Missale mixtum/3

IN SECUNDO DOMINICO POST OCTAVAS EPIPHANIE. Officium.

Dominus regnavit. Quere in Circumcisione Domini fol. LII.

Oratio. Hic est justus noster. Quere in Dominico ante Epiphaniam fol. LV.

Lectio libri Esaye prophete ( Cap. LXV).

(0246C)Hec dicit Dominus. Ecce ego creo celos novos et terram novam: et non erunt in memoria priora. Et nos ascendent super cor: sed gaudebitis et exultabitis usque in sempiternum in his que ego creo. Quia ecce ego creo Hierusalem exultationem: et populum ejus gaudium. Et exultabo in Hierusalem: et gaudebo in populo meo. Et non audietur in eo ultra vox fletus: et vox clamoris. Non erit ibi amplius infans dierum: et senex qui non impleat dies suos. Nam puer centum annorum morietur: et peccator centum annorum maledictus erit. Et edificabunt domos et habitabunt: et plantabunt vineas et comedent fructum earum. Non edificabunt: et alius habitabit. Non plantabunt: et alius comedet. Secundum enim dies ligni: erunt dies populi mei: et (0246D)opera manum eorum inveterabunt electis meis. Non laborabunt frustra: neque generabunt filios in conturbatione. Quia semen benedictorum Domini est: (0247A)et nepotes eorum cum eis. Eritque antequam clament: ego exaudiam. Adhuc illis loquentibus: ego audiam: dicit Dominus omnipotens. R\. Amen.

Dicat Presb. Dominus sit semper vobiscum. R\. Et cum.

Psallendo. Paratum cor meum Deus paratum cor meum: cantabo et psallat tibi gloria mea. V\. In me sunt Deus vota mea que reddam: laudationes tibi: quia liberasti animam meam de morte oculos meos a lachrimis pedes meos a lapsu ut placeat tibi. P. Et psallat.

Sequentia epistole Pauli Apostoli ad Romanos ( Cap. VI).

R\. Deo gratias.

(0247B)Fratres. Non regnet peccatum in vestro mortali corpore: ut obediat is concupiscentiis ejus. Sed neque exhibeatis membra vestra arma iniquitatis peccato: sed exhibete vos Deo tamquam ex mortuis viventes: et membra vestra arma justicie Deo. Peccatum enim in vobis non dominabitur. Non enim sub lege estis: sed sub gratia. Quid ergo? Peccavimus: quoniam non sumus sub lege: sed sub gratia? Absit. Nescitis quoniam cui exhibuistis vos servos ad obediendum: servi estis ejus cui obedistis: sive peccati ad mortem: sive obeditionis ad justitiam. Gratias autem Deo quod fuistis servi peccati: obedistis autem ex corde in eam formam doctrine: in qua traditi estis. Liberati autem a peccato: servi facti estis justicie. In Christo Jesu Domino nostro. R\. Amen.

(0247C)Lectio sancti Evangelii secundum Lucam ( Cap. IIII).

Illo in tempore: Dominus noster Iesus Christus regressus est in virtute spiritus in Galileam. Et fama exiit per universam regionem de illo. Et ipse docebat in synagogis eorum: et magnificabatur ab hominibus. Et venit Nazareth: ubi erat nutritus: et intravit secundum consuetudinem suam die sabbati in sinagogam: et surrexit legere. Et traditus est ei liber Esaye prophete. Et ut revolvit librum: invenit locum ubi scriptum erat. Spiritus Domini super me: propter quod unxit me: evangelizare pauperibus misit me. Predicare captivis remissionem: et cecis visum. Dimittere confractos in remissionem: predicare annum Domini acceptum: et diem retributionis. (0247D)Et cum plicuisset librum: reddidit ministro: et sedit. Et omnium in 68 sinagoga oculi erant intendentes in eum. Cepit autem dicere ad illos: quia hodie impleta est hec Scriptura in auribus vestris. Et omnes testimonium illi dabant: et mirabantur in (0248A)verbis gratie: que procedebant de ore ipsius. R\. Amen.

Dicat Presb. Dominus sit semper vobiscum. R\. Et cum spiritu tuo.

Lauda. Alleluja. V\. Laudate Dominum in tympano et choro: laudate eum in cordis et organo. P. Alleluja.

Sacrificium. Edificavit Noe altare Domino et sumpsit ex omni pecude mundo: et ex omni ave munda et obtulit hostias ad altare: et immolavit et cremavit: et odoratus est Dominus odorem suavitatis alleluja. V\. Locutus est Dominus ad Noe dicens: egredere de archa tua tu et omnis cognatio tua et cuncta animantia que sunt apud te ex omni carne: tam in volucribus quam in bestiis universis (0248B)reptilibus que erant super terram: crescite et multiplicamini super eam: et egressus est Noe. P. Et immolavit.

Missa. Si credimus fratres charissimi divinum esse quod agimus: studium affectumque placendi hominibus omnibus modis respuamus. Offeramus Deo si non acceptabiles hostias: voces saltim patientie lachrymosas. Non debemus hic quasi nullo reatu obnoxii impudentes assistere: sed velut in praesentia metuendi judicis cum timore saltim diebus dominicis convenire. Ne idcirco Deum latuisse que gerimus suspicemur: quod in presenti non puniamur: cum ideo forsitan ad penas posteras differamur: quia momentanea emendatione corrigi non meremur. Si igitur filii sumus: dulciora nobis sint verbera paterna: (0248C)quam mella. Si servi solliciti: panem Dominicum non debemus comedere ociosi. Hec nostrum singuli quique prout universitati congruit cogitantes: aut debemus plangere si defecimus: aut de aliis sollicitudinem gerere: per gratiam Domini qua valemus.

R\. Amen. Per misericordiam ipsius Dei.

Alia Oratio. Deus sine principio qui fecisti eterna: principiis perpetua condidisti: sine conditione perpetuus: te fusis ex affectu mentis precibus imploramus. Ut concessa nobis in presenti seculo venia: dignos misericordie eterne nos facias. Illudque nobis dum misereris indulgeas: unde in nobis propter quod semper miserearis invenias. R\. Amen.

Post nomina Oratio. Attende Deus omnipotens devotionem populorum fidelium: et propicius accipe (0248D)hoc munus oblatum. Sit nobis oramus ita Sanctorum tuorum commemoratio in suffragium: ut eorum meritis impetremus et remedia viventium: et requiem fidelium defunctorum. R\. Amen.

(0249A)Ad pacem Oratio. Deus bonorum omnium copia: et Sanctorum indeficiens charitas: presta nobis in bona voluntate concordiam: ut tua semper pacifici sequamur: et faciamus precepta. R\. Amen.

Inlatio. Dignum et justum est: vere equum et salutare est: nos tue pietati semper gratias agere omnipotens Deus: et omnium solennitatum in tuo nomine mysteria celebrare: et offerre tibi hoc sacrificium: quod nulla possunt digne preconia conlaudare: ad offerendum populo facile: delectabile ad sumendum. Non hic balatus ovium: non mugitus bovium: non volatilium vox sub ictu mortis dolorem incurrit. Non horror est sanguinis: non fastidii cruditas: sed tam mirabilis atque stupenda est hostia: ut incruenta sit: cum viva sumatur. Nam licet (0249B)verum corpus edatur: et sanguis manifestissimus hauriatur: nullus tamen horror incutitur: cum salus animarum in spirituali cibo et poculo ministratur. Benedictus enim Dominus noster Jesus Christus filius tuus: in nomine tuo veniens: hec tibi sacrificia deferri mandavit. Cujus nos precepta tenentes: et jussa meminimus: et gesta memoramus. Quem merito tecum et cum Spiritu Sancto laudant celestia pariter ac terrena: Cherubin quoque ac Seraphin incessabili (0250A)voce proclamant: ita dicentes. R\. Sanctus. Sanctus. Sanctus.

Post Sanctus. Oratio. Vere Sanctus: vere benedictus Dominus noster Jesus Christus filius tuus. Ille patriarcharum fides. ille plenitudo legis. ille umbra veritatis. ille predicatio prophetarum. ille 69 apostolorum magister: ille omnium credentium pater. Ille debilium firmamentum: ille infirmantium virtus: ille redemptio captivorum; ille hereditas redemptorum. Ille viventium salus: ille morientium vita. Qui sacrificandam novam legem Sacerdos Dei verus instituit: hostiam se tibi placitam et ipse obtulit: et a nobis jussit offerri: Christus Dominus ac redemptor eternus.

Post pridie. Vitam nostram Domine unigeniti tui (0250B)mortem votiva confessione promerentes: in resurrectionem ejus et ascensionem in celis vita indubitata fatemur: vetus quoque rursus: ac pro meritis singulos judicaturus reatu licet trepidi: sed tua freti misericordia prestolamur. Ob hoc ergo quesumus famulantes: ut oblationem hanc spiritus tui permixtione sanctifices: et corporis ac sanguinis Domini nostri Jesu Christi plena transformatione conformes. Ut hostia qua nos redemptos esse meminimus: mundari (0251A)a sordibus facinorum mereamur: nec nos transfixus vulnere: a tua reprobes curatione. Medicus enim es: egri sumus. Misericors es: nos miseri. Ergo qui tibi nostra non abscondimus vulnera quibus placaris: sana nos sacrificio. R\: Amen. Presta Pater ingenite per unigenitum tuum Dominum nostrum Jesum Christum: per quem tu hec omnia nobis indignis servis etc.

Ad orationem Dominicam.

Preceptorum Domini memores fratres charissimi orationis Dominice verba dicturi: majestatem ejus deprecemur acclives: ut peccatorum misericorditer obliviscens: dono gratie sue corpora nostra cordaque sanctificet. Quatenus omnium criminum labe purgati: libera voce dicamus e terris. Pater noster.

(0251B)Humiliate vos benedictioni. Dominus sit semper vobiscum.

Benedictio. Omnipotentis Dei nostri benedictionibus repleamini: cujus estis sanguine precioso redempti. R\. Amen. Ejus vos indeficiens gratia repleat: cujus ineffabilis plasmavit potentia. R\. Amen. Et quibus in hoc mundo prestitit conditionem nascendi: in regno (0252A)eterno tribuat mansionem sine fine vivendi. R\. Amen. Per misericordiam ipsius Dei nostri: qui vivit et omnia regit in secula seculorum. R\. Amen. Dominus sit semper vobiscum. R\. Et cum.

Post Communio. Oratio. Refecti Christi corpore. Require in primo Dominico post octavas Epiphanias. fol. 67.

IN TERTIO DOMINICO POST OCTAVAS EPIPHANIE DOMINI. Ad Missam Officium et oratio: ut in primo Dominico post octavas Epiph. fol. 64.

Lectio libri Esaye prophete (Cap. LXVI).

R\. Deo gratias.

Hec dicit Dominus. Celum sedes mea est: et terra scabellum pedum meorum. Que ista domus quam (0252B)edificabilis mihi: et quis iste locus quietis mee? Omnia hec manus mea fecit: et facta sunt universa ista dicit Dominus. Ad quem autem respiciam nisi ad pauperculum et contritum spiritu: et trementem sermones meos. Qui immolat bovem: quasi qui interficiat virum. Qui mancat pecus: quasi qui excerebret canem. Qui offert oblationem: quasi qui sanguinem (0253A)suillum offerat. Qui recordatur thuris: quasi qui benedicat idolo. Hec omnia elegerunt in viis suis: et in abhominationibus suis anima eorum delectata est. Unde et ego eligam illusiones eorum: et que timebant adducam eis. Quia vocavi: et non erat qui responderet. Locutus sum: et non audierunt. Feceruntque malum in oculis meis: et que nolui elegerunt. Audite verbum Domini: qui tremitis ad verbum ejus. Dixerunt fratres vestri odientes vos: et abjicientes propter nomen meum. Glorificetur Dominus et videbimus in leticia vestra: ipsi autem confundentur. Letamini cum Hierusalem: et exultate in ea omnes qui diligitis eam. Gaudete cum ea in gaudio universi qui lugetis super eam: ut suggatis et repleamini ab ubere consolationis ejus. Ut mulgeatis: (0253B)et deliciis affluatis: ab omnimoda gloria ejus. Quia hec dicit Dominus. Ecce ego declinabo super eam quasi fluvium pacis: et quasi torrentem inundantem gloriam gentium: quam suggetis. Ad ubera portabimini: et super genua blandietur vobis. Quomodo si cui mater blandiatur: ita ego consolabor vos: et in 70 Hierusalem consolabimini. Videbitis: et gaudebit cor vestrum: et ossa vestra quasi herba germinabunt. R\. Amen.

