Migne Patrologia Latina Tomus 138
Missa Aethiopum (Auctor incertus), J. P. Migne
cc_id: cps_2.AucInc.MisAet, cc_idno: 9630
IN NOMINE PATRIS, ET FILII ET SPIRITUS SANCTI. AMEN. 138.0907C|
¶
Chorus incipit: Alleluia.
Ego autem in multitudine misericordiae tuae, introibo in domum tuam.
Adorabo ad templum sanctum tuum, in timore tuo.
Confitebor tibi, Domine, in toto corde meo, quoniam exaudisti verba oris mei.
In conspectu angelorum psallam tibi, adorabo ad templum sanctum tuum.
Sacerdotes tui induantur justitiam, et sancti tui exsultatione exsultent.
Asperges me, Domine, hyssopo, et mundabor; et lavabis me, et super nivem dealbabor.
Amplius lava me ab iniquitate mea, et a peccato 138.0907D| meo munda me.
Et ab alienis parce servo tuo.
138.0908C| Panem coeli dedit eis.
Panem Angelorum manducavit homo.
Lavabo inter innocentes manus meas, et circumdabo altare tuum, Domine.
Circuivi, et immolavi in tabernaculo ejus hostiam vociferationis.
Parasti in conspectu meo mensam adversus eos qui tribulant me.
Impinguasti oleo caput meum, et calix meus inebrians quam praeclarus est!
Calicem salutaris accipiam, et nomen Domini invocabo.
Benedictus, qui venit in nomine Domini! Benediximus vobis de domo Domini.
Salve, mater nostra, Ecclesia sancta, munita 138.0908D| pariete, ornata topazio. Mater nostra, Ecclesia, salve.
138.0909A| Tu es vas illud puri auri, in quo erat manna absconditum, et tu es tabernaculum panis, descendens de coelo, praebens omnibus vitam in saeculum.
IN NOMINE PATRIS, ET FILII, ET SPIRITUS SANCTI. AMEN. Ante omnia sacerdos dicit orationes sequentes pro ecclesia, et altari et indumentis eorum:
Domine, Deus noster, tu es solus sanctus, qui omnibus tua occulta virtute sanctificationem dedisti. Sic te, Domine, supplices exoramus ut hanc ecclesiam, et super hoc altare, et super omnia ad sacra mysteria praeparata, Spiritum sanctum mittere digneris; et iterum benedic, sanctifica, et ab omni macula et pollutione munda ea, et nihil incredulitatis et immundi in eis remaneat. Fac huic ecclesiae et 138.0909B| altari res mundas et electas, sicut argentum igne examinatum, probatum, et purgatum septuplum. Perfice ut super ea sit mysterium Patris, Filii, et Spiritus sancti, nunc, et semper, et in saecula saeculorum. Amen.
Finita oratione, vestitur altare, et praeparantur omnia ad sacrificium, et sequitur:
Domine, Domine Deus, scrutator cordis omnium, qui manifestas abscondita, et omnia, et singula cognoscis; tu es sanctus, quiescens super sanctos. Tu solus sine peccato, potens delere peccata. Tu scis, Domine, quod huic mysterio sancto, quod ex te procedit, immundus sum; non est mihi facies appropinquandi, neque os laudem tuam sanctam aperiendi, et gratias agendi. Sed solum propter multitudinem 138.0909C| miserationum tuarum parce mihi, Domine, quia peccator sum. Praesta et concede mihi, Domine, (si in hanc horam misericordiam inveniam) et mitte desursum, Domine, fortitudinem tuam, ut tua sancta mysteria dignus efficiar consummare propter voluntatem et laetitiam cordis tui. Fiat incensum et oblatio ista bonus odor in conspectu tuo, et tu, Domine noster, et Salvator noster Jesu Christe, sis nobiscum, et benedic nos. Tu es ille qui deles peccata nostra, et illuminator animae nostrae, vita, potentia nostra, et introitus noster; tibi agimus gratias usque ad sedem tuam, nunc, et semper, et in saecula saeculorum. Amen.
Oratio super patenam. Domine Deus noster, Jesu Christe, qui super 138.0909D| lignum sanctae crucis manus tuas extendisti, sic super istam patenam extende, qua tuum sacrum corpus ministratur; Benedic + nunc, sanctifica et munda eam, ut corpus tuum sanctum in ea perficiatur, in hac ecclesia sancta et apostolica, quoniam tibi gloria, et Patri tuo coelesti, cum Spiritu sancto vitali, nunc, et semper, et in saecula saeculorum. Amen.
Oratio super calicem. Domine, Deus noster Jesu Christe, ἀληθεῶς, qui vere Deus et homo factus es, et nunquam a tua divinitate separatus fuisti, et sanguinem tuum pretiosum propter fragilem creaturam tuam voluntarie 138.0910A| effudisti, fac nunc ut manus tuae sint super hunc calicem. + Benedic, + sanctifica, + et purifica eum, ut in eo sanguis tuus sanctus consecretur, in hac ecclesia tua apostolica. Tibi gloria, cum optimo Patre tuo, et Spiritu sancto, nunc, et semper, et in saecula saeculorum. Amen.
Benedictio, puritas, + et dulcedo omnibus sanguinem tuum pretiosum sumentibus, alitheos vere. Amen.
Oratio super coclear per quod lancea crucis significatur. Domine Deus noster, qui Isaiae prophetae et famulo tuo ut cerneret seraphim, carbonem ignitum de sacrificio forcipe suscipientem, et labia ejus mundantem, concedere dignatus es, sic Pater omnipotens, 138.0910B| Dominus noster, et Deus noster, continens omnia, concede ut manus tuae sint super hanc lanceam, ut corpus et sanguinem pretiosum Filii tui unici Domini nostri, et Dei, et Salvatoris nostri Jesu Christi, digne ministrare possit. Benedic nunc, + sanctifica, + et purifica + eam, da ei virtutem et gloriam, sicut forcipi illi. Tibi gloria cum Filio tuo unico, cum Spiritu sancto, nunc, et semper, et in saecula saeculorum. Amen.
Virtus, + benedictio, + sanctificatio sanctae Trinitatis, in hanc ecclesiam sancti N. de Sceva. Tibi gloria cum Filio tuo, et Spiritu sancto, nunc, et semper, et in saecula saeculorum. Amen.
Oratio super arculam in qua ponitur hostia pro sacrificio. 138.0910C| Domine Deus noster, qui in monte Sinai Moysi servo et prophetae tuo praecepisti ut electa congregaret, quorum usus erat in ministerio altaris, arcae, et sanctuarii in tabernaculo tuo, nunc, Domine, Deus noster omnipotens, praesta ut manus tuae sint super hanc arculam, et imple eam virtute, fortitudine et puritate et gratia Spiritus sancti ad gloriam tuam, ut in ea perficiatur corpus unici Domini nostri, Dei nostri, et Salvatoris, Jesu Christi, in hac sancta ecclesia apostolica. Tibi gloria, et Filio tuo unico, et Spiritui sancto, nunc, et semper, et in saecula saeculorum. Amen.
+ Sanctificationem acceptabilem, remissionem peccatorum concedat nobis Deus Pater, cui laus, et honor, nunc, et semper, et in saecula saeculorum. 138.0910D| Amen.
Quando sacerdos offert hostiam super altare, dicit orationem sequentem:
Domine, Deus noster, qui suscepisti sacrificium Abel in deserto, et Noe in ara, et Abrahae in summitate montis, et Eliae in monte Carmeli, et David in area Orna Jebusaei, et oblationem pauperculae viduae in templo sancto, sic oblationem meam, et omnium famulorum famularumque tuarum, offerentium in nomine sancto tuo, suscipe, ut pro meis et eorum peccatis sit redemptio. Et sicut nos offerimus, ita mercedem nobis retribue in praesenti saeculo, et in futuro, et in saecula saeculorum. Amen.
