Migne Patrologia Latina Tomus 101
Officia per ferias (Alcuinus), J. P. Migne
IN NOMINE DEI SUMMI INCIPIT SCRIPTUM ALBINI MAGISTRI AD CAROLUM IMPERATOREM. (0509A)
Beatus igitur David rex magnus et servus Dei altissimi nobis psallendi regulam dedit, qualiter per dinumeratas horas quaslibet homo ad Deum preces fundere debeat, ita dicens Septies in die laudem dicam tibi (Psal. CXVIII, 164). Hoc est prima hora, secunda, tertia, sexta, nona, vespertina et duodecima. Per has itaque septem horas David rex laudem dicebat Deo, sed et sanctus Daniel propheta tertia et sexta et nona hora diei ad deprecandum Dominum ascendens in solarium suum expansis manibus ad coelum deprecabatur Deum pro se et pro populo (0509B)Israel. Sed et idem rex David adhuc dixit: Et adjiciam super omnem laudem tuam (Psal. LXX, 14). Proinde rursus ait: Media nocte surgebam ad confitendum tibi (Psal. CXVIII, 62). Id est, nocturna hora. Et iterum ait: Memor fui in nocte nominis tui, Domine (Ibid., V. 55), quod est gallorum cantus. Sic memor fui tui super stratum meum, in matutinis meditabor in te (Psal. LXII, 7). Hi sunt per noctes tres officii cursus, et per diem septem: quibus aptis [ F., junctis] simul efficiuntur decem, quos nos secundum decem verba legis Moysi sectantes cantamus. Sed quia vos rogastis, ut scriberemus vobis breviarium commatico sermone, qualiter homo laicus qui adhuc in activa vita consistit, per dinumeratas horas has Deo supplicare debeat: et licet vos, (0509C)qui Christiano ordine vivitis, Christiana opera facere desideratis, non ignoratis qualiter Domino supplicetur: sed quia rogastis, dicemus breviter quod sentimus. Cum enim de lectulo stratus vestri surrexistis, dicendum vobis est: dic primum: Domine Jesu Christe, Fili Dei vivi, in nomine tuo levabo manus meas. Dicitur [ F., Deus] in adjutorium meum, tres [ ita ms. ] vicibus cum psalmo: Verba mea, usque: Mane astabo tibi. Deinde, Pater noster, et preces: Dignare, Domine, die isto: perfice gressus meos: Benedictus Dominus die quotidie: dirigere et sanctificare digneris: Fiat misericordia tua, Domine, super nos. Et surgens incipiat versum: Domine, labia mea aperies. Ipso expleto cum gloria incipiat Psalmum: Domine, quid multiplicati sunt. Deinde (0510A)sequitur. Miserere mei, Deus. Deinde: Venite, exsultemus Domino. Deinde psalmos quantos voluerit.
FERIA I.
( Deesse videtur aliquid. )
PSALMUS. (PSAL. CIV.) Confitemini Domino, et invocate nomen ejus: annuntiate inter gentes opera ejus. Cantate ei, et psallite ei: narrate omnia mirabilia ejus. Laudamini in nomine sancto ejus: laetetur cor quaerentium Dominum. Quaerite Dominum et confirmamini: quaerite faciem ejus semper. Mementote mirabilium ejus quae fecit: prodigia ejus, judicia oris (0510B)ejus. Semen Abraham, servi ejus; filii Jacob, electi ejus. Ipse Dominus Deus noster, in universa terra judicia ejus. Memor fuit in saeculum testamenti sui: verbi quod mandavit in mille generationes. Quod disposuit ad Abraham: et juramenti sui ad Isaac. Et statuit illud Jacob in praeceptum: et Israel in testamentum aeternum. Dicent: Tibi dabo terram 53 Chanaan: funiculum haereditatis vestrae. Cum essent numero brevi: paucissimi et incolae ejus. Et pertransierunt de gente in gentem: et de regno ad populum alterum. Non reliquit hominem nocere eis, et corripuit pro eis reges. Nolite tangere christos meos: et in prophetis meis nolite malignari. Et vocavit famem super terram: et omne firmamentum panis contrivit. Misit ante eos virum: in servum (0510C)venundatus est Joseph. Humiliaverunt in compedibus pedes ejus, ferrum pertransivit animam ejus: donec veniret verbum ejus. Eloquium Domini inflammavit eum, misit rex et solvit eum: princeps populorum, et dimisit eum. Constituit eum Dominum domus suae, et principem omnis possessionis suae. Ut erudiret principes ejus sicut semetipsum, et senes ejus prudentiam doceret. Et intravit Israel in Aegyptum: et Jacob accola fuit in terra Cham. Et auxit populum suum vehementer: et firmavit eum super inimicos ejus. Convertit cor eorum, ut odirent populum ejus: et dolum facerent in servos ejus. Misit Moysen servum suum: Aaron quem elegit ipsum. Posuit in eis verba signorum suorum et prodigiorum in terra Cham. Misit tenebras et obscuravit: et non exacerbavit (0511A)sermones suos. Convertit aquas eorum in sanguinem: et occidit pisces eorum. Edidit terra eorum ranas: in penetralibus regum ipsorum. Dixit, et venit cynomia, et sciniphes in omnibus finibus ipsorum. Posuit pluvias eorum grandinem: ignem comburentem in terra ipsorum. Et percussit vineas eorum et ficulneas eorum: et contrivit lignum finium eorum. Dixit, et venit locusta, et bruchus: cujus non erat numerus. Et comedit omne fenum in terra eorum: et comedit omnem fructum terrae eorum. Et percussit omne primogenitum in terra eorum: primitias omnis laboris eorum. Et eduxit eos cum argento et auro: et non erat in tribubus eorum infirmus. Laetata est Aegyptus in profectione eorum: quia incubuit timor eorum super eos. Expandit nubem in protectionem (0511B)eorum: et ignem ut luceret eis per noctem. Petierunt, et venit coturnix: et pane coeli saturavit eos. Disrupit petram, et fluxerunt aquae: abierunt in sicco flumina. Quoniam memor fuit verbi sancti sui, quod habuit ad Abraham puerum suum. Et eduxit populum suum in exsultatione: et electos suos in laetitia. Et dedit illis regiones gentium: et labores populorum possederunt. Ut custodiant justificationes ejus: et legem ejus requirant.
Ut supra. Domine, in coelo misericordia tua, et veritas tua usque ad nubes. Invocantes nomen tuum, Domine, exaudire digneris.
Oratio. Invocantes nomen tuum, Domine, deprecamur, ut qui patres nostros, virtute tui nominis praeeunte, angelicis pastibus refecisti, nos quoque (0511C)mysticis dapibus foveas ac reformes. Per.
PSALMUS.
(PSAL. CV.) Confitemini Domino quoniam bonus: quoniam in saeculum misericordia ejus. Quis loquetur potentias Domini; auditas faciet omnes laudes ejus? Beati qui custodiunt judicium: et faciunt justitiam in omni tempore. Memento nostri, Domine, in beneplacito populi tui: visita nos in salutari tuo. Ad videndum in bonitate electorum tuorum, ad laetandum in laetitia gentis tuae: ut lauderis cum haereditate tua. Peccavimus cum patribus nostris: injuste egimus, iniquitatem fecimus. Patres nostri in Aegypto non intellexerunt mirabilia tua: non fuerunt memores multitudinis misericordiae tuae. Et irritaverunt (0511D)ascendentes in mare: mare Rubrum. Et salvavit eos propter nomen suum: ut notam faceret potentiam suam. Et increpuit mare Rubrum, et exsiccatum est: et deduxit eos in abyssis sicut in deserto. Et salvavit eos de manu odientium: et redemit eos de manu inimici. Et operuit aqua tribulantes eos: unus ex eis non remansit. Et crediderunt verbis ejus: et laudaverunt laudem ejus. Cito fecerunt, obliti sunt operum ejus: et non sustinuerunt consilium ejus. Et concupierunt concupiscentiam in deserto: et tentaverunt Deum in inaquoso. Et dedit eis petitionem ipsorum: et misit saturitatem in animas eorum. Et irritaverunt 54 Moysen in castris: Aaron sanctum Domini. Aperta est terra, et deglutivit Dathan, et (0512A)operuit super congregationem Abiron. Et exarsit ignis in synagogam eorum: flamma combussit peccatores. Et fecerunt vitulum in Horeb: et adoraverunt sculptile. Et mutaverunt gloriam suam in similitudinem vituli comedentis fenum. Obliti sunt Deum, qui salvavit eos, qui fecit magnalia in Aegypto, mirabilia in terra Cham: terribilia in mari Rubro. Et dixit ut disperderet eos: si non Moyses electus ejus stetisset in confractione in conspectu ejus. Ut averteret iram ejus, ne disperderet eos: et pro nihilo habuerunt terram desiderabilem. Non crediderunt verbo ejus, et murmuraverunt in tabernaculis suis: non exaudierunt vocem Domini. Et elevavit manum suam super eos: ut prosterneret eos in deserto. Et ut dejiceret semen eorum in nationibus, et (0512B)disperderet eos in regionibus. Et initiati sunt Beelphegor: et comederunt sacrificia mortuorum. Et irritaverunt eum in adinventionibus suis: multiplicata est in eis ruina. Et stetit Phinees, et placavit: et cessavit quassatio. Et reputatum est ei in justitiam in generatione et generationem, usque in sempiternum. Et irritaverunt eum ad aquas contradictionis: et vexatus est Moyses propter eos, quia exacerbaverunt spiritum ejus. Et distinxit in labiis suis: non disperdiderunt gentes, quas dixit Dominus illis. Et commixti sunt inter gentes, et didicerunt opera eorum: et servierunt sculptilibus eorum: et factum est illis in scandalum. Et immolaverunt filios suos et filias suas daemoniis. Et effuderunt sanguinem innocentem: sanguinem filiorum suorum et filiarum suarum: quas (0512C)sacrificaverunt sculptilibus Chanaan. Et infecta est terra in sanguinibus, et contaminata est in operibus eorum: et fornicati sunt in adinventionibus suis. Et iratus est furore Dominus in populum suum: et abominatus est haereditatem suam. Et tradidit eos in manus gentium: et dominati sunt eorum, qui oderunt eos. Et tribulaverunt eos inimici eorum, et humiliati sunt sub manibus eorum, saepe liberavit eos. Ipsi autem exacerbaverunt eum in consilio suo: et humiliati sunt in iniquitatibus suis. Et vidit cum tribularentur: et audivit orationem eorum. Et memor fuit testamenti sui: et poenituit eum secundum multitudinem misericordiae suae. Et dedit eos in misericordias: in conspectu omnium qui coeperant eos. Salvos fac nos, Domine Deus noster, et congrega nos de (0512D)nationibus. Ut confiteamur nomini sancto tuo: et gloriemur in laude tua. Benedictus Dominus Deus Israel, a saeculo et usque in saeculum: et dicet omnis populus, Fiat, fiat.