Dicat Presb. Dominus sit semper vobiscum. R\. Et cum spiritu tuo.

Psallendo. Adjutor meus esto Domine: ne derelinquas me: et ne despicias me Deus salutaris meus. V\. Quoniam pater meus et mater mea derelinquerunt me: Dominus autem assumpsit me. P. Et ne (0253C)despicias.

Sequentia epistole Pauli apostoli ad Romanos (Cap. VI).

R\. Deo gratias.

Fratres. Humanum dico propter infirmitatem carnis vestre. Sicut enim exhibuistis membra vestra servire immundicie: et iniquitati ad iniquitatem. Ita et nunc exhibete membra vestra servire justicie in sanctificationem. Cum enim servi essetis peccati: liberi eratis justicie. Quem enim fructum habuistis tunc in quibus nunc erubescitis? Nam finis illorum mors est. Nunc vero liberati a peccato: servi autem facti Deo: habetis fructum vestrum in sanctificationem: finem vero vitam eternam. Stipendia enim peccati mors. Gratia autem Dei: vita eterna. In (0253D)Christo Jesu Domino nostro. R\. Amen.

Lectio sancti evangelii secundum Lucam ( Cap. XI).

R\. Deo gratias.

Illo in tempore: Dominus noster Jesus Christus loquebatur discipulis suis et turbis dicens. Generatio hec generatio nequam est. Signum querit: et signum non dabitur illi: nisi signum Jone prophete. Nam sicut Jonas fuit signum Ninivitis: ita erit et filius hominis generationi isti. Regina austri surget in judicio cum viris generationis hujus: et condennabit (0254A)illos: quia venit a finibus terre audire sapientiam Salomonis: et ecce plusquam Salomon hic. Viri Ninivite surgent in judicio cum generatione hac: et condennabunt illam: quia penitentiam egerunt a predicatione Jone: et ecce plusquam Jonas hic. Nemo lucernam accendit: et in absconso ponit: neque sub modio: sed super candelabrum: ut qui ingrediuntur videant lumen. Lucerna corporis tui est oculus tuus: si oculus tuus fuerit simplex: totum corpus tuum lucidum erit. Si autem nequam fuerit: etiam corpus tuum tenebrosum erit. Vide ergo ne lumen quod in te est: tenebre sint. Si ergo corpus tuum totum lucidum erit: non habens aliquam partem tenebrarum: erit lucidum totum: et sicut lucerna fulgoris illuminabitur. Hec cum loqueretur: (0254B)rogavit illum quidam phariseus: ut pranderet apud se. Et ingressus recubuit. Phariseus autem cepit intra se reputans dicere: quare non baptizatus esset ante prandium? Et ait Dominus ad eum. Nunc vos pharisei quod deforis est calicis et parapsidis et catini mundatis: quod autem intus est vestrum: plenum est rapina et iniquitate. Stulte: nonne qui fecit quod deforis est: etiam id quod deintus est fecit? Verumtamen quod superest: date elemosynam. Et hec omnia munda sunt vobis. R\. Amen.

Dicat Presb. Dominus sit semper vobiscum. R\. Et cum.

Lauda. Alleluja. V\. Laudabo nomen Dei mei cum cantico: magnificabo eum in laude. P. Alleluja.

(0254C)Sacrificium. Edificavit Abraham altare in locum quem ostenderat ei Deus: et obtulit super illud Isaac filium suum: et elevans oculos vidit post tergum arietem quem accepit: et obtulit holocaustum pro filio alleluja. V\. Dixit Dominus ad Abraham: tolle filium tuum unigenitum: quem diligis Isaac: et vade in terram visionis: et offeres mihi illud holocaustum super unum montium quem ostendero tibi. Tunc Abraham consurgens concidit ligna ad holocaustum: et abiit ad locum quem ostenderat et Deus. P. Et elevans.

Missa. Ad obtinendam Domini misericordiam fratres charissimi: tota mentis nostre dirigatur oratio: et unite voluntatis societate: vel votis: ad eum a quo audiri cupimus exclamemus: ut ecclesia sua (0254D)sancta catholica utilitatum nostrarum mater atque virtutum: ita omnium desideria in suo amore contineat: ut omnibus bene desiderata dispenset. Sit confessione una: dilatatione numerosa: singularis Sacramento: non loco. Diffusa sit: non divisa. Sit in Sacerdotibus gloriosa: in doctoribus circumspecta: in fraternitate pacifica: in ministris sancta: in ministeriis inlibata. In virginibus incorrupta: in viduis fructuosa. 71 In credentibus fecunda: in gentibus libera: in languentibus medicina: in penitentibus (0255A)absoluta: in errantibus clemens: in egentibus dives. in pauperibus humilis: in divitibus liberalis. Sicque bonis omnibus repleatur: ut in nobis potens facta pro nobis: et redimat quos requirit: et custodiat quos redemit. R\. Amen.

Alia. Deus cujus ineffabilis est clementia: profunda pietas: infinita miseratio: inestimabilis magnitudo. Qui irasceris: ut corrigas: castigas: ut revoces. corripis: ut emendes: invitas: ut diligas: flagellas: ut parcas. Preces populi tui libenter amplectere: et propitius intuere. Et quoniam quid mereamur: vel quid patimur agnoscis: per te nobis tribue quod rogaris. Ut ab omnibus tentationibus inimici quibus adversus animam nostram illius sine cessatione grassatur invidia: virtutis tue (0255B)dextera liberati: in regnum tuum mereamur admitti. R\. Amen.

Post nomina. Adesto Domine supplicibus tuis: et famulorum tuorum oblationibus presentiam tue virtutis intersere: nullius sit vacua postulatio: nullius sit irritum votum. Ut quod singuli obtulerunt ad nominis tui honorem: cunctis viventibus proficiat ad salutem: et defunctis omnibus fideliter prestetur ad requiem. R\. Amen.

Ad pacem. Adesto Deus pater omnipotens precibus nostris: et plenitudinem nobis tribue charitatis et pacis. Ut omnes nos qui de misericordia tua confidimus: in spe semper et charitate sine fine vivamus. R\. Amen.

(0255C)Inlatio. Dignum et justum est eterne omnipotens Deus: nos te semper laudare: tibique quantas possimus indesinenter gratias agere: qui cum unigenito filio tuo Domino nostro et Spiritu Sancto unus es Deus in personarum trinitate: et trinus es in unitate substantie. Quod enim de gloria tua revelante te credimus: hoc de filio tuo Domino nostro Jesu Christo: hoc etiam de Spiritu Sancto sine ulla discretione sentimus. Ut in confessione vere sempiterneque deitatis: et in personis proprietas: et in majestate unitas: et in deitate adoretur equalitas. Per te enim unum verumque Deum constantiam fides accipit: per te virtutem sumit infirmitas. Et quicquid est in persecutionibus sevum: quicquid in morte terribile: nominis tui facis confessione (0255D)feliciter superare. Unde merito tibi omnes angeli et archangeli proclamare non cessant: ita dicentes

Chorus. Sanctus. Sanctus. Sanctus.

Post Sanctus. Vere sanctus es Domine: et sanctorum omnium sanctitate preclarior: quem celestium et terrestrium creatura suum Dominum confitetur et laudat. Tu enim es propitiatio peccatorum et omnium fidelium: per Christum Dominum ac redemptorem eternum.

Post pridie. Oratio. Sanctifica Domine oblate hostie (0256A)munus: et votis fidelium adesto propitius. Ut et que offeruntur acceptes: et offerentes propitiatus sanctifices. R\. Amen.

Ad orationem Dominicam.

Deum vite nostre auctorem fratres charissimi: et creatorem rerum omnium Dominum agnoscentes: pietatem ejus supplici confessione: ac sedula obsecratione poscamus: ut et peccatis nostris clementer ignoscat: et ex toto cordis affectu semper clamare nos faciat: ita dicentes. Pater noster qui es in celis.

R\. Amen.

Dicat Presb. Humiliate vos benedictioni. Dominus sit semper vobiscum. R\. Et cum spiritu tuo.

Benedictio. Benedictio vos Domini comitetur ubique: sibique vos semper faciat adherere. R\. Amen. (0256B)Ipse vos benedictione sua salvificet: qui dignatus est plasmare potenter. R\. Amen. Atque ita vos prestet fideliter vivere; ut sanctorum omnium efficiat coheredes. R\. Amen. Per misericordiam ipsius Dei nostri: qui est benedictus et vivit et omnia regit in secula seculorum. R\. Amen. Dominus sit semper vobiscum. R\. Et cum.

Chorus. Gustate et videte.

Post communio. Gustantes Domine suavitatis dulcedinis plenitudinem: quesumus: ut sit nobis hec in remissionem peccatorum et sanitatem mentium. R\. Amen. Per misericordiam tuam Deus noster: qui es benedictus et vivis et omnia regis in secula seculorum. R\. Amen. 72 Dominus sit semper vobiscum. R\. Et cum spiritu tuo.

(0256C)Dicat Presb. In nomine Domini nostri Jesu Christi perficiamus cum pace. R\. Deo gratias.

IN QUARTO DOMINICO POST OCTAVAS EPIPHANIE DOMINI. Ad Missam Officium et oratio ut in primo Dominico fol. 64.

Lectio libri Hieremie prophete. ( Cap. XXXI.)

R\. Deo Gratias.

Ecce dies veniunt dicit Dominus: et feria domui Israel: et domui Juda fedus novum. Non secundum pactum quod pepigi cum patribus vestris in die qua apprehendi manum eorum: ut ducerem eos de terra Egipti. Pactum sive testamentum quod irritum fecerunt: et ego dominatus sum eorum dicit Dominus. (0256D)Sed hoc erit pactum quod feriam cum domo Israel. Post dies illos dicit Dominus: dabo legem meam in visceribus eorum: et in corda eorum adscribam eam. Et ero eis in Deum: et ipsi erunt mihi in populum. Et non docebit ultra vir proximum suum: et vir fratrem suum: dicens cognosce Dominum. Omnes enim cognoscent me: a minimo eorum usque ad maximum ait Dominus. Quia propitiabor iniquitati eorum: et peccati eorum non ero memor amplius. R\. Amen.

(0257A)Dicat Presb. Dominus sit semper vobiscum. R\. Et cum spiritu tuo.

Psallendo. Ubi sunt misericordie tue antique Domine: Sicut jurasti David in veritate tua. V\. Quoniam dixisti Domine in eternum misericordia edificabitur in celis: preparabitur veritas tua: disposuisti testamentum electis tuis. P. Sicut jurasti.

Dicat Presb. Silentium facite.

Sequentia epistole Pauli Apostoli ad Romanos. ( Cap. VII).

R\. Deo gratias.

Fratres. Scimus quod lex spiritualis est: ego autem carnalis sum venundatus sub peccato: quod enim operor: non intelligo. Non enim quod volo hoc ago: sed hoc illud quod odi facio. Si autem quod (0257B)nolo illud facio: consentio legi quoniam bona est. Nunc autem jam non ego operor illud: sed quod habitat in me peccatum. Scio enim quod non habitat in me: hoc est in carne mea bonum. Nam velle adjacet mihi: perficere autem bonum non invenio. Non enim quod volo hoc facio: sed quod nolo malum hoc ago. Si autem quod nolo illud facio: non ego operor illud: sed quod habitat in me peccatum. Invenio autem legem volentem mihi facere bonum: quoniam mihi malum adjacet. Condelector enim legi Dei secundum interiorem hominem. Video autem alteram legem in membris meis repugnantem legi mentis mee: et captivantem me in lege peccati: que est in membris meis. Infelix ego homo: quis me liberabit de corpore mortis hujus? Gratia Dei (0257C)vita et pax: per Jesum Christum Dominum nostrum. R\. Amen.

Lectio sancti evangelii secundum Lucam ( Cap. XII).

R\. Gloria tibi Domine.