Oratio, quando ponitur vinum et aqua in calice, a diacono. 138.0911A| Vere Christe, Deus noster, et Domine noster, qui ad nuptias in Cana Galileae vocatus fuisti, et eas benedixisti, et de aqua vinum fecisti; similiter fac, et + benedic, + sanctifica, et + purifica hoc vinum in conspectu tuo; et fiat exsultatio et vita animae et corpori nostro, et in omni tempore nobiscum permaneant Pater, Filius, et Spiritus sanctus, quia non habemus alios deos praeter te, Domine. Imple igitur nos vino exsultationis, salutis, et laetitiae, vitae, intellectus, et consilii Spiritus sancti, in saecula saeculorum. Amen. + Benedictus Dominus Deus, Pater omnipotens. + Benedictus Filius unigenitus, Jesus Christus, qui natus est de Maria Virgine. + Benedictus 138.0911B| Spiritus Paracletus, Deus noster, quibus Patri, et Filio, et Spiritui sancto, vera fortitudo in saecula saeculorum. Amen.
Postea replicet super calicem orationem.
Domine, Deus noster, qui suscepisti, etc. Ut supra, in offerendo hostiam.
Dicit sacerdos cantando et extendendo palmas sursum, ita tamen quod caput non excedant:
Unus Pater sanctus, unus Filius sanctus, et unus Spiritus sanctus.
Populus respondet: Amen.
Sacerdos, cantando dicit: Laudate Dominum, omnes gentes, laudate eum, omnes populi, quoniam confirmata est super nos misericordia ejus, et veritas Domini manet in aeternum. Gloria Patri, etc.
138.0911C| Dicit diaconus: Surgite ad orationem.
Populus: Domine, miserere nostri.
Sacerdos: Pax vobis.
Populus: Et cum spiritu tuo.
Sacerdos, in gratiarum actionem, dicit orationem sequentem:
Gratias agamus benefactori nostro, Domino misericordi, Patri Domini Dei, et Redemptoris nostri Jesu Christi, quia protexit nos, auxiliatus est nobis, custodivit, et commendatos nos sibi reddidit, attraxit, amplexus est, confirmavit, et pervenire nos fecit ad hanc horam; rogemusque ipsum, ut etiam custodiat nos in hac die sancta, in omni tempore vitae nostrae, et in omni pace, omnipotens Deus noster.
Diaconus dicit: Orate.
138.0911D| Sacerdos autem sequitur: Domine, o Domine, Pater bone et omnipotens, Pater Domini Dei, et Redemptoris nostri Jesu Christi, laudamus te super omne opus, pro omni opere, et in omni opere, quia protexisti nos, auxiliatus es nobis, custodisti nos, et commendatos tibi nos reddidisti; attraxisti et amplexus es; confirmasti et pervenire fecisti usque ad hanc horam. Petimus quoque, et quaesumus a bonitate tua, o amator generis humani.
Diaconus dicit: Petite et rogate ut parcat nobis Dominus, et misereatur nostri, et suscipiat orationem quae pro nobis fit a sanctis suis; et faciat nos dignos ut quae praestat accipiamus; et sumamus 138.0912A| de participatione et sacramento suo benedicto ut dimittantur nobis peccata nostra.
Sacerdos subsequitur: Ut perducamus hunc diem sanctum in omni tempore vitae nostrae, in omni pace, cum timore tuo. Omnem invidiam, et omnem tentationem, et omne opus Satanae, consilium hominum malorum, insultationes inimici absconditas et manifestas, elonga et expelle a me et ab universo populo tuo, et ab hoc loco sancto tuo. Omnia bona, quidquid utique praestat et juvat, impetra eis per nos, quia tu es qui dedisti nobis potestatem ut calcaremus serpentem, et scorpionem et omnem vim inimici; ne inducas nos, Domine, in tentationem, sed redime et libera nos ab omni malo per gratiam et misericordiam et amorem erga humanum genus Filii tui 138.0912B| unici, Domini Dei et Redemptoris nostri Jesu Christi, cum quo, tibi una cum sancto Spiritu, et gloria, et potestas, nunc, et semper, et in saecula saeculorum. Amen.
Pro offerentibus munera, sacerdos:
Iterum rogemus omnipotentem Deum, Patrem Domini, Dei et Redemptoris nostri Jesu Christi, pro iis qui obtulerunt munera sanctae, unicae, quae est super omnes, Ecclesiae, sacrificium scilicet primarum decimarum gratiarum actionis signum et monimentum; seu autem quis multum obtulerit, seu parum, seu secreto, seu palam, seu volens et non habens, omnium amplectatur voluntatem qui coelestem Spiritum donat, et in quo omnium bonorum operum est potestas, Dominus, Deus noster.
138.0912C| Caute ista lege, nam si vox Spiritus, sit in recto, dicet filium esse Spiritum Sancti, id est Patris, tuncque vox Spiritus capietur essentialiter, ut est communis tribus personis, non personaliter. Si vero sit in obliquo, certissimum est Christum secundum divinitatem nullo pacto esse Filium Spiritus sancti, nisi nomen Spiritus sancti essentialiter sumatur, nempe pro Patre, quae tamen est insolens et aliena locutio. Neque vero secundum humanitatem dici posse Christum filium Spiritus sancti docent theologi. Vide sanctum Thomam, part. III, q. 32, art. 3.
Diaconus dicit: Orate pro iis qui obtulerunt munera.
Sacerdos: Domine, Deus omnipotens, rogamus te et quaesumus pro iis qui obtulerunt dona sanctae, 138.0912D| unicae, quae super omnes est, Ecclesiae, seu multum obtulerint seu parum, sive secreto sive palam, sive volentes et non habentes, omnium voluntatem acceptans, da unicuique eorum, pro praemio, benedictionem per unicum Filium tuum, cum quo tibi et sancto Spiritui est gloria et potestas, nunc, et semper, et in saecula saeculorum. Amen.
Oratio oblationis sacrae: O princeps noster, Jesu Christe, cujus substantia creata non est, sed es purum Verbum; tu es Filius Patris et Spiritus sancti. Tu es panis vitae, descendens de coelo, qui antequam venires, eras in figura Agni immaculati pro redemptione mundi. Nunc bonitatem tuam super hunc panem et calicem in hoc altare portatile ostendas. 138.0913A| + Benedic, + sanctifica, + munda, et transfer panem hunc in carnem tuam immaculatam; et vinum hoc, in sanguinem tuum pretiosum. Fiat sacrificium ardens et acceptabile, medela et salus animae et corpori nostro; quia tu es Rex noster et Christus Deus noster, omni laude, reverentia, et gloria tibi gratias agimus; cum Patre tuo coelesti, Spiritu sancto vitali, nunc, et semper, et in saecula saeculorum. Amen.
Diaconus: Flectite genua.
Populus: Ante te, Domine, flectimus, et te laudamus.
