem tuam supplici devotione deposcere, ut jejunii nostri oblatione placatus, et peccatorum nobis concedas veniam, et nos a noxiis liberes insidiis. Per Christum Dominum nostrum.
Ad Complendum. --Haec nos communio, Domine, purget a crimine, et coelestis remedii faciat esse consortes. Per.
Super populum. --Tuis, quaesumus, Domine, adesto supplicibus, et inter mundanae pravitatis insidias fragilitatem nostram sempiterna pietate prosequere. Per.
FERIA III IN HEBDOMADA SECUNDA. Perfice, quaesumus, Domine, benignus in nobis observantiae sanctae subsidium, ut quae te auctore facienda cognovimus, te operante impleamus. Per Dominum.
Super oblata. --Sanctificationem tuam nobis, Domine, his mysteriis placatus operare, quae nos et a terrenis purget vitiis, et ad coelestia dona perducat. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui ob animarum medelam jejunii devotione castigari corpora praecepisti; concede, quaesumus, ut corda nostra ita pietatis tuae valeant exercere mandata, ut ad tua mereamur, te opitulante, pervenire promissa. Per Dominum nostrum.
Ad Complendum. --Ut sacris, Domine, reddamur digni muneribus: fac nos tuis, quaesumus, obedire mandatis. Per Dominum nostrum.
Super populum. --Praesta populo tuo, Domine, quaesumus, consolationis auxilium, et diuturnis calamitatibus laborantem propitius respirare concede. Per Christum Dominum nostrum.
FERIA IV IN HEBDOMADA SECUNDA. Populum tuum, Domine, propitius respice, 45 et quos ab escis carnalibus praecipis abstinere, a noxiis quoque vitiis cessare concede. Per Dominum nostrum.
Super oblata. --Hostias, Domine, quas tibi offerimus, propitius respice, et per haec sancta commercia vincula peccatorum nostrorum absolve. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum. Per quem humani generis reconciliationem mirabili dispensatione operatus es, praesta, quaesumus, ut sancto purificati jejunio, et tibi toto corde simus subjecti, et inter mundanae pravitatis insidias, te miserante perseveremus illaesi. Per quem Majestatem.
Ad Complendum. --Sumptis, Domine, sacramentis, ad (221) redemptionis aeternae, quaesumus, proficiamus augmentum. Per Dominum.
Super populum. --Deus, innocentiae restitutor et amator, dirige ad te tuorum corda servorum, ut spiritus tui fervore concepto, et in fide inveniamur stabiles, et in opere efficaces. Per Dominum.
FERIA V IN HEBDOMADA SECUNDA. Praesta nobis, Domine, quaesumus, auxilium gratiae tuae, ut, jejuniis et orationibus convenienter intenti, liberemur ab hostibus mentis et corporis. Per Dominum.
Super oblata. --Accepta tibi sint, Domine, quaesumus, nostri dona jejunii, quae et expiando nos tua gratia dignos efficiant, et ad sempiterna promissa perducant. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam cum celebratione jejunii pietatem devotis mentibus obsecrare, ut qui, peccatis ingruentibus, malorum pondere premimur, et a peccatis omnibus liberemur, et libera tibi mente famulemur. Per Christum Dominum nostrum.
Ad Complendum. --Gratia tua nos, quaesumus, Domine, non derelinquat, quae et sacrae nos deditos faciat servituti, et tuam nobis opem semper acquirat. Per Dominum nostrum.
46 Super populum. --Adesto, Domine, famulis tuis, et perpetuam benignitatem largire poscentibus, ut his qui te auctore et gubernatore gloriantur, et congregata restaures, et restaurata conserves. Per Dominum.
FERIA VI IN HEBDOMADA SECUNDA. Da, quaesumus, omnipotens Deus, ut sacro nos purificante jejunio, sinceris mentibus ad sancta ventura facias pervenire. Per Dominum nostrum.
Super oblata. --Haec in nobis sacrificia, Deus, et sanctificatione permaneant, et operatione firmentur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui delinquentes perire non pateris, sed ut ad te convertantur et vivant hortaris. Poscimus itaque pietatem tuam ut a peccatis nostris tuae severitatis suspendas vindictam, et nobis optatam misericorditer tribuas veniam; nec iniquitatum nostrarum molestia provocet ad ultionem, sed jejunii observatio et morum emendatio te flectat ad peccatorum nostrorum remissionem. Per Christum Dominum nostrum.
Ad Complendum. --Fac nos, quaesumus, Domine, accepto pignore salutis aeternae sic tendere congruenter, ut ad eam pervenire possimus. Per Dominum.
Super populum. --Da, quaesumus, Domine, populo tuo salutem mentis et corporis, ut, bonis operibus inhaerendo, tuae semper virtutis mereatur protectione defendi. Per.
SABBATO IN HEBDOMADA SECUNDA. Da, quaesumus, Domine, nostris effectum jejuniis salutarem, ut castigatio carnis assumpta ad nostrarum vegetationem transeat animarum.
Super oblata. --His sacrificiis, Domine, concede placatus, ut qui propriis oramus absolvi delictis, non gravemur (222) externis. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, 47 Pater omnipotens, aeterne Deus: et tuam jugiter exorare clementiam, ut mentes nostras, quas conspicis terrenis affectibus praegravari, medicinalibus tribuas jejuniis exonerari, et per afflictionem corporum proveniat nobis robur animarum. Per Christum.
Ad Complendum. --Sacramenti tui, Domine, divina libatio penetralia nostri cordis infundat, et sui participes potenter efficiat. Per Christum Dominum nostrum.
Super populum. --Familiam tuam, quaesumus, Domine, continua pietate custodi, ut quae in sola spe gratiae coelestis innititur, coelesti etiam protectione muniatur. Per eumdem.
DOMINICA III IN QUADRAGESIMA. Quaesumus, omnipotens Deus, vota humilium respice, atque ad defensionem nostram dexteram tuae Majestatis extende. Per Dominum
Super oblata. --Suscipe, quaesumus, Domine, devotorum munera famulorum, et tua divinis purifica servientes pietate mysteriis, quibus etiam justificas (223) ignorantes. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te suppliciter exorare, ut cum abstinentia corporali mens quoque nostra sensus declinet illicitos. Et (224) quae terrena delectatione carnalibus epulis abnegamus, humanae voluntatis pravis intentionibus amputemus. Quatenus ad sancta sanctorum fideliter salubriterque capienda competenti jejunio valeamus aptari. Tanto nobis certi propensius jugiter adfutura, quanto fuerimus eorum institutionibus gratiores. Per.
Benedictio. -- Omnipotens Deus jejuniorum vestrorum victimas clementer accipiat, et sua vos benedictione dignos efficiat. Amen. Mentes vestras ita parcimoniae dono contra vitia muniat, praeceptorum suorum doctrinis erudiat, charitatis dono repleat, ut vos in omnibus sibi placere concedat. Amen. Quatenus, praesentis Quadragesimae diebus devotissime celebratis, ad Paschalia festa purificatis cordibus accedere valeatis. Amen. Quod ipse praestare.
Ad Complendum. --Cunctis nos, Domine, reatibus et periculis propitiatus absolve, quos tanti mysterii tribuis esse participes. Per Dominum nostrum.
48 Super populum. --Subjectum tibi populum, quaesumus, Domine, propitiatio coelestis amplificet, et tuis semper faciat servire mandatis.
FERIA II IN HEBDOMADA TERTIA. Cordibus nostris, quaesumus, Domine, benignus infunde, ut sicut ab escis corporalibus abstinemus, ita sensus quoque nostros a noxiis retrahamus excessibus. Per Dominum nostrum.
Super oblata. --Munus quod tibi, Domine, nostrae servitutis offerimus, tu salutare nobis perfice sacramentum. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, artene Deus: et clementiam tuam cum omni supplicatione precari, ut per hanc jejuniorum observationem crescat nostrae devotionis affectus, et nostras actiones religiosus exornet effectus; quatenus, te auxiliante, et ab humanis semper retrahamur excessibus, et monitis inhaerere valeamus, te largiente, coelestibus. Per Christum Dominum nostrum.
Ad Complendum. --Praesta, quaesumus, omnipotens et misericors Deus, ut quae ore contingimus pura mente capiamus. Per Dominum nostrum.
Super populum. --Conserva, Domine, familiam tuam bonis semper operibus eruditam, et sic praesentibus consolare subsidiis, ut ad superna perducas dona propitius. Per Dominum nostrum.
FERIA III IN HEBDOMADA TERTIA. Exaudi nos, omnipotens et misericors Deus, et continentiae salutaris propitius nobis dona concede. Per.
Super oblata. Per haec veniat, quaesumus, Domine, sacramenta (225) nostrae redemptionis effectus, qui nos et ab humanis retrahat semper excessibus, et ad salutaria cuncta perducat. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui peccantium non vis animas perire, sed culpas; et peccantes non semper continuo judicas, sed ad poenitentiam provocatos exspectas. Averte, quaesumus, 49 a nobis quam meremur iram, et quam optamus super nos effunde clementiam, ut, sacro purificati jejunio, electorum tuorum ascisci mereamur collegio. Per Christum Dominum nostrum.
Ad Complendum. --Sacris, Domine, mysteriis expiati, et veniam consequamur et gratiam. Per.
Super populum. --Concede, misericors Deus, ut devotus tibi populus semper existat, et de tua clementia, quod ei prosit, indesinenter obtineat. Per.
FERIA IV IN HEBDOMADA TERTIA. Praesta nobis, quaesumus, Domine, ut salutaribus jejuniis eruditi, a noxiis quoque vitiis abstinentes, propitiationem tuam facilius impetremus. Per.
Super oblata. --Suscipe, quaesumus, Domine, preces populi tui cum oblationibus hostiarum, et tua mysteria celebrantes ab omnibus nos defende periculis. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: tuamque misericordiam suppliciter exorare, ut jejuniorum nostrorum sacrosancta mysteria tuae sint pietati semper accepta; concedasque ut quorum corpora abstinentiae observatione macerantur, mentes quoque virtutibus et coelestibus institutis exornentur. Per Christum Dominum nostrum.
Ad Complendum. --Sanctificet nos, Domine, qua pasti sumus, mensa coelestis, et a cunctis erroribus expiatos (226) supernis promissionibus reddat acceptos. Per Dominum.
Super populum. --Defende, Domine, familiam tuam, et toto tibi corde prostratam ab hostium tuere formidine; nec bona tua difficulter inveniat, pro quibus et sancti tui et angelicae tibi supplicant potestates. Per Dominum nostrum.
FERIA V IN HEBDOMADA TERTIA. Concede, quaesumus, omnipotens Deus, ut qui protectionis tuae gratiam quaerimus, liberati a malis omnibus, secura tibi mente serviamus. Per.
Super oblata. --Deus, de cujus gratiae rore descendit ut ad mysteria tua, purgatis sensibus, accedamus, praesta, quaesumus, ut in eorum traditione solemniter honoranda competens deferamus obsequium. Per.
50 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam immensam clementiam supplici voto deposcere, ut nos famulos tuos, et jejunii maceratione castigatos, et caeteris bonorum operum exhibitionibus eruditos, in mandatis tuis facias perseverare sinceros, et ad paschalia festa pervenire illaesos; sicque praesentibus subsidiis consolemur, quatenus ad aeterna gaudia pertingere mereamur. Per Christum Dominum.
Ad Complendum. --Sacramenti tui, Domine, veneranda perceptio, et mystico nos mundet effectu, et perpetua virtute defendat. Per Dominum.
Super populum. --Conserva, quaesumus, Domine, populum tuum, et gratiae tuae in eo dona multiplica, ut ab omnibus liber offensis, et temporalibus non destituatur auxiliis, et sempiternis gaudeat institutis. Per Dominum nostrum.
FERIA VI IN HEBDOMADA. Jejunia nostra, quaesumus, Domine, benigno favore prosequere, ut sicut ab alimentis in corpore, ita a vitiis jejunemus in mente. Per.
Super oblata. --Respice, Domine, propitius ad munera quae sacramus, ut et tibi sint grata, et nobis salutaria semper existant. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui ad insinuandum humilitatis suae mysterium, fatigatus resedit ad puteum; qui a muliere Samaritana aquae sibi petiit porrigi potum, qui in ea creaverat fidei donum. Et ita ejus sitire dignatus est fidem, ut dum ab ea aquam peteret, in ea ignem divini amoris accenderet. Imploramus itaque tuam immensam clementiam, ut contemnentes tenebrosam profunditatem vitiorum, et relinquentes noxiarum (227) hydriam cupiditatum, et te, qui fons vitae et origo bonitatis es, semper sitiamus, et jejuniorum nostrorum observatione tibi placeamus. Per quem Majestatem.
Ad Complendum. --Hujus nos, Domine, perceptio sacramenti mundet a crimine, et ad coelestia regna perducat. Per.
Super populum. --Gaudeat, Domine, quaesumus, populus, tua semper benedictione confisus, ut et temporalibus beneficiis adjuvetur, et erudiatur aeternis. Per Dominum.
51 SABBATO IN HEBDOM. TERTIA. Praesta, quaesumus, omnipotens Deus, ut dignitas conditionis humanae per immoderantiam sauciata, medicinalis parcimoniae studio reformetur. Per Dominum.
Super oblata. --Concede, quaesumus, omnipotens Deus, ut hujus sacrificii munus fragilitatem nostram ab omni malo purget semper et muniat. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui jejunii Quadragesimalis observationem in Moyse et Elia dedicasti, et in Unigenito Filio tuo, legis et prophetarum nostroque omnium Domino, exornasti. Tuam igitur immensam bonitatem supplices exposcimus, ut quod ille jugi jejuniorum complevit continuatione, nos adimplere valeamus illius adjuti largissima miseratione, et adimplentes ea quae praecepit, dona percipere mereamur quae promisit. Per quem.
Ad Complendum. --Quaesumus, omnipotens Deus, ut inter ejus membra numeremur cujus corpori communicamus et sanguini. Per Dominum.
Super populum. --Praetende, Domine, fidelibus tuis dexteram coelestis auxilii, ut te toto corde perquirant, et quae digne postulant consequi mereantur. Per Dominum nostrum.
DOMINICA IV IN QUADRAGESIMA. Concede, quaesumus, omnipotens Deus, ut qui ex merito nostrae actionis affligimur, tuae gratiae consolatione respiremus. Per Dominum nostrum.
Super oblata. --Suscipe, Domine, sacrificium cujus te voluisti dignanter immolatione placari, et praesta, quaesumus, ut hujus operatione mundati, beneplacitum tibi nostrae mentis offeramus affectum. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te Creatorem omnium de praeteritis fructibus glorificare, et de venturis suppliciter exorare, ut cum de perceptis non invenimur ingrati, de percipiendis non judicemur indigni; sed exhibitis toties solemni devotione jejuniis, cum subsidiis corporalibus 52 profectum quoque capiamus animarum. Per Christum Dominum.
Benedictio. --Deus, qui vos ad praesentium Quadragesimalium dierum medietatem dignatus est perducere, ipse vos sua miseratione dignetur benedicere. Amen. Abstinentiam vestram praeteritam acceptet, futuram sibi placitam reddat, ut sicut ab illicitis cibis, ita vos etiam a vitiis omnibus abstinere concedat. Amen. Quo de praeteritis et futuris charismatum frugibus ei grates persolventes, ad sanctum Pascha pervenire possitis (228) indemnes. Quod ipse praestare dignetur.
Ad Complendum. --Da nobis, misericors Deus, ut sancta tua, quibus incessanter explemur, sinceris tractemus obsequiis, et semper fideli mente sumamus. Per.
Super populum. --Deus qui in deserti regione multitudinem populi tua virtute satiasti, in hujus quoque saeculi transeuntis excursu victum nobis spiritalem, ne deficiamus, impende. Qui vivis et regnas.
FERIA II IN HEBDOMADA QUARTA. Praesta, quaesumus, omnipotens Deus, ut observationes sacras annua devotione recolentes, et corpore tibi placeamus et mente. Per.
Super oblata. --Oblatum tibi, Domine, sacrificium vivificet nos semper et muniat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam suppliciter misericordiam implorare, ut exercitatio veneranda jejunii salutaris, nos a peccatorum nostrorum maculis purgatos reddat, et ad supernorum civium societatem perducat, ut et hic devotorum actuum sumamus augmentum, et illic aeternae beatitudinis percipiamus emolumentum. Per Christum Dominum nostrum.
Ad Complendum. --Divini satiati muneris largitate, quaesumus, Domine Deus noster, ut in hujus semper participatione vivamus. Per Dominum nostrum.
Super populum. --Proficiat, quaesumus, Domine, plebs tibi dicata piae devotionis affectu, ut sacris actionibus erudita, quanto Majestati tuae fit gratior, tanto donis potioribus augeatur. Per Dominum.
53 FERIA III IN HEBDOM. IV QUADRAGESIMAE. Sacrae nobis, Domine, quaesumus, observationis jejunia, et piae conversationis augmentum, et tuae propitiationis continuum praestent auxilium. Per Dominum.
Super oblata. --Purifica nos, misericors Deus, ut Ecclesiae tuae preces, quae tibi gratae sunt, pia munera deferentis, fiant expiatis mentibus gratiores. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Mediatorem Dei et hominum, Jesum Christum Dominum nostrum: qui mediante die festo ascendit in templum docere, qui de coelo descendit, mundum ab ignorantiae tenebris liberare; cujus descensus genus humanum doctrina salutari instruit, mors a perpetua morte redemit, ascensio ad coelestia regna perducit. Per quem te, summe Pater, poscimus, ut, ejus institutione edocti, salutaris parcimoniae devotione purificati, ad tua perveniamus promissa securi. Per quem Majestatem tuam.
Ad Complendum. --Coelestia dona capientibus, quaesumus, Domine, non ad judicium pervenire patiaris quod fidelibus tuis ad remedium providisti. Per.
Super populum. -- Tueatur, quaesumus, Domine, dextera tua populum tuum deprecantem, et purificatum dignanter erudiat, ut consolatione praesenti ad futura bona proficiat. Per Dominum nostrum.
FERIA IV IN HEBDOMADA QUARTA. Omnipotens sempiterne Deus, qui et justis praemia meritorum, et peccatoribus per jejunium veniam praebes, miserere supplicibus, parce peccantibus, ut reatus nostri confessio indulgentiam valeat percipere delictorum. Per Dominum nostrum.
Alia. --Praesta, quaesumus, omnipotens Deus, ut quos jejunia votiva castigant, ipsa quoque devotio sancta laetificet, ut, terrenis affectibus mitigatis, facilius coelestia capiamus. Per Dominum.
Super oblata. --Supplices, Domine, te rogamus, ut his sacrificiis peccata nostra mundentur, quia tunc veram 54 nobis tribuis et mentis et corporis sanitatem. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui illuminatione suae fidei tenebras expulit mundi, et genus humanum, quod primae matris uterus profuderat caecum, Incarnationis suae mysterio reddidit illuminatum, fecitque filios adoptionis, qui tenebantur vinculis justae damnationis. Per ipsum te petimus, ut tales in ejus inveniamur justissima examinatione, quales facti sumus in lavacri salutaris felicissima regeneratione, ut, ejus Incarnationis medicamine imbuti, sacrosancti lavacri ablutione loti, parcimoniae devotione ornati, ad aeterna gaudia perveniamus illaesi. Per quem Majestatem.
Ad Complendum. --Sacramenta quae sumpsimus, Domine Deus noster, et spiritalibus nos repleant alimentis, et corporalibus tueantur auxiliis. Per Dominum nostrum.
Super populum. --Pateant aures misericordiae tuae, Domine, precibus supplicantium, et, ut petentibus desiderata concedas, fac eos quae tibi sunt placita postulare. Per.
FERIA V IN HEBDOMADA QUARTA. Praesta, quaesumus, omnipotens Deus, ut qui in tua protectione confidimus, cuncta nobis adversantia, te adjuvante, superemus. Per Dominum nostrum.
Super oblata. --Efficiatur haec Hostia, Domine, quaesumus, solemnibus grata jejuniis: et, ut tibi fiat acceptior, purificatis mentibus immoletur. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: cujus bonitas hominem condidit, justitia damnavit, misericordia redemit. Te humiliter exoramus ut sicut per illicitos appetitus a beata regione decidimus, sic ad aeternam patriam per abstinentiam redeamus. Sicque moderetur tua miseratione nostra fragilitas, ut et transitoriis subsidiis nostra sustentetur mortalitas, et per bonorum operum incrementa beata acquiratur immortalitas. Per Christum.
Ad Complendum. --Sancta tua nos, Domine, quaesumus, et vivificando renovent, et renovando vivificent. Per Dominum nostrum.
55 Super populum. --Populi tui, Deus, institutor et rector, peccata quibus impugnatur expelle, ut semper tibi placitus, et tuo munimine sit securus. Per eumdem Dominum.
FERIA VI IN HEBDOMADA QUARTA. Deus, qui ineffabilibus mundum renovas sacramentis, praesta, quaesumus, ut Ecclesia tua et aeternis proficiat institutis, et temporalibus non destituatur auxiliis. Per.
Super oblata. --Munera nos, quaesumus, Domine, oblata purificent, et te nobis jugiter faciant esse placatum. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum. Qui est dies aeternus, lux indeficiens, claritas sempiterna. Qui sic sequaces suos in luce praecepit ambulare, ut noctis aeternae valeant caliginem evadere, et ad lucis patriam feliciter pervenire. Qui per humilitatem assumptae humanitatis Lazarum flevit, per Divinitatis potentiam vitae reddidit, genusque humanum (229) quadrifida peccatorum mole obrutum ad vitam reduxit. Per quem petimus jejunii observatione a peccatorum nostrorum nexibus solvi, aeternae vitae felicitati reddi, et sanctorum coetibus connumerari. Per quem.
Ad Complendum. --Haec nos, quaesumus, Domine, participatio sacramenti, et propriis reatibus indesinenter expediat, et ab omnibus tueatur adversis. Per.
Super populum. --Da, quaesumus, omnipotens Deus, ut qui infirmitatis nostrae conscii de tua virtute confidimus, sub tua semper pietate gaudeamus. Per.
SABBATO IN HEBDOM. QUARTA. Fiat, Domine, quaesumus, per gratiam tuam fructuosus nostrae devotionis affectus, quia tunc nobis proderunt suscepta jejunia, si tuae sint placita pietati. Per Dominum nostrum.
Super oblata. --Oblationibus, quaesumus, Domine, placare susceptis, et ad te nostras, etiam rebelles, compelle propitius voluntates. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: misericordiae 56 dator et totius bonitatis auctor, qui jejuniis, orationibus et eleemosynis peccatorum remedia et virtutum omnium tribuis incrementa. Te humili devotione precamur, ut qui ad haec agenda saluberrimam dedisti doctrinam, ad complendum indefessam tribuas efficaciam, ut obedienter tua exsequentes praecepta, feliciter tua capiamus promissa. Per Christum Dominum nostrum.
Ad Complendum. --Tua, nos, quaesumus, Domine, sancta purificent, et operatione sua perficiant esse placitos. Per Dominum nostrum.
Super populum. --Deus qui sperantibus in te, misereri potius eligis quam irasci, da nobis digne flere mala quae fecimus, ut tuae consolationis gratiam invenire valeamus. Per.
DOMINICA V IN QUADRAGESIMA. DE PASSIONE DOMINI. Quaesumus, omnipotens Deus, familiam tuam propitius respice, ut te largiente regatur in corpore, et te servante custodiatur in mente. Per Dominum.
Super oblata. --Haec munera, Domine, quaesumus, et vincula nostrae pravitatis absolvant, et tuae nobis misericordiae dona concilient. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: Majestatem tuam propensius implorantes, ut quanto magis dies salutiferae festivitatis accedit, tanto devotius ad ejus digne celebrandum proficiamus paschale mysterium. Per Christum Dominum nostrum.
Benedictio. --Accendat in vobis Dominus vim sui amoris, et per jejuniorum observantiam infundat in vobis donum suae benedictionis. Amen. Sic ei parcimoniae victimas offeratis, ut contriti ei cordis et humiliati sacrificio placeatis. Amen. Quatenus oratio vestra jejunii et eleemosynae alis subvecta ad aures vestri conditoris ascendat, ut vos aeternae beatitudinis haeredes, et supernorum civium consortes efficiat. Amen. Quod ipse praestare dignetur.
Ad Complendum. --Adesto, nobis, Domine, Deus noster, et quos tuis mysteriis recreasti, perpetuis defende praesidiis. Per Dominum nostrum.
Super populum. --Da, quaesumus, Domine, nobis perseverantem in tua voluntate famulatum, ut in diebus nostris, 57 et merito et numero populus tibi serviens augeatur. Per Dominum nostrum.
FERIA II IN HEBDOMADA QUINTA. Sanctifica, quaesumus, Domine, nostra jejunia, et cunctarum nobis propitius indulgentiam largire culparum. Per Dominum nostrum.
Super oblata. --Concede nobis, Domine Deus noster, ut haec Hostia salutaris, et nostrorum fiat purgatio delictorum, et tuae propitiatio Majestatis. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: te suppliciter exorantes ut sic nostra sanctificentur jejunia, quo cunctorum nobis peccatorum proveniat indulgentia, quatenus, appropinquante Unigeniti Filii tui passione, bonorum operum tibi placere valeamus exhibitione. Per quem Majestatem.
Ad Complendum. --Sacramenti tui, quaesumus, Domine, participatio salutaris et purificationem nobis praebeat et medelam. Per Dominum nostrum.
Super populum. --Benedictio, quaesumus, Domine, in tuos fideles copiosa descendat, et quam subjectis cordibus expetunt largiter consequantur. Per.
FERIA III IN HEBDOMADA QUINTA. Nostra tibi, quaesumus, Domine, sint accepta jejunia, quae nos et expiando gratia tua dignos efficiant, et ad (230) remedia perducant aeterna. Per Dominum.
Super oblata. --Hostias tibi, Domine, deferimus immolandas: quaesumus, temporalem consolationem nobis impendant, ut promissa certius non desperemus aeterna. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te devotis mentibus supplicare, ut nos interius exteriusque restaures, et parcimonia salutari a peccatorum sordibus purges. Et quos illecebrosis delectationibus non vis impediri, spiritalium virtutum facias vigore muniri, et sic in rebus transitoriis foveas, ut perpetuis inhaerere concedas. Per Christum Dominum nostrum.
58 Ad Complendum. --Da, quaesumus, omnipotens Deus, ut quae divina sunt, jugiter exsequentes, donis mereamur coelestibus appropinquare. Per Dominum nostrum.
Super populum. --Libera, quaesumus, Domine, a peccatis et hostibus tibi populum supplicantem, ut sancta conversatione viventes, nullis inficiantur adversis. Per eumdem Dominum nostrum.
FERIA IV IN HEBDOMADA QUINTA. Sanctificato hoc jejunio, Deus, tuorum corda fidelium miseratus illustra, et quibus devotionis praestas affectum, praebe supplicantibus pium benignus auditum. Per Dominum.
Super oblata. --Annue, misericors Deus, ut hostias placationis et laudis sincero tibi deferamus obsequio. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te supplici devotione exorare, ut per jejunia, quae sacris institutis exsequimur, a cunctis reatibus emundari mereamur, tuamque percipere valeamus propitiationem, qui praeparamur ad celebrandam Unigeniti Filii tui passionem. Per quem Majestatem.
Ad Complendum. --Coelestis doni benedictione percepta, supplices te, Deus omnipotens, deprecamur, ut hoc idem nobis et (231) sacramenti causa sit et salutis. Per Dominum.
Alia. --Exaudi, quaesumus, Domine, gemitum populi supplicantis, et qui de meritorum qualitate diffidimus, non judicium, sed misericordiam consequi mereamur. Per Dominum.
FERIA V IN HEBDOMADA QUINTA. Tribue nobis, quaesumus, indulgentiam peccatorum, ut instituta jejunia tibi placitis sensibus operemur. Per Dominum.
Super oblata. --Concede nobis, Domine, quaesumus, ut celebraturi sancta mysteria, non solum abstinentiam corporalem, sed, quod est potius, habeamus mentium puritatem. Per.
59 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui sic nos tribuis solemne tibi deferre jejunium, ut indulgentiae tuae speremus nos percipere subsidium; sic nos instituis ad celebranda Paschalia festa, ut per haec acquiramus gaudia sempiterna. Per Christum Dominum.
Ad Complendum. --Vegetet nos, Domine, semper, et innovet tuae mensae libatio, quae fragilitatem nostram gubernet et protegat, et in portum perpetuae salutis inducat. Per Dominum nostrum.
Super populum. --Concede, misericors Deus, ut sicut nos tribuis solemne tibi deferre jejunium, sic nobis indulgentiae tuae praebeas benignus auxilium. Per.
FERIA VI IN HEBDOMADA QUINTA. Cordibus nostris, Domine, benignus infunde, ut, peccata nostra castigatione voluntaria cohibentes, temporaliter potius maceremur quam suppliciis deputemur aeternis. Per.
Super oblata. --Praesta nobis, misericors Deus, ut digne tuis semper servire altaribus mereamur, et eorum perpetua participatione salvari. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: (232) cujus nos misericordia praevenit ut bene agamus, subsequitur ne frustra agamus, accendit intentionem qua ad bona opera peragenda inardescamus, tribuit efficaciam qua haec ad perfectum perducere valeamus. Tuam ergo clementiam indefessis vocibus obsecramus, ut nos jejunii victimis a peccatis mundatos ad celebrandam Unigeniti Filii tui Domini nostri passionem facias esse devotos. Per quem Majestatem.
Ad Complendum. --Sumpti sacrificii, Domine, perpetua nos tuitio non relinquat, et noxia semper a nobis cuncta depellat. Per Dominum nostrum.
Super populum. --Protege, Domine, populum tuum, et in Majestatis tuae patrocinio confidentem perpetua defensione guberna. Per.
60 SABBATUM ANTE RAMOS PALMARUM. Omnipotens sempiterne Deus, clementiam tuam suppliciter exoramus, ut qui mala nostra semper praevenis miserando, facias tibi placitos, et piis actionibus et jejuniis salubribus expiando. Per.
Super oblata. --Praesta, quaesumus, omnipotens Deus, ut jejuniorum placatus sacrificiis, remissionis tuae nos venia prosequaris. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: cujus nos fides excitat, spes erigit, charitas jungit. Cujus miseratio gratuita purificat quos conscientiae reatus accusat. Te igitur cum interno rugitu deprecamur, ut, carnalis alimoniae refrenatione castigati, ad celebrandum paschale mysterium inveniamur idonei. Per Christum.
Ad Complendum. --Adesto, Domine, fidelibus tuis, et quos coelestibus reficis sacramentis, a terrenis conserva periculis. Per Dominum nostrum.
Super populum. --Plebs tua, Domine, quaesumus, benedictionis sanctae munus accipiat, per quod et noxia quaeque declinet, et optata reperiat. Per Dominum.
(233) DOM. IN RAMIS PALMARUM. Omnipotens sempiterne Deus, qui humano generi ad imitandum humilitatis exemplum Salvatorem nostrum carnem sumere et crucem subire fecisti, concede propitius ut et patientiae ipsius habere documenta, et Resurrectionis consortia mereamur. Qui tecum vivit.
Super oblata. --Concede, quaesumus, Domine, ut oculis tuae Majestatis munus oblatum, et gratiam nobis devotionis obtineat, et effectum beatae perennitatis acquirat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: per quem nobis indulgentia largitur, et pax per omne saeculum praedicatur, traditur cunctis credentibus disciplina, ut sanctificatos nos possit dies venturus excipere. Et ideo cum angelis.
61 Benedictio. --Benedicat vobis omnipotens Deus, cui et jejuniorum maceratione, et praesentium dierum observatione placere studetis. Amen. Concedatque vobis ut sicut ei (234) cum ramis palmarum caeterarumve frondium praesentari studuistis, ita cum palma victoriae et fructu bonorum operum post obitum apparere valeatis. Amen. Quique Unigeniti Filii ejus passionem puro corde creditis, mente devota venerari studetis, ad resurrectionis ejus festa et vestrae remunerationis praemia ipsius fulti munimine veniatis. Amen. Quod ipse praestare dignetur.
Ad Complendum. --Praesta nobis, omnipotens Deus, ut quia vitiis subjacet nostra mortalitas, tua nos medicina purificet, et potentia tueatur. Per.
Super populum. --Da, misericors Deus, ut quod in tui Filii passione mundus exercuit, salutare nobis fidelibus sentiamus. Per.
FERIA II POST PALMAS. (235) Da, quaesumus, omnipotens Deus, ut qui in tot adversis ex nostra infirmitate deficimus, intercedente Unigeniti Filii tui passione respiremus. Qui tecum.
Alia. --Reminiscere miserationum tuarum, Domine, et famulos tuos aeterna protectione sanctifica: pro quibus Jesus Christus Filius tuus per suum cruorem nobis instituit paschale mysterium. Qui tecum vivit.
Super Oblata. --Haec sacrificia nos, omnipotens Deus, potenti virtute mundatos ad suum faciant puriores venire principium. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus nos humanitas colligit, (236) humilitas erigit, traditio absolvit, poena redemit, crux salvificat, sanguis emaculat, caro saginat. Per quem, te, summe Pater, cum jejuniorum obsequiis obsecramus, ut ad ejus celebrandam passionem purificatis mentibus accedamus. Per quem.
Ad Complendum. --Praebeant nobis, Domine, divinum tua sancta fervorem, quo eorum pariter et actu delectemur et fructu. Per Dominum nostrum.
Super populum. --Adjuva nos, Deus salutaris noster, et ad beneficia recolenda, quibus nos instaurare dignatus es, 62 tribue venire gaudentes. Per Dominum nostrum.
FERIA III POST PALMAS. Omnipotens sempiterne Deus, da nobis ita dominicae passionis (237) sacramenta peragere, ut indulgentiam percipere mereamur. Per eumdem.
Alia. --Omnipotens sempiterne Deus, qui Christi tui beata passione nos reparas, conserva in nobis opera misericordiae tuae, ut in hujus celebritate mysterii perpetua devotione vivamus. Per.
Super oblata. --Sacrificia nos, quaesumus, Domine, propensius ista restaurent, (238) quae medicinalibus sunt instituta jejuniis. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus salutiferae passionis, et gloriosae Resurrectionis dies appropinquare noscuntur, in quibus et antiqui hostis superbia triumphatur, et nostrae redemptionis mysterium celebratur. Unde poscimus tuam immensam clementiam, ut sicut in eo solo consistit totius nostrae salvationis summa, ita per eum tibi sit jejuniorum et actuum nostrorum semper victima grata. Per quem.
Ad Complendum. --Repleti, Domine, sacri muneris gratia, supplices exoramus, ut quae gustu corporeo dulci veneratione contingimus, dulciora mentibus sentiamus. Per Dominum nostrum.
Super populum. --Tua nos misericordia, Deus, et omni subreptione vetustatis expurget, et capaces sanctae novitatis efficiat. Per Dominum.
FERIA IV. Hora tertia pontifex cum clero et ordine suo procedit ad altare in ecclesia majore: et (239) dicit Orationes solemnes hoc ordine: (240) Oremus. Et Diaconus: (241) Flectamus genua. (242) Postquam oraverint, (243) dicit, Levate. Et pontifex dat orationem.
Deus, a quo et Judas reatus sui poenam et confessionis suae latro praemium sumpsit, concede nobis tuae propitiationis effectum, ut sicut in passione sua Jesus Christus Dominus noster diversa utrisque intulit stipendia meritorum, ita nobis, ablato vetustatis errore, resurrectionis suae gratiam largiatur. Qui tecum.
Post, Amen sequitur, et dicit Orationes solemnes: (244) tantummodo pro se intermittit. Alii vero sacerdotes in suis ecclesiis pro eo dicunt. Et cum in caeteris flectant genua, (245) pro Judaeis non flectant.
63 Oremus, dilectissimi nobis, pro Ecclesia sancta Dei; ut eam Deus et Dominus noster pacificare et custodire dignetur toto orbe terrarum, subjiciens ei principatus et potestates, detque nobis quietam et tranquillam vitam degentibus, glorificare Deum Patrem omnipotentem.
Oremus. Dicit Diaconus: Flectamus genua. Postquam oraverint, dicit: Levate.
Omnipotens sempiterne Deus, qui gloriam tuam omnibus in Christo gentibus revelasti, custodi opera misericordiae tuae, ut Ecclesiae tua toto orbe diffusa stabili fide in confessione tui nominis perseveret. Per eumdem Dominum nostrum.
Oremus et pro beatissimo papa nostro Ill., ut Deus et Dominus noster, qui elegit eum in ordinem episcopatus, salvum atque incolumem custodiat Ecclesiae suae sanctae ad regendum populum sanctum Dei.
Oremus. --Omnipotens sempiterne Deus, cujus judicio universa fundantur, respice propitius ad preces nostras, et electum nobis antistitem tua pietate conserva, ut Christiana plebs, quae tali gubernatur auctore, sub tanto pontifice, credulitatis suae meritis augeatur. Per Dominum nostrum Jesum Christum.
Oremus et pro omnibus episcopis, presbyteris, diaconibus, subdiaconibus, acolythis, exorcistis, lectoribus, ostiariis, (246) confessoribus, (247) virginibus, (248) viduis, et pro omni populo sancto Dei.
Oremus. --Omnipotens sempiterne Deus, cujus spiritu totum corpus Ecclesiae sanctificatur et regitur, exaudi nos pro universis ordinibus supplicantes, ut gratiae tuae munere ab omnibus tibi gradibus fideliter serviatur. Per eumdem Dominum.
Oremus et pro (249) Christianissimo rege nostro Ill., ut Deus et Dominus noster subditas illi faciat omnes barbaras nationes, ad nostram perpetuam pacem.
Oremus. --Omnipotens sempiterne Deus in cujus manu sunt omnium potestates et omnia jura regnorum, (250) respice ad Romanorum atque Francorum benignus imperium, ut gentes quae in sua feritate confidunt potentiae tuae dextera comprimantur. Per.
Oremus et pro catechumenis nostris, ut et Deus et Dominus noster adaperiat aures praecordiorum ipsorum, januamque misericordiae, ut per lavacrum regenerationis, accepta remissione omnium peccatorum, et ipsi inveniantur in Christo Jesu Domino nostro.
Oremus. --Omnipotens sempiterne Deus, qui Ecclesiam tuam nova semper prole fecundas, auge fidem et intellectum catechumenis nostris, ut, renati fonte baptismatis, adoptionis tuae filiis aggregentur. Per.
Oremus, dilectissimi nobis, Deum Patrem omnipotentem, ut cunctis mundum purget erroribus, morbos auferat, famem depellat, aperiat carceres, 64 vincula dissolvat, peregrinantibus reditum, infirmantibus sanitatem, navigantibus portum salutis indulgeat.
Oremus. --Omnipotens sempiterne Deus moestorum consolatio, laborantium fortitudo, perveniant ad te preces de quacunque tribulatione clamantium, ut omnes sibi in necessitatibus suis misericordiam tuam gaudeant adfuisse. Per.
Oremus et pro haereticis atque schismaticis, ut Deus ac Dominus noster eruat eos ab erroribus universis, et ad sanctam matrem Ecclesiam catholicam atque apostolicam revocare dignetur.
Oremus. --Omnipotens sempiterne Deus, qui salvas omnes, et neminem vis perire, respice ad animas diabolica fraude deceptas, ut, omni haeretica pravitate deposita, errantium corda resipiscant, et ad veritatis tuae redeant unitatem. Per Dominum nostrum.
Oremus et pro perfidis Judaeis, ut Deus et Dominus noster auferat velamen de cordibus eorum, ut et ipsi agnoscant Jesum Christum Dominum nostrum.
Oremus. --Omnipotens sempiterne Deus, qui etiam Judaicam perfidiam a tua misericordia non repellis, exaudi preces nostras, quas pro illius populi obcaecatione deferimus, ut, agnita veritatis tuae luce, quae Christus est, a suis tenebris eruantur. Per eumdem Dominum nostrum.
Oremus et pro paganis, ut Deus omnipotens auferat iniquitatem a cordibus eorum, et relictis idolis suis convertantur ad Deum vivum et verum, et unicum Filium ejus Jesum Christum Deum et Dominum nostrum, cum quo vivit et regnat cum Spiritu sancto Deus. Per omnia saecula saeculorum.
Oremus. --Omnipotens sempiterne Deus, qui non mortem peccatorum, sed vitam semper inquiris, suscipe propitius orationem nostram, et libera eos ab idolorum cultura, et aggrega Ecclesiae tuae sanctae ad laudem et gloriam nominis tui. Per.
(251) Quibus expletis, osculatur altare, et egreditur. Postea vero (252) hora octava ingrediuntur ad missam hoc ordine: Dicit (253) schola antiphonam ad introitum. Qua finita, dat orationem pontifex.
(254) Praesta, quaesumus, omnipotens Deus, ut qui nostris excessibus incessanter affligimur, per Unigeniti tui passionem liberemur. Qui.
Deinde legitur lectio una. Sequitur Resp. Postea dicatur altera.
Oratio. --Deus qui pro nobis Filium tuum crucis patibulum subire voluisti, ut inimici a nobis expelleres potestatem, concede nobis famulis tuis, ut Resurrectionis gratiam consequamur. Per eumdem.
(255) Sequitur altera lectio, et postea responsorium, Domine, exaudi, cum suis versibus quinque. Deinde pronuntiatur a diacono, (256) Passio Domini nostri Jesu Christi secundum Lucam. Qua perlecta expletur Missa ordine suo.
65 Super oblata. --Suscipe, quaesumus, Domine, munus oblatum, et dignanter operare ut quod passionis Filii tui Domini nostri mysterio gerimus, piis effectibus consequamur. Per eumdem.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui innocens pro impiis voluit pati, et pro sceleratis indebite condemnari. Cujus mors delicta nostra detersit, et resurrectio justificationem nobis exhibuit. Per quem tuam pietatem supplices exoramus, ut sic nos hodie a peccatis emacules, ut cras venerabilis coenae dapibus saties; hodie acceptes confessionem nostrorum peccaminum, et cras tribuas spiritalium incrementa donorum; hodie jejuniorum nostrorum vota suscipias, et cras nos ad sacratissimae coenae convivium introducas. Per quem.
Benedictio. --Omnipotens Deus qui Unigeniti sui passione tribuit vobis humilitatis exemplum, concedat vobis per eamdem humilitatem percipere suae benedictionis ineffabile donum. Amen. Ipsius Resurrectionis percipiatis consortia, cujus patientiae veneramini documenta. Amen. Quo ab eo sempiternae vitae munus percipiatis, per cujus temporalem mortem, aeternam vos evadere creditis. Amen. Quod ipse praestare dignetur.
Ad Complendum. --(257) Largire sensibus nostris, omnipotens Deus, ut per temporalem Filii tui mortem, quam mysteria veneranda testantur, vitam te nobis dedisse perpetuam confidamus. Per eumdem.
Super populum. --Respice, Domine, quaesumus, super hanc familiam tuam, pro qua Dominus noster Jesus Christus non dubitavit manibus tradi nocentium, et crucis subire tormentum. Qui tecum vivit.
FERIA V. Inde hora (258) tertia ingressi sacrarium, induunt (259) dalmaticas, tam pontifex, quam omnes diaconi, vel omnia ornamenta, sedente pontifice in sella sua; et praeparantur (260) ampullae duae cum oleo, quarum melior defertur pontifici, ut, (261) accepto balsamo, et commiscitato cum oleo, manu sua impleat eam. Illam vero aliam ministri retineant plenam. Et pontifex, lotis manibus, procedit cum septem (262) cereostatis ad Missam. Dicta Antiphona ad introitum, dicit, Gloria in excelsis Deo. Quo finito, dicit, (263) Pax vobis, et dat orationem hanc. Et caetera omnia sicut in alia solemni Missa.
Deus, a quo et Judas reatus sui poenam, et confessionis suae Latro praemium sumpsit, concede nobis tuae propitiationis effectum, ut sicut in passione sua Jesus Christus Dominus noster diversa utrisque intulit stipendia meritorum, ita nobis, ablato vetustatis errore, 66 Resurrectionis suae gratiam largiatur.
Tunc legitur Epistola, et sequitur Resp. Gradale et Tractum ac deinde Evangelium, quo lecto, peragitur Missa ordine suo.
Super oblata. --Ipse tibi, quaesumus, Domine sancte, Pater omnipotens, Deus, sacrificium nostrum reddat acceptum, qui discipulis suis in sui commemorationem hoc fieri (264) hodierna traditione monstravit Jesus Christus Dominus noster.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: quem in hac nocte inter sacras epulas increpantem mens sibi conscia traditoris ferre non potuit, sed, apostolorum relicto consortio, sanguinis pretium a Judaeis accepit, ut vitam perderet quam (265) distraxit. Coenavit igitur hodie proditor mortem suam, et cruentis manibus panem de manu Salvatoris exiturus accepit, ut saginatum cibo major poena constringeret, (266) quem nec sacrati cibi collatio a scelere revocaret. Patitur itaque Dominus noster Jesus Christus Filius tuus cum hoste novissimum participare convivium, a quo se noverat continuo esse tradendum, ut exemplum innocentiae mundo relinqueret, et passionem suam pro saeculi redemptione suppleret. Patitur mitis Deus immitem Judam, et sustinet pius crudelem convivam, qui merito laqueo suo periturus erat, quia de Magistri sanguine cogitarat. O Dominum per omnia patientem! O Agnum inter suas epulas mitem! Cibum ejus Judas in ore ferebat, et quibus eum traderet persecutores advocabat. Sed Filius tuus Dominus noster, tanquam pia Hostia, et immolari se tibi pro nobis patienter permisit, et peccatum quod mundus commiserat, relaxavit. Quaesumus igitur ut qui pro salute nostra se tradi permisit, ipse nos suae gratiae dono locupletet; et qui per buccellam panis suum prodidit traditorem, ipse nos sui panis perceptione faciat sibi inhaerere; quique discipulorum pedes eluere dignatus est hodie, ipse nos ab omnibus delictis emaculet, et coetui fidelium discipulorum associet. Per quem Majestatem, etc.
Te igitur, clementissime Pater, etc.
Communicantes, et diem sacratissimum celebrantes, (267) quo Dominus noster Jesus Christus pro nobis est traditus; sed et memoriam.
Hanc igitur oblationem servitutis nostrae, sed et cunctae familiae tuae, quam tibi offerimus ob diem in (268) qua Dominus noster Jesus Christus tradidit discipulis suis corporis et sanguinis sui mysteria celebranda, quaesumus, Domine, ut placatus.
Qui pridie quam pro nostra omnium salute pateretur, hoc est, hodie, accepit panem in sanctas ac venerabiles manus suas.
(269) Tunc offertur pontifici oleum, et benedicit eum tam ipse, quam omnes presbyteri ad ungendum infirmum, his verbis:
Emitte, Domine, Spiritum sanctum tuum paraclitum de coelis in hanc pinguedinem olivae, 67 quam de viridi ligno producere dignatus es ad refectionem corporis, ut tua sancta benedictione sit omni hoc unguentum tangenti tutamentum mentis et corporis, ad evacuandos omnes dolores, omnesque infirmitates, omnem aegritudinem corporis. Unde unxisti sacerdotes, reges, prophetas et martyres, (270) chrisma tuum perfectum, Domine, a te benedictum in nomine Domini nostri Jesu Christi. Per quem haec omnia Domine, semper bona creas, +sanctificas, +vivificas, +benedicis et praestas nobis. Per ipsum, et cum ipso, et in ipso est tibi Deo Patri omnipotenti, in unitate Spiritus sancti, omnis honor et gloria.
Per omnia saecula saeculorum. Amen.
Oremus. Praeceptis salutaribus moniti, et divina institutione formati, audemus dicere: Pater noster, qui es in coelis, sanctificetur nomen tuum, etc.
Sed libera nos a malo.
Libera nos, quaesumus, Domine, ab omnibus malis, praeteritis, praesentibus et futuris; et intercedente beata et gloriosa semper virgine Dei Genitrice Maria, et beatis apostolis tuis, Petro et Paulo, atque Andrea, et omnibus sanctis, da propitius pacem in diebus nostris, ut, ope misericordiae tuae adjuti, et a peccato simus semper liberi, et ab omni perturbatione securi. Per Dominum nostrum.
Benedictio. --Benedicat vos Deus, qui per Unigeniti Filii sui passionem vetus Pascha in novum voluit converti; concedatque vobis ut, expurgato veteris fermenti contagio, nova in vobis perseveret conspersio. Amen. Et quia ad celebrandam Redemptoris Coenam mente devota convenistis, aeternarum dapum vobiscum epulas reportetis. Amen. Ipsius quoque opitulante clementia mundemini a sordibus peccatorum, qui, ad insinuandum humilitatis exemplum, pedes voluit lavare discipulorum. Amen. Quod ipse praestare dignetur, cujus regnum et imperium sine fine permanet in saecula saeculorum. Amen. Benedictio Dei Patris, et Filii, et Spiritus sancti, et pax Domini sit semper vobiscum, et cum spiritu tuo.
Tunc communicat solus episcopus, et diaconus offert ei calicem, illo tantummodo die. Postquam communicaverit, ponit calicem super altare, deinde acceptam a subdiacono patenam ponit juxta calicem de latere sinistro, et statim cooperitur a duobus diaconibus utrumque de sindone munda, quam prius praeparaverant in ora alteris, e regione pontificis post corporale expansam. Et continuo duo acolythi involutas ampullas cum sindone alba serica, ita ut videri possint a medio, tenent in brachio sinistro, projectis sindonibus super scapulam sinistram, ita ut pertingant scapulam dextram, quatenus possint dependentia retineri. A quibus sub humero stantibus, venit subdiaconus et accipit ampullam commistam, una cum sindone, et dat eam archidiacono, et ille defert pontifici ante sedem. Tunc pontifex stans in sede, et (271) respiciens ad orientem, archidiacono tenente ante ipsum ampullam in sinistro brachio revoluta sindone, ut supra praefiximus, et halat in ipsa ampulla, et intrat (272) in consecrationem chrismatis excelsa voce:
Dominus vobiscum. Et cum spiritu tuo. Sursum 68 corda. Habemus ad Dominum. Gratias agamus Domino Deo nostro. Dignum et justum est.
Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus; qui in principio, inter caetera bonitatis et pietatis tuae munera, terram producere fructifera ligna jussisti, inter quae hujus pinguissimi liquoris ministrae oleae nascerentur, quarum fructus sacro chrismati deserviret. Nam et David, prophetico spiritu gratiae tuae sacramenta praenoscens, vultus nostros in oleo exhilarandos esse cantavit. Et cum mundi crimina diluvio quondam expiarentur effuso, similitudinem futuri muneris columba demonstrans, (273) per olivae ramum pacem terris redditam nuntiavit. Quod in novissimis temporibus manifestis est effectibus declaratum, cum baptismatis aquis omnium criminum commissa delentibus, haec olei unctio vultus nostros jucundos efficit ac serenos. Inde etiam Moysi famulo tuo mandatum dedisti, ut Aaron fratrem suum prius aqua lotum per infusionem hujus unguenti constitueret sacerdotem. Accessit ad hoc amplior honor, cum Filius tuus Jesus Christus Dominus noster lavari se a Joanne undis Jordanicis exegisset, ut, Spiritu sancto in columbae similitudinem desuper misso, Unigenitum tuum, in quo tibi optime complacuisset, testimonio subsequentis vocis ostenderes, et hoc illud esse manifestissime comprobares, quod eum oleo laetitiae prae consortibus suis ungendum David propheta cecinisset. Te igitur deprecamur, Domine sancte, Pater omnipotens, aeterne Deus, per eumdem Jesum Christum Filium tuum Dominum nostrum, ut hujus creaturae pinguedinem sanctificare tua benedictione digneris, et sancti Spiritus ei admiscere virtutem, cooperante potentia Christi tui, a cujus sancto nomine chrisma nomen accepit; (274) unde unxisti sacerdotes, (275) reges, (276) prophetas et (277) martyres, ut spiritalis lavacri baptismo renovandis creaturam chrismatis in sacramentum perfectae salutis vitaeque confirmes; ut sanctificatione unctionis infusa, corruptione primae nativitatis absorpta, sanctum uniuscujusque templum acceptabilis vitae, innocens odore redolescat; ut secundum constitutionis tuae sacramentum regio et sacerdotali propheticoque honore perfusi, vestimento incorrupti muneris induantur; ut sit his qui renati fuerint ex aqua et Spiritu sancto chrisma salutis, eosque aeternae vitae participes, et coelestis gloriae facias esse consortes. Per eumdem Dominum.
(278) Qua expleta, benedicit ampullam ordine quo supra declaratum est; et similiter halat in ipsa, sed tacite ipsam benedicit.
Dominus vobiscum. Et cum spiritu tuo.
Oremus. --Deus incrementorum et (279) profectuum spiritalium, qui virtute sancti Spiritus tui imbecillarum mentium rudimenta confirmas, te oramus, Domine, ut venturis ad beatae regenerationis lavacrum tribuas per unctionem istius creaturae purgationem mentis et corporis, ut, si quae illis adversantium spirituum maculae inhaeserunt, ad tactum sanctificati olei hujus abscedant. Nullus spiritalibus nequitiis locus, nulla (280) refugis virtutibus sit 69 facultas, nulla insidiantibus malis latendi licentia relinquatur; sed venientibus ad fidem servis tuis, et sancti Spiritus tui operatione mundandis, sit unctionis hujus praeparatio utilis ad salutem, quam etiam coelestis regenerationis nativitate in sacramento sunt baptismatis adepturi. Per Dominum nostrum Jesum Christum Filum tuum, qui venturus est judicare vivos et mortuos et saeculum per ignem.
Ampulla autem quae cum chrismate est, statim ut benedicta fuerit cooperitur, ut a nemine videatur; sed tenente eam acolytho, omnes eam per ordinem salutent; nam episcopus et diaconi omnes eam nudam salutant. Hoc expleto, ablutis manibus, pontifex vadit ante altare, et (281) communicat omnis populus in ordine suo, et (282) servant de ipso sacrificio in crastinum, unde communicent.
Ad Complendum. --Refecti vitalibus alimentis, quaesumus, Domine, Deus noster, ut quod tempore nostrae mortalitatis exsequimur immortalitatis tuae munere consequamur. Per Dominum nostrum.
(283) FERIA VI. (284) Hora tertia conveniunt omnes presbyteri tam civitatis quam de suburbanis, et omnis clerus cum populo in ecclesia statuta intra Urbem, non tamen in majori ecclesia, et exspectant pontificem, vel qui vicem illius tenuerit. Qui dum veniens de sacrario, processerit ante altare, ad orandum ordine quo in (285) Sacramentario continetur; mox ut surrexerit, cum silentio (286) ascendit ad sedem. Quo sedente statim subdiaconus ascendit ad legendum. Et post haec cantatur canticum Domine, audivi; deinde sequitur altera lectio, post quam sequitur Tractus Deus laudem meam. Quo finito, legitur Passio Domini nostri Jesu Christi secundum Joannem. Hac expleta, venit pontifex ante altare, et dicit: Oremus, dilectissimi nobis, pro Ecclesia sancta Dei, etc. (287) Sicut in quarta feria habentur. Quas ut finierit, statim duo diaconi nudant altare sindone, quae prius fuerat sub Evangelio posita, et ista omnia tacite, et exeunt foras; presbyteri vero ecclesiarum, sive de urbe, sive de suburbanis, vadunt per ecclesias suas, ut hoc ordine cuncta ad vesperum faciant. Hoc tantum mutantes, ut ubi pontifex meminit Apostolicum, ipsi nominent episcopum suum. Ad Vesperum vero tam in ecclesia in qua pontifex dicit Orationes, quam in caeteris presbyterorum, post Orationes praeparatur crux ante altare, interposito spatio inter ipsam et altare, sustentata hinc inde a duobus acolythis. Posito ante eam in (288) oratorio, venit pontifex, (289) adoratam deosculatur crucem. Deinde episcopi, presbyteri, diaconi, et caeteri per ordinem, deinde populus; pontifex vero redit in sedem usque dum omnes salutent; presbyteri vero duo priores, mox ut salutaverint, intrant in sacrarium, vel ubi positum fuerit 70 corpus Domini, quod pridie remansit, ponentes illud in patena; et subdiaconus teneat ante ipsos calicem cum vino non consecrato, et alter patenam cum corpore Domini. Quibus tenentibus, accipit unus presbyter patenam, et (290) alter calicem, et deferunt super altare nudatum. Pontifex vero sedet dum persalutet populus crucem: nam salutante pontifice, vel populo crucem, (291) canitur semper Antiphona Ecce lignum crucis. Dicitur (292) Psalmus CXVIII. Qua salutata, et reposita in loco suo, descendit pontifex ante altare, et dicit:
Oremus. --Praeceptis salutaribus moniti, et divina institutione formati, audemus dicere: Pater noster qui es in coelis, sanctificetur nomen tuum; Adveniat regnum tuum; Fiat voluntas tua sicut in coelo et in terra; Panem nostrum quotidianum da nobis hodie; Et dimitte nobis debita nostra sicut et nos dimittimus debitoribus nostris; Et ne nos inducas in tentationem. Resp. Sed libera nos a malo.