Illo in tempore: Dominus noster Jesus Christus loquebatur discipulis suis dicens. Omnis qui dixit verbum suum in filium hominis: remittetur illi. Ei autem qui Spiritum sanctum blasphemaverit: non remittetur ei. Cum autem induxerint vos in Synagogas ad magistratus et ad potestates: nolite solliciti esse qualiter: aut quid respondeatis: aut quid dicatis. Spiritus enim Sanctus docebit vos in ipsa hora que oporteat dicere. Ait autem homo de turba. Magister: dic fratri meo ut dividat mecum hereditatem. At ille dixit ei: o homo quis me constituit (0258A)judicem aut divisorem super vos? Dixitque ad illos. Videte et cavete ab omni avaritia: quia non in abundantia cujusquam vita ejus est: ex his que possidet. Dixit autem similitudinem ad illos dicens. Hominis cujusdam divitis uberes fructus ager tulit, et cogitabat intra se dicens. Quid faciam quia non habeo: quo congregem fructus meos? Et dixit. Hoc faciam. Destruam horrea mea et majora faciam: et illuc congregabo omnia que nata sunt mihi et bona mea: et dicam anime mee. Anima habes multa bona reposita in annos plurimos. Requiesce: comede: bibe: et epulare. Dixit autem illi Deus. Stulte: hac nocte animam tuam repetent a te: que autem parasti cujus erunt? Sic est: qui sibi thesaurizat: et non est in Deo dives. Dixitque ad discipulos suos. (0258B)Ideo dico vobis nolite solliciti esse anime quid manducetis: neque corpori quid vestiamini. Anima plus est quam esca: et corpus quam vestimentum. Considerate 73 corvos quia non seminant: neque metunt: quibus non est cellarium neque orreum: et Deus pascit illos: quanto magis vos pluris estis illis? Quis autem vestrum cogitando potest adjicere ad staturam suam cubitum unum? Si ergo neque quod minimum est potestis: quid de ceteris solliciti estis? Considerate lilia quomodo crescunt: neque laborant, neque nent. Dico autem vobis quia nec Salomon in omni gloria sua vestiebatur sicut unum ex istis. Si autem fenum quod hodie in agro est et cras in clibanum mittitur: Deus sic vestit: quanto magis vos pusilli fidei. Et vos nolite querere quid manducetis (0258C)aut quid bibatis et nolite in sublime tolli. Hec enim omnia gentes mundi querunt. Pater autem vester scit quoniam his indigetis. Verumtamen querite primum regnum Dei et justiciam ejus: et hec omnia adjicientur vobis.

R\. Amen.

Dicat Presb. Dominus sit semper vobiscum. R\. Et cum.

Lauda. Alleluja. V\. Firmetur manus tua Deus et exaltetur dextera tua. P. Alleluja.

Sacrificium. Edificavit Moyses altare Domino offerens super illud holocaustomata: et inferens victimas fecit sacrificium matutinum in odorem suavitatis Domino Deo. In conspectu filiorum Israel alleluja. V\. Locutus est Dominus ad Moysen dicens: (0259A)ascende ad me in montem Sina: stabis super cacumen ejus: audiens Moyses ascendit in montem: ubi constituit ei Deus et descendit ad eum Dominus in nube et adstitit ante faciem ejus. Videns Moyses procidens adoravit dicens: obsecro Domine dimitte peccata populi tui: et ait ad eum Dominus: faciam secundum verbum tuum. P. In conspectu.

Missa. Accedentes ad Domini mysterium fratres charissimi: debemus deferre ad publicum crimina: si ad judicium nolumus sustinere tormenta. Debemus hominibus humiliari: si volumus coram angelis gloriari. Debemus lugere in seculo: si volumus regnare cum Christo. Debemus honorem temporalem spernere: si volumus sempiternam gloriam obtinere. Non nobis hec verbis sunt querenda: sed (0259B)meritis: non labiis pronuncianda: sed lachrymis. Non vestium agenda abjectione: sed mentium. Non sola crinium nuditate: sed criminum. In regionis professione (0260A)testimonium habeat habitus non proventus. Non ovium velleribus luporum est occultanda rapacitas. quo simulata innocentia credulum calcat: eviscerat. Non candidis perietibus fetidi cadaveris est vestienda corruptio: que mentita species admirantem dum exteriori nitore provocat: interiore parte corrumpat. Non pravi mellis crate fellis claudenda pernicies: quo fucate suavitatis illecebra: dum gustantem insidioso sapore blanditur: amicitia labiorum amaritudo sit viscerum. Timeamus Deum occultum in conscientia testem: et publicum in examinatione censorem. Non ille querit pro ignorantia: sed pro misericordia confitentem. Et qui potest in occulto scelere habere noticiam non vult in prodito proferre vindictam. Sic sic absolvet pietas humiles: et (0260B)punit severitas contumaces. R\. Amen. Per misericordiam ipsius Dei nostri qui vivit et omnia regit in secula seculorum. R\. Amen.

(0261A)Alia oratio. Portamus Domine onera iniquitatum nostrarum dura cervice: vultu dimisso: corde contrito. Et vix tandem in supplicio nostro didicimus penitere: qui reatum nostrum nolebamus ante cognoscere. Sed tu Domine qui mansuetas fecisti in vivario feras: et refrigerasti in fornacis medio flammas: alleva manum tuam in adjutorium nostrum: et tutissimum nobis presta defensionis tue in afflictione suffragium. Ut quos peccatorum pondus inclinat: misericordie tue virtus attollat. Et quamvis propter peccata nostra ad terram corruimus: per ineffabilem bonitatem tuam misericorditer sublevemur. Ut quos diversarum iniquitatum arguunt actiones: indulgentia pietatis tue faciat innocentes. R\. Amen. Per misericordiam tuam Deus noster qui (0261B)in tuo conspectu sanctorum etc.

Post nomina. Oratio. Omnipotens eterne Deus qui nos ad eternam vitam confessione tui nominis et sacramento baptismatis clementer invitas: votis nostris quesumus presentiam tue virtutis intersere: et offerentium 74 munera dignanter intende. Ut et his sanctificationis gratiam: et defunctis fidelibus tribuas requiem sempiternam. R\. Amen.

Ad pacem Oratio. Deus pacis conditor et charitatis individue attributor: presta quesumus omnipotens fideles vinculo charitatis astringi: ut pacifici pacis perseverantiam teneant: et discordes dono misericordie tue ad charitatem sese convertant. R\. Amen. Quia tu es vera pax nostra.

Inlatio. Dignum et justum est nos tibi semper (0261C)gratias agere Domine sancte pater eterne omnipotens Deus per Jesum Christum filium tuum Dominum nostrum qui tecum in origine mundi et cum spiritu sancto mundo prebuit lucem. Extendit celum virtute: fundavit aridam sapientia: divisit aquas intellectu: simulque in eis universa creavit. Extremo (0262A)hominem ad imaginis et similitudinis sue formam constituens: spiraculo vite rationalis animavit. Et nunc Domine tu es humani generis conditor et omnium in te credentium in assumpto homine sanguinis effusione redemptor. Te metuunt potestates tibique omnes famulantur virtutes. Te duodenus senum chorus: ordo te etiam conlaudat ineffabilis angelorum: ac multiplex legio. Tibi Cherubin ac Seraphin senarum volatus stridore alarum: eterne laudis trigemina concinentes incessanti voce canticum laudis exsolvunt: ita dicentes. R\. Sanctus. Sanctus. Sanctus.

Post Sanctus. Vere sanctus: vere gloriosus es Domine Deus noster. Te in celestibus spiritualia: te in terrenis humana venerantur. Et dum in supernis (0262B)majestas glorie tue attollitur: in imis potentia virtutis augetur. Hic proferuntur obsequia mentium: illic gaudia relaxantur animarum. Christum igitur rogemus auctorem: quem scimus nobis celebrandum esse post mortem. Ipsum Dominum ac redemptorem eternum.

Post pridie. Habemus quidem Domine relictum a te viaticum: sed promissum nostri desiderii expectamus effectum. Et qui corpus tuum illud accepimus ad edendum: in quo es humiliatus in terra: illud concupiscimus ad videndum: in quo es exaltatus in gloria. Nunc enim videmus in speculo et enigmate: tunc autem facie ad faciem tuam licebit gloriam contueri. Ubi nemo cibum requiret: quia nullus esuriet. (0262C)Nemo peregrinum suscipiet: quia omnes in patria sua vivent. Nemo visitabit egrotum: ubi eterne salutis permanebit hereditas. Nemo operiet nudum quia omnes luce perpetua vestientur. Nemo mortuum sepeliet: ubi omnes sine termino vivent. Sed tu Domine hic ista que a nobis sunt percipienda (0263A)sanctifica: ut hec sumentes ad premia pervenire mereamur eterna.

R\. Amen.

Dicat Presb. Te prestante sancte Domine: per quem tu hec omnia nobis indignis servis tuis valde bona creas.

Ad orationem Dominicam.

Pietate Dei patris poscamus fratres charissimi: ut prestet nobis indignis servis suis corpus hoc Domini nostri Jesu Christi filii sui ad remedium anime nostre percipere hunc sacrosanctum sanguinem ejus sine ullo conscientie reatu bibere. Quatenus requiescente in cordibus nostris sue pietatis dilectione: orationem quam apostolos suos docere dignatus est: sic dicere mereamur e terris. Pater noster.

(0263B)Dicat Presb. Humiliate vos benedictioni. Dominus sit semper vobiscum. R\. Et cum.

Benedictio. Omnipotens Dominus peccatorum vestrorum maculas purget: et sua vos benedictione sanctificet. R\. Amen. Repleat vos Dominus spiritualium dono virtutum: et perseverare faciat in bonis propositum vestrum. R\. Amen. Sicque humilitatem vestram Dominus dignator acceptet: ut sue vos pietatis remuneratione locupletet. R\ Amen. Per misericordiam ipsius Dei nostri. Dominus sit semper vobiscum. R\. Et cum.

Hic dicat Chorus. Gustate et Videte.

Postcommunio. Oratio ut in Dominico preterito.

IN QUINTO DOMINICO POST OCTAVAS EPIPHANIE. (0263C) Ad missam. Officium et oratio ut in primo Dominico fol. 64.

Lectio Hieremie prophete (Cap. XXXI).

R\. Deo gratias.

Audite verbum Domini gentes et annuntiate in insulis que procul sunt: et dicite. Qui dispersit Israel: congregavit eum: et custodivit eum sicut pastor gregem suum. Redimet enim Dominus Jacob et liberabit eum 75 de manu potentioris. Et venient et laudabunt in monte Syon. Et confluent ad bona Domini super frumento: et vino: et oleo: et fetu pecudum et armentorum. Eritque anima eorum quasi hortus irriguus et ultra non esurient. Tunc letabitur virgo in choro: juvenes: et senes simul. (0263D)Et convertat luctum eorum in gaudium et consolabor eos: et letificabo a dolore suo. Et inebriabo animas Sacerdotum pinguedine: et populus meus bonis meis implebitur: ait Dominus omnipotens. R\. Amen.

Dicat Presb. Dominus sit semper vobiscum. R\. Et cum.

Psallendo. Adjutor meus est tu Domine suscipe (0264A)me secundum verbum tuum: ne confundas me ab expectatione mea Deus meus. V\. Recedant a me maligni: et perscrutabor mandata Dei mei: adjuva me: et salvus ero. P. Ne confundas me.

Dicat Presb. Silentium facite.

Sequentia epistole Pauli ad Romanos ( Cap. VIII).

R\. Deo gratias.

Fratres. Deus filium suum mittens in similitudinem carnis peccati: etc., propter peccatum damnavit peccatum in carne: ut justificatio legis impleretur in nobis qui non secundum carnem ambulamus: sed secundum spiritum. Qui enim secundum carnem sunt: que carnis sunt sapiunt. Qui vero secundum spiritum: que sunt spiritus sentiunt. Nam prudentia carnis mors est. Prudentia autem spiritus vita et pax. Quoniam (0264B)sapientia carnis inimica est in Deum. Legi autem Dei non subjicitur: nec enim potest. Qui autem in carne sunt Deo placere non possunt. Vos autem in carne non estis: sed in spiritu. Si tamen spiritus Dei habitat in vobis. Si quis autem Spiritum Christi non habet: hic non est ejus. Si autem Christus in vobis est: corpus quidem mortuum est propter peccatum. Spiritus vero vivit propter justificationem. Quodsi spiritus ejus qui suscitavit Jesum a mortuis habitat in vobis: qui suscitavit Jesum Christum a mortuis: vivificabit et mortalia corpora vestra propter inhabitantem spiritum ejus in vobis.

R\. Amen.

Lectio sancti evangelii secundum Lucam ( Cap. XII, XIII).