Coadjutor sacerdotis dicit quod sequitur:
Domine, Domine, Fili unice, Jesu Christe, Verbum Dei Patris, qui nobis per tuam salutiferam et vitalem 138.0913B| passionem, peccatorum nostrorum vincula omnia dirupisti, qui in discipulorum sanctorum, immaculatorum ministrorum tuorum faciem insufflasti, dicendo: Accipite Spiritum sanctum: quorum remiseritis peccata remittuntur eis, et quorum retinueritis, retenta sunt; praesta, Domine, sicut eis hoc officium sacerdotale Ecclesia sancta tua, cum potestate ligandi et absolvendi in omni tempore peccata et vincula iniquitatum nostrarum, tribuisti, ita bonitatem et clementiam tuam imploramus, o amator hominum, ut absolvant nos servos tuos, et parentes, fratres, sorores, et amicos nostros, et me peccatorem, et omnes capita sua inclinantes ante conspectum tuum in hoc sacrificio sancto tuo; dirige nos, Domine, in viam misericordiae tuae; disrumpe et frange 138.0913C| omnia vincula peccatorum nostrorum.
O Domine, si scienter aut ignoranter, aut malitia cordis, levitate spiritus, aut inclinatione et macula carnis, factis, verbis, et temporibus peccavimus tibi, parce, Domine, quia scis fragilitatem nostram. O optime Domine universi, et amator hominum, concede nobis remissionem peccatorum nostrorum. + Benedic, et + sanctifica, + mundifica et odorifica, et fac nos liberos et absolutos. Absolve pontifices, principes, et reges nostros; patriarchas, archiepiscopos, episcopos, sacerdotes, diaconos, et ministros nostros, et populum tuum, parentes et fratres nostros. Memento, Domine, dormientium principum, pontificum, regum, patriarcharum, archiepiscoporum, episcoporum, sacerdotum, diaconorum, et ministrorum tuorum, 138.0913D| parentum nostrorum, et omnium in recta fide quiescentium, et imple nos timore nominis tui, et dirige nos facere voluntatem tuam. Sit tibi gloria, et honor, quia tu solus eis dignus es, in saecula saeculorum. Amen.
Servi tui hodie ministrantes, sacerdos, diaconus, et omnes ministri, populus, et ego pauper servus tuus et peccator, absolvamur per os Trinitatis sanctae Patris, Filii et Spiritus sancti et beatae Mariae coeli secundi, Matris Dei: per os Michaelis, Gabrielis, et omnium archangelorum, et nonaginta novem ordinum angelorum, et mille millium ministrantium, et quorum nomina numerare nescimus; et quatuor animalium, et viginti quatuor seniorum, et primorum 138.0914A| sanctorum patrum; et quindecim prophetarum, et duodecim eorum filiorum; et per os duodecim apostolorum, et sancti Jacobi episcopi Hierosolymitani, et sancti Pauli, Timothei, Syllae, Barnabae, Titi, Philemonis, Clementis, et omnium septuaginta duorum discipulorum, et quingentorum suorum sociorum: et per os sancti Marci divinitatem clamantis, et aliorum evangelistarum; et per os trecentorum et decem et octo episcoporum, qui pro recta fide in synodo Nicaena congregati fuerunt, et centum quinquaginta in Constantinopolitana, et ducentorum in synodo Ephesina; et per os pontificis nostri Saviros, Joannis Chrysostomi oris aurei, Cyrilli, Basilii, Theophili, Athanasii, Gregorii, et pontificum nostrorum, Matthaei, Gabrielis, Joannis, Salamae, 138.0914B| Bartholomaei, Isaac, Marcii, et per os Ecclesiae unicae quae congregata fuit per apostolos sanctos; et per me peccatorem absolvamini, et impleamini gratia ad gloriam et honorem, Patris, Filii, et Spiritus sancti. Amen.
Hic, sacerdos declarat epacta, aureum numerum, mobilia et immobilia festa, indulgentias, et omnes ritus et ceremonias a principio usque ad finem, et in vivorum et defunctorum memoriam effundit incensum, et prosequitur hanc orationem ponendo ter incensum in thuribulo, dicens:
+ Benedictus Pater omnipotens. + Benedictus Filius unicus Jesus Christus. + Benedictus Spiritus Paracletus, quibus nunc, et semper honor, et gloria. Amen.
138.0914C| Deinde circumcirca altare incensando, dicit:
Alleluia Patri, Alleluia Filio, Alleluia Spiritui sancto, nunc, et semper, et in saecula saeculorum. Amen.
+ O Deus in aeternum; tu es ante et post, qui cares principio et fine, magnus in providentia, potens in opere et prudens in consilio, quae omnia in omnibus demonstratur. Oramus, et supplices te rogamus, Domine, ut in hac die nobiscum maneas, et faciem tuam super nos ostendas; nobiscum habita, dele peccata et iniquitates nostras quae voluntarie et involuntarie, scienter et ignoranter fecimus, munda cor nostrum, et sanctifica animam nostram. Permitte nos tibi appropinquare. Oblatio, et gratiarum sacrificium, incensum spirituale intret et ascendat in 138.0914D| conspectu sanctitatis tuae.
Cum incensat altare, dicit orationem:
Memento, Domine, unicae Ecclesiae tuae sanctae apostolicae, et congregationis tuae, quam possedisti ab initio. Memento, Domine, principis nostri, N., et antistitum Patrum nostrorum, patriarcharum, archiepiscoporum, episcoporum, sacerdotum, diaconorum, et omnium apostolicae fidei cultorum. Memento, Domine, regis nostri, N., et omnium regum Christianorum, parentum, famulorum famularumque tuarum, fratrum et sororum omnium fidelium dormientium, et in signo rectae fidei quiescentium. Memento, Domine, congregationum nostrarum, et benedic eis.
138.0915A| Diaconus dicit: Surgite in orationem.
Sacerdos: Pax vobis.
Populus: Et cum spiritu tuo.
Sacerdos, magna voce sequitur, ter: Adoramus Patrem, Filium, et Spiritum sanctum, trinum et unum.
Populi replicant idem ter.
Sacerdos sequitur: Pax tibi, sancta Ecclesia, habitatio pacis. Salve, virgo Maria, Dei genitrix, tu es thuribulum aureum, quae carbonem ignitum portasti. Benedictus qui eum de sanctuario recipit, quia vere Verbum Dei ipse est, qui peccata remittit et culpam delet, et ex te homo factus est, et Patri seipsum verum incensum et pretiosum sacrificium obtulit. Adoramus te, Christe, cum Patre tuo optimo et misericorde, et Spiritu tuo vitali, quia tu venisti, et liberasti 138.0915B| nos.
Populus replicat idem.
Postea coadjutor sacerdotis sequitur orationem:
Domine intelligentiae, et annuntiator sapientiae quae prius nobis abscondita erat, eam manifestasti, Domine largitor verbi exsultationis et laetitiae, praedicantibus magnificentiam virtutis tuae. Tu es qui Paulum, multitudine bonitatis tuae, vocasti, qui prius erat persecutor Ecclesiae, et constituisti eum Vas electionis regni tui, et Evangelii apostolum et praedicatorem elegisti, et concionatorem regni tui.
O Christe, Deus noster, tu es optimus amator hominum, concede nobis, quaesumus, sapientiam, intelligentiam, scientiam et intellectum, quae semper nobiscum permaneant, ut sapiamus, intelligamus, 138.0915C| sciamus et perspiciamus Scripturam sanctitatis tuae, quae in conspectu tuo legitur. Sicut dono dedisti Paulo, et dignum tanta gratia eum fecisti, ita nos, quaesumus, quoque dignos fac, caput vitae, ut eum imitemur, et in viam ejus ambulemus, et ejus vestigia sequamur, et nomen tuum sanctum laudemus, et in cruce tua in omni tempore gloriemur, sicut et ipse semper gloriatus fuit. Tibi virtus, regnum triumphus, magnificentia, honor, et gloria, in saecula saeculorum. Amen.