Ut supra. Deus in sancto via tua, quis Deus magnus sicut Deus noster? tu es Deus qui facis mirabilia.
Oratio. Memento nostri, Domine, in beneplacito populi tui, et a peccati nos servitute discussos, Salutaris tui visitatione salvifica. Per Dominum.
PSALMUS.
(PSAL. CVI.) Confitemini Domino quoniam bonus: quoniam in saeculum misericordia ejus. Dicant qui (0513A)redempti sunt a Domino, quos redemit de manu inimici: et de regionibus congregavit eos. A solis ortu et occasu, ab aquilone et mari. Erraverunt in solitudine in inaquoso: vias civitatis habitaculi non invenerunt. Esurientes et sitientes: anima eorum in ipsis defecit. Et clamaverunt ad Dominum cum tribularentur: et de necessitatibus eorum eripuit eos. Et deduxit eos in viam rectam: ut irent in civitatem habitationis. Confiteantur Domino misericordiae ejus: et mirabilia ejus filiis hominum. Quia satiavit animam inanem: et animam esurientem satiavit bonis. Sedentes in tenebris et umbra mortis: vinctos in mendicitate et ferro. Quia exacerbaverunt eloquia Dei: et consilium Altissimi irritaverunt. Et humiliatum est in laboribus cor eorum; infirmati sunt, (0513B)nec fuit qui adjuvaret. Et clamaverunt ad Dominum cum tribularentur: et de necessitatibus eorum liberavit eos. Et eduxit eos in tenebris et umbra mortis: et vincula eorum disrupit. Confiteantur Domino misericordiae ejus: 55 et mirabilia ejus filiis hominum. Quia contrivit portas aereas: et vectes ferreos confregit. Suscepit eos de via iniquitatis eorum: propter injustitias enim suas humiliati sunt. Omnem escam abominata est anima eorum, et appropinquaverunt usque ad portas mortis. Et clamaverunt ad Dominum cum tribularentur: et de necessitatibus eorum liberavit eos. Misit verbum suum et sanavit eos: et eripuit eos de interitionibus eorum. Confiteantur Domino misericordiae ejus: et mirabilia ejus filiis hominum. Et sacrificent sacrificium laudis, (0513C)et annuntient opera ejus in exsultatione. Qui descendunt mare in navibus, facientes operationem in aquis multis. Ipsi viderunt opera Domini, et mirabilia ejus in profundo. Dixit, et stetit spiritus procellae: et exaltati sunt fluctus ejus. Ascendunt usque ad coelos, et descendunt usque ad abyssos: anima eorum in malis tabescebat. Turbati sunt et moti sunt sicut ebrius: et omnis sapientia eorum devorata est. Et clamaverunt ad Dominum cum tribularentur: et de necessitatibus eorum eduxit eos. Et statuit procellam ejus in auram: et siluerunt fluctus ejus. Et laetati sunt quia siluerunt: et deduxit eos in portum voluntatis eorum. Confiteantur Domino misericordiae ejus: et mirabilia ejus filiis hominum. Et exaltent eum in (0513D)Ecclesia plebis: et in cathedra seniorum laudent eum. Posuit flumina in desertum: et exitus aquarum in sitim. Terram fructiferam in salsuginem, a malitia inhabitantium in ea. Posuit desertum in stagna aquarum: et terram sine aqua in exitus aquarum. Et collocavit illic esurientes: et constituerunt civitatem habitationis. Et seminaverunt agros, et plantaverunt vineas: et fecerunt fructum nativitatis. Et benedixit eis, et multiplicati sunt nimis: et jumenta eorum non minoravit. Et pauci facti sunt: et vexati sunt a tribulatione malorum et dolore. Effusa est contentio super principes: et errare fecit eos in invio, et non in via. Et adjuvit pauperem de inopia: et posuit sicut oves familias. Videbunt recti, et laetabuntur: et omnis iniquitas oppilavit os suum. Quis (0514A)sapiens, et custodiet haec? et intelliget misericordias Domini.
Ut supra. Misericordias Domini in aeternum cantabo. In generatione et generationem annuntiabo veritatem tuam in ore meo.
Oratio. Confitemur, Domine, misericordias tuas, quas jugiter circa nostras exerces inopias: precantes, ut qui exaltatus in ecclesiis [ F., in excelsis] resides ad dexteram Patris in throno, nobis tantae miserationis et intelligere et custodire concedas arcanum. Per.
PSALMUS.
(PSAL. CX.) Confitebor tibi, Domine, in toto corde meo: in concilio justorum et congregatione. Magna opera Domini: exquisita in omnes voluntates ejus. (0514B)Confessio et magnificentia opus ejus: justitia ejus manet in saeculum saeculi. Memoriam fecit mirabilium suorum, misericors et miserator Dominus escam dedit timentibus se. Memor erit in saeculum testamenti sui, virtutem operum suorum annuntiabit populo suo. Ut det illis haereditatem gentium: opera manuum ejus, veritas et judicium. Fidelia omnia mandata ejus, confirmata in saeculum saeculi, facta in veritate et aequitate. Redemptionem misit populo suo, mandavit in aeternum testamentum suum. Sanctum et terribile nomen ejus: initium sapientiae, timor Domini. Intellectus bonus omnibus facientibus eum: laudatio ejus manet in saeculum saeculi.
Ut supra. Confitebor tibi, Domine, in toto corde (0514C)meo, narrabo omnia mirabilia tua.
Oratio. Sanctorum omnium gloriosa confessio, Deus, tribue nobis timorem nominis tui, quod esse initium sapientiae praedixisti, ut tuorum commissi conciliis misericordiae tuae dapibus saginemur. Per.
56 PSALMUS.
(PSAL. CXI.) Beatus vir qui timet Dominum: in mandatis ejus volet nimis. Potens in terra erit semen ejus: generatio rectorum benedicetur. Gloria et divitiae in domo ejus: et justitia ejus manet in saeculum saeculi. Exortum est in tenebris lumen rectis: misericors et miserator et justus. Jucundus homo qui miseretur et commodat, disponit sermones suos in judicio: quia in aeternum non commovebitur. In memoria aeterna erit justus: ab auditione mala (0514D)non timebit. Paratum cor ejus sperare in Domino: confirmatum est cor ejus, non commovebitur, donec despiciat inimicos ejus. Dispersit, dedit pauperibus, justitia ejus manet in saeculum saeculi: cornu ejus exaltabitur in gloria. Peccator videbit et irascetur, dentibus suis fremet et tabescet: desiderium peccatorum peribit.
Ut supra. Confitebuntur coeli mirabilia tua, Domine: etenim veritatem tuam in Ecclesia sanctorum.
Oratio. Lumen perpetuum rectorum cordium, Deus, concede nobis te diligere, tua gloria jucundari, et sic despicere hoc saeculum in praesenti, ut caveamus auditum asperum in futuro. Per.
PSALMUS.
(0515A) (PSAL. CXII.) Laudate, pueri, Dominum; laudate nomen Domini. Sit nomen Domini benedictum: ex hoc nunc et usque in saeculum. A solis ortu usque ad occasum: laudabile nomen Domini. Excelsus super omnes gentes Dominus: et super coelos gloria ejus. Quis sicut Dominus Deus noster, qui in altis habitat: et humilia respicit in coelo et in terra? Suscitans a terra inopem: et de stercore erigens pauperem. Ut collocet eum cum principibus: cum principibus populi sui. Qui habitare facit sterilem in domo: matrem filiorum laetantem.
Ut supra. Sit nomen ejus benedictum in saecula, ante solem permaneat nomen ejus. Et benedictum nomen majestatis ejus in aeternum, et replebitur (0515B)majestate ejus omnis terra: Fiat, fiat.
Oratio. Laudantes benedictum nomen tuum omnipotens Deus, rogamus ut nos in sinu matris Ecclesiae collocatos charitatis tuae facias stabilitate connecti. Per.
PSALMUS.
(PSAL. CXIII.) In exitu Israel de Aegypto, domus Jacob de populo barbaro. Facta est Judaea sanctificatio ejus, Israel potestas ejus. Mare vidit et fugit: Jordanis conversus est retrorsum. Montes exsultaverunt ut arietes: et colles sicut agni ovium. Quid est tibi mare quod fugisti? Et tu Jordanis quia conversus es retrorsum? Montes exsultastis sicut arietes: et colles sicut agni ovium. A facie Domini (0515C)mota est terra: a facie Dei Jacob. Qui convertit petram in stagna aquarum, et rupem in fontes aquarum. Non nobis, Domine, non nobis: sed nomini tuo da gloriam. Super misericordia tua et veritate tua: nequando dicant gentes, ubi est Deus eorum? Deus autem noster in coelo: omnia quaecunque voluit, fecit. Simulacra gentium argentum et aurum: opera manuum hominum. Os habent, et non loquentur: oculos habent, et non videbunt. Aures habent, et non audient: nares habent, et non odorabunt. Manus habent, et non palpabunt, pedes habent, et non ambulabunt: non clamabunt in gutture suo. Similes illis fiant, qui faciunt ea: et omnes qui confidunt in eis. Domus Israel speravit in Domino: adjutor eorum et protector eorum est. (0515D)Domus Aaron speravit in Domino: adjutor eorum et protector eorum est. Qui timent Dominum, speraverunt in Domino: adjutor eorum et protector eorum est. Dominus memor fuit nostri: et benedixit nobis. Benedixit domui Israel: benedixit domui Aaron. Benedixit omnibus qui timent Dominum: pusillis cum majoribus. 57 Adjiciat Dominus super vos: super vos et super filios vestros. Benedicti vos a Domino: qui fecit coelum et terram. Coelum coeli Domino: terram autem dedit filiis hominum. Non mortui laudabunt te, Domine: neque omnes qui descendunt in infernum. Sed nos, qui vivimus, benedicimus Domino: ex hoc nunc et usque in saeculum.