(0264C)Illo in tempore Dominus noster Jesus Christus loquebatur discipulis suis: et turbis dicens. Cum videritis nubem orientem ab occasu: statim dicitis: nimbus venit et ita fit. Et cum austrum flantem videritis: dicitis quia estus erit et fiet. Ipocrite faciem celi et terre nostis probare. Hoc autem tempus quomodo non probatis? quid autem ex vobis non judicatis quod justum est? Cum autem vadis cum adversario tuo ad principem in via: da operam liberari ab illo: ne forte tradat te ad judicem: et judex tradat te exactori: et exactor mittat te in carcerem. Dico tibi non inde exies: donec etiam novissimum minutum reddas. Aderant autem quidam in ipso tempore nunciantes illi de galileis: quorum sanguinem Pilatus miscuit cum sacrificiis eorum: Et respondens (0264D)divit illis. Putatis quod hi galilei pre omnibus galileis peccatores fuerunt: quia talia passi sunt? Non. Dico vobis nisi penitentiam habueritis: omnes mul peribitis: sicut illi decem et octo supra quos cecidit turris in siloam: et occidit eos. Putatis quia et ipsi debitores fuerunt preter omnes homines habitantes in Jerusalem? Ideo dico vobis: sed si non penitentiam egeritis: omnes simul peribitis. Dicebat (0265A)autem hanc similitudinem. Arborem fici habebat quidam plantatam in vinea sua. Et venit querens fructum in illa et non invenit. Dixit autem ad cultorem vinee. Ecce anni tres sunt ex quo venio querens fructum in ficulnea hac: et non invenio. Succide ergo illam: ut quid etiam terram occupat? At ille respondens dixit illi: Domine dimitte illam et hoc anno: usque dum fodiam circa illam: et mittam stercora: siquidem fecerit fructum: sin autem in futuro succido eam. Erat autem docens in sinagoga eorum sabbatis. Et ecce mulier que habebat spiritum infirmitatis annos decem et octo. Et erat inclinata nec poterat omnino sursum respicere. Quam cum vidisset Jesus vocavit ad se et ait illi. Mulier dimissa es ab infirmitate tua: et imposuit illi manum: (0265B)et confestim erepta est et glorificabat Deum. Respondens autem archisinagogus indignans quia sabbato curasset Jesus. Dicebat turbe: sex dies sunt in quibus oportet operari: in his ergo venite et curamini: et non in die sabbati. Respondit autem ad illum Dominus et dixit. 76 Ipocrite uniusquisque vestrum sabbato non solvit bovem suum aut asinum a presepio et ducit adaquare? Hanc autem filiam Abrahe quam alligavit Sathanas: ecce decem et octo annis: non oportuit solvi a vinculo isto die sabbati? Et cum hec diceret erubescebant omnes adversarii ejus: et omnis populus gaudebat in universis que gloriose fiebant ab eo. R\. Amen.

Dicat Presb. Dominus sit semper vobiscum. R\. Et cum.

(0265C)Lauda. Alleluja. V\. Domine exaudi orationem nostram: et clamor noster ad te perveniat. P. Alleluja.

Sacrificium. Deprecatus est populus faciem Dei et exaudivit illum Dominus et dedit eis salutem. Et immolavit Sacerdos holocaustum matutinum in odorem suavitatis alleluja. V\ Oravit Ezechias in conspectu Domini dicens: Domine Deus qui sedes super Cherubin inclina aurem tuam et audi: aperi oculos tuos et vide: et salva nos de manu mortis: ut sciant omnia regna terre quia tu es Dominus. P. Et immolavit.

Missa. Rogaturi Deum secretorum omnium conditorem fratres charissimi: hoc primum rogemus: ut det affectum quo eum vehementer oremus: et munera (0265D)placitura offeramus. Ne nobis perfunctorie et non veraciter supplicantibus: extra hoc sit animus quod oramus. Ne intus sancti desiderii virtute vacui: foris eloquii vanitate conspicui. Credamus sufficere honestas preces: etiamsi habeamus improbas voluptates. Det quoque hoc ipsum religionis veritate plenum esse: quod diximus: ne studio humane laudis inlecti: aliud mente: quam voce proferamus: capiamus. Et labia cordis officio destituta: inutilem reddant velut cimbala sonitum: aut eramenta tinnitum. (0266A)Sed illum nobis amorem suum celestis pietas dignetur infundere qui totam conscientiam linguamque possideat: qui orationem cogitatione non deserat: qui aliud quam quod significat: non requirat. Pro qua nostra professio talis ante Deum studeat fieri: qualis inter homines vult videri. R\. Amen.

Alia Oratio. Exaudi nos Domine Deus noster: et humane iniquitatis oblitus: divine solius misericordie recordare. Exaudi quesumus: dum peccare non pateris: dum emendare nos precipis: dum rogare permittis. Dum patientia redditum querende correctionis expectat: dum justicia metum future discussionis insinuat: dum misericordia locum evadende mortis ostentat. Invenient ante oculos tuos sacrificia nostra gratiam: peccata veniam: vulnera medicinam. (0266B)Suspiria pietatem: flagella consolationem: lamenta temperiem: tempora quietem: officia dignitatem: vota mercedem. Mereatur peticio effectum: contricio solacium: consecracio sacramentum. Oblatio sanctificatione pinguescat: trepidatio securitate discedat: benedictio salubritate proficiat: ut in omnibus multiplici pietatis tue gratia redundante erigas plebem: dum letificas Sacerdotem.

R\. Amen.

Post nomina. Oratio. Oblationem familie tue sereno quesumus Domine vultu dignare respicere: et petitionibus eorum fave clementer: ut dono tue clementie premuniti: et vivis mereantur impetrare presentis vite suffragia: et defunctis omnibus fidelibus requies prestetur eterna. R\. Amen.

(0266C)Ad pacem. Oratio. Deus qui unanimitatem amplecteris: et in corde pacifico requiescis: da quesumus puram omnibus pacem: da cunctis fidelibus mutuam charitatem. Tribue fidelia oscula: sincera conloquia. Ut nec publicis quicquam inimicitiis liceat: nec secretis. Atque odisse nesciat fratrem: qui te suum ceperit amare factorem. R\. Amen. Quia tu es vera pax.

Inlatio. Dignum et justum est omnipotens Deus: nos tibi gratias agere per Jesum Christum filium tuum Dominum nostrum. Qui homo factus quod homo deliquerat: amputavit. Et in deitate paterna indemutabilis mansit. Qui novissimus Adam effectus in spiritu vivificavit quos Adam primus mortificaverat damnatione peccati. Denique et per obedientiam (0266D)eterno Deo nos reconciliavit: et patri: quos a consortio beatitudinis: transgressio terreni removerat genitoris: atque illo singulari remedio incarnationis sue passionisque sanguine innovatam reddidit creaturam: unde nos debilis vetustas expulerat. Peregit hec omnia humiliatus in 77 homine: qui nunquam probatur a paterna degenerasse virtute. Sic homo factus est: ut homini subveniret: et a paterna substantia nunquam recederet. Permansit in divinitatis natura: cum homines reconciliaret ex gratia. (0267A)Similis effectus est nobis: qui nunquam est a paterna potestate dissimilis. Ac sic prefuit hominibus assumendo humanitatem: ut nunquam naturalem amitteret deitatem. Quem tecum pater et cum Spiritu sancto omnes angeli laudare non cessant: ita dicentes. R\. Sanctus. Sanctus. Sanctus.

Post Sanctus. Vere sanctus: vere benedictus Dominus noster Jesus Christus. Unigenitus tuus primogenitus noster. Primogenitus in gratia: unigenitus in natura. Primogenitus quia nemo ante ipsum: unigenitus quia nemo post ipsum. Qui cum in forma Dei esset: non rapinam arbritratus est esse se equalem Deo: sed semetipsum exinanivit formam servi accipiens: perfectus in tuis: et verus in nostris. Ipse Dominus ac redemptor eternus.

(0267B)Post pridie. Oratio. Fratres commemorationem passionis: mortis: et resurrectionis Domini nostri Jesu Christi filii tui precamur omnipotens pater: ut has hostias sancto altario tuo superpositas intendas propicius: sanctifices et benedicas ac sumentibus ad salutatem pertinere concedas. R\. Amen. Presta pater sancte per quem tu hec omnia nobis indignis.

Ad Orationem Dominicam.

Sit licet fratres charissimi peccatorum nostrorum plurima multitudo: non tamen est de misericordia Domini diffidendum. sic totis ad eum nisibus convertamur. Quia ergo melius cordis humilitate: et oris confessione placatur: quam victimis: humiliemus nos ante eum omnes: et cum toto affectu mentis (0267C)clamemus e terris. Pater noster qui es in celis.

Dicat Presb. Humiliate vos benedictioni. Dominus sit semper vobiscum. R\. Et cum spiritu tuo.

Benedictio. Benedicat vobis Dominus: et propicius sanctificare dignetur. R\. Amen. Fidem vestram roboret promissis donorum celestium. R\. Amen. Ipse quoque glorificet premio eternitatis qui redimere dignatus est precio passionis. R\. Amen. Per misericordiam ipsius Dei nostri qui est benedictus et vivit et omnia regit in secula seculorum. R\. Amen.

Dicat Presb. Dominus sit semper vobiscum. R\. Et cum.

Hic dicat Chorus. Gustate et videte.

Post communio. Oratio. Christi Domini nostri gratia (0268A)satiati: gratias agimus perpetue trinitati: cujus sanguine sumus precio magno redempti. Petimus itaque sacramentorum tuorum meritis: ut de hoc seculo nequam eripiamur illesi. R\. Amen. Per misericordiam tuam Deus noster qui es benedictus et vivis et omnia regis in secula seculorum. R\. Amen.

Dicat Presb. Dominus sit semper vobiscum. Et in nomine Domini nostri Jesu Christi perficiamus cum pace. R\. Deo gratias.

IN SEXTO DOMINICO POST OCTAVAS EPIPHANIE DOMINI. Ad Missam Officium et oratio ut in primo Dominico. fol. 64.

Lectio libri Hieremie prophete ( Cap. III, IV).

R\. Deo gratias.

(0268B)Hec dicit Dominus. Convertimini filii revertentes: et sanabo aversiones vestras. Ecce nos venimus ad te: tu es enim Dominus Deus noster. Vere mendaces erant colles et multitudo montium. Vere in Domino Deo nostro salus Israel. Confusio comedit laborem patrum nostrorum ab adolescentia nostra. Greges eorum et armenta eorum filios eorum: et filias eorum. Dormiemus in confusione nostra: et operiet nos ignominia nostra. Quoniam Domino Deo nostro peccavimus nos et patres nostri ab adolescentia nostra usque ad diem hanc: et non audivimus vocem Domini Dei nostri. Si converteris Israel ait Dominus: ad me convertere. Si abstuleris offendicula tua a facie mea: non commoveberis et jurabis vivit Dominus in veritate: et in judicio et in justicia. (0268C)Et benedicent eum gentes: ipsumque laudabunt.

R\. Amen. Dicat Presb. Dominus sit semper vobiscum. R\. Et.

Psallendo. Pone Domine custodiam ori meo et ostium circumstantie labiis meis: ut non declinet cor meum. In lingua mala. V\. Custodi me Domine a laqueo quem statuerunt mihi: et a scandalis operantibus iniquitatem: quia ad te Domine oculi mei: in te speravi non tradas animam meam. P. In lingua. Hic dicat Presb. Silentium facite.

Sequentia epistole Pauli ad Corinthios ( I, cap. I).

R\. Deo gratias.

78 Fratres. Obsecro vos per nomen Domini nostri Jesu Christi: ut id ipsum dicatis omnes: et non (0269A)sint in vobis scismata. Sitis autem perfecti in eodem sensu et in eadem sententia. Significatum est enim mihi de vobis fratres mei ab his qui sunt Cloes: quia contentiones inter vos sunt. Hoc autem dico quod unusquisque dicit. Ego quidem sum Pauli: ego autem Apollo: ego vero Cephe: ego autem Christi. Divisus est ergo Christus. Nunquid Paulus crucifixus est pro vobis: aut in nomine Pauli baptizati estis? Gratias ago Deo quod neminem vestrum baptizavi nisi Crispum et Cajum. Ne quis dicat: quod in nomine meo baptizati estis. Baptizavi autem et Stephane domum. Ceterum nescio si quem alium baptizaverim. Non enim misit me Christus baptizare: sed evangelizare. Non in sapientia verbi: ut non evacuetur crux Christi. Amen.

