Migne Patrologia Latina Tomus 138
Martyrologium ecclesiae Antissiodorensis (Auctor incertus), J. P. Migne
cc_id: cps_2.AucInc.MaEcAn, cc_idno: 9629
JANUARIUS. Jani prima dies et septima fine timetur. 138.1209C| ¶
Kalendis Januarii. Circumcisio et octava Domini nostri JESU CHRISTI. Romae S. Almachii martyris, et S. Martinae virginis et martyris. Apud Spoletum civitatem passio S. Concordii martyris. Apud Caesaream Cappadociae natalis S. Basilii episcopi et confessoris. In Africa natalis S. Fulgentii episcopi et confessoris. Apud Alexandriam S. Eufrosinae virginis. In territorio Lugdunensi natalis S. Eugendi abbatis. Ravennae S. Severi episcopi et martyris. Item Romae martyrum XXX.
Obiit Robertus Levita et canonicus. Ipsa die in territorio Arvernensi, coenobio Silviniaco, depositio domni Ordilonis Cluniacensis abbatis.
138.1209D| IV Nonas Januarii. In Thebaide depositio beati Macharii abbatis. Et in Ponto civitate Thomis trium fratrum Argei, Narcissi, et Marcellini pueri et mart. In Frisia passio S. Theaginis martyris.
III Nonas Januar. Romae natalis S. Antheros papae et martyris. Parisius depositio sanctae Genovefae virginis. In civitate Aulana passio S. Petri, qui crucis supplicio est interemptus. Viennae sancti Florentii episcopi.
Obiit Gislebertus episcopus et Ablenus archidiaconus.
Pridie nonas Januar. Apud Cretam natalis S. Titi apostolorum discipuli. Romae SS. mart. Prisci presbyteri et Priscilliani et Benedictae religiosissimae feminae et beatae Dafrosae martyris, et aliorum VII mart.
138.1210C| Nonis Januar. Romae natalis sancti Telesphori papae et martyris. Jerosolymae B. Simeonis prophetae, qui Dominum nostrum JESUM CHRISTUM in ulnas accepit. Apud Antiochiam in ecclesia quae vocatur Poenitentia, depositio Simeonis monachi qui in columna stetit.
Obiit Ebrardus subd. et canon., qui datis in claustrum faciendum C solidis, dedit etiam domum suam canonicis et vineas, hoc pacto ut fratres sui anniversarium ejus diem inde facerent, et canonici canonicis refectionem persolverent. Quod si facere recusarent, canonici domum et vineas sibi acciperent, et anniversarium idem cum eleemosynis et refectione celebrarent.
VIII Idus Januarii. Epiphania Domini nostri. In civitate 138.1210D| Antiochiae natalis sancti Juliani martyris et Basilissae et Celsi pueri et Marcianillae, et Antonii presbyteri et Anastasii martyrum. In territorio Remensi passio sanctae Magnae virginis. Antissiodero translatio sancti Germani confessoris.
Obiit dominus W. hujus sanctae ecclesiae episcopus. Ipso die Wadricus miles de Warziaco obiit.
VII Idus Januar. Relatio JESU ex Aegypto. In Antiochia natalis sancti Luciani presbyteri et martyris, qui in quatuor partibus est divisus, et in singulis lapidibus ligatus et in mare mersus.
VI Idus Januarii. Neapoli in Campania sancti Severi confessoris, Belvacus sancti Luciani presbyteri, Maximiani et Juliani martyrum.
Obiit Anastasius Senonum archiepiscopus.
V Idus Januar. Apud Smyrnam natalis SS. Vitalis, 138.1211A| Revocati et Fortunati; et in Mauritania Caesariensi natalis sanctae Martinae virginis.
IV Idus Januar. In Thebaide depositio sancti Pauli primi eremitae, qui a XVI aetatis suae anno usque ad CXIII solus in eremo permansit, ejusque animam inter sanctorum choros ad coelum ferri ab angelis B. Antonius vidit. Et in Cypro B. Nicanoris qui fuit unus de VII diaconibus.
Ipsa die Leotardus sacerdos et decanus Senonum obiit. Item Frotmundus miles S. Stephani obiit.
III Idus Januar. In Africa natalis sancti Salvii martyris. Apud Alexandriam natalis SS. confessorum Petri, Severi et Leutici.
II Idus Jan. Apud Achaiam natalis sancti Saturi 138.1211B| martyris. Eodem die sancti Archadii martyris. Apud Lingones sancti Gregorii episcopi et confessoris.
Idibus Jan. Romae via Lavicana coronae militum XL. Pictavis depositio S. Hilarii episcopi et confessoris. Remis natalis S. Remigii episcopi et confessoris. Octavae epiphaniae Domini.
Ipsa die Rainaldus Aeduensis episcopus ab hoc saeculo est translatus.
XIX Kal. Febr. In Antiochia Glicerii diaconi multis tormentis passi et in mare mersi. Nola Campaniae passio sancti Felicis presbyteri sepulti in Pincis. Et alibi depositio sancti Eufrarii episcopi et confessoris
Ordinatio Gerranni episcopi, qui dedit fratribus 138.1211C| in comitatu Laticensi Gaiacum cum omnibus appenditiis suis. Vineam quoque quae est in suburbio civitatis quae dicitur Cerseredus, quam qui habuerit per chartam det fratribus vini modium unum ad minorem mensuram.
Eodem die Rotdulphus rex obiit. Ipsa die Tetardus miles ab inimicis interfectus est, et Frotmundus sacerdos. Item ipsa die obiit Heldricus abbas S. Germani.
XVIII Kal. Febr. In Aegypto B. Macharii abbatis discipuli S. Antonii. Et alibi S. Hisiodori confessoris. Andegavis B. Mauri monachi et abbatis. Et alibi depositio Abacuc et Michaeae prophetarum.
XVII Kal. Febr. Romae via Salaria in cimiterio Priscillae, depositio Marcelli papae et martyris. 138.1211D| Arelate sancti Honorati episcopi et confessoris. Parrona coenobio sancti Fursei confessoris. Arvernis natalis sancti Boniti episcopi et confessoris.
Obiit Heribertus episc. et postea monachus. Obiit Arnaldus diaconus et magister. Item obiit Gyla bonae memoriae femina Deoque sacrata. Eodem die obiit Gaufridus hujus ecclesiae canon. et decanus.
XVI Kal. Feb. In Aegypto apud Thebaidam natalis B. Antonii monachi. Bituricas depositio Sulpicii episc. et confessoris. Lingonas passio SS. geminorum Speusippi, Eleusippi et Meleusippi Leonillae, Jovillae et Neonis.
138.1212A| Eodem die Gurardus obiit hujus ecclesiae canonicus et praepositus sanctae Mariae. Item obiit Vauterius levita et canonicus, qui dedit ad officium altaris S. Stephani vestimenta sacerdotalia et librum necessarium ad missam celebrandam, et fratribus dedit duos molendinos apud Villamnovam, domum, viridarium, vinum ad sui memoriam faciendam.
XV Kal. Febr. Cathedra sancti Petri apostoli qua primum Romae sedit. Eodem die natalis sanctae Priscae virginis et martyris. Et in Ponto natalis SS. martyrum Mosei et Ammonis. Alexandriae sancti Maximi episcopi et confessoris. In civitate Apollonia passio SS. Tirsi, Leuci et Gallenici, Antissiodero dedicatio beatae et gloriosae Virginis 138.1212B| MARIAE.
Obiit Gislaudus presbyter, qui cum fratre suo Fredeberto diacono et Vinberto laico dederunt fratribus mansum suum cum omnibus appenditiis suis, de vineis arpennes VIII, de terris ancingas sex, qui est situs in pago Senonico in villa Caciaco ad refectionem canonicis celebrandam.
Commemoratio Gaufredi et uxoris ejus Heldradae, pro quorum absolutione et sanctae Mariae veneratione Ricco filius eorum vineam dedit, de qua fratribus dedicationis ipsius Virginis die daretur pro tempore refectio.
XIV Kal. Febr. Jerosolymae natalis Marthae et Mariae, sororum Lazari. In Smyrna natalis S. Germanici mart. ac bestiis damnati. Corbionis monasterio 138.1212C| natalis sancti Launomari confessoris.
Obiit Airricus levita. Eodem die Frodo levita et canonicus obiit, qui pro salute animae suae fecit huic ecclesiae columbam argenti auro . . . deauratam cum corona et catenis argenteis desuper altare pendentem ad corpus Domini nostri JESU CHRISTI conservandum.
Eodem die Willelmus canonicus et levita obiit, qui pro remedio animae suae ad bibliothecam faciendam de nummis suis libras quatuor dedit. Item obiit Rodulphus sacerdos et canonicus, qui ob remissionem peccatorum dedit ecclesiae calicem argenteum, missale librum optimum et sacerdotale indumentum.
XIII Kal. Febr. Romae natalis Fabiani papae et martyris, 138.1212D| et sancti Sebastiani martyris, in vestigia apostolorum sepulti. In cimiterio Callisti via Appia Marii et Marthae cum filiis suis Audifax et Abacuc. Lugduno Galliae Clementis presbyteri.
XII Kal. Febr. Romae passio sanctae Agnetis virginis. Athenas B. Publii episcopi, qui a B. Paulo apostolo episcopus ordinatus est. Trecas natalis sancti Patrocli martyris. In Hispaniis natalis SS. martyrum Fructuosi episcopi, Augurii et Eulogii diaconorum.
Ipsa die Johannes humilis episcopus migravit ad Dominum, vixitque in episcopatu ann. I, menses XI, dies totidem.
XI Kal. Febr. In Hispaniis sancti Vincentii diaconi 138.1213A| et martyris. Romae ad aquas Salvias natalis sancti Anastasii monachi et martyris de Persida. Eodem die in Galliis, civitate Ebreduno, SS. martyrum Vincentii, Orontii et Victorini. In territorio Viennensi, passio SS. XVIII.
X Kal. Feb. Romae natalis S. Emerentianae virginis et martyris. Et in Mauritania civitate Neocaesariensi natalis S. Severiani et Aquilae uxoris ejus igne combustorum. Eodem die, natalis S. Parmenii diaconi, qui unus fuit de septem diaconibus. Toleto civitate, natalis S. Hildefonsi episcopi et confessoris.
IX Kal. Febr. apud Ephesum, natalis sancti Timothei discipuli B. Pauli apostoli, cujus corpus XX anno Constantini imperatoris Constantinopolim 138.1213B| translatum est. In Antiochia, natalis S. Babilli episcopi. Trecas S. Saviniani martyris. Et Neocaesaria civitate, natale sanctorum martyrum Mardonii, Musonii, Metelli, Eugenii.
VIII Kal. Febr. Conversio S. Pauli apostoli et translatio corporis ejus. Apud Damascum depositio Ananiae, qui ipsum Paulum baptizavit. Eodem die, natale B. Gregorii Nazianzeni episcopi, qui Theologus appellatur. Arvernis S. Praejecti episcopi et martyris, et Marini viri Dei. Apud Gabalensem civitatem S. Severiani episcopi.
VII Kal. Febr. In Nicaea Smyrnae, natalis S. Polycarpi episcopi et martyris discipuli S. Johannis apostoli, et Theogenis cum aliis XXXVI. In Bethleem 138.1213C| dormitio sanctae Paulae matris Eustochii virginis Christi. Et in monasterio Calae, depositio Bathildis reginae.
VI Kal. Febr. Constantinopoli, depositio S. Johannis Chrysostomi episcopi et confessoris. Eodem die, natalis S. Marii abbatis monasterio Bobacensi.
Obiit Heribaldus levita, qui dedit fratribus de praedio suo mansum et dimidium in Senonico, in villa quae dicitur Liviniacus, cum mancipiis et omnibus adjacentiis et quinque arpennos de vinea in villa Pauliaco. Hubertus diaconus obiit, et Adoynus sacerdos et decanus
Obiit Atto sacerdos et canonicus hujus ecclesiae succentor egregius, qui omnibus quae habebat in 138.1213D| eleemosynam datis, cum servis, vineis et rebus aliis, ecclesiam honestavit libris suis.
V Kal. Febr. Romae octavas S. Agnetis virginis et martyris. Apud Alexandriam depositio B. Cyrilli episcopi. In Tornodorensi, Reomago monasterio, transitus viri apostolici, doctoris eximii, Johannis summi confessoris.
Obiit Carolus imperator. Gotelindis Deo sacrata.
IV Kal. Febr. Romae SS. martyrum Papiae et Mauri militum. Treviris depositio S. Valerii episcopi discipuli sancti Petri apostoli. Trecas, sanctae Savinae virginis.
III Kal. Febr. In Antiochia passio S. Hippolyti martyris. 138.1214A| Jerosolymae, B. Matthiae episcopi. Eodem die, S. Alexandri martyris. Malbodio monasterio, natalis sanctae Aldegundis virginis.
Pridie Kal. Feb. Apud Alexandriam, natalis S. Metrani martyris. Item Alexandriae, natalis SS. martyrum Tirsi, Saturnini et Victoris. Trientina civitate, beati Vigilii episcopi et martyris. Et alibi, SS. martyrum Cyri, Johannis, et SS. virginum Theodoctae, Theotiotae et Eudoxiae, et sanctae matris earum Athanasiae.
FEBRUARIUS.
Kalendis Februarii. Apud Antiochiam, natalis S. Ignatii episcopi et martyris. Et in Scotia sanctae Brigidae virginis. Smyrnae, natalis S. Pionii martyris. Et alibi, beati Effrem diaconi. Tricastina 138.1214B| civitate, sancti Pauli episcopi et confessoris.
IV Nonas Febr. Purificatio S. Mariae. Caesareae B. Cornelii centurionis, ipsius urbis episcopi. Romae natalis S. Aproniani martyris. Aurelianis, depositio Floscoli episcopi et Sicariae Deo sacratae virginis.
III Nonas Febr. In Africa, B. Celerini diaconi, et SS. martyrum Celerinae aviae ejus, et Laurentini et Ignatii. Lugduno, depositio B. Lupicini episcopi.
Pridie Nonas Febr. In civitate Aegypti, quae appellatur Tumbis, passio beatissimi Phileae ejusdem urbis episcopi, et Philoromi tribuni et innumerabilium martyrum. Trecis S. Aventini episcopi et confessoris. Antissiodero, S. Alexandri subdiaconi 138.1214C| et confessoris.
Obiit Emmena Deo sacrata.
Nonis Febr. Apud Siciliam civitate Cathanensium, passio S. Agathae virg. Vienna B. Aviti episcopi et confessoris.
Eodem die obiit Gislebertus sacerdos atque decanus, postea monachus effectus; et Raginaldus sacerdos atque canonicus obiit.
VIII Idus Febr. Caesaraea Cappadociae, Natalis sanctae Dorotheae virginis et martyris, et sancti Theophili martyris scholastici. Arvernis natalis S. Antholiani martyris. Atrabis [ l. Atrebatis], SS. confessorum Vedasti et Amandi gloriosissimorum episcoporum.
VII Idus Feb. In Britanniis civitate Augusta, natalis 138.1214D| sancti Auguli episcopi et martyris. Apud Asiam provinciam, S. Apollonaris Hierapolitanae urbis antistitis.
VI Idus Febr. Apud Armeniam minorem, natalis SS. Dionysii, Emiliani et Sebastiani. Romae depositio S. Pauli episcopi. Alexandriae, natalis sanctae Cointhae martyris.
V Idus Febr. Apud Pontum provinciam, S. Athenodori episcopi, fratris beati Gregorii, qui et Theodorus cognominatus est. Alexandriae, natalis S. Apolloniae virginis.
IV Idus Febr. In Benevento, natalis sanctae Scholasticae virginis, sororis S. Benedicti. In Oriente, 138.1215A| S. Sotheris virginis. Romae, SS. martyrum Zotici, Irenaei, Hyacinti et Amantii. Apud Sanctonas, Trojani episcopi et confessoris.
III Idus Febr. Alexandriae, depositio S. Eufrasiae virginis, Lugduno, natalis B. Desiderii episcopi et confessoris. Eodem die S. Severini abbatis.
Obiit Aldoenus sacerdos, qui dedit fratribus patrimonium suum in Valeria villa.
Pridie Idus Febr. In Africa, SS. martyrum Saturnini presbyteri, Felicis, Apelii et sociorum ejus, qui passi sunt pro Christo sub Anolino proconsule. Apud Alexandriam, Modesti et Ammonii martyrum. In Africa, passio S. Damiani militis.
Eodem die obiit Robertus hujus ecclesiae episcopus, qui annuale beneficium pro defuncto canonico 138.1215B| instituit, et molendinum subtus murum ab Atone acquisitum, fratribus hujus ecclesiae concessit et sauvamentum duplex a Pulvereno . . . . removit.
Idibus Febr. Apud Antiochiam, natalis S. Agabi prophetae. In Militana civitate Armeniae, natalis S. Polieucti martyris, qui Latine interpretatur multum orans. Andegavis, S. Lisinii episcopi et confessoris, Lugduno, depositio S. Stephani, episcopi et confessoris.
Obiit Aaron episcopus.
XVI Kal. Martii. Romae, natalis S. Valentini presbyteri et martyris. Interamnis, natalis S. Valentini episcopi. Apud Alexandriam SS. martyrum Bassi, Antonii, Protholici, qui in mare mersi sunt. Eodem die, SS. martyrum Vitalis, Feliculae 138.1215C| et Zenonis cum aliis plurimis. In Eraclea, natalis S. Felicis, Januarii. Et alibi passio S. Sereni.
XV Kal. Martii. Romae, natalis S. Cratonis martyris. Apud Sebasten civitatem, passio S. Blavii [ l. Blasii] episcopi et septem Feminarum sanctarum. Ipso die, depositio Quinidii episcopi et S. Silvini episcopi. Interamne, natalis S. Agapae virginis.
XIV Kal. Martii. Natalis S. Onesimi apostoli, qui Romae lapidatus, ad Ephesum corpus ejus delatum est, ubi fuerat ordinatus episcopus; et in Cumis, sanctae Julianae virginis. Et in Aegypto, Juliani martyris cum aliis numero quinque millia.
XIII Kal. Martii. In Perside, natalis S. Polychronii 138.1215D| episcopi et martyris. In Africa passio S. Donati, Secundiani, Romuli, cum aliis LXXXVI. In Scotia S. Fintani presbyteri et confessoris.