Libera nos, quaesumus, Domine, ab omnibus malis praeteritis, praesentibus et futuris, et intercedente beata et gloriosa semper virgine Dei Genitrice Maria, et beatis apostolis tuis Petro et Paulo atque Andrea, et omnibus sanctis, da propitius pacem in diebus nostris, ut, ope misericordiae tuae adjuti, et a peccato simus semper liberi et ab omni perturbatione securi. Per Dominum nostrum Jesum Christum Filium tuum, qui tecum vivit et regnat Deus in unitate Spiritus sancti. Per omnia saecula saeculorum. Amen.
Cum dixerint Amen, sumit de (293) sancta, et ponit in calicem (294) nihil dicens. Et (295) communicant omnes cum silentio, et (296) expleta sunt universa.
A feria 5, vespere, (297) nuda sint altaria usque mane Sabbati.
(298) SABBATO SANCTO. Hora (299) octava veniunt omnes tam clerus, quam populus in ecclesiam, et ingrediuntur clerici in sacrarium, et induunt se vestimentis, sicut mos est, et tunc illuminantur duo cerei, quos tenent duo (300) notarii, unus in dextro cornu altaris, et alter in sinistro, et ascendit lector in (301) ambonem pronuntians:
Lectio libri Genesis: In Principio. Similiter et illas lectiones omnes. Ante In Principio, non dicit Orationem. Prima lectione finita, dicit hanc Orationem:
Deus, qui mirabiliter creasti hominem, et mirabilius redemisti, da nobis contra oblectamenta peccati mentis ratione persistere, ut mereamur ad gaudia aeterna pervenire. Per Dominum nostrum.
Lectio libri Genesis: Tentavit Deus Abraham.
Deus, qui in Abrahae famuli tui opere humano generi obedientiae exempla praebuisti, concede nobis, et nostrae voluntatis pravitatem frangere, et tuorum praeceptorum rectitudinem in omnibus adimplere. Per.
71 Lectio Libri Exodi: Dixit Dominus ad Moysen et Aaron.
Deus, qui peccati veteris haereditariam mortem, in qua posteritatis genus omne successerat, Christi tui Domini nostri passione solvisti, da ut conformes eidem facti, sicut imaginem terreni, naturae necessitate, portavimus, ita imaginem coelestis, gratiae sanctificatione portemus Christi Domini nostri. Qui tecum vivit.
Lectio Libri Exodi: Factum est in vigilia matutina.
Canticum: Cantemus.
Deus cujus antiqua miracula in praesenti quoque saeculo coruscare sentimus, praesta, quaesumus, ut sicut priorem populum ab Aegyptiis liberasti, hoc ad salutem gentium per aquas baptismatis opereris. Per.
Lectio (302) Isaiae prophetae: Haec haereditas.
Deus, qui Ecclesiam tuam semper gentium vocatione multiplicas, concede propitius ut quos aqua baptismatis abluis, continua protectione tuearis. Per.
Lectio Isaiae Prophetae: Apprehendent septem mulieres.
Canticum: Cantemus.
Deus, qui nos ad celebrandum paschale sacramentum utriusque Testamenti paginis instruis, da nobis intelligere misericordiam tuam, ut ex perceptione praesentium firma sit exspectatio futurorum. Per.
Lectio Jonae Prophetae: Factum est Verbum Domini.
Deus, qui divitias misericordiae tuae in hac praecipue nocte largiris, propitiare universo ordini sacerdotalis officii, et omnes gradus famulatus nostri perfecta delictorum remissione sanctifica, ut ministraturos regeneratrici gratiae tuae nulli esse obnoxios patiaris offensae. Per.
Lectio Isaiae Prophetae: Haec dicit Dominus in die illa radix Jesse.
Concede, quaesumus, omnipotens Deus, ut qui festa paschalia agimus, coelestibus desideriis accensi, fontem vitae sitiamus. Per.
Tract. Sicut cervus desiderat ad fontes.
Alia Oratio, in eodem psalmo. --Omnipotens sempiterne Deus, respice propitius ad devotionem populi renascentis, qui, sicut cervus, aquarum tuarum expetit fontem, et concede propitius, ut fidei ipsius sitis, baptismatis mysterio, animam corpusque sanctificet. Per Dominum nostrum.
Expletis lectionibus, statim (303) venit unus ministrorum tenens ampullas in manibus suis, stat in dextro cornu altaris, qui praecedat pontificem ad fontes. Tunc deinde schola descendit ad fontes ad litaniam faciendam, exspectantes parati pontificem. Secundus vero scholae tenet vas aureum in manu sua sinistra super planetam, unde pontifex mittat chrisma in fontem, et jussi faciunt (304) litaniam septenam; et cum jam prope finem ejus fuerint, tunc procedit pontifex cum omni decore, sustentatus a duobus diaconibus: Et illa (305) duo cereostata, quae antea fuerant illuminata, semper ante ipsum procedunt usque dum omnia finierit. Qui mox, ut venerit ante fontes, (306) stans benedicit fontes, dicens ea voce, qua alias orationes. Et prima oratio a Dominus vobiscum 72 incipit, et finitur Per omnia saecula saeculorum, sicut alia Oratio ad Missam.
Dominus vobiscum. Resp. Et cum spiritu tuo.
Oremus. --Omnipotens sempiterne Deus, adesto magnae pietatis tuae mysteriis, adesto sacramentis, et ad creandos novos populos, quos tibi fons baptismatis parturit, spiritum adoptionis emitte ut quod nostrae humilitatis gerendum est ministerio, tuae virtutis impleatur effectu. Per Dominum.
Consecratio fontis canitur sicut praefatio, usque Et Spiritus sancti: et non incipit a Vere dignum. Deinde dicitur decantado.
Deus, qui invisibili potentia sacramentorum tuorum mirabiliter operaris effectum, et licet nos tantis mysteriis exsequendis simus indigni, tu tamen, gratiae tuae dona non deserens, etiam ad nostras preces aures tuae pietatis inclinas. Deus, (307) cujus Spiritus super aquas inter ipsa mundi primordia ferebatur, ut jam tunc virtutem sanctificationis aquarum natura (308) conciperet. Deus, qui, (309) nocentis mundi crimina per aquas abluens, regenerationis speciem in ipsa diluvii effusione signasti, ut unius ejusdemque elementi mysterio, et finis esset vitiis et origo virtutibus, respice, Domine, in faciem Ecclesiae tuae, et multiplica in ea regenerationes tuas, qui gratiae tuae affluentis impetu laetificas civitatem tuam, fontemque baptismatis aperis, toto orbe terrarum (310) gentibus innovandis, ut tuae Majestatis imperio sumat Unigeniti tui gratiam de Spiritu sancto.
+ Hic cum manu sua dividit aquam in (311) modum crucis.
Qui hanc aquam regenerandis hominibus praeparatam arcana sui luminis admistione fecundet, ut, sanctificatione concepta, ab immaculato divini fontis utero in novam renata creaturam progenies coelestis emergat. Et quos aut sexus in corpore, aut aetas discernit in tempore, omnes in unam pariat gratia mater infantiam. Procul ergo hinc, jubente te Domine, omnis spiritus immundus abscedat, procul tota nequitia diabolicae fraudis absistat. Nihil hic loci habeat contrariae virtutis admistio, non insidiando circumvolet, non latendo (312) subripiat, non inficiendo corrumpat. Sit haec sancta et innocens creatura libera ab omni impugnatoris incursu, et totius nequitiae purgata discessu; sit fons vivus, aqua regenerans, unda purificans; ut omnes hoc lavacro salutifero diluendi, operante in eis Spiritu sancto, perfectae purgationis indulgentiam consequantur.
+Unde benedico te creatura +aquae, per Deum +vivum, per Deum sanctum qui te (313) in mundi creatione principio Verbo separavit ab arida, cujus (314) Spiritus super te ferebatur, qui (315) te de paradiso manare et in quatuor fluminibus totam terram rigare praecepit; (316) qui te in deserto amaram, suavitate indita, fecit esse potabilem, et sitienti populo de petra produxit. +Benedico te et per Jesum Christum Filium ejus unicum Dominum nostrum, qui te in Cana Galilaeae, signo admirabili, sua potentia, convertit in vinum, qui pedibus super te ambulavit, et a Joanne in Jordane in te baptizatus est. Qui te una cum sanguine suo de latere produxit, et discipulis suis jussit ut credentes baptizarentur in te, dicens: Ite, docete omnes gentes, baptizantes eos, in nomine + Patris, et Filii + et Spiritus sancti.
73 Hic mutat vocem quasi lectionem legens:
Haec nobis praecepta servantibus tu, Deus omnipotens, clemens adesto, tu benignus aspira, tu has simplices aquas tuo ore benedicito, ut praeter naturalem emundationem, quam lavandis possunt adhibere corporibus, sint etiam purificandis mentibus efficaces.
(317) Et mittuntur praedicti duo cerei intus in baptisterio. Hic (318) sufflat tribus vicibus in aqua.
Descendat, Domine, in hanc plenitudinem fontis, virtus Spiritus tui, totamque hujus aquae substantiam, regenerandi fecundet effectu. Hic omnium peccatorum maculae deleantur, hic natura ad imaginem tuam condita, et ad honorem sui reformata principii, vetustatis cunctis squaloribus emundetur, ut omnis homo hoc sacramentum regenerationis ingressus in verae innocentiae novam infantiam renascatur. Per Dominum nostrum Jesum Christum Filium tuum, qui venturus est judicare vivos et mortuos, et saeculum per ignem.
Inde accipiens vas aureum cum chrismate, (319) fundit chrisma in fonte, in (320) modum crucis, et expandit aquam cum manu sua. Tunc baptizantur infantes, primum masculi, deinde feminae. Et tenente eo infantem, a quo suscipiendus est, interrogat pontifex, vel sacerdos ita: Quis (321) vocaris? Resp. Ill. Item interrogat sacerdos: (322) Credis in Deum patrem omnipotentem, creatorem coeli et terrae? Resp. Credo. Interrogat: Et in Jesum Christum Filium ejus unicum Dominum, nostrum, natum et passum? Resp. Credo. Interrogat: Credis et in Spiritum sanctum, sanctam Ecclesiam Catholicam, sanctorum communionem, remissionem peccatorum, carnis resurrectionem, vitam aeternam? Resp. Credo. Interrogat: Vis baptizari? Resp. Volo: Et dicit. Et (323) ego baptizo te in nomine Patris, et Filii, et Spiritus sancti.
Ut autem surrexerit a fonte, ille qui eum suscipit, offert eum uni presbytero, (324) qui faciat signum crucis de chrismate cum police, in vertice ejus dicens.
(325) Deus omnipotens, Pater Domini nostri Jesu Christi, qui te regeneravit ex aqua et Spiritu sancto, quique dedit tibi remissionem omnium peccatorum, ipse te liniat chrismate salutis in vitam aeternam. Resp. Amen.
Et baptizantur, et sunt parati, qui eos suscepturi sunt, (326) cum linteis in manibus eorum, et accipiunt ipsos a presbyteris qui eos baptizant. Pontifex vero redit in sacrarium exspectans, (327) ut cum vestiti fuerint infantes, confirmet eos. Qui (328) etiam non prohibentur lactari ante sacram communionem, si necesse fuerit. Induti vero ordinantur per ordinem sicut scripti sunt. Et infantes quidem in brachiis dextris tenentur; (329) majores vero pedem ponunt super pedem (330) patrini sui. Deinde schola jussa facit litaniam quinam ad fontes, pontifex vero veniens ad infantes, tenente archidiacono chrisma, involutis scapulis, et brachiis ex panno lineo, et (331) levata manu sua super capita omnium dicit:
(332) Omnipotens sempiterne Deus, qui regenerare dignatus es hos famulos tuos ex aqua et Spiritu sancto, quique dedisti eis remissionem omnium peccatorum, emitte in eos septiformem Spiritum tuum sanctum paraclitum de coelis, Spiritum sapientiae, et intellectus, Spiritum consilii et fortitudinis, Spiritum scientiae et pietatis: adimple eos 74 Spiritu timoris tui, et consigna eos signo crucis in vitam propitiatus aeternam. Per Dominum nostrum Jesum Christum Filium tuum, qui tecum vivit et regnat Deus in unitate ejusdem Spiritus sancti. Per.
Et interrogantibus diaconibus nomina singulorum, (333) pontifex, tincto pollice in chrismate, facit (334) crucem in fronte unius, similiter per omnes singillatim. Quibus expletis, jussi incipiunt in ecclesia litaniam ternam. Et cum dixerint Agnus Dei, magister scholae dicit: Ascendite: Et illuminatur ecclesia, et procedit pontifex de sacrario cum duobus cereostatis, sicut superius, et stant, sicut antea, a dextris et a sinistris altaris. Litania expleta, dicit pontifex: (335) Gloria in excelsis Deo. Quo finito, dicit: Pax vobiscum. Resp. Et (336) cum spiritu tuo. Et dat Orationem: Deus, (337) qui hanc sacratissimam noctem gloria dominicae Resurrectionis illustras, conserva in nova familiae tuae progenie adoptionis spiritum, quem dedisti, ut corpore et mente renovati, puram tibi exhibeant servitutem. Per eumdem Dominum nostrum Jesum Christum Filium tuum, qui tecum vivit et regnat Deus in unitate ejusdem Spirtus sancti. Per.
Deinde legitur Apostolus, et canitur Alleluia.
Quod primum pontifex inchoat. Confitemini Domino. Tract. Laudate Dominum omnes gentes. Sequitur Evangelium. (338) Non cantent Offertorium, (339) neque Agnus Dei, neque Communionem.
Super oblata. Suscipe, quaesumus, Domine, et plebis tuae et tuorum Hostias renatorum, ut et confessione tui nominis, et baptismate renovati sempiternam beatitudinem consequantur. Per.
Praefatio. --Vere dignum et justum est, aequum et salutare, nos tibi semper et ubique gratias agere. Domine sancte, Pater omnipotens, aeterne Deus: te omni quidem tempore, sed in hac potissimum nocte gloriosius collaudare et praedicare, per Christum Dominum nostrum: qui inferorum claustra disrumpens, victoriae suae clara vexilla suscepit, et triumphato diabolo, victor a mortuis resurrexit. Et ideo cum Angelis.
Te igitur, clementissime Pater, etc.
Communicantes, et noctem sacratissimam celebrantes Resurrectionis Domini nostri Jesu Christi secundum carnem. Sed et memoriam venerantes, in primis gloriosae semper virginis Mariae, Genitricis ejusdem Dei et Domini nostri Jesu Christi.
Hanc igitur oblationem servitutis nostrae, sed et cunctae familiae tuae, quam tibi offerimus, pro his quoque quos regenerare dignatus es ex aqua et Spiritu sancto, tribuens eis remissionem omnium peccatorum, quaesumus, Domine, ut placatus accipias.
Benedictio. --Deus, qui Ecclesiae suae intemerato utero novos populos producens, eam virginitate manente nova semper prole foecundat, fidei, spei et charitatis vos munere repleat, et suae in vos benedictionis dona infundat. Amen. Et qui hanc sacratissimam noctem Redemptoris nostri Resurrectione voluit 75 illustrare, mentes vestras peccatorum tenebris mundatas virtutum copiis faciat coruscare. Amen. Quo eorum qui modo renati sunt innocentiam imitari certetis, et vascula mentium vestrarum exemplo praesentium luminum illustretis, ut cum bonorum operum lampadibus ad ejus sponsi thalamum cujus Resurrectionem celebratis, cum prudentibus virginibus intrare possitis. Amen. Quod ipse praestare dignetur, cujus regnum.
Ad Complendum. --Praesta, quaesumus, omnipotens Deus, ut, divino munere satiati, et sacris mysteriis innovemur et moribus. Per.
(340) IN DIE SANCTO PASCHAE. Deus, qui hodierna die per Unigenitum tuum aeternitatis nobis aditum, devicta morte, reserasti, vota nostra, quae praeveniendo aspiras, etiam adjuvando prosequere. Per eumdem.
Super oblata. --Suscipe, Domine, quaesumus, preces populi tui cum oblationibus Hostiarum, ut paschalibus initiata mysteriis, ad aeternitatis nobis medelam, te operante, proficiant. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: Te quidem omni tempore, sed in hac potissimum die gloriosius praedicare, cum Pascha nostrum immolatus est Christus. Ipse enim verus est Agnus, qui abstulit peccata mundi. (341) Qui mortem nostram moriendo destruxit, et vitam resurgendo reparavit. Et ideo cum angelis.
Communicantes, et diem sacratissimum celebrantes, etc.
Hanc igitur oblationem servitutis nostrae. Sed et cunctae, etc.
Benedictio. --Benedicat vos omnipotens Deus, hodierna interveniente paschali solemnitate, et ab omni miseratus dignetur defendere pravitate. Amen. Et qui ad aeternam vitam in Unigeniti sui resurrectione vos reparat, in ipsius adventu immortalitatis vos gaudiis vestiat. Amen. Et qui, expletis jejuniorum sive passionis Dominicae diebus, paschalis festi gaudia celebratis, ad ea festa, quae non sunt annua, sed continua, ipso opitulante exsultantibus animis veniatis. Amen. Quod ipse praestare.
Ad Complendum. --Spiritum nobis, Domine, tuae charitatis infunde, ut quos sacramentis paschalibus satiasti, tua facias pietate concordes. Per.
Ad Vesperos. Concede, quaesumus, omnipotens Deus, ut qui Resurrectionis Dominicae solemnia colimus, innovatione 76 tui Spiritus a morte animae resurgamus. Per eumdem Dominum nostrum Jesum Christum Filium tuum, qui tecum vivit et regnat Deus in unitate ejusdem Spiritus sancti, per omnia saecula saeculorum.
Ad fontes. --Praesta, quaesumus, omnipotens Deus, ut qui Resurrectionis dominicae solemnia colimus, ereptionis nostrae suscipere laetitiam mereamur. Per eumdem.
Alia. --Praesta, quaesumus, omnipotens Deus, ut qui gratiam dominicae Resurrectionis agnovimus, ipsi per amorem Spiritus a morte animae resurgamus. Per eumdem.
Alia. --Deus, qui paschale nobis remedium contulisti, populum tuum coelesti dono prosequere, ut inde post in perpetuum gaudeat, unde nunc temporaliter exsultat. Per Dominum nostrum Jesum Christum.
FERIA II IN ALBIS. Deus, qui solemnitate Paschali mundo remedia contulisti, populum tuum, quaesumus, coelesti dono prosequere, ut et perfectam libertatem consequi mereatur, et ad vitam proficiat sempiternam. Per.
Super oblata. --Paschales hostias recensentes, quaesumus, Domine, ut quod frequentamus actu, comprehendamus affectu. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, et te suppliciter exorare, ut fidelibus tuis dignanter impendas, quo et paschalia capiant sacramenta, et desideranter exspectent ventura, ut, in mysteriis quibus renati sunt permanentes, ad novam vitam his operantibus perducantur. Per Christum.
Te igitur, sicut in Pascha.
Benedictio. --Deus, qui pro vobis suscepit injuriam crucis, laetitia vos innovet suae Resurrectionis. Amen. Et qui pendenti secum in cruce latroni (342) omisit delictum, vos salvet a cunctis nexibus peccatorum. Amen. Ut redemptionis vestrae mysterium et digne conservetis in opere, et locupletius aeterna perfruamini remuneratione. Amen. Quod ipse praestare dignetur.
Ad Complendum. --Impleatur in nobis, quaesumus, Domine, sacramenti paschalis sancta libatio, nosque de terrenis affectibus ad coeleste transferat institutum. Per.
77 Ad Vesperos. --Concede, quaesumus, omnipotens Deus, ut qui peccatorum nostrorum pondere premimur, a cunctis malis imminentibus per haec Paschalia festa liberemur. Per Dominum nostrum.
Ad fontes. --Concede, quaesumus, omnipotens Deus, ut festa paschalia, quae venerando colimus, etiam vivendo teneamus. Per Dominum nostrum.
Alia. --Deus, qui populum tuum de hostis callidi servitute liberasti, preces ejus misericorditer respice, et adversantes ei tua virtute prosterne. Per Dominum nostrum.
FERIA III IN ALBIS. Deus, qui Ecclesiam tuam novo semper fetu multiplicas, concede famulis tuis ut (343) sacramentum vivendo teneant, quod fide perceperunt. Per.
Super oblata. --Suscipe, Domine, fidelium preces, cum oblationibus Hostiarum, ut per haec piae devotionis officia, ad coelestem gloriam transeamus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum. Qui oblatione sui corporis, remotis sacrificiorum carnalium observationibus, (344) seipsum tibi sacram Hostiam, Agnumque immaculatum summus Sacerdos pro salute nostra immolavit. Per quem.
Te igitur, sicut in Pascha.
Benedictio. --Deus, qui vos lavit aqua sui lateris, et redemit effusione cruoris, ipse in vobis confirmet gratiam adeptae Redemptionis. Amen. Per quem renati estis ex aqua et Spiritu sancto, ipse vos coelesti consociet regno. Amen. Quique dedit vobis initia sanctae fidei, ipse conferat et perfectionem operis, et plenitudinem charitatis. Amen. Quod ipse praestare dignetur.
Ad Complendum. --Concede, quaesumus, omnipotens Deus, ut paschalis perceptio sacramenti (345) continua in nostris mentibus perseveret. Per.
Ad Vesperos. --Concede, quaesumus, omnipotens Deus, ut qui paschalis festivitatis solemnia colimus, in tua semper sanctificatione vivamus. Per.
Ad fontes. --Praesta, quaesumus, omnipotens Deus, ut per haec paschalia festa, quae colimus, devoti in tua semper laude vivamus. Per.
78 Alia. --Deus, qui conspicis familiam tuam omni humana virtute destitui, paschali interveniente festivitate, tui eam brachii protectione custodi. Per.
FERIA IV IN ALBIS. Deus, qui nos Resurrectionis dominicae annua solemnitate laetificas, concede propitius ut per temporalia festa, quae agimus, pervenire ad gaudia aeterna mereamur. Per eumdem.
Super oblata. --Sacrificia, Domine, paschalibus gaudiis immolamus, quibus Ecclesia mirabiliter et (346) nascitur et nutritur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, et pietatem tuam indefessis precibus implorare, ut qui paschalis festivitatis solemnia colimus, in tua semper sanctificatione vivamus. Quo per temporalis festi observationem pervenire mereamur ad aeternorum gaudiorum continuationem. Per Christum Dominum nostrum.
Te igitur, sicut in Pascha.
Benedictio. --Dominus Deus noster vos perducat ad arborem vitae, qui eruit de lacu miseriae. Amen. Ipse vobis aperiat januam paradisi, qui confregit portas inferni. Amen. Ipse vos eruat flagello, et in regnum suum perducat confitentes, qui pati dignatus est pro impiis innocens. Amen. Quod ipse praestare dignetur.
Ad Complendum. --Ab omni nos, quaesumus, Domine, vetustate purgatos, sacramenti tui veneranda perceptio in novam transferat creaturam. Per Dominum nostrum.
Ad Vesperos. --Praesta, quaesumus, omnipotens Deus, ut hujus paschalis festivatis mirabile sacramentum, et temporalem nobis tranquillitatem tribuat, et vitam conferat sempiternam. Per.
Ad fontes. --Deus, qui nos per paschalia festa laetificas, concede propitius ut ea quae devote agimus, te adjuvante, fideliter teneamus. Per.
Alia. --Tribue, quaesumus, omnipotens Deus, ut illuc tendat Christianae devotionis affectus, quo tecum est nostra substantia. Per eumdem.
FERIA V IN ALBIS. Deus, qui diversitatem gentium in confessione tui nominis 79 adunasti, da ut renatis fonte baptismatis, una sit fides mentium, et pietas actionum. Per.
Super oblata. --Suscipe, quaesumus, Domine, munera populorum tuorum propitius, ut confessione tui nominis, et baptismate renovati, sempiternam beatitudinem consequantur. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui nos per paschale mysterium docuit vetustatem vitae relinquere, et in novitate spiritus ambulare, a quo perpetuae mortis superatur acerbitas, et aeternae vitae fidelibus tribuitur integritas. Per quem Majestatem.
Te igitur, sicut in Pascha.
Benedictio. --Omnipotentis Dei et Domini nostri benedictionibus repleamini, cujus estis sanguine pretioso redempti. Amen. Ejus vos indeficiens repleat gratia, cujus ineffabilis plasmavit potentia, (347) et qui vobis in hoc mundo praestitit conditionem nascendi, ipse in regno aeterno tribuat mansionem sine fine vivendi. Amen. Quod ipse praestare dignetur.
Ad Complendum. --Exaudi, Domine, preces nostras, ut redemptionis nostrae sacrosancta commercia, et vitae nobis conferant praesentis auxilium, et gaudia sempiterna concilient. Per.
Ad Vesperos. --Deus, qui in nobis ad celebrandum paschale sacramentum liberiores animos praestitisti, doce nos et metuere (348) quod irasceris, et amare quod praecipis. Per.
Ad fontes. --Da, quaesumus, omnipotens Deus, ut Ecclesia tua, et suorum firmitate membrorum, et nova semper fecunditate laetetur. Per Dominum nostrum.
Alia. --Multiplica, quaesumus, Domine, fidem populi tui, ut cujus per te sumpsit initium, per te consequatur augmentum. Per.
FERIA VI IN ALBIS. Omnipotens sempiterne Deus, qui paschale sacramentum in reconciliationis humanae foedere contulisti, da mentibus nostris, ut quod professione celebramus, imitemur effectu. Per.
Super oblata. --Hostias, quaesumus, Domine, placatus assume, quas et pro renatorum expiatione deferimus, et pro acceleratione coelestis auxilii. Per.
80 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui, secundum promissionis suae incommutabilem veritatem, coelestis pontifex factus in aeternum, (349) solus omnium sacerdotum peccati remissione non eguit, sed (350) potius peccatum mundi idem verus Agnus abstersit. Per quem.
Te igitur, sicut in Pascha
Benedictio. --Benedicat vos de coelis omnipotens Deus, qui per crucem et sanguinem passionis suae vos dignatus est redimere in terris. Amen. Ipse vos renovet a vetustate peccati, qui pro vobis dignatus est crucifigi, vosque ad coelestia suscitet, qui pro vobis inferos penetravit. Amen. Vitam suam Dominus vobis tribuat, qui mortem vestram suscepit, et perdidit. Amen. Quod ipse praestare.
Ad Complendum. --Respice, quaesumus, Domine, populum tuum, et quem aeternis dignatus es renovare mysteriis, a temporalibus culpis dignanter absolve. Per Dominum nostrum.
Ad Vesperos. --Deus, per quem nobis et redemptio venit et praestatur adoptio, respice in opera misericordiae tuae, ut in Christo renatis et aeterna tribuatur haereditas et vera libertas. Per eumdem.
Ad fontes. --Adesto, quaesumus, Domine, familiae tuae, et dignanter impende, ut quibus fidei gratiam contulisti, et coronam largiaris aeternam. Per Dominum nostrum.
SABBATO IN ALBIS. Concede, quaesumus, omnipotens Deus, ut qui festa paschalia venerando egimus, per haec contingere ad gaudia aeterna mereamur. Per.
Super oblata. --Concede, quaesumus, Domine, semper nos per haec mysteria paschalia gratulari, ut continua nostrae reparationis operatio perpetuae nobis fiat causa laetitiae. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: per quem supplices exposcimus, ut cujus muneris pignus accepimus, manifesta dona comprehendere valeamus. Et quae nobis fideliter speranda paschale contulit sacramentum, per Resurrectionis ejus attingere mereamur ineffabile mysterium. Per quem.
Te igitur, sicut in Pascha.
Benedictio.
81 Ad Complendum. --Redemptionis nostrae munere vegetati, quaesumus, Domine, ut hoc perpetuae salutis auxilium fides semper vera (351) perficiat.
Ad Vesperos. --Deus, totius conditor creaturae, famulos tuos, quos fonte renovasti baptismatis, quosque gratiae tuae plenitudine solidasti, in adoptionis sorte facias dignanter ascribi. Per Dominum nostrum.
Ad fontes. --Deus, qui multiplicas Ecclesiam tuam in sobole renascentium, fac eam gaudere propitius de suorum profectibus filiorum. Per Dominum nostrum.
(352) DOMINICA OCTAVAS PASCHAE. Praesta, quaesumus, omnipotens Deus, ut qui paschalia festa peregimus, haec, te largiente, moribus et vita teneamus. Per Dominum nostrum.
Super oblata. --Suscipe munera, quaesumus, Domine, exsultantis Ecclesiae, et cui causam tanti gaudii praestitisti, perpetuum fructum concede laetitiae.
Praefatio. --Vere dignum et justum est, aequum et salutare nos tibi semper et ubique gratias agere, Domine sancte, Pater omnipotens, aeterne Deus, et te suppliciter obsecrare, ne nos ad illum sinas redire actum cui jure dominatur inimicus, sed in hac potius facias absolutione persistere, per quam diabolus exstitit, Filio tuo vincente, captivus. Et ideo cum angelis.
Benedictio. --Deus, cujus Unigenitus discipulis suis januis clausis dignatus est apparere, suae vos benedictionis dono locupletare et coelestis vobis regni januas dignetur aperire. Amen. Et qui ab eorum pectoribus attactu sui corporis vulnus amputavit dubietatis, concedat ut per fidem qua eum resurrexisse creditis omnium delictorum maculis careatis. Amen. Et qui cum Thoma Deum et Dominum creditis, et cernuis vocibus invocatis, ab eo et in hoc saeculo a malis omnibus tueri, et in futuro sanctorum coetibus ascisci valeatis. Amen. Quod ipse praestare.
Ad Complendum. --Quaesumus, Domine Deus noster, ut sacrosancta mysteria, quae pro reparationis nostrae munimine contulisti, et praesens nobis remedium esse facias et futurum. Per.
Alia. --Deus, qui nos fecisti hodierna die paschalia festa celebrare, fac nos, quaesumus, in coelesti regno gaudere. Per.
Ad Vesperos. --Deus, qui nos exsultantibus animis Pascha tuum 82 celebrare tribuisti, fac nos, quaesumus, et temporalibus gaudere subsidiis, et aeternitatis affectibus gratulari. Per Dominum nostrum.
(353) ALIAE ORATIONES PASCHALES. Deus, qui credentes in te fonte baptismatis innovasti, hanc renatis in Christo concede custodiam, ut nullo erroris incursu gratiam tuae benedictionis amittant. Per eumdem.
Alia. --Deus, qui ad aeternam vitam in Christi Resurrectione nos reparas, erige nos ad consedentem in dextera tua nostrae salutis auctorem, ut qui propter nos judicandus advenit, pro nobis judicaturus adveniat Jesus Christus Filius tuus Dominus noster. Qui tecum vivit et regnat.
Alia. --Deus et reparator innocentiae et amator, dirige ad te tuorum corda servorum, ut de infidelitatis tenebris liberati, nunquam a tuae veritatis luce discedant. Per Dominum.
Alia. --Deus, qui credentes in te populos gratiae tuae largitate multiplicas, respice propitius ad electionem tuam, ut qui sacramento baptismatis sunt renati, regni coelestis mereantur introitum. Per.
Alia. --Omnipotens sempiterne Deus, qui humanam naturam supra primae originis reparas dignitatem, respice pietatis tuae ineffabile sacramentum, et quos regenerationis mysterio innovare dignatus es, in his dona tua perpetuae gratiae protectione conserva. Per.
Alia. --Omnipotens sempiterne Deus, deduc nos ad societatem coelestium gaudiorum, ut Spiritu sancto renatos regnum tuum facias introire, atque eo perveniat humilitas gregis, quo praecessit celsitudo Pastoris. Qui tecum vivit.
Alia. --Deus, qui pro salute mundi sacrificium paschale fecisti, propitiare supplicationibus nostris, et interpellans pro nobis Pontifex summus, (354) nos per id quod nostri est similis reconciliet, per id quod tibi est aequalis absolvat Jesus Christus Filius tuus.
Alia. --Praesta nobis, omnipotens et misericors Deus, ut in Resurrectione Domini nostri Jesu Christi percipiamus veraciter portionem. Qui tecum vivit.
Alia. --Deus, qui ad aeternam vitam in Christi Resurrectione nos reparas, imple pietatis tuae ineffabile sacramentum, ut, cum in Majestate sua Salvator noster advenerit, quos fecisti baptismo regenerari, facias beata immortalitate vestiri. Per eumdem.
83 Alia. --Deus, humani generis conditor et Redemptor, da, quaesumus, ut reparationis nostrae collata subsidia, te jugiter inspirante, sectemur. Per.
Alia. --Deus, qui renatis ex aqua et Spiritu sancto coelestis regni pandis introitum, ange super famulos tuos gratiam, quam dedisti, ut qui ab omnibus sunt purgati peccatis, nullis priventur promissis. Per.
Alia. --Conserva in nobis, quaesumus, Domine, misericordiam tuam, ut quos ab erroris liberasti caligine, veritatis tuae firmius inhaerere facias documento. Per Dominum.
Alia. --Solita, quaesumus, Domine, nos pietate custodi, ut qui Unigeniti tui passione sunt redempti, ejus Resurrectione laetentur. Per eumdem.
Alia. --Omnipotens sempiterne Deus, propensius his diebus tuam misericordiam consequamur, quibus eam plenius, te largiente, cognovimus. Per.
XVIII KAL. MAII.--NATALIS SANCTORUM TIBURTII, VALERIANI ET MAXIMI. Praesta, quaesumus, omnipotens Deus, ut qui sanctorum tuorum Tiburtii, Valeriani et Maximi solemnia colimus, eorum etiam virtutes imitemur. Per Dominum nostrum.
Super oblata. --Hostia haec, quaesumus, Domine, quam sanctorum tuorum natalitia recensentes offerimus, et vincula nostrae pravitatis absolvat, et tuae nobis misericordiae dona conciliet. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te in sanctorum martyrum tuorum festivitate laudare, qui semper es mirabilis in tuorum commemoratione sanctorum, et magnae fidei largiris affectum, et tolerantiam tribuis passionum, et antiqui hostis facis superari machinamentum, quo egregii martyres tui ad capiendam supernorum beatitudinem praemiorum nullis impediantur retinaculis blandimentorum. Per Christum.
Ad Complendum. --Coelesti munere saginati, quaesumus, Domine Deus noster, ut haec nobis (355) dona martyrum tuorum intercessio beata sanctificet. Per.
84 IX KAL. MAII.--NATALIS SANCTI GEORGII MARTYRIS. Deus, qui nos beati Georgii martyris tui meritis et intercessione laetificas, concede propitius ut qui ejus beneficia poscimus, (356) dona tuae gratiae consequamur. Per.
Super oblata. --Munera, Domine, oblata sanctifica, et, intercedente beato Georgio martyre tuo, nos per haec a peccatorum nostrorum maculis emunda. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: pro cujus nominis veneranda confessione, beatus martyr Georgius diversa supplicia sustinuit, et ea devincens, coronam perpetuitatis promeruit. Per quem Majestatem tuam.
Ad Complendum. --Beati Georgii martyris tui, Domine, suffragiis exoratus, percepta sacramenti tui nos virtute defende. Per.
VII (357) KAL. MAII.--NATALIS SANCTI MARCI EVANGELISTAE. Deus, qui beatum Marcum evangelistam tuum evangelicae praedicationis gratia sublimasti, tribue, quaesumus, ejus nos semper et eruditione proficere et oratione defendi. Per.
Super oblata. --Beati Marci evangelistae tui solemnitate tibi munera deferentes, quaesumus, Domine, ut sicut illum praedicatio evangelica fecit gloriosum, ita nos ejus intercessio et verbo et opere tibi reddat acceptos. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus gratia beatum Marcum in sacerdotium elegit, doctrina ad praedicandum erudiit, potentia ad perseverandum confirmavit, ut per sacerdotalem infulam (358) perveniret ad martyrii palmam; docensque subditos, instruens vivendi exemplo, confirmans pattendo, ad te coronandus perveniret, qui persecutorum minas intrepidus superasset. Cujus interventus, nos, quaesumus, a nostris mundet delictis, qui tibi placuit tot donorum praerogativis. Per quem Majestatem.
B. R.
Ad Complendum. --Tribuant nobis, quaesumus, Domine, continuum 85 tua sancta praesidium, quod beati Marci evangelistae tui precibus nos ab omnibus semper tueatur adversis. Per.
IV KALENDIS MAII.--NATALIS SANCTI (359) VITALIS MARTYRIS. Praesta, quaesumus, omnipotens Deus, ut, intercedente beato Vitale martyre tuo, et a cunctis adversitatibus liberemur in corpore, et a pravis cogitationibus mundemur in mente. Per Dominum nostrum.
Super oblata. --Accepta sit in conspectu tuo, Domine, nostra devotio, et ejus nobis fiat supplicatione salutaris, pro cujus solemnitate defertur. Per.
Ad Complendum. --Exsultet, Domine, populus tuus in sancti tui commemoratione Vitalis, et cujus votivo laetatur officio, suffragio relevetur optato. Per.
KALENDIS MAII.--NATALIS SANCTORUM APOSTOLORUM DRI, PHILIPPI ET JACOBI. Deus, qui nos annua apostolorum tuorum Philippi et Jacobi solemnitate laetificas, praesta, quaesumus, ut quorum gaudemus meritis, instruamur exemplis. Per.
Super oblata. --Munera, Domine, quae pro apostolorum tuorum Philippi et Jacobi solemnitate deferimus, propitius suscipe, et mala omnia, quae meremur, averte. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui Ecclesiam tuam in apostolica soliditate firmasti, de quorum consortio sunt beati Philippus et Jacobus, quorum passionis hodie festa veneramur; poscentes ut sicut eorum doctrinis instruimur, ita exemplis muniamur, et precibus adjuvemur. Per Christum Dominum nostrum.
(360) B. R.
Ad Complendum. --Quaesumus, Domine, salutaribus repleti mysteriis, ut quorum mysteria celebramus, eorum orationibus adjuvemur. Per Dominum.
Super populum. --Beatorum apostolorum Philippi et Jacobi honore continuo, Domine, plebs tua semper exsultet, et his praesulibus gubernetur, quorum et doctrinis gaudet et meritis. Per.
86 V NONAS MAII.--NATALIS SANCTORUM (361) ALEXANEVENTII ET THEODOLI. Praesta, quaesumus, omnipotens Deus, ut, qui sanctorum tuorum Alexandri, Eventii, et Theodoli natalitia colimus, a cunctis malis imminentibus eorum intercessionibus liberemur. Per Dominum.
Super oblata. --Super has Hostias, Domine, benedictio copiosa descendat, quae et sanctificationem nobis clementer operetur, et de martyrum nos solemnitate laetificet. Per.
Ad Complendum. --Pasce nos, Domine, tuorum gaudiis ubique sanctorum, quia nostrae salutis augmenta sunt, quoties illis honor impenditur, in quibus tu mirabilis praedicaris. Per.
EODEM DIE.--(362) INVENTIO SANCTAE CRUCIS. Deus, qui in praeclara salutiferae crucis inventione, (363) passionis tuae miracula suscitasti, concede, ut vitalis ligni pretio, aeternae vitae suffragia consequamur. Qui vivis et regnas.
Super populum. --Sacrificium, Domine, quod immolamus, placatus intende, ut ab omni nos exuat bellorum nequitia, et per vexillum sanctae crucis Filii tui, ad conterendas potestatis adversae insidias, nos in tuae protectionis securitate constituat. Per eumdem.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui (364) per passionem crucis mundum redemit, et antiquae arboris amarissimum gustum crucis medicamine indulcavit; mortemque quae per lignum vetitum venerat, per ligni trophaeum devicit, ut mirabili suae pietatis dispensatione, qui per ligni gustum a florigera sede discesseramus, per crucis lignum ad paradisi gaudia redeamus. Per quem.
Benedictio. --Benedicat vobis omnipotens Deus, qui per Unigeniti sui Domini nostri Jesu Christi passionem et crucis patibulum genus redemit humanum. Amen. Concedatque vobis ut cum omnibus sanctis, (365) quae sit ejusdem crucis longitudo, latitudo, sublimitas et profundum, mente devota comprehendere possitis. Amen. Quatenus vosmetipsos abnegando, crucemque gestando, ita in praesentis vitae stadio Redemptorem nostrum possitis sequi, ut ei inter choros angelorum post obitum mereamini ascisci. Amen. Quod ille praestare, etc.
87 Ad Complendum. --Repleti alimonia coelesti, et spiritali poculo recreati, quaesumus, omnipotens Deus, ub ab hoste maligno defendas, quos per lignum sanctae crucis Filii tui, arma justitiae pro salute mundi triumphare jussisti. Qui tecum.
Alia. --Deus, qui omnia verbo tuo fecisti, supplices quaesumus ineffabilem clementiam tuam, ut quos per lignum sanctae crucis Filii tui pio cruore (366) es dignatus redimere, omnibus in te credentibus dira serpentis venena exstinguas, et per gratiam Spiritus sancti poculum salutis semper infundas. Per eumdem.
PRIDIE NONAS MAII.-- NATALIS (367) SANCTI JOANNIS ANTE PORTAM LATINAM. Deus, qui conspicis quia nos undique mala nostra perturbant, praesta, quaesumus, ut beati Joannis apostoli tui intercessio gloriosa nos protegat. Per.
Super oblata. --Muneribus nostris, quaesumus, Domine, precibusque susceptis, et coelestibus nos munda mysteriis, et clementer exaudi. Per Dominum.
Ad Complendum. --Refecti, Domine, pane coelesti, ad vitam, quaesumus, nutriamur aeternam. Per.
VI IDUS MAII.--NATALIS SANCTORUM (368) GORDIANI ET EPIMACHI. Da, quaesumus, omnipotens Deus, ut qui beatorum Gordiani atque Epimachi solemnia colimus, eorum apud te intercessionibus adjuvemur. Per.
Super oblata. --Hostias tibi, Domine, beatorum martyrum Gordiani atque Epimachi dicatas meritis benignus assume, et ad perpetuum nobis tribue provenire subsidium. Per.
Ad Complendum. --Quaesumus, omnipotens Deus, ut qui coelestia alimenta percepimus, intercedentibus sanctis tuis Gordiano atque Epimacho, per haec contra adversa omnia muniamur. Per.
IV IDUS MAII.--NATALIS (369) SANCTI PANCRATII MARTYRIS. Praesta, quaesumus, omnipotens Deus, ut qui beati Pancratii martyris, tui natalitia colimus, a cunctis malis imminentibus 88 ejus intercessionibus liberemur. Per Dominum.
Super oblata. --Munera, quaesumus, Domine, tibi dicata sanctifica, et, intercedente beato Pancratio martyre tuo, per eadem nos placatus intende.
(370) B. R.
Super populum. --Beati Pancratii martyris tui, Domine, intercessione placatus, praesta, quaesumus, ut quae temporali celebramus actione, perpetua (371) salutatione capiamus. Per.
III IDUS MAII.--(372) NATALIS SANCTAE MARIAE AD MARTYRES. Concede, quaesumus, omnipotens Deus, ad eorum gaudia aeterna pertingere, de quorum nos virtute tribuis annua solemnitate gaudere. Per.
Super oblata. --Super has, quaesumus, hostias, Domine, benedictio copiosa descendat, quae et sanctificationem nobis clementer operetur, et de martyrum nos solemnitate laetificet. Per.
Ad Complendum. --Supplices te rogamus, omnipotens Deus, ut quos tuis reficis sacramentis, tibi etiam placitis moribus dignanter deservire concedas. Per.
VIII KALENDAS JUNII.--(373) NATALIS SANCTI URBANI PAPAE. Da, quaesumus, omnipotens Deus, ut qui beati Urbani martyris tui atque pontificis solemnia colimus, ejus apud te intercessionibus adjuvemur. Per.
Super oblata. --Haec Hostia, Domine, quaesumus, emundet nostra crimina, et, intercedente beato Urbano martyre tuo, (374) sacrificium celebrandum subditorum tibi corpora mentesque sanctificet.
Ad Complendum. --Beati Urbani martyris tui atque pontificis, Domine, intercessione placatus, praesta, quaesumus, ut quae temporali celebramus actione, perpetua salvatione capiamus. Per Dominum nostrum.
DOMINICA I POST OCTAVAS PASCHAE. Deus, qui in Filii tui humilitate jacentem mundum erexisti, fidelibus tuis perpetuam laetitiam 89 concede, ut quos perpetuae mortis eripuisti casibus, gaudiis facias sempiternis perfrui. Per.
Super oblata. --Digne nos tuo nomini, quaesumus, Domine, famulari salutaris cibus et sacer potus efficiat, ut renovatio conditionis humanae, quam mysteria continent, in nostris jugiter sensibus offeratur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et immensam bonitatis tuae pietatem humiliter exorare, ut ignorantiam nostrae mortalitatis attendens, ex tua inspiratione nos facias postulare quod rectum est, et tua clementia tribuas impetrare quod poscimus. Per Christum.
Benedictio. -- Benedicat vos omnipotens Deus, qui vos gratuita miseratione creavit, et in resurrectione Unigeniti sui spem vobis resurgendi concessit. Amen. Resuscitet vos de vitiorum sepulcris, qui eum resuscitavit a mortuis. Amen. Ut cum eo sine fine feliciter vivatis, quem resurrexisse a mortuis veraciter creditis. Amen. Quod ipse praestare.
Ad Complendum. --Paschalia nobis, quaesumus, Domine, remedia dignanter impende, ut terrena desideria respuentes, discamus amare coelestia. Per.
Super populum. --Familiam tuam, quaesumus, Domine, dextera tua perpetuo circumdet auxilio, ut, paschali interveniente solemnitate, ab omni pravitate defensa donis coelestibus prosequatur. Per.
DOMINICA II POST OCTAVAS PASCHAE. Deus qui errantibus, ut in viam possint redire justitiae, veritatis tuae lumen ostendis, da cunctis qui Christiana perfessione censentur, et illa respuere quae huic inimica sunt nomini, et ea quae sunt apta sectari. Per.
Super oblata. --Deus, qui solemnitate paschali coelestia mundo remedia benignus operaris, annua festivitatis hujus dona prosequere; ut observantia temporalis ad vitam nobis proficiat sempiternam. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui, de Virgine nasci dignatus, per passionem et mortem a perpetua nos morte liberavit, et resurrectione sua aeternam nobis vitam contulit. Per quem.
Benedictio. --Deus, qui per resurrectionem Unigeniti sui vobis contulit et bonum Redemptionis et decus adoptionis, 90 suae vobis conferat praemia benedictionis. Amen. Et quo redimente percepistis donum perpetuae libertatis, eo largiente consortes efficiamini aeternae haereditatis. Amen. Et cui consurrexistis in baptismate credendo, adjungi mereamini in coelesti regione bene vivendo. Amen. Quod ipse praestare.
Ad Complendum. --Quaesumus, omnipotens Deus, jam non teneamur obnoxii sententiae damnationis humanae, cujus nos vinculis haec redemptio paschalis absolvit.
Alia. --Fac, quaesumus, omnipotens Deus, ut qui, paschalibus remediis innovati, similitudinem terreni parentis evasimus, ad formam coelestis transferamur auctoris. Qui tecum.
DOMINICA III POST OCTAVAS PASCHAE. Deus, qui fidelium mentes unius efficis voluntatis, da populis tuis id amare quod praecipis, id desiderare quod promittis, ut inter mundanas varietates ibi nostra fixa sint corda, ubi vera sunt gaudia. Per.
Super oblata. --Exuberet, quaesumus, Domine, in mentibus nostris paschalis gratia sacramenti, ut donis suis ipse nos dignos efficiat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et (375) tui misericordiam muneris postulare, ut tempora, quibus post resurrectionem suam Dominus noster Jesus Christus discipulis suis corporaliter apparuit, sic (376) ipso opitulante pia devotione tractemus, quatenus in his omnium vitiorum sordibus careamus.
(377) Benedictio.
Ad Complendum. --Concede, quaesumus, misericors Deus, ut quod paschalibus exsequimur institutis, salutiferum nobis omni tempore sentiamus. Per Dominum nostrum.
Super populum. --Gaudeat, Domine, plebs fidelis; et cum propriae recolit salvationis exordia, ejus promoveatur augmentis. Per Dominum nostrum Jesum Christum.
DOMINICA IV POST OCTAVAS PASCHAE. Deus a quo bona cuncta procedunt, largire supplicibus tuis ut cogitemus te inspirante quae recta sunt, et te gubernante eadem faciamus. Per.
Super oblata. --Clementiam tuam, Domine, suppliciter exoramus, 91 ut paschalis muneris sacramentum, quod fide recolimus, et spe desideramus intenti, perpetua dilectione capiamus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et (378) Majestatem tuam indefessis precibus exorare, ut mentes nostras bonis operibus semper informes. Quia sic erimus praeclari muneris prompta sinceritate cultores, si, ad meliora jugiter transeuntes, (379) Paschale mysterium studeamus habere perpetuum. Per Christum.
Benedictio.
Ad Complendum. --Praesta, quaesumus, omnipotens Deus, ut percipientes Paschali munere veniam peccatorum, deinceps peccata vitemus. Per Dominum nostrum.
FERIA II. In (380) Litania Majore. Mentem familiae tuae quaesumus, Domine, intercedente beato Ill., et munere compunctionis aperi, et largitate pietatis exaudi. Per Dominum.
Alia. --Deus, qui cuipas delinquentium districte feriendo percutis, fletus quoque lugentium non recuses, ut qui pondus tuae animadversionis cognovimus, etiam pietatis gratiam sentiamus. Per.
Alia. --Parce, quaesumus, Domine, parce populo tuo et nullis jam patiaris adversitatibus (382) fatigari, quos pretioso Filii tui sanguine redemisti. Qui tecum.
Alia. --Deus, qui culpas nostras piis verberibus percutis, ut nos a nostris iniquitatibus emundes, da nobis et de verbere tuo proficere, et de tua citius consolatione gaudere. Per Dominum nostrum.
Alia. --Adesto, Domine, supplicationibus nostris, et sperantes in tua misericordia, intercedente beato Petro apostolo tuo, coelesti protege benignus auxilio. Per.
Alia. --Praesta, quaesumus, omnipotens Deus, ut ad te toto corde clamantes, intercedente beato Petro apostolo tuo, tuae pietatis indulgentiam consequamur. Per.
Ad Missam. --Praesta, quaesumus, omnipotens Deus, ut qui in afflictione nostra de tua pietate confidimus, contra adversa omnia tua semper protectione muniamur. Per Dominum nostrum.
92 Super oblata. --Sacrificium nostrae poenitudinis jejunantes, Domine, tibi persolvimus, obsecrantes ut, ejus virtute muniti, semper ad coeleste convivium festinemus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te auctorem et sanctificatorem jejunii collaudare, per quod nos liberas a nostrorum debitis peccatorum. Ergo suscipe jejunantium preces; atque ut nos a malis omnibus propitiatus eripias, iniquitates nostras, quibus merito affligimur, placatus absolve. Per Christum.
Benedictio. --Omnipotens Deus devotionem vestram dignanter intendat, et suae vobis benedictionis dona concedat. Amen. Indulgeat vobis mala omnia quae egistis, et tribuat veniam quam ab eo deposcitis. Amen. Sicque (384) jejunii vestri et precum vota suscipiat, ut a vobis adversa omnia, quae peccatorum retributione meremini, avertat, et donum in vos Spiritus paracliti infundat. Amen. Quod ipse praestare dignetur.
Ad Complendum. Vota nostra, quaesumus, Domine, pio favore prosequere, ut dum dona tua in tribulatione percipimus, de consolatione nostra in tuo amore crescamus. Per Dominum nostrum.
Super populum. --Praetende nobis, Domine, misericordiam tuam, ut quae votis expetimus, conversatione tibi placita consequamur. Per.
FERIA III. Conserva, quaesumus, Domine, populum tuum, et ab omnibus, quas meretur, adversitatibus redde securum, ut, tranquillitate percepta, devota tibi mente deserviat. Per Dominum nostrum.
Alia. --Afflictionem familiae tuae, quaesumus, Domine, intende placatus, ut, indulta venia peccatorum, de tuis semper beneficiis gloriemur. Per.
Alia. --Ab omnibus nos, quaesumus, Domine, peccatis propitiatus absolve, ut, percepta venia peccatorum, liberis tibi mentibus serviamus. Per Dominum.
Alia. --Precibus nostris, quaesumus, Domine, aurem tuae pietatis accommoda, et orationes supplicum, occultorum cognitor, benignus exaudi, ut, te largiente, ad vitam perveniant sempiternam. Per.
Alia. --Quaesumus, omnipotens Deus, ut qui (385) nostris fatigamur 93 offensis, et merito nostrae iniquitatis affligimur, pietatis tuae gratiam consequi mereamur. Per Dominum.
Ad Missam.
Deus, qui nos conspicis in tot perturbationibus non posse subsistere, afflictorum gemitum propitius respice, et mala omnia quae meremur averte. Per.
Super oblata. --Offerentium, quaesumus, Domine, vota multiplica, et omnes (386) verae credulitatis instrumentis perlustra. Sicque nobis per hoc sacrificium adesto placatus, ut nos et a peccatis et a periculis omnibus miseratus absolvas. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam suppliciter exorare, ut non nos nostrae malitiae, sed indulgentiae tuae praeveniat semper affectus, qui nos a noxiis voluptatibus indesinenter expediat, et a mundanis cladibus dignanter eripiat. Per Christum.
Ad Complendum. --Purifica, quaesumus, Domine, tuorum corda fidelium, ut, a terrena cupiditate mundati, et praesentis vitae periculis exuantur, et perpetuis donis firmentur. Per.
FERIA IV. Exaudi, Domine, populum tuum tota tibi mente subjectum, ut, corpore et mente protectus, quod pie credit, tua gratia consequatur. Per.
Alia. --Subjectum tibi populum, quaesumus, Domine, propitiatio coelestis amplificet, et tuis semper faciat servire mandatis. Per Dominum nostrum.
Alia. --Miserere jam, quaesumus, Domine, populo tuo, et continuis tribulationibus laborantem celeri propitiatione laetifica. Per Dominum nostrum.
Alia. --Auxiliare, Domine, quaerentibus misericordiam tuam, et da veniam confitentibus, parce supplicibus, ut, qui nostris meritis flagellamur, tua miseratione salvemur. Per Dominum nostrum.
Alia. --Praesta, quaesumus, omnipotens Deus, ut, qui iram tuae indignationis agnovimus, misericordiae tuae indulgentiam consequamur. Per.
Ad Missam. --Intende, quaesumus, Domine, preces nostras, et qui non operando justitiam correptionem meremur, afflicti in tribulatione, clamantes respiremus auditi. Per.
94 Alia. --Praesta, quaesumus, omnipotens Pater, ut nostrae mentis intentio quo solemnitatis hodiernae gloriosus auctor ingressus est semper intendat, et quo fide pergit, conversatione perveniat. Per eumdem Dominum nostrum.
Super oblata. --Jejunantium, Domine, quaesumus, supplicum vota propitius intuere, et munera praesentia sanctificans, perceptione eorum occulta cordis nostri remedio tuae clarifica pietatis, ut nec opera carnalia, nec fluxa nos teneant, quos institutor jejunii Christus Dominus reparavit. Qui tecum.
Alia. --Sacrificium, Domine, pro Filii tui supplices venerabili quam praevenimus nunc Ascensione deferimus, praesta, quaesumus, ut et nos per ipsum his commerciis sacrosanctis ad coelestia consurgamus. Per eumdem Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: ut quia tui est operis, si quod tibi placitum est, aut cogitemus, aut agamus, tu nobis semper et intelligendi quae recta sunt, et exsequendi tribuas facultatem. Per Christum Dominum nostrum.
Ad Complendum. --Tribue, Domine, quaesumus, ut per haec sacra quae sumpsimus illuc tendat nostrae devotionis affectus, quo tecum est nostra substantia, Qui tecum vivit et regnat.
Super populum. --Familiae tuae, quaesumus, Domine, esto protector, et misericordiam tuam concede poscenti, quo tibi semper fiat obediens, et tua dona percipiat. Per.
IN ASCENSA (387) DOMINI. Ad Missam. --(388) Concede, quaesumus, omnipotens Deus, ut qui hodierna die Unigenitum tuum Redemptorem nostrum ad coelos ascendisse credimus, ipsi quoque mente in coelestibus habitemus. Per eumdem.
Super oblata. --Suscipe, Domine, munera quae pro Filii tui gloriosa Ascensione deferimus, et concede propitius ut a praesentibus periculis liberemur, et ad vitam perveniamus aeternam. Per eumdem.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui post Resurrectionem suam omnibus discipulis suis manifestus apparuit, et ipsis cernentibus est elevatus in coelum, ut 95 nos divinitatis suae tribueret esse participes. Et cum angelis.