Diaconus antequam legatur Epistola, dicit: Omnes qui non amant Dominum nostrum, et in nativitatem suam minime credunt, et in sanctam Mariam Virginem, anathema sint usque ad adventum ejus.
Deinde legitur Epistola Pauli, quae occurrit, et 138.0915D| usquelibet secundum diem occurrentem. Lecta Epistola, dicit diaconus:
Gloria Patris, amor Filii, et donum Spiritus sancti, quae descenderunt super apostolos benedictos et mundos in Sion loco sancto, duplicentur super nos, Christianos, in saecula saeculorum. Amen.
Populus: O bone minister, sancte Paule, sanator infirmorum, qui coronam recepisti, ora et intercede pro nobis, ut liberetur anima nostra propter multitudinem miserationum Jesu Christi, et sancti nominis sui.
Dicit diaconus: Surgite ad orationem.
Populus: Domine, miserere nostri.
Sacerdos: Pax vobis.
138.0916A| Populus: Et cum spiritu tuo.
Sacerdos sequitur orationem signatam sub signo + ut supra, incipientem: O Deus, in aeternum tu es, etc.
Minister sive subdiaconus, ante Epistolam dicit: De Epistola Petri, sive alterius apostoli: Discipulus et apostolus Domini, et Salvatoris nostri Jesu Christi, cujus oratio et benedictio sit super nos semper. Amen.
Postea magna voce dicit Epistolam.
Finita et lecta Epistola, diaconus sequitur:
Fratres mei, nolite diligere mundum, neque ea quae sunt in mundo, quoniam omne quod est in mundo, concupiscentia est carnis, concupiscentia oculorum, et superbia vitae; quae non ex Patre, sed ex mundo est; et mundus transit, et concupiscentia 138.0916B| ejus. Qui autem facit voluntatem ejus manet in aeternum.
Dicunt populi: Sanctus trinus et unus in substantia tua, custodi congregationem nostram, propter sanctos electos tuos et discipulos tuos, consolare nos per misericordiam tuam, et propter nomen sanctum tuum.
Dicit diaconus: Surgite in orationem.
Populus: Domine, miserere nobis.
Sacerdos: Pax vobis.
Populus: Et cum spiritu tuo.
Sacerdos: Domine, Dominus noster, et Deus noster; tu es qui apostolis tuis sanctis mysterium gloriae Christi tui manifestasti, et magna et innumerabilia dona eis tribuisti, divitias et secreta misericordiae 138.0916C| tuae, eos ad praedicandum misisti. Propitius esto, Domine, et concedere dignare, facere nos participes et consortes haereditatis eorum, et ambulare et sequi vestigia eorum. Praesta, quaesumus, ut in omni tempore eis similes simus, et in eorum amore fortificemur, et eorum labores participemus. Custodi, Domine, Ecclesiam Christianam sanctam, in bona adoratione, quae aedificata et fundata fuit per apostolos sanctos.
Sacerdos sequitur erga populum:
+ Benedic gregi, et agnis tuis, multiplica, Domine, hanc uvarum vitem, quam per manus tuas sanctas, per Dominum nostrum Jesum Christum, plantasti; cui, et tibi, et Spiritui sancto gloria et potentia, et nunc, et semper, et in saecula saeculorum. 138.0916D| Amen.
Hic sacerdos ponit incensum in thuribulo, dicens:
Domine, Deus noster, qui sacrificium Abrahae patris nostri suscepisti, et pro vice et salvatione Isaac filii ejus, agnum descendere fecisti; sic, Domine, odorem istius incensi suscipe, et sicut sacrificium illius agni recepisti, ita, Domine, mitte divitias gratiae et misericordiae tuae. Fac nos puros et mundos ab omnibus malis odoribus peccatorum, et tuae virtutis et majestatis dignos in laude munditiae tuae. O amator hominum, fac nos justos sine macula, cum laetitia omnibus diebus vitae nostrae.
Sequitur: Memento, Domine, unicae Ecclesiae tuae sanctae, quae de fine usque ad finem, in toto orbe 138.0917A| terrarum, in apostolis tuis congregata fuit. Laetare, Domina, quia salutem sanctam deprecamur. O Virgo, Mater Dei et Christi, in omni tempore effer sursum et in altum orationem nostram apud electos Filii tui, ut remittantur peccata nostra. Laetare, Domina, quia peperisti nobis lumen verum, Jesum Christum, Dominum nostrum. Ora pro nobis apud eum, ut misereatur animae nostrae; ora pro nobis in conspectu throni Filii tui, Jesu Christi. Laetare, Immaculata, vere Regina. Laetare, Gloria nostrorum parentum, quia peperisti nobis Emmanuelem. O vere mediatrix ante Dominum nostrum Jesum Christum, te supplices exoramus ut memor sis nostri. Ora pro nobis ut deleantur iniquitates nostrae.
Coadjutor sacerdos, antequam legantur Acta apostolorum: 138.0917B| Hoc est opus et dicta nostrorum Patrum, apostolorum sanctorum et immaculatorum. Gratia Spiritus sancti, et misericordia duplicetur super nos, et omnes Christianos. Amen.
Postea legitur ex Actis apostolorum, secundum diem occurrentem. Finita lectione, sequitur:
Verba Domini magna, multiplicata in Ecclesia sancta, populos credentes in Dominum Jesum Christum multiplicaverunt, cui gloria in saecula saeculorum.
Populus respondet: Amen.
Postea sequitur: Sanctus, sanctus, sanctus, Dominus Pater omnipotens, Sanctus, sanctus, sanctus, unicus Jesus Christus Filius, Verbum Patris. Sanctus, sanctus, sanctus, Spiritus sanctus, sciens 138.0917C| omnia.
Dicit diaconus: Surgite in orationem.
Populus: Domine, miserere nobis.
Sacerdos: Pax vobis.
Populus: Et cum spiritu tuo.
Sacerdos: Domine, Deus noster, Jesu Christe, qui dixisti discipulis tuis sanctis et electis: Multi prophetae et justi desideraverunt videre quae vos videtis, et audire quae auditis, et non viderunt neque audierunt, sed beati oculi vestri et aures vestrae, videntes et audientes; sic nos fac dignos audire et facere verba Evangelii tui sancti, per orationes et preces sanctorum tuorum.
Diaconus dicit: Orate.
Sequitur sacerdos: Memento iterum, Domine, 138.0917D| verborum tuorum, pro illis qui se orationibus nostris commendaverunt, quando oramus ad te, Domine Deus noster, memento dormientium, et in recta fide quiescentium; et concede infirmis sanitatem, quia tu es vita, spes, liberator, et resurrectio omnium; tibi gratias referimus in aeternum, et in saecula saeculorum. Amen.
Diaconus accipiens crucem, dicit:
Orate ut digni efficiamini audire Evangelium.
Postea cantat: Benedicam Domino in omni tempore, semper laus ejus in ore meo. In Domino laudabitur anima mea, etc.
Sacerdos idem dicit; Populus ter idem dicit: et in ultimo versu semper dicitur, Alleluia.
138.0918A| Diaconus circuit ecclesiam clamando: Surgite; audite Evangelium sanctum et bonam annuntiationem Domini nostri, et Salvatoris nostri Jesu Christi.
Postea, coadjutor accipit thuribulum et porrigit sacerdoti, qui ter incensat, accipiendo Evangelium erga populum, et dicit:
Magnus Deus, benedic + nos, et populum Christianum, et fac introitum nostrum in ecclesia tua sancta, una cum angelis sanctis qui serviunt Deo, et laudant eum omni tempore, in saecula saeculorum. Amen.