XII Kalendas Martii. Hierosolymis beati Simeonis episcopi et martyris. Romae sanctorum martyrum Claudii et Praepedignae uxoris ejus, et filiorum Alexandri et Curae, et fratris Claudii, beati Maximi. Apud Alexandriam beati Dionysii episcopi et confessoris.
Obiit Walterius Aurelianensis episcopus.
XI Kalendas Martii. Romae natale S. Gabinii presbyteri et martyris patris beatissimae Susannae. In Africa Publii, Marcelli, Juliani martyrum.
Obiit Robertus miles.
138.1216A| X Kal. Martii. Apud Tyrum multorum martyrum, quorum numerum Dei scientia colligit. Romae depositio Gagi episcopi, et alibi Victoris et Coronae. In Alemannia beati Galli confessoris.
Eodem die obiit Erembertus sacerdos et praepositus, qui dedit fratribus alodum in Antonno villa, quem comparavit de Regemberto.
IX Kal. Martii. In Sicilia martyrum septuaginta et novem sub Diocletiano diversis tormentis passi. In Africa civitate Adrumeto natale sanctorum martyrum Veroli, Secundi, Servuli et aliorum XX.
Goffridus canonicus S. Stephani et decanus S. Petri obiit
VIII Kal. Martii. Apud Antiochiam Cathedra S. Petri apostoli qua primum sedit Antiochiae. In 138.1216B| Alexandria Abilii episcopi adjutoris Johannis apostoli et evangelistae, et alibi beati Aristiodonis, qui unus fuit de septuaginta duobus discipulis.
VII Kal. Martii. Apud Smyrnam natale S. Sineri monachi et martyris, et septuaginta duorum martyrum. In Asia Polycarpi episcopi.
Ipsa die Otto Burgundiae marchio obiit DCCCCLXIII incarnationis Dominicae anno. Item obiit Obertus miles.
VI Kal. Martii. Natale S. Mathiae apostoli, et inventio capitis Johannis Baptistae et praecursoris Domini. Apud Caesaream Cappadociae natale S. Sergii martyris.
Obiit domnus Betto episcopus, qui dedit fratribus 138.1216C| Vendosam ecclesiam et Rontonnacum villam, et in Corboiaco mansum 1 ad exhibendam refectionem et commune obsequium.
V Kal. Martii. Apud Aegyptum natale sanctorum martyrum Victorini et Victoris, Nicefori, Claudiani, Dioschori, Serapionis et Papiae. Pamphilia natale S. Nestoris et confessoris.
IV Kal. Martii. In civitate Pergem Pamphiliae beati Nestoris episcopi et martyris. In Alexandria beati Alexandri gloriosissimi episcopi et confessoris.
III Kal. Martii. Apud Hispaniam civitate Hispali natale S. Leandri episcopi, ad quem B. Gregorius libros Moralium scripsit. Et in Alexandria Juliani martyris.
II Kal. Martii. In territorio Lugdunensi locis Jurensibus 138.1216D| depositio B. Romani abbatis. Eodem die sanctorum Macharii et Rufini.
MARTIUS.
Kalendis Martii. Romae natale sanctorum martyrum CCLX, quos jussit primo Claudius pro Christi nomine damnatos arenam fodere, deinde praecepit ut foras muro portae Salariae mitterentur, et in amphitheatro ejusdem civitatis militum sagittis interficerentur. Andegavis Albini episcopi et confessoris. Carthagine passio Donati martyris. Apud urbem Antinoum passio beati Leonidis.
Obiit Actaldus sacerdos, qui dedit hospitali fratrum suorum in villa Gratis mansum cum vinea adhaerente. Eodem die Rotfredus decanus viam 138.1217A| universae carnis est ingressus. Guadilo subdiaconus obiit eodem die, qui dedit fratribus suis alodum suum in loco qui dicitur Vallis cum vineis et silvis seu mancipiis. Ipso die Enricus subdiaconus interfectus est. Item Waldricus praepositus corpus terrae, beatum Christo tradidit spiritum.
VI Nonas Martii. Romae natalis sanctorum martyrum Jovini et Basilei, et aliorum plurimorum martyrum sub Alexandro capitali sententia damnatorum. Item Romae Simplicis papae et martyris.
V Nonas Martii. In Hispania sanctorum Emittenrii et Cheledonii martyrio coronatorum. Antissiodero natale sanctae Camillae virginis. Caesareae natale sanctorum martyrum Marini militis et Aerii senatoris.
138.1217B| IV Nonas Martii. Natale sancti Lucii papae et martyris. Item, Romae sanctorum martyrum nongentorum, qui sunt positi in cimiterio ad sanctam Ceciliam. Eodem die natale sancti Gaii palatini in mare mersi. Nicomedia passio sancti Adriani cum aliis numero viginti tribus.
III Nonas Martii. Antiochia passio sancti Focae martyris, cujus ecclesiae januam si attigerit credens quilibet colubrino morsu percussus, statim sanatur. Ipso die sancti Eusebii palatini et aliorum novem martyrum.
Obiit Walo Trecassinae Ecclesiae episcopus. Eodem die ordinatio domni Hugonis episcopi, qui dedit fratribus in die ordinationis suae altare Billiacensis ecclesiae.
138.1217C| Pridie Nonas Martii. Nicomedia natale sanctorum Victoris et Victorini, qui tormentis multis afflicti, et retrusi in carcerem, ibidem vitae suae cursum impleverunt. Civitate Toleto depositio sancti Juliani antistitis.
Nonas Martii. Mauritania civitate Tuburbitanensi passio sanctorum martyrum Satiri, Perpetuae et Felicitatis, et cum eis Revocati, Saturnini et Secundoli.
VIII Idus Martii, Carthagine natale sancti Pontiani diaconi et beati Cypriani episcopi. In civitate Antinoum natale sanctorum martyrum, Philemonis, Apollonii, Arriani, Theotici et aliorum III in mare mersorum.
138.1217D| Eodem die defunctorum commemoratio monachorum monasterii de Caritate solemniter, quod et ipsi pro defunctis nostris celebrant.
VII Idus Martii. Nisena civitate natale sancti Gregorii episcopi fratris beati Basilii. Barzilona Paciani episcopi et confessoris. Apud Sebasten Armeniae minoris natale sanctorum gloriosorum martyrum XL militum tempore Licinii regis. Nam et nomina et gesta eorum habentur. In Africa Cyrilli, Felicis, Philippi, Mariani, Rogati, Concessi.
Obiit Wala episcopus, pro cujus memoria facienda Ansergisus germanus ejus archiepiscopus . . . . duos mansos cum regali et episcopali consensu fratribus dilargitus est, et in administratione luminis 138.1218A| divini altaris ecclesiae S. Stephani in Piscasiolo villa mansum unum.
VI Idus Martii. Apamia natale sanctorum martyrum Alexandri et Gaii de Eumenia. In Persida sanctorum martyrum XLII. In Antiochia Agapae virginis. Parisius sancti Drothoveri abbatis, discipuli beati Germani episcopi. Luxovio monasterio sancti Attali abbatis.
V Idus Martii. Apud Alexandriam natale sanctorum Philoni episcopi, Candidi, Valerii cum aliis viginti. Apud Sebasten Armeniae minoris natale sanctorum XL martyrum, qui crurifragio martyrium consummarunt. Carthagine natale sancti Heracli. Antissiodero sancti Vigilii episcopi et martyris.
Ipso die Agano decanus sancti Stephani obiit.
138.1218B| IV Idus Martii. Natale sanctorum Innocentii papae et beatissimi Gregorii papae et praecipui doctoris. Apud Nicomediam natale beati Petri excellentissimi et martyris, qui fide et nomine haeres almi Petri apostoli exstitit aliorum octo.
Obiit Adalgarius diaconus, qui dedit fratribus de vineis arpennos VI in circuitu Gratiaci ad sui memoriam celebrandam. Eodem die ordinatio domni Bettonis episcopi.
III Idus Martii. Nicomedia natale sanctorum martyrum Macedonii presbyteri et Patriciae uxoris ejus, et Modestae filiae ejus. Nicaea civitate sanctorum martyrum Theusetae, Horis, Theodorae, Nimpodorae, Marcii, Arabiae, qui omnes igni traditi sunt. In Thebaida sanctae Euphrasiae virginis. In territorio 138.1218C| Nevernensi sancti Viventii presbyteri.
Pridie Idus Martii. Romae natale sanctorum martyrum XLVII, qui baptizati sunt a beato Petro cum teneretur in custodia, qui omnes Neroniano gladio consumpti sunt. Apud Laodiciam natale sancti Segaris episcopi et martyris. Nicomedia Felicissimi, Dativi et Frontinae. Romae Innocentii episcopi. In Africa sancti Petri martyris et sancti Eufrosii.
Idus Martii. In Caesarea Cappadociae passio sancti Longini, qui latus Domini lancea perforavit, ut in gestis ejus invenitur. Thessalonica civitate natale sanctae Matronae martyris, quae viriliter usque ad mortem in confessione Christi permansit. Romae Zachariae papae.
138.1218D| Obiit eodem die Adelhelmus sacerdos et concentor. Eodem die obiit Odo miles, qui apud Crevenum villam alodum suum canonicis dedit.
XVII Kalendas Aprilis. Aquileia beati Hilarii episcopi et Taciani diaconi, qui una cum filio suo Felice, Largo et Dionysio martyrium consummarunt. Romae Cyriaci martyris, et cum eo Smaragdi et Crescentiani, et aliorum viginti martyrum. Arvernis sancti Patricii episcopi et confessoris. Nicomedia Castorii martyris.
XVI Kalendas April. In Scotia natale sancti Patricii episcopi et confessoris, qui primus ibidem Christum evangelizavit. Alexandria natale sancti 138.1219A| Ambrosii diaconi. Nivigella monasterio sanctae Gertrudis virginis.
XV Kalend. April. Apud Caesaream natale sancti Alexandri episcopi et martyris, qui cum Narcisso Hierosolymitanae Ecclesiae gubernacula suscepit. Romae Cyrilli episcopi et confessoris.
Obiit Walaharius sacerdos et decanus.
XIV Kalend. April. In Caesarea Cappadociae sancti Theodori presbyteri. Apud Penarensem urbem beati Johannis magnae sanctitatis VIII. Surrentum sanctorum martyrum Quinti, Quintilli, Quartillae, Marci cum aliis novem.
XIII Kalend. April. In Britanniis natale sancti Chudbrehcti episcopi et confess. Eodem die natale sancti Archippi commilitonis Pauli apostoli. In 138.1219B| Syria sanctorum Pauli, Cyrilli, Eugenii cum aliis IV. Ipso die sancti Wilfranni.
Obiit Adoardus presbyter et Aroildis Deo devota, qui dedit fratribus in villari Tornetrense et Marolio optimum alodum cum capella pro sui memoria facienda.
XII Kalend. April. Apud Cassinum castrum sancti patris nostri Benedicti abbatis, qui fuit spiritu justorum omnium plenus. Et in Flaviniaco adventus et exceptio corporis sanctae Reginae virginis et martyris. In territorio Lugdunensi beati Lupicini abbatis. Et in Alexandria beati Serapio nis anachoritae.
XI Kalend. April. In Galliis civitate Narbonae natale sancti Pauli episcopi et confessoris discipuli 138.1219C| apostolorum. Apud Corinthum beati Dionysii episcopi. Civitate Biterris sancti Afrodisii episcopi et confessoris.
Obiit Conradus comes et Maginfridus miles sancti Stephani. Eodem die obiit Theodericus canonicus et sacerdos, qui dedit domum suam et vineas, quidquid etiam proprietatis habere videbatur, ad hospitale pauperum pro obtinenda venia delictorum suorum.
X Kalend. April. Natale sanctorum martyrum Victoriani, Frumenti et alterius Frumentii, duorumque germanorum egregio tormento coronatorum sub Honorico rege. Apud Africam beati Fidelis martyris.
Gislarus archidiaconus obiit, qui dedit fratribus 138.1219D| suis omne praedium suum quod in Melundis et in circuitu ipsius habere visus est ad memoriam sui faciendam. Eodem die Willelmus laicus obiit, qui dedit inter fratres et altare patrimonium suum in Senonico, in villa Confluente. Eodem die obiit Andreas miles.
IX Kalend. April. In Syria natale sancti Seleuci. Ipso die sanctorum Romuli et Secundoli, qui apud Mauritaniam pro Christo passi sunt. Romae passio sancti Pigmenii presbyteri. Hic Julianum apostatam a puero nutrivit et sacris litteris erudivit, a quo postea in Tiberim pro Christi fide necatus est; dehincque abstractus, sepultus est in cimiterio Pontiani non longe a sanctis Abdon et Sennen. In 138.1220A| Syria sancti Seleucii, itemque in Frigia sancti Agapiti.
VIII Kalend. April. Apud civitatem Galileae Nazareth Annuntiatio sanctae ac perpetuae virginis Mariae, et in Hierosolymis crucifixio Domini nostri Jesu Christi. Apud Syrmium natale sancti Herenei episcopi et martyris. Romae passio sancti Cyrini martyris. Nicomedia natale sanctae Sedulae martyris. In Antro insula natale sancti Ermelandi abbatis.
Obiit Ilduinus Senonensis archidiaconus hujus ecclesiae canonicus.
VII Kalend. April. Romae sancti Castuli presbyteri et martyris. Pentapolim Lybiae Theodori episcopi, Yrenei diaconi, Serapionis et Ammonii lectorum. Apud Syrmium natale sancti Montani presbyteri 138.1220B| et Maximae uxoris ejus in mare mersorum.
Obiit Aya sanctae Mariae ancilla. Eodem die obiit Anastasia mater domini Acardi presbyteri, quae dedit canonicis sancti Stephani protomartyris quamdam vineam optimam, hoc pacto ut qui matutinis horis institerint, vinum dum duraret biberent. Canonici autem qui erant in capitulo hoc concesserant.
VI Kal. April. Apud Aegyptum B. Johannis eremitae, admirandae sanctitatis, et prophetiae spiritus viri. Hierosolymis Resurrectio Domini nostri Jesu Christi. Apud Smyrnam beati Traseae episcopi et martyris. In Pannonia sancti Alexandri martyris.
V Kalend. April. Caesareae Palestinae natale sanctorum 138.1220C| martyrum Prisci, Malchi, Alexandri. Cavillono depositio domni Gontranni regis. Romae Sixti papae. Tharso Ciliciae Castoris et Dorothei.
Eodem die obiit Ansellus juvenis miles S. Stephani. Item, obiit Condrada Deo sacrata.
IV Kalend. April. Natale SS. martyrum Armogasti, Archinimi, et Satyri tempore Wandalicae persecutionis. Monasterio Luxoviensi depositio beati Eustasii abbatis discipuli S. Columbani.
Ordinatio domni Waldrici episcopi. Ipsa die obiit Dodo miles sancti Stephani.
III Kalend. April. Romae natale SS. martyrum Quirini, Tribuni. Apud castrum Silvanectensium depositio S. Reguli confessoris et primi civitatis ipsius episcopi. Thessalonicae natalis sanctorum 138.1220D| Domnini et Victoris.
Pridie Kalend. April. Romae S. Balbinae virginis, quae jacet juxta patrem suum Quirinum martyrem. Eodem die Amoos prophetae. In Africa SS. Diodoli et Anesii.
Ipsa die obiit Belinus levita et canonicus, vir honestae vitae, qui canonicis sancti Stephani ad emendos reditus mille solidos dedit, de quibus singulis annis communis refectio canonicis exhibeatur.
APRILIS.
Kalendas April. In Armenia SS. martyrum Quintiani, Victoris. Romae depositio beatissimae Theodorae martyris. In Thessalonica natale SS. virginum 138.1221A| Agapis et Cyoniae martyrum. In Sardinia B. Meritoris episcopi et confessoris. Ipso die S. Venantii episcopi et martyris.
Obiit Guido canonicus et Edissae archidiaconus.
IV Nonas Aprilis. Lugduno beati Nicetii episcopi et confessoris. Apud Palaestinam depositio beatae Mariae Aegyptiacae, quae Peccatrix appellatur.
III Nonas April. Caesaraea Cappadociae passio sanctae Theodosiae virginis. Nicomedia, S. Donati et S. Amphiani. In Scithia civitate Thomis, natale sanctorum Evagrii et benigni.
Obiit Abbo hujus ecclesiae miles.
II Nonas Aprilis. Mediolano beati Ambrosii episcopi et confessoris doctoris praecipui. Apud Ispalim depositio 138.1221B| S. Isidori episcopi et confessoris.
Ipsa die obiit Leotericus vicecomes, hujus ecclesiae vexillarius.
Nonas Aprilis. Thessalonicae natale sanctae Hyrenae virginis et martyris. Apud Aegyptum, natale sanctorum Nichanoris, et Apollonii, et Martianae, quorum gesta habentur.
Eodem die ordinatio domni Heriboldi episcopi. Item ipsa die Ingeluinus miles obiit.
VII Idus Aprilis. Romae natale S. Sixti papae et martyris temporibus Adriani passi. In Macedonia sanctorum Timothei et Diogenis. Libiae superioris Theodori episcopi, Herenei diaconi, Serapionis et Ammonii lectorum. Et alibi natale sanctae Marinae et Egulinae.
138.1221C| Obierunt Remigius et Warimbertus episcopi. Eodem die obiit Gaufridus archidiaconus et abbas sancti Eusebii.
VIII Idus Aprilis. Apud Africam natale sanctorum Epiphanii episcopi, et donati et aliorum XIII. Eodem die Hejesippi XIV sanctissimi. Alexandria sancti Peleusii presbyteri,
Obiit Johannes levita et abbas sancti Eusebii adhuc juvenis prudentia litterarum imbutus et bonitate decorus. Ipsa die obiit Adila religiosa femina.
VI Idus Aprilis. Apud Tolosam natale sancti Exuperii episcopi et confessoris, cujus actus beatus Hieronymus memorabiliter describit. Romae Calisti papae.
138.1221D| Obiit Beraldus sacerdos et concentor.
V Idus Aprilis. Apud Antiochiam natale Procori martyris, qui unus fuit de VII diaconibus. Apud Syrmium natale VII virginum, quae in unum meruerunt coronari, quarum nomina Deus novit.
Obiit Suavis subdiaconus in litteris multum deditus. Eodem die regina uxor Guiberti obiit, cujus assensu et precibus idem Guibertus ecclesiam sancti Stephani canonicis in Acolaco villa dedit.
IV Idus Aprilis. Romae natale plurimorum martyrum quos sanctus Alexander papa baptizavit, et Aurelianus in mari necare fecit, et alibi Ezechielis 138.1222A| prophetae. Antissiodero depositio sancti Palladii episcopi et confessoris.