(0269B)Lectio sancti evangelii secundum Lucam ( Cap. XIIII).

Deo gratias.

Illo in tempore: Dominus noster Jesus Christus loquebatur discipulis suis dicens. Si quis venit ad me: et non odit patrem suum et matrem uxorem et filios fratres et sorores adhuc et animam suam: non potest meus discipulus esse. Quis enim ex vobis volens turrem edificare et non sedens prius computat sumptus qui necessarii sunt: si habeat ad perficiendum: ne postea quam posuerit fundamentum: et non potuerit perficere omnes qui viderint incipiant illudere: dicentes quia hic homo cepit edificare et non potuit consummare: Aut quis Rex iturus committere bellum adversus alium Regem: (0269C)non sedens prius cogitat si posset cum decem milibus occurrere ei: qui cum viginti milibus venit ad se? Alioquin adhuc illo longe agente legationem mittens rogat ea que pacis sunt. Sic ergo omnis ex vobis qui non renunciat omnibus que possidet: non (0270A)potest esse meus discipulus. Bonum est sal; Si autem sal quoque evanuerit in quo condietur? neque in terra: neque in exterquilino utile est: sed foras mittetur. Qui habet aurem audiendi audiat.

R\. Amen.

Dicat Presb. Dominus sit semper vobiscum. R\. Et cum.

Lauda. Alleluja. V\. Domini est terra et plenitudo ejus: orbis terrarum et universi qui habitant in ea. P. Alleluja.

Sacrificium. Edificavit Gedeon altare Domino et vocavit nomen loci illius pax Dei alleluja et apparuit ei Dominus dicens: tolle sacrificium et offeres super illud holocaustum mihi in odorem suavitatis alleluja (0270B)alleluja alleluja. V\. Alleluja. Venit angelus Domini ad Gedeon et dixit ad eum: Dominus tecum virorum fortissime: et ille respondens dixit ad eum: si nobiscum est Dominus: quare apprehenderunt nos omnia mala: ubi sunt mirabilia ejus que narraverunt patres nostri: in die qua eduxit eos de Egipto? et aspexit ad eum Dominus: et duxit ad eum: tu liberabis populum meum de manu inimicorum ejus: quia ego ero tecum: et obtulit Gedeon victimas Domino. P. Et apparuit ei.

Missa. Deum a quo averti: cadere est. ad quem converti: resurgere est. A quo exire: mori: in quo manere: vivere et consistere atque vivescere est. Quem nemo querit nisi ratione commonitus: nemo invenit nisi corde purgatus: nemo amittit nisi errore (0270C)deceptus: intentis fratres charissimi precibus orando rogemus. Ut in nobis quesitus existat: neque cum fuerit invocatus abscedat: sed sensibus nostris studio misericordie sue se inserat. R\. Amen.

(0271A)Alia oratio. Domine Deus qui tu a nobis indesinenter rogaris: et clementer tribuis: ut rogeris. Qui das votum optanti: et pie viventibus nihil denegas: preroga quod audias: aut perficias quod acceptas. Da nobis quod ames in nobis: ut digneris semper exaudiri pro nobis. Tribue vota fidelia: sancta desideria prompta officia sedula mysteria: verba supplicia grata eloquia: preconia indefessa. Sint pure preces peticiones commode supplicationes juste: rogationes crebre: laudes assidue: ut ad salutem eternam omnia prestes omnibus dum invocaris ab omnibus. R\. Amen. Post nomin.

Omnipotens sempiterne Deus: adesto quesumus precibus supplicantium tibi propicius: et humilitatis sancte oblationem adtende placatus: ac presta Domine (0271B)ut sacrificium hoc quod offerimus: et nobis omnibus proficiat ad salutem: et defunctis prestetur ad requiem. R\ Amen.

Ad pacem. Omnipotens Domine a quo est humilitatis bonum et charitatis studium. 79 Da quesumus nobis omnibus charitatis et humilitatis affectum: ut humiles ac pacificos in charitate Dei et proximi: nos vivere gratulemur. R\. Amen.

Inlatio. Dignum et justum est te Domine orare semper et invocare: qui servorum tuorum precibus ab initio propicius annuis: et placatus ostenderis. Quibusque te invocantibus et beneficia prorogas: et mirabilia patras: indulgentiam non denegas: benevolentiam prestas: et providentiam monstras. Sic Moyses manibus in tipum crucis te orando porrectis in (0271C)Amalech diabolum superavit. Sic Josue invocans Deum in tanto nomine: dum hostem prosternit: diem tetendit: ut Jesus noster lux vera cresceret: venturus in exordio tenebrarum semper excresceret. Sic Samuel teste Christo Dei evangelicis intonans monitis: populi dura precordia precibus emissis turbine terruit tonitruaque concessit. Sic David hynnidicus orationum gratiam psalmorum modulatione reddidit dulciorem. Sic Salomon extensis et ipse manibus dum orando crucis figuram expressit: templum Domini dedicavit. Sic Asaph et Josaphat nobilissimi reges: dum pie Dei populo presunt hostium catervas immensas prece potius quam ense prostrarunt. Sic Ezechias (0272A)flendo dum de morte rediit ad vitam: solis occiduas horas convertit in ortum. Sic Helias quasi clavem etheris ore gestaret: oratione celum clausit et reseravit. Sic Heliseus exanimes incumbendo calefaciens artus: vivificavit oratione defunctum. Sic Jonas pelago immersus per cetum voratus nequaquam ab oratione cessavit: quem in sinuosi ventris antro precantem: nec bellua potuit ledere: nec procella. Sic tres orantes pueri incendia non sensere rotancia: et crepitantium flammarum strepitum precum concentu vicere. Sic in lacu Danielis oratio leonum avidos rictus et edacia ora restrinxit. Sic diem Dominus noster Jesus Christus fidelis in verbis suis: et sanctus in omnibus operibus suis: sequentibus se orandi normam in qua sit summa salutis instituit. Sed orare et (0272B)nunquam deficere apostolis imperavit. Sic pie fideliterque poscentibus quicquid oratione credentes petierint: se prestaturum spondit. Sic ante passionem orando non solum patri discipulos commendavit: sed etiam in passione pro inimicis oravit. Sic in Dei dextera exaltatus perpetim regnat: et pro nobis jugiter interpellat. Quem tecum pater in unitate Spiritus Sancti celorum ille exercitus innumerabilis creatorem laudat: extollit: precatur: adorat: glorificat: honorat: veneratur: exaltat: atque indefesso preconio benedicit: attollit: confitetur: ac dicit. R\. Sanctus. Sanctus. Sanctus.

Post Sanctus. Vere sanctus: vere benedictus Dominus noster Jesus Christus filius tuus. Qui repudiata immundorum cogitatione libaminum: simplicem ritum (0272C)nove sanctionis instituit: docuitque discipulos suos: inter hec sacrosancta solennia innocentiam puram vovere et Deo soli hostiam laudis offerre. Ipso Domino redemptorique nostro eterno.

Post pridie. Oratio. Credentes Domine universa mirabilia Domini nostri Jesu Christi filii tui: atque incarnationis ejus: et divinitatis potentiam confitentes in tuis laudibus exultamus tibique sacrificium laudis offerimus. Rogamus clementiam tuam summa Trinitas Deus et infinita majestas: ut hec oblatio quam in sancto altario tuo deferimus. pro nostrorum expiatione facinorum: sit oculis tuis placita: sit semper accepta: simulque efficiatur illo seculo superveniente (0273A)septiformi spiritu benedicta quo ubique Deus veraciter manifestetur in eo. Ut te hanc hostiam benedicente: si qui ex ea libaverint te largiente: et in hoc seculo percipiant medicinam et in futuro consequantur vite eterne coronam. R\. Amen.

Ad orationem Dominicam.

Simus ad Deum fratres charissimi solliciti: qui de meritorum nostrorum non sumus felicitate securi. Et quia omnibus opus est indulgentia redemptoris: ad impetrandam ejus misericordiam omnes unanimiter clamemus e terris. Pater noster.

R\. Amen.

Dicat Presb. Humiliate vos benedictioni. Dominus sit semper vobiscum. R\. Et cum.

Benedictio. Clementissimus Dominus in cujus manu (0273B)est universa prosperitas: caritatis semper et pacis vobis tribuat incrementa. R\. Amen. 80 In bonis actibus unanimes atque concordes sitis: ut a preceptis Domini nullatenus devietis. R\. Amen. In timore Domini mens vestra firma permaneat: et ejus vos misericordia perenniter regat. R\. Amen. Per misericordiam ipsius Dei nostri qui est benedictus et vivit et omnia regit in secula seculorum. R\. Amen. Dominus sit semper vobiscum. R\. Et cum.

Hic dicat Chorus. Gustate et videte. Post communio alia oratio. Require retro in Dominico quinto Epiphanie. fol. 77.

IN SEPTIMO DOMINICO POST OCTAVAS EPIPHANIE DOMINI. (0273C)Ad Missam officium et oratio ut in primo Dominico. LXIIII.

Lectio libri Hieremie prophete ( Cap. VII).

R\. Deo gratias.

Verbum quod factum est ad Hieremiam a Domino dicens: Sta in porta domus Domini et predica ibi verbum istud: et dic. Audite verbum Domini domus Juda: qui ingredimini per portas has: ut adoretis Dominum. Hoc dicit Dominus exercituum: domus Israel: bonas facite vias vestras et studia vestra: et habitabo vobiscum in loco isto. Nolite confidere in verbis mendacii dicentes. Templum Domini templum Domini: templum Domini est. Quoniam si benedixeritis vias vestras et studia vestra. Si feceritis judicium inter virum et proximum ejus; advene et pupillo et vidue non feceritis calumniam: nec sanguinem (0273D)innocentem effuderitis in loco hoc et post Deos alienos non ambulaveritis in malum vobismetipsis: habitabo vobiscum in loco isto a seculo et usque in seculum. R\. Amen.

Dicat Presb. Dominus sit semper vobiscum. R\. Et.

(0274A)Psallendo. Deus virtutum convertere nunc respice de celo et vide et visita vineam istam. V\. Extendisti palmites ejus usque ad mare et usque ad flumen propagines ejus. Quare Domine destruxisti maceriam vinee tue: et vindemiant eam omnes transeuntes viam: devastavit eam aper de silva et singularis ferus depastus est eam. P. Respice.

Dicat Presb. Silentium facite.

Sequentia epistole Pauli ad Chorinthios ( I, cap. II, III).

R\. Deo gratias.

Fratres. Nobis revelavit Deus per Spiritum suum sanctum. Spiritus enim omnia scrutatur etiam profunda Dei. Quis enim scit hominum que sunt hominis: nisi spiritus hominis: qui in ipso est. Ita et qui Dei sunt: nemo cognovit nisi spiritum Dei. Nos autem (0274B)spiritum mundi non accepimus: sed spiritum qui ex Deo est: ut sciamus que a Deo donata sunt nobis: que et loquimur. Non in doctis humane sapientie verbis: sed in doctrina spiritus spiritalibus spiritalia comparantes. Animalis autem homo non percipit ea que sunt Spiritus Dei. Stulticia est enim illi: et non potest intelligere. Quia spiritualiter examinatur. Spiritualis autem judicat omnia: et ipse a nemine judicatur. Quis enim cognovit sensum Domini: aut quis instruat eum. Nos autem sensum Christi habemus. Et ego fratres non potui vobis loqui quasi spiritualibus: sed quasi carnalibus: tanquam parvulis in Christo lac vobis potum dedi: non escam. Nondum enim poteratis: sed nec nunc quidem potestis: adhuc enim estis carnales. Cum enim sit inter vos zelus et contentio: (0274C)nonne carnales estis: et secundum hominem ambulatis: cum enim quis dicit: ego quidem sum Pauli: alius autem: ego Apollo: nonne homines estis? Quid igitur est Apollo? quid vero Paulus? Ministri ejus cui credidistis: et unicuique sicut Dominus dedit. Ego plantavi: Apollo rigavit: et Dominus incrementum dedit.

R\. Amen.

Lectio sancti evangelii secundum Lucam ( Cap. XV).

