Migne Patrologia Latina Tomus 126
Auctor incertus (Pandulphus Pisanus?)
Notitia
Notitia (Auctor incertus (Pandulphus Pisanus?)), J. P. Migne 126.0650A
Notitia
126.0647D| Joannes VIII, natione Romanus, ex patre Gundo, sedit annos decem, menses duos. Hic beatissimus pro utilitate omnium Ecclesiarum Dei, et praecipue pro Gallicanae Ecclesiae, Arelatem maritimali itinere deductus est; ubi Leo abbas in praesentia ejus veniens, contra Gisbertum [ Baluz., t. VII Miscell., Gilbertum, hic et infra ] Nemausensem episcopum 126.0648D| conquestus est. Monasterium enim sancti Petri in quo quiescit corpus beati Aegidii in finibus Gothiae in Valle Flaviana, quam vallem Flavius quondam rex beato Aegidio donaverat, et sanctus Aegidius exinde donationem integriter Romanae Ecclesiae et domno papae Benedicto fecerat, et ibi in veneratione apostolorum principum Petri et Pauli monasterium 126.0649A| aedificaverat, praefatus Gisbertus Nemausensis antistes praedictum monasterium quadam temeritate invadens, eidem Leoni abbati abstulerat. Deinde praeceptum ex rege Francorum exceperat, in quo nec firmitatem credens, Romanum pontificem adiit, super hoc auctoritatem furtim quasi de suis apostolicam exquisivit. Sed sanctae recordationis domnus Nicolaus papa, licet hujus fraudis esset ignarus, divino tamen Spiritu plenus, omnes de hoc legem quaerentes excusare sategit. Sed domnus Joannes papa cum munimentum chartarum ejusdem monasterii requireret, privilegium, quod Romae [ id., quod Romanus] venerabilis papa Benedictus sancto Aegidio corporaliter tradiderat, ei oblatum est. Tunc domnus papa Joannes per Deusdedit ducem Ravennatem, advocatum suum, contra Gisbertum Nemausensem episcopum, ipsum monasterium quaesivit. Tunc ambarum partium advocatis per fidejussorem legatis, exsecutionem [ id., exsecutore] duntaxat Gregorio scriniario, et Deusdedit agente, voluit idem 126.0649B| Gisbertus episcopus per praeceptum domni Nicolai piae memoriae ibi relectum, quod furtim quasi de suis ex apostolica sede fraudaverat, et per praeceptum quod ex quodam rege Francorum falsum exceperat, in quo nec ulla firmitas subsistebat, defendere. Sed domnus papa omnes episcopos et judices Romae, vel provinciales sub anathemate excommunicationis admonuit, de hoc rectam legem dicturos et facturos. Tunc Rostagnus Arelatensis archiepiscopus, et Aribertus Ebredunensis archiepiscopus, Waldbertus Portuensis episcopus, Paschalis Amerinus episcopus, Radbertus Valentiae episcopus, Litiduinus [ Baluz., Lituinus] Massiliensis episcopus, Ictarius Vivariensis 126.0650A| episcopus, et alii episcopi provinciae et judices, Joannes dux, et Dativus [ id., Daturus] Ravennae, Ardus, Adbertus, Guisalfredus, Arderardus, Godulfus [ id., Gondalfus], et alii nonnulli provinciales judices, ut praeceptum lectum audierunt, mox cognoverunt apostolicam domni Nicolai censuram, excusare de hoc legem quaerentes. Et dixerunt per illud praeceptum hoc monasterium non posse defendi, judicantes statim ut praefatum monasterium Gisbertus episcopus domno papae redderet, et poenam invasionis sibi componeret. Tunc ipsum advocatum Deusdedit ducem Ravennatem domnus papa illuc transmisit, qui super hoc corporalem traditionem de omnibus rebus praedicti monasterii tam intus, quam extra a praefato Gisberto episcopo recepit. Deinde in Galliam transitum faciens anno Incarnationis Dominicae 879, XV Kalendas Septembris, indictione XI, anno pontificatus sui in sanctissima [ id., sacratissima] sede beati Petri apostoli sexto, apud Trecas civitatem [ Id., sexto, mense Augusto, 126.0650B| Trecas civitatem], in praesentia domni Ludovici serenissimi regis concilium permaximum celebravit. Hujus etiam temporibus floruit Anastasius Romanae Ecclesiae bibliothecarius, qui, tam Graeco quam Latino eloquio pollens, septimam universalem synodum de Graeco in Latinum transtulit. Transtulit etiam de Graeco in Latinum Hierarchiam Dionysii Areopagitae Athenarum episcopi, scriptam ad Timotheum episcopum Ephesi, et direxit Carolo imperatori filio Ludovico. Transtulit etiam de Graeco in Latinum Passionem sancti Petri Alexandrini archiepiscopi, et Passionem sancti Acacii, sociorumque ejus, et Vitam sancti Joannis Eleemosynarii.