Obiit Waningus, qui dedit fratribus suum mansum indominicatum cum optima vinea et viridario adhaerente in loco qui dicitur Mausiacus, ad sui memoriam celebrandam. Eodem die Hludovicus rex obiit.
III Idus Aprilis. Romae natale S. Leonis papae, cujus temporibus exstitit sancta synodus Calcedonensis. Apud Cretam urbe Gortina natale sancti Philippi episcopi et confessoris. In Dalmatia civitate Salona natale sancti Dominionis episcopi et confessoris cum militibus VIII. Nicomedia S. Eustorgii.
II Idus Aprilis. Romae via Aurelia depositio beati 138.1222B| Julii episcopi et confessoris. Ipso die Zenonis episcopi. Wapingo depositio Constantini episcopi. Antissiodero beati Tetrici episcopi
Eodem die Guillelmus subdiaconus canonicus feliciter emisit spiritum, et pro delictorum suorum remissione domum suam et vineam canonicis dedit.
Idus Aprilis. In Calcedonia natale sanctae Eufemiae virginis et martyris. Apud Pergamum Asiae urbem natale SS. martyrum Carpi episcopi, et Papilii diaconi, et beatae Agathonicae, et aliarum multarum. In Hispania natale S. Herminegildis regis et martyris.
XVIII Kalendas Maii. Romae natale SS. Tiburcii et Valeriani et Maximi. Interamnis S. Proculi martyris. 138.1222C| Apud Alexandriam beati Hontonis et sanctae Domnae virginis cum sociis virginibus coronatae.
Eodem die ordinatio domni Richardi praesulis. Ipsa die obiit Otbertus miles S. Stephani.
XVII.
Kal. Maii. In civitate Cordula natale sanctorum martyrum Olympiadis et Maximae nobilium. In Italia sanctorum martyrum Maronis, Euthicetis et Victorini. Et in Reomago coenobio beati Sylvestri discipuli sancti Johannis confessoris.
XVI Kal. Maii. Caesar-Augustae sanctorum decem et octo martyrum, quorum nomina et passio habentur. Apud Chorintum natale S. Calixti et Carisii cum aliis VII. Romae S. Anicheti papae et 138.1222D| martyris, et in Mauritania natale sanctae Basiliae
Eodem die obierunt Godolgarius presbyter et Augustus sacerdos, qui dedit fratribus alodum suum Maisilinae cum vinea adjacente in villa quae dicitur Loconiacus ad sui memoriam recolendam.
XV Kal. Maii. Apud Africam natale sancti Mappalici, qui cum aliis pluribus cononatus est. Antiochia natale sanctorum Petri diaconi et Hermogenis.
Obiit Petrus diaconus qui dedit fratribus in pago Senonico, in villa quae dicitur Rivisiacus, et in pago Antissioderense in villa quae dicitur Poziacus, omnia 138.1223A| propria sua quaecunque visus est habere, cum masilinis et terris et vineis ad sui memoriam recolendam. Ipso die David levita et praepositus migravit ab hac vita. Item, Johannes levita et abbas humilis ab hoc saeculo migravit ad clementiam Christi. Obiit Richardus comes. Victoria comitissa.
XIV Kalend. Maii. Apud Messanam Apuleiae civitatem natale SS. martyrum Eleutherii gloriosissimi episcopi, et Anthiae matris ejus. Romae passio S. Apollonii senatoris. In Africa Victoris-Pamphili cum aliis numero VII.
XIII Kalend. Maii. Apud Chorintum natale S. Timonis crucifixi, qui fuit de VII. diaconibus. In Armenia civitate Militina natale SS. Rufi, Aristonici, Hermogenis cum aliis numero sex. Caucoliberi 138.1223B| Hispaniae natale S. Vincentii martyris. In coenobio quod dicitur ad Laubias depositio beati Ursmari episcopi et confessoris.
Obiit Ersendis vidua Deo sacrata, quae dedit fratribus pro Agini quondam sui mariti atque animae suae absolutione in pago Senonico in villa Caciaco clausum vineae habentem Arpennos IV, et ad sanctum Priscum inter monachos et fratres vineolas quas ibi habebat. Stephanus miles obiit.
XII Kalend. Maii. Natale S. Victoris papae et martyris. Item, Romae SS. martyrum Sulpitii et Serviliani. Antissiodero civitate depositio SS. confessorum Mamertini et Mariani.
XI Kalend. Maii. Apud Persidem natale S. Simeonis episcopi et martyris cum aliis plurimis. In 138.1223C| Galliis civitate Ebredunensi natale S. Marcellini episcopi et confessoris. Apud Alexandriam natale SS. Fortunati, Aratoris presbyteri, Felicis, Silvii, Vitalis, qui in carcere quieverunt.
Obiit domnus Galdricus episcopus. Obiit Hugo nobilissimus miles sancti Stephani, qui dedit fratribus Acolacum villam cum appendiciis suis, annuente Goffrido episcopo suo seniori ad sui memoriam recolendam.
X Kalend. Maii. Romae S. Gai papae et martyris. Apud Persidem SS. martyrum quingentorum. Lugduno Galliae natale sancti Epipodii martyris. Et alibi S. Parmenii cum sociis suis. Senones civitate S. Leonis episcopi et confessoris.
138.1223D| Eodem die Elya uxor Roberti ducis, mundo plangente, coelo plaudente, ultimum exhalavit spiritum. Ipsa die Elisabeth uxor Josberti militis, cujus assensu et precibus isdem Josbertus nemus quoddam et olquam unam non longe ab Acolaco villa canonicis sancti Stephani dedit ad sui memoriam faciendam.
IX Kalend. Maii. In Persida civitate Diospoli passio S. Georgii martyris. In Galliis civitate Valentia natalis SS. Felicis presbyteri, Fortunati et Achillei diaconorum. Fontenella monasterio S. Wlfranni episcopi et confessoris.
Eodem die obiit Gwilencus miles.
VIII Kalend. Maii. Lugduno Galliae natale S. Alexandri 138.1224A| martyris cum aliis numero XXXIV. In Britannia S. Melliti episcopi et confessoris.
Obiit Ansellus levita et canonicus insignis, in divinis scripturis magister egregius, qui pro salute animae suae vineam quam habebat in monte Defenso canonicis dedit.
VII.
Kalend. Maii. In Alexandria natale S. Marci evangelistae. Lugduno depositio beati Rustici episcopi. Romae letania major ad S. Petrum. In Syracusa civitate Siciliae natale SS. Evodii, Ermogenis et Calistae.
Obiit domnus Eribaldus episcopus qui dedit ad vestimenta fratrum emenda, Condidam villam cum suis appenditiis et abbatiolam sancti Remigii cum vineis, corticano videlicet et plantis; et ad stipendia 138.1224B| ipsorum dimidium Maximiacum, hoc est mansos XXI.
VI.
Kalend. Maii. Romae natale SS. martyrum Cleti et Marcellini papae. In pago Pontivo, coenobio Centulae, depositio sancti Richarii confessoris. Antissiodero dedicatio majoris ecclesiae S. Mariae.
V Kalend. Maii. Romae natale S. Anastasii papae. Nicomedia S. Antimi episcopi et martyris cum innumera multitudine martyrum. In civitate Tarso Ciliciae natale S. Castori.
Obiit Lambertus hujus ecclesiae canonicus et sacrista, qui ad sui memoriam recolendam dedit huic ecclesiae bacinos duos argenteos, thuribulum argenteum, cappam de pallio, et duo candelabra, et duo tapetia; canonicis autem dedit centum solidos 138.1224C| et furnum quem apud Crevenum fecit, et quidquid domorum vel aliorum aedificiorum tam apud Crevenum, quem apud Acolacum habuit.
IV Kalend. Maii. Apud Ravennam natale S. Vitalis martyris patris SS. Gervasii et Prothasii. Alexandria beatae Theodorae virginis et martyris, et S. Didimi martyris. In Pannonia S. Eusebii episcopi et S. Pollionis martyris
Obiit Stephanus laicus, qui dedit praedium suum, quod in Loconiaco villa adquisivit de Georgio presbytero, fratribus sancti Stephani, ad sui memoriam agendam post obitum uxoris Gelesindis.
III Kalendas Maii. Apud Paphum natale S. Titichi apostolorum discipuli. In Tuscia Torpetis martyris. In Numidia apud Cirtensem coloniam natale 138.1224D| sanctorum martyrum Agapii et Secundini episcoporum. Passi sunt cum eis alii sex.
Eodem die Ayglulfus sacerdos atque decanus, divinorumque erogator verborum ab hac luce migravit, canonicis S. Stephani tribuens tres arpennos vineae sui praedii in Garricis villa.
Pridie Kalend. Maii. Natale sanctorum martyrum Mariani presbyteri et Jacobi diaconi cum aliis multis. Sanctonas civitate natale S. Eutropii martyris. Apud Asiam passio S. Maximi martyris. Romae via Appia depositio Quirini episcopi et confessoris.
Obierunt Nivelon miles. Item Hugo hujus ecclesiae canonicus et decanus.
MAIUS.
138.1225A|
Kalendas Maii. Natale SS. apostolorum Philippi et Jacobi. Jerosolymis natale sancti Quiriaci episcopi et martyris, qui et Judas vocatus est. Et alibi Jeremiae prophetae. Autissiodero civitate depositio sanctissimi Amatoris episcopi et praecipui confessoris Christi. In Galliis territurio Vivariensi passio S. Andioli subdiaconi. Civitate Sedunensi loco Agauno passio S. Sigismundi regis. Tolosa civitate depositio S. Orientis episcopi et confessoris.
VI Nonas Maii. Alexandria natale sancti patris nostri Athanasii episcopi et confessoris. Item in Alexandria natale SS. Saturnini et Neapolis qui in carcere requieverunt. Hierosolymis natale beati Simeonis 138.1225B| episcopi et martyris, qui propinquus Salvatoris fuit secundum carnem. Autissiodero Optati episcopi, Memorii presbyteri et Sanctini presbyteri.
Obiit Remigius monachus et egregius doctor. Eodem die obiit Norgaudus Eduensis episcopus, hujus ecclesiae canonicus, qui per manum Humbaldi episcopi ecclesiae nostrae dedit pretii librarum X ex pallio cappam optimam et quinque marcas argenti purissimi ad mensam altaris exornandam, et duo super altare operimenta mirabiliter et operose operata.
V Nonas Maii. Hierosolymis inventio sanctae Crucis ab Helena regina in monte Golgota anno post Passionem Domini CCLXXXIII, regnante Constantino imperatore. Romae via Nomentana natale SS. martyrum 138.1225C| Alexandri papae, Eventii et Theodoli presbyteri. Ipsa die Juvenalis episcopi et confessoris. Autissiodero Eusebii presbyteri et Aviti diaconi.
IV Nonas Maii. In Palaestina civitate Gazan natale sancti Silvani episcopi cum plurimis clericorum suorum coronati. Et alibi sanctorum martyrum XL. Nicomediae natale S. Antoniae martyris. Autissiodero depositio et translatio S. Corcodomi diaconi et confessoris. Lauriaco natale sancti Floriani martyris.
Obiit Walterius levita et canonicus et S. Mariae praepositus. Eodem die Girbertus levita et praeceptor et abbas S. Eusebii corpus tumulo, animamque reddidit Christo.
III Nonas Maii. Ascensio Domini ad coelos. Apud 138.1225D| Alexandriam natale S. Euthimi diaconi. Thessalonicae natale SS. Herenei et Peregrini et Hirenes ignibus combustorum. Arelato depositio S. Hilarii episcopi et confessoris. Autissiodero passio S. Juviniani lectoris. Vienna B. Nicetii episcopi venerabilis sanctitatis viri.
Obiit Frodo archipresbyter et canonicus litteris bene eruditus.
Pridie Nonas Maii. Romae S. Johannis apostoli et evangelistae, quando ante portam Latinam in ferventis olei dolio missus est. Antiochia natale S. Evodii episcopi et martyris. Eodem die B. Lucii Cyrenensis episcopi, et alibi sanctorum martyrum Helyodori, Venusti, Postumii, Maximi, Niceti, 138.1226A| cum aliis LXXII. Autissiodero depositio SS. Valerii et Valeriani episcoporum et confessorum.
Eodem die Mediolano ordinatio domni Humbaldi episcopi, et obitus magistri Guidonis canonici sancti Stephani et archiclavi, qui dedit ecclesiae nostrae ex libris suis passionales duos, antiphonarium, gradale, hymnarium et psalterium optimum.
Nonas Maii. Apud Terracinam Campaniae urbem natale beatae Domitillae virginis et martyris cum aliis virginibus martyrio coronatis. Eodem die natale sanctorum Nerei et Achillei eunuchorum. Trecas sanctae Mastidiae virginis. Ipso die apud Nicomediam passio sanctorum Flavii, Augusti et Augustini fratrum.
Ipso die Ilgerius hujus ecclesiae venerabilis praepositus, 138.1226B| speculum et forma clericorum, tandem monachalem suscipiens habitum, mortem perdidit et vitam invenit. Hic autem ut in anniversario Humbaudi episcopi avunculi sui fratribus refectio exhiberetur, molendinum quod apud Agligniacum de suo proprio fecit, huic ecclesiae donavit. Multis etiam ornamentis ecclesiam istam decoravit sacerdotalibus, scilicet vestimentum diaconorum et subdiaconorum. Dedit etiam calicem argenteum, canulas argenteas et cappam de pallio optimam, missale et breviarium, et multos alios libros. Inter etiam multa beneficia quae huic ecclesiae fecit, dedit super altare quinque operimenta linea venerabiliter operata. Portas autem principales istius ecclesiae fecit, in quarum operatione CCC solidos donavit, medietatem 138.1226C| quoque terrae de Albex, quam a Gaufrido Rufo emit, et molendinum quod aedificavit in villa quae dicitur Molins, ad refectionem in die anniversarii sui singulis annis fratribus exhibendam donavit. Eodem die obiit Hugo Nivernensis episcopus, hujus ecclesiae canonicus.
VIII Idus Maii. Mediolano natale sancti Victoris martyris. Autissiodero depositio sancti Eladii episcopi et confessoris. In Santonico [ f. Nannetico] Vertavense monasterio depositio sancti Martini presbyteri et confessoris. Romae Benedicti papae. In territurio Bituricae civitatis monasterio Silviniaco depositio S. Desiderati confessoris.
VII Idus Maii. In Persida sanctorum martyrum CCCX. Castro Vindocino natale Beati confessoris, cujus 138.1226D| gesta habentur. Constantinopoli natale sancti Timothei.
VI Idus Maii. Obitus Job prophetae. Romae Via Latina in cimiterio ejusdem natale sanctorum martyrum Gordiani et Epimachi cum aliis multis. Item Romae Calepodii episcopi et martyris. Item Romae ad Centum aulas [ f. Centumcellas] Quarti et Quinti.
V Idus Maii. Romae Via Salaria natale beati Antimi presbyteri et martyris et S. Pontii. Vienna natale sancti Mamerti. Silviniaco natale S. Maioli abbatis. Eodem die passio S. Gengulfi martyris.
Obiit Wibertus laicus et Dutinus puer, qui dederunt nobis mansinile cum vinea in valle juxta 138.1227A| Matriacum. Ipso die obiit Landricus comes.
IV Idus Maii. Romae in cimiterio Praetextati natale sanctorum martyrum Nerei et Achillei fratrum. Item, Romae via Aurelia natale S. Pancratii martyris. Eodem die beati Dionysii patrui ejusdem beati Pancratii. Apud Cyprum sancti Epiphanii episcopi et confessoris.
Obierunt Hugo abbas et Wigbaldus episcopus, qui dedit fratribus XII mansos in Chichiriaco per praeceptum regis. Item Hermengardis comitissa obiit.
III Idus Maii. Romae sanctae Mariae ad Martyres dedicationis dies agitur a Bonifacio papa institutus. Tungrensis ecclesiae depositio S. Servatii episcopi et confessoris, et alibi beati Mitrii presbyteri et 138.1227B| confessoris. Autissiodero depositio S. Marcelliani episcopi et confessoris.
Pridie Idus Maii. In civitate Cymela natale S. Pontii martyris. In Syria natale sancti Victoris et S. Coronae, qui simul passi sunt. Ipso die natale S. Pachomii patris nostri. Eodem die passio S. Bonifacii martyris, qui Nonas Junias Romae sepultus est, quando et celebrior ejus dies agitur.
Obiit Letardus presbyter, qui dedit fratribus quaecumque habere visus est in pago Senonico, in villa quae dicitur Bagnentiis, et in pago Autissiodorensi in villa quae dicitur Molendinis, ad sui memoriam recolendam.
Idus Maii. Natale sanctorum confessorum Torquati, Tisefontis, Secundi, Indaletii, Cecilii, Esicii, Eufrasii, 138.1227C| qui Romae a sanctis apostolis episcopi sunt ordinati. Apud insulam Chium natale S. Hysidori martyris. Lomosaco natale sanctorum Petri, Pauli, Andreae et Dionysiae, quorum mirae passiones leguntur. Augustiduno natale S. Tetrici episcopi.
XVII Kalendas Junii. Autissiodero vico Baugiaco passio S. Peregrini episcopi primi civitatis ipsius. In pago Tricassino sancti Fidoli episcopi et confessoris. Et alibi natale sanctorum Aquilini et Victoriani, quorum gesta habentur. In pago Foro-Julensi vico qui vocatur Calidianus, natale S. Maximae virginis. In Provincia civitate Aquis sancti Mitrasii martyris.
Eodem die domnus Rikardus episcopus viam aniversae carnis est ingressus. Eodem die obiit Fulco 138.1227D| sancti Amatoris canonicus et sacerdos, qui pro salute animae suae domum suam Petrinam fratribus dedit.
XVI Kal. Junii. Apud Hierapolim beati Papiae antistitis. In Tuscia depositio corporis Torpetis martyris, qui V Kalendas Maii martyrium complevit, sed festivitas ejus hoc die celebrior agitur. In Alexandria Victoris.
Obiit Gauzelmus sanctae Lingonensis ecclesiae episcopus.
XV Kalend. Junii. Apud Aegyptum sancti Dioscori lectoris et martyris. Ipso die natale sancti Felicis episcopi et martyris. Autissiodero exceptio reliquiarum sanctae Eugeniae virginis et martyris.