In diebus illis. Dominus noster Jesus Christus loquebatur discipulis suis in parabolis dicens. Homo quidam habuit duos filios: et dixit adolescentior ex illis patri. Pater da mihi portionem substantie que mihi contingit. Et divisit illi substantiam suam. Et non post multos dies congregatis omnibus: adolescentior filius (0274D)peregre profectus est in regionem longinquam: et ibi dissipavit substantiam suam vivendo luxuriose. Et postquam omnia consummasset facta est fames valida in regione illa: et ipse cepit egere. Et abiit et adhesit uni civium regionis illius: et misit illum in villam (0275A)suam ut pasceret porcos. Et cupiebat implere ventrem de siliquis quas porci manducabant: et nemo 81 illi dabat. In se autem reversus dixit. Quanti mercenarii patris mei abundant panibus: ego autem fame pereo? Surgam et ibo ad patrem meum et dicam illi. Pater peccavi in celum: et coram te. Jam non sum dignus vocari filius tuus: fac me sicut unum de mercenariis tuis. Et surgens venit ad patrem suum. Cum autem adhuc longe esset: vidit illum pater ipsius: et misericordia motus est. Et adcurrens cecidit supra collum ejus: et osculatus est illum. Dixitque ei filius. Pater peccavi in celum: et coram te: jam non sum dignus vocari filius tuus. Dixit autem pater ad servos ejus. Cito proferte stolam primam et induite illum: et date annulum in (0275B)manu ejus et calciamenta in pedibus ejus: et occidite vitulum saginatum et manducemus et epulemur: quia hic filius meus mortuus fuerat: et revixit: perierat et inventus est. Et ceperunt epulari. Erat autem filius ejus senior in agro. Et cum veniret et appropinquaret domui audivit simphoniam et chorum: et vocavit unum de servis: et interrogavit quid hec essent. Et dixit illi. Frater tuus venit: et occidit pater tuus vitulum saginatum: quia salvum illum recepit. Indignatus est autem: et nolebat introire. Pater illius egressus cepit rogare illum. At ille respondens dixit patri suo. Ecce tot annis servio tibi: et nunquam mandatum tuum preterivi: et nunquam dedisti mihi edum: ut cum amicis meis epularer. Sed postquam filius tuus hic qui devoravit (0275C)substantiam suam cum meretricibus venit: occidisti illi vitulum saginatum. At ipse dixit illi. Fili tu mecum semper es: et omnia mea tua sunt. Epulari autem et gaudere te oportebat: quia hic frater tuus mortuus fuerat et revixit: perierat et inventus est. R\. Amen.

Dicat Presb. Dominus sit semper vobiscum. R\. Et cum.

Lauda. Alleluja. V\. Dextera Domini fecit virtutem: dextera Dei exaltavit me. P. Alleluja.

Sacrificium. Accepit librum Moyses coram altare Domini: et recitavit in aures populi dicens: hic est sanguis testamenti. In omnibus preceptis que constituit vobis Dominus alleluja. V\. Convocavit Moyses omnem synagogam filiorum Israel: et dixit (0275D)ad eos: hec sunt verba que precepit mihi Dominus: ut faciatis ea: et sumite vobis ipsis decimationem Domino: et omnis qui suscipit: ex toto corde offerat (0276A)munera: et si quis in vobis sapiens est et rectus corde: veniens operetur. P. In omnibus.

Missa. Deum qui est eternitas angelorum: pax beatorum: et vita fidelium fratres charissimi attente rogemus. Ut quia ipso inspirante percepimus: ut hunc veraciter invocemus: ipso favente impetrare possimus: quod ab illo fideliter postulamus. R\. Amen.

Alia Oratio. Deus une et immense tam misericorditer lapsorum defectum reparas; quam potenter eorum que non erant statum edificas. Da Ecclesie tue Catholice fidei plenitudinem: quam illi dedisti perfecte tenere: et his qui per lapsum operis in illa succumbunt: ex miseratione reparationem adesse. Quo et eternitatem per fidem acquirant: et glorie dignitatem per opus obtineant. R\. Amen.

(0276B)Post nomina. Oratio. Eternum te Deum et indeficiens bonum acclives servi tui humiliter obsecramus. Ut qui et beatitudinem fidelibus: et remissionem delinquentibus non nisi intra sanctam ecclesiam conferri posse sanxisti: des et viventibus in ea sine lapsu consistere: et defunctis per ejus supplicationem a debitis suppliciis liberari. Ut et viventium te lingua simul et vita glorificet: et defunctorum quies eterna exultatione concelebret. Amen.

Ad pacem. Oratio. Pax indiscissa et premium perpetue pacis eterne Deus: qui et pacem angelis eterno federe conlocasti: et ad hujus participium pervenire aditum etiam hominibus prebuisti: da nobis servis tuis et pacem temporis sequi: et pacem (0276C)eternitatis habere. Ut dum in pacis voto transeunt tempora: in pacis regno conquiratur possessio sempiterna. R\. Amen.

Inlatio. Dignum et justum est magnarum virtutum terribilis Deus: et copiosarum 82 miserationum ineffabilis Domine te benedicere: te glorificare: et vocibus quibus possumus perenni devotione laudare. Qui Ecclesiam tuam sanctam Catholicam tanto tibi redemptionis ejus mysteriorum celebritate junxisti: quanto et illam tibi conjungendam eternitatis consilio diffinisti. Que quoniam nescit aliene perfidie contagio sauciari: merito tibi inherens: teque diligens atque sequens: in suis pressuris te invocat: teque rogat in hujus sacrificii singularis sacramento: per Sancti Spiritus acceptum pignus: veram fiduciam (0276D)tenens: ut ab eis sinceritatis statu omnem contradictionem omnesque contradicentes avertas. Tollas questiones heresum: dissipes impugnationes (0277A)temptationum. Abjicias erectiones insultantium: obstruas ora adversus veritatem ejus falsa loquentium: et comminuas prorsus omne quod in contradictionis: vel conturbationis ejus acie aut venenosum serpit: aut falsum insurgit: aut heretum substat: aut exortum turbat: aut quodlibet recte fidei et sancte operationis dignitatem impugnat. Non lingua verbis elata; non manus gladiis plena: non temptatio crebra vel valida. Non potestas quelibet quocumque ictu nocendi pavenda insurgat: vel noceat: aut improbe convalescat. Sed elisis ac destructis adversantibus cunctis: tanto tibi in hac vita tranquilla serviat libertate: quanto tibi veritatis preconio cum universitate militie celestis: hunc laudis hymnum concinit: et proclamat: ita fideliter (0277B)dicens. R\. Sanctus. Sanctus. Sanctus.

Post Sanctus. Vere sanctus vere gloriosus: vere multe pietatis Dominus Unigenitus Jesus Christus filius Dei vivi. Qui cum Patre manens eternitatis tue prospectu diffinieras unam tibi de gentibus congregandam ecclesiam copulare: Cujus copulationis mysterium in hoc Sacramentum corporis et sanguinis tui vera exhibitione complesti: ad inherendum tibi emundans illam aqua baptismatis: exhilarans oleo unctionis: satians pane corporis: et letificans vino effusi cruoris. Ipse redemptor ejus: ipse pro ea factus precium emptionis. Non dans pro ea quamlibet preciosam rem: que tamen esset: que emenda erat: nec vetustatis putredine: et vilitatis sorde poterat quandoque fatiscere: sed vere te ipsum dans: et eternum (0277C)atque immortalem ad mortem humilians emisisti illam ita erudiens eam a ditione mortis: ut conformares eam immortalitatis tue gloriam et beatitudinem sempiternam. Unde et hec talium benificiorum indesinenter memor existens: cum fide et gratulatione sincera tue institutionis et sue redemptionis verba commemorat Christus Dominus ac redemptor eternus.

Post pridie. Oratio. Deferentes altaribus tuis Domine oblationum vota non merita: precamur multarum misericordiarum tuarum gloriam tuam; et illa que se omnibus offert: si sit qui eam mereatur accipere pietatis tue omnipotentissimam bonitatem. Ut sit rationabile obsequium vestrum: et fiat hec oblatio in remissionem peccatorum: per viscera (0277D)misericordie charitatis divine: faciasque hanc hostiam vivam placentem tibi sanctam ac benedictam. Referatur in sacrificio justitie: ex quo in excelsis suavitatis odor ascendat: et holocaustum igne fidei ardens per membra populi dividendum: quod (0278A)omnium sanctorum nobis patrocinia acquirat: et per eorum fortissimas preces firmamenta auxilii celestis obtineat. R\. Amen.

Ad orationem Dominicam.

Sit jugis ad Deum fratres charissimi nostre humilitatis intentio: et pro quotidianis peccatis indefessa precatio. Ut corde creduli: et devotione strenui fideliter clamemus e terris. Pater noster.

Dicat Presb. Humiliate vos benedictioni. Dominus sit semper vobiscum. R\. Et cum.

Benedictio. Largitor gratiarum Dominus Jesus Christus benedictionis sue nobis remedia largiatur. R\. Amen. Abstergat propitius mala omnia que gessitis; et tribuat veniam quam ab eo deposcitis. R\. Amen. Ejusque concedente clementia: et indulgentiam (0278B)criminum: et celestis glorie mereamini percipere regnum. R\. Amen. Per misericordiam ipsius Dei nostri qui est benedictus et vivit et omnia regit 83 in secula seculorum. R\. Amen. Dominus sit semper vobiscum. R\. Et cum. Dicat Chorus. Gustate.

Post communio. Passionis Dominice calicem delibantes: et sacrosancti corporis suavitatem gustantes: gratias et laudem ei referamus: in domo ejus leti et hilares ambulantes. R\. Amen. Per misericordiam tuam Deus noster qui es benedictus et vivis et omnia regis in secula seculorum. R\. Amen. Dominus sit semper vobiscum. R\. Et cum. In nomine Domini nostri Jesu Christi perficiamus cum pace. R\. Deo gratias.

IN OCTAVO DOMINICO POST EPIPHANIE DOMINI. (0278C) Ad Missam officium et oratio ut in primo Dominico. fo. 64.

Lectio libri Hieremie prophete ( Cap. XVII, XIV).

R\. Deo gratias.

Hec dicit Dominus. Benedictus vir qui confidit in Domino: et erit Dominus fiducia ejus. Et erit quasi lignum quod transplantatur super aquas: quod ad humorem mittit radices suas: et non timebit cum venerit estus. Et erit folium ejus viride: et in tempore siccitatis non erit sollicitum: nec aliquando desinet facere fructum. Maledictus homo qui confidit in homine: et ponet carnem brachium suum: ut a Domino recedat cor ejus. Erit enim quasi mirice in deserto: (0278D)et non videbit cum venerit bonum. Sed habitabit in deserto et in terra salsuginis et inhabitabili. Pravum est cor hominis et inscrutabile: quis cognoscet illud? Ego Dominus scrutans cor: et probans renes: qui do unicuique juxta viam suam: et juxta (0279A)fructum adinventionum suarum. Perdix fovit que non peperit: fecit divitias et non in judicio. In dimidio dierum suorum derelinquet eas: et in novissimo suo erit insipiens. Solium glorie altitudinis a principio locus sanctificationis nostre. Expectatio Israel. Domine omnes qui te derelinquunt: confundentur. Recedentes a te in terra scribentur: quoniam dereliquerunt venam aquarum viventium Dominum. Propheta quoque et Sacerdos abierunt in terram: quam ignorabant. Numquid projiciens abjecisti Judam: aut Syon abhominata est anima tua? Quare ergo percussisti nos: ita ut nulla sit sanitas. Expectavimus pacem et non est bonum: et tempus curationis: et ecce turbatio. Cognoscimus Domine iniquitates nostras: impietatem patrum nostrorum qua peccavimus (0279B)tibi. Ne nos des in opprobrium propter nomen tuum: neque facias nobis contumeliam. Solium glorie tue recordare: ne irritum facias fedus tuum nobiscum. Tu autem in nobis es Domine et nomen tuum invocatum est super nos; ne derelinquas. R\. Amen.

Dicat Presb. Dominus sit semper vobiscum. R\. Et cum.

Psallendo. Deus judex justus fortis et patiens: non iram inferens per singulos dies. V\. Confitebor Domino secundum justitiam ejus psallam nomini Domini altissimi. P. Per sin.

Dicat Presb. Silentium facite.

(0279C)Sequentia epistole Pauli apostoli ad Corinthios ( Cap. XII, XIII).

R\. Deo gratias.