Te igitur, Clementissime Pater, etc.
Communicantes, et diem sacratissimum celebrantes, quo Dominus noster Unigenitus Filius tuus unitam sibi fragilitatis nostrae substantiam in gloriae tuae dextera collocavit. Sed et memoriam, etc.
Benedictio. --Benedicat vobis Deus, cujus Unigenitus hodierna die coelorum alta penetravit, et vobis ubi ille est ascendendi aditum patefecit. Amen. Concedat propitius ut sicut post Resurrectionem suam discipulis visus est manifestus, ita vobis in judicium veniens videatur placatus. Amen. Et qui consedere Patri in sua Majestate creditis, vobiscum manere usque in finem saeculi secundum suam promissionem sentiatis. Amen. Quod ipse praestare.
Ad Complendum. --Praesta nobis, quaesumus, omnipotens et misericors Deus, ut quae visibilibus mysteriis sumenda percepimus, invisibili consequamur effectu. Per Dominum nostrum.
Alia. --Tribue, quaesumus, omnipotens Deus, ut munere festivitatis hodiernae illuc filiorum tuorum dirigatur intentio quo in tuo Unigenito tecum est nostra substantia. Qui tecum vivit et regnat.
Alia. --Adesto, Domine, supplicationibus nostris, ut sicut humani generis Salvatorem consedere tecum in tua Majestate confidimus, ita usque ad consummationem saeculi manere nobiscum, quemadmodum est pollicitus, sentiamus Jesum Christum Dominum nostrum. Qui tecum.
Alia. --Da, quaesumus, omnipotens Deus, illuc subsequi tuorum membra fidelium, quo caput nostrum principiumque praecessit Jesus Christus Dominus noster. Qui tecum vivit et regnat Deus.
Alia. --Deus, cujus Filius in alta coelorum potenter ascendens, captivitatem nostram sua duxit virtute captivam, tribue, quaesumus, ut (389) dona quae suis (390) participibus contulit, largiatur et nobis Jesus Christus Filius tuus.
DOMINICA I POST ASCENSIONEM DOMINI. Omnipotens sempiterne Deus, fac nos tibi semper et devotam gerere voluntatem, et Majestati tuae sincero corde servire. Per.
Super oblata. --Sacrificia nos, Domine, immaculata purificent, et mentibus nostris supernae gratiae dent vigorem. Per.
96 Praefatio. --Vere dignum et justum est, aequum et salutare nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui generi humano nascendo subvenit, cum per mortem passionis mundum devicit, per gloriam Resurrectionis vitae aeternae aditum patefecit, et per suam Ascensionem ad coelos nobis spem ascendendi donavit. Per quem Majestatem.
Benedictio. --Benedictionum suarum super vos Dominus imbrem infundat, et charitatis suae thesauros coelestes vobis aperiat. Amen. Faciat vos Dominus vitae aeternae participes, et regni coelestis cohaeredes. Amen. Dignam in vobis habitationem Spiritus sanctus inveniat, ut ejus gloriosa Majestas placide in vestris cordibus requiescat. Amen. Quod ipse praestare dignetur.
Ad complendum. --Repleti, Domine, muneribus sacris, quaesumus ut in gratiarum actione semper maneamus. Per Dominum nostrum.
Alia. --Deus, vita fidelium, gloria humilium, et beatitudo justorum, propitius respice supplicum preces, ut animae quae promissiones tuas sitiunt de tua semper abundantia repleantur. Per Dominum nostrum.
INCIPIUNT ORATIONES DE PENTECOSTE. Die Sabbato (391) ante descensum fontis. Lectio Libri Genesis. Noe, cum quingentorum esset annorum.
Deus, qui Ecclesiam tuam semper gentium vocatione multiplicas, concede propitius ut quos aqua baptismatis abluis, continua protectione tuearis. Per Dominum.
Lectio Libri Deuteron. Scripsit Moyses.
Canticum: Attende coelum.
Deus, qui nobis per prophetarum ora praecepisti, temporalia relinquere, atque ad aeterna festinare, da famulis tuis ut quae a te jussa cognovimus implere coelesti inspiratione valeamus. Per Dominum nostrum.
Lectio Libri Levitici. Cum ingressi fueritis terram, quam ego dabo vobis.
Deus, qui diversitatem omnium gentium in confessione tui nominis adunasti, da nobis et velle et posse quod praecipis, ut populo ad aeternitatem vocato una sit fides mentium et pietas actionum Per.
Lectio Isaiae prophetae. Apprehendent septem mulieres.
Canticum: Vinea.
Deus, incommutabilis virtus et lumen aeternum, respice propitius ad totius Ecclesiae mirabile sacramentum, et da famulis tuis ut hoc quod devote agimus etiam rectitudine vitae teneamus. Per Dominum nostrum.
97 Canticum de Psal. XLI. Sicut cervus desiderat ad fontes.
Post Tractum. --Concede, quaesumus, omnipotens Deus, ut qui solemnitatem doni Spiritus sancti colimus, coelestibus desideriis accensi, fontem vitae sitiamus. Per.
Oratio ad Missam post ascensum fontis. --Praestat quaesumus. omnipotens Deus ut claritatis tuae super nos splendor effulgeat, et lux tuae lucis corda eorum qui per gratiam tuam renati sunt sancti Spiritus illustratione confirmet. Per Dominum nostrum Jesum Christum Filium tuum, qui tecum vivit et regnat Deus in unitate ejusdem Spiritus sancti.
Super oblata. --Hostias populi tui, quaesumus, Domine, miseratus intende, et ut tibi reddantur acceptae, conscientias nostras sancti Spiritus salutaris emundet adventus. Per Dominum, etc., in unitate.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: (392) qui, sacramentum paschale consummans, quibus per Unigeniti tui consortium filios adoptionis esse tribuisti, per Spiritum sanctum largiris dona gratiarum, et sui cohaeredibus Redemptoris jam nunc supernae pignus haereditatis impendis, ut tanto se certius ad eum confidant esse venturos, quanto se sciunt ab eo redemptos, et sancti Spiritus infusione ditatos. Et ideo cum angelis.
Te igitur, etc.
Communicantes, et (393) diem sacratissimum Pentecostes praevenientes, quo Spiritus sanctus apostolos, plebemque credentium praesentia suae Majestatis implevit. Sed et memoriam venerantes, etc.
Hanc igitur oblationem servitutis nostrae, sed et cunctae familiae tuae, quam tibi offerimus, pro his quoque, quos regenerare dignatus es ex aqua et Spiritu sancto, tribuens eis remissionem omnium peccatorum, quaesumus, ut placatus.
Benedictio. --Benedicat vobis omnipotens Deus, ob cujus paracliti Spiritus adventum mentes vestras jejunii observantia praeparatis, et praesentem diem solemnibus laudibus honoratis. Amen. Instar modo renatorum infantium talem innocentiam habeatis, ut templum sancti Spiritus ipso tribuente esse possitis. Amen. Atque idem Spiritus sanctus ita vos hodie sua habitatione dignos efficiat, ut cras se vestris mentibus vobiscum perpetim habitaturus infundat, et peracto praesentis vitae curriculo vos ad coelestia dona perducat. Amen. Quod ipse praestare dignetur.
Ad Complendum. --Praesta, quaesumus, omnipotens Deus, ut Spiritus sanctus adveniens Majestatem nobis Filii tui manifestando clarificet. Per eumdem. In unitate ejusdem.
98 Alia. --Deus, cujus Spiritu totum corpus Ecclesiae multiplicatur et regitur, conserva in nova familiae tuae progenie sanctificationis gratiam, quam dedisti, ut, corpore et mente renovati, in unitate fidei ferventes, tibi Domino servire mereantur. Per Dominum nostrum. In unitate ejusdem.
DIE SANCTO PENTECOSTES. Deus, qui hodierna die corda fidelium sancti Spiritus illustratione docuisti, da nobis in eodem Spiritu recta sapere, et de ejus semper consolatione gaudere. Per. In unitate ejusdem.
Super oblata. --Munera, Domine, quaesumus, oblata sanctifica, et corda nostra illustratione sancti Spiritus emunda. Per. In unitate ejusdem.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui (394) ascendens super omnes coelos, sedensque ad dexteram tuam, promissum Spiritum sanctum hodierna die in filios adoptionis effudit. Quapropter profusis gaudiis totus in orbe terrarum mundus exsultat. Sed et supernae virtutes, atque angelicae potestates hymnum gloriae tuae concinunt, sine fine dicentes.
Te igitur, etc.
Communicantes, et diem sacratissimum Pentecostes celebrantes, quo Spiritus sanctus apostolis (395) in igneis linguis apparuit. Sed et memoriam.
Hanc igitur oblationem servitutis nostrae, sed et cunctae familiae tuae, quam tibi offerimus, pro his quoque, quos regenerare dignatus es ex aqua et Spiritu sancto, tribuens eis remissionem omnium peccatorum, quaesumus, ut placatus.
Benedictio. --Deus, qui hodierna die discipulorum mentes Spiritus paracleti infusione dignatus est illustrare, faciat vos sua benedictione repleri, et ejusdem Spiritus donis exuberare. Amen. Ille ignis, qui super discipulos apparuit, peccatorum vestrorum sordes expurget, et sui luminis infusione corda vestra perlustret. Amen. Quique dignatus est diversitatem linguarum in unius fidei confessione adunare, in eadem vos faciat fide perseverare, et per hanc (396) a spe ad speciem pervenire. Amen. Quod ipse praestare dignetur.
Ad complendum. --Sancti Spiritus, Domine, corda nostra mundet infusio, et sui roris intima aspersione fecundet. Per Dominum.
Alia. --Omnipotens sempiterne Deus, qui Paschale sacramentum quinquaginta dierum voluisti mysterio contineri, praesta ut gentium facta dispersio divisione linguarum ad unam confessionem tui nominis, 99 coelesti munere congregetur. Per Dominum.
Alia. --Deus, qui sacramento festivitatis hodiernae Ecclesiam tuam in omni gente et natione sanctificas, in totam mundi latitudinem Spiritus tui dona diffunde. Per.
FERIA II. Deus, qui apostolis tuis sanctum dedisti Spiritum, concede plebi tuae piae petitionis effectum, ut quibus dedisti fidem, largiaris et pacem. Per.
Super oblata. --Propitius, Domine, quaesumus, haec dona sanctifica, et, Hostiae spiritalis oblatione suscepta, nosmetipsos tibi perfice munus aeternum. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui promissum Spiritum paracletum super discipulos misit, qui principio nascentis Ecclesiae cunctis gentibus imbuendis, et Deitatis scientiam inderet, et linguarum diversitatem in unius fidei confessione sociaret. Per quem Majestatem tuam supplices exoramus, ut cujus celebramus adventum, ejus multimodae gratiae capiamus effectum. Per quem Majestatem.
Ad Complendum. --Adesto, Domine, quaesumus, populo tuo, et quem mysteriis coelestibus imbuisti, ab hostium furore defende. Per.
Alia. --Deus, qui discipulis tuis Spiritum sanctum paracletum in ignis fervore mittere dignatus es, da populis tuis in unitate fidei esse ferventes, ut in tua semper dilectione permanentes, et in fide inveniantur stabiles, et in opere efficaces. Per Dominum.
FERIA III. Adsit nobis, Domine, quaesumus, virtus Spiritus sancti, quae et corda nostra clementer expurget, et ab omnibus tueatur adversis. Per Dominum.
Super oblata. --Purificet nos, quaesumus, Domine, muneris praesentis oblatio, et dignos sacra participatione perficiat. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui Spiritus sancti infusione replevit corda fidelium, ut sua admirabili operatione, 100 et sui amoris in eis ignem accenderet, et per diversitatem linguarum gentes in unitate fidei solidaret; cujus dono petimus, et illecebrosas a nobis excludi voluptates, et spiritales in nobis exstrui plantarique virtutes. Per quem Majestatem.
Ad Complendum. --Mentes nostras, quaesumus, Domine, Spiritus sanctus divinis reparet sacramentis, quia ipse est remissio omnium peccatorum. Per Dominum.
FERIA IV. MENSIS IV. Mentes nostras, quaesumus, Domine, Paracletus, qui a te procedit, illuminet; et inducat in omnem, sicut tuus promisit Filius, veritatem. Qui tecum vivit et regnat, in unitate ejusdem.
Alia. --Praesta, quaesumus, omnipotens et misericors Deus, ut Spiritus sanctus adveniens, templum nos gloriae suae dignanter habitando perficiat. Per.
Super oblata. --Accipe, quaesumus, Domine, munus oblatum, et dignanter operare, ut quod mysteriis agimus, piis effectibus celebremus. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum. Per quem discipulis Spiritus sanctus in terra datur ob dilectionem proximi, et de coelo mittitur propter dilectionem tui. Cujus infusio petimus ut in nobis peccatorum sordes exurat, tui amoris ignem nutriat, et nos ad amorem fraternitatis accendat. Per quem Majestatem tuam.
Ad Complendum. --Sumentes, Domine, coelestia sacramenta, quaesumus clementiam tuam, ut quod temporaliter gerimus aeternis gaudiis consequamur. Per.
(397) FERIA V. Illo nos igne, quaesumus, Domine, Spiritus sanctus inflammet, quem Dominus noster Jesus Christus misit in terram, et voluit vehementer accendi. Qui tecum vivit et regnat Deus in unitate ejusdem.
Super oblata. --Virtute Spiritus sancti, Domine, munera nostra continge, ut quod solemnitate praesenti tuo nomini dedicavit, et intelligibile nobis faciat et aeternum. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per 101 Christum Dominum nostrum. Per quem pietatem tuam suppliciter petimus, ut Spiritus sanctus corda nostra expurget, et sui luminis irradiatione perlustret, ut in eo qui gratiarum largitor est recta sapiamus, et de ejus consolatione in perpetuum gaudeamus. Per quem Majestatem tuam.
Ad Complendum. --Sacris coelestibus, Domine, sancto Spiritu operante, vitia nostra purgentur, ut muneribus tuis possimus semper aptari. Per Dominum nostrum.
Alia. --Praesta, quaesumus, Domine, ut a nostris mentibus carnales amoveat Spiritus affectus, et spiritalia nobis dona potenter infundat. Per Dominum nostrum Jesum Christum Filium tuum, qui tecum vivit et regnat, Deus, in unitate ejusdem.
FERIA VI. MENSIS IV. (398) Da, quaesumus, Ecclesiae tuae, misericors Deus, ut, sancto Spiritu congregata, hostili nullatenus incursione turbetur. Per Dominum nostrum.
Super oblata. --Sacrificia, Domine, tuis oblata conspectibus ille ignis divinus assumat, qui discipulorum Christi tui per Spiritum sanctum corda succendit. Per eumdem Dominum nostrum
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam suppliciter exorare, ut Spiritus paracletus adveniat, et nos, inhabitando, templum suae Majestatis efficiat; quod cum Unigenito Filio tuo clementi respectu semper digneris invisere, et tuae inhabitationis fulgore in perpetuum perlustrare. Per quem Majestatem.
Ad Complendum. --Sumpsimus, Domine, sacri dona mysterii, humiliter deprecantes, ut quae in tui commemorationem nos facere praecepisti, largiente sancto Spiritu, in nostrae proficiant infirmitatis auxilium. Per Dominum.
Super populum, (399) si in jejunio fuerit. --Da nobis, quaesumus, Domine, per gratiam Spiritus sancti, novam tui Paracleti spiritalis observantiae disciplinam, ut mentes nostras sacro purificante jejunio, cunctis reddantur ejus muneribus aptiores. Per Dominum. In unitate ejusdem.
SABBATO IN XII LECTIONIBUS MENSIS IV. Mentibus nostris, Domine, Spiritum sanctum benignus infunde, cujus et sapientia conditi sumus, et providentia gubernamur. Per Dominum nostrum.
Alia. --Annue, misericors Deus, ut qui, divina praecepta 102 violando, a paradisi felicitate decidimus, ad aeternae beatitudinis, duce sancto Spiritu, redeamus accessum, per tuorum custodiam mandatorum. Per. In unitate ejusdem.
Alia. --Deus, qui ad animarum medelam jejunii devotione castigari corpora praecepisti, concede nobis propitius, et mente et corpore semper tibi esse devotos. Per.
Alia. --Praesta, quaesumus, omnipotens Deus, ut, salutaribus jejuniis eruditi, ab omnibus etiam vitiis abstinentes, propitiationem tuam facilius impetremus. Per.
Alia. --Praesta, quaesumus, omnipotens Deus, sic nos ab epulis carnalibus abstinere; ut a vitiis irruentibus pariter jejunemus. Per Dominum nostrum.
Alia ad Missam. --Deus, qui tribus pueris mitigasti flammas ignium, concede propitius ut nos famulos tuos non exurat flamma vitiorum. Per.
Super oblata. --Omnipotens sempiterne Deus, qui non sacrificiorum ambitione placaris, sed studia piae devotionis intendis, da familiae tuae Spiritum rectum et habere cor mundum, ut fides eorum haec dona tibi conciliet, et humilitas oblata commendet. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam omnipotentiam devotis precibus implorare, ut nos (400) Spiritus tui lumen infundat, cujus nos sapientia creat, pietas recreat, et providentia gubernat. Qui, cum a tua substantia nullo modo sit diversus, sed tibi et Unigenito tuo consubstantialis et coaeternus, diversitate tamen donorum replet tuorum corda fidelium. Et ideo cum angelis.
Benedictio. --Benedicat vobis omnipotens Deus, qui cuncta ex nihilo creavit, et vobis in baptismate per Spiritum sanctum remissionem omnium peccatorum tribuit. Amen. Quippe eumdem Spiritum sanctum in igneis linguis discipulis suis dedit, ipsius illustratione corda vestra perlustret, atque in suum amorem jugiter accendat. Amen. Quatenus ejus dono a vitiis cunctis emundati, ipsius opitulatione ab omnibus adversitatibus defensi, templum ipsius effici mereamini. Amen. Quod ipse praestare dignetur.
Ad Complendum. --Praebeant nobis, Domine, divinum tua sancta fervorem, quo eorum pariter et actu delectemur et fructu. Per.
103 DOMINICA (401) OCTAVAS PENTECOSTES. Omnipotens sempiterne Deus, qui dedisti famulis tuis in confessione verae fidei aeternae Trinitatis gloriam agnoscere, et in potentia Majestatis adorare Unitatem, quaesumus ut ejusdem fidei firmitate ab omnibus semper muniamur adversis. Per Dominum nostrum.
Super oblata. --Sanctifica, quaesumus, Domine Deus noster, per Unigeniti tui virtutem, hujus oblationis Hostiam, et, cooperante Spiritu sancto, per eam nosmetipsos tibi perfice munus aeternum. Per eumdem. In unitate ejusdem.
Praefatio. --Vere dignum et justum est, aequum et salutare, nos tibi semper et ubique gratias agere: Domine sancte, Pater omnipotens, aeterne Deus: (402) qui cum Unigenito Filio tuo et Spiritu sancto unus es Deus, unus es Dominus, non in unius singularitate personae, sed in unius Trinitate substantiae. Quod enim de tua gloria, revelante te, credimus, hoc de Filio tuo, hoc de Spiritu sancto sine differentiae discretione sentimus; ut in confessione verae sempiternaeque Deitatis, et in personis proprietas, et in essentia Unitas, et in Majestate adoretur aequalitas. Quam laudant angeli.
Benedictio. --Omnipotens Trinitas, unus et verus Deus, Pater, et Filius, et Spiritus sanctus, det vobis se desiderare fideliter, agnoscere veraciter, diligere sinceriter. Amen. Aequalitatem atque incommutabilitatem suae essentiae ita vestris mentibus infigat, ut ab ea nunquam vos quibuscunque phantasiis aberrare permittat. Amen. Sicque vos in sui fide, spe et charitate perseverare concedat, ut per ea postmodum ad sui manifestationem visionemque interminabilem introducat. Amen. Quod ipse praestare dignetur.
Ad Complendum. --Proficiat nobis ad salutem corporis et animae, Domine, quaesumus, hujus sacramenti perceptio, et sempiterna sanctae Trinitatis ejusdemque individuae Unitatis confessio. Per.
Super populum. --Domine Deus, Pater omnipotens, famulos tuae Majestati subjectos per unicum Filium tuum in virtute sancti Spiritus benedic et protege, ut, ab omni hoste securi, in tua jugiter laude laetemur. Per eumdem.
KALENDAS JUNII.-- DEDICATIO (403) BASILICAE SANCTI NICOMEDIS. Deus, qui nos beati Nicomedis martyris tui 104 meritis et intercessione laetificas, concede propitius, ut, qui ejus beneficia poscimus, dona tuae gratiae consequamur. Per Dominum nostrum.
Super oblata. --Munera, Domine, oblata sanctifica et, intercedente beato Nicomede martyre tuo, nos per haec a peccatorum nostrorum maculis emunda. Per Dominum.
Ad Complendum. --Supplices te rogamus, omnipotens Deus, ut quos tuis reficis sacramentis, intercedente beato Nicomede martyre tuo, tibi etiam placitis moribus dignanter tribuas deservire. Per Dominum.
IV NONAS JUNII.--NATALIS SANCTORUM MARCELLINI ET PETRI. Deus, qui nos annua beatorum martyrum tuorum Marcellini et Petri solemnitate laetificas, praesta, quaesumus, ut quorum gaudemus meritis, provocemur exemplis. Per.
Super oblata. --Votiva, Domine, munera deferentes, in tuorum Marcellini et Petri martyrum passione tuam magnificentiam veneramur, et per eam nobis imploramus tuae pietatis auxilium. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: apud quem semper est praeclara vita sanctorum, quorum nos pretiosa mors laetificat et tuetur. Quapropter martyrum tuorum Marcellini et Petri gloriosa recensentes natalitia, laudes tibi referimus, et magnificentiam tuam supplices exoramus, ut quorum sumus martyria venerantes, beatitudinis mereamur esse consortes. Per Christum Dominum nostrum.
Ad Complendum. --Intercedentibus sanctis tuis, Domine, Marcellino et Petro, plebi tuae praesta subsidium, ut, ab omnibus noxiis expedita, cuncta sibi profutura perficiat. Per Dominum nostrum.
V IDUS JUNII.--(404) NATALIS SANCTORUM PRIMI ET FELICIANI. Fac nos, Domine, quaesumus, sanctorum tuorum Primi et Feliciani semper festa sectari, quorum suffragiis protectionis tuae dona capiamus. Per.
Super oblata. --Fiat, Domine, quaesumus, Hostia sacranda placabilis 105 pretiosi celebritate martyrii, quae et peccato nostra purificet, et tuorum tibi vota conciliet famulorum. Per Dominum nostrum.
Ad Complendum. --Quaesumus, omnipotens Deus, ut sanctorum tuorum coelestibus mysteriis celebrata solemnitas, indulgentiam nobis tuae propitiationis acquirat. Per.
PRIDIE IDUS JUNII.--NATALIS SANCTORUM BASILIDIS, CYRINI, NABORIS ET NAZARII. Sanctorum Basilidis, Cyrini, Naboris, et Nazarii, quaesumus, Domine, natalitia nobis votiva resplendeant, et (405) quod illis contulit excellentia sempiterna, fructibus nostrae devotionis adcrescat. Per.
Super oblata. --Pro sanctorum Basilidis, Cyrini, Narboris et Nazarii sanguine venerando, Hostias tibi, Domine, solemniter immolamus, tua mirabilia pertractantes, (406) per quam talis est perfecta victoria. Per.
Ad Complendum. --Semper, Domine, sanctorum martyrum Basilidis, Cyrini, Naboris et Nazarii solemnia celebremus, ut eorum patrocinia jugiter sentiamus. Per.
XIV KALENDAS JULII.--NATALIS SANCTORUM MARCI ET MARCELLIANI. Praesta, quaesumus, omnipotens Deus, ut, qui sanctorum Marci et Marcelliani natalitia colimus, a cunctis malis imminentibus eorum intercessione liberemur. Per.
Super oblata. --Suscipe, Domine, munera tuorum populorum votiva, et sanctorum Marci et Marcelliani tibi precibus esse grata concede, pro quorum solemnitatibus offeruntur. Per.
Ad Complendum. --Intercessione beatorum martyrum tuorum Marci et Marcelliani, quaesumus, Domine, ut mysticis nos dapibus foveas ac reformes. Per Dominum nostrum.
(407) DENUNTIATIO JEJUNIORUM, PRIMI, QUARTI, SEPTIMI ET DECIMI MENSIS. Anniversariam, fratres charissimi, jejunii puritatem, qua et corporis acquiritur et animae sanctitas, nos commonet Ill. mensis instaurata devotio; quarta igitur et sexta feria sollicito convenientes occursu, offeramus Deo spiritale jejunium. Die (408) vero Sabbati, apud beatum Petrum apostolum, cujus nos intercessionibus credimus adjuvandos, sanctas vigilias Christiana pietate celebremus, ut per hanc institutionem salutiferam 106 peccatorum sordes, quas corporum fragilitate contrahimus, jejuniis et eleemosynis abluamus, auxiliante Domino nostro, Jesu Christo qui cum Patre et Spiritu sancto vivit et regnat Deus, per omnia saecula saeculorum.
Alia.--Ill. Mensis jejunia in hac hebdomada nobis sunt tenenda; ideoque hortamur sanctam fidem vestram, ut quarta, sexta, vel septima feria jejunemus, quatenus divinis inhaerendo mandatis, propitiationem Dei nostri perseverantia debitae servitutis obtineat, auxiliante Domino nostro Jesu Christo, qui cum Patre et Spiritu sancto vivit et regnat Deus per omnia saecula saeculorum.
(409) MENSIS IV. FERIA IV. (410) Si post Hebdomadam Pentecostes advenerit.
Oratio ad Missam. --Omnipotens et misericors Deus, apta nos tuae propitius voluntati, quo, sicut ejus praetereuntes tramitem deviamus, sic integro tenore dirigamur, ad illius semper ordinem recurrentes. Per Dominum nostrum.
Alia. --Da nobis mentem, Domine, quae tibi sit placita, quia talibus jugiter quidquid est prosperum ministrabis. Per Dominum nostrum.
Super oblata. --Solemnibus jejuniis expiatos tuo nos, Domine, mysterio congruentes, hoc sacro munere, effice, quia tanto nobis salubrius aderis, quanto id devotius sumpserimus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia post illos laetitiae dies quos in honore Domini a mortuis resurgentis et in coelos ascendentis exegimus, postque perceptum sancti Spiritus donum, necessario nobis jejunia sancta provisa sunt, ut pura conversatione viventibus quae divinitus sunt Ecclesiae collata permaneant. Per Christum.
Ad Complendum. --Concede, quaesumus, Domine, populo tuo veniam peccatorum, ut quod meritis non praesumit, indulgentiae tuae celeri largitate percipiat.
FERIA VI. Ut nobis, Domine, terrenarum frugum tribuas ubertatem, fac mentes nostras coelesti fertilitate fecundas. Per Dominum nostrum.
Super oblata. --Ut accepta tibi sint, Domine, nostra jejunia, praesta nobis, quaesumus, hujus munere sacramenti purificatum tibi pectus offerre. Per Dominum nostrum.
107 Ad Complendum. --Annue, quaesumus, omnipotens Deus, ut sacramentorum tuorum gesta recolentes, et temporali securitate relevemur, et erudiamur legalibus institutis. Per Dominum nostrum.
Super populum. --Fideli populo, Domine, misericordiam tuam placatus impende, et praesidia corporis copiosa tribue supplicanti. Per Dominum.
SABBATO IN XII LECT.--Praesta, Domine, quaesumus, tales nos fieri tuae gratiae largitate, ut bona tua et fiducialiter impetremus, et sine difficultate sumamus. Per.
Alia. --Da nobis, Domine, regnum tuum, justitiamque semper inquirere, ut quibus indigere nos perspicis, clementer facias abundare. Per.
Alia. --Deus, qui nos de praesentibus adjumentis esse vetuisti sollicitos, tribue, quaesumus, ut pie sectantibus, quae tua sunt, universa nobis salutaria condonentur. Per.
Alia. --Deus, qui misericordia tua praevenis non petentes, da nobis affectum Majestatem tuam jugiter deprecandi, ut pietate perpetua supplicibus potiora defendas. Per Dominum nostrum.
Alia. --Deus, qui non despicis corde contritos et afflictos miseriis, populum tuum jejunii ad te devotione clamantem propitius exaudi, ut quos humiliavit adversitas, attollat reparationis tuae prosperitas. Per.
(411) POST BENEDICTIONES. Ad Missam. --Deus, qui tres pueros de camino ignis, non solum illaesos, sed etiam tuis laudibus conclamantes liberasti, quaesumus ut nos peccatorum nexibus obvolutos velut de voragine ignis eripias, ut criminum flammas, operumque carnalium incendia superantes, hymnum tibi debitum jure meritoque reddamus. Per.
Super oblata. --Domine Deus noster, qui in his potius creaturis quas ad fragilitatis nostrae praesidium condidisti tuo quoque nomini munera jussisti dicanda constitui, tribue, quaesumus, ut et vitae nobis praesentis auxilium, et aeternitatis efficiant sacramentum. Per.
Ad Complendum: --Sumptum, quaesumus, Domine, venerabile sacramentum, et praesentis vitae subsidiis nos foveat, et aeternae. Per.
108 Super populum. --Proficiat, Domine, quaesumus, plebs tibi dicata piae devotionis affectu, ut, sacris actibus erudita, quanto Majestati tuae fit gratior, tanto donis potioribus augeatur. Per.
XIII KALENDAS JULII.--NATALIS (412) SANCTORUM GERVASII ET PROTASII. (413) Sanctorum martyrum nos, Domine, Gervasii et Protasii confessio beata communiat, et fragilitati nostrae subsidium dignanter exoret. Per Dominum nostrum.
Super oblata. --Concede nobis, omnipotens Deus, ut his muneribus, quae pro sanctorum martyrum Gervasii et Protasii honore deferimus, et te placemus exhibitis, et nos vivificemur acceptis. Per.
Ad Complendum. --Da, quaesumus, omnipotens Deus, ut mysteriorum virtute sanctorum, et (414) intercessione beatorum Gervasii et Protasii martyrum tuorum, vita nostra (415) fulciatur. Per.
IX KALENDAS JULII.--(416) VIGILIA SANCTI JOANNIS BAPTISTAE. Praesta, quaesumus, omnipotens Deus, ut familia tua per viam salutis incedat, et beati Joannis Praecursoris hortamenta sectando, ad eum quem praedixit secura perveniat Dominum nostrum.
Super oblata. --Munera, Domine, oblata sanctifica, et intercedente beato Joanne Baptista, nos per haec a peccatorum nostrorum maculis emunda. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: (417) exhibentes solemne jejunium quo beati Joannis Baptistae natalitia praevenimus. Cujus genitor, dum eum dubitat nasciturum, sermonis amisit officium, et eo nascente et sermonis usum, et prophetiae suscepit donum; cujusque genitrix, senio confecta, sterilitate multata, in ejus conceptu non solum sterilitatem amisit, fecunditatem acquisivit, sed etiam Spiritum sanctum, quo Matrem Domini et Salvatoris agnosceret, accepit. Per quem Majestatem.
Ad Complendum. --Beati Joannis Baptistae, nos Domine, praeclara comitetur oratio, et quem venturum esse praedixit, poscat nobis favere placatum. Per Dominum nostrum.
(418) IN PRIMA MISSA DE NOCTE. Concede, quaesumus, omnipotens Deus, ut 109 qui beati Joannis Baptistae solemnia colimus, ejus apud te intercessione muniamur. Per Dominum.
Super oblata. --Munera, Domine, oblata sanctifica, et intercedente beato Joanne Baptista, nos per haec a peccatorum nostrorum maculis emunda. Per.
Ad Complendum. --Praesta, quaesumus, omnipotens Deus, ut qui coelestia alimenta percepimus, intercedente beato Joanne Baptista, per haec contra omnia adversa muniamur. Per Dominum.
Super populum. --Praesta, quaesumus, Domine, ut populus tuus ad plenae devotionis effectum beati Joannis Baptistae natalitiis praeparetur, quem praemisisti Filio tuo parare plebem perfectam, Jesu Christo Domino nostro. Qui.
Alia. --Beati nos, Domine, Joannis oratio, et intelligere Christi tui mysterium postulet, et mereri. Per eumdem.
VIII KALENDAS JULII NATALIS SANCTI JOANNIS BAPTISTAE. Deus, qui praesentem diem honorabilem nobis in beati Joannis nativitate fecisti, da populis tuis spiritalium gratiam gaudiorum, et omnium fidelium mentes dirige in viam salutis aeternae. Per.
Super oblata. --Tua, Domine, muneribus altaria cumulamus, illius nobis per haec opem adesse poscentes, et nativitatem honore debito celebrantes, qui Salvatorem mundi et cecinit adfuturum, et adesse monstravit, Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, et in die festivitatis hodiernae, qua beatus Joannes exortus est, tuam magnificentiam collaudare, qui vocem matris Domini nondum editus sensit, et (419) adhuc clausus utero adventum salutis humanae prophetica exsultatione significavit. (420) Qui et genitricis sterilitatem conceptus abstulit, et patris linguam natus absolvit, solusque omnium prophetarum Redemptorem mundi, quem praenuntiavit, ostendit. Et ut sacrae purificationis effectum aquarum natura conciperet, sanctificandis Jordanis fluentis ipsum baptismo baptismatis lavit Auctorem. Et ideo cum angelis.
Benedictio. --Benedicat vobis omnipotens Deus, beati Joannis Baptistae intercessione, cujus hodie natalitia celebratis, concedatque ut cujus solemnia colitis patrocinia sentiatis. Amen. Illius obtentu ab omnibus adversis tueamini, et bonis omnibus perfruamini, qui adventum Redemptoris mundi necdum natus 110 cognovit, matris sterilitatem nascendo abstulit, patris linguam natus absolvit. Amen. Quatenus ipsius Agni, quem ille digito ostendit, cujus immolatione estis redempti, ita virtutum lanis vestiri, et innocentiam valeatis imitari, ut ei in aeternae patriae felicitate possitis adjungi. Quod ipse praestare dignetur.
Ad complendum. --Sumat Ecclesia tua, Deus, beati Joannis Baptistae generatione laetitiam, per quem suae regenerationis cognovit Auctorem, Dominum nostrum. Qui tecum vivit.
Ad Matutinos. --Omnipotens, et misericors Deus, qui beatum Joannem Baptistam tua providentia destinasti ut perfectam plebem Christo Domino praepararet, da, quaesumus, ut familia tua hujus intercessione praeconis, et a peccatis omnibus exuatur, et ad eum quem prophetavit pervenire mereatur Dominum.
Alia. --Omnipotens sempiterne Deus, da cordibus nostris illam tuarum rectitudinem semitarum quam beati Joannis Baptistae in deserto vox clamantis edocuit. Per Dominum nostrum.
Alia. --Deus, qui conspicis quia nos undique mala nostra contristant, per Praecursorem gaudii corda nostra laetifica. Per Dominum nostrum.
Alia. --Da, quaesumus, omnipotens Deus, intra sanctae Ecclesiae tuae uterum constitutos, eo nos Spiritu ab iniquitate nostra justificari, quo beatum Joannem intra viscera materna docuisti. Per Dominum nostrum Jesum.
Alia. --Deus, qui nos annua beati Joannis Baptistae solemnia frequentare concedis, praesta, quaesumus, ut et devotis eadem mentibus celebremus, et, ejus patrocinio promerente, plenae capiamus securitatis augmentum. Per.
VI KALENDAS JULII.--NATALIS SANCTORUM JOANNIS ET PAULI. Quaesumus, omnipotens Deus, ut nos geminata laetitia hodiernae festivitatis excipiat, quae de beatorum Joannis et Pauli glorificatione procedit, quos eadem fides et passio vere fecit esse germanos. Per.
Super oblata. --Hostias altaribus tuis, Domine, placationis imponimus, potentiam tuam in sanctorum tuorum passionibus honorando, et per eos nobis implorando veniam peccatorum. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, 111 Pater omnipotens, aeterne Deus, per Christum Dominum nostrum: pro cujus amore gloriosi martyres Joannes et Paulus martyrium non sunt cunctati subire; quos in nascendi lege junxit germanitas, in gremio matris Ecclesiae fidei unitas, in passionis acerbitate ferenda unius amoris societas. Per quem nos petimus eorum precibus adjuvari, quorum festa noscimur venerari. Per quem Majestatem.
Ad Complendum. --Sumpsimus, Domine, sanctorum tuorum Joannis et Pauli solemnia celebrantes, coelestia sacramenta: praesta, quaesumus, ut quod temporaliter gerimus aeternis gaudiis consequamur. Per Christum Dominum.
IV KALENDAS JULII.--(421) NATALIS SANCTI LEONIS PAPAE. Deus, qui beatum Leonem pontificem sanctorum tuorum meritis coaequasti, concede propitius ut qui commemorationis ejus festa percolimus, vitae quoque imitemur exempla. Per Dominum.
Super oblata. --Annue nobis, Domine, ut (422) animae famuli tui Leonis haec prosit oblatio, quam immolando totius mundi tribuisti relaxari delicta. Per Dominum nostrum.
Ad Complendum. --Deus, qui animae famuli tui Leonis aeternae beatitudinis praemia contulisti, concede propitius ut, qui peccatorum nostrorum pondere premimur, ejus apud te precibus sublevemur. Per.
EODEM DIE.--(423) VIGILIA SANCTI PETRI ET PAULI. (424) Quando apostolicus duas Missas celebrat una die, inter eas (425) non lavat os, nisi post officium; sed absque intervallo, finita priore, incipitur altera.
Deus, qui nobis apostolorum beatorum Petri et Pauli natalitia gloriosa praeire concedis, tribue, quaesumus, eorum nos semper et beneficiis praeveniri, et orationibus adjuvari. Per Dominum nostrum.
Super oblata. --Munera, Domine, tuae glorificationis offerimus quae tibi pro nostris grata jejuniis sanctorum apostolorum, quaesumus, deprecatio quorum solemnia praevenimus efficiat. Per.
Praefatio. --Vere dignum et justum est, aequum et salutare, nos tibi semper et ubique gratias agere, 112 Domine sancte, Pater omnipotens, aeterne Deus: apud quem cum beatorum apostolorum continuata festivitas triumphique coelestis perpetua et aeterna sit celebritas, nobis tamen eorum festa annuis recursibus tribuis frequentare, ut et illorum passioni sit veneratio ex nostra devotione, et nobis auxilium proveniat de eorum sanctissima intercessione. Per.
Ad Complendum. --Sumptis, Domine, remediis sempiternis, tuorum mundentur corda fidelium, ut apostolici Petri et Pauli natalis insignia, quae corporalibus officiis exsequuntur, pia cordis intelligentia comprehendant. Per.
Super populum. --Deus, qui ligandi solvendique licentiam tuis apostolis contulisti, da, quaesumus, ut, per ipsos aeternis vitiis expediti, liberi possimus coelestibus interesse mysteriis. Per eumdem Dominum.
Ad Vesperos. --Apostolicis nos, Domine, quaesumus, beatorum Petri et Pauli attolle praesidiis, ut quanto fragiliores sumus, tanto validioribus auxiliis foveamur. Per.
Ad Matutinos. --Deus, qui Ecclesiam tuam (426) apostoli tui Petri fide et nomine consecrasti, quique beatum illi Paulum ad praedicandum gentibus gloriam tuam sociare dignatus es, concede ut omnes qui ad apostolorum tuorum solemnia convenerunt spiritali remuneratione ditentur.
III KALENDAS JULII.--NATALIS EJUSDEM PETRI ET PAULI. Ad Missam. --Deus, qui hodiernam diem apostolorum tuorum Petri et Pauli martyrio consecrasti, da Ecclesiae tuae eorum in omnibus sequi praeceptum, per quos religionis sumpsit exordium. Per Dominum nostrum.
Super oblata. --Hostias, Domine, quas nomini tuo sacrandas offerimus, apostolica prosequatur oratio, per quam nos expiari tribuas et defendi. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te suppliciter exorare, ut gregem tuum, pastor aeterne, non deseras, sed per beatos apostolos tuos continua protectione custodias, ut iisdem rectoribus gubernetur, quos operis tui vicarios eidem contulisti praeesse pastores. Et ideo cum angelis et archangelis.
113 Benedictio. --Benedicat vobis omnipotens Deus, qui vos beati Petri saluberrima confessione in ecclesiasticae fidei fundavit soliditate. Amen. Et quos beati Pauli sanctissima instruxit praedicatione, sua tueatur gratissima defensione. Amen. Quatenus Petrus clave, Paulus sermone, utrique intercessione ad illam nos certent patriam introducere, ad quam illi, alter cruce, alter gladio, hodierna die pervenere. Amen. Quod ipse praestare.
Ad Complendum. --Quos coelesti, Domine, alimento satiasti, apostolicis intercessionibus ab omni adversitate custodi. Per.
Super populum. --Familiam tuam, quaesumus, Domine, propitius intuere, et apostolicis defende praesidiis, ut eorum precibus gubernetur, quibus nititur, te constituente, principibus. Per.
Alia. --Deus, qui apostolo tuo Petro, collatis clavibus regni coelestis, ligandi atque solvendi (428) pontificium tradidisti, concede ut intercessionis ejus auxilio, a peccatorum hostrorum nexibus liberemur. Per Dominum.
Alia. --Omnipotens sempiterne Deus, qui Ecclesiam tuam apostolica soliditate fundatam ab infernarum eruis terrore portarum, praesta ut, in tua veritate persistens, nulla recipiat consortia perfidorum. Per.
Alia. --Exaudi nos, Deus, salutaris noster, et apostolorum tuorum nos tuere praesidiis, quorum donasti fideles esse doctrinis. Per.
Alia. --Esto, Domine, plebi tuae sanctificator, et custos, ut apostolicis munita praesidiis, et conversatione tibi placeat, et secura deserviat. Per.
PRIDIE KALENDAS JULII.--(429) NATALIS SANCTI PAULI. Deus, qui multitudinem gentium beati Pauli apostoli praedicatione docuisti, da nobis, quaesumus, ut cujus natalitia colimus, ejus apud te patrocinia sentiamus. Per.
Super oblata. --Ecclesiae tuae, quaesumus, Domine, preces et Hostias apostolica commendet oratio, ut quod pro illorum gloria celebramus, nobis prosit ad veniam. Per.
(430) Praefatio et benedictio, quae est superius.
Ad Complendum. --Perceptis, Domine, sacramentis beatis apostolis intervenientibus 114 deprecamur, ut quae pro illorum celebrata sunt gloria, nobis proficiant ad medelam. Per Dominum nostrum.
Super populum. --Praesta, quaesumus, omnipotens Deus, ut nullis nos permittas perturbationibus concuti, quos in apostolicae confessionis petra solidasti. Per.
VI NONAS JULII.--NATALIS SANCTORUM PROCESSI ET MARTINIANI. Deus, qui nos sanctorum tuorum Processi et Martiniani confessionibus gloriosis circumdas et protegis, da nobis, et eorum imitatione proficere, et intercessione gaudere. Per.
Super oblata. --Suscipe, Domine, preces et munera, quae ut tuo sint digna conspectui, sanctorum tuorum precibus adjuvemur. Per Dominum.
Ad Complendum. --Corporis sacri, et pretiosi sanguinis repleti libamine, quaesumus, Domine, Deus noster, ut quod pia devotione gerimus, certa redemptione capiamus. Per.
PRIDIE NONAS JULII.--(431) OCTAVA APOSTOLORUM PETRI ET PAULI. Deus, cujus dextera beatum Petrum ambulantem in fluctibus, ne mergeretur, erexit, et coapostolum ejus Paulum tertio naufragantem de profundo pelagi liberavit, exaudi nos propitius, et concede ut amborum meritis, aeternitatis gloriam consequamur. Per Dominum.
Super oblata. --Hostias, quaesumus, Domine, suscipe placatus oblatas, quae meritis apostolorum tuorum Petri et Pauli, te sanctificante, nobis efficiantur salutares. Per.
Ad Complendum. --Beatorum apostolorum tuorum, Domine, Petri et Pauli desiderata solemnia recensentes, praesta, quaesumus, ut eorum supplicationibus muniamur, quorum regimur principatu. Per.
Super populum. --Protege, Domine, populum tuum, et apostolorum tuorum patrocinio confidentem perpetua defensione conserva.
115 VI IDUS JULII.--NATALIS (432) SEPTEM FRATRUM. Praesta, quaesumus, omnipotens Deus, ut qui gloriosos martyres fortes in sua confessione cognovimus, pios apud te in nostra intercessione sentiamus. Per.
Super oblata. --Sacrificiis praesentibus, Domine, quaesumus, intende placatus, et, intercedentibus sanctis tuis, devotioni nostrae proficiant, et saluti. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: donari nobis suppliciter exorantes, ut sicut sancti tui mundum in tua virtute vicerunt, ita nos a mundanis erroribus postulent expediri. Per Christum Dominum.
Ad Complendum. --Quaesumus, omnipotens Deus, ut illius salutaris capiamus effectum, cujus per haec mysteria pignus accepimus. Per Dominum nostrum.
VIII KALENDAS AUGUSTI.--(433) NATALIS SANCTI JACOBI APOSTOLI. Esto, Domine, propitius plebi tuae, sanctificator et custos, ut apostoli tui Jacobi munita praesidiis, et conversatione tibi placeat, et secura deserviat. Per.
Super oblata. --Oblationes populi tui, Domine, quaesumus, beati apostoli tui Jacobi passio beata conciliet, et quae nostris apta non sunt meritis, fiant tibi placita ejus deprecatione. Per.
Praefatio. --Vere dignum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia licet nobis semper salutem operetur divini celebratio sacramenti, propensius tamen nobis confidimus profuturam, si beati apostoli tui Jacobi intercessionibus adjuvemur. Per Christum.
Ad Complendum. --Beati apostoli tui Jacobi, cujus hodie festivitate 116 corpore et sanguine Filii tui nos refecisti, quaesumus, Domine, intercessione adjuva, pro cujus solemnitate percepimus tua dona, laetantes. Per eumdem.
Super populum. --Solemnitatis apostolicae multiplicatione gaudentes clementiam tuam deprecamur, omnipotens Deus, ut tribuas jugiter nos eorum et confessione benedici, et patrociniis confoveri. Per Dominum.
IV KALENDAS AUGUSTI.--NATALIS (434) SANCTI FELICIS. Infirmitatem nostram respice, omnipotens Deus, et (435) quos pondus propriae actionis gravat, beati felicis martyris tui atque pontificis intercessio gloriosa nos protegat. Per Dominum nostrum.
Super oblata. --Hostias tibi, Domine, pro commemoratione sancti Felicis offerimus, quem a tui corporis unitate nulla tentatio separavit. Per.
Ad Complendum. --Spiritum nobis, Domine, tuae charitatis infunde, ut quos uno pane coelesti satiasti, intercedente beato Felice martyre tuo, tua facias pietate concordes. Per.
III KALENDAS AUGUSTI.--NATALIS SANCTORUM ABDON ET SENNEN. Deus, qui sanctis tuis Abdon et Sennen ad hanc gloriam veniendi copiosum munus gratiae contulisti, da famulis tuis suorum veniam peccatorum ut sanctorum tuorum intercedentibus meritis ab omnibus mereamur adversitatibus liberari. Per Dominum nostrum.
Super oblata. --Munera tibi, Domine, pro sanctorum martyrum Abdon et Sennen passione deferimus, qui dum finiuntur in terris, facti sunt coelesti luce perpetui, humiliter postulantes ut eorum semper meritis muniamur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et 117 te laudare mirabilem Dominum in sanctis tuis, quos ante constitutionem mundi in aeternam tibi gloriam praeparasti, ut per eos huic mundo veritatis tuae lumen ostenderes, quos ita spiritu veritatis armasti, ut formidinem mortis per infirmitatem carnis evincerent. De quorum collegio sunt martyres tui Abdon, (436) et Sennes, qui in Ecclesiae tuae prato sicut rosae et lilia floruerunt, quos Unigeniti tui sanguis in praelio confessionis, roseo colore perfudit et ob praemium passionis niveo liliorum splendore vestivit. Per quem Majestatem.
Ad Complendum. --Populum tuum, Domine, perpetua munitione defende, nec difficulter, quod pie et juste postulat consequatur, cui sanctorum tuorum merita suffragantur. Per.
KALENDIS AUGUSTI.--AD SANCTUM PETRUM AD VINCULA. Deus, qui beatum Petrum apostolum a vinculis absolutum illaesum abire fecisti, nostrorum, quaesumus, absolve vincula peccatorum, et omnia mala a nobis propitiatus exclude. Per.
Super oblata. --Suscipe, Domine, Hostiam redemptionis humanae, interveniente beato Petro apostolo, et salutem nobis mentis et corporis operare placatus. Per.
Ad Complendum. --Corporis sacri et pretiosi sanguinis repleti libamine, quaesumus, Domine Deus noster, ut quod pia devotione gerimus, intercedente beato Petro apostolo tuo, certa redemptione capiamus.
IV NONAS AUGUSTI.--NATALIS SANCTI STEPHANI EPISCOPI ET MARTYRIS. Deus, qui nos beati Stephani martyris tui atque pontificis annua solemnitate laetificas, concede propitius ut cujus natalitia colimus, de ejusdem etiam protectione gaudeamus. Per Dominum nostrum.
Super oblata. --Munera tibi, Domine, dicata sanctifica; et intercedente beato Stephano martyre tuo atque pontifice, per eadem nos placatus intende. Per Dominum.
Ad Complendum. --Haec nos communio, Domine, purget a crimine; et intercedente beato Stephano martyre tuo atque pontifice coelestis remedii faciat esse consortes. Per.
VIII IDUS AUGUSTI.-- NATALIS SANCTI SIXTI EPISCOPI. Deus, qui conspicis, quia ex nulla nostra virtute 118 subsistimus, concede propitius, ut intercessione beati Sixti martyris tui atque pontificis, contra omnia adversa muniamur. Per.
Super oblata. --Suscipe, Domine, munera propitiatus oblata, quae majestati tuae beatus Sixtus sacerdos commendet et martyr. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et in die festivitatis hodiernae, qua beatus Sixtus pariter sacerdos et martyr devotum tibi sanguinem exsultanter effudit, qui ad eamdem gloriam promerendam doctrinae suae filios incitavit, et quos erudiebat hortatu praeveniebat exemplo. Per Christum.
(439) Praefatio uvae. --Intra quorum nos consortium, non aestimator meriti, sed veniae, quaesumus, largitor admitte. Per Christum.
(440) Benedictio uvae. --Benedic, Domine, et hos fructus novos uvae, quos tu, Domine, rore coeli, et inundantia pluviarum, et temporum serenitate atque tranquillitate, ad maturitatem perducere dignatus es, et dedisti eos ad usus nostros, cum gratiarum actione percipi, in nomine Domini nostri Jesu Christi. Per quem haec omnia.
Ad Complendum. --Praesta, quaesumus, Domine Deus noster, ut cujus nobis festivitate votiva sunt sacramenta, ejus salutaria nobis intercessione reddantur.
EODEM DIE.--NATALIS SANCTORUM FELICISSIMI ET AGAPITI. Deus, qui nos concedis sanctorum martyrum tuorum Felicissimi et Agapiti natalitia colere, da nobis in aeterna laetitia de eorum societate gaudere. Per.
Super oblata. --Munera tibi, Domine, nostrae devotionis offerimus, quae et pro tuorum tibi grata sint honore justorum et nobis salutaria, te miserante, reddantur. Per Dominum.
Ad Complendum. --Praesta nobis, Domine, quaesumus, intercedentibus sanctis tuis Felicissimo et Agapito, ut quae ore contingimus pura mente capiamus. Per.
VI IDUS AUGUSTI.--NATALIS SANCTI CYRIACI. Deus, qui nos annua beati Cyriaci martyris tui 119 solemnitate laetificas, concede propitius ut cujus natalitia colimus, virtutem quoque passionis imitemur. Per Dominum nostrum.
Super oblata. --Suscipe, Domine, sacrificium placationis et laudis, quod nos, interveniente sancto tuo Cyriaco, et perducat ad veniam, et in perpetua gratiarum constituat actione. Per.
Ad Complendum. --Quaesumus, Domine, Deus noster, ut interveniente beato Cyriaco martyre tuo, sacrosancta mysteria. quae sumpsimus, actu subsequamur et sensu. Per.
V IDUS AUGUSTI.--VIGILIA SANCTI LAURENTII. Adesto, Domine, supplicationibus nostris; et intercessione beati Laurentii martyris tui, perpetuam nobis misericordiam impende. Per Dominum nostrum.
Super oblata. --Hostias, Domine, quas tibi offerimus, propitius suscipe; et intercedente beato Laurentio martyre tuo, vincula peccatorum nostrorum absolve. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et devotis mentibus natale beati martyris tui Laurentii praevenire, qui levita simul martyrque venerandus, et proprio claruit gloriosus officio, et memorandae passionis refulsit martyrio. Per Christum Dominum nostrum.
Ad Complendum. --Da, quaesumus, Deus noster, ut sicut beati Laurentii martyris tui commemoratione, temporali gratulamur officio, ita perpetuo laetemur aspectu. Per.
Alia. --Da, quaesumus, omnipotens Deus, ut triumphum beati Laurentii martyris tui, quem despectis ignibus consummavit in terris, perpetua coelorum luce conspicuum, digno fervore fidei veneremur. Per Dominum nostrum.
Ad Matutinos. --Deus, mundi Creator et rector, qui hunc diem in beati levitae tui Laurentii martyrio consecrasti, concede propitius ut omnes qui martyrii ejus merita veneramur, intercessionibus ejus, ab aeternis gehennae incendiis liberemur. Per.
IN (442) PRIMA MISSA DE NOCTE.--Excita, Domine, in Ecclesia tua Spiritum cui beatus Laurentius levita servivit, ut eodem nos 120 replente studeamus amare quod amavit et opere exercere quod docuit. Per.
Super oblata. --Sacrificium tibi, Domine, quaesumus, beati Laurentii precatio sancta conciliet, ut cujus honore solemniter exhibetur, meritis efficiatur acceptum. Per.
Ad Complendum. --Supplices te rogamus, omnipotens Deus, ut quos donis coelestibus satiasti, intercedente beato Laurentio martyre tuo, perpetua protectione custodias. Per.
IV IDUS AUGUSTI.--NATALIS SANCTI LAURENTII. Da nobis, quaesumus, omnipotens Deus, vitiorum nostrorum flammas exstinguere, qui beato Laurentio tribuisti tormentorum suorum incendia superare. Per Dominum nostrum.
Super oblata. --Accipe, quaesumus, Domine, munera dignanter oblata; et beati Laurentii suffragantibus meritis ad nostrae salutis auxilium provenire concede. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et praecipue (444) in die solemnitatis hodiernae, qui beatus Laurentius hostia sancta viva tibi placens (445) oblatus est; qui, igne accensus tui amoris, constanter ignem sustinuit passionis, et per immanitatem tormentorum pervenit ad societatem civium supernorum. Per Christum Dominum.
Ad Complendum. --Supplices te rogamus, omnipotens Deus, ut quos donis coelestibus satiasti, intercedente beato Laurentio martyre tuo, perpetua protectione custodias. Per.
Super populum. --Deus, cujus charitatis ardore beatus Laurentius edaces incendii flammas, contempto persecutore, devicit, concede ut omnes qui martyrii ejus merita veneramur protectionis tuae auxilio muniamur. Per.
Alia. --Sancti Laurentii nos, Domine, sancta precatio tueatur, et quod nostra conscientia non meretur, ejus nobis qui tibi placuit oratione donetur. Per.
Alia. --Adsit nobis, Domine, quaesumus, sancti Laurentii martyris tui in tua glorificatione benedictio, cujus nobis est hodie facta suffragium in tua virtute confessio. Per Dominum nostrum.
Alia. --Praesta, quaesumus, Domine, ut semper nos 121 beati Laurentii laetificent (446) votiva martyria, quae semper esse non desinunt admiranda. Per.
III IDUS AUGUSTI.--(447) NATALIS SANCTI TIBURTII MARTYRIS. Beati Tiburtii nos, Domine, foveant continuata praesidia, quia non desinis propitius intueri quos talibus auxiliis concesseris adjuvari. Per.
Super oblata. --Adesto, Domine, precibus populi tui, adesto muneribus, ut quae sacris sunt oblata mysteriis, tuorum tibi placeant intercessione sanctorum. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui dum beati Tiburtii merita gloriosa veneramur, (448) auxilium nobis tuae protectionis adfore deprecamur, (449) quoniam credimus nos per eorum intercessionem qui tibi placuere peccatorum nostrorum veniam impetrare. Per Christum.
Ad Complendum. --Sumpsimus, Domine, pignus redemptionis aeternae: sit nobis, quaesumus, interveniente beato Tiburtio martyre tuo, (450) vitae praesentis auxilium pariter et futurae. Per.