Sacerdos annuntiat Evangelium, sic cantando:
Sanctum Evangelium, quod annuntiavit Matthaeus, vel Marcus, vel Lucas, vel Joannes.
Ministri accendunt lumina, et praeparant alia necessaria, 138.0918B| et dicunt:
Gloria Christo, et Domino nostro, et Deo nostro semper; exsultate in Domino, qui auxiliatur nobis, et psallite Deo Jacob, accipite psalterium in cythara, etc.
Sacerdos alta voce legit Evangelium diei. Diaconus, finito Evangelio, dicit:
Exite foras, qui non vultis accipere sacramentum, sive Eucharistiam. Ite catechumeni.
Ministri dicunt: Et illi, Cherubin et Seraphin reddant gloriam: Sanctus, sanctus, sanctus, et sanctus Omnipotens. Pleni sunt coeli et terra gloriae et sanctitatis tuae. Adoramus te, Christe, cum Patre tuo optimo, et misericorde, et Spiritu sancto vitali; tu venisti et liberasti nos.
138.0918C| Diaconus dicit: Surgite in orationem
Populus: Domine, miserere nostri.
Sacerdos: Pax vobis.
Populus: Et cum spiritu tuo.
Diaconus dicit: Surgite ad orationem.
Sacerdos dicit: Pax omnibus vobis. Et iterum rogemus omnipotentem Deum Patrem Domini et Dei ac Salvatoris nostri Jesu Christi. Rogamus et petimus a bonitate tua, o amator hominum; recordare, Domine, pacis Ecclesiae sanctae in unum per apostolos congregatae.
Diaconus dicit: Orate pro hac Ecclesia sancta, in unum per apostolos congregata, recta in Domino.
Populus dicit: Domine, Deus noster, da nobis 138.0918D| pacem; Domine, Deus noster, da nobis pacem; Christe, rex noster, miserere nobis.
Sacerdos dicit:
Eam quae fuit a principio, et erit usque in finem saeculi, omnes populos, et omnes greges benedic. Pacem de coelo mitte super omnes animas nostras; pacem vitae nostrae da nobis per ipsam Ecclesiam. Da, Domine, pacem regi nostro N., et principibus ejus, ac judicibus ejus, et subditis ejus, et circa nos congregatis, tam extra quam intra Ecclesiam. Orna eos omni genere pacis, Rex pacis; pacem da nobis, quoniam omnia dedisti nobis; conserva nos, Domine; quoniam praeter te neminem cognoscimus: nomen sanctum tuum nominamus et invocamus, ut vivat anima nostra in Spiritu sancto 138.0919A| nec invalescat mors peccati, super nos servos tuos et super omnem populum tuum.
Pro pontificibus. Et iterum rogemus omnipotentem Deum, Patrem Domini et Dei ac Salvatoris nostri Jesu Christi. Rogamus et petimus a bonitate tua, o amator hominum, recordare, Domine, Patris nostri venerandi principis archiepiscoporum nostrorum, N.
Diaconus dicit: Orate pro principe nostro, principe nostrorum archiepiscoporum N., et capite episcoporum magnae provinciae Alexandrinae; pro capite patriae nostrae, venerando archiepiscopo nostro N., ac omnibus episcopis, sacerdotibus, et diaconis rectae fidei.
138.0919B| Sacerdos dicit: Custodiendo custodi eos nobis, multis annis et longo tempore in justitia et pace; ut perficiant consecrationem quam tu commisisti dignitati sacerdotali, secundum sanctam ac beatam voluntatem tuam; ut judicent in justitia et rectitudine, et pascant populos tuos in aequitate. Custodiendo custodi etiam omnes episcopos, sacerdotes, et diaconos rectae fidei, et omnes conformes sanctae et unicae Ecclesiae quae est congregatio apostolica; orationes vero quas pro nobis et pro universis populis tuis faciunt, accepta in sacrificium tuum altissimum in odore bono suavitatis, et omnes hostes et adversarios eorum dissipa, et confringe sub pedibus eorum velociter. Ipsos vero custodi nobis in justitia et pace in Ecclesia sancta tua.
Pro congregatis. 138.0919C| Sacerdos dicit: Et iterum rogemus omnipotentem Deum, Patrem Domini, et Dei, ac Salvatoris nostri Jesu Christi. Quaerimus et rogamus a bonitate tua, o amator hominum. Recordare, Domine, congregationis nostrae, et benedic ei.
Diaconus dicit: Orate pro hac ecclesia sancta, et nostra congregatione quae in ea est.
Populus dicit: Benedic congregationi nostrae, et custodi eam in pace.
Diaconus dicit: In sapientia Domini dicite et canite orationem fidei.
Populus dicit: Credo in unum Deum, Patrem omnipotentem, factorem coeli et terrae, visibilium omnium et invisibilium. Et in unum Dominum Jesum 138.0919D| Christum, Filium Dei unigenitum; et ex Patre natum ante omnia saecula, Deum de Deo, lumen de lumine, Deum verum de Deo vero. Genitum non factum, consubstantialem Patri, per quem omnia facta sunt. Qui propter nos homines, et propter nostram salutem descendit de coelis. Et incarnatus est de Spiritu sancto, ex Maria Virgine, et homo factus est. Crucifixus etiam pro nobis sub Pontio Pilato, passus et sepultus est. Et resurrexit tertia die secundum Scripturas. Et ascendit in coelum, sedet ad dexteram Patris. Et iterum venturus est cum gloria judicare vivos et mortuos; cujus regni non erit finis. Et in Spiritum sanctum Dominum et vivificantem, qui ex Patre Filioque procedit. Qui cum 138.0920A| Patre et Filio simul adoratur et conglorificatur. Qui locutus est per prophetas. Et unam sanctam catholicam, et apostolicam Ecclesiam. Confiteor unum baptisma in remissionem peccatorum: et exspecto resurrectionem mortuorum, et vitam venturi saeculi Amen.
Sacerdos dicit: Fac eos ut sint tibi sine divisione, et sine pigritia faciant voluntatem tuam sanctam et beatam. Fac eos domum orationis, domum puritatis, domum abundantiae et gratiae, gratificare, Domine, nobis servis tuis, et post nos venturis in saeculum. Exsurge Domine, Deus noster, et dissipentur inimici tui, et fugiant ante faciem tuam omnes qui oderunt sanctum et benedictum nomen tuum. Populi autem tui sint benedicti millies millibus, 138.0920B| et iterum millies millibus benedictionum, faciantque omnem voluntatem tuam, per gratiam, benignitatem, ac amorem homines Filii tui unigeniti Domini Dei, et Salvatoris nostri Jesu Christi; cui, et tibi, ac Spiritui sancto sit gloria et potentia, nunc et semper, et in saecula saeculorum. Amen.
Oratio pro pace perfecta, sacerdos dicit:
Magnus et aeternus Dominus psalmavit hominem immaculatum, incorruptibilem. Mors autem ingressa est a principio in mundum ob invidiam diaboli. Tu, Domine, eripuisti vim ejus per adventum unigeniti Filii tui Domini Dei et Salvatoris nostri Jesu Christi, et implevisti totam terram pace tua. Propterea coelestes legiones laudant te dicentes: Gloria Domino 138.0920C| in coelis, et pax in terra hominibus bonae voluntatis.
Diaconus dicit: Orate pro pace perfecta et amabili ac salutifera et apostolica: Salutate vos invicem. Qui communicare non vultis, discedite. Qui autem vultis communicare, amplectimini invicem in plenitudine cordis. Qui communicat custodiat se a malo.