138.1228A| XIV Kalendas Junii. Romae natale S. Potentianae virginis et martyris et S. Pudentis patris ejus. Item Romae natale sanctorum martyrum Calocerii et Partheni eunuchorum uxoris Decii imperatoris. In Africa natale SS. Quinti, Primuli, Salusti, Fortunati, Domnionis.
XIII Kalendas Jun. Romae via Salaria natale S. Basillae virginis et martyris. In Galliis civitate Nemauso natale S. Baudelii martyris. Bituricas natale S. Austregesili episcopi et confessoris. Autissiodero in basilica S. Germani dedicatio subteriarum cryptarum, et in occidentali parte ejusdem ecclesiae consecratio oratorii S. Joannis Baptistae.
XII Kalend. Jun. In Mauritania natale sanctorum martyrum Timothei, Poli et Eutichii diaconi. Autissioderi 138.1228B| natale sancti Valis confessoris.
Obiit Ricco sacerdos, qui omne alodum suum, quod in Montiniaco possederat, cum areis infra civitatem sitis, dedit canonicis S. Stephani pro obtinenda peccatorum suorum remissione, et ut in obitus sui die optima exhibeatur refectio eisdem fratribus.
XI Kalendas Junii. In Africa natale sanctorum martyrum Casti et Emili. Autissiodero S. Helenae virginis, cujus actus praeclari in gestis S. Amatoris continentur. Apud Corsicam passio S. Juliae, quae crucis supplicio coronata est. Item, Autissiodero depositio S. Romani monachi et confessoris, sanctique Benedicti discipuli.
Eodem die Hludovicus juvenis rex obiit, et Heldradus 138.1228C| miles S. Stephani.
X Kalend. Jun. Apud Lingones passio sancti Desiderii episcopi. Vigenna passio sancti Desiderii episcopi, qui passus est in territurio Lugdunensi.
Obiit Ablenus levita, qui dedit in pago Senonico in villa Juliaco canonicis S. Stephani patrimonium suum pro obtinenda peccatorum suorum remissione, et ut in die obitus sui eisdem fratribus optima exhibeatur refectio. Ipso die obiit Walo sacerdos atque decanus S. Petri.
IX Kalendas Junii. In Portu Romano natale S. Vincentii martyris. Et alibi natale S. Manahen et beatissimae Johannae. In Galliis civitate Nannetis natale sanctorum martyrum Donatiani et Rogatiani 138.1228D| fratrum.
Obiit Legerius levita et canonicus, qui a Jerosolymis revertendo in mari sepulturam habuit.
VIII Kalendas Jun. Romae natale S. Urbani papae et martyris. Mediolano natale S. Dionysii episcopi et confessoris. In territurio Tricassino S. Leonis monachi et confessoris. Et alibi sanctorum quatuor martyrum.
VII Kalendas Jun. Apud Athenas B. Quadrati episcopi discipuli apostolorum. In Britannia natale S. Augustini episcopi et confessoris. Item, Quadrati martyris. In territurio Autissioderensi loco Quotiaco passio S. Prisci martyris cum ingenti multitudine. Romae SS. martyrum XXIII.
138.1229A| VI Kalendas Jun. Mesia civitate Dorostrensi natale S. Julii martyris. Civitate Arausica natale S. Eutropii episcopi et confessoris. In territurio Adartensi S. Ragnulfi martyris.
V Kalendas Junii. Romae natale S. Johannis papae et martyris. Apud Parisium transitus sancti Germani episcopi et confessoris. Apud Carnotum civitatem passio S. Carauni. In Sardinia SS. Emili, Felicis, Priami, Luciani.
Obiit Walo levita et canonicus et postea monachus effectus.
IV Kal. Jun. Romae via Aurelia natale S. Restituti. Via Tyburtina natale septem germanorum. Treviris B. Maximini episcopi et confessoris. Iconio civitate natale S. Coronis martyris. Eodem die 138.1229B| natale SS. martyrum Sisinnii, Martyrii atque Alexandri.
Obiit Frotmundus miles S. Stephani, et postea monachus S. Benedicti. Ipso die est interfectus comes Raynaldus.
III Kal. Jun. Romae via Aurelia natale S. Felicis papae et martyris. Turribus Sardiniae natale SS. martyrum Gabini et Crispuli. Antiochia natale SS. Isitii et Palatini, qui multa tormenta passi sunt. Ipso die natale S. Hucberti Tungrensis episcopi.
Pridie Kalend. Jun. Romae depositio S. Petronillae virginis, quae fuit filia beati Petri apostoli. Eodem die apud Aquileam Cantii, Cantiani et Cantianillae fratrum. Turribus Sardiniae natale S. Crescentiani.
138.1229C| Eodem die obiit Elizabeth femina, pro cujus anima Obertus miles vir ejus ecclesiae S. Stephani, duas olchas in Crevenno villa sitas, dedit ad sui memoriam recolendam.
JUNIUS.
Kalendas Junii. Romae dedicatio S. Nichomedis martyris, cujus martyrium XVII Kalendas Octobris ibidem celebratur. Augustiduno SS. Riviriani episcopi et Pauli presbyteri, cum aliis X martyrum. Apud Caesaream Palaestinae natale S. Pamphili presbyteri et martyris. Ipso die S. Caprasii abbatis monasterio Lirinensis. Vigenna Eladii episcopi et confessoris.
IV Nonas Jun. Romae in cimiterio inter duas lauros via Lavicana Marcellini presbyteri et Petri exorcistae. 138.1229D| Ipso die Lugduno passio S. Blandinae virginis cum XLVIII martyribus, qui sunt in territurio Autissioderensi delati vico Bacernensi a beata Balbina.
II Nonas Jun. Apud Auretium civitatem Tusciae natale SS. martyrum Pergentini et Laurentini fratrum. Item in Campania B. Erasmi episcopi et martyris. In territurio Aurelianensi vico Maiduno depositio S. Lifardi presbyteri et confessoris.
Pridie Nonas Junii. Romae in cimiterio Catacumbis via Appia natale SS. Aretii, Datiani. Apud Hilliricum civitatem Scisciam natale S. Quirini episcopi et martyris.
Obiit Alto canonicus, qui dedit fratribus in pago 138.1230A| Autissioderensi, in villa quae dicitur Poziacus, de vinea in unum continentes plus minus arpennos V. Eodem die Stephanus de Casellis obiit, pro cujus anima Johannes ejus filius illam partem, quam in Casellis habere videbatur, per manum Innocentii papae et Willelmi comitis, canonicis hujus ecclesiae Domino Deo servientibus dimisit: et in Nanto villa tres arpennos de terra arabili octoque denarios de censu pro anima atris suae, prope murum civitatis.
Nonas Junii. Apud Aegyptum natale SS. martyrum Marciani, Nicandri et Apollonii, quorum gesta habentur. Apud Tharsum civitatem natale S. Bonifacii martyris. Item Bonifacii episcopi et martyris, qui de Britannis veniens, in Frisia passus est.
Ipsa die obiit Theobaldus miles.
138.1230B| VIII Idus Junii. Apud Caesaream depositio S. Philippi diaconi, qui fuit unus de VII diaconibus. Romae sanctorum martyrum Artenii cum uxore sua Candida et filia Paulina. Apud Antiochiam S. Asclepiadis episcopi et confessoris.
VII Idus Junii. Constantinopolim natale S. Pauli episcopi et martyris. Corduba SS. martyrum Petri presbyteri, Aventii, Hieremiae et aliorum trium quorum gesta habentur.
Obiit Letericus subdiaconus, qui dedit fratribus alodum suum in Adrebleto villa.
VI Idus Junii. In Galliis Suessione civitate natale S. Medardi episcopi et confessoris. Eodem die depositio S. Godardi Rotomagensis episcopi, fratris ejusdem sancti Medardi, quos ferunt una die 138.1230C| natos, una eademque die episcopos ordinatos, similiter quoque una die ab hac die subtractos. In Dorostoro civitate sancti Marci episcopi.
V Idus Junii. Romae in monte Coelio natale SS. martyrum Primi et Feliciani. In Scotia S. Columbae presbyteri et confessoris. In Galliis civitate Agenno loco Pompeiaco passio S. Vincetii levitae et martyris.
IV Idus Junii. Romae via Aurelia natale S. Basilidis martyris et aliorum XXII martyrum. Autissiodero depositio S. Censurii episcopi et confessoris. Eodem die beati Gestulii martyris.
III Idus Junii. In India natale S. Barnabae apostoli. Apud Corinthum natale S. Sostenes discipuli S. Pauli. In Aquileia SS. martyrum Felicis et 138.1230D| Fortunati. Romae Salutaria vetere natale sanctae Basillae.
Pridie Idus Junii. Mediolano inventio et translatio corporum sanctorum martyrum Nazarii et Celsi, quorum inventio pridie Idus Junii, martyrium V Kalendas Augustas celebratur: commemoratio tamen eorum publica et celebris in die sanctorum martyrum Prothasii et Gervasii celebrius excolitur. Et alibi SS. martyrum Basilidis, Cyrini, Naboris: sed et Nazarii et Celsi, quos duos passos fuisse apud Ebredunensem urbem antiquitas memorando celebrat. Romae via Aurelia SS. Tripuli, Magdaletis, Zabini, Donatellae et Secundae.
Idus Junii. Romae natale sanctae Feliculae virginis 138.1231A| et martyris. Corduba civitate natale S. Fandilae presbyteri et martyris. In Africa SS. Luciani, Fortunati, Crescentiani et Teclae.
XVIII Kal. Jul. Suessionis civitate passio SS. martyrum Valerii et Rufi, qui Romae quidem orti, sed in Gallia glorioso sunt martyrio coronati. Et alibi Helizei prophetae. In civitate Aurelianis translatio corporis S. Aniani episcopi et liberatio civitatis ipsius a Chunis. In Africa SS. Quintiani, Theodolae, Festivae et Cantianellae.
Obiit Iterius monachus doctor eximius.
XVII Kal. Jul. Apud Siciliam natale SS. martyrum Viti, Modesti et Crescentiae. Eodem die apud civitatem Dorostro natale S. Esitii militaris et martyris. In Aquileia SS. Cantiani, Proti, Marci, Clementis.
138.1231B| Obierum Umbaldus et uxor sua Ingelsindis, qui dederunt fratribus in Alnedo villa alodum suum. Ipso die Robertus rex in bello occisus est.
XVI Kal. Jul. Apud Antiochiam natale SS. martyrum Cyrici et Julitae matris ejus et aliorum CCCCIV. Civitate Vinsontionensi natale SS. martyrum Ferreoli presbyteri et Ferrutionis diaconi. Civitate Nannetis S. Similiani episcopi et confessoris. Madriaco villa S. Felicis martyris.
Obiit Hugo comes.
XV Kal. Jul. Romae natale SS. martyrum CCLII. Aurelianis depositio B. Aviti presbyteri et confessoris. Et in monasterio qui Aurea nuncupatur, depositio S. Wlmari confessoris.
138.1231C| XIV Kal. Jul. Romae via Ardeatina natale SS. martyrum Marci et Marcelliani fratrum. In Hispaniis civitate Malacha SS. martyrum Cyriaci et Paulae virginis. Alexandria natale S. Marinae virginis.
Obiit Adhelardus sacerdos, qui dedit pro amore vitae aeternae in Montiniaco alodum suum canonicis S. Stephani, et in civitate Autissiodero aream in qua degebat.
XIII Kal. Jul. Mediolano natale SS. martyrum Gervasii et Prothasii, et commemoratio SS. Nazarii et Celsi. Ravennae natale S. Ursicini martyris.
Obiit Aeia mulier bona.
XII Kal. Jul. Romae depositio S. Novati fratris Timothei presbyteri, qui a beatis apostolis eruditi sunt. Ravenna Crispuli et Vitalis martyris. In 138.1231D| Thomis civitate sanctorum Pauli, Cyriaci, Paulae, Feliciae, Thomae, Felicis.
Obiit Hludovicus imperator. Ipsa die obiit Ingrannus et Elizabeth uxor ejus, pro quorum memoria Milo filius eorum dedit canonicis S. Stephani XII nummos in censu.
XI Kal. Jul. Apud Siciliam civitate Syracusana natale SS. martyrum Rufini et Martiae. Romae sanctae Demetriae virginis. In Caesarea civitate natale S. Eusebii istoriographi.
X Kal. Jul. Natale S. Albani martyris cum aliis DCCCLXXXVIII. In civitate Nola Campaniae natale S. Paulini episcopi et confessoris. Ipso die B. Nicei Romatianae civitatis episcopi.
138.1232A| IX Kal. Julii. Vigilia S. Johannis Baptistae. Eodem die S. Johannis presbyteri et martyris via Salaria veteri sepulti. Apud Britanniam Ediltrudis virginis et reginae.
VIII Kal. Jul. Nativitas beati Johannis Baptistae. Augustiduno depositio S. Simplicii episcopi et confessoris. Romae in cimiterio Gaudenti, sanctorum Felicis, Emeritae.
VII Kal. Julii. Natale S. Sosipatris discipuli Pauli apostoli. Alexandria Gallicani martyris. Romae via Salutaria [ l. Salaria] natale S. Luceiae virginis et martyris cum aliis XXII simul et Aceiae regis barbari. Apud Cretam S. Philippi Gortianensis episcopi.
VI Kal. Jul. Natale SS. martyrum fratrum Johannis 138.1232B| et Pauli, quorum primus praepositus, secundus fuit primicerius Constantiae virginis filiae Constantini. In Africa Gaudenti, Felicis, Emitae.
Obiit Leotericus Senonensis archiepiscopus.
V Kal. Julii. Apud Galatiam B. Crescentii discipuli Pauli apostoli. Tiburtina urbe Italiae natale sanctae . . . . cum septem filiis martyrizatae. Cordubae Hispaniis natale SS. Zoili et aliorum X et IX. Cartagini sanctae Guddenae virginis et martyris. Oia monasterio S. Florentii confessoris.
Obiit Johannes sacerdos et canonicus, qui ad missas celebrandas dedit pro redemtione animae suae vestimenta sacerdotalia et calicem argenteum, et fratribus XXII solidos censuales, ut eis refectio communis exhiberetur. Praeterea dedit ecclesiae domum 138.1232C| suam. Item obiit Galo laicus, qui omne patrimonium suum quod habebat in pago Tornetrensi in Villari-villa pro amore vitae aeternae fratribus dedit ob sui memoriam faciendam.
IV Kal. Julii. Vigilia apostolorum Petri et Pauli. Ipso die natale S. Leonis papae et confessoris. Lugduno Galliae S. Hyrenei episcopi et martyris, et aliorum VII.
III Kal. Jul. Romae natale sanctorum apostolorum Petri et Pauli, qui passi sunt sub Nerone, Basso et Tusco consulibus. In eadem urbe via Aurelia sanctorum martyrum nongintorum septuaginta septem.
Pridie Kal. Jul. Natale et celebratio iterum beati Pauli apostoli. Item beatissimae Lucinae apostolorum 138.1232D| discipulae. Lemovicas natale S. Martialis episcopi et confessoris. Ipso die sanctorum Corsici presbyteri et Leonis subdiaconi. In territurio Vivariensi S. Hostiani presbyteri et confessoris.
Eodem die obiit Andraeas miles Jerosolymis sepultus.
JULIUS.
Kalendas Julii. In monte Hor depositio Aaron sacerdotis primi. In territurio Lugdunensi depositio beatissimi Domitiani abbatis. Eodem die Aninsulae monasterio natale S. Carelefphi presbyteri et confessoris. Turonis natale S. Monegundis virginis. Civitate Engolisma depositio S. Ebarchii episc. et 138.1233A| conf. In territurio Remensi S. Theoderici presbyteri et confessoris. In territurio Cameracensi Portu, qui Valentianas nuncupatur, natale S. Salvii martyris. Augustiduno depositio Leonti episcopi et confessoris.
Obiit Rainardus miles. Item obiit Jonas levita et canonicus, qui dedit ad restaurationem librorum hujus ecclesiae XL solidos.
VI Nonas Julii. Romae natale SS. martyrum Processi et Martiniani, qui a beatissimis Petro et Paulo baptizati et instructi sunt. Et in eadem urbe natale S. Eutici et Melchiadis papae.
V Nonas Jul. Apud Edissam Mesopotamiae passio S. Thomae apostoli, qui translatus est XII Kalendas Januarii quando celebrior dies agitur. Constantinopolim 138.1233B| natale S. Eulogii. Laodicia S. Anatholii episcopi et confessoris. Apud Neocaesariam Ponti beati Gregorii episcopi et beati Athenodori fratris episcopi. Senones S. Sydronii martyris.
IV Nonas Jul. Oseae et Aggei prophetarum. Turonis translatio S. Martini episcopi et confessoris, et ordinatio episcopatus ipsius. In Africa natale S. Jocundiani martyris. In territurio Bituricae civitatis, vico Vesteno, natale S. Lauriani martyris. In Sirmia natale SS. Innocentii, Sabbatiae cum aliis XXX.
III Nonas Jul. Apud Syriam natale S. Domitii martyris. Romae natale sanctae Zoae martyris uxoris beati Nicostrati. In Alexandria S. Arpotis.
138.1233C| Pridie nonas Julii. Oseae et Johel prophetarum, et octavae apostolorum. Romae natale S. Tranquillini martyris patris martyrum Marci et Marcelliani, qui ad praedicationem beati Sebastiani credidit Christum. In pago Threcarensi natale sancti Gotharis presbyteri et confessoris. Augustiduno depositio Legonti episcopi et confessoris.
Nonas Julii. Apud Alexandriam natale S. Pantheni viri apostolici. Romae SS. martyrum Nicostrati, Claudii, Castorii, Victorini, Symphoriani, quos beatus Sebastianus credere Christum docuit, et S. Polycarpus presbyter baptizavit.
Obiit Angilelmus episcopus, qui dedit villam, cui Puiverenus nomen est, fratrum canonicorum scilicet 138.1233D| stipendiis. Res etiam quae ex jure proprio ei cesserant tam in Biliaco, quam in Annau cum servientibus, eorumdem usibus delegavit.
VIII Idus Julii. Apud Asiam S. Aquilae et Priscillae, de quibus in Actibus apostolorum scribitur. In Palaestina natale S. Procopii martyris. Apud Eracleam SS. Johannis et Apri. Ipso die S. Ceciliani martyris.
VII Idus Julii. Romae ad Guttam jugiter manantem natale S. Zenonis et aliorum decem millium ducentorum trium. Eodem die beati Cyrilli episcopi et martyris. In civitate Tyriae natale S. Anatholiae martyris, et S. Audatis martyris. In civitate Martulana natale S. Briccii episcopi et confessoris. 138.1234A| Eodem die depositio S. Patris nostri Effrem diaconi. Senones sancti Eraclii episcopi.