IDIBUS AUGUSTI.--(451) NATALIS SANCTI HIPPOLYTI MARTYRIS. Sancti martyris tui Hippolyti, Domine, quaesumus, veneranda festivitas salutaris auxilii nobis praestet augmentum. Per.
Super oblata. --Respice, Domine, munera populi tui, sanctorum festivitate votiva, et tuae testificatio veritatis nobis proficiat ad salutem. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et (452) tuam clementiam votis supplicibus implorare, ut beati Hippolyti intercessio peccatorum nostrorum nobis obtineat veniam, qui per tormenta passionis aeternam pervenit ad gloriam. Per Christum.
Ad Complendum. --Sacramentorum tuorum, Domine, communio sumpta nos salvet, et, intercedente beato Hippolyto martyre tuo, in tuae veritatis luce confirmet. Per.
XIX KALENDAS SEPTEMBRIS.--NATALIS SANCTI EUSEBII CONFESSORIS. Deus, qui nos beati Eusebii confessoris tui annua solemnitate 122 laetificas, concede propitius ut cujus natalitia colimus, per ejus ad te exempla gradiamur. Per.
Super oblata. --Laudis tuae, Domine, immolamus Hostias in tuorum commemoratione sanctorum quibus nos et praesentibus exui malis confidimus et futuris. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et clementiam tuam pronis mentibus implorare, ut per beati Eusebii confessoris tui intercessionem, salutiferam in nostris mentibus firmes devotionem. Concedasque ut sicut te solum credimus Auctorem, et veneramur Salvatorem, sic in perpetuum ejus interventu habeamus adjutorem. Per Christum.
Ad Complendum. --Sancti Eusebii natalitia celebrantes, supplices te, Domine, deprecamur, ut hoc idem nobis semper indulgentiae causa sit et salutis, Per.
EODEM DIE. (454) VIGILIA ASSUMPTIONIS SANCTAE MARIAE. Deus, qui virginalem aulam beatae Mariae, in qua habitares, eligere dignatus es, da, quaesumus, ut sua nos defensione munitos jucundos (455) faciat suae interesse festivitati. Qui vivis et regnas.
Super oblata. --Magna est, Domine, apud clementiam tuam Dei Genitricis oratio, quam idcirco de praesenti saeculo transtulisti, ut pro peccatis nostris apud te fiducialiter intercedat. Per eumdem Dominum.
Ad Complendum. --Coelesti munere satiatos, omnipotens Deus, tua nos protectione custodi, et castimoniae pacem mentibus nostris atque corporibus, intercedente beata Maria, propitiatus indulge, ut veniente sponso Filio tuo Unigenito, accensis lampadibus, ejus digne praestolemur occursum. Qui vivit et regnat Deus in unitate Spiritus sancti.
Alia. --Concede, misericors Deus, fragilitati nostrae praesidium, ut qui sanctae Dei Genitricis requiem celebramus, intercessionis ejus auxilio a nostris iniquitatibus resurgamus. Per eumdem.
Alia. --Concede, quaesumus, omnipotens Deus, ad beatae Mariae semper virginis gaudia aeterna pertingere, de cujus nos veneranda Assumptione tribuis annua solemnitate gaudere. Per.
123 XVIII KALENDAS SEPTEMBRIS.--(456) ASSUMPTIO SANCTAE MARIAE VIRGINIS. (457) Veneranda nobis, Domine, hujus est diei festivitas, in qua sancta Dei Genitrix mortem subiit temporalem, nec tamen mortis nexibus deprimi potuit, quae Filium tuum Dominum nostrum de se genuit incarnatum. Qui tecum vivit et regnat Deus.
Ad Missam. --Famulorum tuorum, Domine, delictis ignosce, et qui placere de actibus nostris non valemus, Genitricis Filii tui Domini nostri intercessione salvemur. Qui tecum vivit.
Super oblata. --Subveniat, Domine, plebi tuae, Dei Genitricis oratio, quam etsi pro conditione carnis migrasse cognoscimus, in coelesti gloria apud te pro nobis orare sentiamus. Per eumdem Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te in veneratione sacrarum virginum exsultantibus animis laudare, benedicere et praedicare:
(458) Inter quas intemerata Dei Genitrix virgo Maria, cujus Assumptionis diem celebramus, gloriosa effulsit: Quae et Unigenitum tuum sancti Spiritus obumbratione concepit, et virginitatis gloria permanente, huic mundo lumen aeternum effudit, Jesum Christum Dominum nostrum. Per quem.
Benedictio. --(459) Deus, qui per beatae Mariae virginis partum genus humanum dignatus est redimere, sua vos dignetur benedictione locupletare. Amen. Ejusque semper et ubique patrocinia sentiatis, ex cujus intemerato utero auctorem vitae suscipere meruistis. Amen. Et qui ad ejus celebrandam festivitatem hodierna die devotis mentibus convenistis, spiritalium gaudiorum et aeternorum praemiorum vobiscum munera reportetis. Amen. Quod ipse praestare dignetur.
Ad Complendum. --Mensae coelestis participes effecti, imploramus clementiam tuam, Domine Deus noster, ut qui festa Dei Genitricis colimus a malis imminentibus ejus intercessionibus liberemur. Per eumdem.
Alia. --Porrige nobis, Domine, dexteram tuam, et per intercessionem beatae et gloriosae semperque virginis Genitricis Mariae auxilium nobis supernae virtutis impende. Per eumdem.
XV KALENDAS SEPTEMBRIS.--NATALIS SANCTI AGAPITI MARTYRIS (460) Sancti martyris tui Agapiti merita nos, Domine, 124 pretiosa tueantur, in quibus, tuae Majestatis opera praedicantes, et praesens capiamus adjutorium et futurum. Per.
Super oblata. --Suscipe, Domine, munera, quae in ejus tibi solemnitate deferimus, cujus nos confidimus patrocinio liberari. Per Dominum.
Ad Complendum. --Protegat, quaesumus, Domine, populum tuum, et participatio coelestis indulta convivii, et deprecatio collata sanctorum. Per Dominum nostrum.
XI KALENDAS SEPTEMBRIS.--NATALIS SANCTI TIMOTHEI MARTYRIS. Auxilium tuum nobis, Domine, quaesumus, placatus impende, et, intercedente beato Timotheo martyre tuo, dexteram super nos tuae propitiationis extende. Per.
Super oblata. --Accepta tibi sit, Domine, sacratae plebis oblatio pro tuorum honore sanctorum, quorum se meritis percepisse de tribulatione cognoscit auxilium. Per Dominum.
Ad Complendum. --Divini muneris largitate satiati, quaesumus, Domine Deus noster, ut intercedente beato Timotheo martyre tuo, ejus semper participatione vivamus. Per.
IX KALENDAS SEPTEMBRIS.--(462) NATALIS SANCTI BARTHOLOMAEI APOSTOLI. Omnipotens sempiterne Deus, qui hujus diei venerandam, sanctamque laetitiam beati apostoli tui Bartholomaei festivitate tribuisti, da Ecclesiae tuae, quaesumus, et amare quod credidit, et praedicare quod docuit. Per Dominum nostrum.
Super oblata. --Beati apostoli tui Bartholomaei, cujus solemnia recensemus, quaesumus, Domine, auxilio tua beneficia capiamus, pro quo tibi Hostias laudis offerimus.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui Ecclesiam tuam sempiterna pietate (463) non deseris, sed per beatos apostolos tuos jugiter erudis, et sine fine custodis. Per Christum Dominum nostrum.
Ad Complendum. --Sumpsimus, Domine, pignus salutis aeternae, celebrantes beati Bartholomaei apostoli tui votiva solemnia, et perpetua merita venerantes. Per Dominum nostrum.
125 Super populum. --Protege, Domine, populum tuum, et apostolorum tuorum patrocinio confidentem perpetua defensione conserva. Per.
V KALENDAS SEPTEMBRIS.--NATALIS SANCTI AUGUSTINI EPISCOPI. Adesto supplicationibus nostris, omnipotens Deus, et quibus fiduciam sperandae pietatis indulges, intercedente beato Augustino confessore tuo atque pontifice, consuetae misericordiae tribue benignus effectum. Per Dominum nostrum.
Super oblata. --Sancti confessoris tui Augustini nobis, Domine, pia non desit oratio, quae et munera nostra conciliet, et tuam nobis indulgentiam semper obtineat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui beatum (464) Augustinum confessorem tuum, et scientiae documentis replesti, et virtutum ornamentis ditasti; quem ita multimodo genere pietatis imbuisti, ut ipse tibi, et ara, et sacrificium, et sacerdos esset, et templum. Per Christum Dominum nostrum.
Ad Complendum. --Ut nobis, Domine, tua sacrificia dent salutem, beatus confessor tuus Augustinus, et pontifex, quaesumus, precator accedat. Per Dominum nostrum.
EODEM DIE.--NATALIS SANCTI HERMETIS MARTYRIS. Intercessio, Domine, (465) Hermetis martyris tui, et tuam nobis non desinat placare justitiam, et nostrum tibi devotum jugiter efficere famulatum. Per Dominum nostrum.
Super oblata. --Munera, Domine, nostra, quaesumus, propitiatus assume, et, ut digne tuis famulemur altaribus, sancti tui nos Hermetis intercessione custodi. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus; quoniam fiducialiter laudis tibi immolamus Hostias, (466) quas sancti Hermetis martyris tui precibus tibi esse petimus acceptas. Per Christum.
Ad Complendum. --Repleti, Domine, benedictione coelesti, quaesumus clementiam tuam, ut, intercedente beato Hermete martyre tuo, quae humiliter gerimus, salubriter sentiamus. Per.
126 IV KALENDAS SEPTEMBRIS.--NATALIS SANCTAE SABINAE. (467) Exaudi nos, Deus, salutaris noster, ut sicut sanctae Sabinae festivitate gaudemus, ita piae devotionis erudiamur effectu. Per.
Super oblata. --Gratanter, Domine, ad munera dicanda concurrimus, quae nomini tuo pro solemnitate sanctae martyris tuae Sabinae suppliciter immolamus. Per Dominum nostrum.
Ad Complendum. --Purificet nos, Domine Deus, et divini perceptio sacramenti, et gloriosa deprecatio sanctae Sabinae. Per.
EODEM DIE.-- DECOLLATIO SANCTI JOANNIS BAPTISTAE. Sancti Joannis Baptistae et martyris tui, Domine, quaesumus, veneranda festivitas, salutaris auxilii nobis praestet effectum. Per.
Super oblata. --Munera tibi, Domine, pro sancti martyris tui Joannis Baptistae passione deferimus, qui dum finitur in terris, factus est coelesti sede perpetuus, quaesumus, ut ejus obtentu nobis proficiant ad salutem. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui praecursorem Filii tui tanto munere ditasti, ut pro veritatis praeconio capite plecteretur, et qui Christum aqua baptizaverat, ab (468) ipso in spiritu baptizatus, pro eodem proprio sanguine tingeretur. Praeco quippe veritatis, quae Christus est, Herodem a fraternis thalamis prohibendo, carceris obscuritate detruditur, ubi solius divinitatis tuae lumine (469) frueretur. Deinde (470) capitalem sententiam subiit, et ad inferna Dominum praecursurus descendit. Et quem in mundo digito demonstravit, ad inferos pretiosa morte praecessit. Et ideo cum angelis.
Benedictio. --Deus, qui nos beati Joannis Baptistae concedit solemnia frequentare, tribuat vobis et eadem devotis mentibus celebrare, et suae benedictionis dona percipere. Amen. Et qui pro legis ejus praeconio carceralibus est retrusus in tenebris, intercessione sua a tenebrosorum operum vos liberet incentivis. Amen. Et qui pro veritate, quae Deus est, caput non est cunctatus amittere, suo interventu ad caput nostrum, quod Christus est, vos faciat pervenire. Amen. Quod ipse praestare dignetur.
Ad Complendum. --Conferat nobis, Domine, sancti Joannis utrumque 127 solemnitas, ut et magnifica sacramenta, quae sumpsimus digne veneremur, et nobis salutaria sentiamus. Per Dominum nostrum.
Alia. --Perpetuis nos, Domine, sancti Joannis Baptistae tuere praesidiis; et quanto fragiliores sumus, tanto magis necessariis attolle suffragiis. Per.
III KALENDAS SEPTEMBRIS.--NATALIS SANCTORUM FELICIS ET ADAUCTI. Majestatem tuam, Domine, supplices deprecamur, ut sicut jugiter sanctorum tuorum commemoratione laetificas, ita semper supplicatione defendas. Per.
Super oblata. --Hostias, Domine, tuae plebis intende, et quas in honore sanctorum tuorum devota mente celebrat, proficere sibi sentiat ad salutem. Per Dominum nostrum.
Ad Complendum. --Repleti, Domine, muneribus sacris, quaesumus, ut, intercedentibus sanctis tuis, in gratiarum tuarum semper actione maneamus. Per.
VI IDUS SEPTEMBRIS.-- NATALIS SANCTAE MARIAE VIRGINIS. Orationes ad Matutinos. --Adesto nobis, omnipotens Deus, beatae Mariae festa repetentibus, quam hodiernae festivitatis prolatam exortu ineffabili munere sublevasti. Per.
Ad (471) Processionem. --Supplicationem servorum tuorum, Deus miserator, exaudi, ut qui in nativitate Dei Genitricis et virginis congregamur, ejus intercessionibus a te de instantibus periculis eruamur. Per eumdem Dominum nostrum.
Ad Missam. --Famulis tuis, Domine, coelestis gratiae munus impartire, ut quibus beatae Mariae virginis partus exstitit salutis exordium, nativitatis ejus votiva solemnitas pacis tribuat incrementum. Per.
Super oblata. --Unigeniti tui, Domine, nobis succurrat humanitas, ut qui natus de virgine matris integritatem non minuit, sed sacravit, in nativitatis ejus solemniis, a nostris nos piaculis exuens, oblationem nostram tibi faciat acceptam. Qui tecum vivit.
Praefatio. --Vere dignum et justum est, aequum et salutare, 128 nos tibi semper et ubique gratias agere, Domine sancte, Pater omnipotens, aeterne Deus: et praecipue pro meritis beatae Dei Genitricis, et perpetuae virginis Mariae, gratia plenae, tuam omnipotentiam laudare, benedicere et praedicare. Per quem.
Ad Complendum. --Sumpsimus, Domine, celebritatis annuae votiva sacramenta: praesta, quaesumus, intercedente beata semper virgine Maria, ut et temporalis nobis vitae remedia praebeant et aeternae. Per.
Super populum. --Adjuvet nos, quaesumus, Domine, sanctae Mariae intercessio veneranda, cujus etiam diem, quo felix ejus est inchoata nativitas, celebramus. Per.
EODEM DIE.--(472) NATALIS SANCTI ADRIANI MARTYRIS. Presta, quaesumus, omnipotens Deus, ut qui beati Adriani martyris tui natalitia colimus, a cunctis malis imminentibus ejus intercessionibus liberemur. Per.
Super oblata. --Munera, quaesumus, Domine, tibi dicata sanctifica, et intercedente beato Adriano martyre tuo, per eadem nos placatus intende. Per.
Ad Complendum. --Beati Adriani martyris tui, Domine, intercessione placatus, praesta, quaesumus, ut quae temporaliter gerimus perpetua salvatione capiamus. Per.
III IDUS SEPTEMBRIS.--NAT. SANCTORUM (473) PROTI ET HYACINTHI. Beati Proti nos, Domine, et Hyacinthi foveat pretiosa confessio, et pia jugiter intercessio tueatur. Per Dominum nostrum.
Super oblata. --Pro sanctorum tuorum Proti et Hyacinthi munera tibi, Domine, commemoratione quae debemus exsolvimus: praesta, quaesumus, ut remedium nobis perpetuae salutis operentur. Per.
Ad Complendum. --Ut perpetua nos, Domine, tua sancta purificent, beati Proti et Hyacinthi, quaesumus, imploret oratio. Per.
XVIII KALENDAS OCTOBRIS.--(474) EXALTATIO SANCTAE CRUCIS. (475) Deus, qui Unigeniti tui Domini nostri pretioso sanguine humanum genus redimere dignatus es, concede propitius ut qui ad adorandam vivificam ejus crucem 129 adveniunt, a peccatorum suorum nexibus liberentur. Per eumdem.
Super oblata. --(476) Devotas, Domine, humilitatis nostrae preces, et Hostias misericordiae tuae praecedat auxilium, et salutem, quam per Adam in paradisi ligno clauserat temerata praesumptio, ligni rursum fides aperiat. Per.
Praefationem, quae est in Inventione sanctae crucis, require in V Nonas Maii.
Ad Complendum. --(477) Jesu Christi Domini nostri corpore et sanguine saginati, per quem crucis est sanctificatum vexillum, quaesumus, Domine Deus noster, ut sicut adorare meruimus, ita perennitatis ejus gloriae salutari potiamur effectu. Per Dominum nostrum.
Super populum. --Adesto familiae tuae, quaesumus, clemens et misericors Deus, ut in adversis et prosperis ejus preces exaudias, et nefas adversariorum per auxilium sanctae crucis digneris conterere, ut portum salutis tuae valeat apprehendere. Per.
EODEM DIE.--NATALIS (478) SANCTORUM CORNELII ET CYPRIANI. (479) Beatorum martyrum, pariterque pontificum, Cornelii et Cypriani nos, quaesumus, Domine, festa tueantur, et eorum commendet oratio veneranda. Per.
Super oblata. --Plebis tuae, Domine, munera benignus intende, quae Majestati tuae pro sanctorum martyrum tuorum Cornelii et Cypriani solemnitatibus sunt dicata. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: (480) tuamque in sanctorum tuorum Cornelii simul et Cypriani festivitate praedicare virtutem, quos diversis terrarum partibus, greges sacros divino pane pascentes, una fide, eademque die pari nominis tui confessione coronasti. Per Christum.
Ad Complendum. --Quaesumus, Domine, salutaribus repleti mysteriis, ut quorum solemnia celebramus orationibus adjuvemur. Per.
XVII KALENDAS OCTOBRIS.--NATALIS SANCTI NICOMEDIS MARTYRIS. Adesto, Domine, populo tuo, ut beati Nicomedis martyris tui merita praeclara (481) suscipiens, 130 ad impetrandam misericordiam tuam semper ejus patrociniis adjuvemur. Per.
Super oblata. --Suscipe, Domine, munera propitius oblata, quae Majestati tuae beati Nicomedis martyris commendet oratio. Per.
Ad Complendum. --Purificent nos, Domine, sacramenta quae sumpsimus, et intercedente beato Nicomede martyre tuo, a cunctis efficiant vitiis absolutos. Per.
XVI KALENDAS OCTOBRIS.--NATALIS SANCTAE EUPHEMIAE MARTYRIS. Omnipotens sempiterne Deus, qui infirma mundi eligis, ut fortia quaeque confundas, concede propitius ut qui beatae Euphemiae martyris tuae solemnia colimus ejus apud te patrocinia sentiamus. Per.
Super oblata. --Praesta, quaesumus, Domine Deus noster, ut sicut in tuo conspectu mors est pretiosa sanctorum, ita eorum merita venerantium accepta tibi reddatur oblatio. Per.
Ad Complendum. --Sanctificet nos, Domine, quaesumus, tui perceptio sacramenti, et intercessio beatae martyris tuae Euphemiae tibi reddat acceptos. Per.
EODEM DIE.--NATALIS SANCTORUM LUCIAE ET GEMINIANI. Praesta, Domine, precibus nostris cum exsultatione proventum, ut quorum diem passionis annua devotione recolimus, etiam fidei constantiam subsequamur. Per.
Super oblata. --Vota populi tui, Domine, propitiatus intende, ut quorum nos tribuis solemnia celebrare, facias gaudere suffragiis. Per.
Ad Complendum. --Exaudi, Domine, preces nostras, ut sanctorum tuorum, quorum festa solemniter celebramus, continuis foveamur auxiliis. Per.
XII KALENDAS OCTOBRIS.-- VIGILIA SANCTI MATTHAEI EVANGELISTAE. Da nobis, omnipotens Deus, ut beati Matthaei apostoli tui et evangelistae, quam praevenimus veneranda solemnitas, et devotionem nobis augeat et salutem. Per Dominum nostrum.
Super oblata. --(482) Apostolici reverentia culminis offerentes tibi 131 sacra mysteria, Domine, quaesumus ut beati Matthaei evangelistae suffragiis, cujus natalitia praeimus, (483) hic plebs tua semper et sua vota depromat, et desiderata percipiat. Per Dominum nostrum.
Ad Complendum. --Beati Matthaei evangelistae, quaesumus, Domine, supplicatione placatus, et veniam nobis tribue, et remedia sempiterna concede. Per Dominum nostrum.
Alia. --Sit, Domine, beatus Matthaeus evangelista nostrae fragilitatis adjutor, ut pro nobis tibi supplicans copiosius audiatur. Per.
XI KALENDAS OCTOBRIS.--NATALIS SANCTI MATTHAEI APOSTOLI, ET EVANGELISTAE. Beati Matthaei evangelistae, Domine, precibus adjuvemur, ut quod possibilitas nostra non obtinet, ejus nobis intercessione donetur. Per Dominum nostrum.
Super oblata. --Supplicationibus apostolicis beati Matthaei evangelistae, quaesumus, Domine, Ecclesiae tuae commendetur oblatio, cujus magnificis praedicationibus eruditur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui Ecclesiam tuam in tuis fidelibus ubique pollentem apostolicis facis constare doctrinis; praesta, quaesumus, ut per quos initium divinae cognitionis accepit, per eos usque in finem saeculi capiat (484) regni coelestis augmentum. Per Christum.
Ad Complendum. --Perceptis, Domine, sacramentis, beato Matthaeo apostolo tuo et evangelista interveniente, deprecamur ut quae pro ejus celebrata sunt gloria nobis proficiant ad medelam. Per.
Alia. --(485) Praesta, quaesumus, omnipotens Deus, ut qui jugiter apostolica defensione munimur, nec succumbamus vitiis, nec opprimamur adversis. Per Dominum nostrum.
MENSE VII. FERIA IV. Misericordiae tuae remediis, quaesumus, Domine, fragilitas nostra subsistat, ut quae sua conditione atteritur, tua clementia reparetur. Per.
Alia. --Praesta, quaesumus, Domine, familiae supplicanti, ut dum a cibis corporalibus se abstinent, a vitiis mente jejunent. Per.
132 Super oblata. --Deus fidelis, qui fidelia promissa confirmas, dum vocatas gentes ex fide justificas, tu cognitionem nobis individuae tribue Trinitatis, ut pacifici conversemur inter filios unitatis, quo, istius sanctae confessionis sacrificio potenter oblato, visitationem tuam jugiter mereamur ex alto. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui nos ideo, collectis terrae fructibus, per abstinentiam tibi gratias agere voluisti, ut ex ipso devotionis genere nosceremus, non haec ad exuberantiam corporalem, sed ad fragilitatis sustentationem nos percepisse, ut quod ex his parcius sumeremus egentium proficeret alimentis, et salutaris castigatio mortalitatis insolentiam mitigaret, et pietas largitoris nos tuae benignitati commendatos efficeret, sicque donis uteremur transitoriis, ut disceremus inhiare perpetuis. Per Christum Dominum nostrum.
Ad Complendum. --Sumentes, Domine, dona coelestia suppliciter deprecamur ut quae sedula servitute, donante te, gerimus, dignis sensibus tuo munere capiamus. Per Dominum nostrum.
Alia. --Quaesumus, omnipotens Deus, preces nostras respice, et tuae super nos viscera pietatis impende, ut qui ex nostra culpa affligimur, ex tua pietate misericorditer liberemur. Per.
FERIA VI. Praesta, quaesumus, omnipotens Deus, ut, observationes sacras annua devotione recolentes, et corpore tibi placeamus et mente. Per.
Super oblata. --Accepta tibi sint, Domine, quaesumus, nostri dona jejunii, quae expiando nos tua gratia dignos efficiant, et ad sempiterna promissa perducant. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui justo pioque moderamine, et pro peccatis flagella irrogas, et post flagella veniam propitiatus condonas, et peccatorum vitam potius volens quam mortem, non eos ad interitum condemnas, sed ut corrigantur miseratus exspectas. Per Christum Dominum nostrum.
Ad Complendum. --Quaesumus, omnipotens Deus, ut de perceptis muneribus gratias exhibentes, beneficia potiora sumamus. Per Dominum nostrum Jesum Christum.
133 SABBATO IN XII LECTION. Omnipotens sempiterne Deus, qui per continentiam salutarem, et corporibus mederis et mentibus, Majestatem tuam supplices exoramus, ut pia jejunantium deprecatione placatus, et praesentia nobis subsidia praebeas et futura. Per.
Alia. --Da nobis, quaesumus, omnipotens Deus, ut jejunando tua gratia satiemur, et abstinendo cunctis efficiamur hostibus fortiores. Per Dominum nostrum.
Alia. --Tuere, quaesumus, Domine, familiam tuam, ut salutis aeternae remedia quae te aspirante requirimus, te largiente consequamur. Per Dominum nostrum.
Alia. --Tribue, quaesumus, Domine, fidelibus tuis ut et jejunio convenienter aptentur, et suscepta solemniter castigatio corporalis ad fructum nostrarum transeat animarum. Per Dominum nostrum.
Alia. --Ut nos, Domine, tribuis solemne tibi deferre jejunium, sic nobis, quaesumus, indulgentiae praesta subsidium. Per.
Alia. --(486) Deus, qui tribuis puers mitigasti flammas ignium, concede propitius ut nos famulos tuos non exurat flamma vitiorum. Per Dominum nostrum.
Super oblata. --Haec Hostia, Domine, quaesumus, et vincula nostrae iniquitatis absolvat, et tuae nobis misericordiae dona conciliet. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, et tibi sanctificare jejunium, quod nos ob aedificationem animarum et castigationem corporum servare docuisti, quia (487) restrictis corporibus, animae saginantur, in quo homo noster affligitur exterior, dilatatur interior. Memento, quaesumus, Domine, jejuniorum nostrorum et misericordiarum tuarum, quas peccatoribus pie semper jejunantibus contulisti, et praesta ut, non solum a cibis, sed a peccatis omnibus abstinentes, devotionis tibi jejunio placeamus. Per Christum Dominum.
Benedictio. --Deus fons indulgentiae suscipiat propitius litationem abstinentiae vestrae. Amen. Impleat corda vestra suarum delectationibus Hostiarum, et det vobis posse suis parere praeceptis. Amen. Ut quod non potestis carnali ex infirmitate perficere, ipsius gratiae ubertate 134 mereamini adimplere. Amen. Quod ipse praestare dignetur.
Ad Complendum. -- Perficiant in nobis, Domine, quaesumus, tua sacramenta quod continent, ut quae nunc specie gerimus rerum veritate capiamus. Per.
Super populum. --Gaudeat, Domine, quaesumus, plebs tua beneficiis impetratis, et cui fiduciam sperandae pietatis indulges, optatae misericordiae praesta benignus effectum. Per Dominum nostrum.
V KALENDAS OCTOBRIS.--NATALIS SANCTORUM COSMAE ET DAMIANI. Adesto, Domine, martyrum deprecatione sanctorum, et quos pati pro tuo nomine voluisti, fac tuis fidelibus suffragari. Per.
Super oblata. --Anticipa nos misericordia tua priusquam zelus irae desaeviat, misericors Deus, et haec dona sanctifica, ut, adjuti patrociniis beatorum, quorum propter te sanguis effusus est, propitiationem tuam cum peccatorum venia consequamur. Per.
Ad Complendum. --Sit nobis, Domine, sacramenti tui certa salvatio, quae cum beatorum martyrum tuorum Cosmae et Damiani meritis imploratur. Per.
III KALENDAS OCTOBRIS.--DEDICATIO BASILICAE SANCTI MICHAELIS. Deus, qui miro ordine angelorum ministeria, hominumque dispensas, concede propitius ut quibus tibi ministrantibus in coelo semper assistitur, ab his in terra nostra vita muniatur.
Super oblata. --Hostias tibi, Domine, laudis offerimus, suppliciter deprecantes ut easdem, angelico pro nobis interveniente suffragio, et placatus accipias, et ad salutem nostram provenire concedas. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: sancti Michaelis archangeli merita praedicantes; quamvis enim nobis sit omnis angelica veneranda sublimitas, quae in Majestatis tuae consistit conspectu, illa tamen est propensius honoranda quae in ejus ordinis dignitate coelestis militiae meruit principatum. Per Christum Dominum nostrum.
Benedictio. --Deus, qui ad salutem nostram angelorum suorum utitur ministerio, eorum vos munimine communi 135 (488) custodiat custodia. Amen. Det vobis mentium puritatem, et jugem corporum castitatem, qui eorum electis omnibus repromisit aequalitatem. Amen. Quique illis certissimam suae permansionis tribuit fiduciam, ipse vos fidei, spei, charitatisque perseverabili virtute confirmet, atque ad eorum beatitudinis societatem perducat. Amen. Quod ipse praestare dignetur.
Ad Complendum. --Beati archangeli tui Michaelis intercessione suffulti, supplices, te Domine, deprecamur, ut quos honore prosequimur, contingamus et mente. Per Dominum.
Super populum. --(489) Adesto plebi tuae, misericors Deus, et, ut gratiae tuae beneficia potiora percipiat, beati Michaelis archangeli fac supplicem deprecationibus sublevari. Per Dominum nostrum.
NONIS OCTOBRIS.--NATALIS SANCTI (490) MARCI PAPAE. Exaudi, Domine, quaesumus, preces nostras, et, interveniente beato Marco confessore tuo atque pontifice, supplicationes nostras placatus intende. Per Dominum nostrum.
Super oblata. --Benedictio tua, Domine, larga descendat, quae munera nostra, deprecante sancto Marco confessore tuo atque pontifice, tibi reddat accepta, et nobis sacramentum redemptionis efficiat. Per Dominum nostrum.
Ad Complendum. --Da, quaesumus, Domine, fidelibus populis sanctorum tuorum semper veneratione laetari, et eorum perpetua supplicatione muniri. Per Dominum.
PRIDIE IDUS OCTOBRIS.--NATALIS SANCTI CALISTI PAPAE. Deus, qui nos conspicis ex nostra infirmitate deficere, ad amorem tuum nos misericorditer per sanctorum tuorum exempla restaura. Per Dominum nostrum.
Super oblata. --Mystica nobis, Domine, prosit oblatio, quae nos et a reatibus nostris expediat, et perpetua salvatione confirmet. Per.
Ad Complendum. --Quaesumus, omnipotens Deus, ut reatum nostrum munera sacrata purificent, et recte vivendi nobis operentur effectum. Per Dominum nostrum.
XV KALENDAS NOVEMBRIS.-- NATALIS SANCTI LUCAE EVANGELISTAE. Interveniat pro nobis, Domine, quaesumus, 136 sanctus tuus Lucas evangelista, qui crucis mortificationem jugiter in suo corpore pro tui nominis honore portavit. Per Dominum nostrum.
Super oblata. --Donis nos coelestibus, da, quaesumus, Domine, libera mente servire, ut munera quae deferimus, interveniente beato evangelista tuo Luca, et medelam nobis operentur et gloriam. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus; et te in tuorum sanctorum meritis gloriosis collaudare, benedicere et praedicare, qui eos dimicantes contra antiqui serpentis machinamenta, et proprii corporis blandimenta, inexpugnabili virtute, Rex gloriae, roborasti. Ex quibus beatus Lucas evangelista tuus, (491) assumpto scuto fidei, et galea salutis, et gladio Spiritus sancti, et viriliter contra vitiorum incentiva pugnavit, et evangelicae nobis dulcedinis fluenta (492) manavit. Unde petimus immensam, Domine, pietatem tuam, ut qui eum tot meritorum donasti praerogativis, nos ejus et informes exemplis, et adjuves meritis. Per Christum.
Benedictionem require, in natali (Vide notam 508).
Ad Complendum. --Praesta, quaesumus omnipotens aeterne Deus, ut id quod de sancto altari tuo accepimus precibus beati evangelistae tui Lucae sanctificet animas nostras, per quod tuti esse possimus. Per.
VI KALENDAS NOVEMBRIS--VIGILIA APOSTOLORUM SIMONIS ET JUDAE. Concede, quaesumus, omnipotens Deus, ut sicut apostolorum tuorum Simonis et Judae gloriosa natalitia praevenimus, sic ad tua beneficia promerenda majestatem tuam pro nobis ipsi praeveniant.
Super oblata. --Muneribus nostris, Domine, apostolorum Simonis et Judae festa praecedimus, humiliter postulantes ut quae conscientiae nostrae praepediuntur obstaculis illorum meritis grata reddantur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, quia tu es mirabilis in omnibus sanctis tuis, quos et nominis tui confessione praeclaros, et suscepta pro te fecisti passione gloriosos. Unde sicut illi jejunando orandoque certaverunt, ut hanc possent obtinere victoriam, ita nos (493) eorum exemplis informemur ut ad celebranda praesentia festa idonei inveniamur, et ad aeterna percipienda eorum interventu digni judicemur. Per Christum.
Ad Complendum. --Sumpto, Domine, sacramento, suppliciter deprecamur 137 ut, intercedentibus beatis apostolis, quod temporaliter gerimus, ad vitam capiamus aeternam. Per.
Ad Vesperos. --Omnipotens sempiterne Deus, mundi Creator et rector, qui beatos apostolos nominis tui gloria sublimasti, exaudi, quaesumus, Domine, populum tuum cum sanctorum tuorum tibi patrociniis supplicantem, ut nobis et pacis donum tribuas, et continuatum proficiat ad fidei et charitatis augmentum. Per Dominum nostrum.
V KALENDAS NOVEMBRIS.--NATALIS SANCTORUM APOSTOLORUM SIMONIS ET JUDAE. Deus, qui nos per beatos apostolos tuos ad agnitionem tui nominis venire tribuisti, da nobis gloriam sempiternam proficiendo celebrare, et celebrando proficere. Per.
Super oblata. --Gloriam, Domine, sanctorum apostolorum perpetuam venerantes, quaesumus ut eam, sacris mysteriis expiati, dignius celebremus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: te in tuorum apostolorum glorificantes honore, qui et illis tribuisti beatitudinem sempiternam, et infirmitati nostrae talia praestitisti suffragia, per (494) quae tua possimus adipisci subsidia, et pervenire ad praemia repromissa. Per Christum.
Benedictionem R. Q. (Id est Require quae supra. )
Ad Complendum. --Perceptis, Domine, sacramentis, suppliciter te rogamus, ut, intercedentibus beatis apostolis tuis, quae pro illorum veneranda gerimus passione, nobis proficiant ad medelam. Per.
Alia. --Exaudi nos, Deus salutaris noster, et apostolorum tuorum nos tuere praesidiis, quorum donasti fideles esse doctrinis. Per.
PRIDIE KALENDAS NOVEMBRIS.--VIGILIA OMNIUM SANCTORUM. Domine Deus noster, multiplica super nos gratiam tuam, et quorum praevenimus gloriosa solemnia, tribue subsequi in sancta professione laetitiam. Per.
Super oblata. --Altare tuum, Domine Deus, muneribus cumulamus oblatis: da, quaesumus, ut ad salutem nostram omnium sanctorum tuorum precatione proficiant, quorum solemnia ventura praecurrimus. Per.
Ad Complendum. --Sacramentis, Domine, et gaudiis optata celebritate 138 expletis, quaesumus ut eorum precibus adjuvemur, quorum recordationibus exhibentur. Per.
Super populum. --Erudi, quaesumus, Domine, populum tuum spiritalibus instrumentis, et quorum praestas solemnia praevenire, fac eorum et consideratione devotum et defensione securum. Per.
(495) KALENDIS NOVEMBRIS.--NATALIS SANCTI CAESARII MARTYRIS. (496) Deus, qui nos beati martyris tui Caesarii annua solemnitate laetificas, concede propitius ut cujus natalitia colimus, etiam actiones imitemur. Per.
Super oblata. --Hostias tibi, Domine, beati Caesarii martyris tui dicatas meritis benignus assume, et ad perpetuum nobis tribue provenire subsidium. Per.
Ad Complendum. --Quaesumus, omnipotens Deus, ut, qui coelestia alimenta percepimus, intercedente beato Caesario martyre tuo, per haec contra omnia adversa muniamur. Per Dominum.
EODEM DIE.--(497) NATALIS OMNIUM SANCTORUM. Omnipotens sempiterne Deus, qui nos omnium sanctorum merita sub una tribuisti celebritate venerari, quaesumus ut desideratam nobis tuae propitiationis abundantiam, multiplicatis intercessionibus, largiaris. Per.
Super oblata. --Munera tibi, Domine, nostrae devotionis offerimus, quae et pro cunctorum tibi grata sint honore sanctorum, et nobis salutaria, te miserante, reddantur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et clementiam tuam suppliciter obsecrare, ut cum exsultantibus sanctis in coelestis regni cubilibus gaudia nostra subjungas. Et quos virtutis imitatione non possumus sequi, debitae venerationis contingamus affectu. Per Christum.
Benedictio. --Sanctorum suorum meritis vos Dominus faciat benedici, et contra adversa omnia eorum intercessione muniri. Amen. Eorum efficiant suffragia felices, quorum festivitatis diem celebratis ovantes. Amen. Quo eorum imitantes exempla, ad coelestia possitis pervenire promissa. Amen. Quod ipse praestare dignetur.
Ad Complendum. --Sanctorum omnium gloriosa confessio, Deus, 139 tribue nobis, quaesumus, ut, per haec sancta quae sumpsimus, tuorum admisti conciliis, misericordiae tuae dapibus saginemur. Per.
Alia. --Da, quaesumus, Domine, fidelibus populis omnium sanctorum semper veneratione laetari, et eorum perpetua supplicatione muniri. Per
(498) Quatuor Coronatorum nomina haec sunt: Severus, Severianus, Victorinus, et Carpophorus, (499) quorum dies natalis per incuriam neglectus minime reperiri poterat; ideo statutum est ut in eorum ecclesia, horum quinque sanctorum, qui in missa recitantur, natalis celebretur, ut cum istis eorum quoque memoria pariter fiat.
VI IDUS NOVEMBRIS.--NATALIS SANCTORUM QUATUOR CORONATORUM. Praesta, quaesumus, omnipotens Deus, ut qui gloriosos martyres, (500) Claudium, Nicostratum, (501) Symphonianum, Castorium atque Simplicium, fortes in sua confessione cognovimus, pios apud te in nostra intercessione sentiamus. Per.
Super oblata. --Benedictio tua, Domine, larga descendat, quae et munera nostra, deprecantibus sanctis tuis, tibi reddat accepta, et nobis sacramentum redemptionis efficiat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: celebrantes sanctorum natalitia Coronatorum: quia dum tui nominis per eos gloriam frequentamus, in nostrae fidei augmento succrescimus. Per Christum.
Ad Complendum. --Coelestibus refecti sacramentis et gaudiis, supplices te, Domine, deprecamur, ut quorum gloriamur triumphis, protegamur auxiliis. Per.
V IDUS NOVEMBRIS.--NATALIS SANCTI THEODORI MARTYRIS. Deus, qui nos beati Theodori martyris tui confessione gloriosa circumdas et protegis, praesta nobis ejus imitatione proficere, et oratione fulciri. Per.
Super oblata. --Suscipe, Domine, fidelium preces cum oblationibus Hostiarum, et, intercedente beato Theodoro martyre tuo, per haec piae devotionis officia ad coelestem gloriam transeamus. Per.
Ad Complendum. --Praesta nobis, Domine, quaesumus, intercedente beato Theodoro martyre tuo, ut quae ore contigimus, pura mente capiamus. Per.
140 III IDUS NOVEMBRIS.--NATALIS SANCTI MENNAE MARTYRIS. Praesta, quaesumus, omnipotens Deus, ut qui beati Mennae martyris tui natalitia colimus, intercessione ejus in tui nominis amore roboremur. Per.
Super oblata. --Beati Mennae martyris tui, Domine, solemnia recensentes, quaesumus ut ejus auxilio tua beneficia capiamus, pro quo tibi Hostias laudis offerimus. Per.
Ad Complendum. --Benedictio tua, Deus, impleat corda fidelium, talesque perficiat, qui et martyrum honorificent passiones, et remedia salutis aeternae, eisdem patrocinantibus, assequantur. Per.
EODEM DIE.--NATALIS SANCTI MARTINI CONFESSORIS. Deus, qui conspicis quia ex nulla nostra virtute subsistimus, concede propitius ut intercessione beati Martini confessoris tui atque pontificis contra omnia adversa muniamur. Per Dominum nostrum.
Super oblata. --Beati Martini pontificis, quaesumus, Domine, nobis pia non desit oratio, quae et munera nostra conciliet, et tuam nobis indulgentiam semper obtineat. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: cujus (502) munere beatus Martinus confessor pariter et sacerdos, et bonorum operum incrementis excrevit, et variis virtutum donis exuberavit, et miraculis coruscavit: qui, quod verbis docuit, operum exhibitione complevit, et documento simul et exemplo subditis ad coelestia regna pergendi ducatum praebuit. Unde tuam clementiam petimus ut ejus, qui tibi placuit, exemplis ad bene agendum informemur, meritis muniamur, intercessionibus adjuvemur, qualiter ad coeleste regnum, illo interveniente, te opitulante, pervenire mereamur. Per Christum.
Ad Complendum. --Tua, Domine, sancta sumentes, suppliciter deprecamur, ut quorum veneramur confessionem, praesidia sentiamus. Per.
Super populum. --Exaudi, Domine, populum tuum tota tibi mente subjectum, et beati Martini pontificis supplicatione custodi, ut, corpore et corde protectus, quod pie credit appetat, et quod juste sperat obtineat. Per.
X KALENDAS DECEMBRIS.-- NATALIS SANCTAE CAECILIAE. Deus, qui nos annua beatae Caeciliae martyris tuae solemnitate 141 laetificas, da ut quam veneramur officio, etiam piae conversationis sequamur exemplo. Per.
Super oblata. --Haec Hostia, Domine, placationis et laudis quaesumus ut, interveniente beata Caecilia martyre tua, nos tua propitiatione dignos semper efficiat. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui in infirmitate virtutem perficis, et humani generis inimicum non solum per viros, sed etiam per feminas vincis; cujus munere beata Caecilia, et in virginitatis proposito, et in confessione fidei roborata est, ut nec aetatis lubrico ab intentione mutaretur, nec blandimentis carnalibus demulceretur, nec sexus fragilitate deterreretur, nec tormentorum immanitate vinceretur, sed servando corporis ac mentis integritatem, cum virginitatis et martyrii palma aeternam mereretur adipisci beatitudinem. Per Christum.
Ad Complendum. --Sic nos, Domine, gratia tua, quaesumus, semper exerceat, ut et divinis instauret nostra corda mysteriis, et sanctae Caeciliae martyris tuae commemoratione laetificet. Per Dominum nostrum.
IX KALENDAS DECEMBRIS.--NATALIS SANCTI CLEMENTIS. Omnipotens sempiterne Deus, qui in omnium sanctorum tuorum es virtute mirabilis, da nobis in beati Clementis annua solemnitate laetari, qui Filii tui martyr et pontifex quod ministerio gessit testimonio comprobavit, et quod praedicavit ore confirmavit exemplo. Per.
Super oblata. --Sacrificium tibi, Domine, laudis offerimus, pro sancti celebritate Clementis, ut propitiationem tuam, quam nostris operibus non meremur, pii suffragatoris intercessionibus assequamur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et in hac die, quam beati Clementis passio consecravit, et nobis venerabilem exhibuit: qui apostolica praedicatione imbutus, doctrinis coelestibus educatus, successionis dignitate conspicuus, et martyr insignis et sacerdos refulsit egregius. Per Christum Dominum nostrum.
Ad Complendum. --Da, quaesumus, Domine Deus noster, ut sicut tuorum commemoratione sanctorum temporali gratulamur officio, ita perpetuo laetemur aspectu. Per.
EODEM DIE.--NATALIS SANCTAE FELICITATIS. Praesta, quaesumus, omnipotens Deus, ut 142 beatae Felicitatis martyris tuae solemnia recensentes meritis ipsius protegamur et precibus. Per.
Super oblata. --Suscipe vota tuorum, Domine, famulorum, et oblatum tibi pro commemoratione beatae Felicitatis pacifici libaminis sacrificium propitiatus intende. Per.
Ad Complendum. --Supplices te rogamus, omnipotens Deus, ut, intervenientibus sanctis tuis, et tua in nobis dona multiplices, et tempora nostra disponas. Per.
VIII KALENDAS DECEMBRIS.--NATALIS SANCTI CHRYSOGONI MARTYRIS. Adesto, Domine, supplicationibus nostris, ut, qui ex iniquitate nostra reos nos esse cognoscimus, beati Chrysogoni martyris tui intercessione liberemur. Per.
Super oblata. --Oblatis, quaesumus, Domine, placare muneribus, et, intercedente beato Chrysogono martyre tuo, a cunctis nos defende periculis. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui nos assiduis martyrum passionibus consolaris, et eorum sanguinem triumphalem, quem pro professione nominis tui infidelibus praebuere fundendum, ad tuorum facis auxilium transire fidelium.
Ad Complendum. --Tui, Domine, perceptione sacramenti, et a nostris mundemur occultis, et ab hostium liberemur insidiis. Per.
III (503) KALENDAS DECEMBRIS.--NATALIS SANCTI SATURNINI MARTYRIS. Deus, qui nos beati Saturnini martyris tui concedis natalitio perfrui, ejus nos tribue meritis adjuvari. Per
Super oblata. --Munera tibi, Domine, dicata sanctifica; et, intercedente beato Saturnino martyre tuo, per eadem nos placatus intende. Per Dominum nostrum.
Ad Complendum. --Sanctificet nos, Domine, quaesumus, tui perceptio sacramenti, et intercessione sanctorum tibi reddat acceptos. Per.
EODEM DIE.--VIGILIA SANCTI ANDREAE. Quaesumus, omnipotens Deus, ut beatus Andreas apostolus tuum nobis imploret auxilium, ut, a nostris reatibus absoluti, a cunctis etiam periculis exuamur. Per Dominum nostrum.
143 Super oblata. --(504) Sacrandum tibi, Domine, munus offerimus, quo, beati Andreae solemnia recolentes, purificationem quoque nostris mentibus imploramus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et (505) Majestatem tuam suppliciter exorare ut qui beati Andreae apostoli festum solemnibus jejuniis et devotis praevenimus officiis, illius apud Majestatem tuam, et adjuvemur meritis, et instruamur exemplis. Per Christum.
Ad Complendum. --Perceptis, Domine, sacramentis, suppliciter exoramus, ut, intercedente beato Andrea apostolo tuo, quae pro illius veneranda gerimus passione, nobis proficiant ad medelam. Per.
Alia. --Tuere nos, misericors Deus, et Andreae apostoli tui, cujus natalitia praevenimus, semper guberna praesidiis. Per Dominum nostrum.
Ad Vesperos. --Adjuvet Ecclesiam tuam tibi, Domine, supplicando, beatus Andreas apostolus, et pius interventor efficiatur, qui tui nominis exstitit praedicator. Per Dominum.
Ad Matutinos. --Deus, qui es sanctorum tuorum splendor mirabilis, quique hunc diem beati Andreae martyrio consecrasti, da Ecclesiae tuae de ejus natalitio semper gaudere, ut apud misericordiam tuam exemplis ejus protegamur et meritis. Per.
PRIDIE KALENDAS DECEMBRIS.--NATALE SANCTI ANDREAE. Majestatem tuam supplices, Domine, exoramus, ut sicut Ecclesiae tuae beatus Andreas apostolus exstitit praedicator et rector, ita apud te sit pro nobis perpetuus intercessor. Per.
Super oblata. --Sacrificium nostrum tibi, Domine, quaesumus, beati Andreae precatio sancta conciliet, ut cujus honore solemniter exhibetur meritis efficiatur acceptum. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: (506) quoniam adest nobis dies magnifici votiva mysterii qua venerandus Andreas apostolus germanum se gloriosi apostoli tui Petri tam praedicatione Christi tui quam conversatione monstravit, ut id quod libera praedicaverat voce (507) nec pendens 144 taceret in cruce, Auctoremque vitae perennis tam in hac vita sequi quam in mortis genere meruit imitari, ut, cujus praecepto terrena in semetipso crucifixerat desideria, ejus exemplo ipse patibulo figeretur. Utrique igitur germani piscatores, ambo cruce elevantur ad coelum, ut quos in hujus vitae cursu gratia tua tot vinculis pietatis obstrinxerat, hos immarcescibilis in regno coelorum necteret corona. Et quibus erat una causa certaminis, una retributio esset et praemii. Per quem Majestatem tuam.
Benedictionem require, (508) in natali.
Ad Complendum. --Sumpsimus, Domine, divina mysteria, beati Andreae festivitate laetantes, quae sicut tuis sanctis ad gloriam, ita nobis, quaesumus, ad veniam prodesse perficias. Per Dominum.
Ad Vesperos. --Da nobis, quaesumus, Domine Deus noster, beati apostoli tui Andreae intercessionibus sublevari, ut (509) per quos Ecclesiae tuae superni muneris rudimenta donasti, per eos subsidia perpetuae salutis impendas. Per Dominum nostrum.
Alia. --Exaudi, Domine, populum tuum cum sancti apostoli tui Andreae patrocinio supplicantem, ut tuo semper auxilio secura tibi possit devotione servire. Per.
IDIBUS DECEMBRIS.--NATALIS SANCTAE LUCIAE VIRGINIS. Exaudi nos, Deus salutaris noster, ut sicut de beatae Luciae festivitate gaudemus, ita piae devotionis erudiamur effectu. Per.
Super oblata. --Quaesumus, virtutum coelestium Deus, ut sacrificia pro sanctae tuae Luciae solemnitate delata desiderium nos temporale doceant habere contemptum, et ambire dona faciant coelestium gaudiorum. Per.
Ad Complendum. --Laeti, Domine, sumpsimus sacramenta coelestia, quae, intercedente pro nobis beata Lucia martyre tua, ad vitam nobis proficiant sempiternam. Per Dominum.
Alia. --Intercessio nos, Domine, quaesumus, sanctae Luciae martyris tuae votiva confoveat, ut ejus sacrata natalitia et temporaliter frequentemus, et conspiciamus aeterna. Per Dominum nostrum.
XII KALENDAS JANUARII.--NATALIS SANCTI THOMAE APOSTOLI. Da nobis, quaesumus, Domine, beati apostoli tui Thomae solemnitatibus gloriari, ut ejus semper 145 et patrociniis sublevemur, et fidem congrua devotione sectemur. Per.
Super oblata. --Debitum, Domine, nostrae reddimus servitutis, suppliciter exorantes, ut suffragiis beati Thomae apostoli in nobis tua munera tuearis, cujus honorando confessionem, laudis tibi hostias immolamus. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui Ecclesiam tuam in apostolicis tribuisti consistere fundamentis, de quorum collegio beati Thomae apostoli tui solemnia celebrantes, tua, Domine, praeconia non taceamus. Per Dominum nostrum.
R. Q. Bened. in natali.
Ad Complendum. --Conserva, Domine, populum tuum, et quem sanctorum tuorum praesidiis non desinis adjuvare, perpetuis tribue gaudere remediis. Per.
Super populum. --Da, quaesumus, Domine, populo tuo, Spiritum veritatis et pacis, et, intercedente beato Thoma apostolo tuo, et te tota mente cognoscat, et quae tibi sunt placita toto corde sectetur. Per Dominum nostrum Jesum Christum.
(510) INCIPIT ORDO AD ECCLESIAM DEDICANDAM. Primitus enim antequam pontifex introeat ecclesiam, (511) illuminentur XII candelae per circuitum ecclesiae: et induant se vestimentis sacris. Et cum venerint ad ostium ecclesiae, percutiat pontifex ter superliminare de (512) combutta sua, dicens ante portam Antiphonam (513) Tollite portas principes vestras. Et canant ipsum psalmum totum ante ostium, (514) et aperto ostio intrantes dicant, Pax huic domui. Deinde incipiat clerus litaniam. Et cum venerint sacerdotes, (515) vel levitae ante altare, prosternant se (516) super stramenta cum pontifice usque dum dicatur Agnus Dei. Ut autem surrexerint ab oratione, non dicat pontifex Dominus vobiscum, sed Oremus tantum. Et diaconus dicat Flectamus genua; postquam oraverint, dicat Levate. Et sequitur Oratio.
Magnificare, Domine Deus noster, in sanctis tuis, et in hoc templo aedificationis tuae appare, ut qui omnia in filiis adoptionis operaris, ipse semper in tua haereditate lauderis. Per Dominum nostrum Jesum Christum Filium tuum.
(517) Deinde incipiat pontifex de sinistro angulo ab Oriente scribens per pavimentum cum cambutta sua, (518) A, B, C, usque in dextrum angulum Occidentis; incipiens iterum similiter a dextro angulo 146 Orientis, A, B, C, scribit usque in sinistrum angulum Occidentis Basilicae.
Deinde (519) veniens ante altare dicat: Deus in adjutorium meum intende, Domine, ad adjuvandum me festina. Gloria Patri, et Filio, et Spiritui sancto. Sicut erat in principio, et nunc et semper, et in saecula saeculorum. Amen, (520) absque, Alleluia. Deinde (521) sequitur exorcismus aquae.
(522) Discede, immunde spiritus, ab omnibus quibus fides nostra usura est religiosi officii (523) sacramentis. Nec praetendas, culpam criminis, qui agnoscis potentiam Salvatoris. Non est meriti confidentia, sed praecepti, licet ipsa potestas ministerii dignitas sit ministri. Te igitur per communem Deum, aquae creatura, convenio, ut, conservato motu sensibilitatis, intelligens subjici servitio, quo placere Deo nitimur, non recuses. Omnem a te communionem daemonum, omne collegium iniquitatis expurges. Totam phantasmatis labem capax dominicae protectionis extermines, ut, gratia sanctificationis indepta, tuo nostroque pariter Creatori debito famulatu deserviens, omnem spirituum pravorum nequitiam quocunque loco fueris aspersa dejicias, et sanctae copiam benedictionis infundas. Per Dominum nostrum Jesum Christum, qui venturus est judicare vivos et mortuos, et saeculum per ignem.
Deinde dicat hanc orationem.
(524) Sanctificare per verbum Dei, unda coelestis, sanctificare, aqua Christi calcata vestigiis. Quae montibus pressa non clauderis, quae scopulis illisa non frangeris, quae terris diffusa non deficis. Tu sustines aridam, portas montium pondera, nec dimergis. Tu coelorum vertice contineris, circumfusa per totum lavas omnia, nec lavaris. Tu fugientibus populis Hebraeorum in (525) molem durata constringeris, tu rursum salsis resoluta vorticibus Nili accolas perdis, et hostilem globum freto saeviente persequeris. Una eademque es salus fidelibus, et ultio criminosis. Te per Moysem percussa rupes evomuit, nec abdita cautibus latere potuisti, cum Majestatis imperio jussa prodires. Tu gestata nubibus imbre jucundo arva fecundas.
(526) Per te aridis aestu corporibus dulcis ad gratiam, salutaris ad vitam potus infunditur. Tu intimis scaturiens venis, aut spiritum inclusa vitalem, aut succum fertilem praestas, ne, siccatis examinata visceribus, solemnes neget terra proventus. Per te initium, per te finis exsultat, vel potius ex Deo tuum est, ut terminum nesciamus. At tu, Domine omnipotens Deus, cujus, virtutum non nescii, dum aquarum merita promimus, operis insignia praedicamus, benedictionis auctor, salutis origo, te supplices deprecamur et quaesumus, ut imbrem gratiae tuae super hanc domum cum abundantia tuae benedictionis infundas, bona omnia largiaris, prospera tribuas, adversa repellas. Malorum fautorem daemonem destruas, angelum lucis amicum, bonorum provisorem defensoremque constituas. Domum in tuo nomine coeptam, te adjutore, perfectam benedictio tua in longum mansura confirmet. Tuum haec fundamenta praesidium, culmina 147 tegumentum, ostia introitum, penetralia mereantur accessum. Sit per lustrationem vultus tui utilitas hominum, stabilitas parietum; sit positis crux invicta liminibus; utrique postes gratiae tuae inscriptione signentur, ac per multitudinem propitiationis tuae visitatoribus domus hujus sit pax cum abundantia, sobrietas cum modestia, redundantia cum misericordia. Inquietudo omnis et calamitas longe recedat, inopia, pestis, morbus, languor, incursusque malorum spirituum tua semper visitatione discedat. Et ita fusa in hoc loco nostrae supplicationis oratio extensos ejus terminos et atria circumjecta percurrat; sicque per cunctos angulos ac recessus data benedictio hujus gurgitis purificatione perlabatur, ut semper hic laetitia quietis, gratia hospitalitatis, abundantia frugis, reverentia religionis, copia sit salutis. Et ubi invocatur sanctum tuum nomen, bonorum succedat copia, malorum tentamenta procul effugiant. Et mereamur angelum pacis, castitatis, et veritatis, qui nos semper ab omnibus malis custodiat, protegat atque defendat. Per Dominum.