Ut supra. Adjutorium nostrum in nomine Domini, qui fecit coelum et terram.
(0516A)Oratio. Ineffabile nomen Trinitatis Deus, qui fluenta Jordanis aspectu tui luminis terruisti, praesta, ut quos ablutos sacro baptismate renovasti, nunquam patiaris a vetitis simulacrorum idolis maculari. Per.
PSALMUS.
(PSAL. CXIV.) Dilexi, quoniam exaudiet Dominus vocem orationis meae. Quia inclinavit aurem suam mihi: et in diebus meis invocabo. Circumdederunt me dolores mortis: et pericula inferni invenerunt me. Tribulationem et dolorem inveni: et nomen Domini invocavi. O Domine, libera animam meam: misericors Dominus et justus, et Deus noster miseretur. Custodiens parvulos Dominus: humiliatus sum, et liberavit me. Convertere, anima mea, in (0516B)requiem tuam: quia Dominus benefecit tibi. Quia eripuit animam meam de morte: oculos meos a lacrymis, pedes meos a lapsu. Placebo Domino in regione vivorum.
Ut supra. In me sunt, Deus, vota tua, quae reddam laudationes tibi. Quoniam eripuisti animam meam de morte, et pedes meos de lapsu: ut placeam coram Deo in lumine viventium.
Oratio. Ablutor peccaminum, Domine, qui animam te fideliter invocantem velociter consolaris; rogamus ut nos a periculis inferni erutos in regione vivorum, ablata peccati morte, restituas. Per.
PSALMUS.
(PSAL. CXV.) Credidi, propter quod locutus sum: (0516C)ego autem humiliatus sum nimis. Ego dixi in excessu meo: omnis homo mendax. Quid retribuam Domino pro omnibus quae retribuit mihi? Calicem salutaris accipiam: et nomen Domini invocabo. Vota mea Domino reddam coram omni populo ejus: pretiosa in conspectu Domini mors sanctorum ejus. O Domine, quia ego servus tuus: ego servus tuus et filius ancillae tuae. Dirupisti vincula mea, tibi sacrificabo hostiam laudis, et nomen Domini invocabo. Vota mea Domino reddam in conspectu omnis populi ejus: in atriis domus Domini in medio tui Hierusalem.
Ut supra. Laetamini in Domino, et confiteamini memoriae sanctificationis ejus.
Oratio. Talis sit, quaesumus Domine, vita supplicum, (0516D)sicut est in conspectu tuo mors pretiosa sanctorum; ut a vinculis peccati liberi mereamur futurae Hierusalem gaudiis praelibari. Per Dominum.
PSALMUS. (PSAL. CXVI.) Laudate Dominum, omnes gentes: laudate eum omnes populi. Quoniam confirmata est super nos misericordia ejus: et veritas Domini manet in aeternum.
Ut supra. Omnis terra adoret te, Deus, et psallat tibi: psalmum dicam nomini tuo.
Oratio. Omnipotentissime dominator, qui ab omnium gentium ore laudaris, precamur ut dilates veritatem tuam in mente nostra, et confirmes super nos misericordiam tuam. Per.
58 PSALMUS.
(0517A) (PSAL. CXVII.) Confitemini Domino quoniam bonus: quoniam in saeculum misericordia ejus. Dicat nunc Israel quoniam bonus: quoniam in saeculum misericordia ejus. Dicat nunc domus Aaron: quoniam in saeculum misericordia ejus. Dicant nunc, qui timent Dominum: quoniam in saeculum misericordia ejus. De tribulatione invocavi Dominum: et exaudivit me in latitudine Dominus. Dominus mihi adjutor: non timebo, quid faciat mihi homo. Dominus mihi adjutor: et ego despiciam inimicos meos. Bonum est confidere in Domino, quam confidere in homine. Bonum est sperare in Domino, quam sperare in principibus. Omnes gentes circuierunt me: (0517B)et in nomine Domini, quia ultus sum in eos. Circumdantes circumdederunt me: et in nomine Domini, quia ultus sum in eos. Circumdederunt me sicut apes, et exarserunt sicut ignis in spinis: et in nomine Domini, quia ultus sum in eos. Impulsus eversus sum, ut caderem: et Dominus suscepit me. Fortitudo mea et laus mea Dominus: et factus est mihi in salutem. Vox exsultationis et salutis in tabernaculis justorum. Dextera Domini fecit virtutem: dextera Domini exaltavit me: dextera Domini fecit virtutem. Non moriar, sed vivam: et narrabo opera Domini. Castigans castigavit me Dominus: et morti non tradidit me. Aperite mihi portas justitiae, ingressus in eas confitebor Domino: haec porta Domini, justi intrabunt in eam. Confitebor tibi, quoniam (0517C)exaudisti me: et factus es mihi in salutem. Lapidem quem reprobaverunt aedificantes: hic factus est caput anguli. A Domino factum est istud: et est mirabile in oculis nostris. Haec est dies, quam fecit Dominus: exsultemus et laetemur in ea. O Domine, salvum me fac, o Domine, bene prosperare: benedictus qui venit in nomine Domini. Benediximus vobis de domo Domini: Deus Dominus et illuxit nobis. Constituite diem solemnem in condensis: usque ad cornu altaris. Deus meus es tu, et confitebor tibi: Deus meus es tu, et exaltabo te. Confitebor tibi quoniam exaudisti me: et factus es mihi in salutem. Confitemini Domino, quoniam bonus: quoniam in saeculum misericordia ejus.
Ut supra. Domine, exaudi orationem meam, et clamor (0517D)meus ad te veniat.
Oratio. Consolatio tribulationum nostrarum, piissime Domine, qui justorum tabernacula laetitia et exsultatione perfundis, exalta Ecclesiam tuam virtute potentis dexterae, qua fiat porta justitiae; et ita se angulari stabilitate connectat, ut tua resurrectione clarificata fulgeat. Per.
PSALMUS.
(PSAL. CXXXIV.) Laudate nomen Domini: laudate servi Dominum. Qui statis in domo Domini: in atriis domus Dei nostri. Laudate Dominum, quia bonus Dominus: psallite nomini ejus, quoniam suave. Quoniam Jacob elegit sibi Dominus, Israel in possessionem sibi. Quia ego cognovi, quod magnus est (0518A)Dominus: et Deus noster prae omnibus diis. Omnia quaecunque voluit Dominus, fecit in coelo et in terra: in mari et in omnibus abyssis. Educens nubes ab extremo terrae: fulgura in pluviam fecit. Qui producit ventos de thesauris suis: qui percussit primogenita Aegypti ab homine usque ad pecus. Et misit signa et prodigia in medio tui, Aegypte: in Pharaonem et in omnes servos ejus. Qui percussit gentes multas, et occidit reges fortes. Seon regem Amorrhaeorum, et Og regem Basan, et omnia regna Chanaan. Et dedit terram eorum haereditatem: haereditatem Israel populo suo. Domine, nomen tuum in aeternum: Domine, memoriale tuum in generatione et generationem. Quia judicabit Dominus populum suum: et in servis tuis deprecabitur. Simulacra (0518B)gentium argentum et aurum: opera manuum hominum. Os habent, et non loquentur: oculos habent, et non videbunt. Aures habent, et non audient: neque enim est spiritus in ore ipsorum. Similes illis fiant, qui faciunt ea: et omnes, qui confidunt in eis. Domus Israel benedicite Domino: domus Aaron benedicite 59 Domino. Domus Levi benedicite Domino: qui timetis Dominum, benedicite Domino. Benedictus Dominus ex Sion, qui habitat in Hierusalem.
Ut supra. Benedictus Dominus Deus Israel a saeculo, et usque in saeculum, et dicet omnis populus: Fiat, fiat.
Oratio. Suavitas eximia Deus, quem omnis terra pro dulcedinis benignitate collaudat; rogamus ut, (0518C)ablato a nobis vanae superstitionis errore, tuis voluntatibus connectamur. Per.
PSALMUS.
(PSAL. CXXXV.) Confitemini Domino quoniam bonus: quoniam in aeternum misericordia ejus. Confitemini Deo deorum: quoniam in aeternum misericordia ejus. Confitemini Domino dominorum: quoniam in aeternum misericordia ejus. Qui facit mirabilia magna solus: quoniam in aeternum misericordia ejus. Qui fecit coelos in intellectu: quoniam in aeternum misericordia ejus. Qui firmavit terram super aquas: quoniam in aeternum misericordia ejus. Qui fecit luminaria magna: quoniam in aeternum misericordia ejus. Solem in potestatem diei: quoniam in (0518D)aeternum misericordia ejus. Lunam et stellas in potestatem noctis: quoniam in aeternum misericordia ejus. Qui percussit Aegyptum, cum primogenitis eorum: quoniam in aeternum misericordia ejus. Qui eduxit Israel in medio eorum: quoniam in aeternum misericordia ejus. In manu potenti et brachio excelso, quoniam in aeternum misericordia ejus. Qui divisit mare rubrum in divisiones: quoniam in aeternum misericordia ejus. Et eduxit Israel per medium ejus: quoniam in aeternum misericordia ejus. Et excussit Pharaonem et virtutem ejus in mari Rubro: quoniam in aeternum misericordia ejus. Qui traduxit populum suum per desertum: quoniam in saeculum misericordia ejus. Qui percussit reges magnos: quoniam in aeternum misericordia ejus. Et occidit reges (0519A)fortes: quoniam in aeternum misericordia ejus. Seon regem Amorrheorum: quoniam in aeternum misericordia ejus. Et Og regem Basan: quoniam in aeternum misericordia ejus. Et dedit terram eorum haereditatem: quoniam in aeternum misericordia ejus. Haereditatem Israel servo suo; quoniam in aeternum misericordia ejus. Qui in humilitate nostra memor fuit nostri: quoniam in aeternum misericordia ejus. Et redemit nos ab inimicis nostris: quoniam in aeternum misericordia ejus. Qui dat escam omni carni: quoniam in aeternum misericordia ejus. Confitemini Deo coeli: quoniam in aeternum misericordia ejus. Confitemini Domino dominorum: quoniam in aeternum misericordia ejus.