Obiit Odo sancti Dionysii monachus.
VI Idus Julii. Romae natale SS. martyrum septem fratrum filiorum S. Felicitatis, id est, Januarii, Felicis, Philippi, Alexandri, Vitalis, Silvani, Martialis. In Africa natale SS. martyrum Januarii, Marini, Naboris et Felicis. Item, Romae natale SS. virginum Rufinae et Secundae sororum et martyrum. Apud Ephesium in monte Coelio depositio septem Dormientium, quorum nomina haec sunt: Maximianus, Malcus, Martianus, Dionysius, Johannes, Serapion, Constantinus.
V Idus Julii. Translatio corporis S. Benedicti abbatis In Armenia minore civitate Nicopoli natale 138.1234B| SS. martyrum Januarii et Pelagiae. In territurio Pictavensi natale S. Savini confessoris. Hic fuit ex discipulis sancti Germani Autissioderensis episcopi.
IV Idus Julii. Apud Aquileiam natale S. Hermogarae episcopi et martyris, discipuli S. Marci Evangelistae. Apud Cyprum natale beati Vasonis antiqui Christi discipuli. Mediolano translatio corporum SS. martyrum Naboris et Felicis. Romae in Vaticano S. Pii papae. ( Recenti manu. Exceptio reliquiarum S. Amatoris.)
III Idus Julii. Natale S. Silae apostoli, adjutoris beati Pauli apostoli. In Africa natale SS. confessorum Eugenii Cartaginensis episcopi et universi cleri ejusdem ecclesiae, qui caede inediaque mactati fere 138.1234C| quingenti vel amplius fuerunt. In Britannia minori natale S. Thuriavi episcopi et confessoris. In Anthiochia passio S. Margaritae virginis. In Alexandria Serapionis et Trophimi.
Pridie Idus Julii. Romae natale S. Anacleti papae. Apud Pontum natale S. Focae episcopi et martyris. Alexandria depositio S. Eracleae antistitis. Lugduno Galliae S. Justi episcopi et confessoris.
Obiit Gualdricus levita et canonicus sancti Stephani et abbas sancti Eusebii.
Idus Julii in Alexandria SS. Philippi, Zenonis, Narsei, et decem Infantum. Nisibi natale S. Jacobi episcopi et magnae virtutis viri. Cartagine SS. Catulini diaconi, Januarii, Florentii, Juliae et Justae, qui sunt positi in basilica Fausti. Hierosolymis 138.1234D| divisio XII apostolorum ad praedicandum.
Obiit Jonas sacerdos et canonicus almi Stephani complens praesentis vitae debitum, ovanter emisit spiritum.
XVII Kalend. Augusti. In civitate Hostia natale S. Hilarini martyris. Apud Antiochiam Syriae natale S. Eustachii episcopi et confessoris. Et alibi SS. Valentini, Theoni et Dyocletis.
XVI Kalend. Aug. In Cartagine natale SS. martyrum Schillitanorum numero XII Autissiodero depositio B. Theodosii episcopi et confessoris.
XV Kalend. Aug. Romae passio septem germanorum Petri, Marcelliani, Dionysii, Januarii, Symphronii, 138.1235A| Clementis et Hyrenei. Civitate Mettis natale S. Arnulfi episcopi et confessoris.
XIV Kalend. Aug. Apud civitatem Colossis natale beati Epafrae episcopi et martyris. Apud Hispaniam Hispali civitate natale SS. Justae et Rufinae martyrio coronatarum. Eodem die natale S. patris nostri Arsenii monachi et confessoris, qui propter abundantiam lacrymarum sudarium in sinu semper ferebat. Lugduno Galliae sancti Rustici presbyteri et confessoris.
XIII Kal. Aug. Natale S. Joseph, qui cogominatus est Justus. Civitate Corduba natale S. Pauli diaconi et martyris. In Thebaïda S. Victoris. Apud Damascum SS. martyrum Sabini, Maximini, cum aliis XIV. Autissiodero S. Marini presbyteri.
138.1235B| XII Kalend. Aug. Obitus Danihelis prophetae. Romae natale S. Praxidis virginis. In civitate Marsilia natale S. Victoris martyris. Passi sunt autem cum eo tres milites, Alexander, Felicianus et Longinus. Trecas passio S. Juliae virginis.
Ipso die obiit Robertus rex Franciae.
XI Kalend. Aug. Natale S. Mariae Magdalenae, de qua, ut Evangelium refert, septem daemonia ejecit Dominus. Ancyra Galatiae natale S. Platonis martyris. Coenobio Fontenella depositio S. Wandregesili confessoris et abbatis.
X Kalend. Aug. Apud Ravennam natale S. Apollinaris episcopi et martyris. Hic Romae ordinatus a beato Petro apostolo Ravennam directus est, ibique passus.
138.1235C| IX Kalendas Aug. Apud Hemeritam Hispaniae civitatem natale S. Victoris martyris cum duobus fratribus. In Italia civitate Tyro, quae est circa lacum Vulsinum, natale S. Christinae virginis et martyris. Eodem die natale SS. Nicetae et Aquilae, quae martyrii palmam capitis abscissione meruerunt.
VIII Kalendas Augusti. Natale beati Jacobi apostoli fratris Johannis evangelistae, quem decollavit Herodes. In Licia civitate Samon natale S. Christophori martyris. Civitate Barcinona passio S. Cucuphatis. Romae Nemesii diaconi et martyris.
VII Kalend. Aug. Natale beati Herasti, qui Philippis a beato Paulo apostolo ordinatus, ibi martyrio coronatus quievit. Romae in Porto natale S. Jacincti martyris. Item Romae via Latina sanctorum 138.1235D| martyrum Symphronii, Olympii, Theodoli et Exuperiae.
VI Kalend. Aug. Apud Nicomediam civitatem natale S. Hermelagi presbyteri et martyris, cujus doctrina beatus Pantaleon ad fidem conversus est. Et alibi natale sanctorum XII, quorum gesta habentur. In Sicilia beati Simeonis monachi. Autissioderi beati Hethereii episcopi et confessoris.
V Kalend. Aug. Nicomedia passio S. Pantaleonis. Britannia minore, Dolo S. Samsonis episcopi et confessoris. Mediolano passio SS. Nazarii et Celsi, quorum passiones annotatae sunt II Idus Junii, quando sacra corpora eorum inventa sunt.
Obiit domnus Gerannus episcopus. Ipso die Hacardus 138.1236A| abbas sancti Germani ab hac vita sublatus est.
IV Kalend. Aug. Romae via Aurelia translatio corporis beati Felicis episcopi et martyris, qui IV Idus Novembris martyrio coronatus est. Eodem die sanctorum martyrum Simplicii, Faustini et S. Beatricis martyris sororis eorum. Trecas depositio S. Lupi episcopi et confessoris. Item Romae natale B. Seraphiae virginis et martyris, cujus celebrior dies agitur III Nonas Septembris.
Ragenaldus hujus ecclesiae . . . eodem die Senonis pugnando interfectus est. Eodem die Philippus rex Francorum obiit.
III Kalend. Aug. Romae SS. martyrum Abdon et Sennen V Kalendas Augusti martyrizatorum, et 138.1236B| III Kalendas ejusdem mensis sepultorum. Apud Africam civitatem Lucernariam natale SS. virginum et martyrum Maximae, Donatillae et Secundae. Autissiodero depositio S. Ursi episcopi et confessoris.
Pridie Kalend. Aug. Apud Ravennam Italiae civitatem transitus S. Germani episcopi Autissioderensis. Apud Caesaream sancti Fabii martyris.
Eodem die Ludovicus rex Franciae obiit.
AUGUSTUS.
Kalendas Augusti. Romae S. Petrum ad vincula. In Antiochia passio SS. Machabaeorum septem fratrum cum matre sua, qui passi sunt sub Antiocho rege. In Italia Vercellis civitate natale S. Eusebii episcopi et martyris. Civitate Philadelphia SS. 138.1236C| martyrum septem una die coronatorum. Gerunda civitate natale S. Felicis praecipui martyris. Romae SS. virginum et martyrum Spei, Fidei et Caritatis, et matris earum Sapientiae.
IV Nonas Aug. Romae in cimiterio Calisti via Appia natale sancti Stephani papae et martyris. In provincia Bithinia urbe Nicaea natale S. Theodotae cum tribus filiis suis martyrizatae. Et in Italia civitate Verona natale S. Felicis. Et alibi natale sancti Niceti.
III Nonas Aug. Hierosolymis inventio corporis beati Stephani protomartyris Christi, et SS. Gamalihelis, Nicodemi et Abibon. Romae via Appia natale S. Tharsitii martyris. Augustiduno depositio Eufroni episcopi et confessoris.
138.1236D| Pridie Nonas Augusti. Romae ad S. Laurentium natale S. Justini presbyteri. Eodem die beati Aristarchi discipuli S. Pauli apostoli, qui fuit Thessalonicensium episcopus. Romae in crypta Arenaria beati Tertulliani martyris.
Obiit Henricus rex Francorum. Eodem die Gaufridus comes Cabilonensis, hujus ecclesiae casatus, apud castrum suum Donziacum monachus factus obiit.
Nonas Augusti. Augustiduno natale S. Cassiani episcopi. Catalaunis natale S. Memmii episcopi. Eodem die natale S. Hoswaldi Anglorum regis et martyris.
Eodem die Hugo sancti Stephani praepositus in 138.1237A| via Hierosolymitana sepulturae traditus est. Eodem die Rainaldus Willelmi comitis filius interfectus est.
VIII Idus Aug. Transfiguratio Domini in monte. Romae natale S. Sixti episcopi et martyris, cum quo passi sunt Felicissimus et Agapitus diacones, et alii quator, id est Januarius, Magnus, Vincentius et Stephanus subdiaconus, ac beatus Quartus cum eis, ut scribit S. Cyprianus. Item Romae S. Ormisdae papae.
Obiit Maurinus episcopus, qui dedit stipendiis fratrum agellum proprietatis suae, cujus vocabulum est Villare, non longe a Varziaco.
VII Idus Augusti. Apud Tusciam civitate Aritia natale S. Donati episcopi et martyris. Apud Mediolanum 138.1237B| S. Faustini. Romae passio sanctorum XXVIII. Apud Cretam civitate Augusta passio S. Affrae.
Obiit Ermenfredus praepositus, qui dedit fratribus praedium suum super fluvium Baleae, et in Capiliaco et in pago Senonico et in Basau ad sui memoriam celebrandam.
VI Idus Augusti. Romae S. Cyriaci martyris sociorumque ejus, qui passus est XVII Kalendas Aprilis: sed postea beatus Marcellus episcopus una cum beatissima Lucina transtulit in praedium suum sacrum corpus ejus, pariterque XXII sociorum ejus, manu sua recondidit cum aromatibus VIII die mensis Augusti, quando et celebrem ejus festivitatem statuit. Viennae S. Severi presbyteri.
Eodem die obiit Heriveus Nivernensis episcopus 138.1237C| hujus ecclesiae canonicus. Item obiit Ato miles, pro cujus anima Humbaudus frater ejus terram Lonniaci quam tenebat, canonicis S. Stephani reliquit.
V Idus Augusti. Romae S. Romani militis, qui confessione S. Laurentii compunctus, baptizatus martyrizatus est. Ipso die vigilia S. Laurentii archidiaconi et martyris.
Obiit Salomon canonicus et decanus sancti Stephani.
IV Idus Augusti. Romae natale S. Laurentii diaconi et martyris. Item Romae militum centum sexaginta quinque.
III Idus Augusti. Romae via Lavicana inter duas lauros natale S. Tiburtii martyris. Item Romae 138.1237D| natale S. Susannae virginis et martyris. Cameraco natale S. Gaugerici episcopi et confessoris. In civitate Ebroicas natale S. Taurini episcopi.
Obiit Hugo hujus ecclesiae venerabilis episcopus, quem vitae sanctitas et morum probitas decoravit, et quam pie et religiose vixerit, hujus vitae exitus satis comprobavit. Qui ob amorem Dei et sui memoriam singulis annis recolendam, ecclesiam Ausiaci ad refectionem fratrum in die anniversarii sui huic ecclesiae donavit. Dedit etiam eidem alias ecclesias, ecclesiam scilicet Bacernae et S. Briccii, et Induniaci, et Veniosae, et decimas Visiaci. Praeterea ipsam ecclesiam multis cappis de pallio, et duobus tapetis, et multis sacerdotalibus indumentis, 138.1238A| et aliis ornamentis ipse dives ditavit.
Pridie Idus Augusti. In Sicilia civitate Cathena natale S. Eupli diaconi et martyris. Eodem die natale S. Hilariae martyris matris S. Afrae, cum qua passae sunt Digna, Eumenia et Euprepia. Civitate Filare passio S. Gratiliani et Felicissimae virginis.
Obiit venerabilis memoriae magister Gislebertus, Veteris et Novi Testamenti glossator eximius, qui Universalis merito est appellatus, hujus ecclesiae canonicus, postmodum vero Londoniensis factus episcopus; qui praeter cetera quae ecclesiae nostrae ex Anglia transmiserat ornamenta, octoginta et duas libras eidem ecclesiae contulit: Fratres vero inde possessiones ementes, anniversarium ejus singulis annis celebrari devote constituerunt.
138.1238B| Idus Augusti. Romae via Tyburtina natale S. Hyppoliti martyris. Passa est autem Concordia nutrix ejus, et alii de domo ejus XIX. Forosillae natale S. Cassiani martyris. Pictavis depositio S. Radegundis reginae.
Obiit Norgaudus miles S. Stephani.
XIX Kal. Septembris. Vigilia Assumtionis S. Mariae. Via Appia in cimiterio Calixti depositio S. Eusebii presbyteri et confessoris. Apud Aquileiam passio sanctorum Felicis et Fortunati fratrum. In Africa Demetrii cum aliis decem.
XVIII Kal. Septembris. Assumtio sanctissimae et gloriosissimae Dei genitricis Mariae. Eodem die natale S. Tharsitii acolythi et martyris. Et alibi S. Eusebii martyris.
138.1238C| XVII Kal. Septembris. In Nicaea Bithiniae natale S. Ursatii confessoris. Romae natale S. Serenae uxoris Diocletiani Augusti. Autissiodero translatio Augurii et Desiderii episcoporum. In Persida natale S. Tyrsi martyris. Nivernis natale S. Arigii episcopi et confessoris.
Ipso die Odo praeceptor S. Stephani praesentem finivit vitam.
XVI Kal. Septembris. In Caesarea Cappadociae natale S. Mammetis martyris. Apud Africam SS. martyrum Liberati abbatis, Bonifacii diaconi, Servi et Rustici subdiaconorum, Rogati et Septimi monachorum, et Maximi pueri. Romae octabas S. Laurentii.
XV Kalendas Septembris. Apud Praenestinam civitatem 138.1238D| natale S. Agapiti martyris. Romae SS. presbyterorum Johannis et Crispi. Apud Cartaginem passio SS. Massae Candidae, qui fere CCC fuere viri, et in clibanum calcis vehementer ardentis pro fide Christi sunt demersi, unde candidatus ille exercitus beatorum Massa Candida meruit nuncupari: Massa, propter numerum, Candida, propter meritum: quorum memoria agitur IX Kalendas Septembris. Tamen sciendum quia XV Kalendas praedicti mensis passi sunt.
Obiit Gualterius vicecomes.
XIV Kal. Septembris. Natale S. Magni seu S. Andreae martyrum cum sociis suis duobus millibus DXCVII. In monte qui dicitur Jura S. Donati presbyteri 138.1239A| et confessoris. Romae beati Julii senatoris et martyris. In territurio Bituricensi natale sancti Mariani confessoris, cujus gesta habentur.
Ipso die obiit Ebrardus miles S. Stephani.
XIII Kal. Septembris. Samuelis prophetae. Eodem die beati Porphirii hominis Dei. Herio insula in loco qui dicitur Deas, natale S. Philiberti abbatis et confessoris.
XII Kalendas Septembris. In territurio civitate Gavalitana vico Mimatensi, natale S. Privati episcopi et martyris. Eodem die natale SS. martyrum Bonosii et Maximiani, quorum gesta habentur.
Obiit Adelelmus nobilis miles et humilis. Eodem die Willelmus Nivernensis comes, Carturiae religiosam vitam ducens sanctissime obiit.
138.1239B| XI Kal. Septembris. Romae natale S. Timothei martyris, qui de Antiochia Romam venit, et sua praedicatione multos ad Christum convertit: pro quo et martyrizatus sepultus est juxta beatum Apostolum pro eo quem habuerat ejusdem nominis discipulum. Augustiduno natale S. Symphoriani martyris. Item, Romae B. Antonii martyris, et SS. Peregrinorum martyrum Martialis, Epiterii, Saturnini cum sociis eorum.
Stephanus hujus ecclesiae praepositus et canonicus obiit.
X Kalendas Septembris. Antiochia natale SS. martyrum Donati, Restituti, Valeriani, Fructuosae cum aliis XII. Alexandria beati Theonae viri Dei. Et alibi S. Zachei episcopi et SS. martyrum Minerii, 138.1239C| Eleazari cum filiis IX. Eodem die natale sanctorum Timothei et Apollinaris, qui apud Remensium urbem consummato martyrio coelestia regna meruerunt. In Licea civitate Egea SS. Claudii, Asterii et Neonis, qui post acerba tormenta cruci adfixi sunt. Augustiduno depositio sancti Flaviani episcopi.
Eodem die Eribertus Autissioderensis episcopus viam universae carnis est ingressus.
IX Kalendas Septembris. In India natale S. Bartholomaei apostoli. Apud Cartaginem commemoratio sanctorum Massae candidae, quorum solemnitas superius XV Kalendas Septembris annotata est. Romae natale S. Genesii martyris. Civitate Rotomago natale S. Audoeni episcopi et confessoris. In 138.1239D| territurio Nivernensi natale SS. confessorum Patricii abbatis et Gildardi presb.
Obiit Hugo comes.
VIII Kalendas Septembris. Romae natale SS. martyrum Eusebii, Pontiani, Peregrini, et Vincentii. Arelato natale S. Genesii martyris proprio cruore baptizati. Civitate Compluto passio SS. Justi et Pastoris fratrum, qui cum adhuc pueri litteris imbuerentur, projectis in schola tabulis, sponte ad martyrium cucurrerunt. Item, Romae via Nomentana militum XVIII.