Benedictio aquae. --(527) Domine Deus, Pater omnipotens, statutor et conditor omnium elementorum, qui per Jesum Christum Filium tuum Dominum nostrum elementum hoc aquae in salutem humani generis esse voluisti, te supplices deprecamur, ut, exauditis orationibus nostris, eam tuae pietatis respectu sanctifices; atque ita omnium spirituum immundorum ab ea recedat incursio, ut ubicunque fuerit in nomine tuo aspersa, gratia tuae benedictionis adveniat, et mala omnia, te propitiante, procul recedant. Per eumdem Dominum nostrum Jesum Christum.
Exorcismus salis. --(528) Exorcizo te, creatura salis, in nomine Patris, et Filii, et Spiritus sancti, qui te per Eliseum in aqua mitti jussit, ut sanarentur aquae steriles; (529) qui divina oris sui voce ait discipulis suis: Vos estis sal terrae; et (530) per apostolum suum Vas electionis: Sermo vester sale sit conditus. Ideoque efficere sal exorcizatum, ut sis in remissionem peccatorum, et sanitatem mentium, in protectionem animae atque corporis, in confirmationem salutis, ad expellendas et excludendas omnes daemonum tentationes, in nomine Dei Patris omnipotentis, et Jesu Christi Filii ejus, et Spiritus sancti viventis in saecula saeculorum.
Benedictio salis. --Virtutis tuae invictam fortitudinem deprecamur, Domine sancte, Pater omnipotens, aeterne Deus, qui inter omnia necessaria quae per Jesum Christum Dominum nostrum procreari jussisti, non minimam gratiam conferre dignatus es sali, ut ex illo possint universa condiri quae omnibus ad escam per eumdem tuum Filium Dominum nostrum procreasti. Ideoque te supplices exoramus, ut hoc sal digneris aspicere, quatenus ex Majestatis tuae virtute contra omnes spiritus immundos valorem possit accipere. Expellat ab omni loco, ubi tua fuerit invocatione aspersum, quidquid potest esse pestiferum, ut exhibeat plenum salutis effectum. Deterreat omnes praestigias inimici, et omnia monstruosorum genera longius faciat effugari. (531) Gravedines omnes 148 phantasiasque compescat, et per signum crucis Filii tui Domini nostri Jesu Christi tutelam fidelissimam desiderantibus praestet. Qui tecum vivit et regnat Deus.
(532) Et miscetur sal et cinis; faciensque ter inde crucem super ipsam aquam, dicat hanc Orationem.
Oremus. --(533) Aeterne omnipotens Deus, qui nobis a te conditam creaturam aquae in fide distinxisti, ut liquorem simplicem ad lavacrum, salsam soliditatem praeberes ad condimentum, quatenus et sordida possent ablui, et fatua imbui, quo et noxa tolleretur originalis, et corrigeretur error ad viam salutis, te officii nostri functione immeriti deprecamur ut haec salis et aquae in tuo nomine facta permistio clementiae tuae sanctificetur obtutu. Quodque mysterialiter baptismo commodum, culpae (534) traduci inimicum, sapientiae aptum, errori praestas adversum, sancti Spiritus tui sanctitate reddas sanctificatum; nec ullo contagio reddatur immundum quod tua fieri credimus majestate beatum. Sed ita per te praebeat plenum sanctificationis effectum, ut ubicunque invocato nomine tuo fuerit manu emissum, vel quolibet modo assumptum, expulsis et explosis omnibus insidiis contrariae potestatis, et cuncta daemonum machinamenta ex eodem loco fugata deficiant, et sanctorum angelorum custodia semper inibi mansura consistat. Per.
Deinde miscetur vinum cum aqua, et dicit hanc Orationem.
Oremus. --(535) Creator et conservator humani generis, dator gratiae spiritalis, largitor aeternae salutis, tu, Domine, (536) permitte Spiritum sanctum tuum super vinum hoc aqua mistum, ut (537) armata virtute coelestis defensionis ad consecrationem hujus ecclesiae vel altaris proficiant. Per Dominum nostrum Jesum Christum.
(538) Inde facit crucem de digito suo cum ipsa aqua in dextra parte, (539) per quatuor cornua altaris. Inde veniens ante altare (540) cum hyssopo aspergit ipsum altare septem vicibus canendo Antiphonam Asperges me, Domine, hyssopo et mundabor, (541) cum ipso Psalmo. Et vadit in circuitu altaris spargendo. Deinde in dextra parte per parietes ecclesiae, (542) usque dum veniens ante altare, spargit iterum desuper in circuitu altaris (543) vel ecclesiae, canendo Antiphonam Exsurgat Deus, cum ipso Psalmo; usque dum veniens iterum ante altare aspergit desuper, et in circuitu ecclesiae (544) canendo Antiphonam Sanctificavit Dominus tabernaculum suum, quia haec est; Psalmum, Deus Deus noster, et, Ecce nunc. Et mittit ex ministris aut clericis duos vel tres (545) qui extrinsecus ecclesiae parietes una voce psallant. Interim ipse pontifex vadit de ipso altari spargendo per medium ecclesiae in longum et latum, (546) faciendo crucem super pavimentum cum Antiphona Domus mea domus orationis vocabitur, cum Versu, Narrabo nomen tuum fratribus meis. Item Versus, Domine dilexi, cum Gloria: et veniens in medio ecclesiae dicit: Oremus. Et dicit diaconus: Flectamus genua, postea dicit: Levate. Et dicit Orationem.
(547) Deus, qui loca nomini tuo dicata sanctificas, effunde desuper hanc sanctificationis domum gratiam tuam, 149 ut ab omnibus hic invocantibus te auxilium tuae misericordiae sentiatur. Per Dominum nostrum Jesum Christum.
Iterum dicit: Oremus, et diaconus: Flectamus genua; postea dicit: Levate. (548) Et sequitur oratio.
Deus sanctificationum, omnipotens dominator, cujus pietas sine fine sentitur; Deus, qui coelestia simul et terrestria moderaris, servans misericordiam tuam populo tuo ambulanti ante conspectum gloriae tuae; exaudi preces servorum tuorum, ut sint oculi tui aperti super domum istam die ac nocte. Hancque basilicam, in honore sancti Ill. sacris mysteriis institutam, clementissimus dedica, miseratus illustra, proprio splendore clarifica. Omnemque hominem venientem adorare in loco hoc placatus admitte, propitius dignare respicere, et propter nomen tuum magnum, et manum tuam fortem et brachium excelsum in habitaculo hoc supplicantes libens protege, dignanter exaudi, aeterna defensione conserva, ut semper felices, semper tua religione laetantes constanter in sanctae Trinitatis fide catholica perseverent. Per Dominum nostrum Jesum Christum Filium tuum, qui tecum vivit et regnat Deus in unitate ejusdem.
(549) Ipsa expleta, incipit Antiphonam Introibo ad altare Dei mei, ipsam canendo, cum ipso Psalmo. Vadit ante altare, (550) et fundit quod remansit de ipsa aqua ad basim altaris. Et extergitur altare de linteo; (551) postea offert incensum, et mittit oleum super altare, (552) in medio crucem faciens, et super quatuor angulos cum Antiphona canendo Erexit Jacob, cum Psalmo (553) Fundamenta ejus; (554) et unguit cum manu sua ipsum lapidem, semper incensum in circuitu ipsius altaris alio sacerdote faciente. Post, (555) expleto Psalmo, mittit iterum oleum similiter sicut prius canendo Antiphonam (556) Mane surgens Jacob, cum Psalmo Bonum est confiteri Domino. Ipso expleto (557) mittit chrisma similiter canendo Antiphonam Ecce odor Filii mei, cum Psalmo Lauda, Jerusalem, Dominum. Item Antiphonam Unxit te Dominus, Psalmum Eructavit cor meum. Deinde in circuitu ecclesiae per parietes (558) dextro in dextro faciens crucem cum pollice de ipso chrismate cum Antiphona Sanctificavit Dominus, Psalmum Magnus Dominus, et Ecce nunc. Item dicit Antiphonam Lapides pretiosi, Psalmum Lauda, Jerusalem. (559) Inde faciens crucem incensi super altare dicit: Oremus. Diaconus, ut supra. Et dicit Orationem super altare.
Dei Patris omnipotentis misericordiam, dilectissimi fratres, deprecemur, ut hoc altare sacrificiis spiritualibus consecrandum vocis nostrae exoratus officio praesenti benedictione sanctificet, ut in eo semper oblationes famulorum suorum studio suae devotionis impositas benedicere et sanctificare dignetur, et spiritali placatus incenso precanti familiae suae promptus exauditor assistat. Per Dominum nostrum Jesum Christum Filium tuum qui venturus. Iterum dicit: Oremus. Diaconus ut supra.
Sequitur Benedictio. --Deus omnipotens, in cujus honore altare hoc (560) sub invocatione tui nominis indigni consecramus, clemens et propitius preces nostrae humilitatis exaudi, et praesta ut in hac mensa sint tibi libamina 150 accepta, sint grata, sint pinguia, et Spiritus sancti tui semper rore perfusa, ut omni tempore in hoc loco supplicantis tibi familiae tuae anxietates releves, aegritudines cures, preces exaudias, vota suscipias, desiderata confirmes, postulata concedas. Per Dominum.
Deinde dicit Antiphonam Confirma hoc Deus, cum Gloria.
(561) Deinde, tenentibus subdiaconis vel acolythis linteamina, vel omnia ornamenta ecclesiae, seu vasa sacra quaecunque ad cultum Dei et ecclesiae pertinere videntur, benedicit ea pontifex.
Benedictio (562) ad linteamina, vel ad omnia in usum basilicae. --(563) Omnipotens et misericors Deus, qui ab initio utilia et necessaria hominibus creasti, templaque manu hominum facta nomini sancto tuo dicari tuaeque habitationis loca vocari voluisti, quique per famulum tuum Moysen vestimenta pontificalia et sacerdotalia, seu Levitica, et alia quaeque diversi generis ornamenta ad cultum et decorem tabernaculi et altaris tui fieri decrevisti; exaudi propitius preces nostras, et omnia haec diversarum specierum ornamenta, in usum tuae hujus basilicae vel altaris ad honorem et gloriam tuam praeparata, (564) purificare et sanctificare, benedicere et consecrare per nostrae humilitatis servitutem digneris, ut et divinis cultibus sacrisque ministeriis apta existant, et his confectioni corporis et sanguinis Jesu Christi Filii tui Domini nostri dignis pareatur famulatibus. Qui tecum vivit et regnat.
Alia. --(565) Omnipotens sempiterne Deus, a quo omnia immunda purgantur, et in quo omnia purgata clarescunt, supplices famuli tui tuam omnipotentiam invocamus, ut ab hoc vase, vel vestimento, quae tibi offerunt famuli tui Ill., omnis spiritus immundus confusus longe discedat, et per fidei benedictionem huic sancto altari tuo sint perfecta, et utilia ad opus ministerii tui, te juvante, sanctificata permaneant. Per Dominum nostram Jesum.
(566) Benedictio super munus quod quis Ecclesiae offert. --Deus, cujus verbo et potentia facta sunt omnia, cujus dono percipimus quae ad vitae remedium possidemus, te supplices nixis precibus exoramus, ut de sede Majestatis tuae huic oblationi fidelium sanctificator accedas. Suscipe de manu famulorum tuorum Ill. munus oblatum, quod a tua clementia benedictum in hujus sanctuarii tui usum maneat consecratum. Sint haec in conspectu tuo libenter accepta, sicut quondam Abel alumni tui, vel Melchisedech munera tibi placuerunt oblata. Et quia ob honorem tui amoris ecclesiam tuam summis nituntur decorare obsequiis, tu eis, Domine, magna pro parvis recompensa, ut, devotionem eorum accipiens, peccata dimittas, fide eos repleas, indulgentia foveas, misericordia protegas, adversa destruas, prospera concedas. Habeant in hoc saeculo bonae actionis documentum, charitatis studium, sancti amoris effectum, et in futuro cum sanctis angelis adipiscantur perpetuum regnum. Per Dominum.
151 Alia. --Exaudi nos, Domine, quaesumus, ut haec linteamina, aliaque indumenta, necnon et vasa sancto altari tuo atque ecclesiae tuae cunctoque sacri ministerii usui praeparata, benedicere et sanctificare digneris. Per Dominum nostrum Jesum Christum.
Ad (567) consecrandam patenam. --(568) Consecramus et sanctificamus hanc patenam, ab conficiendum in ea corpus Domini nostri Jesu Christi patientis crucem pro salute nostra omnium, qui cum Patre et Spiritu sancto vivit et regnat per cuncta saecula saeculorum. Amen.
(569) Inde faciens signum crucis de oleo sancto super patenam, dicit.
Consecrare et sanctificare digneris, Domine, patenam hanc per istam unctionem et nostram benedictionem, in Christo Jesu Domino nostro, qui vivis, etc.
(570) Benedictio patenae. --Domine, Deus omnipotens, qui per Moysen famulum tuum tabernaculi tui altare, et vasa omnia divino cultui mancipasti, clementiam tuam supplices deprecamur, ut hoc vas aptum cultibus tuis, dignumque altaribus reddas, ut sanctificatum in nomine tuo, corporis tui pretiosum ferculum deputetur. Qui vivis et regnas cum Patre in unitate Spiritus sancti, per omnia saecula saeculorum. Amen.
(571) Ad calicem benedicendum. --Oremus, dilectissimi fratres, ut Dominus Deus noster calicem in usum sui ministerii consecrandum coelestis gratiae inspiratione sanctificet, et ad humanam benedictionem plenitudinem divini favoris accommodet. Per Dominum.
Item alia.--Oremus. Dignare, Domine, calicem istum in usum ministerii tui, (572) pia famuli tui Ill. devotione formatum, ea sanctificatione perfundere qua Melchisedech famuli tui sacratum calicem perfudisti. Et quod arte, vel metallo effici non potest altaribus tuis dignum, fiat tua benedictione pretiosum. Per.
Item alia. --(573) Deus, qui Moysi famulo tuo in Horeb monte servanda populo tuo praecepta disponens templum sanctum tuum qualiter aedificaret instituisti, sacra quoque vasa quae inferri altari tuo deberent ad instar vasorum coelestium docuisti, precamur ut hunc calicem, in quo celebraturi sumus sacrosancta mysteria, emissione sancti Spiritus tui coelesti benedictione sanctifices, gratumque et acceptabilem habeas, atque benedicas, ac digne sociatum vasculis tuis, et acceptabilem deferat famulatum, et digne tuis mysteriis consecretur. Per Dominum nostrum Jesum Christum Filium tuum.
(574) Deinde vadunt ad eum locum in quo reliquiae praeterita nocte cum vigiliis fuerunt, et elevent eas.
152 Oratio quando elevantur reliquiae.
Oremus. --(575) Aufer a nobis, quaesumus, Domine, iniquitates nostras, ut ad sancta sanctorum puris mereamur mentibus introire. Per Dominum.
Alia. --Fac nos, Domine, sanctorum tuorum specialiter dicata membra contingere, quorum cupimus patrocinia incessanter habere. Per Dominum.
Finita hac oratione elevent eas cum feretro, et cum magno honore cantando has Antiphonas: (576) Ambulate, sancti Dei, Antiphonam De Jerusalem, Antiphonam Ecce populus, Antiphonam Cum jucunditate, (577) cum crucibus, et thuribulis, et candelabris multisque luminaribus. Et veniant ad basilicam in qua deponendae sunt, et mox ut intro pedem intulerint, dicat hanc Orationem:
Oremus. --(578) Domum tuam, quaesumus, Domine, clementer ingredere, et in tuorum tibi cordibus fidelium perpetuam constitue mansionem, ut cujus aedificatione subsistit, hujus fiat habitatione praeclara. Per Dominum.
Alia.--Oremus. Deus, qui sacrandorum tibi auctor es munerum, effunde super hanc orationis domum benedictionem tuam, ut ab omnibus hic invocantibus nomen tuum defensionis tuae auxilium sentiatur. Per Dominum nostrum Jesum Christum Filium.
Deinde pergant ad altare, ubi condendae sunt, et (579) extenso velo inter eos et populum, et recondat pontifex propria manu ipsas reliquias (580) in loco altaris, canendo Antiphonam Exultabunt sancti in gloria, (581) cum Psalmo Laudate Dominum de coelis. Item Antiphonam Cantate Domino canticum novum, Psalmum ipsum. Item Antiphonam Sub altare Dei sedes accepistis, Psalmum Laudate Dominum in sanctis ejus. Finito hoc dicat hanc orationem.
Oremus. --Deus, qui ex omni coaptatione sanctorum aeternum tibi condis habitaculum, da aedificationi tuae incrementa coelestia, ut quorum hic reliquias pio amore complectimur, eorum semper meritis adjuvemur. Per Dominum
(582) Post haec vestiatur altare (583) cum Antiphona In velamento alarum tuarum, Psalmum Deus, Deus meus, ad te luce vigilo. Et dicatur haec Oratio:
Oremus. --Descendat, quaesumus, Domine, Deus noster, Spiritus sanctus tuus super hoc altare, qui et populi tui dona sanctificet, et sumentium corda dignanter emundet. Per Dominum.
Inde (584) revertatur pontifex in sacrarium cum ordinibus suis, et induant se vestimentis aliis solemnibus. Interim ornetur ecclesia, et accendantur luminaria multa; et incipiat cantor Antiphonam ad introitum: Terribilis est locus iste. Et procedat 153 pontifex de sacrario cum ordinibus suis, sicut consuetudo est in festivitatibus. (585) Celebretur ibi solemniter missa more solito, ordine suo, cum Gloria in excelsis Deo. (586) Tota vero hebdomada Missae publicae in ecclesia fient.
Orationes ad Missas in dedicatione ecclesiae. --Deus qui invisibiliter omnia contines, et tamen pro salute generis humani signa tuae potentiae visibiliter ostendis, templum hoc Majestate tuae inhabitationis illustra, ut omnes quicunque huc deprecaturi convenerint, ex quacunque ad te tribulatione clamaverint, consolationis tuae beneficia consequamur. Per Dominum.
Super oblata. --Omnipotens sempiterne Deus, altare nomini tuo dicatum coelestis virtutis benedictione sanctifica, et omnibus in te sperantibus auxilii tui munus ostende, ut hic sacramentorum virtus, et votorum obtineatur effectus. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: per quem te supplices deprecamur, ut altare hoc sanctis usibus praeparatum coelesti dedicatione sanctifices. Et sicut Melchisedech sacerdotis praecipui oblationem dignatione mirabili suscepisti, ita imposita huic novo altari munera semper accepta ferre digneris, ut populus qui in hanc Ecclesiae domum sanctam convenerit, per haec libamina coelesti sanctificatione salvatus, animarum quoque suarum salutem perpetuam consequatur. Per quem Majestatem
Item Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui cum ubique sis totus, et cum universa tua Majestate contineas, sacrari tamen tibi loca tuis mysteriis apta voluisti, ut ipsae orationum domus supplicum mentes ad invocationem tui nominis incitarent. Effunde, quaesumus, super hunc locum gratiam tuam, et omnibus te invocantibus auxilii tui munus ostende, ut hic sacramentorum virtus omnium fidelium corda confirmet. Per eumdem Dominum.
Benedictio. --Benedicat et custodiat vos omnipotens Dominus, domumque hanc sui muneris praesentia illustrare, atque suae pietatis oculos super eam die ac nocte dignetur aperire. Amen. Concedatque propitius ut omnes qui ad dedicationem hujus basilicae devote convenistis, intercedente beato Ill. et caeteris sanctis suis, quorum reliquiae hic pio venerantur amore vobiscum, hinc veniam peccatorum vestrorum reportare valeatis. Amen. Quatenus eorum interventu ipsi templum sancti Spiritus, in quo sancta Deus Trinitas jugiter habitare dignetur, efficia mini, et post hujus vitae labentis excursum ad gaudia aeterna feliciter pervenire mereamini. Amen. Quod ipse praestare dignetur.
154 Ad Complendum. --Quaesumus, omnipotens Deus, ut in hoc loco, quem nomini tuo indigni dicavimus, cunctis petentibus aures tuae pietatis accommodes. Per.
Alia. --Sanctorum tuorum, Domine, precibus confidentes, quaesumus, ut per ea quae sumpsimus aeterna remedia capiamus. Per.
Super populum. --Copiosa beneficia, quaesumus, Domine, Christianus populus assequatur, ut qui in honorem sanctorum tuorum sacrandis tibi liminibus devotus occurrit, et vitae subsidia praesentis accipiat, et gratiam sempiternae redemptionis inveniat. Per.
Alia. --Dona, Domine, virtutem populo tuo, et effice nos templum Spiritus sancti, ut tibi de corde puro holocaustum acceptabile praeparemus. Per.
(587) IN ANNIVERSARIO DEDICATIONIS BASILICAE. Deus, qui nobis per singulos annos hujus sancti templi tui consecrationis reparas diem, et sacris semper mysteriis repraesentas incolumes, exaudi preces populi tui, et praesta ut quisquis hoc templum beneficia petiturus ingreditur cuncta se impetrasse laetetur. Per Dominum.
Super oblata. --Annue, quaesumus, Domine, precibus nostris, ut quicunque intra templi hujus, cujus anniversarium dedicationis diem celebramus, ambitum continemur, plena tibi atque perfecta corporis et animae devotione placeamus, ut, dum haec praesentia vota reddimus, ad aeterna praemia te adjuvante pervenire mereamur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et pro annua devotione tabernaculi hujus honorem tibi debitum referre, per Christum Dominum nostrum; cujus virtus magna, pietas copiosa. Respice, quaesumus, de coelo, et vide, et visita domum istam, ut si quis in ea nomini tuo supplicaverit, libenter exaudias, et satisfacientibus libenter ignoscas. Hic tibi sacerdotes tui sacrificium laudis offerant, hic fidelis populus vota persolvat, hic peccatorum onera deponantur, hic fides sancta stabiliatur, hic pietas absoluta redeat, hic iniquitas emendata discedat. Inveniat apud te, Domine, locum veniae, quicunque satisfaciens huc confugerit, et conscio dolore victus altaria tua rivis suarum eluerit lacrymarum. Hic, si quando populus tuus tristis moestusque convenerit, acquiesce rogari, et rogatus indulge petentibus. Per quem.
Ad Complendum. --Multiplica, Domine, quaesumus, per haec sancta, quae sumpsimus, veritatem tuam in manibus nostris, ut te in templo sancto jugiter adoremus, et in conspectu tuo cum sanctis angelis gloriemur. Per.
155 Super oblata. --Deus, qui Ecclesiam tuam Unigeniti tui sponsam vocare dignatus es, utque haberet gratiam per fidei devotionem, haberet etiam ex nomine pietatem, da ut omnis haec plebs nomini tuo serviens hujus vocabuli consortio digna esse mereatur. Et Ecclesia tua in templo, cujus anniversarius dedicationis dies celebratur, tibi collecta, te timeat, te diligat, te sequatur, ut dum jugiter per ejus vestigia graditur, ad coelestia promissa, ipso ducente, pervenire mereatur. Qui tecum.
(588) IN VIGILIA APOSTOLORUM. Concede nobis, quaesumus, omnipotens Deus, venturam apostoli tui Ill. solemnitatem congruo praevenire honore, et venientem digna celebrare devotione. Per.
Super oblata. --Accepta tibi sit, Domine, nostrae devotionis oblatio, et ad apostolicam puriores faciat nos venire festivitatem. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et venientem natalem beati apostoli tui Ill. debita servitute praevenire, suppliciter obsecrantes ut ipsum nos apud tuam clementiam sentiamus habere patronum, quem, tua gratia largiente, meruimus aeternae salutis suscipere ministrum. Per Christum.
Ad Complendum. --Praesta nobis, aeterne largitor, ejus ubique protegi oratione cujus natalitia per haec sancta, quae sumpsimus, votivo praevenimus obsequio. Per.
Ad Vesperos. --Sancti tui nos, quaesumus, Domine, Ill. apostoli solemnitas, quam praevenimus, tueatur, quia tanto fiducialius tuo nomini supplicamus, quanto frequentius apostolorum intercessionibus confovemur. Per Dominum nostrum.
Alia. --Deus, tuorum gloria justorum, praesta, quaesumus, ut sancti tui Ill., cujus diem passionis celebrando praevenimus, sentiamus auxilium. Per.
Ad Matutinos. --Deus, qui es omnium sanctorum tuorum splendor mirabilis, quique hunc diem beati apostoli tui Ill. martyrio consecrasti, da Ecclesiae tuae de natalitio tantae festivitatis laetari, ut, quae apostolorum tuorum praedicatione floruit, eorum exemplis muniatur et intercessionibus adjuvetur. Per Dominum.
MISSA IN VIGILIA UNIUS MARTYRIS. Quaesumus, omnipotens Deus, ut nostra devotio, quae natalitia beati Ill. (589) martyris antecedit, patrocinia nobis ejus accumulet. Per.
156 Super oblata. --Magnifica, Domine, beati Ill. solemnia recensemus, quae, promptis cordibus ambientes, oblatis muneribus et suscipimus et praeimus. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et gloriosi Ill. martyris pia certamina praecurrendo, cujus honorabilis annua recursione solemnitas, et perpetua semper et nova est, quia et in conspectu tuae Majestatis permanet mors tuorum pretiosa justorum et (590) restaurantur incrementa laetitiae, cum felicitatis aeternae recoluntur exordia. Per Christum.
Ad Complendum. --Sancta tua, Domine, in beati Ill. martyris (591) pretiosa passione, quam praeimus, nos refoveant, quibus et jugiter satiamur, et semper desideramus expleri. Per Dominum.
Super populum. --Praesta, quaesumus, omnipotens Deus, ut qui sancti martyris tui Ill. solemnia praeimus, ejus etiam virtutes imitemur. Per.
Ad Vesperos. --Deus, qui nobis beati Ill. martyris tui natalitia gloriosa praeire concedis, tribue, quaesumus, ejus nos semper et beneficiis praeveniri, et orationibus adjuvari. Per.
Alia. --Deus, qui nos beati martyris tui Ill. concedis natalitia praevenire, ejus nos tribue meritis adjuvari. Per.
Ad Matutinos. --Omnipotens sempiterne Deus, fortitudo certantium, et martyrum palma, solemnitatem hodiernae diei propitius intuere, et Ecclesiam tuam continua fac celebritate laetari, ut quod meritis non praesumit, intercessione beati martyris tui Ill. assequi mereatur. Per Dominum nostrum.
Alia. --Deus, mundi Creator et rector, qui hunc diem in beati Ill. martyrio consecrasti, concede propitius, ut omnes qui martyrii ejus merita venerantur intercessionibus ejus ab aeternis gehennae incendiis liberentur. Per.
MISSA IN NATALI UNIUS MARTYRIS. (592) Votivos, Domine, quaesumus, beati martyris tui Ill. natalis nos semper excipiat, qui et jucunditatem nobis suae glorificationis infundat, et tibi nos reddat acceptos. Per Dominum nostrum.
Super oblata. --Praesentia munera, quaesumus, Domine, ita serena pietate intuere, ut sancti Spiritus perfundantur benedictione, et in nostris cordibus eam dilectionem 157 validius infundant, per quam sanctus martyr Ill. omnia corporis tormenta devicit. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et in praesenti festivitate sancti martyris tui Ill. tibi confitendo laudis Hostias immolare; tuamque immensam pietatem implorare, ut sicut illi dedisti coelestis palmam triumphi, sic, eo suffragante, nobis emendationem ac veniam concedas peccati; ut in te exsultemus in misericordia, in quo ille laetatur in gloria. Per Christum.
Item alia Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te in omnium martyrum triumphis laudare. Quoniam tuis donis atque muneribus beati martyris tui Ill. passionem hodierna solemnitate veneramur, qui pro confessione Jesu Christi Filii tui Domini nostri diversa supplicia sustinuit, et, eadem vincens, coronam perpetuitatis promeruit. Per quem.
(593) Item alia Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus gratia beatum Ill. in sacerdotium elegit, doctrina ad praedicandum erudiit, potentia ad perseverandum confirmavit, ut per sacerdotalem infulam perveniret ad martyrii palmam. Docensque subditos, instruens vivendi exemplo, confirmans patiendo, ad te coronandus perveniret, qui persecutorum minas intrepidus superasset. Cujus interventus nos, quaesumus, a nostris mundet delictis, qui tibi placuit tot donorum praerogativis. Per quem Majestatem.
Benedictio. --Beati martyris sui Ill. intercessione vos Dominus benedicat, et ab omni malo defendat. Amen. Extendat in vos dexteram suae propitiationis, qui eum suscepit per supplicia passionis. Amen. Quo ejus in coelo mereamini habere consortium, cujus devotis mentibus in terra celebratis triumphum. Amen. Quod ipse praestare dignetur, cujus regnum.
Ad Complendum. --Sumpsimus, Domine, sancti Ill. martyris solemnitate coelestia sacramenta, cujus suffragiis, quaesumus, largiaris ut quod temporaliter gerimus, aeternis gaudiis consequamur. Per.
Super populum. --Fac, quaesumus, Domine Deus noster, intercedente beato martyre tuo Ill., populum tuum in tua devotione gaudere, quia perpetua est et plena felicitas, si bonorum omnium serviamus Auctori. Per Dominum nostrum Jesum Christum.
Aliae Orationes. --Sancti Ill. martyris tui, Domine, nos oratio sancta conciliet, quae sacris virtutibus veneranda refulget. Per Dominum nostrum.
158 Alia. --Beati martyris tui Ill. quaesumus Domine, precibus adjuvemur, et ejus digne solemnia celebrantes tuo nomini fac nos semper esse devotos. Per.
Alia. --Beati martyris tui Ill., quaesumus, Domine, nos patrocinium collatum non deserat, quod fragilitatem nostram et precibus tueatur et meritis. Per.
Alia. --Deus, qui sanctam nobis hujus diei solemnitatem pro commemoratione beati martyris tui Ill. fecisti, adesto familiae tuae precibus, et da ut cujus hodie festa celebramus, ejus meritis et intercessionibus adjuvemur. Per Dominum nostrum.
Alia. --Plebs tua, Domine, sancti martyris tui Ill. te glorificatione magnificet, et eodem semper precante, te mereamur habere rectorem. Per Dominum nostrum.
MISSA (594) IN VIGILIA PLURIMORUM MARTYRUM. Beatorum martyrum Ill. et Ill. natalitia veneranda, quaesumus, Domine, Ecclesia tua devota suscipiat, et fiat magnae glorificationis amore devotior. Per.
Super oblata. --Haec Hostia, Domine, quaesumus, emundet nostra delicta, et ad venturam festivitatem tantorum martyrum tuorum Ill. celebrandam subditorum sibi corpora mentesque sanctificet. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: misericordiae dator, et totius bonitatis auctor, qui jejuniis, orationibus et eleemosynis, peccatorum remedia et virtutum omnium tribuis incrementa; te humili devotione precamur ut qui sanctis tuis Ill., quorum festa praevenimus, martyrii dedisti coronam, intercessionibus eorum ad haec agenda nobis tribuas indefessam efficaciam. Per Christum.
Ad Complendum. --Pasce nos, Domine, tuorum gaudiis ubique sanctorum, quia nostrae salutis augmenta sunt, quoties illis honor impenditur, in quibus tu mirabilis praedicaris. Per.
Super populum. --Protege, Domine, plebem tuam, et quam martyrum tuorum Ill. assidua tribuisti festivitate devotam, tibi semper placitam fieri precibus concede justorum. Per.
Alia. --Sint tibi, Domine, quaesumus, nostri munera grata jejunii, quia tunc eadem in sanctorum Ill. digna commemoratione deferimus, si et actus illorum pariter subsequamur. Per.
159 Alia. --Praesta, quaesumus, omnipotens Deus, ut populus tuus ad plenae devotionis affectum beatorum martyrum Ill. natalitiis praeparetur, et eorum patrocinio promerente, plenae capiat securitatis augmentum. Per Dominum.
Alia. --Deus, qui nos annua beatorum martyrum tuorum Ill. solemnia frequentare concedis, praesta, quaesumus, ut et devotis eadem mentibus celebremus, et eorum intercessionibus adjuvemur. Per Dominum nostrum.
Ad Matutinos. --Deus, qui hodiernam diem sanctorum tuorum Ill. martyrio consecrasti, da nobis salutem mentis et corporis, ut et illorum passioni sit veneratio ex nostra devotione, et nobis auxilium proveniat de eorum sanctissima intercessione. Per.
IN NATALI PLURIMORUM MARTYRUM. Omnipotens sempiterne Deus, qui per gloriosi bella certaminis ad immortales triumphos martyres extulisti, da cordibus nostris dignam pro eorum commemoratione laetitiam, ut quorum memoriam pio amore amplectimur, eorum precibus adjuvemur.
Super oblata. --Munera tibi, Domine, nostrae devotionis offerimus, quae et pro tuorum tibi grata sint honore justorum, et nobis salutaria te miserante, reddantur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui sanctorum martyrum tuorum pia certamina ad copiosam perducis victoriam, atque perpetuum eis largiris triumphum, ut Ecclesiae tuae semper sint in exemplum; praesta nobis, quaesumus, ut per eorum intercessionem, quorum festa celebramus, pietatis tuae munera capiamus. Per Christum.
Benedictio. -- Benedicat vobis Dominus beatorum martyrum suorum Ill. suffragiis, et liberet ab adversitatibus cunctis. Amen. Commendet vos eorum intercessio gloriosa, quorum in conspectu ejus est mors pretiosa. Amen. Ut sicut illi per diversa genera tormentorum coelestis regni sunt sortiti haereditatem, ita vos eorum mereamini consortium per bonorum operum exhibitionem. Amen. Quod ipse praestare dignetur.
Ad Complendum. --Praesta nobis, Domine, quaesumus, ut quae pro martyrum tuorum Ill. beata passione peregimus, ipsorum nobis fiant intercessione salutaria, in quorum natalitiis sunt exsultanter impleta. Per Dominum nostrum.
Alia. --Omnipotens sempiterne Deus, qui in sanctorum tuorum cordibus flammam tuae dilectionis accendis, 160 da mentibus nostris eamdem fidei et charitatis virtutem, ut quorum gaudemus triumphis, proficiamus exemplis. Per.
Alia. --Ad defensionem fidelium, Domine, quaesumus, dexteram tuae Majestatis extende, et, ut perpetua pietatis tuae protectione muniantur, intercessio pro his non desit martyrum continuata sanctorum. Per.
Alia. --Omnipotens et misericors Deus, fidelium lumen animarum, adesto votis solemnitatis hodiernae, et Ecclesiae tuae gaudiis de beatorum martyrum Ill. gloria conceptis benignus aspira, ut et corda nostra passione ipsorum (595) igniantur, et apud misericordiam tuam eorum juvemur meritis, quorum gaudemus exemplis. Per Dominum nostrum.
Alia. --Concede, quaesumus, omnipotens Deus, ut sanctorum martyrum tuorum, quorum celebramus victorias, participemus et praemiis. Per Dominum nostrum.
IN VIGILIA UNIUS (596) CONFESSORIS. Concede nobis, quaesumus, omnipotens Deus, venturam beati confessoris tui Ill. solemnitatem congruo praevenire honore, et venientem digna celebrare devotione. Per Dominum nostrum.
Super oblata. --Accepta tibi sit, Domine, nostrae devotionis oblatio, et ad sancti confessoris tui Ill. puriores faciat nos venire festivitatem. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam suppliciter exorare, ut qui beati Ill. confessoris tui festum solemnibus jejuniis et devotis praevenimus officiis, illius apud Majestatem tuam et adjuvemur meritis, et instruamur exemplis. Per.
Ad Complendum. --Beati confessoris tui Ill., Domine, suffragiis exoratus, percepta nos sacramenti tui virtute defende. Per Dominum nostrum.
Super populum. --Benedictionis tuae, Domine, gratiam, intercedente sancto confessore tuo Ill., suscipiamus, ut cujus praeveniendo gloriam celebramus, ejus supplicando auxilium sentiamus. Per Dominum nostrum.
Ad Vesperos. --Concede, quaesumus, omnipotens Deus, ut ad meliorem vitam sancti confessoris tui Ill. exempla nos provocent, quatenus cujus solemnia praevenimus, etiam actus imitemur, et intercessionibus adjuvemur. Per.
Alia. --Concede, quaesumus, omnipotens Deus, ut sicut 161 confessoris tui Ill. gloriosa natalitia praevenimus, sic ad tua beneficia promerenda Majestatem tuam pro nobis ipse praeveniat. Per.
Ad Matutinos. --Adesto, Domine, populo tuo, ut, beati confessoris tui Ill. merita praeclara suscipiens, ad impetrandam misericordiam tuam semper ejus patrociniis adjuvetur et meritis. Per Dominum nostrum.
Alia. --Absolve, quaesumus, Domine, tuorum delicta populorum, et a peccatorum nexibus, quae pro nostra fragilitate contraximus, intercedente beato confessore tuo Ill., liberemur. Per Dominum nostrum.
MISSA IN NATALI UNIUS CONFESSORIS. Misericordiam tuam, quaesumus, Domine, nobis, interveniente beato confessore tuo Ill., clementer impende, et nobis peccatoribus ipsius propitiare suffragiis. Per.
Super oblata. --Propitiare, quaesumus, Domine, supplicationibus nostris, et, interveniente pro nobis sancto Ill. confessore tuo, his sacramentis coelestidus servientes, ab omni culpa liberos esse concede, ut purificante nos gratia tua, iisdem quibus famulamur mysteriis emundemur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et in hac die, quam transitu sacro beati confessoris tui Ill. consecrasti; quaesumus ergo clementiam tuam, ut des nobis illam sequi doctrinam quam ille et verbo docuit, et opere complevit, quatenus nos adjuvari apud misericordiam tuam et exemplis ejus sentiamus et meritis. Per Christum Dominum nostrum
Alia Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te in sanctorum tuorum virtute laudare, quibus pro meritis suis beatitudinis praemia contulisti. Quoniam semper in manu tua sunt, et non tanget illos tormentum mortis, quos, te custodiente, beatitudinis sinus intercludit, ubi perpetua semper exsultatione laetantur, ubi etiam beatus confessor tuus Ill. sociatus exsultat. Petimus ergo ut memor sit miseriarum nostrarum, et de tua misericordia nobis impetret beatitudinis suae consortium. Per Christum.
Benedictio. --Omnipotens Deus det vobis copiam benedictionis, qui beatum Ill. sibi ascivit virtute confessionis. Amen. Et qui illum fecit coruscare miraculis, vos exornet bonorum operum incrementis. Amen. Quo ejus et exemplis eruditi, et intercessione muniti, cujus depositionis diem celebratis, illi possitis in coelesti regione adjungi. Amen. Quod ipse praestare dignetur.
162 Ad Complendum. --Praesta, quaesumus, omnipotens Deus, ut, de perceptis muneribus gratias exhibentes, intercedente beato confessore tuo Ill., beneficia potiora sumamus. Per.
Super populum. --Aures pietatis tuae, quaesumus, Domine, precibus nostris inclina, ut qui peccatorum nostrorum flagellis percutimur, intercedente beato confessore tuo Ill., miserationis tuae gratia liberemur. Per.
Alia. --Sancti confessoris tui Ill. nos, quaesumus, Domine, tuere praesidiis, ut ejus semper intercessionibus adjuvemur. Per.
Alia. --Adesto, quaesumus, Domine, precibus nostris, quas in sancti confessoris tui Ill. commemoratione deferimus, ut qui nostrae justitiae fiduciam non habemus, ejus qui tibi placuit precibus adjuvemur. Per Dominum nostrum.
Alia. --Exsultemus, quaesumus, Domine, Deus noster in solemnitate beati confessoris tui Ill., ut ejus sacra natalitia celebrantes, ad impetrandam misericordiam tuam semper ejus patrociniis adjuvemur. Per.
Alia. --Omnipotens sempiterne Deus, cui cuncta famulantur elementa, exaudi propitius, intercedente pro nobis confessore tuo Ill., orationem nostram, et tribue nobis misericordiam tuam; et quaecunque praecipis ut agamus, ipse adjuva ut implere possimus. Per Dominum nostrum.
Alia. --Sancti confessoris tui Ill. tribue nos, Domine, supplicationibus foveri, ut cujus depositionem annuo celebramus obsequio, ejus apud te intercessionibus et meritis adjuvemur. Per.
MISSA IN VIGILIA PLURIMORUM CONFESSORUM. Beatorum confessorum tuorum, Domine, Ill. natalitia praeeuntes, supplices te rogamus, ut quos coelesti gloria sublimasti, tuis adesse concedas fidelibus. Per.
Super oblata. --Sacrificium, Domine, quod pro beatis confessoribus tuis Ill. offert nostra devotio, eorum meritis augeat nobis, te donante, suffragium. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: sanctorum tuorum Ill. solemnitatem praevenientes, concede propitius, ut qui donis tuis ita exstiterunt gloriosi, apud te nostris existant nominibus idonei interventores. Per Christum.
163 Ad Complendum. --Quaesumus, Domine, salutaribus repleti mysteriis, ut quorum solemnitatem praeimus, eorum orationibus adjuvemur. Per.
Super populum. --Conserva, quaesumus, Domine, familiam tuam, et benedictionum tuarum propitius ubertate purifica, ut per intercessionem beatorum confessorum tuorum Ill. et eruditionibus tuis semper multiplicetur, et donis. Per Dominum nostrum.
Alia. --Propitiare, misericors Deus, supplicationibus nostris, et populum tuum pervigili protectione custodi, ut qui beatorum confessorum tuorum Ill. solemnia praevenimus, tribuas nobis ex eorum imitatione prospera mundi despicere, et nulla ejus adversa formidare. Per.
Alia. --Deus, qui beatos confessores tuos Ill. sanctorum tuorum meritis coaequasti, da nobis in eorum celebritate gaudere, ut quorum commemorationem agimus, eorum imitatione proficiamus, et intercessionibus sublevemur. Per Dominum nostrum Jesum Christum.
IN NATALI PLURIMORUM CONFESSORUM. Praesta, Domine, quaesumus, ut sicut sanctorum tuorum Ill. nos natalitia celebranda non deserunt, ita jugiter suffragiis comitentur. Per.
Super oblata. --Munera, Domine, plebis tuae, quaesumus, beatorum confessorum tuorum Ill. fiant grata suffragiis, et pro quorum triumphis tuo nomini offeruntur, ipsorum digna perficiantur et meritis. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et Majestatem tuam supplici devotione exorare, ut beatorum confessorum tuorum Ill., quorum hodie festa celebramus, obtentu mereamur tuum obtinere auxilium. Per Christum.
Alia Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te in tuorum honore sanctorum Ill. glorificare, qui et illis pro certaminis constantia beatitudinem tribuisti sempiternam, et infirmitati nostrae talia praestitisti suffragia, quae pro eorum meritis possis audire dignanter. Per Christum.
Benedictio. --Sanctorum suorum confessorum Ill. meritis vos Dominus faciat benedici, et contra adversa omnia eorum intercessione muniri. Amen. Eorum efficiat suffragio felices, quorum festivitatis diem celebratis ovantes. Amen. Quo eorum imitantes exempla, ad coelestia pervenire possitis promissa. Amen. Quod ipse praestare dignetur.
164 Ad Complendum. --Et natalitiis sanctorum, Domine, et sacramenti munere vegetati, quaesumus ut bonis quibus per tuam gratiam nunc fovemur perfruamur aeternis. Per Dominum nostrum.
Super populum. --Adesto, Domine, precibus populi tui cum sanctorum Ill. patrocinio supplicantis, ut quod propria fiducia non praesumit suffragantium meritis consequatur. Per.
Alia. --Magnificantes, Domine, misericordiam tuam suppliciter exoramus ut qui nos sanctorum tuorum frequentibus facis natalitiis interesse, perpetuis tribuas interesse consortiis. Per.
Alia. --Da nobis, omnipotens Deus, in sanctorum tuorum te semper commemoratione laudare, quia refovere curabis quos in honore tuo perseverare concedis. Per Dominum nostrum.
Alia. --Sanctorum tuorum Ill., Domine, suffragiis imploramus, ut a cunctis liberemur offensis. Per Dominum nostrum.
Alia. --Exaudi nos, omnipotens et misericors Deus, et sanctorum tuorum nos ubique tuere praesidiis. Per.
Alia. --Tribue, quaesumus, Domine, sanctos tuos jugiter orare pro nobis; et semper eos clementer digneris audire. Per Dominum nostrum.
Alia. --Sancti tui, quaesumus, Domine, jugiter nobis a te et veniam postulent, et profectum. Per.
IN VIGILIA VIRGINUM. Sanctae martyris tuae Ill., Domine, supplicationibus tribue nos foveri, ut cujus venerabilem solemnitatem praevenimus obsequio, ejus intercessionibus commendemur et meritis. Per Christum.
Super oblata. --Muneribus nostris, Domine, sanctae Ill. martyris tuae festa praecedimus, praesta quaesumus ut quae peccatorum nostrorum praepediuntur obstaculis illius meritis reddantur accepta. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te beatae Ill. natalitia praeveniendo laudare, praedicare et benedicere, quam tanto munere sublimasti, ut ei conferres et virginitatis coronam et martyrii palmam. Cujus interventus nos, quaesumus, a nostris mundet delictis, et supernorum civium faciat ascisci consortiis. Per Christum.
165 Alia Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te, beatae Ill. natalitia praeveniendo, laudare, praedicare et benedicere, quam tanto munere sublimasti, ut ei conferres virginitatis coronam, et martyrii palmam; sicque virtute fidei et decore pudicitiae polleret, ut ad coelestia regna virgo pariter et martyr intraret. Per Christum.
Ad Complendum. --Quaesumus, omnipotens Deus, ut quorum nos tribuis communicare memoriis, eorum facias veraciter imitatores. Per.
IN NATALI VIRGINUM. Deus, qui inter caetera potentiae tuae miracula etiam in sexu fragili victoriam martyrii contulisti, concede propitius ut cujus natalitia colimus, per ejus ad te exempla gradiamur. Per Dominum nostrum.
Super oblata. --In sanctae virginis Ill. festivitate pretiosa, tua, Domine, mirabilia praedicantes, munera votiva deferimus; praesta, quaesumus, ut sicut ejus tibi grata sunt merita, sic nostrae servitutis accepta reddantur officia. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum. Quem beata virgo pariter et martyr Ill. et diligendo timuit, et timendo dilexit; illique conjuncta est moriendo, cui se consecraverat caste vivendo; et pro eo temporalem studuit sustinere poenam, ut ab eo perciperet gloriam sempiternam. Quae, dum duplicem vult sumere palmam in sacri certaminis agone, et de corporis integritate, et de fidei puritate, laboriosius duxit longa antiqui hostis sustinere tentamenta, quam vitam praesentem cito amittere per tormenta. Quoniam cum in martyrio proponantur ea quae terreant, in carnis vero delectamentis ea quae mulceant, molestius sustinetur hostis occultus, quam superatur infestus. Cum ergo in utroque tui sit muneris quod vicit, quia nihil valet humana fragilitas, nisi tua hanc adjuvet pietas, pro nobis, quaesumus, tuam pietatem exoret, quae a te accepit ut vinceret. Et quae Unigeniti tui intrare meruit thalamum, intercessione sua inter mundi hujus adversa nobis praestet auxilium. Per quem Majestatem tuam.
Alia Praefatio --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus charitatis ardore ista, et omnes sanctae virgines, a beata Maria exemplum virginitatis accipientes, praesentis saeculi voluptates ac delicias contempserunt. Quoniam tuo dono actum est (597) ut postquam Virgo de Virgine prodiit, sexus fragilis esset fortis, et (598) in quo 166 fuit peccandi facilitas, esset vincendi felicitas. Antiquusque hostis, qui per antiquam virginem genus humanum se vicisse gloriabatur, per sanctas nunc virgines, sequaces potius Mariae quam Evae, vincatur. Et in eo major ei confusio crescat, quod de eo etiam sexus fragilis jam triumphat. Quapropter immensam pietatem tuam humiliter exposcimus, ut per earum intercessionem, quae et sexum vicerunt et saeculum, tibique placuerunt et virginitatis decore, et passionis vigore, nos mereamur et invisibilem hostem superare, et Unigenito tuo Domino nostro adhaerere. Per quem Majestatem.
Benedictio. --Benedicat vobis Dominus qui beatae virgini Ill. concessit et decorem virginitatis et gloriam passionis. Amen. Et cujus opitulatione illa meruit et sexus fragilitatem et persequentiam rabiem devincere, vos possitis et vestrorum corporum illecebras et antiqui hostis machinamenta superare. Amen. Quo sicut illa sexu fragili virile nisa est certamen adire, et post certamen de hostibus triumphare, ita vos in hac mortalitate viventes valeatis et antiquum hostem devincere, et ad regna coelestia pervenire. Amen. Quod ipse praestare.
Alia Benedictio. --Omnipotens Dominus, intercedentibus sanctis virginibus suis Ill., vos dignetur benedicere, qui de antiquo hoste non solum per viros, verum etiam per feminas voluit triumphare. Amen. Et qui illis voluit centesimi fructus donum decore virginitatis et agone martyrii conferre, vos dignetur et vitiorum squaloribus expurgare, et virtutum lampadibus exornare. Amen. Quatenus virtutum oleo ita pectorum vestrorum lampades possint repleri, ut cum eis coelestis sponsi thalamum valeatis ingredi. Amen. Quod ipse praestare dignetur, cujus regnum et imperium.
Alia Complendum. --Auxilientur nobis, Domine, sumpta mysteria, et, intercedente beata Ill. martyre tua, sempiterna protectione confirment. Per Dominum nostrum.
Alia. --Indulgentiam nobis, Domine, beata Ill. martyr imploret, quae tibi semper grata exstitit, et merito castitatis et tuae professione virtutis. Per Dominum nostrum Jesum Christum Filium tuum.
(599) Alia Missa. --Deus, qui nos hodie sanctae virginis Ill. annua solemnitate laetificas, concede propitius ut ejus adjuvemur meritis, cujus castitatis irradiamur exemplis. Per Dominum nostrum.
Super oblata. --Grata sit tibi, Domine, haec oblatio plebis tuae, quam tibi offerimus in honorem santae Ill. virginis, ut cunctis proficiat ad salutem. Per.
Ad Complendum. --Adjuvent nos, quaesumus, Domine, et haec mysteria sancta, quae sumpsimus, et beatae Ill. virginis intercessio veneranda. Per.
167 Benedictio vestium virginis, (600) vel viduae. --Deus, aeternorum bonorum fidelissime promissor, et certissime persolutor, qui vestimentum salutare et indumentum aeternae jucunditatis tuis fidelibus promisisti, clementiam tuam suppliciter exoramus, ut haec indumenta humilitatem cordis et contemptum mundi significantia, quibus famula tua Ill. sancto visibiliter est informanda proposito, propitius +benedicas, et beatae castitatis habitum quem te inspirante susceperit, te protegente custodiat; et quam vestibus venerandae professionis induis temporaliter, beata facias immortalitate vestiri. Per Dominum nostrum.
Item alia. --Deus, bonarum virtutum dator, et omnium benedictionum largus infusor, exaudi preces nostras, et hanc vestem, qua famula tua Ill. pro conservandae castitatis signo se adoperiendam exposcit, +benedicere et sanctificare digneris. Per Dominum.
Benedictio vestis virginis. --Exaudi, omnipotens Deus, preces nostras, et hanc vestem, qua famula tua Ill. se adoperiendam exposcit, uberrimae benedictionis imbre perfunde, sicut perfudisti oras vestimentorum Aaron benedictione profluente a capite in barbam unguenti. Et sicut benedixisti vestes omnium religiosorum tibi per omnia placentium, ita eam benedicere dignare ac praesta, clementissime Pater, ut supradictae famulae tuae haec sit vestis salubris protectio, haec cognitio religionis, haec initium sanctitatis, haec contra omnia tela inimici robusta defensio, ut centesimi muneris opulentia perseveranti continentia ditetur. Per Dominum nostrum.
(601) Benedictio virginis ab (602) episcopo dicenda, (603) quae fit in Epiphania, (604) vel secunda feria Paschae, aut (605) quando apostolorum natalitia celebrantur; et (606) vestimenta nigra forinsecus gestant.
Respice, Domine, propitius super hanc famulam tuam Ill., ut sanctae virginitatis propositum, quod te inspirante suscepit, te gubernante custodiat. Per.
Consecratio. --Deus, castorum corporum benignus inhabitator, et incorruptarum amator animarum, qui humanam substantiam in primis hominibus diabolica fraude vitiatam, ita in Verbo tuo, per quod omnia facta sunt, reparas, ut eam non solum ad primae originis innocentiam revoces, sed etiam ad experientiam (607) quorumdam bonorum, quae in (608) novo saeculo sunt habenda, perducas, et obstrictos adhuc conditione mortalium jam ad similitudinem provehas angelorum; respice super hanc famulam tuam Ill. (609) quae tibi devotionem suam offert, a quo et ipsa idem (610) votum assumpsit. Sit in ea, Domine, per donum Spiritus tui, prudens modestia, sapiens benignitas, gravis lenitas, casta libertas; ferveat in charitate, et nihil extra te diligat, laudabiliterque vivat, et laudari non appetat, te timeat, tibi amore serviat; tu ei honor, tu gaudium, tu in moerore solatium, 168 tu in ambiguitate consilium, tu in injuria defensio, in tribulatione patientia, in paupertate abundantia, (611) in jejunio cibus, in infirmitate sis medicina; per te, quem diligere super omnia appetit, quod est professa custodiat, ut et hostem antiquum devincat, et vitiorum squalores expurget; (612) quatenus centesimi fructus dono virginitatis decorari, virtutumque lampadibus exornari, et electarum virginum tuarum consortio, te donante, mereatur uniri. Per eumdem.
MISSA IN CONSECRATIONE VIRGINIS. Da, quaesumus, Domine, famulae tuae Ill., quam virginitatis honore dignatus es decorare, inchoati operis consummatum effectum, et, ut perfectam tibi offerat plenitudinem, initia sua perducere mereatur ad finem. Per.
Super oblata. --Oblatis hostiis, Domine, quaesumus, praesentis famulae tuae Ill. perseverantiam perpetuae virginitatis accommoda, ut apertis januis, summi Regis in adventu, regnum coeleste cum laetitia mereatur intrare. Per.
Ad Complendum. --Respice, Domine, famulae tuae Ill. debitam servitutem, ut inter humanae fragilitatis incerta nullis adversitatibus opprimatur, quae de tua protectione confidit. Per.
Oratio ad abbatissam faciendam. --Exaudi, Domine, preces nostras, et super hanc famulam tuam Ill. Spiritum tuae benedictionis emitte, ut, coelesti munere ditata, et tuae gratiam possit Majestatis acquirere, et bene vivendi aliis exemplum praebere. Per Dominum nostrum Jesum Christum.
Oratio (613) ad ancillas Dei velandas. --Famulas tuas, Domine, tuae custodia muniat pietatis, ut virginitatis sanctae propositum, quod te inspirante susceperunt, te protegente illaesum custodiant. Per Dominum.
(614) Oratio ad abbatem faciendum. --Concede, quaesumus, omnipotens Deus, et famulum tuum Ill., quem ad regimen animarum elegimus, gratiae tuae dono prosequere, ut, te largiente, cum ipsa tibi nostra electione placeamus. Per Dominum.
(615) HEBDOMADA II POST PENTECOSTEN. Deus, in te sperantium fortitudo, adesto propitius invocationibus nostris; et quia sine te nihil potest mortalis infirmitas, praesta auxilium gratiae tuae, ut in sequendis mandatis tuis et voluntate tibi et actione placeamus. Per.
169 Super oblata. --Oblationem nostram, quaesumus, Domine, misericorditer acceptare et sanctificare digneris, ut ejus sanctificatione nobis salus proveniat, et defensio sempiterna. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui Ecclesiae tuae filios sicut non cessas erudire, ita non desinis adjuvare, ut scientiam, te miserante, recta faciendi, et possibilitatem capiant exsequendi. Per Christum.
Benedictio. --Benedicat vobis Dominus, et custodiat vos. Amen. Illuminet faciem suam super vos, et misereatur vestri. Amen. Convertat vultum suum ad vos, et donet vobis pacem. Amen. Quod ipse praestare dignetur, cujus regnum et imperium sine fine permanet, per omnia saecula saeculorum. Amen. Benedictio Dei Patris et Filii et Spiritus sancti, et pax Domini sit semper vobiscum. Et cum spiritu tuo.
Ad Complendum. --Tantis, Domine, repleti muneribus, quaesumus ut et salutaria dona capiamus, et a tua nunquam laude cessemus. Per.
Super populum. --Fideles tuos, Domine, benedictio desiderata confirmet, quae eos et a tua voluntate faciat nunquam discrepare, et tuis semper indulgeat beneficiis gratulari. Per eumdem Dominum nostrum.