Sacerdos dicit: O Domine, ex beneplacito tuo imple corda nostra pace tua, et munda nos ab omni mala cogitatione et immunditia, et ab omni memoria injuriarum, et ab omni invidia, et recordatione malorum, quae mortem inferunt. O Domine, fac nos omne dignos ut salutemur ad invicem salutatione sancta et immaculata, et recipiamus sine judicio et 138.0920D| sine morte donum tuum coeleste, hoc est, gratiam tuam cum Spiritu sancto.
Populus dicit: Christe, Deus noster, fac nos dignos salutandi te salutatione coelesti, ac laudandi te una cum Cherubim et Seraphim, dicentes: Sanctus, sanctus, sanctus, Omnipotens. Pleni sunt coeli et terra sanctitate gloriae tuae.
Sacerdos dicit: Dominus vobiscum, sanctus inter sanctos, sanctus inter sanctos, sanctos inter sanctos. Gratias agimus tibi, Domine, per dilectum unigenitum Filium tuum, Dominum Deum, et Servatorem nostrum Jesum Christum, quem in posteriori tempore misisti nobis Filium tuum, Servatorem et Redemptorem, nuntium consilii tui, qui Verbum 138.0921A| tuum est, et per quem omnia fecisti secundum voluntatem tuam.
Diaconus dicit: Per beatum et sanctum patriarcham nostrum N., et per venerandum antistitem nostrum N., qui suis orationibus et precibus laudant te; per Stephanum protomartyrem, Zachariam sacerdotem, Joannem Baptistam; per omnes sanctos martyres qui in fide Jesu Christi quieverunt; per Matthaeum, Marcum, Lucam, et Joannem evangelistas; per Mariam Dei genitricem; per Simonem Petrum, Andream, Jacobum, Joannem, Philippum, Bartholomaeum, Thomam, Matthaeum, Thadaeum, Nathanael, Jacobum Alphei, et Matthiam apostolos; per Jacobum apostolum fratrem Domini nostri, episcopum Jerusalem sanctae; per Paulum, Timothaeum, 138.0921B| Silam, Barnabam, Titum, Philemona, Clementem, et per septuaginta duos discipulos, et quingentos socios eorum, ac per trecentos decem et octo rectae fidei Patres, visita nos et fac nos participes orationum eorum omnium: et super omnia recordare catholicae et apostolicae Ecclesiae in pace, pretioso sanguine per Christum aedificatae. Recordare etiam omnium patriarcharum archiepiscoporum, episcoporum, sacerdotum, et diaconorum, qui dirigunt viam verbi, quod est in veritate.
Dicit populus: Miserere, Domine, animarum servorum tuorum et ancillarum tuarum, qui manducarunt carnem tuam et biberunt tuum sanguinem, et in fide tua quieverunt.
Oratio benedictionis. 138.0921C| Sacerdos dicit: O sancta Trinitas, Pater, Fili et Spiritus sancte, benedic super populum tuum Christianum electum benedictione coelesti, et mitte super nos gratiam Spiritus sancti. Aperi nobis fores Ecclesiae tuae sanctae, propter misericordiam tuam et fidem nostram. Perfice in nobis fidem Trinitatis usque ad extremum spiritum, o princeps noster, Jesu Christe, visita infirmum populum tuum, et sana eum. Dirige patres nostros et fratres nostros peregrinantes, reduc eos ad lares suos, cum salute et pace; benedic ventos coeli, et pluvias, ac fructus terrae praesentis anni pro gratia tua; praebe semper gaudium et delicias super faciem terrae, et corrobora super nos pacem tuam. Induc corda regum proborum ad benefaciendum nobis, 138.0921D| da gratiose honorem principibus Ecclesiae sanctae, singulis eorum juxta eorum nomen, in conspectu regum potentium fac eos gratos. O Domine, praebe requiem animabus patrum et fratrum nostrorum, qui in recta fide dormiunt et quiescunt, et benedic his qui laborant circa thura, circa sacrificia, circa vinum, circa oleum, ac butyrum, et circa cortinas, et circa etiam libros, et cathedras, circa res omnes sanctae Ecclesiae, ut Jesus Christus Deus noster remuneretur eos in coelesti Jerusalem. Miserere omnium qui nobiscum congregati sunt ad quaerendam misericordiam Dei nostri Jesu Christi, et omnibus 138.0922A| illis qui nobis eleemosynam tribuerunt, in sede judicii tui mitis sis et placidus. Libera, Domine, ob multitudinem misericordiae tuae, omnes animas inopes et afflictas, carceratos quoque ac captivos et exsules ac in servitutem adactos, et in amaris laboribus detentos. Recordare, Domine noster, Jesu Christe, in regno coelorum, omnium illorum qui a nobis petierunt ut recordaremur eorum. O Domine, libera populum tuum et benedic haereditati tuae, ac nutri eum et exalta usque in saeculum. Custodi eos in recta fide et in gloria, omni tempore, et fac ut ferveant ineffabili et inexcogitabili charitate, per preces ac intercessionem quam pro nobis facit Domina nostra sancta et immaculata virgo Maria; et per preces majorum angelorum splendentium, Michaelis, 138.0922B| et Gabrielis, ac Raphaelis, et Urielis, et quatuor animalium sine carne, et viginti quatuor seniorum coeli; et Patrum nostrorum sanctorum patriarcharum, Abraham, Isaac, et Jacob, et omnium proborum Patrum priorum, ac quindecim Patrum nostrorum prophetarum, ac sancti Joannis Baptistae, et quatuordecim millium puerorum Bethlehem, et Patrum nostrorum duodecim principum apostolorum, et septuaginta duorum discipulorum, et quingentorum sociorum eorum; ac trium puerorum, Ananiae, Azariae, et Misael; ac sancti Marci evangelistae et martyris, et sancti Stephani archidiaconi, protomartyris, et sancti Georgii stellae honoris, Theodori, Banadlii, Claudii, Minas electi, Cosmae et Damiani, et Patrum nostrorum, principum episcoporum trecentorum 138.0922C| decem et octo qui fuerunt Niceae, et centum quinquaginta qui fuerunt Constantinopoli, et ducentorum qui fuerunt Ephesi; et Tecla Aimanor, quorum orationes et benedictiones et auxilium ac gratia sit nobiscum in saecula saeculorum. Amen. Istorum et illorum omnium animabus requiem tribue, et miserere eorum, ob id enim misisti e coelo Filium tuum in uterum Virginis.
Diaconus dicit: Qui sedetis, surgite.
Sacerdos dicit: In quo portatus, caro factus est, et notus per Spiritum sanctum in ejus nativitate.
Diaconus dicit: Aspicite ad ortum.
Sacerdos dicit: Coram te assistant millia millium sanctorum angelorum, et principum eorum.
138.0922D| Diaconus dicit: Aspiciamus.
Sacerdos dicit: Honorata quoque animalia, sex alas habentia, Seraphim et Cherubim qui cum duabus alis suis faciem suam, et cum duabus pedes suos tegunt; cum duabus vero volant a fine mundi ad finem; sicut semper te sanctificant et laudant, sic a nobis sanctificationem nostram recipias, qui dicimus assidue: Sanctus.
Diaconus dicit: Dicite.
Populus dicit: Sanctus, sanctus, sanctus, Dominus Sabaoth. Perfecte pleni sunt coeli et terra sanctitate gloriae tuae.
138.0923A| Sacerdos dicit: Vere pleni sunt coeli et terra sanctitate gloriae tuae, per Dominum, et servatorem nostrum Jesum Christum, cum Spiritu sancto in saecula saeculorum. Amen. Sanctus Filius tuus venit ex Virgine ut voluntatem tuam adimpleret, et populum sanctum tibi ordinaret.