VII Kalendas Septembris. Romae SS. martyrum Herenae et Abundi. Item, Romae natale S. Zephirini papae. Apud Victimilium castrum Italiae natale S. 138.1240A| Secundi martyris. Bergamis civitate natale S. Alexandri martyris. Salona passio S. Anastasii, cujus memoria festivitatis supra notata est XII Kalendas Septembris. Autissiodero depositio S. Eleutherii episcopi.
VI Kalendas Septembris. Apud Capuam S. Rufi martyris. Arelato S. Caesarii episcopi et confessoris. Augustiduno depositio S. Siagri episcopi et confessoris. Thomis natale SS. martyrum Marcellini tribuni, et uxoris ejus Manneae, et filii ejus Johannis, et Serapionis clerici, et Petri militis. Eodem die passio SS. Georgii diaconi, Aurelii, Felicis, Nataliae, et Liliosae. Civitate Bituricas translatio corporis S. Sulpitii episcopi et confessoris.
138.1240B| V Kal. Septembris. Romae passio S. Hermetis martyris. Constantinopolim natale sancti Alexandri episcopi gloriosi senis, cujus oratione Arrius divino nutu crepuit medius effusis visceribus. In civitate Ypponna natale S. Augustini episcopi et confessoris, qui spiritu divino tactus, fecit libros, tractatus, epistolas numero mille XXX, excepto quae numerari non possunt. Santonas natale S. Bibiani episcopi et confessoris. Ipso die in Brivato vico natale sancti Juliani martyris.
Obiit Gimo miles S. Stephani.
IV Kalendas Septembris. Romae ad arcum Faustini beatissimae Sabinae martyris, quae fuit uxor praeclarissimi quondam Valentini et filia Herodis Metallarii, quae passa est Adriano imperante, sub 138.1240C| praefecto Helpidio. Item, Romae passio S. Seraphiae virginis. In provincia Palaestinae civitate. . . decollatio S. Johannis Baptistae.
Ipsa die ordinatio domni Herefridi, qui dedit fratribus ad refectionem ipsius diei faciendam Artaldum villam, et in Lindriaco mansum unum, et in Capillaco mansum alterum, et molendinum subtus murum. In Nativitate vero S. Mariae quando sedit primum in cathedra episcopali, dedit fratribus ecclesiam Bacernae et Lindriacum, et Lupinum, necnon Logniacum. Gimiliacum autem dedit in natali S. Clementis. Obiit Archemboldus episcopus.
III Kalendas Septembris. Romae via Ostiensi milliario ab Urbe beatissimorum martyrum Felicis et Audacti, ambo presbyteri. Item, Romae Gaudentiae 138.1240D| virginis.
Obiit Ermembertus sacerdos, qui innocenter gladio interfectus est.
Pridie Kalendas Septembris. Treviris natale S. Paulini episcopi et confessoris. Apud Athenas B. Aristidis fide sapientiaque clarissimi. Autissiodero depositio S. Optati episcopi et confessoris. Ancira Galatiae SS. Gaiani et Juliani.
SEPTEMBER.
Kalendas Septembris. Hiesu Nave et Gedeon prophetarum, et beatissimae Annae prophetissae, quae in evangelio legitur. Capua natale S. Prisci martyris. Senones depositio B. Lupi episcopi et confessoris. Cenomanis natale S. Victoris episcopi et 138.1241A| confessoris. Ipsa die transitus S. Aegidii abbatis et confessoris.
Obiit Richardus comes.
V Nonas Septembris. Lugduno natale S. Justi episcopi et confessoris, qui migravit ad Dominum in eremo pridie Idus Octobris, et ejus sacrum corpus et B. Viatoris ministri ejus Lugdunum relatum, cum digno cultu conditum est IV Nonas Septembris. Eodem die apud praefatam urbem depositio B. Helpidii episcopi. Apud Apamiam B. Antonini martyris.
III Nonas Septembris. Natale S. Foeben, de qua Apostolus Romanis scribit: Commendo autem vobis Foeben, etc. Romae commemoratio B. Seraphiae virginis et martyris, quae passa est IV 138.1241B| Kalendas Augusti, sepulta pridie Kalendas Augusti, sed IV Nonas Septembris festivior dies agitur, quando locus orationis dedicatus est, et sepulcrum ejus ornatum est. Apud Capuam natale SS. martyrum Antonini pueri et Aristei episcopi.
Pridie Nonas Septembris. Moysi legislatoris. Cabilonis civitate natale S. Marcelli martyris. Et alibi natale SS. martyrum Rufini, Silvani et Vitalicae. Romae in cimiterio Maximi via Salutaria natale sancti Bonifacii episcopi.
Nonas Septembris. In suburbio Romae beati Victorini martyris. Romae in Portu natale S. Herculiani martyris. Eodem die natale S. Bertini abbatis.
Obiit Lambertus levita et doctor eximius. Ipso die Helisabeth Deo sacrata obiit.
138.1241C| VIII Idus Septembris. Obitus Zachariae prophetae, et natale S. Honesyppheri, de quo ad Timotheum scribit Apostolus: Det misericordiam Dominus Honesyppheri domui, et reliqua. Apud Africam beatissimorum episcoporum Donatiani, Praesidii, Mansueti, Germani, Fusculi.
VII Idus Septembris. In Galliis territurio Aeduorum nuncupato loco Alesia, quae olim fortissima civitas fuerat, sed a Julio Caesare destructa, natale sive passio sacratissimae Reginae virginis. Nicomedia natale beati Johannis viri Dei. Aurelianis depositio B. Evurtii episcopi. Parisius vico Novegento sancti Clodoaldi presbyteri et confessoris.
VI Idus Septembris. Nativitas sanctae Dei genitricis et perpetuae Virginis Mariae, quam Spiritus sanctus 138.1241D| custodivit, et electam sanctificavit, ut ex utero illius nasceretur Homo Deus altissimus. Romae festivitas sepulturae S. Adriani, qui apud Nicomediam cum aliis XXIII passus est IV Nonas Martii.
Obiit Eribaldus levita et archiclavis, qui insperate ab inimicis gladio interemtus est. Eodem die Dodo sacerdos occisus est in bello. Ipso die Ingelbaldus sacerdos atque decanus S. Stephani obiit.
V Idus Septembr. Apud Nicomediam passio SS. Dorothei et Gorgonii martyrum. Eodem die Audomari Tarvanensis episcopi. Romae natale S. Sergii papae.
IV Idus Sept. Depositio S. Hilarii papae. Apud Africam 138.1242A| natale sanctorum confessorum X quorum actus gloriosi habentur. In Calcedonia natale SS. Sostenis et Victoris, qui post varia tormenta incumbentes orationi, vocati de coelo datoque sibi invicem pacis osculo spiritum emiserunt.
Obiit Hludovicus serenissimus rex filius Karoli.
III Idus Sept. Romae in cimiterio Basillae natale SS. martyrum Proti et Jacinti, qui fuerunt eunuchi sanctae Eugeniae virginis. Lugduno Galliae depositio S. Patientis episcopi et confessoris.
II Idus Sept. Apud Ticinum . . . pia dicitur, natale SS. confessorum Syri et Yventii, qui glorioso fine quieverunt in pace. Et in Sicilia civitate Catena S. Eupli et beati Serapionis episcopi. Augustiduno civitate S. Evanti episcopi et confessoris.
138.1242B| Idus Sept. Apud Aegyptum civitate Alexandria B. Philippi episcopi et martyris patris sanctae Eugeniae virginis. Ipso die S. Amati presbyteri et abbatis monasterii Romerici. Andegavis depositio sancti Maurilionis episcopi. Augustiduno B. Nectari episcopi.
XVIII Kal. Octobris. Exaltatio sanctae Crucis, quando Eraclius imperator eam de Perside Hierosolymam reportavit. Romae via Appia in cimiterio Calisti natale sancti Cornelii papae et martyris. Passi sunt cum eo XXIII viri. Apud Africam B. Cypriani episcopi et martyris, cujus sacratissima ossa cum capite S. Pantaleonis et membris B. Sperati martyris tempore Caroli Magni Lugdunum delata honorifice tumulata sunt. Referuntur autem cum eo 138.1242C| passi Crescentianus, Victor, Rosula et Generalis.
XVII Kal. Octob. Natale S. Nicomedis presbyteri et martyris. In territurio Cavillonense castro Trenorcio S. Valeriani martyris. Lugduno Galliae B. Albini episcopi. Tullo natale sancti Apri episcopi et confessoris
Obierunt Dadoenus et Alfaldus presbyteri, qui dederunt alodum suum in villa Montiniaco fratribus.
XVI Kal. Octob. Civitate Calcedona natale S. Euphemiae virginis et martyris cum aliis XLIX. Romae natale S. Luciae viduae et martyris. Item, Romae B. Geminiani martyris cum aliis LXXV.
Obiit Gofridus clarus consilio, amicus pacis et pietatis, episcopus ecclesiae quidem suae dignus memoria, 138.1242D| lachrymis, et benedictionibus. Item, Guibertus miles obiit, qui in manum Humbaldi episcopi ecclesiam in Acolaco villa reliquit, annuente uxore sua et duobus filiis suis et filia.
XV.
Kal. Octob. In Britanniis natale SS. Socratis et Stephani. Eodem die natale S. Lamberti Tungrensis episcopi et martyris. Cordubae sanctorum martyrum Emiliani diaconi et Hieremiae, quorum corpora post abscissionem capitis igne conflagrata sunt.
XIV Kal. Octob. Natale B. Methodii Olympi Liciae et postea Tyri episcopi, qui sub Diocletiano in Calcidae Graecia, ut scribit Hieronymus, martyrio coronatus est. Mediolano natale S. Saturi fratris 138.1243A| S. Ambrosii episcopi. In Alexandria natale S. Trophimi.
XIII Kal. Octob. In Neapolim Campaniae natale SS. martyrum Januarii Beneventanae episcopi cum aliis VIII. In Palaestina natale SS. martyrum Pili et Nili episcoporum. Apud Nuceriam natale S. Felicis martyris et beatae Constantiae martyris. In territurio Lingonicae civitatis monasterio Segestro, depositio S. Sequani presbyteri et monachi, et alibi S. Potiti martyris. In Galliis civitate Vigenna natale S. Ferreoli martyris.
XII Kal. Octob. In Cizico natale SS. martyrum Faustae virginis et Evilasii, qui, inauditis multigenisque laniati tormentis, vocati de coelo reddiderunt animas.
138.1243B| XI Kal. Octob. Natale beati Matthaei apostoli et evangelistae, qui primus in Judaea evangelium Christi Hebraeo sermone scripsit. Postea vero apud Aethiopiam praedicans martyrium passus est. Eodem die natale S. Alexandri martyris, cui papa Damasus cryptam condignam faciens, illuc eum VI Kalendas Decembris transposuit, quando et festivitatem ejus dedicavit.
X Kal. Octob. In Galliis civitate Seduno loco Augauno seu Octodero natale SS. martyrum Thebaeorum Mauricii, Exuperii, Candidi, Victoris, Innocentii, Vitalis cum sociis eorum sex millibus sexcentis sexaginta sex. Autissiodero adventus (seu) exceptio corporis S. Germani episcopi et confessoris ab Italia. Et in Reomau coenobio translatio 138.1243C| corporis sancti patris nostri beatissimi Johannis confessoris. In provincia Bajoaria natale S. Emeremni martyris atque pontificis.
IX Kal. Octob. In Campania natale S. Sosii martyris diaconi Mesenatae civitatis. Hic cum quoddam evangelium legeret in ecclesia praefatae urbis, praesente beato Januario, vidit subito idem episcopus de capite ejus flammam exsurgere, quam nemo alius vidit, et pronunciavit eum martyrem futurum: quod postea veritas rei tam in ipso episcopo, quam in aliis quinque ministris ipsius, martyrizando comprobavit. Eodem die natale S. Teclae virginis apud Seleuciam quiescentis, quae de civitate Hyconio a beato Paulo apostolo instructa est.
138.1243D| VIII Kal. Octobris. Conceptio S. Johannis Baptistae. In territurio Aeduorum vico, qui dicitur Sedelocus, natale SS. martyrum Andochii, Tyrsi et Felicis, qui ad docendam Galliam ab oriente directi, sub Aureliano principe gloriosissime sunt coronati. Et alibi SS. Juliani, Christophori, Laurentii. In territurio Biturico castro Mediolano natale S. Genesii martyris.
VII Kal. Octob. Natale B. Cleopae, qui unus fuit de LXX Christi discipulis, quem tradunt in eadem urbe, eademque domo, in qua mensam quasi peregrino Domino praeparaverat, a Judaeis esse occisum. Lugduno S. Lupi episcopi ex anachoreta. Ambianis civitate natale S. Firmini episcopi et martyris. 138.1244A| Autissiodero depositio et translatio S. Augnarii episcopi et confessoris. Ipso die natale S. Herculiani martyris.
Obiit Eldaldus Senonum archiepiscopus. Eodem die Abbo levita et perfector obiit.
VI Kal. Octobr. Natale SS. martyrum Cypriani episcopi et doctoris egregii et beatae Justinae, quae praedicto episcopo causa extitit salutis: quorum corpora ad urbem Romae deportata, ac reverenter tumulata sunt. Item Romae via Appia in cimiterio Calisti depositio S. Eusebii episcopi. Arvernis Apollinaris episcopi et confessoris.
V Kal. Octob. Apud Egeam natale SS. Cosmae et Damiani. Corduba civitate sanctorum martyrum Adulfi et Johannis fratrum. In territurio Augustidunensi 138.1244B| passio SS. Florentini et Hilarii.
IV Kal. Octob. In Hispaniis civitate Corduba natale SS. Fausti, Januarii et Martialis martyrum. Romae ad Guttas natale sancti Stertei. Autissiodero depositio S. Alodii episcopi et confessoris.
III Kal. Octob. In monte Gargano venerabilis memoria S. Michaelis archangeli, ubi multa mirabilia Deus ostendit. Romae dedicatio oratorii S. Michaelis, quod venerabilis Bonefacius pontifex dedicavit in summitate circi miro opere altissime porrectum. Autissiodero passio S. Fraterni episcopi, quem tradunt eodem die interemtum, quo et episcopum esse ordinatum.
Obiit Walterius Aeduensis episcopus.
138.1244C| Pridie Kal. Octob. In Galliis castro Solodoro, quod est super Arulam fluvium, passio SS. Victoris et Ursi ex gloriosa legione Thebaeorum. Eodem die apud Bethleem Judae depositio S. Hieronymi confessoris doctoris praecipui, qui libros suos per L et VI annos confecit, et XCVIII aetatis suae anno in pace quievit pridie Kalendas Octobris. In Placentia civitate SS. Antonii, Gasti et Desiderii.
Obiit Teubertus laicus, qui dedit praedium suum canonicis sancti Stephani, in pago Autissioderensi, in vicaria Baugiacensi, in villa Matriaco, propter remedium animae suae et ad memoriam recensendam.
OCTOBER.
138.1244D|
Kalendas Octobris. Autissiodero depositio sacratissimi corporis beati Germani episcopi et confessoris, qui apud Ravennam pridie Kalendas Augusti feliciter obiit, et Kalendis Octobris suae tandem redditus civitati, honorifice traditus est sepulturae. Eodem die translatio corporum SS. confessorum Remigii Remensis episcopi et Vedasti Atrebatensis. In pago Medenentense natale S. Patonis martyris. In Portu Ganto natale S. Bavonis confessoris.
VI nonas Octob. Apud Nicomediam natale S. Eleutherii martyris. In Atrebatis villa Syricinio passio S. Leodegarii Augustidunensis episcopi. Romae 138.1245A| S. Eusebii papae, sub cujus tempore inventa est crux. Et alibi Sereni confessoris.
V Nonas Octob. Natale Dionysii Areopagitae Athenisium episcopi et martyris; et alibi natale SS. Euvoldorum presbyterorum, qui cum sancto Willebrordo episcopo venientes, in Germaniam transierunt ad Saxones, et cum praedicare ibi Christum coepissent, comprehensi sunt a paganis et occisi. Autissiodero dedicatio cryptarum beatissimi Stephani protomartyris.
Obiit Adhebaldus sacerdos et magister hujus ecclesiae.
IV Nonas Octobris. Natale SS. Crispi et Gaii, quos apud Corinthios beatus apostolus se meminit baptizasse. Apud Aegyptum natale SS. martyrum 138.1245B| Marii et Marciani fratrum, et cum eis innumerabiles alii passi sunt. Romae via Appia S. Balbinae virginis et Marcelli episcopi. Autissiodero S. Marsi presbyteri et confessoris. Parisius S. Aureae virginis.
III Nonas Octob. In Galliis civitate Valentia natale S. Apollonaris episcopi et confessoris. Autissiodero depositio SS. germanorum Firmati diaconi, Flavianae virginis Deo sacratae. Apud Eumeniam beati Traseae episcopi et martyris.
Pridie Nonas Octobris. Autissiodero depositio S. Romani episcopi, qui cum rexisset ecclesiam sibi commissam annos III, dies XV, tandem, ut fertur, martyrio vitam finivit. Laodicia B. Sagaris episcopi et martyris. In civitate Agenno natale sanctae 138.1245C| Fidis virginis et martyris.
Obiit Carolus imperator et Guido abbas. Ipso die Aginulfus subdiaconus obiit, qui dedit fratribus alodum suum cum masenili et vineis arip.
Nonas Octobris. Romae natale S. Marci papae. Item, Romae SS. martyrum Marcelli et Apulei. Apud provinciam quae nuncupatur Augusta Eufratesia, SS. martyrum Sergii et Bacchi sub Maximiano imperatore.
VIII Idus Octobris. Cortina civitate beati Philippi episcopi. Thessalonicae natale S. Demetrii martyris. Eodem die juxta montem Oliveti depositio S. Pelagiae, quae peccatrix appellatur. In pago Laudunensi natale S. Benedictae virginis et martyris. Autissiodero Palladiae virginis. Senones Porchariae 138.1245D| virginis.
Obiit Arnaldus subdiaconus, qui dedit fratribus praedium suum in pago Senonico, in villa quae dicitur Vallis diaconi, et in villa Aganonis arpen. de vineis VIII.
VII Idus Octob. Obitus Abrahae patriarchae. Parisius natale SS. martyrum Dionysii episcopi, Eleutherii presbyteri, et Rustici diaconi, qui beatus episcopus propter praedicationis officium a sancto Clemente in Galliis directus, ibique est martyrizatus. Apud Coloniam Agripinam natale sancti Gereonis martyris cum aliis CCCVIII quos ferunt Thebeos fuisse. Apud Juliam via Claudia passio S. Domnini.
