Migne Patrologia Latina Tomus 99
Octodecastichon (Dagulfus Sandionysianus), J. P. Migne
Carolo Magno Psalterium suum aureis litteris exaratum nuncupat.
(0825C)Aurea Davidicos en pingit littera cantus,
Ornare docuit tam bene tale melos.
Aurea verba sonant, promittunt aurea regna,
Mansurumque canunt et sine fine bonum.
Haec merito tabulis cultim decorantur eburnis,
Quas mire exsculpsit ingeniosa manus.
Illic Psalterii prima ostentatur origo,
Et rex doctiloquax ipse canere choro.
Utque decus rediit, sublatis sentibus, olim
(0826C)Quod fuerat studio pervigilante viri.
Aurea progenies fulvo lucidior auro,
Carle, jubar nostrum, plebis et altus amor.
Rex pie, dux sapiens, virtute insignis et armis,
Quem decet omne decens, quidquid in orbe placet.
Exigui famuli Dagulfi sume laborem
Dignanter docto mitis et ore lege.
Sic tua per multos decorentur sceptra triumphos,
Davidico et demum consociare choro.