HEBDOMADA III POST PENTECOSTEN. Sancti nominis tui, Domine, timorem pariter et amorem fac nos habere perpetuum, quia nunquam tua gubernatione destituis, quos in soliditate tuae dilectionis instituis. Per Dominum.
Super oblata. --Oblatio nos, Domine, tuo nomini dicanda purificet, et de die in diem ad coelestis vitae transferat actionem. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: per quem Majestatem tuam suppliciter exoramus, ut ab Ecclesia tua quidquid est noxium tu repellas, et quod eidem salutare est largiaris; nosque contra superbos spiritus humilitatem tribuas rationabilem custodire, cum gratiam tuam clementer nobis impendis; nec humani incertos consilii derelinquas, sed tua, quae falli non potest, gubernatione disponas. Per quem.
Benedictio. --Propitietur Dominus cunctis iniquitatibus vestris, 170 et sanet omnes languores vestros. Amen. Redimat de interitu animam vestram, et satiet in bonis desiderium vestrum. Amen. Auferat a vobis cor lapideum, et det vobis cor carneum. Amen. Quod ipse praestare.
Ad Complendum. --Sumptis muneribus; Domine, quaesumus ut cum frequentatione mysterii crescat nostrae salutis effectus. Per Dominum.
Super populum. --Deus, qui te in rectis ac sinceris manere pectoribus asseris, da nobis tua gratia tales existere, in quibus habitare digneris. Per Dominum nostrum Jesum Christum.
HEBDOMADA IV POST PENTECOSTEN. Deprecationem nostram, quaesumus, Domine, benignus exaudi, et quibus supplicandi praestas affectum, tribue defensionis auxilium. Per Dominum.
Super oblata. --Munera, Domine, oblata sanctifica, ut tui nobis Unigeniti corpus et sanguis fiant. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: cujus hoc mirificum opus ac salutare mysterium fuit ut perditi dudum atque prostrati de diabolo et mortis aculeo ad hanc gloriam vocaremur, qua nunc genus electum sacerdotiumque regale, populus acquisitionis et gens sancta vocaremur. Agentes igitur indefessas gratias sanctamque munificentiam tuam praedicantes, Majestati tuae haec sacra deferimus, quae nobis ipse salutis nostrae auctor Christus instituit. Per quem Majestatem tuam.
Benedictio. --Benedicat vobis Dominus nostri oris alloquio, et cor vestrum sinceri amoris copulet nexu perpetuo. Amen. Floreatis rerum praesentium copiis, justitia acquisitis, gaudeatis perenniter fructibus sincerissimae charitatis. Amen. Tribuat vobis Dominus dona perennia, ut (616) post tempora feliciter dilatata percipiatis gaudia sempiterna. Amen. Quod ipse praestare dignetur.
Ad Complendum. --Sacris muneribus, Domine, perceptis, quaesumus ut nos eorum virtute, et a vitiis omnibus expies, et donis tuae gratiae jugiter repleas. Per Dominum nostrum.
Super populum. --Tempora nostra, quaesumus, Domine, pio favore prosequere, et quibus cursum tribuis largiorem, praesta continuum benignus auxilium. Per Dominum nostrum.
171 HEBDOMADA V POST PENTECOSTEN. Protector in te sperantium, Deus, sine quo nihil est validum, nihil sanctum, multiplica super nos misericordiam tuam, ut, te rectore, te duce, sic transeamus per bona temporalia, ut non amittamus aeterna. Per Dominum nostrum.
Super oblata. --Respice, Domine, munera supplicantis Ecclesiae, et saluti credentium perpetua sanctificatione sumenda concede. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et omnipotentiam tuam jugiter implorare, ut nobis et praesentis vitae subsidium, et aeternae tribuas praemium sempiternum. Quo sic mutabilia dona capiamus, ut per haec ad incommutabilia dona pervenire valeamus; sic temporalis laetitiae tempora transeant, ut eis gaudia sempiterna succedant. Per Christum Dominum nostrum.
Benedictio. --Emundet Dominus conscientias vestras ab omni malitia, et repleat sanctificatione perpetua. Amen. Vota vestra clementer intendat, et peccata omnia propitiatus indulgeat. Amen. Quae pie optatis miseratus attribuat, ac quae pavescitis, pius propugnator procul repellat. Amen. Quod ipse praestare dignetur.
Ad Complendum. --Sancta tua nos, Domine, sumpta vivificent, et misericordiae sempiternae praeparent expiatos. Per Dominum nostrum.
Super populum. --Respice, Domine, propitius plebem tuam, et toto tibi corde subjectam praesidiis invictae pietatis attolle. Per Dominum.
HEBDOMADA VI POST PENTECOSTEN. Da nobis, quaesumus, Domine, ut et mundi cursus pacifice nobis tuo ordine dirigatur, et Ecclesia tua tranquilla devotione laetetur. Per Dominum.
Super oblata. --Ascendant, quaesumus, Domine, preces humilitatis nostrae in conspectu clementiae tuae; et descendat super haec oblata virtus tuae divinitatis, quam nostris quoque purificandis mentibus largiaris. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: Majestatem tuam suppliciter deprecantes, ut opem tuam 172 petentibus dignanter impendas, et desiderantibus benignus tribuas profutura. Per Christum Dominum.
Benedictio. --Omnipotens Deus sua vos clementia benedicat, et sensum vobis sapientiae salutaris infundat. Amen. Catholicae fidei vos documentis enutriat, et in sanctis operibus perseverabiles reddat. Amen. Gressus vestros ab errore convertat, et viam vobis pacis et charitatis ostendat. Amen. Quod ipse praestare dignetur.
Ad Complendum. --Mysteria nos, Domine, sancta purificent, et suo munere tueantur. Per.
Super populum. --Exaudi nos, Deus salutaris noster, et dies nostros in tua pace dispone, ut a cunctis perturbationibus liberati, tranquilla tibi servitute famulemur.
HEBDOMADA VII POST PENTECOSTEN. Deus, qui diligentibus te bona invisibilia praeparasti, infunde cordibus nostris tui amoris affectum, ut te in omnibus, et super omnia diligentes, promissiones tuas, quae omne desiderium superant, consequamur. Per.
Super oblata. --Propitiare, Domine, supplicationibus nostris, et has oblationes famulorum famularumque tuarum benignus assume, ut quod singuli obtulerunt ad honorem nominis tui, cunctis proficiat ad salutem. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum, verum aeternumque pontificem, et (617) solum sine peccati macula sacerdotem, cujus sanguine fidelium corda mundantur, cujus institutione placationis tibi hostias non solum pro delictis populi, sed etiam pro nostris offensionibus immolamus; tuam poscentes clementiam ut omne peccatum quod carnis fragilitate contraximus, ipso summo pro nobis Antistite interveniente, solvatur. Per quem.
Benedictio. --Amoveat a vobis Dominus totius maculas simultatis, et imbuat vobis munera purae dilectionis. Amen. Subjuget in vobis reluctationem carnis et sanguinis, et opem conferat perpetuae castitatis. Amen. Idque vos in praesenti saeculo diligere faciat, quod a coelestis paradisi haereditate non dividat. Amen. Quod ipse praestare dignetur.
Ad Complendum. --Quos coelesti, Domine, dono satiasti, praesta, quaesumus, ut a nostris mundemur occultis, et ab hostium liberemur insidiis. Per.
173 Super populum. --Protegat, Domine, quaesumus, tua dextera populum supplicantem, ut praesentem vitam sub tua gubernatione transcurrens, mereatur invenire perpetuam. Per Dominum nostrum.
HEBDOMADA VIII POST PENTECOSTEN. Deus virtutum, (618) cujus est totum quod est optimum, insere pectoribus nostris amorem tui nominis, et praesta in nobis religionis augmentum, ut quae sunt bona nutrias, ac pietatis studio quae sunt nutrita custodias. Per.
Super oblata. --Propitiare, Domine, supplicationibus nostris, et has populi tui oblationes benignus assume, et, ut nullius sit irritum votum, et nullius vacua postulatio, praesta, quaesumus, ut quod fideliter petimus, efficaciter consequamur. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tibi vovere contriti sacrificium cordis, (619) tibi litare humiliati victimam pectoris, a quo omne bonum sumimus, omnem jucunditatem haurimus. Precamur itaque ut tibi conscientia nostra famuletur, et, ut in te de die in diem meliorata proficiat, tuae gratiae intemerata subdatur. Nostris nos, quaesumus, Domine, evacua malis, tuisque reple per omnia bonis, ut, percepta gratia, quam nostra non exigunt merita, a cunctis adversitatibus liberati, et in bonis omnibus confirmati, supernis civibus mereamur conjungi. Per Christum.
Benedictio. --Inclinet Dominus aurem suam ad preces vestrae humilitatis, et det vobis gratiam suae benedictionis, et praemium sempiternae salutis. Amen. Semper et ubique Dominum propitium habeatis, et in ejus laudibus exsultetis. Amen. Omnium peccatorum vestrorum vincula solvat, et ad gloriam sempiternam pervenire vos faciat. Amen. Quod ipse praestare.
Ad Complendum. --Repleti, Domine, muneribus tuis, quaesumus ut eorum et mundemur effectu, et muniamur auxilio. Per eumdem.
Super populum. --Da nobis, quaesumus, Domine, ut in tua gratia veraciter confidentes, et quae digna sunt postulemus, et jugiter postulata sumamus. Per.
HEBDOMADA IX POST PENTECOSTEN. Deus, cujus providentia in sui dispositione non fallitur, te supplices exoramus, ut noxia cuncta submoveas, et omnia nobis profutura concedas. Per.
174 Super oblata. --Deus, qui legalium differentias hostiarum unius sacrificii perfectione (620) sanxisti, accipe sacrificium a devotis tibi famulis, et pari benedictione, sicut munera Abel, sanctifica, ut (621) quod singuli obtulerunt, ad Majestatis tuae honorem, cunctis proficiat ad salutem. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam misericordiam totis nisibus exorare, ne pro nostra nos iniquitate condemnes, sed pro tua pietate in via recta semper disponas; nec, sicut meremur, delinquentibus irascaris, sed fragilitati nostrae invicta bonitate subvenias. Per Christum.
Benedictio. --Sanctificet vos Domini gratia, et ab omni malo custodiat. Amen. Arceat a vobis omne quod malum est, et spiritus vestros corporaque purificet. Amen. Alliget vos sibi vinculo charitatis, et pax ejus abundet in cordibus vestris. Amen. Quod ipse praestare.
Ad Complendum. --Tua nos, Domine, medicinalis operatio, et a nostris perversitatibus clementer expediat, et ad ea quae sunt recta perducat. Per.
Super populum. --Plebis tuae, quaesumus, Domine, ad te semper corda converte, ut quam tantis facis patrociniis adjuvari, perpetuis non desinas gubernare praesidiis. Per.
HEBDOMADA X POST PENTECOSTEN. Largire nobis, Domine, quaesumus, semper (622) spiritum cogitandi quae recta sunt, propitius et agendi, ut qui sine te esse non possumus, secundum te vivere valeamus. Per.
Super oblata. --Suscipe munera, quaesumus, Domine, quae de tua largitate deferimus, ut haec sacrosancta mysteria, gratiae tuae operante virtute, et praesentis vitae nos conversatione sanctificent, et ad gaudia sempiterna perducant. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam misericordiam exorare, ut te annuente valeamus quae mala sunt declinare et quae bona sunt consequenter explere; et quia nos fecisti ad tua sacramenta (623) pertinere, tu clementer in nobis eorum munus operare: Per Christum.
Benedictio. --Multiplicet in vobis Dominus copiam suae benedictionis, et confirmet vos in spe regni coelestis. Amen. Actus vestros corrigat, vitam emendet, 175 mores componat, et vos ad coelestis paradisi haereditatem perducat. Amen. Talique intentione repleri valeatis, qua ei in perpetuum placeatis. Quod ipse praestare.
Ad Complendum. --Sumptis, Domine, tuae institutionis muneribus, quaesumus ut nos eorum et munditia purges, et potenti virtute defendas. Per Dominum.
Super populum. --Concede, quaesumus, omnipotens Deus, ut, viam tuam devota mente currentes, (624) subripientium delictorum laqueos evadamus. Per Dominum nostrum.
HEBDOMADA XI POST PENTECOSTEN. Praesta, quaesumus, omnipotens et misericors Deus, ut inter hujus vitae caligines, nec ignorantia fallente mergamur, nec praecipiti studeamus voluntate peccare, sed quibus fiduciam sperandae pietatis indulges, optatae misericordiae praesta benignus effectum. Per.
Super oblata. --Concede nobis haec, quaesumus, Domine, digne frequentare mysteria, quia quoties hujus Hostiae commemoratio celebratur, (625) opus nostrae redemptionis exercetur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tibi debitam servitutem, per ministerii hujus impletionem persolvere, quia non solum peccantibus veniam tribuis, sed etiam praemia petentibus impertiris. Et quod perpeti malis operibus promeremur, magnifica pietate depellis, ut nos ad tuae reverentiae cultum, et (626) terrore cogas, et amore perducas. Per Christum.
Benedictio. --Deus, qui est vita mortalium, salusque peccatorum, auferat a vobis omnes maculas delictorum. Amen. Induat vos decore virtutum, sanctificet mentes, purificet voluntates, et donet vobis sanctorum consortium angelorum. Ut probabiles fide, et opere immaculati, perveniatis ad aeternam gaudiorum coelestium haereditatem. Amen. Quod ipse praestare.
Ad Complendum. --Tui nobis, Domine, communio sacramenti, et purificationem conferat, et tribuat unitatem. Per.
Super populum. --Conserva, quaesumus, Domine, tuorum corda fidelium, et gratiae tuae virtute corrobora, ut et in tua sint supplicatione devoti, et mutua dilectione sinceri. Per Dominum nostrum.
HEBDOMADA XII POST PENTECOSTEN. Deus, qui omnipotentiam tuam parcendo maxime, 176 et miserando manifestas, multiplica super nos misericordiam tuam, ut, ad tua promissa currentes, coelestium bonorum facias esse consortes. Per Dominum nostrum.
Super oblata. --Tibi, Domine, sacrificia dicata reddantur, quae sic ad honorem nominis tui deferenda tribuisti, ut eadem remedia fieri nostra praestares. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: cujus primum tuae pietatis indicium est, si tibi nos facias toto corde subjectos, et spiritum nobis tantae devotionis infundas, ut propitius largiaris consequenter auxillium. Per Christum.
Benedictio. --Devotionem vestram Dominus dignanter intendat, et suae vobis benedictionis dona concedat. Amen. Talique vos in praesenti saeculo subsidio muniat, ut paradisi vos in futuro habitatores efficiat. Amen. Sicque corda vestra sanctificando benedicat, et benedicendo sanctificet, ut vobiscum, imo in vobis eum habitare delectet. Amen. Quod ipse praestare.
Ad Complendum. --Quaesumus, Domine Deus noster, ut quos divinis reparare non desinis sacramentis, tuis non destituas benignus auxiliis. Per.
Super populum. --Fideles tuos, Domine, quaesumus, corpore pariter et mente purifica, ut, tua inspiratione compuncti, noxias delectationes vitare praevaleant, atque, ut earum non capiantur illecebris, tua semper suavitate pascantur. Per.
HEBDOMADA XIII POST PENTECOSTEN. Omnipotens sempiterne Deus, qui abundantia pietatis tuae et merita supplicum excedis et vota, effunde super nos misericordiam tuam, ut dimittas quae conscientia metuit, et adjicias quod oratio non praesumit. Per.
Super oblata. --Respice, Domine, quaesumus, nostram propitius servitutem, ut quod offerimus sit tibi munus acceptum, sit nostrae fragilitatis subsidium. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui nos castigando sanas, et refovendo benignus erudis, dum magis vis salvos esse correctos quam perire dejectos. Per Christum Dominum nostrum.
Benedictio. --Gratia sua vos Dominus locupletet, et coelesti benedictione multiplicet. Amen. Ab omni vos adversitate 177 defendat, et pia semper miseratione custodiat. Amen. Petitiones vestras placatus intendat, et culparum omnium vobis veniam clementer attribuat. Amen. Quod ipse praestare.
Ad Complendum. --Sentiamus, Domine, quaesumus, tui perceptione sacramenti subsidium mentis et corporis, ut in utroque salvati, coelestis remedii plenitudine gloriemur. Per.
Super populum. --Tuere, Domine, populum tuum, et salutaribus praesidiis semper adjutum beneficiis attolle continuis et mentis et corporis. Per.
HEBDOMADA XIV POST PENTECOSTEN. Omnipotens sempiterne Deus, per quem coepit esse quod non erat, et (627) factum est visibile quod latebat, stultitiam nostri cordis emunda, et quae in nobis sunt vitiorum secreta purifica, ut possimus tibi Domino pura mente servire. Per Dominum.
Super oblata. --Offerimus tibi, Domine, Hostiam placationis et laudis, humiliter implorantes, ut et eam placabili pietate respicias, et offerentium preces clementi largitate exaudias. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia tu in nostra semper faciens infirmitate virtutem, (628) Ecclesiam tuam inter adversa crescere tribuisti, ut cum putaretur oppressa, tunc potius praevaleret exaltata, dum simul et experientiam fidei declarat afflictio, et victoriosissima semper perseveret, te adjuvante, devotio. Per Christum.
Benedictio. --Det vobis Dominus munus suae benedictionis, et repleat vos spiritu veritatis et pacis. Amen. Quatenus sic per viam salutis devota mente curratis ut subrepentium delictorum laqueos salubriter evadatis. Amen. Sicque efficiamini in ejus supplicatione devoti, et in mutua dilectione sinceri, ut ad coeleste regnum pervenire possitis securi. Amen. Quod ipse praestare.
Ad Complendum. --Vivificet nos, quaesumus, Domine, hujus participatio sancta mysterii, et pariter nobis expiationem tribuat et munimen. Per.
Super populum. --Omnipotens et misericors Deus, de cujus munere venit ut tibi a fidelibus tuis digne et laudabiliter serviatur, tribue, quaesumus, nobis, ut ad promissiones tuas sine offensione curramus. Per.
HEBDOMADA XV POST PENTECOSTEN. Omnipotens sempiterne Deus, da nobis fidei, 178 spei et charitatis augmentum, et ut mereamur assequi quod promittis, fac nos amare quod praecipis. Per.
Super oblata. --Propitiare, Domine, populo tuo, propitiare muneribus, ut hac oblatione placatus et indulgentiam nobis tribuas et postulata concedas. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus; qui nos de donis bonorum temporalium ad perceptionem provehis aeternorum, et haec tribuis et illa largiris, ut et mansuris jam incipiamus inseri, et praetereuntibus non teneri. Tuum est enim quod vivimus, quia licet peccati vulnere natura nostra sit vitiata, tui tamen est operis ut terrem generati ad coelestia renascamur. Per Christum.
Benedictio. --Benedictio vos Domini comitetur ubique, sibique semper faciat adhaerere. Amen. Ipse vos sua benedictione salvificet, qui dignatus est plasmare potenter. Amen. Atque ita vos praestet feliciter vivere, ut coelestis beatitudinis efficiat cohaeredes. Amen. Quod ipse praestare.
Ad Complendum. --Coelestibus, Domine, donis satiatos, quaesumus ut et voluntate pie recteque vivendi, et virtute atque efficacia perficiendi nos jugiter donare digneris. Per Dominum.
Super populum. --Conserva, quaesumus, Domine, populum tuum; et quem salutaribus praesidiis non desinis adjuvare, perpetuis tribue gaudere beneficiis et mentis et corporis. Per Dominum nostrum.
HEBDOMADA XVI POST PENTECOSTEN. Custodi, Domine, quaesumus Ecclesiam tuam propitiatione perpetua, et quia sine te labitur humana mortalitas, tuis semper auxiliis et abstrahatur a noxiis et ad salutaria dirigatur. Per Dominum.
Super oblata. --Hostiam sacrificii singularis tibi, Domine, deferentes petimus, ut ejus virtute nos et a peccatis emacules, et tua sanctificatione dignos efficias. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui aeternitate sacerdotii sui omnes tibi servientes sanctificat sacerdotes, quoniam mortali carne circumdati, ita quotidianis peccatorum remissionibus indigemus, ut non solum pro populo, sed etiam pro nobis ejusdem te Pontificis sanguis exoret. Per quem.
179 Benedictio. --Concedat vobis omnipotens Deus munus suae benedictionis, qui vestrae est conscius infirmitatis. Amen. Et (629) qui vobis tribuit supplicandi affectum, tribuat consolationis auxilium. Amen. Ut ab eo et praesentis et futurae vitae subsidium capiatis, cujus vos bonitate creatos esse creditis. Amen. Quod ipse praestare.
Ad Complendum. --Praesta nobis, misericors Deus, ut placationem tuam promptis mentibus exoremus, et, per sacramenta quae sumpsimus peccatorum veniam consequentes, a noxiis liberemur incursibus. Per Dominum nostrum.
Super populum. --Propitiare, Domine, populo tuo, et ab omnibus illum absolve peccatis, ut quod nostris offensionibus promeremur, tua indulgentia repellatur. Per.
HEBDOMADA XVII POST PENTECOSTEN. Ecclesiam tuam, Domine, miseratio continuata mundet et muniat, et quia sine te non potest salva consistere, tuo semper (630) munere gubernetur. Per Dominum.
Super oblata. --Tua nos, Domine, sacramenta custodiant, et contra diabolicos tueantur semper incursus. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et te incessanter precari, ut qui te auctore subsistimus, te dispensante dirigamur. Non (631) nostris sensibus relinquamur, sed ad tuae reducti semper tramitem veritatis, haec studeamus exercere quae praecipis, ut possimus dona percipere quae promittis. Per Christum.
Benedictio. --Omnipotens Deus peccatorum vestrorum maculas purget, et sua vos benedictione illustret. Amen. Repleat vos spiritalium donis virtutum, et perseverare faciat in bonis propositum vestrum. Amen. Sicque humilitatem vestram benignus acceptet, ut suae vos pietatis remuneratione locupletet. Amen. Quod ipse praestare dignetur.
Ad Complendum. --Mentes nostras et corpora possideat, Domine, quaesumus, doni coelestis operatio, (632) ut non noster sensus in nobis, sed jugiter ejus praeveniat effectus. Per Dominum.
Super populum. --Adesto, Domine, supplicationibus nostris, et nihil de sua conscientia praesumentibus ineffabili miseratione succurre, ut quod non habet fiducia meritorum, tua conferat largitas invicta donorum. Per.
180 HEBDOMADA XVIII POST PENTECOSTEN. Absolve, quaesumus, Domine, tuorum delicta populorum, et a peccatorum nostrorum nexibus, quae pro nostra fragilitate contraximus, tua benignitate liberemur. Per.
Super oblata. --Pro nostrae servitutis augmento sacrificium tibi laudis offerentes, quaesumus, Domine, (633) ut quod immeritis contulisti, propitius exsequaris. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: quia, cum laude nostra non egeas, grata tibi tamen est tuorum devotio famulorum; nec te augent nostra praeconia, sed nobis proficiunt ad salutem. Quoniam sicut fontem vitae praeterire causa moriendi est, sic eodem jugiter redundare, effectus est sine fine vivendi. Per Christum.
Benedictio. --Omnipotens Deus coelesti vos protectione circumdet, et suae benedictionis dono locupletet. Amen. Concedatque vobis, ut qui in sola spe gratiae coelestis innitimini, coelesti etiam protectione muniamini. Amen. Quatenus et in praesenti saeculo mortalis vitae solatia capiatis, et sempiternae gaudia comprehendere valeatis. Quod ipse praestare.
Ad Complendum. --Salutaris Hostiae participatione recreati, quaesumus, omnipotens Deus, ut ejus potentia singulari nos ipsos tibi holocaustum facias sempiternum. Per.
Super populum. --Da, quaesumus, Domine, populo tuo et mentem qua tibi devotus existat, et intellectum quo justa deposcat, et propitiationem tuam, qua pie desiderantibus profutura perficias. Per.
HEBDOMADA XIX POST PENTECOSTEN. Omnipotens sempiterne Deus, misericordiam tuam ostende supplicibus, ut qui de (634) meritorum qualitate diffidimus, non judicium tuum, sed indulgentiam sentiamus. Per Dominum.
Super oblata. --Hujus te, Domine, muneris oblatione placemus, et perpetuae vitae participes hujus operatione reddamur. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui vicit diabolum 181 et mundum, hominemque paradiso restituit, et vitae januas credentibus patefecit. Per quem.
Benedictio. --Omnipotens Deus dexterae suae perpetuo vos circumdet auxilio, et benedictionum suarum repleat dono. Amen. Ab omni vos pravitate defendat, et donis coelestibus exuberare concedat. Amen. Quo corpore mundati ac mente, talem ei exhibeatis servitutem, per quam suam consequi valeatis propitiationem. Amen. Quod ipse.
Ad Complendum. --Coelestis mensae, quaesumus, Domine, sacrosancta libatio corda nostra purget semper et pascat. Per Dominum nostrum.
Super populum. --Adesto, Domine, populis tuis in tua protectione fidentibus, et tuae se dexterae suppliciter inclinantes perpetua defensione conserva. Per.
HEBDOMADA XX POST PENTECOSTEN. Fac nos, Domine, quaesumus, tibi prompta voluntate subjectos, et ad supplicandum tibi nostras semper excita voluntates. Per.
Super oblata. --Munda nos, Domine, sacrificii praesentis effectu, et perfice miseratus in nobis ut ejus mereamur esse participes. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tuam Majestatem humiliter implorare, ut Jesus Christus Filius tuus Dominus noster sua nos gratia protegat et conservet; et, quia sine ipso nihil recte valemus efficere, ipsius munere capiamus ut tibi semper placere possimus. Per quem Majestatem.
Benedictio. --Purificet omnipotens Deus vestrorum cordium arcana, et benedictionis suae vobis tribuat incrementa. Amen. Ab omnibus vitae praesentis periculis exuamini, et virtutum spiritalium ornamentis induamini. Amen. Quo illius adjutorio fulti sic ei serviatis in terris, ut ei conjungi valeatis in coelis. Amen. Quod ipse.
Ad Complendum. --Purifica, Domine, quaesumus, mentes nostras benignus, et renova coelestibus sacramentis, ut consequenter et corporum praesens pariter et futurum capiamus auxilium. Per.
Super populum. --Respice propitius, Domine, ad debitam tibi populi servitutem, ut inter humanae fragilitatis incerta nullis adversitatibus opprimatur, qui de tua protectione confidit. Per Dominum nostrum.
182 HEBDOMADA XXI POST PENTECOSTEN. Da, quaesumus, Domine, populo tuo diabolica vitare contagia, et te solum Dominum puro corde sectari. Per.
Super oblata. --Majestatem tuam, Domine, suppliciter deprecamur, ut haec sancta, quae (635) gerimus, et praeteritis nos delictis exuant et futuris. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et suppliciter te exorare, ut sic nos bonis tuis instruas sempiternis, ut temporalibus quoque consolari digneris; sic praesentibus refovere, ut ad gaudia nos mansura perducas. Per Christum.
Benedictio. --Omnipotens Deus universa a vobis adversa excludat, et suae super vos benedictionis dona propitiatus infundat. Amen. Corda vestra efficiat sacris intenta doctrinis, quo possint repleri beneficiis sempiternis. Amen. Quatenus et exsequenda intelligentes et intellecta exsequentes, et inter adversa mundi inveniamini (636) indemnes, et beatorum spirituum efficiamini cohaeredes. Amen. Quod ipse praestare dignetur.
Ad Complendum. --Sacrificium, quod tuae, Domine Deus, obtulimus pietati, nobis ad veniam nostrorum proficiat peccatorum, et tuae miserationis semper tribuat solatium. Per Dominum nostrum Jesum Christum.
Super populum. --Benedictionem tuam, Domine, populus fidelis accipiat; qua, corpore salvatus ac mente, et gratam tibi semper exhibeat servitutem, et propitiationis tuae beneficia semper inveniat. Per Dominum nostrum.
HEBDOMADA XXII POST PENTECOSTEN. Dirigat corda nostra, Domine, quaesumus, tuae miserationis operatio, quia tibi sine te placere non possumus. Per Dominum.
Super oblata. --Deus, qui nos per hujus (637) sacrificii veneranda commercia unius summaeque divinitatis participes efficis, praesta, quaesumus, ut et tuam cognoscamus veritatem, et eam dignis mentibus ac moribus assequamur. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui propterea jure punis errantes, et clementer refoves 183 castigatos, ut nos a malis operibus abstrahas, et ad bona facienda convertas, quia non vis invenire quod damnes, sed esse potius quod corones. Qui cum pro nostris meritis jugiter mereamur affligi, tu tamen judicium ad correctionem temperas, non perpetuam exerces ad poenam. Juste enim corrigis, et clementer ignoscis, in utroque verax, in utroque misericors. Qui nos ea lege disponis, ut coercendo in aeternum perire non sinas, et parcendo spatium tribuas corrigendi. Qui ideo malis praesentibus nos flagellas, ut ad bona futura perducas; ideo bonis temporalibus consolaris, ut de sempiternis facias certiores. Quo te et in prosperis et in adversis pia semper confessione laudemus. Per Christum Dominum nostrum.
Benedictio. --Omnipotens Deus dies vestros in sua pace disponat, et suae vobis benedictionis dona concedat. Amen. Ab omnibus vos perturbationibus liberet, et mentes vestras suae pacis tranquillitate consolidet. Amen. Quatenus spei, fidei et charitatis gemmis ornati, et praesentem vitam transigatis illaesi, et ad aeternam perveniatis securi. Amen. Quod ipse praestare dignetur.
Ad Complendum. --Gratias tibi referimus, Domine, sacro munere vegetati, tuam misericordiam deprecantes, ut dignos nos ejus participatione perficias. Per Dominum.
Super populum. --Familiae tuae, quaesumus, Domine, esto protector, et misericordiam tuam concede poscenti, qua tibi semper fiat obediens, et tua dona percipiat. Per.
HEBDOMADA XXIII POST PENTECOSTEN. Omnipotens et misericors Deus, universa nobis adversantia propitiatus exclude, ut, mente et corpore pariter expediti, quae tua sunt liberis mentibus exsequamur. Per Dominum nostrum.
Super oblata. --Da, quaesumus, omnipotens Deus, sic nos sacris muneribus tuam veniam promereri, ut nostros corrigamus excessus; sic fatentibus relaxare delictum, ut coerceamus in suis pravitatibus obstinatos. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et clementiam tuam suppliciter exorare, ut Filius tuus Jesus Christus Dominus noster, qui se usque in finem saeculi suis promisit fidelibus adfuturum, (638) et praesentiae corporalis mysteriis non deserat quos redemit, et Majestatis suae beneficiis non relinquat. Per quem Majestatem.
Benedictio. --Benedictionis Domini gratia vos semper protegat, et ab omni malo defendat. Amen. Mundet vos 184 ab omni crimine peccatorum, et sibimet placere faciat in aeternum. Amen. Ubique vobis Dominus placatus occurrat, et suae benedictionis opem dignanter attribuat. Amen. Quod ipse praestare dignetur.
Ad Complendum. --Tua nos, Domine, medicinalis operatio, et a nostris perversitatibus clementer expediat, et tuis faciat semper inhaerere mandatis. Per.
Super populum. --Familiam tuam, quaesumus, Domine, dextera tua perpetuo circumdet auxilio, ut, ab omni pravitate defensa, donis coelestibus prosequatur. Per Dominum nostrum.
HEBDOMADA XXIV POST PENTECOSTEN. Largire, quaesumus, Domine, fidelibus tuis indulgentiam placatus et pacem, ut pariter ab omnibus mundentur offensis, et secura tibi mente deserviant. Per.
Super oblata. --Coelestem nobis praebeant haec mysteria, quaesumus, Domine, medicinam, et vitia nostri cordis expurgent. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: Majestatem tuam suppliciter deprecantes, ut, expulsis azymis vetustatis, illius Agni cibo satiemur et poculo qui et nostram imaginem reparavit, et suam nobis gratiam repromisit, Jesus Christus Filius tuus.
Benedictio. --Omnipotens Dominus adaperiat cor vestrum in lege sua, et humiliet animas vestras ad capienda mandata coelestia. Amen. Quidquid vobis pro salute animarum vestrarum os mortalitatis nostrae enarrat, acceptum vobis pietas divina efficiat. Amen. Ut, divinis sermonibus animati cum eis qui pro vobis invigilant, ad aeternam beatitudinem mereamini pervenire illaesi. Amen. Quod ipse praestare dignetur.
Ad Complendum. --Sacrificium salutis nostrae tibi offerentes, quaesumus, Domine Deus noster, ut concedas nobis purificatis mentibus semper tuae pietatis celebrare mysterium. Per Dominum nostrum.
Super populum. --Da salutem, Domine, quaesumus, populo tuo mentis et corporis, et perpetuis consolationibus tuorum reple corda fidelium, ut, tua protectione relevati, et pia tibi devotione complaceant, et tua semper beneficia consequantur. Per Dominum nostrum.
185 HEBDOMADA XXV POST PENTECOSTEN. Deus, qui nos regendo conservas, parcendo justificas, et a temporali tribulatione nos eripe, et gaudia nobis aeterna largire. Per Dominum nostrum.
Super oblata. --Suscipe, Domine, propitiatus hostias, quibus et te placari voluisti, et nobis salutem potenti pietate restitui. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: per quem sanctum et benedictum nomen Majestatis tuae ubique veneratur, adoratur, praedicatur et colitur, qui est origo salutis, via virtutis, et tuae propitiatio pietatis. Per quem.
(639) Req. Ben.
Ad Complendum. --Immortalitatis alimoniam consecuti, quaesumus, Domine, ut quod ore percepimus, mente sectemur. Per Dominum nostrum.
Super populum. --Familiam tuam, quaesumus, Domine, continua pietate custodi, ut a cunctis adversitatibus te protegente sit libera, et in bonis actibus tuo nomini sit devota. Per Dominum.
HEBDOMADA XXVI POST PENTECOSTEN. Deus, refugium nostrum et virtus, adesto piis Ecclesiae tuae precibus auctor ipse pietatis, et praesta ut quod fideliter petimus efficaciter consequamur. Per.
Super oblata. --Da, misericors Deus, ut haec salutaris oblatio et a propriis nos reatibus indesinenter expediat, et ab omnibus tueatur adversis. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: et tibi debitas laudes pio honore deferre, et mirabilium tuorum inenarrabilia praeconia devotae mentis veneratione celebrare. Teque ineffabilem, atque invisibilem Deum laudare, benedicere, adorare. Per Christum Dominum nostrum.
Req. Ben.
Ad Complendum. --Coelesti lumine, quaesumus, Domine, semper et ubique nos praeveni, ut mysterium, cujus nos 186 participes esse voluisti, et puro cernamus intuitu, et digno percipiamus affectu. Per.
Super populum. --Protector in te sperantium, Deus, salva populum tuum, ut a peccatis liber, et ab hoste securus, in tua semper gratia perseveret. Per Dominum nostrum Jesum Christum.
HEBDOMADA XXVII POST PENTECOSTEN. Excita, Domine, quaesumus, tuorum fidelium voluntates, ut divini operis fructum propensius exsequentes, pietatis tuae remedia majora percipiant. Per Dominum.
Super oblata. --Propitius esto, Domine, supplicationibus nostris, et, populi tui oblationibus precibusque susceptis, omnium nostrum ad te corda converte, ut, a terrenis cupiditatibus liberi, ad coelestia desideria transeamus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: cujus est operis quod conditi sumus, muneris quod vivimus, pietatis quod tua erga nos dona cognoscimus. Quamvis enim natura nostra peccati vitiata sit vulnere, a terrenis tamen ad coelestia provehitur tuo inenarrabili munere. Per Christum.
Req. Ben.
Ad Complendum. --Concede nobis, Domine, quaesumus, ut quidquid in nostra mente vitiosum est, sacramenti quod sumpsimus medicatione curetur. Per.
Super populum. --Excita, Domine, tuorum corda fidelium, ut, sacris intenta doctrinis, et intelligant quod sequantur, et sequendo fideliter apprehendant. Per Dominum nostrum.
(640) HEBDOMADA V ANTE NATALEM DOMINI. (641) Excita, Domine, potentiam tuam, et veni, et quod Ecclesiae tuae promisisti, usque in finem saeculi clementer operare. Qui vivis et regnas cum Deo Patre in unitate Spiritus sancti Deus. Per omnia.
Super oblata. --Sacrificium tibi, Domine, celebrandum placatus intende, quod et nos a vitiis nostrae conditionis emundet, et tuo nomini reddat acceptos. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, 187 per Christum Dominum nostrum: cujus (642) primi adventus mysterium ita nos facias dignis laudibus et officiis celebrare, praesentemque vitam inculpabilem ducere, ut secundum valeamus interriti exspectare. Per quem Majestatem.
Benedictio. --Concedat vobis Dominus praemium sincerae charitatis, ut cum omnibus semper in pace vivatis. Amen. Inimicorum omnium insidias superetis, et praesentem vitam sincerissime peragatis. Amen. Sitis etiam a reatu conscientiae liberi, ut nihil metuatis in die judicii postfuturi. Quod ipse.
Ad Complendum. --Animae nostrae, quaesumus, omnipotens Deus, hoc potiantur desiderio, ut a tuo Spiritu inflammentur, ut, sicut lampades, divino munere satiati, ante conspectum venientis Christi Filii tui velut clara lumina fulgeamus. Per eumdem.
Super populum. --Preces populi tui, quaesumus, Domine, clementer exaudi, ut qui de adventu Unigeniti Filii tui secundum carnem laetantur; in secundo, cum venerit in Majestate sua, praemium aeternae vitae percipiant. Per.
HEBDOMADA IV ANTE NATALEM DOMINI. Excita, quaesumus, Domine, potentiam tuam et veni, ut ab imminentibus peccatorum nostrorum periculis te mereamur protegente eripi, te liberante salvari. Qui vivis et regnas.
Super oblata. --Intende, quaesumus, Domine, sacrificium singulare, ut, hujus participatione mysterii, quae speranda credimus exspectata sumamus. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, (643) cui proprium est et singulare quod bonus es, et nulla unquam a te es commutatione diversus. Propitiare, quaesumus, supplicationibus nostris, et Ecclesiae tuae misericordiam tuam quam deprecatur ostende, manifestans plebi tuae, Unigeniti tui et incarnationis mysterium; et adventus admirabile sacramentum; ut in universitate nationum (644) constet esse perfectum, (645) quod vatum oraculis fuit ante promissum, (646) percipiantque dignitatem adoptionis quos exornat confessio veritatis. Per quem.
Benedictio. --Omnipotens Deus, cujus Unigeniti adventum, et praeteritum creditis, et futurum exspectatis, ejusdem adventus vos illustratione sanctificet, et sua benedictione locupletet. Amen. In praesentis vitae stadio vos ab omni adversitate defendat, et se vobis in judicio placabilem ostendat. Amen. Quo, a cunctis contagiis peccatorum liberati, illius tremendi examinis diem exspectetis interriti. Amen. Quod ipse.
188 Ad Complendum. --Suscipiamus, Domine, misericordiam tuam in medio templi tui, et reparationis nostrae ventura solemnia congruis honoribus praecedamus. Per.
Super populum. --Da, quaesumus, Domine, populo tuo Spiritum veritatis et pacis, ut et te per adventum Unigeniti tui tota mente cognoscat, et quae tibi sunt placita, toto corde sectetur. Per eumdem Dominum nostrum.
HEBDOMADA III ANTE NATALEM DOMINI. Excita, Domine, corda nostra ad praeparandas Unigeniti tui vias, ut per ejus adventum purificatis tibi mentibus servire mereamur. Qui tecum vivit et regnat Deus.
Super oblata. --Placare, Domine, quaesumus, humilitatis nostrae precibus et hostiis, et ubi nulla suppetunt suffragia meritorum, tuae nobis indulgentiae succurre praesidiis. Per.
Praefatio. --Vere dignum et justum est aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui (647) tuo inenarrabili munere praestitisti ut natura humana ad similitudinem tui condita, dissimilis per peccatum et mortem effecta, nequaquam in aeterna damnatione periret; sed unde peccatum mortem contraxerat, inde vitam tua pietas immensa repararet, et (648) antiquae virginis facinus nova et intemerata virgo Maria piaret. Quae ab angelo salutata, a Spiritu sancto obumbrata, illum gignere meruit, qui cuncta nasci suo nutu concessit: quae mirabatur et corporis integritatem, et conceptus fecunditatem, gaudebatque suum paritura parentem, Jesum Christum Dominum nostrum. Per quem.
Benedictio. --(649) Deus, cujus adventus incarnationis praeteritus creditur, et judicii venturus exspectatur, vos, antequam veniat, expiet ab omni contagione delicti. Amen. Prius in vobis diluat omne quod illa futura examinatione puniturus est, ut cum justus advenerit judex, non in vobis inveniat quod condemnet. Amen. Quo veniente non incurratis supplicium aeternum, sed remuneremini donariis sempiternis. Amen. Quod ipse praestare dignetur.
Ad Complendum. --Repleti cibo spiritalis alimoniae, supplices te, Domine, deprecamur, ut hujus participatione mysterii doceas nos terrena despicere, et amare coelestia. Per Dominum nostrum.
Super populum. --Da, quaesumus, omnipotens Deus, cunctae familiae tuae hanc voluntatem, Christo Filio tuo Domino nostro venienti, in operibus justis aptos occurrere, ut ejus dexterae sociati, regnum mereantur possidere coeleste. Per eumdem Dominum nostrum.
189 HEBDOMADA II ANTE NATALEM DOMINI. Aurem tuam, quaesumus, Domine, precibus nostris accommoda, et mentis nostrae tenebras gratia tuae visitationis illustra. Per Dominum nostrum.
Super oblata. --Devotionis nostrae tibi, quaesumus, Domine, Hostia jugiter immoletur, quae et sacri peragat instituta mysterii, et salutare tuum nobis mirabiliter operetur. Per eumdem Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: cujus incarnatione salus facta est mundi, et passione redemptio procurata est hominis procreati. Ipse nos, quaesumus, ad aeternum perducat praemium, qui redemit de tenebris infernorum, justificetque in adventu secundo, qui nos redemit in primo; quatenus illius nos a malis omnibus defendat sublimitas, cujus nos ad vitam erexit humilitas. Per quem Majestatem tuam.
Benedictio. --Omnipotens Deus vos placato vultu respiciat, et in vos donum suae benedictionis infundat. Amen. Et qui hos dies incarnatione Unigeniti sui fecit solemnes, a cunctis praesentis et futurae vitae adversitatibus reddat indemnes. Amen. Ut qui de adventu Redemptoris nostri secundum carnem devota mente laetamini, in secundo, cum in majestate venerit, praemiis aeternae vitae ditemini. Amen. Quod ipse praestare dignetur.
Ad Complendum. --Imploramus, Domine, clementiam tuam, ut haec divina subsidia a vitiis expiatos ad festa ventura nos praeparent. Per.
MENSIS X FERIA IV. Praesta, quaesumus, omnipotens Deus, ut redemptionis nostrae ventura solemnitas, et praesentis nobis vitae subsidia conferat, et aeternae beatitudinis praemia largiatur. Per Dominum.
Alia. --Festina, quaesumus, Domine, ne tardaveris, et auxilium nobis supernae virtutis impende, ut adventus tui consolationibus subleventur qui in tua pietate confidunt. Qui vivis et regnas.
Super oblata. --Grata tibi sint, Domine, munera quibus mysteria celebrantur nostrae libertatis et vitae. Per Dominum nostrum Jesum Christum
190 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: qui ab antiquis patribus exspectatus, ab angelo nuntiatus, a Virgine conceptus, in fine saeculorum hominibus est praesentatus. Qui, appropinquante Nativitatis suae festo, ita, quaesumus, sit nobis placatus, qualiter tecum, et cum Spiritu sancto ad nos veniat nobiscum perpetim permansurus. Per quem.
Ad Complendum. --Conservent nos, quaesumus, Domine, munera tua, et per adventum Unigeniti tui tribuant nobis vitam aeternam. Qui tecum.
Super populum. --Gratiae tuae, quaesumus, Domine, supplicibus tuis tribue largitatem, ut mandata tua, te opitulante, sectantes, consolationem praesentis vitae percipiant et futurae. Per Dominum.
FERIA VI. Excita, quaesumus, Domine, potentiam tuam et veni, ut hi qui in tua pietate confidunt, ab omni citius adversitate liberentur. Qui vivis et regnas.
Super oblata. --Praesta, Domine, quaesumus, ut dicato muneri congruentem nostrae devotionis offeramus effectum. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui sanctificator et institutor es abstinentiae, cujus nullus finis, nullusque est numerus, effunde, quaesumus, super nos, in diebus jejuniorum nostrorum, Spiritum gratiae salutaris, et ab omnibus nos perturbationibus saeculi hujus tua defensione conserva, ut qui Unigeniti tui celebramus adventum, continuum ejus sentiamus auxilium. Per quem Majestatem tuam.
Ad Complendum. --Prosint nobis, Domine, sumpta mysteria; pariterque nos et a peccatis exuant, et praesidiis tuae propitiationis attollant. Per Dominum nostrum.
SABBATO IN XII LECT. MENSIS X. Deus, qui conspicis quia ex nostra pravitate affligimur, concede propitius ut ex tua visitatione consolemur. Per.
Alia. --Concede, quaesumus, omnipotens Deus, ut quia sub peccati jugo ex vetusta servitute deprimimur, exspectata Unigeniti Filii tui nova nativitate liberemur. Qui tecum vivit et regnat Deus.
191 Alia. --Indignos nos, quaesumus, Domine, famulos tuos, quos actionis propriae culpa contristat, Unigeniti Filii tui adventu laetifica. Qui tecum.
Alia. --Praesta, quaesumus, omnipotens Deus, ut Filii tui ventura solemnitas, et praesentis nobis vitae remedia conferat, et praemia aeterna concedat. Per eumdem.
Alia. --Preces populi tui, quaesumus, Domine, clementer exaudi, ut qui juste pro peccatis nostris affligimur, pietatis tuae visitatione consolemur. Per Dominum.
(650) Alia ad Missam. --Deus, qui tribus pueris mitigasti flammas ignium, concede propitius ut nos famulos tuos non exurat flamma vitiorum. Per Dominum nostrum.
Super oblata. --Ecclesiae tuae, Domine, munera sanctifica, et concede ut per haec veneranda mysteria pane coelesti refici mereamur. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: qui non solum peccata dimittis, sed ipsos etiam justificas peccatores, et reis non tantum peccata relaxas, sed dona largiris et praemia: cujus nos pietatem supplices exoramus, ut qui jejuniis et votis solemnibus nativitatem Unigeniti tui praevenimus, illius dono et praesentis vitae perturbationibus careamus, et aeterna munera capiamus. Per quem Majestatem tuam.
Ad Complendum. --Quaesumus, Domine Deus noster, ut sacrosancta mysteria, quae pro reparationis nostrae munimine contulisti, et praesens nobis remedium esse facias et futurum. Per.
(651) DOMINICA I ANTE NATALEM DOMINI. Excita, Domine, potentiam tuam et veni, et magna nobis virtute succurre, ut per auxilium gratiae tuae, quod nostra peccata praepediunt, indulgentia tuae propitiationis acceleres. Qui vivis et regnas, cum Deo Patre in unitate Spiritus sancti, Deus. Per omnia.
Super oblata. --Haec tibi, Domine, oblata benignus sanctificanda assume libamina, ut eorum perceptione expiemur a crimine, et adventus Filii tui gloriam mereamur interriti praestolari. Per eumdem Dominum nostrum.
Praefatio. --Vere dignum et justum est, aequum et salutare, 192 nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum: quem Joannes praecessit nascendo, et in desertis eremi praedicando et in fluentis Jordanis baptizando, et ad inferna descendendo: cujus venerandae nativitatis proxime ventura solemnitas ita nos, quaesumus, tibi placitos reddat, ut cum fructu bonorum operum ad regna coelestia introducat, ut parando in cordibus nostris viam Domino, fructusque dignos poenitentiae faciendo, per praedicationem Joannis obtemperemus monitis nostri Salvatoris. Sicque perveniamus per filium sterilis ad Filium Virginis, per Joannem hominem magnum ad eumdem Dominum nostrum hominem Deum, qui sicut venit ad nos redimendum occultus, ita justificet cum ad judicandum venerit manifestus. Per quem.
Benedictio. --Deus, qui vos et prioris adventus gratia reparavit, et in secundo daturum se vobis regnum cum sanctis angelis repromisit, adventus sui vos illustratione sanctificet. Amen. Vincula vestra dissolvat, antequam veniat, ut, liberati a vinculis peccatorum, interriti tremendum ejus exspectetis adventum. Amen. Et quem venisse in terris pro vestra salute creditis, venturumque ad judicium sustinetis, ejus adventus gloriam impavidi mereamini contueri. Amen. Quod ipse praestare dignetur.
Ad Complendum. --Tribue nobis, Domine, coelestis mensae virtute satiatis, et desiderare quae recta sunt, et desiderata percipere. Per.
Super populum. --Adjuva, Domine, fragilitatem plebis tuae, ut ad votivum magnae festivitatis effectum, et corporaliter gubernata recurrat, et ad perpetuam gratiam devota mente perveniat. Per.
(652) Orationes de adventu Domini quotidianis diebus.
Concede, quaesumus, omnipotens Deus, ut magnae festivitatis ventura solemnia prospero celebremus effectu; pariterque reddamur et intenti coelestibus disciplinis, et de nostris temporibus laetiores. Per.
Alia. --Conscientias nostras, quaesumus, Domine, visitando purifica, ut veniens Jesus Christus Filius tuus Dominus noster, paratam sibi in nobis inveniat mansionem. Qui tecum.
Alia. --Prope esto, Domine, omnibus exspectantibus te in veritate, ut in adventu Filii tui Domini nostri placitis tibi actibus praesentemur. Per eumdem Dominum nostrum.
Alia. --Concede, quaesumus, omnipotens Deus, hanc gratiam plebi tuae, adventum Unigeniti tui cum 193 summa vigilantia exspectare, ut, sicut ipse auctor nostrae salutis docuit, velut fulgentes lampadas, in ejus occursum nostras animas praeparemus. Per.
Alia. --Mentes nostras, quaesumus, Domine, lumine tuae visitationis illustra, ut esse, te largiente, mereamur et inter prospera humiles, et inter adversa securi. Per Dominum.
Alia. --Praesta, quaesumus, omnipotens Deus, ut Filii tui ventura solemnitas, et praesentis vitae nobis remedia conferat, et praemia aeterna concedat. Qui tecum vivit et regnat Deus.
Alia. --Concede, quaesumus, omnipotens Deus, ut quia sub peccati jugo ex vetusta servitute deprimimur, exspectata Unigeniti Filii tui nova nativitate liberemur. Qui tecum.
Alia. --Quaesumus, omnipotens Deus, preces nostras respice, et tuae super nos viscera pietatis impende, ut qui ex nostra culpa affligimur, Salvatore nostro adveniente, respiremus. Qui tecum vivit.
Alia. --Voci nostrae, quaesumus, Domine, aures tuae pietatis accommoda, et cordis nostri tenebras lumine tuae visitationis illustra. Qui vivis.
Alia. --Porrige nobis, Domine, dexteram tuae venerationis, et veni, et peccata nostra propitiatus absolve. Qui vivis et regnas.
Alia. --Porrige nobis, Domine, dexteram tuae venerationis, et veni, et peccata nostra propitiatus absolve. Qui vivis et regnas.
Alia. --Festinantes, omnipotens Deus, in occursum Filii tui Domini nostri nulla impediant operactus terreni, sed coelestis Sapientiae eruditio faciat nos ejus esse consortes. Qui tecum.
Alia. --Praesta, quaesumus, omnipotens Deus, ut quia pro peccatis nostris meremur affligi, per adventum Filii tui a cunctis adversitatibus liberemur. Per.
Alia. --Deus, qui nostra nos conspicis semper infirmitate destitui, adventus Filii tui nos visitatione custodi. Qui tecum vivit et regnat.
Alia. --Adesto, quaesumus, omnipotens Deus, atque in cunctis actionibus nostris, et aspirando nos praeveni, et adjuvando custodi. Qui vivis.
Alia. --Praeveniat nos, quaesumus, omnipotens Deus, tua gratia semper, et subsequatur, ut per adventum Unigeniti tui, quem summo cordis desiderio 194 sustinemus, et praesentis vitae subsidia et futurae etiam consequamur. Qui tecum vivit et regnat Deus.
Alia. --Deus, qui conspicis quia in tua pietate confidimus, concede propitius ut per adventum Unigeniti tui de coelesti semper protectione gaudeamus. Qui tecum vivit et regnat Deus.
Alia. --Subveniat nobis, Domine, misericordia tua, ut ab imminentibus peccatorum nostrorum periculis, te mereamur veniente salvari. Qui vivis et regnas.
Alia. --Excita, Domine, potentiam tuam, et veni, ut tua propitiatione salvemur. Qui vivis.
Alia. --Festina, ne tardaveris, Domine Deus noster, et a diabolico furore nos potenter libera. Qui vivis.
Alia. --Exsultemus, quaesumus, Domine Deus noster, omnes recti corde in unitate fidei congregati, ut veniente Salvatore nostro Filio tuo, immaculati occurramus illi in ejus sanctorum comitatu. Qui tecum.
Alia. --Fac nos, quaesumus, Domine, mala nostra toto corde respuere, ut veniente Filio tuo Domino nostro, bona ejus capere valeamus. Qui tecum vivit.
Alia. --Praecinge, quaesumus, Domine Deus noster, lumbos mentis nostrae divina tua virtute potenter, ut, veniente Domino nostro Jesu Christo Filio tuo, digni inveniamur aeternae vitae convivio, et vota coelestium dignitatum ab ipso percipere mereamur. Qui tecum vivit et regnat.
Alia. --Fac nos, quaesumus, Domine Deus noster, pervigiles atque sollicitos adventum exspectare Christi Filii tui Domini nostri, ut dum venerit pulsans, non dormientes peccatis, sed vigilantes, et in suis inveniat laudibus exsultantes. Qui tecum vivit et regnat Deus
Incipiunt (653) Orationes pro peccatis.
Succurre, quaesumus, Domine, populo supplicanti, et opem tuam tribue benignus infirmis, ut sincera tibi mente devoti, et praesentis vitae remediis gaudeant, et futurae. Per Dominum.
Alia. --Deus, qui juste irasceris, et clementer ignoscis, afflicti populi lacrymas respice; et iram tuae indignationis, quam juste meremur, propitiatus averte. Per Dominum.
195 Alia. --Quaesumus, omnipotens Deus, ut qui nostris fatigamur offensis, et merito nostrae iniquitatis affligimur, pietatis tuae gratiam consequi mereamur. Per.
-- Alia. Deus, cui proprium est misereri semper, et parcere, suscipe deprecationem nostram, et quos delictorum catena constringit, miseratio tuae pietatis absolvat. Per Dominum nostrum.
Alia. --Da nobis, quaesumus, Domine, de tribulatione laetitiam, ut, qui diu pro nostris peccatis affligimur, intercedente beato Ill. martyre tuo, in tua misericordia respiremus. Per Dominum nostrum Jesum Christum.
Alia. --Clamantium ad te, quaesumus, Domine, preces dignanter exaudi, ut sicut Ninivitis in afflictione positis pepercisti, ita et nobis in praesenti tribulatione succurras. Per.
Alia. --Tribulationem nostram, quaesumus, Domine, propitius respice, et iram tuae indignationis, quam juste meremur, propitiatus averte. Per Dominum.
Alia. --Deus, qui peccantium animas non vis perire, sed culpas, contine, quam meremur, iram, et quam precamur super nos effunde clementiam, ut de moerore gaudium tuae misericordiae consequi mereamur. Per.
Alia. --Quaesumus, omnipotens Deus, afflicti populi lacrymas respice, et iram tuae indignationis averte, ut qui reatum nostrae infirmitatis agnoscimus, tua consolatione liberemur. Per.
Alia. --Deus, qui culpa offenderis, poenitentia placaris, preces populi supplicantis propitius respice, et flagella tuae iracundiae, quae pro peccatis nostris meremur, averte. Per Dominum.
Alia. --Parce, Domine, parce populo tuo, ut dignis flagellationibus castigatus, in tua miseratione respiret. Per Dominum nostrum Jesum Christum.
Alia. --Deus, refugium pauperum, spes humilium, salusque miserorum, supplicationes populi tui clementer exaudi, ut quos justitia verberum fecit afflictos, abundantia remediorum faciat consolatos. Per.
Alia. --Praesta, quaesumus, omnipotens Deus, ut qui 196 offensam nostram per flagella cognoscimus, tuae consolationis gratiam sentiamus. Per Dominum nostrum.