138.1246A| VI Idus Octob. Apud Cretam beati Piniti inter episcopos nobilissimi, qui in scriptis suis velut in quodam speculo viventem sibi imaginem reliquit. Apud Agripinensem urbem natale sanctorum martyrum Mallosi et Victoris. In Britannia natale S. Paulini episcopi Eburaci.
Obiit Trutbertus laicus, qui dedit fratribus masinile suum cum vineis et campis in pago Senonico in villa Caciaco.
V Idus Octob. In Acervo Siciliae S. Zanasii presbyteri. Apud Tharsum metropolim Ciliciae sanctorum martyrum Tharaci, Probi et Andronici. Turonis depositio sancti Venantii abbatis et confessoris.
Ipso die Ato archipresbyter et canonicus, homo 138.1246B| simplex et rectus, et timens Deum, monachus factus spiritum Christo reddidit: qui dedit fratribus suis canonicis domum cum appendiciis, quam ab Ugone de Gurgiaco emerat, et vineam quam plantavit apud Billiacum, aliam etiam quam emerat in Curto-cane, et dedit etiam octo nummos de censu.
IV Idus Octobris. Apud Ravennam via Laurentiana natale sancti Hedisti martyris. Apud Africam sanctorum quatuor millium nongentorum septuaginta et sex. Bituricas S. Opilionis presbyteri.
Obiit Taganboldus sacerdos, qui dedit fratribus praedium suum cum masinili et vineis et campis in villa quae dicitur Pradilis. Ipsa die Hugo bonae memoriae Autissiodorensis episcopus, decus pontificum 138.1246C| et forma totius religionis, qui in vita sua pacem dilexit, bona pace quievit: qui inter cetera quibus episcopatum suum ditavit, usum nemoris de Tullo, quem canonici per multos annos sine spe recuperationis amiserant, cum summo labore et studio acquisivit. Dedit etiam ecclesiae sacerdotalia indumenta peroptima, et calicem deauratum. Praeterea assignavit in Lindriaco triginta solidos, quibus die anniversarii singulis annis canonicis refectio exhibeatur. Dimisit etiam canonicis ecclesiam Lindriaci post mortem Anselmi seu dimissionem. Interim autem Stephanus praepositus X solidos ad refectionem faciendam persolvet.
III Idus Octobris. Apud Troadam natale beati Carpi discipuli Pauli apostoli. Antiochia beati Theophili 138.1246D| episcopi. Alexandria Athanasii episcopi et confessoris.
Obiit Rudovicus levita, cujus industria masinile cum vinea in villare quod est in conspectu sancti Juliani, fratribus adquisitum est, et ea quae ad eum pertinent.
Pridie Idus Octobris. Romae natale S. Calixti papae et martyris. Lugduno Galliae transitus S. Justi episcopi.
Idus Octobris. In Galliis apud Coloniam Agrippinam natale sanctorum martyrum Maurorum de militibus ex illa legione sacra Thebeorum numero quinquaginta in basilica conditorem ex musivo quodammodo deaurato, unde et sancti Aurei vocantur. 138.1247A| Lugduno beati Antiochii episcopi. In territorio Remensi natale S. Basuli presbyteri et confessoris. Fontenella monasterio S. Wilframni archiepiscopi.
Obiit Henricus Burgundiae marchio.
XVII Kalendas Novembris. In Africa sanctorum martyrum CCLXX pariter coronatorum, et sanctorum martyrum Martiani et Satiriani cum duobus fratribus eorum, et egregiae Christi ancillae Maximae virginis et martyris. Apud Bituricam natale S. Ambrosii episcopi et confessoris.
Obiit Gaufridus miles, qui reddidit terram quam tenebat de manu firma in Artadisvilla.
XVI Kal. Novembris. Natale B. Aristonis, qui unus fuit de septuaginta Christi discipulis. Eodem die 138.1247B| natale B. Heronis episcopi. In civitate Aurausica S. Florentii episcopi.
Obiit Seuvinus Senonum archiepiscopus.
XV Kal. Novembris. Natale S. Lucae evangelistae, qui obiit in Bytinia; sed ejus sacra ossa Constantinopolim sunt postmodum delata. Antiochia natale S. Asclepiadis episcopi et confessoris. Romae S. Trophoniae uxoris Decii Caesaris. In territurio Belvacensi passio S. Justi martyris, cujus caput requiescit in basilica S. Amatoris.
XIV Kalendas Novembris. Apud Alexandriam natale SS. Ptolomei et Lucii martyrum pretiosorum. In Antiochia Syriae natale SS. Pelagi, Heronicae et Pelagiae.
Ipso die Gauzo sacerdos et decanus obiit, qui 138.1247C| dedit canonicis S. Stephani praedium suum cum servis et ancillis, omne quod habuit in villa Creveno.
XIII Kalendas Novembris. In Galliis civitate Agenno natale S. Caprasii martyris. Apud Aviensem provinciam natale beati Maximi levitae et martyris.
Eodem die obiit Humbaldus humilitatis ac benignitatis episcopus, qui cum multis aedificiis atque ornamentis, quibus ecclesiam intus et exterius decoravit, ecclesiam Acolaci et ecclesiam Crevenni cum decimis ac pareda fratrum stipendiis donavit. Hic siquidem inter fratres pace prius reformata, Jerusalem causa orationis adiit, atque inde rediens, sanctamque psalmos canendo Deo confessionem 138.1247D| faciens, maris pelago sepulturam promeruit pretiosam.
XII Kal. Novembris. Apud Nicomediam natale SS. martyrum Dasii, Soticigii cum XII militibus. Eodem die sancti patris nostri Hilarionis, cujus vitam S. Hieronymus virtutibus plenam scripsit. In civitate Hostia natale S. Asterii presbyteri. Ipso die transitus S. Viatoris lectoris. In eremo comitis S. Justi.
Obiit Arnulfus laicus, qui pariter cum fratribus suis Norgaudo et Walgaudo dederunt fratribus praedium suum quod habuerunt in villa Crevenno.
XI Kalendas Novembris. Hierosolymis natale S. 138.1248A| Marci episcopi et martyris. Apud Adrianopolim Trachiae natale SS. Philippi episcopi, Eusebii et Hermetis. In civitate Osea SS. virginum Mulinionis et Helodiae. Lingonis civitate in Portu Bucino passio S. Valerii martyris et levitae.
X Kal. Novembris. Apud Antiochiam Syriae natale S. Theoderici presbyteri et martyris. In Hispaniis natale SS. martyrum Servandi et Germani. Colonia civitate S. Severini episcopi.
Obiit domus Herifredus episcopus, pater piissimus, qui dedit medietatem Malliaci ad refectionem fratribus exhibendam. Die quoque ordinationis ejus dedit fratribus Artadum villam, et in Lindriaco mansum unum, et in Capiliaco mansum alterum et molendinum subtus murum, et in Nativitate S. 138.1248B| MARIAE dedit ecclesiam Bacernae, et Lindriacum, et Lupinum, necnon Logniacum; Gimiliacum autem in natale S. Clementis
IX Kal. Novembris. In Venusia civitate Apuleiae, natale SS. martyrum Felicis episcopi et Audacti et Januarii presbyterorum, et Fortunati et Septimi lectorum.
VIII Kal. Novembris. In Galliis civitate Suessionis natale SS. martyrum Crispini et Crispiniani. Eodem die Petragoricas civitate natale S. Frontonis episcopi, qui per virtutem Dei, accepto baculo S. Petri apostoli, socium suum Gregorium presbyterum a morte recepit. Romae sanctorum martyrum XLVI militum. Item, Romae Bonifacii papae. In civitate Gavalis depositio S. Hilarii 138.1248C| episcopi vita et miraculis praeclari. In territurio Turonico natale S. Spani martyris.
VII Kal. Novembris. Apud Africam natale SS. martyrum Rogatiani presbyteri et Felicissimi. Apud Ephesum S. Policratis episcopi egregii et nobilissimi viri.
VI Kal. Novembris. Romae Euvharisti papae et martyris. Autissiodero depositio beati Desiderii episcopi. In pago Pictavo natale S. Florentii presbyteri et monachi. In Hispaniis Helbora civitate natale SS. martyrum Vincentii, Sabinae et Christeae.
V Kal. Novembris. Natale beatorum apostolorum Simonis Cananei, qui et Zelotes scribitur, et Thaddaei, qui et Judas Jacobi legitur, et alibi 138.1248D| Lebbeus appellatur: e quibus Thaddaeus apud Mesopotamiam, Simon vero apud Aegyptum legitur praedicasse. Inde simul Persidam ingressi, cum infinitam catervam Christo ibi aggregassent, martyrizati sunt. Romae S. Cyrillae martyris filiae Decii imperatoris. Civitate Meltis S. Faronis episcopi et confessoris. Parisius translatio S. Genovefae virginis.
IV.
Kal. Novembris. Natale beati Narcissi Hierosolymorum episcopi, viri sanctitate, et patientia ac fide laudabilis, contra quem crimen falso objectum cum tres testes jurassent, imprecati sunt super se maledicta: primus ut igne consumeretur si vera non diceret; secundus ut regio morbo corrumperetur; 138.1249A| tertius ut luminibus orbaretur; quod ita singulis statim post perjurium accidit. Apud Sindonem urbem natale S. Zebei presbyteri et martyris.
III Kal. Novembris. Civitate Tingitana passio S. Marcelli centurionis. Apud Africam SS. martyrum numero CCXX. Apud Antiochiam beati Serapionis episcopi et confessoris.
Obiit Andreas presbyter, qui dedit masinile suum fratribus cum vinea adhaerente in villa Ferreoli, similiter in villa Garricas. Item, obiit Bernardus presbyter, qui dedit masinile suum fratribus cum horto et vinea in villa Vendonsa.
Pridie Kalendas Novembris. Romae B. Nemesii diaconi et martyris, et Lucillae filiae ejus, qui octavo 138.1249B| Kal. Septembris decollatus, pridie Kal. Novembris honorifice translatus est. In Galliis territurio Virmandensi S. Quintini martyris.
Eodem die obiit Robertus praepositus, qui dedit fratribus vineas suas, ut singulis annis in die obitus sui communis refectio canonicis exhibeatur.
NOVEMBER.
Kalendas Novembris. Festivitas Omnium sanctorum. Diviono castro natale sancti Benigni presbyteri et martyris. Eodem die natale SS. martyrum Caesarii diaconi et Juliani presbyteri. Parisius S. Marcelli episcopi et confessoris. Ipso die natale S. Severini monachi de Tyburtina civitate. Et alibi 138.1249C| natale S. Mariae virginis et martyris. In territurio Biturico nomine Dolus S. Lusoris confessoris.
IV Nonas Novembris. Romae passio S. Eustachii cum uxore et duobus filiis. Eodem die natale S. Victorini martyris Pictabionensis episcopi. Leodicia B. Theodoti episcopi optimi viri. Monasterio Augaunensi natale S. Ambrosii abbatis.
III Nonas Novembris. Natale S. Quarti apostolorum discipuli. Apud Caesaream Cappadociae natale sanctorum martyrum Germani, Theophili, Caesarii et Vitalis. In pago Vilcassino S. Clari presbyteri et martyris.
II.
Nonas Novembris. Apud Alexandriam B. Iterii presbyteri hominis Dei. In territurio Rotomagensi 138.1249D| S. Amantii episcopi et confessoris. Augustiduno natale sancti Patrocli episcopi et confessoris.
Eodem die Hugo decus pontificum emisit spiritum.
Nonas Novembris. Obitus Zachariae prophetae patris Johannis Baptistae. In Terracina civitate Campaniae natale SS. martyrum Felicis presbyteri et Eusebii monachi. Capua civitate natale S. Quarti confessoris.
VIII Idus Novembris. Toniza Africae natale S. Felicis, cujus martyrium B. Augustinus in quodam psalmo mirabiliter exponit. In Oriente civitate Theopoli sanctorum decem martyrum, qui 138.1250A| sub Sarracenis passi leguntur. Redonis S. Melanii episcopi et confessoris.
VII Idus Novembris. Apud Alexandriam beati Achillaei episcopi viri Dei. Apud Albiginensem urbem natale S. Amaranti martyris. Apud Perusinam urbem Italiae natale sancti Herculiani episcopi et martyris, cujus corpus post abscisionem capitis ita unitum die quadragesimo repertum est, ut meminit papa Gregorius, ac si hoc nulla incisio ferri tetigisset. In Frisia natale S. Willibrordi episcopi, cujus actus Beda presbyter in gestis Anglorum describit.
Obiit Teodaldus juvenis, qui dedit partem patrocinii sui et hereditatis suae canonicis S. Stephani, propter amorem patriae coelestis et remissionem peccatorum 138.1250B| suorum. Sitae sunt autem ipsae res in villa quae dicitur Cormedus, cum capella et suis adjacentiis, mancipiis, vineis, campis et domibus, ad sui memoriam recolendam.
VI Idus Novembris. Romae natale V martyrum Claudii, Nicostrati, Symphoriani, Castorii et Simplicii. Ipso die juxta corpora eorum natale sanctorum quatuor coronatorum Severi, Severiani, Carpophori et Victorini.
Obiit Hunencus sacerdos et decanus sancti Mammetis.
V Idus Novembris. Natale S. Theodori martyris diversis tormentis coronati. Apud Bituricas S. Ursicini episcopi et confessoris ( altera manu: In Syria civitate Beritho passio sanctae et gloriosae imaginis 138.1250C| Domini Salvatoris).
Obiit Ademarus sacerdos et praepositus.
IV Idus Novembris. In territurio Agathensi in Cessarione natale sanctorum martyrum Tyberii, Modesti et Florentiae. Apud Antiochiam natale SS. Demetrii episcopi, Aniani diaconi, Eustasii et aliorum XX. Aurelianis S. Monitoris episcopi et confessoris. Eodem die natale S. Martini papae et martyris.
III Idus Novembris. In Galliis civitate Turonis natale S. Martini episcopi et confessoris, cujus gloriosi actus longe lateque divulgati extant. In Scytia metrepolim Frigiae Salutariae passio S. Mennae variis tormentis coronati. Lugduno passio S. Verani episcopi.
138.1250D| Obiit Stephanus Cavillonensis episcopus
Pridie Idus Novemb. Apud Africam commemoratio SS. martyrum Arcadii, Paschasii, Probi, et Eutichiani, et Paulilli pueri. Apud provinciam Tarraconensem, civitate Tyrassona B. Emiliani presbyteri et confessoris.
Obiit Ingelboldus, qui villas S. Stephani Crevennum, Acolacum et Villam-novam reaedificavit, et ad domos fratrum componendas quingentos solidos de suo donavit.
Idus Novembris. Ravennae natale sanctorum martyrum Valentini, Solutoris, Victoris. Apud Toletum urbem depositio B. Eugenii episcopi. Turonis natale S. Briccii episcopi et confessoris. Autissiodero 138.1251A| exceptio corporis S. Alexandri et S. Crysanti martyris. Senones Paterni martyris.
Obiit Aldulfus episcopus, qui instituit hac die de suo hospitale fratribus refectionem praeparari.
XVIII Kalendas Decembris. Apud Trachiam civitate Heraclea natale sanctorum martyrum Clementini, Theodoti, Philomini. Apud Alexandriam beati Serapionis clarissimi martyris. In Laodicia S. Anatholii episcopi.
Obiit Velfo abba.
XVII Kal. Decembris. Natale S. Felicis episcopi et martyris cum aliis XXX simul martyrizatis. Ipso die S. Eugenii, qui apud pagum Parisiacensem consummato martyrii cursu beatae passionis coronam percepit a Domino.
138.1251B| Obiit Waltherius Senonum archiepiscopus, et Gratianus abba.
XVI Kalendas Decembris. Lugduno Galliae natale S. Eucherii admirandae fidei, vitae et doctrinae viri. In Africa SS. Nerei, Pauli, Adriani.
XV Kalendas Decemb. Apud Alexandriam B. Dionysii episcopi magnae sanctitatis viri. Apud Pontum natale beati Gregorii Neocaesariensis episcopi et martyris. Aurelianis S. Aniani episcopi et confessoris, cujus mortem in conspectu Domini miracula crebra testantur. Eodem die Cordulae, in Hispaniis sanctorum martyrum Aciscli et Victoriae, ubi ob commendationem pretiosae mortis eorum eodem die rosae ortae divinitus colliguntur. Turonis sancti Gregorii episcopi miraculorum 138.1251C| factoris.
Obiit Milo canonicus puer et acolythus, qui dedit fratribus in Monteio arpennos vinearum XV.
XIV Kalendas Decembris. Antiochiae natale S. Romani monachi et martyris. Eodem die in eadem urbe natale S. Sychii martyris. Autissiodero dedicatio basilicae S. Germani episcopi cum superioribus cryptis. Eodem die translatio corporis beati prothomartyris Stephani a Jerosolymis in Bizantium.
XIII Kalendas Decembris. Romae via Appia natale S. Maximi presbyteri et martyris.
Apud Viennam sanctorum martyrum Severini, Exuperii et Feliciani. Eodem die S. Fausti martyris. Augustiduno natale S. Simplici episcopi et 138.1251D| martyris. Ipsa die beati Crispini martyris. Item Romae Gelasii papae.
Obiit Lantbertus presbyter, qui dedit fratribus alodum suum in villa quae dicitur Stabulis, et ibidem in circumjacentibus locis. Item, Lanfredus presbyter obiit, qui dedit fratribus patrimonium suum in villa Gratiaco.
XII Kalendas Decembris. Romae natale S. Pontii papae et martyris. Apud Siciliam civitate Messana sanctorum Ampelii et Gaii. Apud Cavillonem S. Silvestri episcopi et confessoris.
Obiit Iterus de Porta, qui pro obtinenda peccatorum suorum venia dedit canonicis S. Stephani 138.1252A| duos homines apud Crevennum cum uxoribus et filiis suis.
XI Kalendas Decembris. Natale beatissimi Rufi, de quo apostolus Paulus ad Romanos scribit: Salutate Rufum electum et matrem ejus et meam. In Antiochia sanctorum Basilii, et Auxilii et Zephirini.
Obiit Otardus, qui dedit fratribus propter amorem Dei et remissionem peccatorum suorum res optimas proprietatis suae in comitatu Tornotrensi, in villa quae dicitur Malorum, et in circumjacentibus locis, cum masinilibus, vineis, campis et domibus.