Ut supra. Domine refugium factus es nobis, a generatione (0519B)et generatione.
Oratio. Memor humilitatis nostrae, miserere nobis omnipotens Deus, et qui quondam patribus nostris terram adversariorum in haereditate donasti, nos a peccati macula liberatos in tua haereditate constitue. Per.
PSALMUS.
(PSAL. CXLV.) Lauda, anima mea, Dominum, laudabo Dominum in vita mea: psallam Deo meo, quandiu fuero. Nolite confidere in principibus: in filiis hominum, in quibus non est salus. Exibit spiritus ejus, et revertetur in terram suam, in illa die peribunt omnes cogitationes eorum. Beatus cujus Deus Jacob adjutor ejus, spes ejus in Domino Deo (0519C)ipsius: qui fecit coelum et terram, mare et omnia quae in eis sunt. Qui custodit veritatem in saeculum, facit judicium injuriam patientibus: dat escam esurientibus. Dominus solvit compeditos: Dominus illuminat caecos. Dominus erigit elisos: Dominus diligit justos. Dominus custodit advenas, pupillum et viduam suscipiet: et vias peccatorum disperdet. Regnabit Dominus in saecula, Deus tuus Sion, in generatione et generationem.
60 Ut supra. Exaltate Dominum nostrum, et adorate in monte sancto ejus, quoniam sanctus Dominus Deus noster.
Oratio. Gloriose omnipotens Deus, in quem beatorum animae totam spei confidentiam ponunt; concede nobis ut, adjutorio tuo illuminati, valeamus te jugiter (0519D)mente pura diligere. Per.
PSALMUS.
(PSAL. CXLVI.) Laudate Dominum quoniam bonus est psalmus: Deo nostro sit jucunda decoraque laudatio. Aedificans Hierusalem Dominus, dispersiones Israelis congregabit. Qui sanat contritos corde: et alligat contritiones eorum. Qui numerat multitudinem stellarum: et omnibus eis nomina vocat. Magnus Dominus noster, et magna virtus ejus: et sapientiae ejus non est numerus. Suscipiens mansuetos Dominus: humilians autem peccatores usque ad terram. Praecinite Domino in confessione: psallite Deo nostro in cithara. Qui operit coelum nubibus: et parat terrae pluviam. Qui producit in montibus fenum, (0520A)et herbam servituti hominum. Qui dat jumentis escam ipsorum: et pullis corvorum invocantibus eum. Non in fortitudine equi voluntatem habebit: nec in tibiis viri beneplacitum erit ei. Beneplacitum est Domino super timentes eum: et in eis qui sperant super misericordia ejus.
Ut supra. Fiat misericordia tua, Domine, super nos, quemadmodum speravimus in te.
Oratio. Aedificator coelestis Hierusalem Deus, qui multitudinem stellarum et concludis numero, et nominatim singulas vocas: sana, quaesumus, contritos corde, dispersos congrega, atque nos in innumerabili sapientia tua locupletare. Per.
PSALMUS.
(0520B)(PSAL. CXLVII.) Lauda Hierusalem Dominum: lauda Deum tuum, Sion. Quoniam confortavit seras portarum tuarum: benedixit filiis tuis in te. Qui posuit fines tuos pacem: et adipe frumenti satiat te. Qui emittit eloquium suum terrae: velociter currit sermo ejus. Qui dat nivem sicut lanam: nebulam sicut cinerem spargit. Mittit crystallum suum sicut buccellas: ante faciem frigoris ejus quis sustinebit? Emittet verbum suum, et liquefaciet ea: flabit spiritus ejus, et fluent aquae. Qui annuntiat verbum suum Jacob: justitias et judicia sua Israel. Non fecit taliter omni nationi: et judicia sua non manifestavit eis.
Ut supra. Confitebor Domino secundum justitiam ejus, et psallam nomini Domini Altissimi.
(0520C)Oratio. Conforta, Domine, portas Ecclesiae tuae, et pone terminis ejus pacem, eique adipem spiritalis tritici dignanter attribue. Per.
PSALMUS.
(PSAL. CXLVIII.) Laudate Dominum de coelis: laudate eum in excelsis. Laudate eum omnes angeli ejus: laudate eum omnes virtutes ejus. Laudate eum sol et luna: laudate eum omnes stellae et lumen. Laudate eum coeli coelorum: et aquae, quae super coelos sunt, laudent nomen Domini. Quia ipse dixit, et facta sunt: ipse mandavit et creata sunt. Statuit ea in aeternum et in saeculum saeculi: praeceptum posuit, et non praeteribit. Laudate Dominum de terra: dracones et omnes al yssi. Ignis, grando, nix, glacies, (0520D)spiritus procellarum: quae faciunt verbum ejus. Montes et omnes colles, ligna fructifera, et omnes cedri. Bestiae, et universa pecora, serpentes et volucres pennatae. Reges terrae et omnes populi, principes et omnes judices terrae. Juvenes et virgines, senes 61 cum junioribus laudent nomen Domini: quia exaltatum est nomen ejus solius. Confessio ejus super coelum et terram: et exaltavit cornu populi sui. Hymnus omnibus sanctis ejus: filiis Israel populo appropinquanti sibi.
Ut supra. Mirabilis Deus in sanctis suis, Deus Israel, ipse dabit virtutem, et fortitudinem plebi suae benedictus Deus.
Oratio. Excelsorum sedium supereminens et excelsa potestas Deus, concede famulis tuis, ut sicut (0521A)cuncta, quae cernimus, te jubente creata sunt: ita quae praecepisti, te custode serventur. Per.
PSALMUS.
(PSAL. CXLIX.) Cantate Domino canticum novum: laus ejus in Ecclesia sanctorum. Laetetur Israel in eo, qui fecit eum: et filiae Sion exultent in rege suo. Laudent nomen ejus in choro: in tympano et psalterio psallant ei. Quia beneplacitum est Domino in populo suo: et exaltavit mansuetos in salutem. Exultabunt sancti in gloria: laetabuntur in cubilibus suis. Exultationes Dei in gutture eorum: et gladii ancipites in manibus eorum. Ad faciendam vindictam in nationibus, increpationes in populis. Ad alligandos reges eorum in compedibus, et nobiles (0521B)eorum in manicis ferreis. Ut faciant in eis judicium conscriptum: gloria haec est omnibus sanctis ejus.
Ut supra. Bonum est confiteri Domino, et psallere nomini tuo, Altissime. Ad annuntiandum mane misericordiam tuam, et veritatem tuam per noctem.
Oratio. Auctor totius bonitatis Deus, qui omnem mansuetudinem te humiliter confitentem exaltas; praesta, ut sicut sanctos tuos exultare facis in gloria, ita praesentem Ecclesiam custodire digneris perpetuis temporibus ab hujus saeculi delectationibus impollutam. Per Dominum.
PSALMUS. (PSAL. CL.) Laudate Dominum in sanctis ejus: laudate eum in firmamento virtutis ejus. Laudate eum in virtutibus ejus: laudate eum secundum multitudinem (0521C)magnitudinis ejus. Laudate eum in sono tubae: laudate eum in psalterio et cithara. Laudate eum in tympano et choro: laudate eum in chordis et organo. Laudate eum in cymbalis benesonantibus, laudate eum in cymbalis jubilationis: omnis spiritus laudet Dominum.
Ut supra. Laudate nomen ejus, quoniam suavis est Dominus, in aeternum misericordia ejus, et usque in generationem et generationem veritas ejus.
Sic psalmum dicam nomini tuo in saeculum saeculi, ut reddam vota mea de die in diem.
Oratio. Harmoniae nostrae, Deus, suavissimum melos, qui nostri pectoris modulamina nunc flatibus, nunc fletibus praecipis exercere; praesta, ut dum illa spiritali affectu concinimus, perpetualibus choris inserti, (0521D)te cum omnibus sanctis collaudemus. Per.
HYMNUS TRIUM PUERORUM.
(DAN. III.) Benedicite omnia opera Domini Domino: laudate et superexaltate eum in saecula. Benedicite angeli Domini Domino: benedicite coeli Domino. Benedicite aquae omnes, quae super coelos sunt, Domino: benedicite omnes virtutes Domini Domino. Benedicite sol et luna Domino: benedicite stellae coeli Domino. Benedicite imber et ros Domino: benedicite omnis spiritus Dei Domino. Benedicite ignis et aestus Domino: benedicite frigus et aestus Domino. Benedicite rores et pruina Domino: benedicite gelu et frigus Domino. Benedicite glacies 62 et nives Domino: benedicite noctes et dies Domino. (0522A)Benedicite lux et tenebrae Domino: benedicite fulgura et nubes Domino. Benedicat terra Dominum: laudet et superexaltet eum in saecula. Benedicite montes et colles Domino: benedicite universa germinantia in terra Domino. Benedicite fontes Domino: benedicite maria et flumina Domino. Benedicite cetae et omnia, quae moventur in aquis, Domino: Benedicite omnes volucres coeli Domino. Benedicite omnes bestiae et pecora Domino: benedicite filii hominum Domino. Benedicat Israel Domino: laudet et superexaltet eum in saecula. Benedicite sacerdotes Domini Domino: benedicite servi Domini Domino. Benedicite spiritus et animae justorum Domino: benedicite sancti et humiles corde Domino. Benedicite Anania, Azaria, Misael Domino: (0522B)laudate et superexaltate eum in secula. Benedicamus Patrem et Filium, cum sancto Spiritu: laudemus et superexaltemus eum in saecula. Benedictus es, Domine, in firmamento coeli: laudabilis et gloriosus et superexaltatus in saecula.
Oratio. Deus, per quem fides ignem non sentit, et infidelitas sine igne exuritur; qui beatissimos tres pueros fide armatos, conjectos in camino ignis, laeto vultu omni ex parte illaesos hymnum tibi canere fecisti: obsecramus, ut pari dignatione, fide et devotione nos armare, et timoris tui vigore implere digneris, ut a camino vitiorum liberati hymnum dicere, et exaltare nomen tuum in perpetuum mereamur.