Alia. --Ne despicias, omnipotens Deus, populum tuum in afflictione clamantem, sed propter gloriam nominis tui tribulatis succurre placatus. Per.
-- Alia. Exaudi, Domine, gemitum populi tui; nec plus apud te valeat offensio delinquentium, quam misericordia tua indulta fletibus supplicantium. Per Dominum nostrum.
Alia. --Omnipotens Deus, misericordiam tuam nobis placatus impende, ut qui te contemnendo culpam incurrimus, confitendo veniam consequamur. Per.
Alia. --Moveat pietatem tuam, quaesumus, Domine, subjectae tibi plebis affectus; et misericordiam tuam supplicatio fidelis obtineat. Per.
Alia. --Averte, quaesumus, Domine, iram tuam propitiatus a nobis, et facinora nostra, quibus indignationem tuam provocamus, expelle. Per Dominum.
Alia. --Memor esto, quaesumus, Domine, fragilitatis humanae, et qui juste verberas peccatores, parce propitiatus afflictis. Per.
Alia. --Aures tuae pietatis, quaesumus, Domine, precibus nostris inclina, ut qui peccatorum nostrorum flagellis percutimur, miserationis tuae gratia liberemur. Per.
(654) Incipiunt Orationes quotidianae.
Vox clamantis Ecclesiae ad aures, Domine, quaesumus, tuae pietatis ascendat, ut, percepta venia peccatorum, te fiat operante devota, te protegente secura. Per Dominum nostrum.
Alia. --Propitiare, Domine, supplicationibus nostris, et exorabilis tuis esto supplicibus, ut concessa venia, quam precamur, perpetuo misericordiae tuae munere gloriemur. Per Dominum nostrum.
Alia. --Nostris, Domine, quaesumus, propitiare temporibus, ut tuo munere dirigatur, et Romana securitas, et devotio Christiana. Per Dominum nostrum.
Alia. --Dies nostros, quaesumus, Domine, placatus intende; pariterque nos et a peccatis absolve propitius, et a cunctis eripe benignus adversis. Per.
197 Alia. --Quaesumus, omnipotens Deus, ne nos tua misericordia derelinquat, quae et errores nostros semper amoveat, et noxia cuncta depellat. Per.
Alia. --Praesta, quaesumus, omnipotens Deus, ut inter innumeros vitae praesentis errores tuo semper moderamine dirigamur. Per Dominum nostrum.
Alia. --Perpetua, quaesumus, Domine, pace custodi, quos in te sperare donasti. Per Dominum notrum.
Alia. --Adesto nobis, misericors Deus, et tuae pietatis nobis propitius dona concede. Per.
Alia. --Rege nostras, Domine, propitius voluntates, ut nec propriis iniquitatibus implicentur, nec subdantur alienis. Per Dominum nostrum.
Alia. --Comprime, Domine, quaesumus, noxios semper incursus, et salutarem temporibus nostris propitius da quietem. Per.
Alia. --Ab omnibus nos defende, quaesumus, Domine, semper adversis, et continuis tuere praesidiis. Per Dominum.
Alia. --Da, quaesumus, omnipotens Deus, ut qui infirmitatis nostrae conscii de tua virtute confidimus, sub tua semper pietate gaudeamus. Per Dominum nostrum.
Alia. --Fac nos, quaesumus, Domine Deus noster, in tua devotione gaudere, quia perpetua est, et plena felicitas, si bonorum omnium serviamus Auctori. Per.
Alia. --Omnipotens sempiterne Deus, fac nos tibi semper et devotam gerere voluntatem, et Majestati tuae sincero corde servire. Per Dominum nostrum.
Alia. --Deus, a quo cuncta bona procedunt, largire supplicibus ut cogitemus, te inspirante, quae recta sunt, et, te gubernante, eadem faciamus. Per.
Alia. --Vox nostra te, Domine, semper deprecetur, et ad aures tuae pietatis ascendat. Per Dominum.
Alia. --Praesta, quaesumus, omnipotens Deus, ut liberis tibi mentibus serviamus. Per Dominum nostrum.
Alia. --Ut tuam, Domine, misericordiam consequamur, fac nos tibi toto corde esse devotos. Per.
198 Alia. --Suscipe, Domine, preces nostras, et clamantium ad te pia corda propitius intende. Per.
Alia. --Cunctas, Domine, semper a nobis iniquitates repelle, ut ad viam salutis aeternae secura mente curramus. Per Dominum nostrum.
Alia. --Redemptor noster, aspice, Deus, et tibi nos jugiter servire concede. Per Dominum nostrum.
Alia. --Deus, coeli terraeque dominator, auxilium nobis tuae defensionis benignus impende. Per.
Alia. --Praesta, quaesumus, misericors Deus, ut tibi placita mente serviamus. Per Dominum nostrum.
Alia. --Purificet nos indulgentia tua, Deus, et ab omni semper iniquitate custodiat. Per.
Alia. --Adesto nobis, misericors Deus, et tua circa nos propitiatus dona custodi. Per.
Alia. --A cunctis iniquitatibus nostris exue nos, Domine, et in tua fac pace gaudere. Per.
Alia. --Vincula, Domine, quaesumus, humanae pravitatis abrumpe, ut ad confitendum nomen tuum libera mente curramus. Per.
Alia. --Tua nos, Domine, quaesumus, gratia benedicat, et ad vitam perducat aeternam. Per Dominum nostrum.
Alia. --Vide, Domine, infirmitates nostras, et celeri nobis pietate succurre. Per Dominum nostrum.
Alia. --Fac nos, Domine, quaesumus, mala nostra toto corde respuere, ut bona tua capere valeamus. Per.
Alia. --Esto nobis propitius, Deus, ut tua nos misericordia subsequatur. Per Dominum nostrum.
Alia. --Praeveniat nos, quaesumus, Domine, misericordia tua, et voces nostras clementia tuae propitiationis anticipet. Per.
Alia. --Celeri nobis, quaesumus, Domine, pietate succurre, ut devotio supplicantium ad gratiarum transeat actionem. Per.
Alia. --Delicta nostra, Domine, quibus adversa dominantur, 199 absterge et tua nos ubique miseratione custodi. Per.
Alia. --Absolve, Domine, quaesumus, nostrorum vincula peccatorum, et quidquid pro eis meremur averte. Per.
Alia. --Ascendant ad te, Domine, preces nostrae, et ab Ecclesia tua cunctam repelle nequitiam. Per.
Alia. --Clamantes ad te, Deus, dignanter exaudi: ut nos de profundo iniquitatis eripias, et ad gaudia aeterna perducas. Per.
Alia. --Concede nobis, quaesumus, Domine, veniam delictorum, et eos qui te impugnare moliuntur expugna. Per.
Alia. --Tua nos, Domine, quaesumus, gratia semper et praeveniat, et sequatur, ac bonis operibus jugiter praestet esse intentos. Per.
Alia. --Respice nos, misericors Deus, et nomini tuo perfice veraciter obsequentes. Per.
Alia. --Tuere nos, superne moderator, et fragilitatem nostram tuis defende praesidiis. Per.
Alia. --Ut a nostris excessibus, Domine, temperemus, tua nos praecepta concede jugiter operari. Per.
Alia. --Aufer a nobis, quaesumus, nostras, Domine, pravitates, ut non indignationem tuam, sed indulgentiam sentiamus. Per.
Alia. --Ut cunctis nos, Domine, foveas adjumentis, tuis apta propitius disciplinis. Per.
Alia. --Oculi nostri ad te, Domine, semper intendant, ut auxilium tuum et misericordiam sentiamus. Per.
Alia. --Peccata nostra, quaesumus, Domine, memor humanae conditionis absolve, et quidquid eorum retributione meremur averte. Per.
Alia. --Porrige nobis, Deus, dexteram tuam, et auxilium nobis supernae virtutis. Per.
Alia. --Exaudi nos, Domine Deus noster, et Ecclesiam tuam inter mundi turbines fluctuantem clementi gubernatione moderare. Per.
200 Alia. --Intende, Domine, quaesumus, supplices tuos, et pariter nobis indulgentiam tribue benignus et gaudium. Per.
Alia. --Respice nos, omnipotens et misericors Deus, et ab omnibus tribulationibus propitiatus absolve. Per.
Alia. --Iniquitates nostras ne respicias, Deus, sed sola nobis misericordia tua prosit indignis. Per.
Alia. --Fac nos, Domine Deus noster, tuis obedire mandatis, quia tunc nobis prospera cuncta provenient, si te totius vitae sequamur auctorem. Per.
Orationes (655) aliae vespertinales.
Omnipotens sempiterne Deus, vespere, et mane, et meridie, Majestatem tuam suppliciter deprecamur, ut, expulsis de cordibus nostris peccatorum tenebris, ad veram lucem, quae Christus est, nos facias pervenire. Per.
Alia. --Vespertinae laudis officia persolventes, clementiam tuam, Domine, humili prece deposcimus, ut nocturni insidiatoris fraudes, te protegente, vincamus. Per.
Alia. --Propitiare, Domine, vespertinis supplicationibus nostris, et fac nos sine ullo reatu matutinis tibi laudibus praesentari. Per.
Alia. --Exaudi, Domine, famulos tuos vespertina nomini tuo vota reddentes, et quos per singula diei momenta servasti, per noctis quietem custodire dignare. Per.
(656) Orationes ad crucem.
Quaesumus, Domine Deus noster, ut per vexillum sanctae crucis Filii tui, ad conterendas adversariorum insidias, nos in tuae protectionis securitate constituas. Per eumdem.
Alia. --Supplices clementiam tuam, quaesumus, omnipotens Deus, ut ab hoste maligno defendas quos per lignum sanctae crucis Filii tui arma justitiae pro salute mundi triumphare inssisti. Per eumdem Dominum.
Alia. --Deus, qui pro nobis Filium tuum crucis patibulum subire voluisti, ut inimici a nobis expelleres potestatem, concede nobis famulis tuis ut, antiqui hostis insidias tanti virtute mysterii superantes, sincerissima tibi perpetuo mente famulemur. Per eumdem Dominum.
201 Alia. --Deus, cujus Filius per trophaeum crucis mundum redimere dignatus est, concede propitius ut qui de redemptione laetamur aeternis gaudiis perfrui mereamur. Per eumdem Dominum.
Alia. --Deus, qui per sanguinem crucis Domini nostri Jesu Christi Filii tui dedisti pacem hominibus, et coelestium collegium angelorum, da nobis et tuae pacis ubertate repleri, et angelicae societatis unitate laetari. Per eumdem Dominum.
(657) Orationes ad Completorium.
Oriatur in nobis, Domine, nascentibus tenebris, aurora justitiae, et, peracto die, tibi suppliciter gratias agentes, etiam mane dignanter respicias vota solventes. Per.
Alia. --Gratias tibi agimus, Domine, custoditi per diem, grates tibi exsolvimus custodiendi per noctem: repraesenta nos, quaesumus, Domine, matutinis horis incolumes, ut nos omni tempore habeas laudatores. Per Dominum nostrum.
Alia. --Illumina, quaesumus, Domine, tenebras nostras, et totius noctis insidias tu repelle propitius. Per.
Alia. --Quaesumus, Domine Deus noster, diei molestias, noctis quiete sustenta, ut, necessaria temporum vicissitudine succedente, nostra reficiatur infirmitas. Per.
Alia. --Adesto, Domine, precibus nostris, et die noctuque nos protege, ut quibuslibet alternationibus temporum tua semper incommutabilitate firmemur. Per Dominum nostrum.
Alia. --Deus, qui illuminas noctem, et lucem post tenebras facis, concede nobis ut hanc noctem sine impedimento Satanae transeamus, atque matutinis horis ad altare tuum recurrentes, tibi Deo gratias referamus. Per.
Alia. --Tuus est dies, Domine, et tua est nox, concede nobis ut hanc noctem, etc., ut in superiori.
Alia. --Tuus est dies, Domine, et tua est nox: concede solem justitiae permanere in cordibus nostris, ad repellendas tenebras cogitationum iniquarum. Per.
(658) Incipiunt Orationes matutinales.
Illumina, Domine, quaesumus, in te corda credentium, ut tuo semper munimine, et tuo auxilio protegamur. Per.
Alia. --Tua nos, Domine, veritas semper illuminet, et ab omni pravitate defendat. Per Dominum.
202 Alia. --Salva nos, omnipotens Deus, et lucem nobis concede perpetuam. Per Dominum nostrum.
Alia. --Exaudi nos, misericors Deus, et mentibus nostris gratiae tuae lumen ostende. Per.
Alia. --Matutina supplicum vota, Domine, propitius intuere, et occulta cordis nostri remedio tuae clarifica pietatis, ut desideria tenebrosa non teneant, quos lux coelestis gratiae reparavit. Per.
Alia. --Emitte, quaesumus, Domine, lucem tuam cordibus nostris, ut, mandatorum tuorum lege percepta, in via tua ambulantes, nihil patiamur erroris. Per.
Alia. --Omnipotens sempiterne Deus, apud quem nihil obscurum est, nihil tenebrosum, emitte lucem tuam cordibus nostris, etc., ut in superiori.
Alia. --Deus, qui vigilantes in laudibus tuis coelesti mercede remuneras, tenebras de cordibus nostris auferre digneris, ut splendore luminis tui semper gaudeamus. Per.
Alia. --Exsurgentes de cubilibus nostris, auxilium gratiae tuae matutinis, Domine, precibus imploramus, ut, discussis tenebris vitiorum, ambulare mereamur in luce virtutum. Per.
Alia. --Te lucem veram, et lucis auctorem, Domine, deprecamur, ut digneris a nobis tenebras depellere vitiorum, et clarificare nos luce virtutum. Per.
Alia. --Auge in nobis, Domine, quaesumus, fidem tuam, et Spiritus sancti lucem in nobis semper accende. Per.
Alia. --Deus, qui tenebras ignorantiae verbi tui luce depellis, auge in cordibus nostris virtutem fidei, quam dedisti, ut ignis, quem gratia tua fecit accendi, nullis tentationibus possit exstingui. Per.
Alia. --Auribus percipe, Domine, quaesumus, verba oris nostri, clamoremque matutinum pius scrutator intellige, ut orandi ad te nobis sit fida devotio, tuaque donetur nobis diluculo contemplatio, et peccatorum omnium exoptata remissio. Per.
Alia. --Veritas tua, quaesumus, Domine, luceat in cordibus nostris, et omnis falsitas inimici destruatur. Per Dominum nostrum.
Alia. --Sensibus nostris, quaesumus, Domine, lumen sanctum tuum benignus infunde, ut tibi semper 203 simus devoti, cujus sapientia creati sumus, et providentia gubernamur. Per.
Item (659) ad Matutinos, lucescente die.
Deus, qui diem discernis a nocte, actus nostros a tenebrarum distingue caligine, ut semper quae sancta sunt meditantes, in tua jugiter luce vivamus. Per Dominum nostrum.
Alia. --Gratias tibi agimus, Domine sancte, Pater omnipotens, aeterne Deus, qui nos de transacto noctis spatio ad matutinas horas perducere dignatus es: quaesumus ut dones nobis diem hunc sine peccato transire, quatenus ad vesperum et semper tibi Deo gratias referamus. Per.
Alia. --Gratias agimus inenarrabili pietati tuae, omnipotens Deus, qui nos depulsa noctis caligine ad diei hujus principium perduxisti, et, abjecta ignorantiae caecitate, ad cultum tui nominis atque scientiam revocasti: illabere sensibus nostris, omnipotens Pater, ut in praeceptorum tuorum lumine gradientes, te ducem sequamur et principem. Per.
Alia. --Deus, qui nos ad principium hujus diei pervenire fecisti, da nobis hunc diem sine peccato transire, ut in nullo a tuis semitis declinemus; sed ad tuam justitiam faciendam nostra semper procedant eloquia. Per.
Ad primam. --Dirigere dignare, Domine sancte, Pater omnipotens, aeterne Deus, hodie corda et corpora nostra in opera mandatorum tuorum, ut in hac die ad nullum declinemus peccatum, sed semper quae sancta sunt meditemur, atque opere compleamus, et tuo ubique auxilio muniamur. Per Dominum nostrum Jesum Christum Filium tuum, qui tecum vivit et regnat Deus in unitate ejusdem Spiritus.
Missa pro peccatis.
Exaudi, quaesumus, Domine, supplicum preces, et confitentium tibi parce peccatis, ut pariter nobis indulgentiam tribuas benignus et pacem. Per Dominum nostrum.
Super oblata. --Adesto, nobis quaesumus, Domine, et preces nostras benignus exaudi, ut quod fiducia non habet meritorum, placatio obtineat Hostiarum. Per.
Praefatio. --Vere dignum et justum est, aequum et salutare, nos tibi semper et ubique gratias agere. Domine sancte, Pater omnipotens, aeterne Deus, suppliciter implorantes, ut nos ab omnibus peccatis clementer eripias, et a cunctis protegas benignus inimicis. Per Christum.
Infra actionem. --Hanc igitur oblationem, Domine, quam tibi offerimus pro peccatis atque offensionibus nostris, ut omnium delictorum nostrorum remissionem consequi mereamur, quaesumus, Domine, ut placatus accipias, diesque nostros in tua pace disponas.
204 Ad Complendum. --Praesta nobis, aeterne Salvator, ut percipientes hoc munere veniam peccatorum, deinceps peccata vitemus. Per Dominum.
Alia. --Sancta tua nos, Domine, quaesumus, a peccatis exuant, et coelestis vitae vigore confirment. Per.
Orationes tempore belli.
Omnipotens et misericors Deus, a bellorum nos, quaesumus, turbine fac quietos, quia bona nobis cuncta praestabis, si pacem dederis et mentis et corporis. Per.
Alia. --Omnipotens Deus, Christiani nominis inimicos virtute, quaesumus, tuae comprime Majestatis, ut populus tuus et fidei integritate laetetur, et temporum tranquillitate semper exsultet. Per.
Missa in tempore belli.
Deus, regnorum omnium regumque dominator, qui nos et percutiendo sanas, et ignoscendo conservas, praetende nobis misericordiam tuam, ut tranquillitate pacis, tua potestate firmata, ad remedia correctionis utamur. Per.
Alia. --Deus cujus regnum regnum est omnium saeculorum, supplicationes nostras clementer exaudi, et Christianorum regnum tibi subditum protege, ut in tua virtute fidentes, et tibi placeant, et super omnia regna praecellant. Per.
Item alia. --Deus, qui conteris bella, et impugnatores in te sperantium potentia tuae defensionis expugnas, auxiliare implorantibus misericordiam tuam, ut, omnium gentium feritate compressa, indefessa te gratiarum actione laudemus. Per.
Super oblata. --Sancrificium Domine, quod immolamus intende, ut ab omni nos exuat bellorum nequitia, et in tuae protectionis securitate constituat. Per Dominum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: te toto corde prostrati suppliciter exorantes, ut et praeteritorum nobis concedas veniam delictorum, et ab omni mortalitatis incursu continua nos miseratione protegas. Quia tunc defensionem tuam non diffidimus adfuturam, cum a nobis ea quibus te offendimus dignanter expuleris. Per Christum.
Ad Complendum. --Sacrosancti corporis et sanguinis Domini nostri Jesu Christi refectione vegetati, supplices te rogamus, omnipotens Deus, ut hoc remedio singulari ab omnium peccatorum nos contagione purifices, et a periculorum munias incursione cunctorum. Per eumdem.
205 Alia. --Protector noster aspice, Deus, et ab hostium nos defende periculis, ut, omni perturbatione submota, liberis tibi mentibus serviamus. Per Dominum.
Item alia Missa.
Hostium nostrorum, quaesumus, Domine, elide superbiam, et dexterae tuae virtute prosterne. Per.
Super Oblata. --Hujus, Domine, quaesumus, virtute mysterii, et a nostris mundemur occultis, et ab inimicorum liberemur insidiis. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens aeterne Deus: qui subjectas tibi glorificas potestates, suscipe, quaesumus, propitius preces nostras, et vires adde principibus nostris, ut qui se dextera tua expetunt protegi, nulla possint adversitate superari; fidelem quoque populum tuum potentiae tuae muniat invicta defensio, ut pio semper tibi devotus affectu, et ab infestis liberetur inimicis, et in tua jugiter gratia perseveret. Per Christum.
Ad Complendum. --Vivificet nos, quaesumus, Domine, participatio tui sancta mysterii, et pariter nobis expiationem tribuat et munimen. Per Dominum nostrum.
Item alia Missa.
Deus, qui providentia tua coelestia simul et terrena moderaris, propitiare Christianorum rebus et regibus, ut omnis hostium fortitudo, te pro nobis propugnante, frangatur. Per Dominum.
Alia. --Deus, servientium tibi fortitudo regnorum, propitius Christianorum adesto semper principibus, ut quorum tibi subjecta est humilitas, eorum ubique excellentior sit potestas. Per.
Super oblata. --Propitiare, Domine, precibus et Hostiis famulorum tuorum, et propter nomen tuum Christiani nominis defende rectores, ut salus servientium tibi principum pax tuorum possit esse populorum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: sub cujus potestatis arbitrio omnium regnorum continetur potestas, te humiliter deprecamur, ut principibus nostris propitius adesse digneris, ut qui tua expetunt protectione defendi, omnibus sint hostibus fortiores. Per Christum.
Ad Complendum. --Protege, Domine, famulos tuos subsidiis pacis et corporis, et spiritualibus enutriens eos alimentis, a cunctis hostibus redde securos. Per.
Missa pro pace.
Deus, a quo sancta desideria, recta consilia, et justa sunt opera, 206 da servis tuis illam, quam mundus non potest dare pacem, ut et corda nostra mandatis tuis dedita, et hostium sublata formidine, tempora sint tua protectione tranquilla. Per.
Alia. --Deus conditor mundi, sub cujus arbitrio saeculorum ordo decurritur, adesto invocationibus nostris, et tranquillitatem pacis praesentibus concede temporibus, ut in laudibus misericordiae tuae incessabili exsultatione laetemur. Per.
Super oblata. --Deus, qui credentes in te populos nullis sinis concuti terroribus, dignare preces et Hostias dicatae tibi plebis suscipere, ut pax tua pietate concessa Christianorum fines ab omni hoste faciat esse securos. Per Dominum.
Ad Complendum. --Deus auctor pacis et amator, quem nosse vivere, cui servire regnare est, protege ab omnibus impugnationibus supplices tuos, ut qui in defensione tua fidimus, nullius hostilitatis arma timeamus. Per.
Alia. --Deus, qui misericordiae tuae potentis auxilio, et prospera tribuis, et adversa depellis, universa obstacula quae servis tuis adversantur expugna, ut, remoto terrore bellorum, et libertas secura, et religio sit quieta. Per.
Missa pro quacunque tribulatione.
Deus infinitae misericordiae, et bonitatis immensae, propitiare iniquitatibus nostris, et omnibus animarum nostrarum medere languoribus, ut, peccatorum nostrorum remissione percepta, semper in tua benedictione laetemur. Per.
Super oblata. --Tuere nos, Domine, divinis propitius sacramentis, et, ut his congrue famulemur, eorum praesta potenter effectu. Per eumdem.
Benedictio. --Deus, moestorum solatium, tribulatorum refugium, suo vos brachio foveat, et ab imminentibus periculis illaesos miseratus efficiat. Amen. Dexterae suae vos omnipotentis clypeo muniat, et muro suae inexpugnabili fortitudinis ab instanti tribulatione circumtegat. Amen. Iram suae animadversionis a vobis propitiatus avertat, et, portum vobis salutis indulgens, in suae vos protectionis interritos securitate constituat. Amen. Quod ipse praestare.
Ad Complendum. --Muniat, quaesumus, Domine, fideles tuos sumpti vivificatio sacramenti, et a vitiis omnibus expeditos in sancta faciat esse devotione currentes. Per.
Item alia Missa.
Deus, sub cujus oculis omne cor trepidat, et omnes conscientiae pavescunt, propitiare omnium doloribus gementium, et cunctorum medere vulneribus, ut sicut nemo nostrum liber a culpa est, ita nemo sit alienus a venia. Per.
207 Alia. --Omnipotens sempiterne Deus, qui timore sentiris, dilectione coleris, confessione placaris, misericordiam tuam effunde supplicibus, ut qui de meritorum qualitate diffidimus, non judicium tuum, sed indulgentiam sentiamus. Per.
Super oblata. --Suscipe, Domine, propitiatus Hostias quibus et te placari voluisti, et nobis salutem patientia pietatis tuae restitui. Per.
Ad Complendum. --Quos munere coelesti reficis, Domine, divino tuere praesidio, ut, tuis mysteriis perfruentes, nullis subdamur adversis. Per.
Item alia Missa.
Deus humilium consolator, et fidelium fortitudo, propitius esto supplicibus, et da ut humana fragilitas, quae per se proclivis est ad labem, per te semper reparetur ad veniam. Per.
Alia. --Suscipe, misericors Domine, supplicum preces, et secundum multitudinem indulgentiarum tuarum ab omnibus nos absolve peccatis, ut ad omnia pietatis opera, te parcente, reparemur; et quos venia feceris innocentes, auxilio facias efficaces.
Super oblata. --Haec Hostia, Domine, quaesumus, et ab occultis Ecclesiam tuam reatibus semper expediat, et manifestis convenienter expurget. Per.
Ad Complendum. --Purificent nos, Domine, sacramenta quae sumpsimus, et a cunctis efficiant vitiis absolutos. Per.
Item alia Missa.
Quaesumus clementiam tuam, omnipotens Deus, ut ubi nulla fiducia suppetit actionum, gratia tua copiosa resplendeat, et cum delicta remittit indignis, et cum beneficia praestat immeritis. Per Dominum.
Alia. --Misericors et miserator Domine, qui nos parcendo sustentas, et ignoscendo sanctificas, dona veniam peccatis nostris, et sacramentis coelestibus servientes ab omni culpa liberos esse concede. Per Dominum.
Super oblata. --Hostias tibi, Domine, placationis offerimus, ut et delicta nostra miseratus absolvas, et nutantia corda tu dirigas. Per Dominum.
Ad Complendum. --Supplices te rogamus, omnipotens Deus, ut quos tuis reficis sacramentis, tibi placitis moribus dignanter informes. Per Dominum.
Oratio tempore (quod absit) mortalitatis.
Ecclesiae tuae, quaesumus, omnipotens Deus, placatus intende conventum; et misericordia tua nos potius quam ira praeveniat, quia si iniquitates 208 nostras observare volueris, nulla poterit creatura subsistere; sed admirabili pietate, qua nos fecisti, ignosce peccantibus, ut opera manuum tuarum non facias interire. Per.
Alia. --Exaudi, Domine, preces nostras, et ne velis cum servis tuis adire judicium, quia sicut in nobis nulla justitia reperitur, de qua praesumere valeamus, ita te fontem pietatis agnoscimus, a quo et a peccatis nostris nos absolvi, et a necessitatibus liberari confidimus. Per Dominum.
Super oblata. --Per haec, quaesumus, veniat, Domine, sacramenta nostrae redemptionis effectus, qui nos et ab humanis retrahat semper excessibus, et ad salutaria cuncta perducat. Per Dominum nostrum.
Ad Complendum. --Hujus operatio nos, Domine, sacramenti, quaesumus, purificet semper et muniat. Per.
Item alia Missa.
Deus, cujus misericordia coelestium quoque virtutum indigent potestates, et in cujus conspectu nullus est hominum absque sorde, et poena peccati, delicti populi, quaesumus, averte propitiatus, ut quos propriae conscientiae reatus accusat bonitatis tuae patientia faciat veniam promereri. Per Dominum nostrum.
Alia. --Deus, cujus tanta est excellentia pietatis, ut, uno peccatore converso, maximum gaudium facias in coelis haberi, respice in exiguam populi portionem, ut, omni depulsa vexatione, haereditas tua et numero augeatur, et devotione proficiat. Per Dominum nostrum.
Super oblata. --Protegat nos, Domine, quaesumus, Hostia salutaris, et quae ad honorem nominis tui immolatur, nobis prosit ad veniam. Per.
Ad Complendum. --Sancta tua, nos, Domine, sumpta vivificent, et misericordiae sempiternae praeparent expiatos. Per Dominum.
Item alia Missa.
Exaudi, Domine, quaesumus, populum tuum de tua misericordia malorum suorum veniam supplicantem, et quia potens es dimittere peccata, supplicia quae nostris meremur operibus potentia tuae pietatis averte. Per.
Alia. --Iram tuam, quaesumus, Domine, a populo tuo miseratus averte, quam nostris quidem meremur operibus, sed humana fragilitate sustinere non possumus, illa nos itaque contine pietate, quam praestare soles indignis. Per.
Super oblata. --Concede nobis, Domine, quaesumus, ut haec Hostia salutaris, et nostrorum fiat purgatio peccatorum, et tuae propitiatio potestatis. Per.
209 Ad Complendum. --Plebem nomini tuo subditam, Domine, propitius intuere, et ei tuas consolationes jugiter per coelestem gratiam dignanter operare. Per Dominum.
Item alia Missa.
Deus, qui non mortem, sed poenitentiam desideras peccatorum, populum tuum, quaesumus, ad te converte propitius, ut dum tibi devotus exstiterit, iracundiae tuae ab eo flagella amoveas. Per.
Alia. --Populum tuum, quaesumus, omnipotens Deus, ab ira tua ad te confugientem paterna recipe pietate, ut qui tuae Majestatis flagella formidant, de tua mereantur venia gratulari. Per.
Super oblata. --Subveniat nobis, Domine, quaesumus, sacrificii praesentis operatio, quae nos et ab erroribus universis potenter absolvat, et a totius eripiat perditionis incursu. Per Dominum
Ad Complendum. --Tuere nos, Domine, quaesumus, tua sancta sumentes, et ab omni propitius iniquitate defende. Per.
Alia. Exaudi nos, Domine Deus noster, et, intercedente beato martyre tuo Ill., populum tuum et ab iracundiae tuae terroribus libera, et misericordiae tuae fac largitate securum. Per Dominum nostrum.
Orationes ad pluviam postulandam.
Terram tuam, Domine, quam videmus nostris iniquitatibus tabescentem, coelestibus aquis infunde; atque irriga beneficiis gratiae sempiternae. Per Dominum
Alia. --Da nobis, Domine, quaesumus, pluviam salutarem, et aridam terrae faciem fluentis coelestibus dignanter infunde. Per Dominum nostrum.
Alia. --Omnipotens sempiterne Deus, qui salvas omnes, et neminem vis perire, aperi fontem benignitatis tuae, et terram aridam aquis fluenti coelestis dignanter infunde. Per.
Alia. --Delicta nostra, Domine, nos ipsi cognoscimus, ut ipsius terrae foeditas monstrat transgressionis excessus; tu autem, piissime Pater, qui coelum clausisti contumacibus et ingratis, reseratum humilibus et contritis concede deprecantibus subsidia pluviarum, et largire moerentibus abundantiam. Per Dominum.
Alia. --In afflictione maxima constitutis consolationem tribue, fons largissimae pietatis: descendat, quaesumus, pluvia salutaris, ut omnia quae sub coelo sunt irrigentur ab aquis; pasce servos tuos imbribus consuetis, quos ad laudem tuae creare dignatus es Majestatis. Per.
210 Alia. --Omnipotens Deus, qui solus aquas emittis e coelis, dona servis tuis beneficium pluviae salutaris, ut quod facinore nostro suspenditur, tuo jam gratuito munere prorogetur. Per.
Missa ad pluviam postulandam.
Deus, in quo vivimus, movemur et sumus, pluviam nobis tribue congruentem, ut, praesentibus subsidiis sufficienter adjuti, sempiterna fiducialius appetamus. Per.
Alia. --Delicta fragilitatis nostrae, Domine, quaesumus, miseratus absolve, et aquarum subsidia praebe coelestium, quibus terrena conditio vegetata subsistat. Per.
Super oblata. --Oblatis, Domine, placare muneribus, et opportunum nobis tribue pluviae sufficientis auxilium. Per Dominum nostrum.
Ad Complendum. --Tuere nos, quaesumus, Domine, tua sancta sumentes, et ab omnibus propitius absolve peccatis. Per Dominum.
Item alia Missa.
Omnipotens sempiterne Deus, cujus munere elementa omnia recreantur, reminiscere miserationum tuarum, et salutiferos imbres humano generi concede propitius, quatenus fecunditatis tuae alimoniis omnis terra laetetur. Per.
Super oblata. --Placare, Domine, muneribus semper acceptis, et diuturnam tempera diffusis imbribus siccitatem. Per Dominum nostrum.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: obsecrantes misericordiam tuam, ut squalentes agri fecundis imbribus irrigentur quibus pariter aestivi mitigentur ardores, et saevientium morborum restinguatur accensio, ac salus hominibus, jumentisque proveniat; atque ut haec, te largiente, mereamur, peccata, quae nobis adversantur, relaxa; qui pluis super justos et injustos, etiam nostris offensionibus relaxatis, exspectata nubium munera largiaris, quibus et salus nobis, et alimenta praestentur. Per Christum.
Ad Complendum. --Precibus populi tui, quaesumus, Domine, placatus aspira, ut veniam tribuas humanis excessibus, et opem miseris benignus impendas. Per Dominum nostrum.
Orationes ad poscendam serenitatem.
Domine Deus, qui in ministerio aquarum salutis tuae nobis sacramenta sanxisti, exaudi orationem populi tui, et jube terrores inundantium cessare pluviarum, flagellumque hujus elementi ad 211 effectum tui converte mysterii, ut qui se regenerantibus aquis gaudent renatos, gaudeant his castigantibus esse correctos. Per.
Alia. --Quaesumus, omnipotens Deus, clementiam tuam, ut inundantiam coerceas imbrium, et hilaritatem tui vultus nobis impertiri digneris. Per Dominum.
Missa ad poscendam serenitatem.
Ad te nos, Domine, clamantes exaudi, et aeris serenitatem nobis tribue supplicantibus, ut qui pro peccatis nostris juste affligimur, misericordia tua praeveniente, clementiam sentiamus. Per Dominum nostrum.
Super oblata. --Praeveniat nos, quaesumus, Domine, tua gratia semper, et subsequatur, et has oblationes, quas pro peccatis nostris nomini tuo consecrandas deferimus, benignus assume, ut per intercessionem sanctorum tuorum cunctis nobis proficiant ad salutem. Per.
Ad Complendum. --Plebs tua, Domine, capiat sacrae benedictionis augmentum, et copiosis beneficiorum tuorum sublevetur auxiliis, quae tantis intercessionum deprecationibus adjuvatur. Per.
Oratio ad repellendam tempestatem.
Deus, qui omnium rerum tibi servientium naturam per ipsos motus aeris ad cultum tuae Majestatis instituis, tranquillitatem nobis misericordiae tuae remotis largire terroribus, ut cujus iram expavimus, clementiam sentiamus. Per.
Oratio contra fulgura.
Omnipotens sempiterne Deus, parce metuentibus, et propitiare supplicibus, ut post noxios ignes nubium, et vim procellarum, in materiam transeat laudis comminatio potestatis. Per.
Alia. --Deus, cujus imperio nihil non verbo regitur, nihil non oratione mutatur, parce metuentibus, propitiare supplicibus, ut post noxios ignes nubium, et turbines procellarum, in materiam transeat laudis comminatio potestatis. Per Dominum nostrum.
Oratio pro fratribus in via dirigendis.
Deus, qui diligentibus te misericordiam tuam semper impendis, et a servientibus tibi nulla es regione longinquus, dirige viam famuli tui Ill. in voluntate tua, ut te protectore, et te praeduce, 212 per justitiae semitas sine offensione gradiatur. Per Dominum.
Alia. --Exaudi, Domine, preces nostras, et iter famuli tui Ill. propitius comitare, eique misericordiam tuam, sicut ubique es, ita ubique largire, quatenus, ab omnibus adversitatibus tua opitulatione defensus, justorum desideriorum potiatur effectibus, et tibi gratiarum referat actionem. Per.
Alia. --Deus, qui ad vitam ducis, et confidentes in te paterna protectione custodis, quaesumus ut praesenti famulo tuo a nobis egredienti angelicum tribuas comitatum, ut, ejus auxilio protectus, nullius mali concutiatur formidine, nullo comprimatur adversitatis angore, nullis irruentis inimici molestetur insidiis; sed, spatiis necessarii itineris prospero gressu peractis, propriisque locis feliciter restitutus, universos reperiat sospites, ac debitas exsolvat tuo nomini gratias. Per Dominum.
Missa pro iter agentibus.
Adesto, Domine, supplicationibus nostris, et viam famuli tui Ill. in salutis tuae prosperitate dispone, ut inter omnes viae et vitae hujus varietates tuo semper protegatur auxilio. Per Dominum.
Super oblata. --Propitiare, quaesumus, Domine, supplicationibus nostris, et oblationes has quas tibi offerimus pro famulo tuo Ill. benignus assume, ut viam illius et praecedente gratia tua dirigas, et subsequente comitari digneris, ut de actu atque incolumitate ejus secundum misericordiae tuae praesidia gaudeamus. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens aeterne Deus: a quo deviare mori, coram quo ambulare vivere est. Qui fideles tuos in tua via deducis, et miseratione gratissima in veritatem inducis; qui Abrahae, Isaac et Jacob in praesentis viae et vitae curriculo, custos, dux et comes esse voluisti, et famulo tuo Tobiae angelum praevium praeparasti; cujus immensam misericordiam humillimis precibus imploramus, ut iter famuli tui Ill. cum suis in prosperitate dirigere, eumque inter viae et vitae hujus varietates digneris custodire, quatenus, angelorum tuorum praesidio fultus, intercessione quoque sanctorum tuorum munitus, a cunctis adversitatibus tua miseratione defensus, profectionis et reversionis suae felicitate potitus, et compos reddatur justorum votorum, et de suorum laetetur remissione peccatorum. Per Christum.
213 Benedictio. --Dirigat iter vestrum Dominus in beneplacito suo, vobisque inseparabiliter benignissimus custos inhaereat. Amen. Ducem vobis archangelum Raphaelem adhibeat, et omnem a vobis incommoditatem contrarietatemque propitiatus amoveat. Amen. Desideriorum vestrorum pia vota clementer impleat, ut et hic bona consequi, et ad aeternam beatitudinem pervenire feliciter mereamini. Amen. Quod ipse praestare.
Ad Complendum. --Deus infinitae misericordiae et Majestatis immensae, quem nec spatia locorum, nec intervalla temporum ab his quos tueris disjungunt, adesto famulo tuo Ill. in te ubique fidenti, et per omnem quam iturus est viam dux ei et comes esse dignare; nihil illi adversitatis noceat, nihil difficultatis obsistat; cuncta ei salubria, cuncta sint prospera; et, sub ope dexterae tuae, quidquid justo expetierit desiderio, celeri consequatur effectu. Per.
Orationes ad (660) clericum faciendum.
Oremus, dilectissimi fratres, Dominum nostrum Jesum Christum pro hoc famulo suo Ill., qui ad deponendam comam capitis sui pro ejus amore festinat, ut donet ei Spiritum sanctum, qui habitum religionis in eo perpetuum conservet, et a mundi impedimento, vel saeculari desiderio cor ejus defendat, ut sicut immutatur in vultu, ita manus dextera ejus ei virtutis tribuat incrementa, et ab omni caecitate spiritali oculos ejus aperiat, et lumen ei aeternae gloriae concedat. Qui vivit cum Deo Patre in unitate ejusdem Spiritus sancti Deus. Per omnia saecula saeculorum.
Item alia. --Adesto, Domine, supplicationibus nostris, et hunc famulum tuum benedicere dignare, cui in tuo sancto nomine habitum sacrae religionis imponimus, ut, te largiente, et devotus in Ecclesia persistere, et vitam percipere mereatur aeternam. Per Dominum.
Dum tondes eum dicis Antiphonam Tu es, Domine, qui restitues mihi haereditatem meam. Vers. Dominus pars haereditatis meae, et Gloria. Item alia Antiphona, Haec est generatio, et Gloria. Item alia Antiphona, Hic accipiet benedictionem.
Oratio post tonsionem. --Praesta, omnipotens Deus, huic famulo tuo Ill. cujus hodie capitis comam pro divino amore deposuimus, ut in tua dilectione perpetuo maneat et eum sine macula in sempiternum custodias. Per Dominum.
Orationes et preces super (661) poenitentem confitentem peccata sua more solito.
(662) Exaudi, Domine, preces nostras, et tibi confitentium parce peccatis, ut quos conscientiae reatus accusat, indulgentia tuae miserationis absolvat. Per Dominum.
214 Alia. --(663) Praeveniat hunc famulum tuum, quaesumus, Domine, misericordia tua, ut omnes iniquitates ejus celeri indulgentia deleantur. Per.
Alia. --(664) Adesto, Domine, supplicationibus nostris, nec sit ab hoc famulo tuo clementiae tuae longinqua miseratio. Sana vulnera, ejusque remitte peccata, ut, nullis a te iniquitatibus separatus, tibi Domino semper valeat adhaerere. Per.
Alia. --(665) Domine Deus noster, (666) qui offensione nostra non vinceris, (667) sed satisfactione placaris, respice, quaesumus, ad hunc famulum qui se tibi peccasse graviter confitetur. Tuum est ablutionem criminum dare, et veniam praestare peccantibus, qui dixisti poenitentiam te malle peccatorum quam mortem. Concede ergo, Domine, hoc (668) ut tibi poenitentiae excubias celebret, et correctis actibus suis, conferri sibi a te sempiterna gaudia gratuletur. Per.
Alia. --(669) Precor, Domine, (670) clementiam tuae Majestatis ac nominis, ut huic famulo tuo peccata et facinora sua confitenti veniam dare, et praeteritorum criminum debita relaxare digneris, qui humeris filii tui ovem perditam reduxisti (671) ad caulas; (672) qui publicani precibus vel confessione placatus es. Tu etiam, Domine, et huic famulo tuo placare, tu ejus precibus benignus (673) assiste, ut, in confessione flebili (674) permanens, clementiam tuam celeriter exoret, et, (675) sanctis altaribus restitutus, spei rursus aeternae et coelesti gloriae (676) reformetur. Per eumdem Dominum nostrum.
(677) Orationes ad reconciliandum poenitentem.
(678) Adesto, Domine, supplicationibus nostris, et me, qui etiam misericordia tua primus indigeo, clementer exaudi; et quem non electione meriti, sed dono gratiae tuae constituisti operis hujus ministrum, da fiduciam tui muneris exsequendi, et ipse in nostro ministerio quod tuae pietatis est operare. Per Dominum.
Alia. --(679) Praesta, quaesumus, Domine, huic famulo tuo dignum poenitentiae fructum, ut Ecclesiae tuae sanctae a cujus integritate deviarat peccando, admissorum reddatur innoxius veniam consequendo. Per Dominum nostrum.
Item alia. --Deus, humani generis benignissime conditor, et misericordissime reformator, qui hominem invidia diaboli ab aeternitate dejectum unici Filii tui sanguine redemisti, vivifica hunc famulum, quem tibi nullatenus mori desideras, et qui non derelinquis devium, assume correctum. Moveant pietatem tuam, quaesumus, Domine, hujus famuli tui lacrymosa suspiria. Tu ejus medere vulneribus, 215 tu jacenti manum porrige salutarem, ne Ecclesia tua aliqua sui corporis portione vastetur, ne grex tuus detrimentum sustineat, ne de familiae tuae damno inimicus exsultet, ne renatum lavacro salutari mors secunda possideat. Tibi ergo, Domine, supplices preces, tibi fletum cordis effundimus, tu parce confitenti, ut sic in hac mortalitate peccata sua, te adjuvante, defleat, qualiter in tremendi judicii die sententiam damnationis aeternae evadat; et nesciat quod terret in tenebris, quod stridet iu flammis, atque, ab erroris via ad iter reversus justitiae, nequaquam ultra vulneribus saucietur; sed integrum sit ei atque perpetuum, et quod gratia tua contulit, et quod misericordia reformavit. Per eumdem Dominum nostrum Jesum.
Missa (680) pro episcopo defuncto.
Da nobis, Domine, ut animam famuli tui Ill. episcopi, quam de saeculi educis laborioso certamine, sanctorum tuorum coetui tribuas esse consortem. Per.
Super oblata. --Annue nobis, Domine, ut animae famuli tui Ill. episcopi haec prosit oblatio, quam immolando, totius mundi tribuisti relaxari delicta. Per Dominum nostrum.
Infra actionem. --Hanc igitur oblationem, quam tibi offerimus pro commemoratione depositionis animae famuli tui Ill. episcopi, quaesumus, Domine, ut placatus accipias; et quem in corpore constitutum sedis apostolicae gubernaculo praeesse voluisti, in electorum tuorum numero constitue sacerdotum; diesque nostros.
Super diptycha. --Memento etiam, Domine, famulorum tuorum Ill., qui nos praecesserunt, et dormiunt in somno pacis.
(681) Item post lectionem. --Istis, Domine, et omnibus in Christo quiescentibus, locum refrigerii, lucis et pacis indulgentiam deprecamur. Per Christum.
Ad Complendum. --His sacrificiis, quaesumus, omnipotens Deus, purgata anima famuli tui Ill. episcopi ad indulgentiam et refrigerium sempiternum pervenire mereatur.
Item Missa pro episcopo defuncto.
Deus, qui inter apostolicos sacerdotes famulum tuum Ill. episcopum censeri fecisti, praesta, quaesumus, ut quorum vicem gerebat ad horam in terris, eorum perpetuo consortio laetetur in coelis. Per.
Super oblata. --Haec oblatio, Domine, quaesumus, animam famuli tui Ill. episcopi omnibus vitiis humanae conditionis absolvat, quae totius mundi tulit etiam immolata peccatum. Per.
216 Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: devotis clementiam tuam mentibus obsecrantes, ut animam Ill. episcopi in electorum tibimet pontificum numero jubeas consistere gaudentem, ut qui hic tuo pro eis supplex deserviebat altari, gloriosa illic cum eis tua gratuletur et laude. Per Christum Dominum nostrum.
Infra actionem. --Hanc igitur oblationem servitutis nostrae, quam tibi offerimus pro commemoratione animae famuli tui Ill. episcopi, quaesumus, Domine, placatus accipias, et cum praesulibus apostolicae dignitatis, quorum est secutus officium, habere tribuas sempiternae beatitudinis portionem, atque inter summi pastoris efficias praecipua membra censeri; diesque nostros.
Ad Complendum. --Da veniam, Domine, quaesumus, per haec sancta mysteria, animae famuli tui Ill. episcopi, ut occursu non terreatur malo, sed tuo protegatur auxilio. Per.
Alia. --Praesta, quaesumus, omnipotens Deus, ut anima famuli tui Ill. episcopi, quam in hoc saeculo commorantem sacris muneribus decorasti, coelesti sede gloriosa exsultet. Per Dominum.
Item alia pro episcopo defuncto.
Suscipe, Domine, quaesumus, preces nostras pro anima famuli tui Ill. episcopi, ut in pontificum tibimet placitorum perpetua sede laetetur. Per.
Super oblata. --Offerimus, Domine, hostias placationis, et laudis, ut perpetuae misericordiae largitate, animam famuli tui Ill. episcopi in lucis aeternae facias regione gaudere.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: ineffabilem tuae clementiae potentiam suppliciter exorantes, ut famulus tuus Ill., beatorum tabernaculis constitutus, evasisse se carnales glorietur angustias, diemque judicii cum voto gratulationis exspectet. Per Christum Dominum nostrum.
Infra actionem. --Hanc igitur oblationem, quam tibi offerimus pro anima famuli tui Ill. episcopi, quaesumus, Domine, ut placatus accipias; et quem tuis altaribus servire tribuisti, ad beatorum pertinere jubeas consortia sacerdotum; diesque nostros.
Ad Complendum. --Quaesumus, omnipotens Deus, ut animam famuli 217 tui Ill. episcopi in congregatione justorum aeternae beatitudinis jubeas esse consortem. Per Dominum nostrum.
Alia Missa pro episcopo defuncto.
Deus, qui inter apostolicos sacerdotes famulum tuum Ill. sacerdotali fecisti dignitate vigere, praesta, quaesumus, ut eorum quoque perpetuo aggregetur consortio. Per.
Super oblata. --Suscipe, Domine, quaesumus, pro anima famuli tui Ill. sacerdotis, quas offerimus hostias, ut pontificale cui donasti meritum, dones et praemium. Per Dominum.
Ad Complendum. --Preces nostras, quaesumus, Domine, quas in famuli tui Ill. episcopi depositione deferimus, propitiatus exaudi, ut qui nomini tuo ministerium fidele dependit, perpetua sanctorum societate laetetur. Per Dominum.
Missa pro episcopo defuncto.
Deus, qui inter apostolicos sacerdotes famulum tuum Ill. pontificali fecisti dignitate vigere, praesta, quaesumus, ut eorum et perpetuo aggregetur consortio. Per Dominum nostrum.
Super oblata. --Haec oblatio, Domine Deus, animam famuli tui Ill. ab omnibus vitiis humanae conditionis absolvat, quae totius mundi tollit etiam immolata peccatum. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus: devotis clementiam tuam mentibus obsecrantes, ut animam famuli tui Ill. in electorum tibimet pontificum numero gaudeas consistere gaudendo, ut qui tuo pro eis supplex deserviebat altari, gloriosa illic cum eis gratuletur laude. Per Christum Dominum nostrum.
Ad Complendum. --Deus, cujus misericordiae non est numerus, suscipe pro anima famuli tui Ill. sacerdotis preces nostras, et lucis ei laetitiaeque regionem in sanctorum tuorum societate concede. Per Dominum nostrum.
Missa pro sacerdote defuncto.
Praesta, quaesumus, Domine, ut anima famuli et sacerdotis tui Ill. quam in hoc saeculo commorantem sacris muneribus decorasti, coelesti sede gloriosa semper exsultet. Per Dominum.
Super oblata. --Suscipe, Domine, quaesumus, hostias pro anima famuli et sacerdotis tui Ill., ut cui pontificale donasti praemium, dones et meritum. Per Dominum.
218 Ad Complendum. --Praesta, quaesumus, omnipotens Deus, ut animam famuli et sacerdotis tui Ill. in congregatione justorum aeternae beatitudinis jubeas esse consortem. Per Dominum.
Missa unius defuncti.
Omnipotens sempiterne Deus, cui nunquam sine spe misericordiae supplicatur, propitiare animae famuli tui Ill., ut qui de hac vita in tui nominis confessione discessit, sanctorum tuorum numero eum facias aggregari. Per Dominum nostrum.
Super oblata. --Propitiare, quaesumus, Domine, animae famuli tui, Ill., pro qua tibi hostias placationis offerimus; et quia in hac luce in fide mansit catholica, in futura vita ejus retributio condonetur. Per Dominum nostrum.
Ad Complendum. --Praesta, quaesumus, omnipotens Deus, ut animam famuli tui Ill. ab angelis lucis susceptam in praeparata habitacula deduci facias beatorum. Per Dominum.
Missa in die depositionis defuncti, (682) sive tertio, septimo trigesimoque.
Adesto, Domine, quaesumus, pro anima famuli tui Ill., cujus in depositione sua officium commemorationis impendimus, ut si aliqua ei saecularis macula inhaesit, aut vitium mundiale infecit, dono tuae pietatis indulgeas, et extergas. Per Dominum nostrum.
Alia. --Quaesumus, Domine, famulo tuo Ill., cujus tertium, vel septimum sive trigesimum obitus sui diem commemoramus, sanctorum tuorum atque electorum largire consortium, et rorem ei misericordiae tuae perennem infunde. Per.
Super oblata. --Adesto, Domine, supplicationibus nostris; et hanc oblationem, quam tibi offerimus ob diem depositionis tertium, vel septimum, sive trigesimum, pro anima famuli Ill., placatus ac benignus assume.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, per Christum Dominum nostrum. Per quem salus mundi, per quem vita hominum, per quem resurrectio mortuorum. Per ipsum te, Domine, suppliciter deprecamur, ut animae famuli tui Ill., cujus diem depositionis tertium, vel septimum, sive trigesimum celebramus, indulgentiam largiri digneris perpetuam, atque contagiis mortalitatis exutam in aeternae salvationis partem restituas. Per quem Majestatem.
219 Ad Complendum. --Omnipotens sempiterne Deus, collocare dignare corpus et animam famuli tui Ill., cujus diem depositionis tertium, aut septimum, vel trigesimum, celebramus, in sinibus Abrahae, Isaac et Jacob, ut cum dies agnitionis tuae venerit, inter sanctos et electos tuos eum resuscitari praecipias. Per Dominum nostrum.
Missa in anniversario unius defuncti.
Praesta, Domine, quaesumus, ut anima famuli tui Ill., cujus anniversarium depositionis diem celebramus, his purgata sacrificiis, indulgentiam pariter et requiem capiat sempiternam. Per Dominum.
Super oblata. --Propitiare, Domine, supplicationibus nostris pro anima et spiritu famuli tui Ill., cujus hodie annua dies agitur, pro qua tibi offerimus sacrificium laudis, ut eam sanctorum tuorum consortio sociare digneris. Per Dominum.
Ad Complendum. --Suscipe, Domine; preces nostras, pro anima famuli tui Ill., ut si quae ei maculae de terrenis contagiis adhaeserunt, remissionis tuae remedio deleantur.
Missa plurimorum defunctorum.
Propitiare, quaesumus, Domine, animabus famulorum famularumque tuarum Ill. et Ill. misericordia sempiterna, ut, mortalibus nexibus expeditas lux eas aeterna possideat. Per.
Super oblata. --Hostias tibi, Domine, humili placatione deferimus, ut animae famulorum famularumque tuarum per haec placationis officia tuam misericordiam consequantur. Per.
Ad Complendum. --Inveniant, quaesumus, Domine, animae famulorum famularumque tuarum Ill. et Ill., omniumque in Christo quiescentium, lucis aeternae consortium, qui in hac luce positi tuum consecuti sunt sacramentum. Per.
(683) INCIPIT ORDO (684) AD SACROS ORDINES BENEDICENDOS. (685) Majores gradus ante Evangelium, minores vero post Communionem dantur; et (686) minores quidem Dominicis diebus, si necesse est, (687) majores vero in Sabbatis duodecim lectionum per quatuor tempora tantummodo.
Ordinatio ostiarii.
(688) Ostiarius cum ordinatur, postquam (689) ab archidiacono instructus fuerit qualiter in domo Dei 220 debeat conversari, ad suggestionem archidiaconi (690) tradat ei episcopus claves ecclesiae, dicens: Sic age, quasi redditurus Deo rationem pro his rebus quae istis clavibus recluduntur. (691) Et tradat ei diaconus ostium ecclesiae.
Praefatio ostiarii. --(692) Deum Patrem omnipotentem suppliciter deprecemur, ut hunc famulum suum Ill. benedicere dignetur, quem in officium ostiarii eligere dignatus est, ut sit ei fidelissima cura in diebus ac noctibus, (693) ad distinctionem horarum certarum ad invocandum nomen Domini, adjuvante Domino nostro Jesu Christo, qui cum eo vivit et regnat Deus in unitate Spiritus sancti, per omnia saecula saeculorum. Amen.
(694) Benedictio ejusdem. --Domine sancte, Pater omnipotens, aeterne Deus, benedicere digneris hunc famulum tuum, Ill. ostiarium, ut inter janitores Ecclesiae (695) paret obsequia, et inter electos tuos partem tuae mereatur habere mercedis. Per Dominum nostrum.
Ordinatio lectoris.
(696) Lector cum ordinatur, faciat (697) de illo verbum episcopus ad plebem, indicans ejus fidem ac vitam, atque ingenium; post haec, spectante plebe, (698) tradat ei Codicem, de (699) quo lecturus sit, dicens:
(700) Accipe, et esto verbi Dei relator, habiturus, si fideliter et utiliter impleveris officium, partem cum his qui verbum Dei ministraverunt; eligunt te fratres tui ut sis lector in domo Dei tui, et agnoscas officium tuum, et impleas illud; potens est enim Deus ut augeat tibi gratiam.
Benedictio lectoris. --(701) Domine sancte, Pater omnipotens, aeterne Deus, benedicere digneris famulum tuum hunc in officium lectoris, ut assiduitate lectionum, (702) distinctus atque (703) ordinatus, et agenda dicat, et dicta opere compleat, et in utroque sanctae Ecclesiae consulat. Per Dominum.
Ordinatio exorcistae.
(704) Exorcista, cum (705) ordinatur, accipiat de manu episcopi libellum, in quo scripti sunt exorcismi, dicente sibi episcopo.
(706) Accipe, et commenda memoriae, et (707) habeto potestatem imponendi manum super energumenum, sive baptizatum, sive catechumenum.
(708) Praefatio exorcistae. --(709) Deum Patrem omnipotentem supplices deprecemur, ut hunc famulum suum Ill. benedicere dignetur in officium exorcistae: ut sit spiritalis imperator ad abjiciendos daemones de corporibus obsessis, cum omni nequitia eorum multiformi, adjuvante Domino nostro Jesu Christo. Qui cum eo vivit et regnat Deus in unitate Spiritus sancti.