X Kalendas Novembris. Romae S. Ceciliae virginis et martyris. Item, Romae sancti Mauri martyris. 138.1252B| In Caesarea natale S. Longini militis et martyris, qui latus Domini lancea perforavit.
Obiit Christianus episcopus, qui dedit fratribus Albaris villam ad sui memoriam faciendam. Ipsa die obiit Clemens omnis sapientiae luce coruscans.
IX Kal. Decembris. Natale S. Clementis papae et martyris. Eodem die natale S. Felicitatis matris septem filiorum martyrum, quos Antoninus imperator jussit diversis suppliciis interire; mater vero eorum novissime decollata est pro Christo. In Italia monasterio Bobio natale sancti Columbani abbatis. In pago Asbanio natale S. Trudonis presbyteri et confessoris.
VIII Kalendas Decembris. Romae natale sanctorum martyrum Crysogoni et Crescentiani. Castro Blavia 138.1252C| S. Romani presbyteri et confessoris, cujus sanctitatis praeconium miraculorum gloria declarat. Civitate Corduba sanctarum virginum Floreae et Mariae, quae post diuturnos carceres, pro Christo gladio interemtae sunt.
Obiit Hictarius bonae memoriae, qui dedit fratribus suis in circuitu civitatis vineas adquisitionis suae. Eodem die anniversarium Attonis canonici, qui dedit fratribus XXX libras, servos etiam et ancillas, arpennos quoque vinearum tres in Montetenso, necnon areas quae sunt juxta S. Stephani capellam, et aream unam ante domum pauperum sitam. Profectus est Jerosolymam, et in eo itinere, Christo miserante, defunctus.
VII Kalend. Decemb. Natale S. Petri Alexandrini 138.1252D| episcopi et martyris, inter praecipuos egregii, cui post diversa certamina pro fide Christi, quadam nocte in habitu Dominus apparuit indutus colobio lineo candido nimis, conscisso a summo usque deorsum, et ambabus manibus conjungebat eum circa pectus suum, quodam modo cooperiens nuditatem suam, et dixit ad eum: Quid est, Domine, quod video vestem tuam scissam? Et respondit Dominus: Arrius hoc fecit, qui separavit a me populum comparatum sanguine meo. Praecipio nunc et moneo ne recipias eum in communione, etc. Passi sunt autem cum eo ex Aegypto episcopi fere cum clericis et laicis sexcenti sexaginta.
138.1253A| Obiit Milo laicus, qui dedit fratribus alodum suum, qui conjacet in villa Colonicas super fluvium Senodum. Eodem die Goscelinus hujus ecclesiae canonicus et decanus obiit, qui pro remedio animae suae domum suam cum vineis suis canonicis dedit, ut in die anniversarii ejus in refectorio reficerentur. Ipse vero ad missas celebrandas pro defunctis apud sanctum Clementem proprium sacerdotem cum duobus arpennis vinearum constituit, et in reprehensione et in custodia capituli eum stabilivit. Dedit etiam praefatae ecclesiae vestimentum sacerdotale, missale optimum cum graaale, calicem argenteum cum canulis argenteis, et ita ornatam reliquit ecclesiam.
VI Kalend. Decemb. Natale S. Lini papae et martyris, 138.1253B| qui post beatum Petrum primus Romanam ecclesiam tenuit annos XII, menses III, dies XII, et martyrio coronatus sepultus est in Vaticano. Apud Alexandriam natale SS. martyrum Fausti presbyteri, et Dii, et Ammonii. Eodem die beati Alexandri martyris et episcopi. In pago Avalensi natale S. Magnentiae virginis. Augustiduno natale S. Amatoris episcopi et confessoris.
V.
Kal. Decemb. Apud Bononiam Italiae urbem natale SS. martyrum Vitalis et Agricolae, post varia tormenta crucifixorum. In Galliis civitate Regensi natale S. Maximini episcopi et confessoris.
Eodem die obiit Johannes sacerdos et canonicus hujus ecclesiae cantor eximius, qui dedit ecclesiae nostrae ex libris suis missale unum, antiphonarium, 138.1253C| gradale, hymnarium, prosarium optimum, et in Acolaco villa dedit fratribus domos suas, et quidquid etiam proprietatis habere videbatur, ad sui memoriam recolendam.
IV Kal. Decemb. Natale S. Sostenes discipuli apostolorum. Eodem die S. Rufi martyris. Ipso die Papini et Mansueti episcoporum cum aliis multis, qui eo tempore passi sunt. Romae S. Gregorii papae III, qui rexit ecclesiam annis X. Autissiodero translatio sancti Vigilii episcopi et martyris.
III.
Kalend. Decemb. Vigilia S. Andreae apostoli. Romae natale S. Saturnini martyris, et Sennis et Sisinnii diaconorum et martyrum. Eodem die apud Tolosam natale S. Saturnini episcopi et martyris.
138.1253D| Pridie Kalend. Decemb. In civitate Patras provinciae Achaiae natale B. Andreae apostoli, qui etiam apud Scythiam praedicavit. Apud Sanctonas S. Trojani episcopi, magnae virtutis et sanctitatis viri. Romae in cimiterio apud Guttam S. Castuli.
DECEMBER.
Kalend. Decemb. Romae passio SS. Chrysanti et Dariae virginis. In Africa natale SS. martyrum Papini et Mansueti episcoporum. Apud civitatem Maguntiam beati Albani martyris. Eodem die S. Eligii Noviomensis episcopi. Apud Bizantum Nicomediam 138.1254A| natale S. Nataliae uxoris sancti Adriani martyris.
Obiit Teutgarius diaconus, qui dedit nobis vineam in villa Sigliniaco. Eodem die ordinatio domni Gaufredi episcopi. Eodem die Vitalis Autissiodorensis ecclesiae decanus est viam universae carnis aggressus.
IV Nonas Decemb. Natale sanctae Vivianae martyris, et SS. martyrum Fausti et Dafrosae filiae ejus. Ipso die passio SS. Veri et Securi, qui apud Africam martyrio coronati sunt.
III Nonas Decemb. Tingi metropoli Mauritaniae Tingitanae natale S. Cassiani martyris. Eodem die SS. martyrum Claudii tribuni, et uxoris ejus Hilariae, ac filiorum Jassonis et Mauri et LXX militum, 138.1254B| qui omnes ad praedicationem S. Chrysanti crediderunt Christo.
Obiit Abbo episcopus.
II Nonas Decemb. Romae natalis SS. martyrum Symphronii et Olympii temporibus Valeriani et Gallieni imperatorum. In Africa SS. Armogasti, et Archinimi, et Satyri, qui cum essent lucidissima membra ecclesiae Christi, pro confessione veritatis multa et gravia perpessi supplicia atque opprobria ab Arrianis, cursum gloriosi certaminis impleverunt. Et in Lauditia sanctorum Metropoli, Felicis.
Ipsa die obiit Stephanus sancti Stephani praepositus et sacerdos egregius, necnon et divinarum Scripturarum doctor eximius.
138.1254C| Nonas Decemb. In Africa apud Coloniam Thebastinam natale S. Crispinae martyris. Eodem die in Italia natale Dalmatii martyris. Treviris S. Nicetii episcopi et confessoris.
Obierunt Ermenbertus praepositus et levita, et Arnaldus vicecomes.
VIII Idus Decemb. Natale beati Nicolai episcopi Mirorum Liciae. Apud Africam SS. Dionysiae, Davitae, Leontis et Emiliani medici, et religiosi viri Noetercii, et Bonifacii, et Servi, et Victricis, et Majorici adolescentis, qui omnes innumeris suppliciis excruciati, confessorum Christi numero sociari meruerunt.
VII Idus Decemb. Apud Alexandriam beati Agathonis martyris sub Decio imperatore. Apud Sanctonas 138.1254D| beati Martini abbatis, discipuli beati Martini Turonicae urbis episcopi, qui in monasterio quod ipse aedificavit in pace quiescit. Eodem die in Spolitana urbe S. Sabini episcopi et martyris. In pago Mellicensi sanctae Farae virginis.
VI Idus Decemb. Romae natale S. Eutichiani papae et martyris, qui et ipse per diversa loca CCCXLII martyres manu sua sepelivit. Apud Alexandriam Macharii martyris. In territorio Dunensi depositio S. Leonardi eximii confessoris.
V Idus Decemb. Natale S. Leuchadiae virginis, quae 138.1255A| apud Toletum in carcere posita, cum audisset beatae Eulaliae cruciatus et reliquorum martyrum, qui tunc interficiebantur, genibus in oratione positis, impollutum Christo spiritum reddidit. Ipso die beati Cypriani abbatis Petragorici.
IV Idus Decemb. Romae Melchiadis papae. Apud Emeritam Hispaniae civitatem natale S. Eulaliae virginis et martyris. Eodem die apud praefatam urbem passio S. Juliae virginis, quae fuit convirginalis beatae Eulaliae. Hispolitana civitate sanctorum martyrum Carpophori presbyteri, et Abundi diaconi.
Obiit Wadimirus corepiscopus. Ipso die obiit Amalricus levita, qui dedit fratribus praedium adquisitionis suae in villa quae dicitur Castriacus, et 138.1255B| in confinibus ejus arpennos vinearum VII, propter amorem vitae aeternae et sui memoriam recolendam. Eodem die obiit Reinaldus archipresbyter et canonicus, qui dedit fratribus optimam vineam et viginti modia vini, et servam unum, et in claustro faciendo C solidos.
III Idus Decemb. Romae S. Damasi papae, et natale SS. martyrum Pontiani, Praetextati et Trasonis. In Galliis civitate Ambianis, natale SS. martyrum Victorici, Fusciani, atque Gentiani, qui gloriosissimam suae fidei confessionem sanguine passionis decoraverunt. In Hispaniis natale S. Eutichii, cujus gesta habentur.
Obiit Gerberga cometissa uxor Henrici ducis. Ipsa die obiit Gozfridus sacerdos atque decanus 138.1255C| Senonicae urbis.
II Idus Decemb. Natale SS. Hermogenis, Donati et aliorum XXII. Apud Alexandriam beatorum martyrum Epimachii, Alexandri. Apud Septimaniam urbe Narbona depositio beati Pauli episcopi et confessoris. In pago Vimmacense natale S. Walerici confessoris, qui super Sommam fluvium eremiticam vitam duxit.
Idus Decemb. Apud Syracusam Siciliae civitatem natale S. Luciae virginis et martyris.
Ipsa die obiit Matildis comitissa Landrici conjux. Eodem die Hermengardis abbatissa obiit.
XIX Kalend. Januarii. Apud Cyprum natale S. Sphiridionis episcopi et confessoris. Remis S. Nicasii 138.1255D| episcopi et martyris, qui a Wandalis pro fide Christi intra domum ecclesiae decollatus est. Autissiodero dedicatio altaris ecclesiae superioris a Calixto papa II facta, et ut solemniter a nobis quoque anno celebraretur ab eodem instituta.
XVIII Kal Jan. Apud Africam natale sancti Valeriani episcopi et confessoris. In territurio Aurelianensi beati Maximini presbyteri venerabilis sanctitatis viri.
Obiit Aclevertus sacerdos et decanus.
XVII Kal. Jan. Trium puerorum Ananiae, Azariae, Misaelis, quorum corpora apud Babyloniam sub quodam specu sunt posita. Eodem die natale beatorum martyrum Rufi et Zosimi. In Tuscia S. 138.1256A| Barbarae virginis et martyris. Apud Pontum S. Meletii episcopi et confessoris.
XVI Kal. Jan. Apud Antiochiam translatio et depositio corporis S. Ignatii episcopi et martyris, qui passus est Romae Kalendis Februarii. Eodem die beati Lazari, quem Dominus JESUS in evangelio legitur resuscitasse a mortuis. Item beatae Marthae sororis ejus. In Oriente apud Eleuteropolim civitatem SS. martyrum quinquaginta, qui sub Sarracenis passi sunt.
XV Kal. Jan. Apud Africam natale S. Moysis martyris. Eodem die S. Anatholiae virginis et martyris. Turonis S. Gatiani primi episcopi ipsius civitatis.
Obiit Eldegarius laicus, qui dedit fratribus omne 138.1256B| praedium suum in pago Tornetrensi, in villa Madriaco, tam in vineis quam in terris, pratis cultis et incultis, silvis, domibus, et cum omnibus adjacentiis, pro absolutione peccatorum suorum.
XIV.
Kal. Jan. Autissiodero depositio beati Gregorii episcopi, qui sedit annos XII, menses VII, dies III. Sepultus est in ecclesia S. Germani. Apud Aegyptum beati Nemesii martyris. Alexandriae beati Clementis presbyteri.
XIII Kal. Jan. Beatissimorum martyrum Ammonis, Zenonis, Ptolomei, Ingenii et Theophili.
Obiit Eliseus archidiaconus, qui dedit fratribus res proprietatis suae in villa quae dicitur Gratiacus, arpennos vinearum IX, propter remedium peccatorum suorum, suique memoriam recensendam.
138.1256C| XII Kal. Jan. natale B. Thomae apost. qui Parthis et Medis evangelium praedicans, passus est in India V Nonas Julias. Corpus ejus in civitatem quam Syri Edessam vocant, XII Kalendas Januarii translatum, ibique digno honore conditum est.
Electio domni Geranni episcopi, qui dedit fratribus Logniacum villam et Solium, unde debet ad luminaria ecclesiarum sanctae Mariae, et sancti Stephani, et sancti Johannis modium olei, et fratribus libram unam denariorum, qui ipsam terram tenuerit. Eodem die obiit Agnes de Longavilla, quae dedit ecclesiae protomartyris B. Stephani cortinam pretiosam diversis coloribus decoratam.
XI Kal. Jan. Romae via Lavicana inter Duas Lauros 138.1256D| natale XXX martyrum, qui omnes uno die in persecutione Diocletiani coronati sunt. Apud Alexandriam B. Schyrionis martyris. Ipso die aliorum plurimorum martyrum, qui in desertis et montibus apud Aegyptum oberrantes, fame, siti, frigore, languore, latronibus, bestiisque consumti sunt. Eodem die Theodosiae virginis et martyris, et sancti Didimi monachi eruditissimi viri.
X Kal. Jan. Romae natale S. Victoriae virginis et martyris. Apud Nicomediam SS. martyrum XX. Item Romae beati Servuli de quo beatus Gregorius scribit: Qui rebus pauper, meritis autem dives fuit et cetera mira quae de eo loquitur. Eodem die natale S. Heuvaristi papae et martyris. Autissiodero 138.1257A| dedicatio ecclesiae S. Johannis Baptistae.
Obiit Ablenus diaconus, qui dedit fratribus res proprietatis suae in villa quae dicitur S. Mauricius, et in villa quae dicitur Antonus, propter veniam peccatorum percipiendam, et ad sui memoriam celebrandam.
IX Kal. Jan. Vigilia Natalis Domini. Eodem die apud Antiochiam Syriae natalis SS. virginum XL. Quae per diversa tormenta martyrium consummaverunt. Apud Spoletum natale S. Gregorii presbyteri et martyris, qui saepe regyratus variis tormentis est coronatus.
VIII Kal. Jan. Bethleem Nativitas Salvatoris Domini nostri JESU CHRISTI secundum carnem. Eodem die natale S. Anastasiae virginis et martyris, 138.1257B| quae de Roma secuta est sanctos qui ad martyrium ducebantur. Romae in cimiterio Aproniani passio S. Eugeniae virginis.
VII Kal. Jan. Apud Jerosolymam passio S. Stephani protomartyris et diaconi, qui non multo post Ascensionem Domini, ab apostolis cum esset plenus fide et Spiritu sancto, diaconus est ordinatus, atque eodem anno quo et Christus passus, a Judaeis est lapidatus. Eodem die natale sancti Marini clarissimi viri, qui martyrii praemium sub imperatore Martiano Romae adeptus est.
Obiit Ingelboldus miles.
VI Kal. Jan. Apud Ephesum natale sancti Johannis apostoli et evangelistae dilecti Domini. Hic post exilii relegationem, post Apocalypsis revelationem 138.1257C| divinam, post evangelii descriptionem, confectus senio mortuus est post passionem Domini anno LXVIII, aetatis autem suae nonagesimo nono. In partibus Aquileiae natale S. Zoeli presbyteri et confessoris.
V.
Kal. Jan. Bethleem natale sanctorum Innocentium, quos Herodes cum Christi nativitatem Magorum 138.1258A| indicio cognovisset, trigesimo quinto anni regni sui interfici jussit. Qui anno XXXVI, morbo intercutis aquae, scatentibus toto corpore vermibus, miserabiliter et digne moritur.
Obiit Sigradus, qui dedit fratribus mansum suum indominicatum cum omnibus appenditiis suis in pago Tornetrensi, in villa Cidernaco, de vineis arpennos . . . . . de terra accingas . . . . . ad censum fratribus dandum.
IV Kal. Jan. Hierosolymae depositio Davidis regis. Apud Arelatem natale sancti Trophymi episcopi, de quo scribit Apostolus ad Timotheum: Trophymum reliqui infirmum Mileti. Hic ab apostolis Romae ordinatus episcopus, primus Arelatensem urbem Galliae ob Christi evangelium praedicandum directus est. Ex cujus fonte, ut beatus papa Zozimus 138.1258B| scribit, totae Galliae fidei rivulos acceperunt. In pago Occimense natale sancti Ebrulfi confessoris, cujus gesta habentur. Antissiodero dedicatio ecclesiae sancti Michaelis et sancti Clementis.
III Kal. Jan. Apud Spoletum passio sancti Sabini episcopi, Exuperanti et Marcelli diaconorum, et Venustiani cum uxore et filiis simul martyrizatis sub Maximiano imperatore. Turonis natale S. Perpetui episcopi et confessoris.
II Kal. Jan. Romae natale S. Silvestri papae et confessoris, cujus actus clari habentur. Hic fuit post beatum Petrum apostolorum XXXV. Sedit autem in episcopatu annos XXIII, menses V, dies XI. Hic plenus virtutibus obiit in pace, et sepultus est in cimiterio Priscillae via Salaria pridie Kalendas Januarii. 138.1258C| Apud Senones beatorum Sabini episcopi et Potentiani, qui a beatis apostolis ad praedicandum directi, praefatam urbem martyrii sui confessione illustrem fecerunt. Item, Senones passio S. Columbae virginis, quae superato igne gladio caesa est.
Obiit Anseisus Tricasinensis episcopus.
Quotation analysis