LITANIA.
Parce, Domine, parce populo tuo, quem redemisti, (0522C)Christe, sanguine tuo: ne in aeternum irascaris nobis.
Christe, audi nos.
Praesta mihi, Deus, ut te primum bene rogem.
Deinde ut me dignum facias exaudiri.
Deinde ut exaudias.
Sancta Maria, ora pro nobis.
Sancta Maria, intercede pro me peccatore.
Sancta Maria, adjuva me in die exitus mei ex hac praesenti vita.
Sancte Joannes, ora pro nobis.
Sancte Petre, ora pro nobis.
Sancte Paule, ora pro nobis.
Sancte Andrea, ora pro nobis.
Sancte Jacobe, ora pro nobis.
(0522D)
Sancte Joannes, ora pro nobis.
Sancte Thoma, ora pro nobis.
Sancte Jacobe, ora pro nobis.
Sancte Philippe, ora pro nobis.
Sancte Bartholomaee, ora pro nobis.
Sancte Matthaee, ora pro nobis.
Sancte Tathaee, ora pro nobis.
Omnes sancti apostoli, orate pro nobis.
Sancte Stephane, ora pro nobis.
Sancte Line, ora pro nobis.
Sancte Clete, ora pro nobis.
Sancte Clemens, ora pro nobis
Sancte Sixte, ora pro nobis.
Sancte Corneli, ora pro nobis.
(0523A)
Sancte Cypriane, ora pro nobis.
Sancte Dionysi cum sociis tuis, ora pro nobis.
Sancte Laurenti, ora pro nobis.
Sancte Maurici cum sociis tuis, ora pro nobis.
Sancte Cosme, ora pro nobis.
Sancte Damiane, ora pro nobis.
Omnes sancti martyres, orate pro nobis.
Sancte Hilari, ora pro nobis.
Sancte Martine, ora pro nobis.
Sancte Silvester, ora pro nobis.
Sancte Leo, ora pro nobis.
Sancte Ambrosi, ora pro nobis.
Sancte Gregori, ora pro nobis.
Sancte Germane, ora pro nobis.
Sancte Remigi, ora pro nobis.
(0523B)
Sancte Amande, ora pro nobis.
Sancte Chrodoberte, ora pro nobis.
Sancte Hieronyme, ora pro nobis.
Sancte Benedicte, ora pro nobis.
Sancte Maure, ora pro nobis.
Sancte Babolene, ora pro nobis.
Omnes sancti confessores, orate pro nobis.
Sancta Felicitas, ora pro nobis.
Sancta Perpetua, ora pro nobis.
Sancta Agatha, ora pro nobis.
Sancta Lucia, ora pro nobis.
Sancta Caecilia, ora pro nobis.
Sancta Agnes, ora pro nobis.
Sancta Anastasia, ora pro nobis.
Sancta Euphemia, ora pro nobis.
(0523C)Ut pacem nobis donare digneris, Domine Jesu, te
Sancta Petronilla, ora pro nobis.
Sancta Susanna, ora pro nobis.
Sancta Brigida, ora pro nobis.
63 Omnes sanctae virgines, orate pro nobis.
Propitius esto, parce nobis, Domine.
Propitius esto, libera nos, Domine.
Ab omni malo, libera nos, Domine.
Ab omni tentatione, libera nos, Domine.
Ab omni cogitatione mala, libera nos, Domine.
Ab omni iniquitate, libera nos, Domine.
Ab omni immunditia cordis et corporis, libera nos, Domine.
Per crucem tuam, libera nos, Domine.
Peccatores, te rogamus audi nos.
(0523D)Ut intercessionem sanctorum tuorum nobis donare
rogamus audi nos.
Ut indulgentiam delictorum nostrorum nobis donare digneris, Domine Jesu, te rogamus audi nos.
Ut remissionem peccatorum nostrorum nobis donare digneris, Domine Jesu . te rogamus audi nos.
Ut gratiam sancti Spiritus cordibus nostris clementer infundere digneris, Domine Jesu, te rogamus audi nos.
(0524A)
digneris, Domine Jesu, te rogamus audi nos.
Ut sanctam charitatem tuam nobis donare digneris, Domine Jesu, te rogamus audi nos.
Ut fidem rectam nobis donare digneris, Domine Jesu, te rogamus audi nos.
Ut spem firmam in tua bonitate nobis donare digneris, Domine Jesu, te rogamus audi nos.
Ut vitam aeternam nobis donare digneris, Domine Jesu, te rogamus audi nos.
Ut laudem sancto nomini tuo nobis donare digneris, Domine Jesu, te rogamus audi nos.
Fili Dei, te rogamus audi nos.
Agnus Dei, qui tollis peccata mundi, miserere nobis.
(0524B) Christe audi nos. Kyrie eleison, Kyrie eleison, Kyrie eleison. Pater noster. Miserere mei, Deus, miserere mei: quoniam in te confidit anima mea. Exaltare super coelos Deus, et super omnem terram gloriam tuam, ut liberentur dilecti tui. Adjutor meus tibi psallam, quia Deus susceptor meus: Deus meus, misericordia mea. Benedicam Dominum in omni tempore: semper laus ejus in ore meo. Domine, exaudi orationem meam, et clamor meus ad te veniat.
Oratio. Harmoniae nostrae suavissimum melos, Deus, qui nostri pectoris modulamina nunc facibus [ Al., flatibus], nunc fletibus praecipis exercere: praesta quaesumus, Domine, ut qui illa spiritali [affectu] concinimus, perpetualibus choris inserti (0524C)cum sanctis omnibus gloriari mereamur. Per.
FERIA II. CONFESSIO PECCATORUM PURA ALCUINI.
Deus inaestimabilis misericordiae, Deus immensae pietatis, Deus conditor et reparator humani generis, qui confitentium tibi corda purificas, et accusantes se ante conspectum divinae clementiae tuae ab omni vinculo iniquitatis absolvis; virtutem tuam totis exoro gemitibus, ut secundum multitudinem miserationum tuarum, de omnibus peccatis meis, de quibus me mea conscientia accusat, puram mihi coram te concedas agere confessionem; veramque ex his omnibus et condignam mihi tribuas poenitentiam, (0524D)quaecunque peccavi in cogitationibus pessimis, in meditationibus pravis, in consensu malo, in consilio iniquo, in concupiscentia atque delectatione immunda, in verbis otiosis, in factis malitiosis, in visu, in auditu, in gustu, in odoratu et tactu. Tu enim, misericors Deus, ad operandum mihi animae meae salutem membra singula humanis usibus apta dedisti; sed ego miserrimus omnium et peccator, te aeternae salutis auctorem contempsi, et aeterna mihi inimico incendia praeparanti suadente consensi [ Cod. Reg., et aeterna mihi incendia praeparanti consensi]. Lapsus sum in peccatis, corrui in deliciis [ Al. delictis]. (0525A)In membris singulis naturae modum excessi, et impiis me laboribus obnoxium feci. Pedes mei ad currendum in malum, sequendo libidinem, supra modum veloces fuerunt, et in obedientia mandatorum tuorum imbecilles. Crura mea ad me sustinendum in malum fortes [ Cod. Reg., fortia]. Genua mea ad fornicationem potius quam ad 64 orationem flexi. In femoribus et in genitalibus meis supra modum in omnibus me immunditiis contaminere [ Cod. Reg., in omnibus immunditiis contaminari] non metui, et reum me omni hora peregi. Venter meus et viscera omnia crapula sunt jugiter et ebrietate distenta. In renibus et lumbis, illusione diabolica ac flamma libidinis, turpissimo ardeo desiderio. Latera enim mea luxuriae malitiam [ Cod. Reg., luxuriam malitiae] non (0525B)formidant perpetrare. Dorsum meum ad iniqua roboravi opera, et collum meum in carnali erexi superbia. Humera ( Nove dictum ) mea ad portanda nequitiae onera subdidi, et brachia illecebrosis jugiter amplexibus praebui. Manus meae plenae sunt sanguine, omnibusque sordibus sunt pollutae; promptae ad omne opus pravum, pigrae ad aliquid operandum bonum. Os meum nefario pollutum est osculo, et iniqua est concupiscentia maculatum, verbisque luxuriosis ac fabulis otiosis superabundanter me et mendacio coinquinavi. Gulae semper et ebrietati deditus, carnalibus nunquam desideriis satiatus. Sed et lingua mea omni est fallacia profanata. Guttur meum insatiabili semper ardet ingluvie. Aures meae dolosis sunt obtusae (0525C)[ Al., obtunsae] loquelis, promptae ad omne malum. surdae ad omne bonum. In naribus namque saepius iniquis delectatus sum odoribus, in quibus etiam putredinem delictorum minime horrui. Quid igitur dicam de oculis, qui omnibus me fecerunt obnoxium, omnemque sensum cordis mei averterunt, quibus in omni consensi libidine? Qui et me, quamvis raro in sanctuario tuo, Domine, te adorantem intuitu perverterunt iniquo, omnemque motum corporis mei ad immunda pertraxerunt desideria. Caput vero meum omnibus supereminens membris, raro unquam ad te Deum creatorem meum incurvavi; sed etiam caeteris membris [Vox membris in cod. Reg. omitt.] in omni malitia consentaneum feci. Cor meum plenum dolo et malitia, nunquam pura purgavi poenitentia: (0525D)semperque diabolica pollui illusione, nunquam vera ablui confessione. Non enim haec narrans tuam, Domine, in me blasphemo creaturam: sed meam a te, piissime Deus, exposco medicinam, qui etiam in omnibus membris meis me reum intelligo super mensuram: quia ut astra coeli atque arenam maris, mea ita innumerabilia cognosco delicta. Insuper etiam ira, tristitia, acedia, jactantia, atque desidia, omnibusque octo principalibus vitiis obnoxium me esse profiteor. Sed tu, Domine, occultorum cognitor, qui dixisti poenitentiam te malle peccatorum quam mortem, tibi omnia cordis mei revelabo arcana. (0526A)Respice in me, et miserere mei, fontemque lacrymarum et remissionem omnium peccatorum, intimam mihi cordis confessionem tribue poscenti. Renova, innova [ Cod. Reg., innova in me], piissime Pater, quidquid actione, quod verbo, quod ipsa denique cogitatione diabolica fraude vitiatum est; et unitati corporis Ecclesiae membrum tuae redemptionis annecte; et non habentem fiduciam nisi in tua misericordia, ad sacramentum tuae reconciliationis admitte, Per Jesum Christum unigenitum Filium tuum Dominum et Salvatorem nostrum, qui tecum una cum sancto Spiritu unus est Dominus, per immortalia regnans saecula saeculorum. Amen.