221 Benedictio exorcistiae. --(710) Domine sancte, Pater omnipotens, aeterne Deus, benedicere digneris hunc famulum tuum Ill. in officium exorcistae, et ad impositionem manuum et oris officium eum eligere digneris, ut imperium habeat (711) spirituum immundorum coercendorum, et (712) probabilis sit medicus Ecclesiae, (713) gratiae curationum virtute confirmatus. Per Dominum.
Ordinatio acolythi.
(714) Acolythus, cum ordinatur, (715) primum ab episcopo doceatur qualiter in officio suo agere debeat; sed (716) ab archidiacono accipiat ceroferarium cum cereo, ut sciat se ad (717) accedenda ecclesiae luminaria mancipari, (718) ita sibi dicente.
(719) Accipite hoc gestatorium luminis, ut per illud valeatis adversariorum tenebras effugare, et verissimum lumen, quod illuminat omnem hominem venientem in mundum, fideliter invenire.
(720) Accipiat et urceolum vacuum (721) ad fundendum (722) vinum in Eucharistia corporis.
Benedictio acolythi. --(723) Omnipotens sempiterne Deus, fons lucis, et origo bonitatis, qui per Jesum Christum Filium tuum, lumen verum, mundum illuminasti, ejusque passionis mysterio redemisti, benedicere dignare hunc famulum tuum, quem in acolythi officium consecramus, poscentes tuam clementiam, ut ejus mentem et lumine scientiae illustres, et pietatus tuae rore irriges, ut ita perceptum ministerium peragat, qualiter ad aeternam remunerationem pervenire mereatur. Per eumdem Dominum nostrum.
(724) Ordinatio subdiaconi.
Capitulum sancti Gregorii. --(725) Sicut qui invitatus renuit, quaesitus refugit, sacris est altaribus (726) removendus, sic qui ultro ambit, vel importunum se ingerit, est procul dubio repellendus; nam qui nititur ad altiora conscendere, quid agit, nisi ut crescendo decrescat? Cur non perpendit quia benedictio illi in maledictum convertitur, qui ad hoc ut fiat haereticus promovetur?
(727) Subdiaconus cum ordinatur, quia manus impositionem non accipit, (728) patenam de manu episcopi accipiat vacuam, et calicem vacuum: de manu archidiaconi accipiat (729) urceolum cum (730) aquamanili, ac (731) manutergium. Exhibeatur in conspectu episcopi patena et calix vacuus, et dicat episcopus:
(732) Vide, cujus ministerium tibi traditur; et ideo si usque nunc fuisti tardus ad Ecclesiam, amodo debes esse assiduus; si usque nunc somnolentus, amodo vigil; si usque nunc ebriosus, amodo sobrius; si usque nunc inhonestus, amodo castus. Oblationes quae veniunt in altare panes propositionis appellantur. De ipsis oblationibus tantum debet in altari poni quantum populo possit sufficere, 222 ne aliquid putridum in sacrario remaneat. Pallae vero (733) quae sunt in substratorio, in alio vase debent lavari, in (734) alio corporales pallae. Ubi pallae corporales lavatae fuerunt, nullum linteamen ibidem aliud debet lavari; ipsa aqua in baptisterio debet vergi. Ideo; te admoneo, tu talem te exhibe, ut Deo placere possis.
Et tradat ei calicem et patenam.
Ordinatio subdiaconi. --(735) Oremus Deum ac Dominum nostrum, ut super servum suum Ill., quem ad subdiaconatus officium vocare dignatus est, infundat benedictionem et gratiam suam, ut in conspectu suo fideliter serviens, praedestinata sanctis praemia consequatur, auxiliante Domino nostro Jesu Christo, qui cum eo vivit et regnat Deus.
Benedictio subdiaconi. --(736) Domine sancte, Pater omnipotens, aeterne Deus, benedicere digneris famulum tuum hunc, quem ad subdiaconatus officium eligere dignatus es, uti eum sacrario tuo sancto strenuum sollicitumque coelesti militiae instituas, et sanctis altaribus fideliter subministret, et requiescat super eum Spiritus sapientiae et intellectus Spiritus consilii et fortitudinis, Spiritus scientiae et pietatis. Repleas eum Spiritu timoris tui, et eum ministerio divino confirmes, ut obediens facto, atque dicto parens, tuam gratiam consequatur. Per Dominum nostrum, etc., in unitate ejusdem.
(737) Ordo qualiter in Romana Ecclesia diaconi et presbyteri ordinandi sunt.
Mensis primi, quarti, septimi et decimi, Sabbatorum die in duodecim lect., ad sanctum Petrum, ubi Missae celebrantur, postquam Antiphonam ad Introitum dixerint, data Oratione, venit archidiaconus, et offert eum qui ordinandus est pontifici, ita dicens:
Postulat sancta mater Ecclesia catholica, ut hunc praesentem subdiaconem ad onus diaconii, vel diaconum ad onus presbyterii ordinetis.
Interrogat episcopus: Scis illum dignum esse? Respondet offerens:
Quantum humana fragilitas nosse sinit, et scio, et testificor ipsum dignum esse ad hujus onus officii.
Et tunc annuntiat pontifex populo, dicens:
Auxiliante Domino Deo et Salvatore nostro Jesu Christo.
Iterum dicit: --Auxiliante Domino Deo et Salvatore nostro Jesu Christo, eligimus in ordinem diaconii, sive presbyterii Ill. subdiaconum, sive diaconum de (738) titulo Ill. Ill., presbyterum (739) de titulo Ill. Si (740) quis autem habet aliquid contra hos viros, pro Deo et propter Deum cum fiducia exeat, et dicat. Verumtamen memor sit conditionis suae.
Et post modicum intervallum mox (741) incipiunt omnes Kyrie eleison, cum litania. Hac expleta ascendunt ipsi electi ad sedem pontificis, et benedicit eos ad quod vocati sunt, et descendentes stant in ordine suo, benedictione percepta. 223 Diaconus cum ordinatur, (742) solus episcopus, qui eum benedicit, manum super caput illius ponat, quia non ad sacerdotium, sed ad ministerium consecratur. Ad ordinandum diaconum et presbyterum, prima Oratio dicitur legendo. Et sequitur Oratio. Et non dicitur, Vere dignum, in consecratione.
Oratio. --Oremus (743), dilectissimi, Deum Patrem omnipotentem, ut super hunc famulum suum, quem in sacrum ordinem dignatur assumere, benedictionis suae gratiam clementer effundat, eique donum consecrationis indulgeat, per quod eum ad praemia aeterna perducat, auxiliante Domino nostro Jesu Christo. Qui cum eo vivit et regnat.
Oremus. --(744) Exaudi, Domine, preces nostras, et super hunc famulum tuum Spiritum tuae benedictionis emitte, ut coelesti munere ditatus, et tuae gratiam possit Majestatis acquirere, et bene vivendi aliis exemplum praebere. Per Dominum, etc., in unitate ejusdem.
Consecratio. --(745) Adesto, quaesumus, omnipotens Deus, (746) honorum dator, ordinum distributor, officiorumque dispositor. Qui in te manens innovas omnia, et cuncta disponens per Verbum, Virtutem, Sapientiamque tuam Jesum Christum Filium tuum Dominum nostrum, sempiterna providentia praeparas, et singulis quibusque temporibus aptanda dispensas. Cujus corpus, Ecclesiam tuam coelestium gratiarum varietate distinctam, suorumque connexam discretione membrorum, per legem mirabilem totius compagis unitam in augmentum templi tui, crescere dilatarique largiris, sacri muneris servitutem trinis gradibus ministrorum nomini tuo militare constituens. Electis ab initio Levi filiis, qui, in mysticis operationibus domus tuae fidelibus excubiis permanentes, haereditatem benedictionis aeternae sorte perpetua possiderent. Super hunc quoque famulum tuum, quaesumus, Domine, placatus intende, quem tuis sacrariis serviturum in officium diaconi suppliciter dedicamus. Et nos quidem, tanquam homines divini sensus et summae rationis ignari, hujus vitam, quantum possumus, aestimamus. Te autem, Domine, ea quae nobis sunt ignota non transeunt, te occulta non fallunt. Tu cognitor secretorum, tu scrutator es cordium, tu ejus vitam coelesti poteris examinare judicio, quo semper praevales, et admissa purgare, et (747) ea quae sunt agenda concedere. Emitte in eum, Domine, quaesumus, Spiritum sanctum, quo in opus ministerii fideliter exsequendi septiformis gratiae tuae munere roboretur. Abundet in eo totius forma virtutis, auctoritas modesta, pudor constans, innocentiae puritas, et spiritalis observatio disciplinae; in moribus ejus praecepta tua fulgeant, ut suae castitatis exemplo imitationem sancta plebs acquirat; et bonum conscientiae testimonium proferens, in Christo firmus, et stabilis perseveret; dignisque successibus de inferiori gradu per gratiam tuam capere potiora mereatur. Per eumdem Dominum nostrum Jesum Christum.
(748) Quando stolam eum induis, sic dices.
Per hoc signum vobis diaconatus officium humiliter 224 imponimus, ut firmamentum mensae divinae tanquam sustentacula columnarum esse possitis, et praecones regis coelestis irreprehensibiliter existere mereamini.
(749) Presbyter cum ordinatur, episcopo eum benedicente, et manum super caput ejus tenente, etiam omnes presbyteri, qui praesentes sunt, manus suas juxta manum episcopi super caput illius teneant.
Oratio ad presbyteros ordinandos.
(750) Oremus, dilectissimi, Deum Patrem omnipotentem, ut super hunc famulum suum, quem ad presbyterii munus elegit, coelestia dona multiplicet, et quae ejus dignatione suscipit, ipsius exsequatur auxilio, auxiliante Domino nostro Jesu Christo.
Oremus. --(751) Exaudi nos, quaesumus, Domine Deus noster, et super hunc famulum tuum benedictionem sancti Spiritus, et gratiae sacerdotalis effunde virtutem, ut quem tuae pietatis aspectibus offerimus consecrandum, perpetua muneris tui largitate consequaris. Per Dominum.
(752) Consecratio. --(753) Domine sancte, Pater omnipotens, aeternae Deus, (754) honorum auctor, et distributor omnium dignitatum, per quem proficiunt universa, per quem cuncta firmantur, amplificatis semper in melius naturae rationalis incrementis per ordinem congrua ratione dispositum. Unde et sacerdotales gradus atque officia Levitarum, sacramentis mysticis instituta creverunt, ut cum (755) pontifices summos regendis populis praefecisses, ad eorum societatis et operis adjumentum, sequentis ordinis viros et secundae dignitatis eligeres. Sic in eremo per septuaginta virorum prudentium mentes Moysi spiritum propagasti, quibus ille adjutoribus usus in populo innumeras multitudines facile gubernavit. Sic in Eleazaro et Ithamar filiis Aaron paternae plenitudinis abundantiam transfudisti, ut ad hostias salutares et frequentioris officii sacramenta ministerium sufficeret sacerdotum. Hac providentia, Domine, apostolis Filii tui, doctores fidei, comites addidisti, quibus illi orbem totum secundis praedicatoribus impleverunt. Quapropter infirmitati quoque nostrae, Domine, haec adjumenta largire, quia quanto magis fragiliores sumus, tanto his pluribus indigemus. Da, quaesumus, omnipotens Pater, in hunc famulum tuum presbyterii dignitatem, innova in visceribus ejus Spiritum sanctitatis; et acceptum a te, Deus, secundi meriti munus obtineat, censuramque morum exemplo suae conversationis insinuet. Sit probus cooperator ordinis nostri, et luceat in eo totius forma justitiae, ut, bonam rationem dispensationis sibi creditae redditurus, aeternae beatitudinis praemia consequatur. Per eumdem Dominum.
(756) Hic vestis ei casulam. --Benedictio Patris, et Filii, et Spiritus sancti descendat super te, ut sis benedictus in ordine sacerdotali, et offeras placabiles Hostias pro peccatis atque offensionibus populi omnipotenti Deo. Cui est honor et gloria in saecula saeculorum.
225 Consecratio manus. --(757) Consecrentur manus istae, quaesumus, Domine, et sanctificentur per istam unctionem et nostram benedictionem, ut quaecunque benedixerint, benedicta sint, et quaecunque sanctificaverint sanctificentur. Per.
(758) Episcopus cum ordinatur, duo (759) episcopi ponant et teneant Evangeliorum codicem super caput ejus; et uno super eum fundente benedictionem, (760) reliqui omnes episcopi, qui adsunt, (761) manibus suis caput ejus tangant.
(762) Oratio ad ordinandos episcopos.
(763) Oremus, dilectissimi nobis, ut his viris (764) ad utilitatem Ecclesiae providendam electis benignitas omnipotentis Dei gratiae suae tribuat largitatem. Per Dominum nostrum.
Benedictio episcoporum. --(765) Adesto supplicationibus nostris, omnipotens Deus, et quod humilitatis nostrae gerendum est ministerio, tuae virtutis impleatur effectu. Per.
Alia. --(766) Propitiare, Domine, supplicationibus nostris, et inclinato super hunc famulum tuum cornu gratiae sacerdotalis, benedictionis tuae in eo effunde virtutem. Per.
Consecratio. --(767) Deus honorum omnium, (768) Deus omnium dignitatum quae gloriae tuae sacratis famulantur ordinibus, Deus qui, Moysen famulum tuum secreti familiaris affatu inter caetera coelestis documenta culturae de habitu quoque indumenti sacerdotalis instituens, electum Aaron mystico amictu vestiri inter sacra jussisti, ut intelligentiae sensum de exemplis priorum caperet secutura posteritas, nec eruditio doctrinae tuae ulli deesset aetati; cum et apud veteres reverentiam ipsa significationum species obtineret, et apud nos certiora essent experimenta rerum quam aenigmata figurarum; illius namque sacerdotii anterioris habitus nostrae mentis ornatus est, et (769) pontificalem gloriam non jam nobis honor, commendat vestium, sed splendor animarum, (770) quia et illa quae tunc carnalibus blandiebantur obtutibus, ea potius quae in ipsis erant intelligenda poscebant; et idcirco huic famulo tuo, quem (771) ad summi sacerdotii ministerium elegisti, hanc, quaesumus, Domine, gratiam largiaris, ut (772) quidquid illa velamina in fulgore auri, in nitore gemmarum, in multimodi operis varietate signabant, hoc in ejus moribus actibusque clarescat. (773) Hic accipis chrisma. Comple, Domine, in sacerdote tuo mysterii tui summam, et ornamentis totius glorificationis instructum (774) coelestis unguenti flore +sanctifica. (775) Hic fundis in caput ejus. Hoc, Domine, copiose in ejus caput + influat, hoc in oris subjecta + decurrat, hoc in totius corporis extrema descendat, ut tui Spiritus virtus, et interiora ejus repleat, et exteriora circumtegat. Abundet in eo constantia fidei, puritas dilectionis, (776) sinceritas pacis; (777) tribuas ei, 226 Domine, cathedram episcopalem ad regendam Ecclesiam tuam, et plebem universam. Sis ei auctoritas, sis ei firmitas, sis ei potestas. Multiplices super eum benedictionem et gratiam tuam, ut ad exorandam semper misericordiam tuam, tuo munere semper idoneus, tua gratia possit esse devotus. Per.
(778) Si papa ordinatus est, haec addi debent in loco ubi scriptum est:
Et idcirco huic famulo tuo, quem apostolicae sedis praesulem (779) et primatem omnium qui in orbe terrarum sunt sacerdotum ac universalis Ecclesiae tuae doctorem dedisti, et ad summi sacerdotii ministerium elegisti, hanc, quaesumus, Domine, gratiam largiaris.
Super oblata. --Haec hostia, Domine, quaesumus, emundet nostra delicta, et (780) sacrificium celebrandum subditorum tibi corpora mentesque sanctificet. Per Dominum nostrum.
Infra actionem. --(781) Hanc igitur oblationem servitutis nostrae, sed et cunctae familiae tuae, quam tibi offerimus, etiam pro famulo tuo Ill., quem ad episcopatus ordinem promovere dignatus es, quaesumus, Domine, ut placatus accipias, et propitius in eo tua dona custodias, ut quod divino munere consecutus est, divinis effectibus exsequatur; diesque nostros, etc.
Ad Complendum. --(782) Haec nos communio, Domine, purget a crimine, et coelestis remedii faciat esse consortes. Per Dominum nostrum Jesum Christum.
Oratio in (783) natali papae.
Deus, qui licet sis magnus in magnis, mirabilia tamen gloriosus operaris in minimis, concede mihi indigno famulo tuo, sacris convenienter servire mysteriis, atque in omnibus tua misericordia protegat quem conscientiae reatus accusat. Per.
Alia. --Deus, qui populis tuis indulgentia consulis, et amore dominaris, da Spiritum sapientiae quibus dedisti regimen disciplinae, ut de profectu sanctarum ovium fiant gaudia aeterna pastorum. Per Dominum nostrum.
Super oblata. --Hostiam tibi, Domine, laudis exsolvo, suppliciter implorans, ut quod immerito mihi contulisti, intercedente beato Petro apostolo tuo, propitius exsequaris. Per.
Praefatio. --Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus, ut quia in manu tua dies nostri vitaque consistit, sicut honorem nobis indignis largiris ministerii, sic quoque tribuas rationabilis obsequii propitius incrementum. Et tua dona in nobis custodias, ut 227 ejus suffragiis apud te semper reddar acceptus, cujus me vice hodie Ecclesiae tuae praeesse voluisti. Per Christum.
Ad Complendum. --Corporis sacri et pretiosi sanguinis repleti libamine, quaesumus, Domine Deus noster, ut gratiae tuae munus, quod nobis immeritis contulisti, intercedente beato Petro apostolo tuo, propitius muniendo custodias. Per Dominum nostrum.
Missa propria (784) in die ordinationis suae.
Deus, qui non propriis suffragantibus meritis, sed sola ineffabilis gratiae largitate, me familiae tuae praeesse jussisti, tribue tibi digne persolvere ministerium sacerdotalis officii, et ecclesiasticis convenienter servire ministeriis, plebemque commissam, te in omnibus protegente, gubernare concede. Per.
Alia. --Deus, mundi Creator et rector, ad humilitatis meae preces placatus intende, et me famulum tuum, quem nullis suffragantibus meritis, sed immensa largitate clementiae tuae coelestibus mysteriis servire tribuisti, dignum sacris altaribus fac ministrum, ut quod mea celebrandum voce depromitur, tua sanctificatione firmetur. Per Dominum nostrum.
Super oblata. --Ad gloriam, Domine, tui nominis, annua festa repetentes sacerdotalis exordii, Hostiam tibi laudis offerimus, suppliciter exorantes, ut cujus ministerii vice tibi servimus immeriti, suffragiis ejus reddamur accepti. Per.
Infra actionem. --Hanc igitur oblationem, quam tibi offero ego tuus famulus et sacerdos ob diem, in quo me dignatus es ministerio sacro constituere sacerdotem, obsecro, Domine, placatus suscipias, Majestatem tuam supplex exorans ut in me quod largiri dignatus es, propitius custodire digneris. Per.
Benedictio. --Omnipotens Deus, qui in populo suo ministerio utitur sacerdotum, conferat vobis suae propitiationis et benedictionis donum. Amen. Quique me indignum nullis existentibus meritis, sed gratuita sua pietate huic Ecclesiae praeesse voluit, suffragiis sanctorum suorum me ab omnibus vinculis peccatorum absolvat, sanctisque suis altaribus strenuum dignumque ministrum efficiat. Amen. Quatenus, per exempla sanctorum sacerdotum qui in hac sede et in hoc ministerio ei placuerunt gradientes, gregemque commissum secundum suam voluntatem, eo opitulante, regentes, ab omnium pastorum Pastore Christo Domino praemia sanctis promissa una cum subditis percipere et in electorum numero mereamur adjungi. Amen. Quod ipse praestare dignetur.
228 Ad Complendum. --Repleantur consolationibus tuis, Domine, quaesumus, tuorum corda fidelium, pariterque etiam et de Ecclesiae praesule, et de suorum votorum plenitudine gratiarum referant actionem. Per.
Orationes pro adepta dignitate.
Deus, cui omnis potestas et dignitas famulatur, da famulo tuo Ill. prosperum suae dignitatis effectum, in qua te semper timeat, tibique jugiter placere contendat. Per Dominum.
Alia. --Omnium, Domine, fons bonorum justorumque provectuum, tribue, quaesumus, Ill. famulo tuo adeptam bene gerere dignitatem, et a te sibi praestitam bonis operibus comprobare. Per Dominum nostrum.
(785) Oratio ad abbatem faciendum.
Quaesumus, omnipotens Deus, famulum tuum Ill., quem ad regimen animarum elegimus, gratiae tuae dono prosequere, ut te largiente cum ipsa tibi nostra electione placeamus. Per.
(786) INCIPIUNT APOLOGIAE. (787) Impellit ministrandi officium (788) Hostia salutaris populi pro delicto, terret conscientia indebiti sacerdotii pro reatu. Si a me omnium sacerdotum (789) peripsema sacrificium offeratur, pollutae conscientiae crimen augetur. Si tantae Majestati universae carnis judici non offertur, negligentiae reatus ascribitur. Inter haec tuae, omnipotens, libramen pietatis imploro, cujus ultionis diem accusante conscientia pertimesco. (790) Ne indignum, quaeso, misericordia tua judices, quem a tempore poenitentiae non excludis. (791) Suspende securim, donec cultor vineae admoveat cophinum stercoris infructuosae arboris ad radicem. Parce mihi, Domine clementissine, poenitenti, qui David post lapsum clementer ad veniam revocasti; qui Petri misericors amare flentis lacrymas respexisti, qui latronem in crucis patibulo tanti facinoris reum divina gratia illustrasti, cui mox obtinuit confessio (792) perspicue Dei Filium, fides praemium, poena veniam, lamenta gaudia sempiterna, (793) dum confessor in cruce, possessor exstitit paradisi post crucem. Sed quia verba venia tuae pietatis indigent, quae indigni sacerdotis opera non commendant, saltim astantium vota suscipe, ut et mihi suis apud te precibus veniam, et eorum meritis sacrificia nostrorum vulnerum salubriter nobis conferant medicinam, (794) ut quia omnipotens pro omnibus factus es hostia pro peccatis, adsis nobis sanctificatio in sacrificio pro delictis, Christe, Salvator mundi, qui cum aeterno Patre una cum Spiritu sancto vivis et regnas Deus. Per omnia saecula saeculorum.
Item apologia. --(795) Ante oculos tuos, Domine, reus conscientiae testis assisto: rogare vix (796) audeo quod impetrare 229 non mereor. Tu (797) enim scis, Domine, omnia quae aguntur in nobis. (798) Erubescimus confiteri quod (799) per nos non timemus (800) admittere. Verbis tibi tantum obsequimur, corde mentimur, et quod velle nos dicimus, nolle nostris actibus approbamus. (801) Parce, Domine, confitentibus ignosce. Peccavimus, miserere, te rogamus. Et quia in sacramentis tuis meus sensus (802) infirmus est, praesta, quaesumus, (803) ut qui ex nobis duri cordis verba non suscipis, (804) per te nobis veniam largiaris. (805) Per Dominum.
Item apologia. --(806) Conscientia quidem trepidi, omnipotens Deus, ad altare tuum accedimus, sed fiduciam de tuae pietatis misericordia retinemus. Et licet ad celebranda sacrificia semper inveniamur indigni, (807) sed si recedimus, veremur de inobedientia condemnari. Pro (808) qua re dignare nos pietate paterna placito vultu respicere, et cordis nostri interiora purgare. (809) Et si nos pondere peccatorum nostrorum ac reatu constringimur, nostrarum tamen precum obtentu tibi sint, quaesumus, Domine, in omnibus placita mysteria consecranda. Per.
Item apologia. --(810) Ignosce, Domine, ignosce, (811) quod dum rogare compellor, dum per immunda labia nomen sanctum tuum assumo, et (812) cum pudendorum actuum secreta confiteor, (813) non habeo apud te nec verba sine crimine. Tu enim conscientiae meae vulnera et (814) cogitationum mearum occulta nosti, et immunditias meas tu solus agnoscis. Miserere mihi, Domine, miserere mihi, ignosce mysterii tui secreta tractanti, nec indignum misericordia tua judices quem pro aliis rogare permittis, et in quo testimonium boni operis non agnoscis officium saltem dispensationis creditae non recuses. Per (815) Dominum nostrum.
Item alia. --(816) Rogo te, Deus Sabaoth altissime, pater sancte, (817) uti me tunica castitatis digneris accingere, lumbosque meos balteo tui amoris ambire, ac renes cordis mei igne tuae charitatis urere, ut pro peccatis meis possim intercedere, et astantis populi peccatorum veniam promereri, ac pacificas singulorum hostias immolare, me quoque tibi audaciter accedentem non sinas perire, sed dignare lavare, ornare et leniter suscipere. Per Dominum nostrum Jesum.
Item alia. --(818) Ante aeterni regis Christi praesentiam nostra indigna accedunt praeconia quae valent populi impetrare delicta. (819) Livore torquetur conscientia, quia sacris mysteriis offerendis se ingerit criminosam; et dum respicit admissa, terretur tuis conspectibus astare confusa. Sed quaeso humilis reus, quia ad te post lapsum redeo devius, jaceo saucius, in te vilis respiro, bone medice, vulneratus, ut qui sacrificia altaribus tuis munda offerri praecipis, cum offerentium meritis sacerdotis indigni labia polluta sanctifices, qui indigere me miserum tua, Christe Salvator inclyte, misericordia recognoscis. Qui vivis et regnas.
230 Item alia in festivitate sanctorum. --(820) Eripiat nos, quaesumus, Domine, tuorum deprecatio sanctorum, et sicut per Moysem famulum tuum peccata populi dimisisti, ita per intercessionem sanctorum tuorum nostra omnium jubeas relaxari delicta. Per Dominum.
Item apologiae quotidianae sacerdotis propriae. --(821) Mordacis conscientiae stimulis et delictorum nostrorum recordatione commoniti (822), te Deum indulgentiae deprecamur, ut quidquid dicto, facto, cogitatione (823) peccatum est, sive lubricae aetatis impulsu, sive ignorantiae errore (824) commissum, pietas Domini nostri Jesu Christi (825) resolvere ac indulgere dignetur. Per.
Item alia. --(826) Indignum me, Domine, sacris tuis esse fateor, qui innumeris quotidie peccatis fuscor. (827) Quid ego te blandis verbis rogare praesumo, quem improbis saepissime factis offendo? tu enim mihi medicinam (828) ingeris, ego (829) sanitati meae contraria ago. Legem tuam sacris inditam paginis lego, sanam vero disciplinam infelix negligo. Ad tuum quidem altare quasi devotus accedo, sed a praeceptis tuis contumaci corde (830) recedo. Da ergo mihi, Domine, cor compunctum, quo veraciter odio habeam peccatum. Meum est, si donaveris, delicta deflere; tuum est etiam (831) nubem eam cito delere, ut (832) qui hanc palmam amiserim inimico fraudante, (833) ad veniam saltem pertineam, te Domino miserante. (834) Tibi enim Deo est honor regum Regi cunctorum per cuncta regnanti saecula saeculorum.
Item alia. --(835) Projectis nobis, Domine, in condemnationem operum nostrorum, da capiti nostro aquam, et oculis nostris fontem infunde lacrymarum, ut peccati maculas abluendo ultrices poenarum flammas fletuum ubertate vincamus, (836) quia tibi non sunt occulta quae (837) gerimus. Sit (838) in nobis, Domine, non oris tantum confessio, sed et doloris; non excusatio criminum, sed lamentatio peccatorum. (839) Castos enim nostri corporis oculos lasciviae (840) mundi violavit aspectus. (841) Mores corrupti, disciplina vitiata, simulatio in vultu, fallacia in verbis, dolus in corde, volubilitas in lingua, operatio stulta, mens dubia, concupiscentia carnalis, (842) sollicitudo carnis, oblivio animae, negligentia sanctitatis, super haec autem mortis timor increvit. Miserere nobis, Domine, miserere nobis. Da (843) praeteritis veniam, praesentibus emendationem, futuris largire custodiam. Per.
Item alia. --(844) Ita, Domine, immensi criminis rei, conscientia teste, confundimur, ut ad officium tuum nec securi possimus venire, nec liberi. Quis enim pensans peccatum suum, (845) nec se a facie tua vellet abscondere, si liceret tantae majestatis oculos declinare, si aut evasurus lateret, aut occultatus evaderet? Aut quis non magis videre te cuperet, si non jam hinc (846) quodcunque peccantem prospicis plus timeret? Ergo quia tu ubique nos invenis, ad te confugimus, quem fugere non valemus. Restat miseris non latebras intervenire, sed lacrymas. Foveat 231 indulgentia, quos terret offensa. Minatur potentia, sed misericordia consoletur. Ex te est qui liberet, per te est qui excuset. Parce, Pater omnipotens; et quos aspicis humiles per reatum, erectos munerare digneris in praemio. Et quos intelligis per confessionem miseros, non facias in examinatione confusos. Per Dominum.
(847) Item alia in tribulatione. --(848) Si ante oculos tuos, Domine, culpas quas fecimus, et (849) plagas quas excipimus conferamus, minus est quod patimur, majus est (850) quod meremur. Peccati poenam sentimus, et peccandi pertinaciam non vitamus. In flagellis tuis fragilitas nostra (851) frangitur, et iniquitas non mutatur. Mens aegrota torquetur, et cervix dura non flectitur. Vita in dolore suspirat, et (852) in opere non (853) emendat. Si exspectas, (854) non corrigimur; si vindicas, non duramus. Confitemur (855) in correptione quod fecimus, obliviscimur in visitatione quod flevimus. Si (856) impresseris manum, facienda promittimus; si suspenderis gladium, promissa non facimus; si ferias, clamamus ut parcas, si (857) parcas, iterum te (858) provocamus ut ferias; si (859) angustiae veniunt, tempus petimus poenitendi; si misericordia subveniat, abutimur patientia quae pepercit. Adhuc plaga illata vix praeterit, etiam non recolit mens ingrata quod pertulit. Si citius nos audias, ex misericordia insolescimus; si tardius, ex impatientia murmuramus. Te, Domine, volumus servare quod feceris, (860) non timemus observare quod jusseris. Habes, Domine, confitentes reos, parce, quia pius es. (861) Novimus quod nisi dimittas, recte nos (862) punias. Sed apud te est multa miseratio, et propitiatio perabundans. Praesta sine merito quod rogamus, qui fecisti (863) ex nihilo (864) qui rogarent. Clamantibus nobis ad te; Domine, miserere; moveat misericordiam tuam vox fidelis et flebilis; atque illa, de qua totum speramus, pietas non reputet quod offendimus, dum respicit quod rogamus; et cum grandis sit miseria esse nos reos, major tibi sit clementia esse nos miseros. Tuo (865) supplices auxilio ante te et criminis nostri mala ponimus, et dolores; a te precando misericordiam, quam peccando repulimus, exspectamus. Praestetur his de indulgentia (866) quod rogaris accipere, quos agnoscis fiduciam de (867) tua justitia non habere. Erige nos, Domine Deus noster, et alleva in misericordia tua, ut communione salutis, et gaudio charitatis, dum ipsi salvari ex munere tuo cupimus, etiam fide et pace (868) cuncta regentium gaudeamus. Per Dominum.
Item alia. --(869) Ignosce, Domine, (870) commaculatae viae conscientiae sordido, et criminum confusione captivo, (871) qui pro me obtinere nihil mereor, pro aliis rogaturus assisto. Profero ad te, si digneris, Domine, gemitus captivorum, tribulationes plebium, pericula populorum, (872) angustias pauperum, necessitates peregrinorum, inopias debilium, desperationes languentium, defectus senum, suspiria juvenum, vota virginum, (873) lamenta viduarum. Et (874) quoniam me eadem, quae populum tuum catena constringit, (875) communes lugeo passiones, non obsit populo tuo oratio subjugata peccatis. Per me tibi offertur (876) votum, per te meum compleatur officium. Per.
232 Alia. --(877) Deus, ad quem accedere mundi desideramus, et ob cujus gloriam in honorem tuorum martyrum expiari deposcimus, in vivam nos tibi praepara hostiam; cordium quoque nostrorum abdita omni crimine lava, et spiritali reple laetitia. Quique coram te, et pro nostris, et pro fratrum delictis ingemiscimus, exaudiri a te quantocius mereamur, ut nec nostro puniamur, nec alieno peccato, ut justitia et sanctitate vestiti, praesentemur tibi indemnes in die judicii.
Alia. --(878) Dimitte, Deus, (879) quidquid per intemperantiam mordacis linguae incauta oris nostri increpatio momordit in subditos. Quidquid minus de boni perfectione diximus, parce; quidquid incongruum vel minus temperate protulimus, tu ignosce. Non incautum praesumptio puniat, sed agnoscentem me iniquitates meas pietas miserationis tuae absolvat. Et quia non mihi alibi est fiducia, nisi in misericordia tua, tu et os meum praeconio veritatis (880) perarma ( In Ms. per arma], et opus pleniori ubertate sanctifica, ut et indignum me salves, et commissum mihi gregem pro tua pietate (881) justifices. Quidquid in illis vitiatum (882) respicis, sana; quidquid in me vitiosum inspicis, cura. Si (883) quam vitio tepiditatis meae, vel incuria contraxerunt, vel contrahunt fabem, omitte. Si quo etiam, me ignorante, vel (884) cognito, deciderunt in crimine, atque si exempli mei offendiculo proruerunt, (885) ignosce; et pro culpis talibus misero mihi ultionis non restituas vicem. His tamen, quibus increpationis visus sum adhibere judicium, et (886) increpatio ipsa eis proficiat ad salutem, et oratio haec interpellans commisso eos revocet ab errore, ut non perferant tartareos cruciatus, quibus, ut pote (887) mortales, poenitentiae indiximus leges; quo (888) utrorumque incommodis parcens, illorum iniquitatibus tribuas veniam, et meam abluas contractam de gerendi incommoditate offensam. Praebe, Deus, aurem sacrificiis nostris, et me mihique commissos tuis ascribe in paginis, quo cum grege mihi credito, et a cuncto eluar crimine, et ad te merear pervenire in pace. Pacatum redde, Deus, nostrorum cordium habitaculum ex pulsione carnalium vitiorum. Et (889) qui in subditis conor summa exercere virtutum, pacatis mentium corporumque incommodis pacificus merear, te judicante, coronari cum angelis. Fac ergo, quaesumus, nos, pie Deus, aspicientes in conspectu tuo, (890) flammescentes tuae gratiae dono, ut zelus tuae domus nos comedat. Atque ita per vigorem sancti Spiritus regentes subditos temperemus; (891) ut et disciplinis nostri regiminis obtineant lucrum, et illorum duritia frangatur, ac vita sanctificetur. Suscipe, Domine, nostrorum votorum libamina, et per haec quidquid in subditos correctionis verbo vel merito impertimus, non ad discordiam nostri, sed ad perpetuum dulcedinis gaudium, et nobis, et illis profecisse (892) laetemur. Ablue (893) nos, Deus, et alieno et nostro delicto, ut, in utroque spiritalis gratiae efficientiam capientes, fiducialius tuo nomini supplicemus. Per Dominum.
(894) Orationes ad visitandum infirmum.
In primis faciant sacerdotes asperso sale aquam benedictam, et (895) aspergant eam (896) cum Antiphona 233 et Orationibus super ipsum infirmum, et super domum ejus.
(897) Exorcismus salis. --Exorcizo te, creatura salis, per Deum vivum, per Deum verum, per Deum qui te per Elisaeum prophetam in aquam mitti jussit, ut sanaretur sterilitas aquae; ut efficiaris sal exorcizatum in salutem credentium, et sis omnibus te sumentibus sanitas animae et corporis; et effugiat atque discedat ab eo loco quo aspersus fueris omnis phantasia et nequitia, vel versutia diabolicae fraudis, omnisque spiritus immundus adjuratus per eum qui venturus est judicare vivos et mortuos, et saeculum per ignem.
Benedictio salis. --Immensam clementiam tuam, omnipotens aeterne Deus, humiliter imploramus, ut hanc creaturam salis, quam in usum generis humani tribuisti, benedicere et sanctificare tua pietate digneris, ut sit omnibus salus mentis et corporis; ut quidquid eo tactum vel respersum fuerit, careat omni immunditia omnique impugnatione spiritalis nequitiae. Per.
Exorcismus aquae. --Exorcizo te, creatura aquae, in nomine Dei Patris omnipotentis, et in nomine Jesu Christi Filii ejus Domini nostri, ut fias aqua exorcizata, ad effugandam omnem potestatem inimici, et ipsum inimicum eradicare et explantare valeas cum angelis suis apostaticis, per virtutem Domini nostri Jesu Christi, qui venturus est judicare vivos et mortuos, et saeculum per ignem.
Benedictio aquae. --Deus, qui, ad salutem humani generis, maxima quaeque sacramenta in aquarum substantiam condidisti, adesto invocationibus nostris, et elemento huic multimodis purificationibus praeparato virtutem tuae benedictionis effunde, ut creatura mysterii tui, tibi serviens ad abjiciendos daemones morbosque pellendos, divinae gratiae sumat effectum; ut quidquid in domibus vel in locis fidelium haec unda resperserit careat immunditia, liberetur a noxa. Non illic resideat spiritus pestilens, non aura corrumpens; discedant omnes insidiae latentis inimici; et si quid est quod aut incolumitati habitantium invidet, aut quieti, aspersione hujus aquae effugiat, ut salubritas per invocationem tui nominis expetita, ab omnibus sit impugnationibus defensa. Per.
Benedictio salis et aquae pariter.--Hic mittitur sal in aquam.
Deus, invictae virtutis auctor, et inseparabilis imperii Rex, ac semper magnificus triumphator, qui adversae dominationis vires reprimis, qui inimici rugientis saevitiam superas, qui hostiles nequitias potens expugnas, te, Domine, trementes ac supplices deprecamur, ac petimus, ut hanc creaturam salis et aquae dignanter accipias, benignus illustres, pietatis tuae more sanctifices, ut ubicunque fuerit aspersa, per invocationem sancti tui nominis omnis infestatio immundi spiritus abjiciatur, 234 terrorque venenosi serpentis procul pellatur, et praesentia sancti Spiritus nobis misericordiam poscentibus ubique adesse dignetur. Per Dominum.
Oratio quando aqua spargitur in domo.
Exaudi nos, Domine sancte, Pater omnipotens, sempiterne Deus, et mittere dignare angelum tuum sanctum de coelis, qui custodiat, foveat, protegat, visitet, et defendat omnes habitantes in hoc habitaculo. Per.
Benedictio domus. --Adesto, Domine, supplicationibus nostris, et hanc domum serenis oculis tuae pietatis illustra. Descendat super habitantes in ea gratiae tuae larga benedictio, ut in his manufactis habitaculis cum salubritate manentibus ipsi tuum semper sint habitaculum. Per Dominum.
Alia. --Exaudi nos, Domine sancte, Pater omnipotens, aeterne Deus, ut si qua sunt adversa, si qua contraria in hac domo famuli tui Ill., auctoritate Majestatis tuae pellantur. Per.
(898) Benedictio uvae vel (899) favae. --Benedic, Domine, hos fructus novos uvae, sive favae, quos tu, Domine, per rorem coeli, et inundantiam pluviarum, et tempora serena atque tranquilla ad maturitatem perducere dignatus es, ad percipiendum nobis cum gratiarum actione in nomine Domini nostri Jesu Christi. Qui tecum.
Benedictio ad fructus novos. --Domine sancte, Pater omnipotens, aeterne Deus, qui coelum et terram et omnia creasti, te supplices quaesumus ut hunc fructum novum benedicere et sanctificare digneris, et multiplicare abundanter offerentibus tibi, ut repleas eorum cellaria cum fortitudine frumenti et vini, ut laetantes in eis referant tibi Deo omnipotenti laudes et gratias. Per.
Benedictio ad omnia quae volueris. --Benedic, Domine, creaturam istam, ut sit remedium salutare generi humano; et praesta per invocationem nominis tui ut quicunque ex ea sumpserit corporis sanitatem et animae tutelam percipiat. Per.
Benedictio (900) panis. --Benedic, Domine, creaturam istam panis, sicut benedixisti quinque panes in deserto, ut omnes gustantes ex eo accipiant tam corporis quam animae sanitatem. Qui vivis cum Deo Patre in unitate.
Oratio ad (901) capillaturam.
(902) Omnipotens sempiterne Deus, respice propitius super hunc famulum tuum Ill., quem ad novam tondendi gratiam evocare dignatus es, tribuens ei remissionem omnium peccatorum, (903) atque coelestium donorum consortium esse praeceptorum. Per.
235 Oratio ad (904) barbas tondendas.
Deus, cujus spiritu creatura omnis adulta congaudet, exaudi preces nostras super hunc famulum tuum Ill. juvenili aetate decore laetantem, et primis auspiciis, ad tondendum, exaudi, Domine, ut in omnibus protectionis tuae munitus auxilio, coelestem benedictionem accipiat, et praesentis vitae praesidiis gaudeat et aeternae. Per.
Oratio ad (905) infirmum ungendum.
Inungo te de oleo sancto, sicut unxit Samuel David in regem et prophetam. Operare, creatura olei, in nomine Patris omnipotentis, ut non lateat illic spiritus immundus, neque in membris illius, neque in medullis, neque in ulla compagine membrorum; sed in te habitet virtus Christi altissimi, et Spiritus sancti. Per eumdem.
Oratio ad visitandum infirmum.
(906) Deus, qui famulo tuo Ezechiae ter quinos annos ad vitam donasti, ita et famulum tuum illum a lecto aegritudinis tua potentia erigat ad salutem. Per.
Alia. --Respice, Domine, famulum tuum in infirmitate sui corporis laborantem, et animam refove quam creasti, ut, castigationibus emundata, continuo se sentiat tua medicina salvatum. Per.
Alia. --Deus, qui facturae tuae pio semper dominaris affectu, inclina aurem tuam supplicationibus nostris, et famulum tuum Ill. ex adversa valetudine corporis laborantem placatus respice, et visita in salutari tuo, ac coelestis gratiae praesta medicinam. Per.
Alia. --Deus, qui humano generi, et salutis remedium, et vitae aeternae munera contulisti, conserva famulo tuo Ill. tuarum dona virtutum, et concede ut medelam tuam non solum in corpore, sed etiam in anima sentiat. Per.
Alia. Virtutum coelestium, Deus, qui ab humanis corporibus omnem languorem et omnem infirmitatem praecepti tui potestate depellis, adesto propitius huic famulo tuo Ill., ut, fugatis infirmitatibus, et viribus receptis, nomen sanctum tuum instaurata protinus sanitate benedicat. Per Dominum nostrum.
Alia. --Domine sancte, Pater omnipotens, aeterne Deus, qui fragilitatem conditionis nostrae infusa virtutis tuae dignatione confirmas, ut salutaribus remediis pietatis tuae corpora nostra et membra vegetentur, super hunc famulum tuum Ill. propitiatus intende, ut, omni necessitate corporeae infirmitatis exclusa, gratia in eo pristinae sanitatis perfecta reparetur. Per Dominum.
Deinde a sacerdote dicatur haec Oratio:
Domine Deus, (907) qui per apstolum tuum locutus es: INFIRMATUR QUIS IN VOBIS? INDUCAT PRESBYTEROS ECCLESIAE, 236 ET ORENT SUPER EUM, UNGENTES EUM OLEO SANCTO IN NOMINE DOMINI; ET ORATIO FIDEI SALVABIT INFIRMUM, ET ALLEVABIT EUM DOMINUS; ET SI IN PECCATIS EST, DIMITTENTUR EI; cura, quaesumus, Redemptor noster, gratia Spiritus sancti languores istius infirmi, et sua sana vulnera, ejusque dimitte peccata, atque dolores cunctos cordis et corporis expelle, plenamque ei interius exteriusque sanitatem misericorditer redde, ut, ope misericordiae tuae restitutus et sanatus, ad pristina pietatis tuae reparetur officia. Per.
Et sic (908) flectat genu vel genua qui est languidus, et stet ad dexteram sacerdotis, et sic decantetur haec Antiphona:
Dominus (909) locutus est discipulis suis: IN NOMINE MEO DAEMONIA EJICITE; ET SUPER INFIRMOS MANUS VESTRAS IMPONITE, ET BENE HABEBUNT. Psal. Deus Deorum Dominus locutus est. Et repetit: In nomine meo, etc.
Sequitur Oratio. --Oremus Dominum nostrum Jesum Christum, et cum omni supplicatione rogemus, ut hunc famulum suum Ill. per angelum sanctum suum visitare, laetificare et confortare dignetur.
Sequitur Antiphona. --Succurre, Domine, infirmo isto Ill. et medica eum spiritali medicamine, ut, in pristina sanitate restitutus, gratiarum tibi sanus referat actiones. Psal. (910) Ad Dominum cum tribularer. Sequitur alia Ant. Sana, Domine, infirmum istum, cujus ossa turbata sunt, et cujus anima turbata est valde; sed tu, Domine, convertere, et sana eum, et eripe animam ejus. Psal. Domine, ne in furore tuo arguas me, cum Gloria; Et repetent: Sana, Domine.
Et (911) sic perungat infirmum de oleo sanctificato, cruces faciendo in collo et gutture, et inter scapulas, et in pectore, seu in loco ubi plus dolor imminet amplius perungatur; et supplicando, dum ungitur infirmus, dicat unus ex sacerdotibus hanc Orationem:
Sequitur Oratio. --(912) Inungo te de oleo sancto in nomine Patris et Filii et Spiritus sancti, ut non lateat in te spiritus immundus, neque in membris, neque in medullis, neque in ulla compagine membrorum, sed in te habitet virtus Christi altissimi, et Spiritus sancti, quatenus per hujus operationem mysterii, et per hanc sacrati olei unctionem, atque nostram deprecationem, virtute sanctae Trinitatis medicatus, sive fotus, pristinam et immelioratam medicatus, sive fotus, pristinam et immelioratam recipere merearis sanitatem. Per eumdem.
Sequitur haec Oratio. --Domine (913) Deus, Salvator noster, qui es vera salus et medicina, et a quo omnis sanitas et medicamentum venit, quique nos apostoli documento instruis, ut languentes olei liquore orantes tangeremus, respice propitius super hunc famulum tuum Ill., et quem languor curvat ad exitum, et virium defectus trahit ad occasum, medela tuae gratiae restituat in salutem. Sana quoque, quaesumus, omnium medicator, ejus febrium et cunctorum languorum cruciatus, aegritudinemque, 237 et dolorum omnium dissolve tormenta, viscerumque ac cordium interna medica, medullarum quoque et cogitationum; sana discrimina ulcerum, vanitatumque putredines evacua, conscientiarumque atque plagarum obducito cicatrices veteres, immensasque remove passiones; carnis ac sanguinis materiam reforma, delictorumque cunctorum veniam tribue; sicque illum tua pietas jugiter custodiat, ut nec ad correptionem aliquando sanitas, nec ad perditionem nunc, te auxiliante, perducat infirmitas; sed fiat illi haec olei sacra perunctio morbi et languoris praesentis expulsio, atque peccatorum omnium optata remissio. Per Dominum nostrum.
Alia. --(914) Propitietur Dominus cunctis iniquitatibus tuis, et sanet omnes languores tuos, redimatque de interitu vitam tuam, et satiet in bonis desiderium tuum, qui solus in Trinitate unus Deus vivit et regnat per immortalia saecula saeculorum. Amen.
(915) Deinde communicet eum corpore et sanguine Domini. Et (916) sic faciant illi per septem dies, si necessitas fuerit, tam de communione quam et de alio officio; et suscitabit eum Dominus, et, si in peccatis fuerit, dimittentur ei.
(917) Debent etiam sacerdotes et ministri sanctae Ecclesiae cum summa reverentia infirmis decantare per singulos dies Vesperas et Matutinos cum hymno: (918) Christe coelestis medicina Patris, et reliq., et cum Antiphonis, et Responsoriis, sive lectionibus et Orationibus ad hoc pertinentibus.
(919) Multi enim sacerdotum infirmos (920) perunguent insuper in quinque sensus corporis, id est in superciliis oculorum, et in (921) naribus deintus, et in narium summitate sive exterius, et in labiis exterius, et in manibus exterius, id est deforis. In omnibus ergo his membris crucem faciant de oleo sacrato (922) dicentes: In nomine +Patris, et +Filii, et +Spiritus sancti.
Hoc enim faciant, ut si in quinque sensus mentis et et corporis aliqua macula inhaesit, hac medicina Dei sanetur.
Oratio in consummatione hujus officii. --(923) Omnipotens sempiterne Deus, qui subvenis in periculis et necessitate laborantibus, Majestatem tuam supplices exoramus, ut mittere digneris sanctum angelum tuum, qui famulum tuum Ill. in angustiis et necessitatibus laborantem consolationibus tuis attollat, quibus et de praesenti consequatur auxilio, et aeterna remedia comprehendat. Per Dominum nostrum.
Missa pro episcopo vel congregatione.
Omnipotens sempiterne Deus, qui facis mirabilia magna solus, praetende super famulum tuum Ill. et super cunctos illi commissos spiritum gratiae salutaris, et, ut in veritate tibi complaceant, perpetuum eis rorem tuae benedictionis infunde. Per Dominum.
Super oblata. --Hostias, Domine, famuli tui Ill. et omnium sibi commissorum placatus intende, et quas in honorem nominis tui devota mente pro eis celebramus 238 proficere sibi sentiant ad medelam. Per Dominum.
Ad Complendum. --Famulum tuum Ill. et omnes sibi commissos per haec coelestia munera perpetuo, Domine, comitare praesidio, eosque fovere non desinens, dignos fieri sempiterna redemptione concede. Per.
Alia Missa.
Omnipotens sempiterne Deus, misere famulo tuo, et dirige eum secundum tuam clementiam in viam salutis aeternae, ut, te donante, tibi placita cupiat et tota virtute perficiat. Per.
Super oblata. --Proficiat, quaesumus, Domine, haec oblatio quam tuae supplices offerimus Majestati, ad salutem famuli tui Ill., ut tua providentia ejus vita inter adversa et prospera ubique dirigatur. Per.
Ad Complendum. --Sumentes, Domine, perpetuae sacramenta salutis, tuam deprecamur clementiam, ut per ea famulum tuum ab omni adversitate protegas. Per.
Alia ad Complendum. --Famulum tuum, quaesumus, Domine, tua semper protectione custodi, ut libera tibi mente deserviat, et te protegente a malis omnibus sit securus. Per.
Missa votiva.
Deus, qui justificas impium, et non vis mortem peccatorum, Majestatem tuam suppliciter deprecamur, ut famulum tuum Ill. de tua misericordia confidentem coelesti protegas benignus auxilio, et assidua protectione conserves, ut tibi jugiter famuletur, et nullis tentationibus a te separetur. Per.
Super oblata. --Hujus, Domine, quaesumus, virtute mysterii et a propriis nos munda delictis, et famulum tuum Ill. ab omnibus absolve peccatis. Per.
Ad Complendum. --Purificent nos, Domine, quaesumus, sacramenta quae sumpsimus, et famulum tuum Ill. ab omni culpa liberum esse concede, ut quia conscientiae reatu constringitur, coelestis remedii plenitudine glorietur. Per.
Missa specialis sacerdotis.
Fac me, quaeso, omnipotens Deus, ita justitia indui, ut in sanctorum tuorum merear exsultatione laetari, quatenus, emundatus ab omnibus sordibus peccatorum, consortium adipiscar placentium sacerdotum, meque tua misericordia a vitiis omnibus exuat quem reatus propriae conscientiae gravat. Per.
Super oblata. --Deus, qui te praecipis a peccatoribus exorari, tibique sacrificium contriti cordis offerri, hoc sacrificium, quod indignis manibus meis offero, acceptare dignare, ut et ipse tibi hostia, et sacrificium esse merear, miseratus concede, quo per ministerii hujus 239 exhibitionem, peccatorum omnium percipiam remissionem. Per.
Ad Complendum. --Hujus mihi, Domine, sacramenti perceptio sit peccatorum remissio, et tuae pietatis optata propitiatio, ut per haec, te opitulante, efficiar sacris mysteriis dignus, quae de tua pietate confisus frequentare praesumo indignus. Per.
Missa pro salute vivorum.
Praetende, Domine, misericordiam tuam famulis et famulabus tuis Ill. dexteram coelestis auxilii, ut te toto corde perquirant, et quae digna postulant assequantur, et medelam tuam non solum in corpore, sed etiam in anima sentiant. Per.
Super oblata. --Propitiare, Domine, supplicationibus nostris, et has oblationes famulorum famularumque tuarum, quas tibi pro incolumitate eorum offerimus, benignus assume; et ut nullius sit irritum votum, nullius vacua postulatio, praesta, quaesumus, ut quod fideliter petimus efficaciter consequamur. Per.
Ad Complendum. --Da famulis et famulabus tuis, quaesumus, Domine, in tua fide et sinceritate constantiam, ut, in charitate divina firmati, nullis tentationibus ab ejus integritate vellantur. Per.
Missa pro familiaribus.
Deus, qui charitatis dona per gratiam sancti Spiritus tuorum cordibus fidelium infudisti, da famulis tuis, pro quibus tuam deprecamur clementiam, salutem mentis et corporis, ut te tota virtute diligant, et quae tibi placita sunt tota dilectione perficiant. Per.
Super oblata. --Miserere, quaesumus, Domine Deus, famulis tuis, pro quibus hoc sacrificium laudis tuae offerimus Majestati, ut per haec sancta supernae benedictionis gratiam obtineant, et gloriam aeternae beatitudinis acquirant. Per.
Ad Complendum. --Divina libantes mysteria, quaesumus, Domine, ut haec salutaria sacramenta illis proficiant ad prosperitatem et pacem, pro quorum dilectione haec tuae obtulimus Majestati. Per Dominum.
Missa quotidiana pro rege.
(924) Quaesumus, omnipotens Deus, ut famulus tuus Ill., qui tua miseratione suscepit regni gubernacula, virtutum etiam (925) omnium percipiat incrementa, quibus decenter ornatus, et vitiorum monstra devitare, et ad te, qui via, veritas et vita es, gratiosus valeat pervenire. Per.
Super oblata. --Munera, Domine, quaesumus, oblata sanctifica, ut et nobis Unigeniti tui corpus et sanguis fiant, et (926) Ill. regi ad obtinendam animae corporisque salutem, et (927) peragendum injunctum officium, 240 te largiente, usquequaque proficiant. Per Dominum.
Ad Complendum. --Haec, Domine, (928) oratio salutaris famulum tuum Ill. ab omnibus tueatur adversis, quatenus et ecclesiasticae pacis obtineat tranquillitatem, et post istius temporis decursum ad aeternam perveniat haereditatem. Per.
Missa pro pace.
Deus, a quo sancta desideria, recta consilia, et justa sunt opera, da servis tuis illam quam mundus dare non potest pacem, ut et corda nostra mandatis tuis dedita, et, hostium sublata formidine, tempora sint tua protectione tranquilla. Per.
Super oblata. --Deus, qui credentes in te populos nullis sinis concuti terroribus, dignare et preces et Hostias dicatae tibi plebis suscipere, ut pax, tua pietate concessa, Christianorum fines ob omni hoste faciat esse securos.
Ad Complendum. --Deus, auctor pacis et amator, quem nosse vivere, cui servire regnare est, protege ab omnibus impugnationibus supplices tuos, ut qui in defensione tua confidimus, nullius hostilitatis arma timeamus. Per.
Missa pro quacunque tribulatione.
Ineffabilem misericordiam tuam, Domine, nobis clementer ostende, ut simul nos et a peccatis exuas, et a poenis quas pro his meremur eripias. Per.
Super oblata. --Purificet nos, Domine, quaesumus, muneris praesentis oblatio, et dignos sacra participatione perficiat. Per.
Ad Complendum. --Praesta, Domine, quaesumus, ut, terrenis affectibus expiati, ad superni plenitudinem sacramenti, cujus libavimus sancta, tendamus. Per.
Missa pro infirmis.
Omnipotens sempiterne Deus, salus aeterna credentium, exaudi nos pro famulis tuis Ill., quibus misericordiae tuae imploramus auxilium, ut reddita sibi sanitate, gratiarum tibi in Ecclesia tua referant actionem. Per Dominum.
Super oblata. --Deus, sub cujus nutibus vitae nostrae momenta decurrunt, suscipe preces et Hostias famulorum tuorum, pro quibus aegrotantibus misericordiae tuae imploramus auxilium, ut de quorum periculis metuimus, de eorum salute laetemur. Per Dominum.
Ad Complendum. --Deus, infirmitatis humanae singulare praesidium, auxilii tui super infirmos nostros ostende virtutem, ut, ope misericordiae tuae adjuti, Ecclesiae tuae sanctae repraesentari mereantur. Per Dominum nostrum Jesum Christum Filium tuum.