Fratres. Vos estis corpus Christi et membra de membro: et quosdam quidem posuit Deus in Ecclesia. Primum Apostolos. Secundo Prophetas. Tertio Doctores. Deinde Virtutes. Exinde gratias curationum. Opitulationes. Gubernationes. Genera linguarum. Numquid omnes Apostoli? Numquid omnes Prophete? Numquid omnes Doctores? Numquid omnes virtutes? Numquid omnes gratiam habent curationum? Numquid omnes linguis loquentur? Numquid omnes interpretantur? Emulamini autem charismata meliora: et adhuc excellentiorem viam vobis demonstrabo. Si linguis hominum loquar et angelorum charitatem autem non habeam: factus sum velut (0279D)es sonans: aut cimbalum tinniens. Et si habuero prophetiam: et noverim mysteria omnia et omnem scientiam: et habuero omnem fidem ita ut montes transferam: charitatem autem non habuero nihil sum. Et si distribuero in cibos pauperum omnes facultates meas: et si tradidero corpus meum ita ut ardeam: charitatem autem non habeam: nihil mihi prodest. Charitas patiens est: benigna est. Charitas non emulatur: non agit perperam. Non inflatur: non est ambiciosa: non querit que sua sunt: non (0280A)irritatur: non cogitat malum. Non gaudet super iniquitate: congaudet autem veritati: omnia suffert: omnia credit: omnia sperat: omnia sustinet. Charitas nunquam 84 excidit: que est in Christo Jesu Domino nostro. R\. Amen.

Lectio sancti evangelii secundum Lucam ( Cap. XVI).

Illo in tempore Dominus noster Jesus Christus loquebatur discipulis suis dicens. Homo quidam erat dives qui habebat villicum: et hic diffamatus est apud illum: quia dissipasset bona ipsius. Et vocavit illum: et ait illi. Quid hoc audio de te? Redde rationem villicationis: jam enim non poteris villicare. Ait autem villicus intra se: quid faciam: quia Dominus meus auferet a me villicationem. Fodere non valeo: mendicare erubesco. Scio quid faciam: (0280B)ut cum amotus fuero a villicatione: recipiant me in domos suas. Convocatis itaque singulis debitoribus Domini sui: dicebat primo. Quantum debes Domino meo? At ille dixit. Centum cados olei. Dixitque illi. Accipe cautionem tuam: et scribe quinquaginta. Deinde alii dixit. Tu vero quantum debes? Qui ait: Centum coros tritici. Ait illi. Accipe litteras tuas: et scribe octoginta. Et laudavit Dominus villicum iniquitatis: quia prudenter fecisset: quia filii hujus seculi prudentiores filiis lucis in generatione sua sunt. Ego dico vobis facite vobis amicos de mammona iniquitatis: ut cum defeceritis: recipiant vos in eterna tabernacula. Qui fidelis est in minimo: et in majori fidelis est. Et qui in modico iniquus est: et in majori iniquus est. Si ergo in iniquo mammona (0280C)fideles non fuistis: quod vestrum est: quis credet vobis? Etsi in alieno fideles non fuistis: et quod vestrum est: quis dabit vobis? Nemo potest duobus dominis servire. Aut enim unum odio habet: et alterum diliget: aut unum adherebit et alterum contemnet. Non potestis Deo servire et mammone. Audiebant autem omnia hec Pharisei: qui erant avari et deridebant illum. Et ait illis. Vos estis qui justificatis vos coram hominibus. Deus autem novit corda vestra: quia quod hominibus altum est: abhominatio est ante Deum. Qui habet aurem audiendi audiat. R\. Amen.

Dicat Presb. Dominus sit semper vobiscum. R\. Et cum.

(0280D)Lauda. Alleluja. V\. Lauda Hierusalem Dominum: conlauda Deum tuum Syon. P. Alleluja.

Sacrificium. Sacerdotes Domini et levite: et omnis Israel qui convenerant ad Dominum: ambulabant ante arcam: et immolabant victimas Domino alleluja: alleluja: alleluja. V\. Venerunt omnes seniores ex Israel: et tulerunt arcam Domini et portaverunt in tabernaculum testimonii: et omnia vasa sanctuarii que erant in tabernaculum. P. Et immolabant vi.

(0281A)Missa. Custodientes ordinem rei fratres charissimi prius ad Deum pro peccatis nostris preces fundamus. Quid compunctio cogitationum habeat: quid vanitas secularis extorqueat confitentes. Quo saltim hic diaboli vincatur astucia: ubi omnipotentis est Dei exoranda clementia. R\. Amen.

Alia oratio. Deus qui vastatoris antiqui perfidiam virtute filii tui: et Spiritus Sancti dona distribuendo vicisti: et dedisti nobis de captivitate victoriam: concede quesumus: ut qui nos impetere moliuntur: tue potentie dextera refrenentur. R\. Amen.

Post nomina. Oratio. Offerentium Deus pater quesumus vota suscipito: quo viventium oblatione suscepta: defunctis fidelibus requies impetretur eterna.--R\. Amen.

(0281B)Ad pacem. Oratio. Effice nos Domine filios pacis: quos fecisti filios tue adoptionis. Ut pacifici viventes in terra: ad promissa pervenire mereamur celestia.--R\. Amen.

Inlatio. Dignum et justum est: equum et salutare est: nos tibi semper laudes et gratias agere Domine sancte pater eterne omnipotens Deus. Una divinitas. Trina majestas. Natura inseparabilis: persona individua. Deus unus: et non solus: unitas triplex: trinitas simplex: sapientia multiplex. Inconfusa conjunctio: et indivisa distinctio. Quem unum substantialiter confitemur: et trinum personaliter nunciamus: Patrem et Filium et Spiritum Sanctum. Qui in uno trinus appares: et in trino unus agnosceris. (0281C)Quem conlaudant Angeli et Archangeli una voce ita dicentes.--R\. Sanctus. Sanctus. Sanctus.

Post Sanctus. Osanna in excelsis benedictus qui venit in nomine Domini: Deus Dominus 85 et inluxit nobis: Deus Dominus ac redemptor eternus.

Post pridie. Sanctifica Domine ministerium: exilara ministrantem: inlustra templum: orna altarium: ordina populum: cura morbum: dona remedium: proba votum. Ut omnes de diabolica astucia liberati: non insidiantem timeant sed curantem. R\. Amen.

Ad orationem Dominicam.

Preceptorum suorum: quesumus quod Christus suis commendavit discipulis: nos quoque fratres cum gemitu cordis proclamemus e terris. Pater noster.

Dicat Presb. Humiliate vos benedictioni. Dominus (0281D)sit semper vobiscum. R\. Et cum.

Benedictio. Deus conditor vester innovet in vobis dignitatis originem quam creavit. R\. Amen. Idem (0282A)redemptor conservet operationem gratie: quam redemit. R\. Amen. Ipse omnium judex pro nullo vos reatus examinatione futura condemnet. R\. Amen. Per misericordiam ipsius Dei nostri qui est benedictus et vivit et omnia regit in secula seculorum. R\. Amen. Dominus sit semper vobiscum. R\. Et cum.

Hic dicat Chorus. Gustate et videte.

Post communio. Oratio. Require retro in septimo Dominico. fol. 81.

IN DOMINICO ANTE DIEM CINERIS. Ad Missam. Officium.

Dominus regnavit decorem induit alleluja: alleluja. V\. Induit Dominus fortitudinem et praecinxit se. P. Alleluja: alleluja. V\. Gloria et honor Patri (0282B)et Filio et Spiritui Sancto in secula seculorum. Amen. P. Alleluja.

Dicat Presb. Per omnia semper secula seculorum. R\. Amen.

Oratio. Te excelsa laus in altissimis decet: tibi e terris gloriam ecclesia canit: atque hujus caterve concentu ad astra hymnum emittit. Rogamus omnipotens Deus: ut sicut tuas solemniter porrigimus laudes: ita precum nostrarum jubeas efficaciter suscipere voces. R\. Amen. Per misericordiam tuam Deus noster qui es benedictus et vivis et omnia regis in secula seculorum. R\. Amen. Dominus sit semper vobiscum. R\. Et cum.

Lectio libri Esaye prophete ( Cap. LV).

(0282C)R\. Deo gratias.

Hec dicit Dominus. Audite audientes me: et comedite bonum: et delectabitur in crassitudine anima vestra. Inclinate aurem vestram: et venite ad me: audite me et vivet anima vestra. Et feriam vobiscum pactum sempiternum: misericordias David fidelis. Ecce testem populis dedi eum: ducem ac preceptorem gentibus. Ecce gentem quam nesciebas: vocabis: et gentes que te non cognoverunt: ad te current propter Dominum Deum, tuum et sanctum Israel qui glorificavit te. Querite Dominum dum inveniri potest: invocate eum: dum prope est. Derelinquat impius vias suas: et vir iniquus cogitationes suas: et revertatur ad Dominum: et miserebitur ejus et ad Deum nostrum: quoniam multus est ad (0282D)ignoscendum. Non enim cogitationes mee: cogitationes vestre: neque vie vestre: vie mee: dicit Dominus. Quia sicut exaltantur celi a terra: sic (0283A)exaltate sunt vie mee a viis vestris: et cogitationes mee a cogitationibus vestris. Et quomodo descendit imber et nix de celo: et illuc ultra non revertetur: sed inebriat terram et infundit eam: et germinare eam facit: et dat semen serenti: et panem comedenti: sic erit verbum meum quod egredietur de ore meo. Non revertetur ad me vacuum: sed faciet: quodcumque volui: et prosperabitur in his ad que misi illud. Quia in leticia egrediemini: et in pace deducemini. Montes et colles cantabunt coram Deo laudem: et omnia ligna regionis plaudent manu. Pro saliunca ascendet abies: et pro urtica crescet myrthus. Et erit Dominus nominatus in signum eternum: quod non auferetur. R\. Amen. Dicat Presb. Dominus sit semper. R\. Et cum. Psallendo. Deus (0283B)virtutum convertere nunc. P. Respice de celo et vide et visita vineam istam. V\. Extendisti palmites ejus usque ad mare et usque ad flumen propagines ejus. Quare Domine detruxisti maceriam vinee tue: et vindemiant eam omnes transeuntes: devastabit eam aper de silva: et singularis ferus depastus est eam. P. Respice. Dicat Presb. Silentium facite.

Sequentia epistole Pauli apostoli ad Romanos ( Cap. I, II).

R\. Deo gratias.

Fratres. Revelabitur ira Dei de celo super omnem impietatem et injustitiam 86 hominum eorum qui veritatem in injusticia detinent. Quia quod notum est Dei: manifestum est in illis. Deus (0283C)enim illis manifestavit. Invisibilia enim ipsius a creatura mundi per ea que facta sunt intellecta, conspiciuntur. Sempiterna quoque ejus virtus ac divinitas: ut sint inexcusabiles. Quia cum cognovisset Deum: non sicut Deum: glorificaverunt: aut gratias egerunt: sed evanuerunt in cogitationibus suis: et obscuratum est insipiens cor eorum dicentes enim se esse sapientes: stulti facti sunt: et mutaverunt gloriam incorruptibilis Dei in similitudinem imaginis corruptibilis hominis: et volucrum: et quadrupedum: et serpentium. Propter quod tradidit illos Deus in desideria cordis corum in immundiciam: ut contumeliis afficiant corpora sua in semetipsis. Qui commutaverunt veritatem Dei in mendacium: et coluerunt et servierunt creature potius (0283D)quam creatori: qui est Deus benedictus in secula. Amen. Propter quod tradidit illos Deus in passiones ignominie. Nam femine eorum immutaverunt naturalem usum: in eum usum qui est contra naturam. Similiter autem et masculi relicto naturali usu feminarum: exarserunt in desideriis suis in invicem masculi in masculos turpitudinem operantes. Et mercedem quam oportuit erroris sui, in semetipsos recipientes. Et sicut non probaverunt Deum (0284A)habere noticiam: tradidit illos Deus in reprobum sensum: ut faciant que non conveniunt. Repletos omni iniquitate. Malicia. Fornicatione. Avaricia. Nequicia. Plenos invidia. Homicidiis. Contemptione. Dolo. Malignitate. Susurrones. Detractores. Deo odibiles. Contumeliosos. Superbos. Elatos. Sibi placentes. Inventores malorum. Parentibus non obedientes. Insipientes. Incompositores. Sine affectione: absque federe. Sine misericordia. Qui cum justitiam Dei cognovissent: non intellexerunt. Quoniam qui talia agunt: digni sunt morte: non solum qui ea faciunt. Sed et qui consentiunt facientibus. Propter quod inexcusabilis o homo es omnis qui judicas: in quo enim judicas alterum: te ipsum condemnas. Eadem enim agis: que judicas. Scimus enim quoniam (0284B)judicium Dei est secundum veritatem in eos qui talia agunt. Existimans autem hoc o homo qui judicas eos qui talia agunt: et facis ea quia tu effugies judicium Dei. An divitias bonitatis ejus: et patientie: et longanimitatis contemnis? Ignoras quoniam benignitas Dei ad penitentiam te adducit? Secundum duritiam autem et impenitens cor thesaurizas tibi iram in die ire: et revelationis justi judicii Dei: qui reddet unicuique secundum opera ejus. His quidem qui secundum patientiam: boni operis gloriam et honorem et incorruptionem querentibus vitam eternam. His autem qui ex contemptione sunt et qui non acquiescunt veritati: credunt autem iniquitati: ira et indignatio. Tribulatio et angustia in omnem animam (0284C)hominis operantis malum: Judei primum et Greci. Gloria autem et honor et pax omni operanti bonum Judeo primum et Greco. Non est enim personarum acceptio apud Deum. Quicumque enim sine lege peccaverunt: sine lege peribunt. Et quicumque in legem peccaverunt: per legem judicabuntur. Non enim auditores legis justi sunt apud Deum; sed factores legis justificabuntur. Cum enim gentes que legem non habent: naturaliter ea que legis sunt faciunt: hujusmodi legem non habentes: ipsi sunt lex: qui ostendunt opus legis scriptum in cordibus suis. Testimonium reddentes illis conscientia ipsorum: et inter se invicem cogitationum accusantium: aut etiam defendentium in die qua judicabit Deus occulta hominum: secundum evangelium meum (0284D)per Jesum Christum Dominum nostrum.