PSALMI POENITENTIALES.
PSALMUS I.
(0526B) (PSAL. VI.) Domine, ne in furore tuo arguas me: neque in ira tua corripias me. Miserere mei Domine, quoniam infirmus sum: sana me Domine, quoniam conturbata sunt ossa mea. Et anima mea turbata est valde: sed tu Domine usquequo? Convertere Domine, et eripe animam meam, salvum me fac propter misericordiam tuam. Quoniam non est in morte, qui memor sit tui: in inferno autem quis confitebitur tibi? Laboravi in gemitu meo, lavabo per singulas noctes lectum meum: lacrymis meis stratum meum rigabo. Turbatus est a furore oculus meus: inveteravi inter omnes inimicos meos. Discedite a me, omnes qui operamini iniquitatem: quoniam exaudivit Dominus vocem fletus mei. Exaudivit Dominus deprecationem (0526C)meam, Dominus orationem 65 meam suscepit. Erubescant, et conturbentur vehementer omnes inimici mei: convertantur et erubescant valde velociter.
Ut supra. Domine, convertere, et eripe animam meam; salvum me fac propter misericordiam tuam. Respice, et exaudi me, Domine Deus meus, illumina oculos meos: ne unquam obdormiam in morte, ne quando dicat inimicus meus: Praevalui adversus eum. Ab occultis meis munda me, Domine, et ab alienis parce servo tuo.
Oratio. Exauditor omnium Deus, exaudi nostrorum fletuum supplicem vocem, et tribue infirmitatibus nostris perpetuam firmitatem [ Cod. Reg., perpetuam sospitatem]: ut dum dignanter gemitum nostri (0526D)laboris suscipis, tua nos semper misericordia consoleris. Per Dominum
PSALMUS II.
(PSAL. XXXI.) Beati quorum remissae sunt iniquitates: et quorum tecta sunt peccata. Beatus vir, cui non imputavit Dominus peccatum: nec est in spiritu ejus dolus. Quoniam tacui, inveteraverunt ossa meadum clamarem tota die. Quoniam die ac nocte gravata est super me manus tua: conversus sum in aerumna, dum configitur spina. Delictum meum cognitum tibi feci: et injustitiam meam non abscondi. Dixi, confitebor (0527A)adversum me injustitiam meam Domino: et tu remisisti impietatem peccati mei. Pro hac orabit ad te omnis sanctus in tempore opportuno. Verumtamen in diluvio aquarum multarum, ad eum non approximabunt. Tu es refugium meum a tribulatione, quae circumdedit me: exsultatio mea erue me a circumdantibus me. Intellectum tibi dabo, et instruam te in via hac, qua gradieris: firmabo super te oculos meos. Nolite fieri sicut equus et mulus: quibus non est intellectus, In chamo et freno maxillas eorum constringe: qui non approximant ad te. Multa flagella peccatoris: sperantem autem in Domino, misericordia circumdabit. Laetamini in Domino et exsultate justi [ Quercet., injusti, mendose ]: et gloriamini omnes recti corde.
(0527B)Ut supra. Delicta juventutis meae, et ignorantias meas ne memineris Domine. Secundum magnam misericordiam tuam memento mei tu: propter bonitatem tuam Domine. Propter nomen tuum, Domine, propitiaberis peccato meo: multum est enim. Delictum meum cognitum tibi feci, et injustitiam meam non abscondi.
Oratio. Sancte Domine, qui remissis delictis beatitudinem te confessis attribuis, exaudi vota praesentis familiae [ Al., Ecclesiae], et confractis peccati aculeis spiritali nos exsultatione perfunde. Per Dominum nostrum.
PSALMUS III.
(PSAL. XXXVII.) Domine ne in furore tuo arguas me: neque in ira tua corripias me. Quoniam sagittae tuae (0527C)infixae sunt mihi: et confirmasti super me manum tuam. Non est sanitas in carne mea a facie irae tuae: non est pax ossibus meis a facie peccatorum meorum. Quoniam iniquitates meae supergressae sunt caput meum: et sicut onus grave gravatae sunt super me. Putruerunt et corruptae sunt cicatrices meae: a facie insipientiae meae. Miser factus sum et curvatus sum usque in finem: tota die contristatus ingrediebar. Quoniam lumbi mei impleti sunt illusionibus: et non est sanitas in carne mea. Afflictus sum et humiliatus sum nimis: rugiebam a gemitu cordis mei. Domine, ante te omne desiderium meum: et gemitus meus a te non est absconditus. Cor meum conturbatum est, dereliquit me virtus mea: et lumen oculorum meorum, et ipsum non est mecum. Amici mei (0527D)et proximi mei adversum me appropinquaverunt et steterunt. Et qui juxta me erant de longe steterunt: et vim faciebant, qui quaerebant animam meam. Et qui inquirebant mala mihi, locuti sunt vanitates: et dolos tota die meditabantur. Ego autem tanquam surdus non audiebam: et sicut mutus non aperiens os suum. Et factus sum sicut homo 66 non audiens: et non habens in ore suo redargutiones. Quoniam in te, Domine, speravi, tu exaudies me, Domine Deus meus. Quia dixi: nequando supergaudeant mihi inimici mei: et dum commoventur pedes mei, super me magna locuti sunt. Quoniam ego in flagella paratus sum: et dolor meus in conspectu meo semper. Quoniam iniquitatem meam annuntiabo, et cogitabo (0528A)pro peccato meo. Inimici autem mei vivunt, et confirmati sunt super me: et multiplicati sunt, qui oderunt me inique. Qui retribuunt mala pro bonis, detrahebant mihi: quoniam sequebar bonitatem. Ne derelinquas me, Domine Deus meus: ne discesseris a me. Intende in adjutorium meum, Domine Deus salutis meae.
Preces ut supra. Domine, ante te omne desiderium meum, et gemitus meus a te non est absconditus. Exaudi orationem meam, Domine, et deprecationem meam: auribus percipe lacrymas meas. Complaceat tibi, Domine, ut eruas me: Domine ad adjuvandum me respice.
Oratio. Emitte, Domine, salutare tuum infirmitatibus nostris, vulnerum cicatricumque mortalium potentissime (0528B)medicator; ut omnem gemitum doloremque nostrum coram te deplorantes, valeamus evincere insultationes adversantium vitiorum. Per Dominum nostrum.
PSALMUS IV.
(PSAL. L.) Miserere mei, Deus, secundum magnam misericordiam tuam. Et secundum multitudinem miserationum tuarum: dele iniquitatem meam. Amplius lava me ab iniquitate mea: et a peccato meo munda me. Quoniam iniquitatem meam ego cognosco: et peccatum meum contra me est semper. Tibi soli peccavi, et malum coram te feci: ut justificeris in sermonibus tuis, et vincas cum judicaris. Ecce enim in iniquitatibus conceptus sum: et in peccatis concepit me mater mea. Ecce enim veritatem dilexisti: (0528C)incerta et occulta sapientiae tuae manifestasti mihi. Asperges me, Domine, hyssopo, et mundabor; lavabis me, et super nivem dealbabor. Auditui meo dabis gaudium et laetitiam: et exsultabunt ossa humiliata. Averte faciem tuam a peccatis meis: et omnes iniquitates meas dele. Cor mundum crea in me Deus: et spiritum rectum innova in visceribus meis. Ne projicias me a facie tua: et Spiritum sanctum tuum ne auferas a me. Redde mihi laetitiam salutaris tui: et spiritu principali confirma me. Docebo iniquos vias tuas: et impii ad te convertentur. Libera me de sanguinibus Deus, Deus salutis meae: et exsultabit lingua mea justitiam tuam. Domine labia mea aperies: et os meum annuntiabit laudem tuam. Quoniam si voluisses sacrificium, dedissem utique: holocaustis (0528D)non delectaberis. Sacrificium Deo spiritus contribulatus: cor contritum et humiliatum, Deus, non despicies. Benigne fac, Domine, in bona voluntate tua Sion: ut aedificentur muri Jerusalem. Tunc acceptabis sacrificium justitiae, oblationes et holocausta: tunc imponent super altare tuum vitulos.
Ut supra. Domine miserere mei, sana animam meam, quia peccavi tibi. Miserere mei, Deus, miserere mei, quoniam in te confidit anima mea. Domine, averte faciem tuam a peccatis meis, et omnes iniquitates meas dele. Ne memineris, Domine, iniquitatum nostrarum antiquarum: cito anticipen nos misericordiae tuae, quia pauperes facti sumus nimis. Adjuva nos, Deus, salutaris noster: propter gloriam nominis tui, (0529A)Domine, libera nos; et propitius esto peccatis nostris propter nomen tuum.
Oratio. Profluae miserationis ineffabile nomen Trinitatis Deus [ Cod. Reg., Persolve miserationes tuas, nobis ineffabile nomen tuum, Trinitas Deus], qui humani pectoris antrum emundans vitiis, super candorem efficis nivis; innova, quaesumus, in visceribus nostris Spiritum sanctum tuum, quo laudem tuam annuntiare possimus: ut recto principalique spiritu confirmati, mereamur aeternis sedibus in Hierusalem coelestem componi. Per.