Populus dicit: Secundum misericordiam tuam, Domine, nec secundum peccata nostra.
Sacerdos dicit: Extendit manus suas ad infirmitatem. Infirmatus est ut infirmos sanaret in se sperantes. Qui etiam datus est per voluntatem suam infirmitati, ut mortem destrueret, et vincula diaboli dissolveret, et calcaret infernum, probos dirigeret, ordinem plantaret, et resurrectionem suam manifestaret. In ea nocte in qua traditus est, accepit 138.0923B| panem in sanctas ac beatas et sine macula manus suas, inspexit in coelum ad te Patrem suum, gratias egit, benedixit, et sanctificavit, et dedit discipulis suis dicens: Accipite et comedite ex eo omnes: Hoc est corpus meum, quod pro vobis tradetur in remissionem peccatorum. Amen.
Populus dicit: Amen, amen, amen. Credimus et confidimus, et laudamus te, o Domine, Deus noster. Hoc vere corpus tuum est.
Sacerdos dicit: Similiter calicem, gratias agens, benedixit, et sanctificavit, et dixit eis: Accipite et bibite ex eo omnes: Hic est calix sanguinis mei qui pro vobis effundetur et pro redemptione multorum. Amen.
138.0923C| Populus dicit: Amen, amen, amen. Credimus et confidimus, et laudamus te, o Domine, Deus noster. Hic vere sanguis tuus est.
Sacerdos dicit: Quoties hoc feceritis, in mei memoriam facietis.
Populus dicit: Annuntiamus mortem tuam, Domine, et sanctam resurrectionem tuam; credimus ascensionem tuam, et secundum adventum tuum; rogamus te, Domine Deus noster; haec vera esse credimus.
Sacerdos dicit: Nunc autem recordamur mortis tuae et resurrectionis tuae, offerimusque tibi hunc panem et hunc calicem, tibique gratias agimus quod per hoc sacrificium dignos nos fecisti standi in conspectu tuo, et sacerdotale officium coram te exsequendi; 138.0923D| oramus te, Domine, et a te instanter petimus ut mittas Spiritum sanctum super hunc panem et hunc calicem, videlicet corpus et sanguinem Domini et servatoris nostri Jesu Christi, in saecula saeculorum. Amen. Tribue simul omnibus ex eo sumentibus, ut fiat eis ad sanctificationem et plenitudinem Spiritus sancti et ad corroborationem fidei, ut sanctificent et laudent te, per Dominum et servatorem nostrum Jesum Christum cum sancto Spiritu, in saecula saeculorum. Amen.
Diaconus dicit: Quaesumus te, Domine, Deus noster, toto corde, ut des nobis bonam Spiritus sancti unionem.
Sacerdos sequitur: Da nobis ut conjugamur in 138.0924A| Spiritu sancto tuo, et sana nos per hoc sacrificium, ut in te salvi simus, per omnia saecula saeculorum. Amen.
Benedictum sit nomen Domini, et benedictus qui venit in nomine Domini, et benedictum nomen gloriae ejus. Fiat, fiat, fiat.
Populus dicit: Benedictum sit nomen Domini, et benedictus qui venit in nomine Domini, et benedictum nomen gloriae ejus. Fiat, fiat, fiat.
Sacerdos dicit: Mitte gratiam Spiritus sancti super nos, Domine.
Diaconus dicit: Surgite ad orationem.
Sacerdos dicit ad orationem fragmenti:
Confiteor tibi, Domine, Deus meus omnipotens, qui sedes super thronum Cherubim et habitas super 138.0924B| excelsa, et laudaris ab humilibus, qui in splendore existens, mundum cognovisti et absconditum mysterium in cruce nobis ostendisti. Quis Deus misericors, et sanctus sicut tu? Potestas tua non est elongata a nobis, quam tuis dedisti discipulis qui mundo et sincero corde tibi serviunt et offerunt tibi sacrificium suaveolentis odoris, per Dominum et Servatorem nostrum Jesum Christum cui, et tibi, et Spiritui sancto sit gratia, honor, et gloria, in saecula saeculorum.
Diaconus dicit: Qui statis, humiliate capita vestra.
Sacerdos dicit: Domine, qui habitas super Cherubim, et respicis super populum tuum et haereditatem tuam, benedic servos tuos et ancillas tuas, et 138.0924C| filios eorum; portionem tribue eis qui de miraculosa mensa tua sumere veniunt pro mentis purgatione, et peccatorum remissione, unioneque Spiritus sancti ac salute animae et corporis, et haereditate regni coelorum, cum honore et voluntate, per unicum Filium tuum, cui, et tibi cum eo, et cum Spiritu sancto laus et gloria, nunc, et semper, et in saecula saeculorum. Amen.
Dicit subdiaconus cum populo: Exercitus angelorum Salvatoris mundi stant coram eo, et legunt corpus et sanguinem Domini et Salvatoris nostri Jesu Christi: accedamus ante faciem ejus, et in fide eum revereamur.
Diaconus dicit: Adorate Deum cum timore.
Sacerdos dicit: Domine Deus omnipotens, salus 138.0924D| animae et corporis nostri, qui per os Filii tui unigeniti, Domini Dei, et servatoris nostri Jesu Christi, dixisti Patri nostro Petro: Tu es Petrus, et super hanc petram aedificabo Ecclesiam meam, et portae inferni non praevalebunt adversus eam concutiendam, et tibi dabo claves regni coelorum, quemcunque ligaveris super terram erit ligatus in coelis, et quemcunque solveris super terram erit solutus in coelis, sint soluti servi tui et ancillae tuae, ab ore sanctae Trinitatis, Patris, et Filii, et Spiritus sancti, et etiam ab ore meo, servo tuo peccatore et culpis pleno. Domine, Deus noster, tu tollis peccata mundi, suscipe poenitentiam servorum tuorum, et ancillarum tuarum. Oriri fac super eos lumen vitae. Evelle 138.0925A| ab eis peccata eorum, quoniam tu es misericors et miserator, Domine, Deus noster, alienus ab ira, abundans misericordiae, et vere justus. Quando in te peccamus, Domine, aut cogitatione, aut verbo, aut opere, parce, evelle, et compatere, quoniam tu es misericors et hominum amator. Domine Deus noster, solve nos omnes, et omnes populos tuos: solve, Domine, summum pontificem nostrum N., et sanctum ac beatum antistitem nostrum N., et omnes alios pontifices, episcopos, sacerdotes et diaconos, juxta eorum nomina custodiendo custodi eos propter nos, ad multos annos et ad longos dies, in justitia et pace. Solve, Domine, regem nostrum, N., ab omni vinculo delictorum. Memento, Domine, omnium dormientium et quiescentium in fide Christi, 138.0925B| colloca animas eorum in sinu Abrahae, Isaac, et Jacob, et libera nos ab omnibus culpis et maledictionibus, et ab omnibus abnegationibus veritatis, et ab omnibus perjuriis, ac communione infidelium, et gentilium, ac haereticorum. Da nobis cor et intelligentiam aufugiendi ab omnibus operibus diaboli; da nobis ut faciamus voluntatem tuam in omni tempore, et describe nomina nostra in regnis coelorum, et conjunge cum omnibus sanctis et martyribus per Jesum Christum Dominum nostrum, cui, ac tibi, et Spiritui sancto sit gloria, et potentia, nunc et semper, et in saecula saeculorum. Amen.
Diaconus dicit: Inspiciamus.
Sacerdos, Sanctum date sanctis.
Populus dicit: Unus pater sanctus, unus Filius 138.0925C| sanctus, unus est Spiritus sanctus.