R\. Amen.

Lectio sancti evangelii secundum Lucam ( Cap. XVI).

Illo in tempore; Dominus noster Jesus Christus loquebatur discipulis suis dicens. Homo quidam erat dives: et induebatur purpura et bysso: et epulabatur quotidie splendide. Et erat quidam mendicus nomine Lazarus: qui jacebat ad januam ejus ulceribus plenus: et cupiens saturari de micis que cadebant (0285A)de mensa divitis. Sed et canes veniebant et lingebant ulcera ejus. Factum est autem ut moreretur mendicus et portaretur ab angelis in sinum Abrahe. Mortuus est et dives: et sepultus est in inferno. Elevans autem oculos suos: 87 cum esset in tormentis: vidit Abraam a longe et Lazarum in sinu ejus: et ipse clamans dixit. Pater Abraam miserere mei: et mitte Lazarum ut intingat extremum digiti sui in aqua: ut refrigeret linguam meam: quia crucior in hac flamma. Et dixit illi Abraam: Fili recordare quia recepisti bona in vita tua: et Lazarus similiter mala. Nunc autem hic consolatur: tu vero cruciaris. Et in his omnibus inter nos et vos chaos magnum firmatum est. Ut hi qui volunt hinc transire ad vos non possint: neque inde huc transmeare. Rogo ergo te pater ut mittas eum in domum patris mei. Habeo (0285B)enim quinque fratres: ut testetur illis ne et ipsi veniant in locum tormentorum. Et ait illi Abraam. Habent Moysen et prophetas: audiant illos. At ille dixit. Non pater Abraam: sed si quis ex mortuis ierit ad eos penitentiam agent. Ait autem illi. Si Moysen et prophetas non audiunt: neque siquis ex mortuis resurrexerit credent. Qui habet aurem audiendi audiat.

R\. Amen.

Dicat Presb. Dominus sit semper vobiscum.

R\. Et cum.

Lauda. Alleluja. V\. Respice Domine de celo: et vide visita vineam istam. P. Alleluja.

Sacrificium. Accepit librum Moyses. Require retro (0285C)in Dominico septimo post Epiphaniam Domini. folio 81.

Missa. Ecce jam in proximo sunt dies illi salutis: in quibus revoluto anni circulo: per salutaris abstinentie opus: remedia cupimus suscipere pravorum actuum nostrorum. Etenim sicut ait Apostolus: hoc est acceptabile tempus: et hi sunt dies salutis. In quibus spiritualis medela exquirenti adveniat anime: et mala dulcia: scrabra peccaminum evellantur a mente. Ut qui consuetudine noxia semper cogimur deorsum fluere: tandem divina nos erigente clementia conemur sursum surgere. Ut horum dierum votiva exibentes susceptione: et malorum nostrorum levemur a crimine: et beatitudinis electorum mereamur compotes esse. R\. Amen.

(0285D)Alia oratio. Quantum nos divina clementia fratres charissimi expectat ad penitentiam: in hoc debemus cognoscere: in quo dum nos prospicit prava sine termino agere scelerum nostrorum: in hujus vite spacio terminationem dignetur concedere. Cum in ipsa etiam anni spacia statuta decrevit tempora: in qua nos ad bonorum operum acta invitat. Ut caro que se ad sue combustionis incendia crapulationi (0286A)dedita: immoderata grassatur ruina: et indiscreto temulentia vicio non solum incenditur culpa: sed etiam fuscata memoria creatoris sui obliviscitur benevolentiam: a quo statim non recipit secundum culpam: verum dum in utroque vicio refrenata consistit: quid aliud agit nisi quod ab imis ad sursum ascendit. Qui dudum corporali gravedine onerata: tetro herebi profundo devenerat mancipanda. Sed dum abstinentie miseratio conjungitur elemosyne: tanquam pinnato more sive mens ipsa: sive oratio elevatur in ethera. Et cum tanta superna beneficia nostra nobis non ambiant desideria: saltim adornante nos gratia divina alacres debemus occurrere ad hec celestia medicamenta. Ut concesso nobis penitendi spacio: sic defleamus commissa: ne iterum admittamus deflenda: sed hoc seminemus in lachrimis: (0286B)quod metamus in gaudiis. R\. Amen.

Post nomina. Oratio. Recensita Domine tuorum fidelium nomina: quesumus ut liber vite eterne contineat. Ut qui misericorditer cuncta regis ac moderas: et vivis prestes feliciter vivere: et defunctis eruas a tenebrosa infernali caligine. R\. Amen.

Ad pacem. Oratio. Christe Dei filius qui per supplicium suscepte crucis pacificasti omnia que sunt in celis et in terris: quesumus ut nos pace illa locupletes: in qua electos tuos consistere facis. Ut pacato mentis receptaculo sic tibi in cordibus nostris dignum preparemus hospitium. Ut semper ad nos. 88 venias: et apud nos cum Patre mansionem facias. Et ita nos tibi peculiares efficias: ut semper (0286C)Spiritus Sancti gratiam in nos habitare concedas.

R\. Amen.

Inlatio. Dignum et justum est equum et salutare est: nos tibi gratias agere Domine Deus noster. A quo indigni digne protegimur: et protectionis munera cecato cordis oculo non pensamus: dum sepe proni in culpa labimur: et nihil justum agimus: ex quo surgamus. Cum ergo nos tua larga clementia et per digna Patriarcharum invitat exempla: et per prophetarum salubria docet oracula: et per rutilantia incarnationis Domini nostri Jesu Christi inlustrat miracula: adhuc etiam et Apostolorum ejus melliflua predicamenta nostra inserit corda. Ut eternam amantes vitam: desideria abjiciamus vana: et ea sequamur quam inluminati sine fine manere (0286D)scimus perpetua. Sic Enoch perniciosam pravorum execrans vitam: delectabilia paradisi obtinet arva. Sic Noe justiciam servans in opere: rector arce factus est in diluvii tempestate. Sic Habraam divino precepto obediens: dum domum reliquit et patriam: amicus Dei effectus beatitudinem obtinet infinitam. Sic Isaac castimonie dono prefulgens in semine suo hereditat omnes gentes. Sic Jacob humilitatis (0287A)et sufferentie gratia fretus: promissum dilatavit paternum. Sic Joseph prava suadenti objecta repellens: dum nepharium recusaret stuprum: principari meruit in Aegypto. Sic Moyses negando se esse filium Pharaonis: dum temporales respuit delectationes: magis eligens cum populo Dei habere afflictionem: extitit in miraculorum patratione. Dum et Egyptum decem quassit plagis: et virga equora divisit rubri maris. Producit limpha ex saxis: et quadraginta dierum vel noctium spacia continuando jejunii legem promulgat in populis. Sic Josue dum hostes conterit populi Dei: Solis cursum retinet in climate celi. Sic David dum misericors extat in gloria regni: regnare cum Christo in sempiternum promeruit. Sic Helias et ipse quadraginta (0287B)dierum vel noctium spacia jejunans: igneo curru evectus alacriter paradisum defertur. Sic Daniel Propheta dum abstinentie inservit legibus: profunda et secreta mysteria enarrat legibus. Sic etiam Salvator noster ac Dominus noster Jesus Christus: ut temptatoris destrueret figmenta: quadraginta dierum vel noctium jejunavit spacia. Sic tristiciam animi obtinuit passionis tempore. Sic etiam sacrum corpus sue divinitatis conexum flagellis: sputis: clavis: lanceis: jaculis prebuit vulnerandum. Et hic in illo accessu adversitatis: nostras diluit veternosas maculas pravitatis. Jam vero post hec: quid Apostolorum numerus doctrinis premisit virtutum: sedule sancta ecclesia prodet in publicum. Sed quis nos ob hanc gratiam tibi clementissime (0287C)Domine valeamus respondere: nisi ut cum toto cordis affectu majestatis tue imploremus respectum. Ut non nos abjicias velut immundos: qui nos agnoscimus nimis squaloribus esse pollutos: sed exhibe nos ut tuos ministros: qui sepe de immundis jubes efficere mundos. Ut alacres occurramus ad hos dies: quos pro nostra purificatione tu ipse instituisti colendos: et sic in eis jussa tuorum impleamus preceptorum: ut semper te conlaudemus admixti in choro Sanctorum proclamantes atque ita dicentes.

R\. Chorus. Sanctus. Sanctus. Sanctus.

Post sanctus. Vere sanctus vere benedictus es Domine Deus noster. Qui nos per penitentiam invitas ad veniam: ut purificatis concedas vitam eternam. (0287D)Christe Domine ac redemptor eterne.

(0288A)Post pridie. Oratio. Christe Domine cujus passionis mortis et resurrectionis ideo facimus commemorationem: quia per id nos agnoscimus recepisse redemptionem: qui in prothoplausti parentis improba consensione eramus condemnati in damnatione. Purifica nos ea miseratione: qua 89 dudum redemisti per sanguinis effusionem. Ut gratiam corporis et sanguinis tui suscepturi: careamus noxia: piaculi consueti suscipientes medelam salutis: quod est mysterium nostre redemptionis: in visceribus nostris. R\. Amen.

Ad orationem Dominicam.

Prope sunt ecce fratres charissimi dies illi salutis: in quibus nos convenit cum litatione jejunii: elemosynam et pietatem conferre indigenti. Ut caro adteratur (0288B)jejuniis: et misericordie opera exhibeantur afflictis. Ut dum in his operibus occupati manemus: liberis semper vocibus ad Deum exclamemus e terris. Pater noster.

Dicat Presb. Humiliate vos benedictioni. Dominus sit semper vobiscum. R\ Et cum spiritu tuo.

Benedictio. Divina nos gratia benedictione superna locupletet: qui vos prospicit proximos abstinentie dies amabiliter prestolare. R\. Amen. Ipse in cordibus vestris sibi beneplacitum preparet habitaculum: qui dies ipsos consecravit abstinentia ciborum. R\. Amen. Ut tollentes crucem vestram sequamini eum: qui sponte pro vobis suscepit mortis supplicium. R\. Amen. Per misericordiam ipsius Dei nostri qui est benedictus: et vivit et omnia regit in secula seculorum. (0288C)R\. Amen.

Dicat Presb. Dominus sit semper vobiscum. R\. Et cum. Hic dicat chorus. Gustate.

Post communio. Oratio. Refecti Christi corpore et sanguine pariter: quia sanctificati Deo Patri omnipotenti gratias referamus: ut nos in eadem refectione et sanctificationem habentes: hic et in futuro seculo gloriam percipiamus. R\. Amen. Per misericordiam tuam Deus noster qui es benedictus et vivis et omnia regis in secula seculorum. R\. Amen.

Dicat Presb. Dominus sit semper vobiscum. R\. Et cum. Missa acta est in nomine Domini nostri Jesu Christi perficiamus cum pace R\. Deo gratias.