 XXIV. - Sine titulo |
XXVI. - Ad Bacchum  |
XXV
[Bacchi statua]
Perché, Bacco, godi d’una eterna giovinezza?
Quid causae, aeterna frueris quod, Bacche, iuventa
vel sene qui multo grandior es Pilio?
— Est quod vino, hospes, genioque indulgco; quod non
ambicio mentem distrahit ulla meam. —
5Cur te nulla operit vestis, cum casta puella
saepe, puerque tuos cursitet ante pedes?
— Ut doceam sic et nudari cuncta mea vi,
conscia qui multo torqueo corda mero. —
Aspera quid sibi vult frons cornibus? — Indicat ut sim
10mania siccato promptus ad arma scypho. —
Cur Nysa, Thebis, dia Cytherone relictis,
boiardae cordi sunt tibi praela domus?
— Quod praestant cunctis hic vina, quod impius illic
proh mos! nunc gelida massica mutat aqua. —
15Cur neque adest satyrus, neque lynx trahit esseda pictus,
concitus hic thyrso, concitus ille mero?
— Ne feritas huius, ne huius petulantia quemque
terreat a nostro limine cavit herus.
Sed iam iam ingredere, ut, quem vanum forte putasti,
20ostendant verum pocula piena deum.—
| XXIV. - Sine titulo |
XXVI. - Ad Bacchum |