Sacerdos dicit: Dominus vobiscum sit.
Populus dicit: Et cum spiritu tuo.
Sacerdos, elevans sacramentum, dicit alta voce:
Domine, Jesu Christe, miserere nostri; Domine, Jesu Christe, miserere nostri; Domine, Jesu Christe, miserere nostri.
Populi reiterant eadem verba.
Sacerdos dicit: Oremus, qui estis poenitentes. Humiliate capita vestra. Surgite ad adorandum. Pax omnibus vobis.
Populus dicit: Et cum spiritu tuo.
Sacerdos dicit: Hoc est corpus sanctum, honoratum et vitale Domini et servatoris nostri Jesu Christi, quod datum est in remissionem peccatorum et 138.0925D| ad vitam aeternam consequendam, vere sumentibus ipsum. Amen. Hic est sanguis Domini, et servatoris nostri Jesu Christi, sanctus, honoratus, ac vivificans, qui datus est in remissionem peccatorum, et ad vitam aeternam consequendam, vere sumentibus ipsum. Amen. Vere hoc est corpus, et hic est sanguis Emmanuel Dei nostri. Amen. Credo, credo, credo ex nunc et usque in saeculum. Amen. Hoc est corpus, et hic est sanguis Domini et servatoris nostri Jesu Christi, quod et quem assumpsit ex Domina nostra sancta et immaculata Virgine Maria, et univit cum divinitate sine mistione aut copula naturali, sine separatione aut permutatione divinitatis, quam rem testatus est optimo testimonio, 138.0926A| tempore Pontii Pilati, quo se sponte praebuit pro nobis in ligno sancto crucis. Amen. Credo, credo, credo quod divinitas non sit separata ab humanitate, ne hora quidem, neque per ictum oculi; dedit autem se pro nobis ad salutem et in remissionem peccatorum, et ad vitam aeternam consequendam, sumentibus eum in veritate. Amen. Credo, credo, credo ex nunc, et usque in saeculum. Amen. Haec ejus sunt qui dignus est honore, gloria, et reverentia.
Hic, sacerdos sumit corpus et sanguinem, et postea communicat ex eadem hostia ministris sacrificii; dicens: Hoc est corpus, etc.
Diaconus dicit: Orate pro nobis, et pro omnibus populis Christianis, et illorum memoriam facite qui 138.0926B| nobis dixerunt ut sui recordaremur, laudate et psallite cum pace et amore Jesu Christi.
Hoc loco, dum ministratur sacramentum populo, psallunt docti aliqua carmina, in honorem sacramenti, et sanctorum quorum festa celebrantur composita. Quae populus reiterat canendo.
Sacerdos dicit: Quos vocasti, Domine, et quos sanctificasti, portionem da eis in vocatione tua, et fortifica eos in amore tuo, et custodi in sanctificatione tua per Christum unicum Filium tuum, cui et tibi cum eo, et cum sancto Spiritu, gloria et honor, nunc et semper, et in saecula saeculorum. Amen. Domine, qui aeternum lumen vitae et fortitudinem servis tuis tribuisti, et eos custodivisti pluribus diebus ac noctibus, praeteritis in pace, benedic eis 138.0926C| etiam in hac die post Dominum nostrum Jesum Christum, cui, et tibi cum eo, et sancto Spiritu, gloria et honor, nunc, et semper, et in saecula saeculorum. Amen
Diaconus dicit: Gratias agamus Domino. Sanctum ejus sumpsimus; sit quod sumpsimus medela ad vivificandam animam. Laudemus Dominum Deum nostrum, sumpsimus sanctum corpus, et venerandum sanguinem, hoc est corpus Christi. Et gratias ei agamus, quod digni fuerimus participare de hoc venerando et sancto mysterio.
Sacerdos dicit: Exaltabo te, rex meus, et Deus meus, et benedicam nomini tuo in saeculum et in saeculum saeculi.
Populus dicit alta voce: Pater noster, qui es in 138.0926D| coelis, non inducas nos, Domine, in tentationem.
Sacerdos dicit: Per singulos dies benedicam tibi, et laudabo nomen tuum in saeculum et in saeculum saeculi.
Populus iterum dicit: Pater noster, qui es in coelis, non inducas nos in tentationem.
Sacerdos dicit: Laudem Domini loquetur os meum, et benedicet omnis caro nomini sancto ejus, in saeculum et in saeculum saeculi.
Populus iterum dicit: Pater noster, etc., ut supra.
Sacerdos dicit: Domine, animarum rector, sanctorum director, et justorum honor, da nobis intelligentiae oculos qui te semper videant, et aures quae te solum semper audiant, postquam satiasti animam 138.0927A| nostram gratia tua. Cor mundum crea in nobis, Domine, ut magnitudinem et probitatem tuam ac amorem tuum erga homines intelligamus. Fiat voluntas tua super animam nostram, et mentem puram ac rectam tribue nobis, qui de corpore tuo et sanguine tuo sumpsimus, servi tui humiles, quoniam regnum tuum, Domine. Gloria ac benedictio sit Patri, et Filio, et Spiritui sancto, nunc, et semper, et in saecula saeculorum. Amen.
Sacerdos dicit: Domine, Deus noster, lumen in exstinguibile, respice super servos tuos et super ancillas tuas, et semina in cordibus nostris timorem nominis tui, et numera eos quibus corpus tuum et sanguis tuus datus est, ut fructificent in benedictione. Fac habites in illis populis tuis, qui caput 138.0927B| suum ante te inclinant, tam in maribus quam in feminis et pueris, et nos etiam illis adjunge, protege, fove, ac guberna nos per vires principum angelorum tuorum. Ab omnibus operibus malis separa nos, omnibus operibus bonis conjunge nos, per Christum unicum Filium tuum, cui, et tibi cum eo et cum sancto Spiritu, gloria et honor, nunc, et semper, et in saecula saeculorum. Amen.
Totus populus dicit comedendo: Sanctus, sanctus, sanctus, trinus, ineffabilis, da nobis ut sumamus vitam per hoc corpus tuum, sine judicio; da nobis ut fructificemus in beneplacito tuo, et fructus noster 138.0928A| manifestetur in gloria tua; vivifica nos in te, ut faciamus voluntatem tuam. Cum fide invocamus te, Pater, et regnum tuum petimus. Sanctificatur nomen tuum super nos, quoniam tu es fortis ac laudabilis et gloriosus. Tibi sit gloria in saecula saeculorum.
Diaconus dicit: Inclinate capita vestra ante Dominum immortalem, ut benedicat vos per manum servi sui sacerdotis
Populus dicit: Amen. Benedicat nos servos suos Dominus. In pace sit remissio super nos qui sanctum corpus et pretiosum sanguinem sumpsimus. Concede nobis ut spiritu omnes vires inimici conculcemus. Benedictio manus tuae sanctae plena est misericordia. In ipsa speramus omnes. Ab omnibus operibus 138.0928B| malis sejunge nos, in omnibus operibus bonis colloca nos, benedictus sit qui dedit nobis sanctum corpus et pretiosum sanguinem suum. Gratiam accepimus, et vitam invenimus per virtutem crucis Jesu Christi. Gratias agimus tibi, cum Spiritus sancti gratiam receperimus. Gloria sit Domino, qui dedit nobis corpus suum sanctum, et pretiosum sanguinem suum. Gloria sit divae Mariae, quae est gloria nostra, et quae parturiit nobis sacrificium.
Finis canonis Patrum nostrorum apostolorum, quorum oratio et benedictio sit nobiscum. Amen.
Quotation analysis