67
(PSAL. CL.) Domine, exaudi orationem meam: et clamor meus ad te veniat. Non avertas faciem tuam (0529B)a me: in quacunque die tribulor, inclina ad me aurem tuam. In quacunque die invocavero te: velociter exaudi me. Quia defecerunt sicut fumus dies mei: et ossa mea sicut cremium aruerunt. Percussus sum ut fenum, et aruit cor meum: quia oblitus sum comedere panem meum. A voce gemitus mei adhaesit os meum carni meae. Similis factus sum pelicano solitudinis: factus sum sicut nycticorax in domicilio. Vigilavi, et factus sum sicut passer solitarius in tecto. Tota die exprobrabant mihi inimici mei: et qui laudabant me, adversum me jurabant. Quia cinerem tanquam panem manducabam, et potum meum cum fletu miscebam. A facie irae indignationis tuae: quia elevans allisisti me. Dies mei sicut umbra declinaverunt: et ego sicut fenum (0529C)arui. Tu autem, Domine, in aeternum permanes: et memoriale tuum in generatione et generationem. Tu exsurgens misereberis Sion: quia tempus miserendi ejus, quia venit tempus. Quoniam placuerunt servis tuis lapides ejus: et terrae ejus miserebuntur. Et timebunt gentes nomen tuum, Domine, et omnes reges terrae gloriam tuam. Quia aedificavit Dominus Sion: et videbitur in gloria sua. Respexit in orationem humilium: et non sprevit precem eorum. Scribantur haec in generatione altera: et populus, qui creabitur, laudabit Dominum. Quia prospexit de excelso sancto suo, Dominus de coelo in terram aspexit. Ut audiret gemitus compeditorum, ut solveret filios interemptorum. Ut annuntient in (0529D)Sion nomen Domini: et laudem ejus in Hierusalem. In conveniendo populos in unum et reges terrae: ut serviant Domino. Respondit ei in via virtutis suae: paucitatem dierum meorum nuntia mihi. Ne revoces me in dimidio dierum meorum: in generatione et generationem anni tui. Initio tu, Domine, terram fundasti, et opera manuum tuarum sunt coeli. Ipsi peribunt, tu autem permanes: et omnes sicut vestimentum veterascent. Et sicut opertorium mutabis eos, et mutabuntur: tu autem idem ipse es, et anni tui non deficient. Filii servorum tuorum habitabunt: et semen eorum in saeculum dirigetur.
Ut supra. Deus, tu scis insipientiam meam, et delicta mea a te non sunt abscondita. In multitudine misericordiae tuae exaudi me, in veritate salutis tuae. (0530A)Exaudi me Domine, quoniam benigna est misericordia tua: secundum multitudinem miserationum tuarum respice in me. Et ne avertas faciem tuam a puero tuo; quoniam tribulor, velociter exaudi me. Intende animae meae, et libera eam: propter inimicos meos eripe me
Oratio. Exorabilis Domine, intende in orationem supplicum tuorum, ut, qui in peccatis detenti tanquam fenum aruimus, respectu coelestis misericordiae sublevemur. Per.
PSALMUS VI.
(PSAL. CXXIX.) De profundis clamavi ad te Domine: Domine exaudi vocem meam. Fiant aures tuae intendentes in vocem deprecationis meae. Si iniquitates (0530B)observaveris, Domine, Domine, quis sustinebit? Quia apud te propitiatio est: et propter legem tuam sustinui te, Domine. Sustinuit anima mea in verbo ejus: speravit anima mea in Domino. A custodia matutina usque ad noctem speret Israel in Domino. Quia apud Dominum misericordia, et copiosa apud eum redemptio. Et ipse redimet Israel, ex omnibus iniquitatibus ejus.
Ut supra. Domine, vide humilitatem meam et laborem meum: et dimitte universa delicta mea. Ne perdas, Domine, cum impiis animam meam; et cum viris sanguinum vitam meam. Redime me, Domine, et miserere mei.
68 Oratio. Intendant [ Cod. Reg., Intende], quaesumus Domine, pietatis tuae aures in oratione [ Ibid., (0530C)in orationem] supplicum, quia apud te est propitiatio peccatorum: ut non observes iniquitates nostras, sed impertias nobis misericordias tuas. Per Dominum.
PSALMUS VII. (PSAL. CXLII.) Domine, exaudi orationem meam, auribus percipe obsecrationem meam in veritate tua: exaudi me in tua justitia. Et non intres in judicium cum servo tuo: quia non justificabitur in conspectu tuo omnis vivens. Quia persecutus est inimicus animam meam: humiliavit in terra vitam meam. Collocavit me in obscuris sicut mortuos saeculi, et anxiatus est super me spiritus meus: in me turbatum est cor meum. Memor fui dierum antiquorum, meditatus sum in omnibus operibus tuis: in (0530D)factis manuum tuarum meditabar. Expandi manus meas ad te: anima mea sicut terra sine aqua tibi. Volociter exaudi me, Domine: defecit spiritus meus. Non avertas faciem tuam a me: et similis ero descendentibus in lacum. Auditam fac mihi mane misericordiam tuam: quia in te speravi. Notam fac mihi viam in qua ambulem: quia ad te levavi animam meam. Eripe me de inimicis meis, Domine, ad te confugi: doce me facere voluntatem tuam, quia Deus meus es tu. Spiritus tuus bonus deducet me in terram rectam: propter nomen tuum, Domine, vivificabis me in aequitate tua. Educes de tribulatione animam meam, et in misericordia tua disperdes omnes inimicos meos. Et perdes omnes (0531A)qui tribulant animam meam: quoniam ego servus tuus sum.
Ut supra. Clamavi ad te, Domine, dixi: Tu es spes mea, portio mea in terra viventium. Intende ad deprecationem meam, quia humiliatus sum nimis. Libera me a persequentibus me, quia confortati sunt super me. Educ de custodia animam meam ad confitendum nomini tuo: me exspectant justi, donec retribuas mihi
Oratio. Deus qui matutinam sacrae resurrectionis tuae auditam fecisti jucunditatem; cum ex inferno rediens replesti terram gaudiis, quam reliqueras in obscuris: rogamus potentiae tuae ineffabilem majestatem, ut sicut tunc catervam apostolicam gaudere fecisti sacra in anastasi [ Cod. Reg., sacra anastasi]: (0531B)ita hanc Ecclesiam, tuam misericordiam expansis manibus flagitantem, splendore coelestis jubaris illustrare digneris. Per Dominum.
Litania ut supra.
PRECES.
Ego dixi, Domine, miserere mei, sana animam meam, quia peccavi tibi. Deus, Deus meus, respice in me, quare me dereliquisti? longe a salute mea verba delictorum meorum. Ego autem sum vermis, et non homo: opprobrium hominum, et abjectio plebis. Quoniam tu es, Domine, qui extraxisti me de ventre, spes mea ab uberibus matris meae: in te projectus sum ex utero. Salva me ex ore leonis: et a cornibus unicornium humilitatem meam. Ne avertas faciem tuam a me, ne declines in ira a servo tuo. (0531C)Adjutor meus esto, ne derelinquas me: neque despicias me, Deus salutaris meus. Ne simul tradas me cum peccatoribus, et cum operantibus iniquitatem ne perdas me. Amplius lava me ab iniquitate mea, et a peccato meo munda me. Quoniam iniquitatem meam ego cognosco, et peccatum meum contra me est semper. Asperges me hyssopo, et mundabor: lavabis me, et super nivem dealbabor. Exsurge, Domine, adjuva nos: et libera nos propter nomen tuum. Domine Deus virtutum, converte nos, et ostende faciem tuam: et salvi erimus. Converte nos, Deus salutaris noster, et averte iram tuam a nobis. Deus tu conversus vivificabis nos, et plebs tua laetabitur in te. Ostende nobis, Domine, misericordiam tuam, et salutare tuum da nobis. Domine, (0531D)exaudi orationem meam, et clamor meus ad te veniat. Miserere mei Deus, secundum magnam misericordiam tuam.
69 Oratio. Quaesumus, omnipotens Deus, afflicti populi lacrymas respice, et iram tuae indignationis averte, ut qui reatum nostrae infirmitatis agnoscimus, tua consolatione liberemur. Per.
Alia. Deus, qui conspicis omni nos virtute destitui, interius exteriusque custodi: ut et ab omnibus adversitatibus muniamur in corpore, et a pravis cogitationibus mundemur in mente. Per.
Item oratio. Propitiare, Domine, iniquitatibus nostris, (0532A)et exorabilis tuis esto supplicibus, ut concessa venia, quam precamur, perpetuo misericordiae tuae munere gloriemur. Per.
ORATIO FERIA II, SI QUIS SE IN TRIBULATIONIBUS DERELICTUM INTELLIGAT, DECANTANDA.
Deus, qui contritorum non despicis gemitum, et moerentium non aspernaris affectum, adesto precibus nostris, quas pietati tuae pro tribulatione nostra fundere praesumimus: implorantes, ut eas clementer suscipere digneris, tribuasque, ut quidquid contra nos diabolicae atque humanae moliuntur adversitates, ad nihilum redigas, et consilio pietatis tuae allidas, ut nullis adversitatibus laesi, sed erepti de omni tribulatione et angustia, laeti tibi in Ecclesia tua sancta gratias referamus, per Christum Dominum nostrum: (0532B)per quem te, summe Deus, rogamus, ut preces has attendas propitiabili dignatione, et ad hanc nostram orationem respicias, quam tibi pro ereptione et relevatione nostra a pressura nostrae infirmitatis offerimus. Jam, Domine, respice super nos vultu placabili, et misericordia singulari a nobis amove, quod saevitia malorum permittit, quod inimicorum pravitas infert, quod pravorum in consiliis adversitas alligat, quod ex judicio imminet, quod ex sententia pendet, quod conspiratione machinatur, quod accusatione confingitur, quod propriae merentur iniquitates, quod alienis fictionibus alligatur: quod pressuris dejicimur, quod cruciatibus premimur, quod angustiis angustiamur. Non justitia tua, Domine, quaesumus, injustitias nostras exerceas: sed potius (0532C)pietatem tuam in nostris iniquitatibus manifesta. Non nos in persecutione dejicias: non per intolerantiam perdas, sed per tribulationem exerce, per pietatem attolle, per misericordiam rege: quo per te ab inimicorum jaculis tuti, a praesenti tribulatione exempti, te Deum unum in Trinitate consona collaudemus voce. Qui cum eo unigenito Filio tuo Domino nostro Jesu Christo, sanctoque paracleto Spiritu vivis et regnas, Domine Deus omnipotens, per omnia saecula saeculorum. Amen.
PSALMUS.
(PSAL. XII.) Usquequo, Domine, oblivisceris me in finem: usquequo avertis faciem tuam a me? Quandiu ponam consilia in anima mea: dolorem in corde meo (0532D)per diem? Usquequo exaltabitur inimicus meus super me? respice et exaudi me, Domine Deus meus. Illumina oculos meos, ne unquam obdormiam in morte: nequando dicat inimicus meus, praevalui adversus eum. Qui tribulant me, exsultabunt, si motus fuero: ego autem in misericordia tua speravi. Exsultabit cor meum in salutari tuo: cantabo Domino, qui bona tribuit mihi, et psallam nomini Domini altissimi.
Ut supra. Ego autem in multitudine misericordiae tuae introibo in domum tuam, adorabo ad templum sanctum tuum in timore tuo. Domine deduc me in (0533A)justitia tua propter inimicos meos, dirige in conspectu tuo viam meam.
Oratio. Ne avertas faciem tuam a nobis omnipotens Deus, ne inimici nostri exaltentur adversus nos: sed ita cor nostrum salutaris tui exsultatione perfunde, ut faciat nos somnum secundae mortis evadere. Per.
70 PSALMUS. (PSAL. LXX.) In te, Domine, speravi, non confundar in aeternum: in justitia tua libera me et eripe me. Inclina ad me aurem tuam: et salva me. Esto mihi in Deum protectorem, et in locum munitum: ut salvum me facias. Quoniam firmamentum meum et refugium meum es tu. Deus meus, eripe me de manu (0533B)peccatoris: et de manu contra legem agentis et iniqui. Quoniam tu es patientia mea, Domine; Domine, spes mea a juventute mea. In te confirmatus sum ex utero: de ventre matris meae tu es protector meus. In te cantatio mea semper: tanquam prodigium factus sum multis, et tu adjutor fortis. Repleatur os meum laude, ut cantem gloriam tuam: tota die magnitudinem tuam. Ne projicias me in tempore senectutis: cum defecerit virtus mea, ne derelinquas me. Quia dixerunt inimici mei mihi: et qui custodiebant animam meam, consilium fecerunt in unum, dicentes: Deus dereliquit eum, persequimini, et comprehendite eum: quia non est, qui eripiat. Deus ne elongeris a me: Deus meus in auxilium meum respice. Confundantur et deficiant detrahentes (0533C)animae meae: operiantur confusione et pudore, qui quaerunt mala mihi. Ego autem semper sperabo: et adjiciam super omnem laudem tuam. Os meum annuntiabit justitiam tuam: tota die salutare tuum. Quoniam non cognovi litteraturam, introibo in potentias Domini: Domine memorabor justitiae tuae solius. Deus docuisti me a juventute mea: et usque nunc pronuntiabo mirabilia tua. Et usque in senectam et senium: Deus ne derelinquas me. Donec annuntiem brachium tuum generationi omni, quae ventura est. Potentiam tuam et justitiam tuam Deus usque in altissima, quae fecisti, magnalia: Deus quis similis tibi? Quantas ostendisti mihi tribulationes multas et malas? et conversus vivificasti me: et de abyssis terrae iterum reduxisti me. (0533D)Multiplicasti magnificentiam tuam: et conversus consolatus es me. Nam et ego confitebor tibi in vasis psalmi veritatem tuam Deus: psallam tibi in cithara sanctus Israel. Exsultabunt labia mea, cum cantavero tibi. et anima mea, quam redemisti. Sed et lingua mea tota die meditabitur justitiam tuam, cum confusi et reveriti fuerint, qui quaerunt mala mihi.
Ut supra. Tu es, Domine, refugium meum; a tribulatione, quae circumdedit me, exsultatio mea erue me a circumdantibus me. Ne derelinquas me, Domine Deus meus, ne discesseris a me. Intende in adjutorium meum, Domine salutis meae.
Oratio. Immensam multitudinem dulcedinis tuae, piissime Domine, suppliciter exoramus; ut dum veritatem (0534A)tuam requirimus, tumorem exsecrabilis superbiae conteramus. Per.
Alia. Excelsi solii regnator aeterne Deus, qui sperantes in te damnari aeternis confusionibus non pateris, reple, quaesumus, labia nostra laude tua, et his nos semper meditationibus bonorum insinuator exerce. Per.
PSALMUS.
(PSAL. XLIII.) Deus auribus nostris audivimus, patres nostri annuntiaverunt nobis. Opus quod operatus es in diebus eorum, in diebus antiquis. Manus tua gentes disperdidit, et plantasti eos: afflixisti populos, et expulisti eos. Nec enim in gladio suo possederunt terram: et brachium eorum non salvavit (0534B)eos. Sed dextera tua, et brachium tuum, et illuminatio vultus tui: quoniam complacuisti in eis. Tu es ipse Rex meus et Deus meus: qui mandas salutes Jacob. In te inimicos nostros ventilabimus cornu: et in nomine tuo spernemus insurgentes in nos. Non enim in arcu meo sperabo: et gladius meus non salvabit me. Salvasti enim nos de affligentibus nos. et odientes nos confudisti. In Deo laudabimur tota die: et in nomine tuo confitebimur in saecula. Nunc autem repulisti et confudisti nos: et non egredieris Deus in virtutibus nostris. Avertisti nos retrorsum post inimicos nostros: et qui oderunt nos, diripiebant sibi. Dedisti nos tanquam oves escarum: et in gentibus dispersisti nos. Vendidisti 71 populum tuum sine pretio: et non fuit multitudo in commutationibus (0534C)eorum. Posuisti nos opprobrium vicinis nostris, subsannationem et derisum his, qui sunt in circuitu nostro. Posuisti nos in similitudinem gentibus: commotionem capitis in populis. Tota die verecundia mea contra me est: et confusio faciei meae cooperuit me. A voce exprobrantis et obloquentis, a facie inimici et persequentis. Haec omnia venerunt super nos, nec obliti sumus te, et inique non egimus in testamento tuo. Et non recessit retro cor nostrum, et declinasti semitas nostras a via tua. Quoniam humiliasti nos in loco afflictionis: et cooperuit nos umbra mortis. Si obliti sumus nomen Dei nostri: et si extendimus manus nostras ad Deum alienum. Nonne Deus requiret ista? ipse enim novit abscondita cordis. Quoniam propter te mortificamur (0534D)tota die: aestimati sumus sicut oves occisionis. Exsurge, quare obdormis Domine? exsurge, et ne repellas in finem. Quare faciem tuam avertis: oblivisceris inopiae nostrae, et tribulationis nostrae? Quoniam humiliata est in pulvere anima nostra: conglutinatus est in terra venter noster. Exsurge, Domine, adjuva nos: et redime nos propter nomen tuum.
Ut supra. Deus in nomine tuo salvum me fac. Deus exaudi orationem meam; auribus percipe verba oris mei.
Oratio. Exsurge, Domine, in auxilium nostrum; et erue nos ab opprobriis vitiorum: et qui coram patribus nostris inimicarum gentium regna vicisti, a (0535A)persequentibus inimicis vultus tui illuminatione nos eripe. Per Dominum.
PSALMUS.
(PSAL. LIV.) Exaudi Deus, orationem meam, et ne despexeris deprecationem meam, intende mihi, et exaudi me. Contristatus sum in exercitatione mea: et conturbatus sum a voce inimici, et a tribulatione peccatoris. Quoniam declinaverunt in me iniquitates: et in ira molesti erant mihi. Cor meum conturbatum est in me: et formido mortis cecidit super me. Timor et tremor venerunt super me: et contexerunt me tenebrae. Et dixi, quis dabit mihi pennas sicut columbae: et volabo, et requiescam? Ecce elongavi fugiens, et mansi in solitudine. Exspectabam eum, qui salvum me fecit a pusillanimitate spiritus (0535B)et tempestate. Praecipita, Domine, divide linguas eorum. Quoniam vidi iniquitatem et contradictionem in civitate. Die ac nocte circumdabit eam super muros ejus iniquitas, et labor in medio ejus, et justitia [ L., injustitia]. Et non defecit de plateis ejus usura et dolus. Quoniam si inimicus meus maledixisset mihi: sustinuissem utique. Et si is, qui oderat me, super me magna locutus fuisset: abscondissem me forsitan ab eo. Tu vero homo unanimis, dux meus et notus meus. Qui simul mecum dulces capiebas cibos: in domo Dei ambulavimus cum consensu. Veniat mors super illos: et descendant in infernum viventes. Quoniam nequitiae in habitaculis eorum in medio eorum. Ego autem ad Deum clamavi: et Dominus salvabit me. Vespere et mane, (0535C)et meridie narrabo et annuntiabo: et exaudiet vocem meam: Redimet in pace animam meam ab his, qui appropinquant mihi: quoniam inter multos erant mecum. Exaudiet Deus, et humiliabit illos, qui est ante saecula. Non enim est illis commutatio, et non timuerunt Deum: extendit manum suam in tribuendo. Contaminaverunt testamentum ejus, divisi sunt ab ira vultus ejus: et appropinquavit cor illius. Molliti sunt sermones ejus super oleum: et ipsi sunt jacula. Jacta super Dominum curam tuam, et ipse te enutriet: non dabit in aeternum fluctuationem justo. Tu vero Deus deduces eos in puteum interitus. Viri sanguinum et dolosi, non dimidiabunt dies suos, ego autem sperabo in te Domine.
(0535D)Ut supra. Ego autem cantabo fortitudinem tuam, et exaltabo mane misericordiam tuam. Quia factus es susceptor meus, et refugium meum in die tribulationis meae. Adjutor meus, tibi psallam, quia Deus susceptor meus es, Deus meus, misericordia mea.
Oratio. Bellorum invisibilium optime propugnator Deus, qui in te confitentes ab inimicis obrui non permittis; exterge, precamur, ab oculis nostris 72 peccata lacrymarum, ut dum carnalia bella comprimimus, placere tibi in lumine viventium mereamur. Per.
Alia. Jesu Domine, qui ante saecula cum Patre et Spiritu sancto manens, conditionemque humanam suscipiens, ab unianimo discipulo proditus mortem subiisti pro perditis: exaudi orationem supplicum, (0536A)ut te et vespere et mane, meridieque laudantes, mereamur ab huius saeculi tempestatibus defensari. Per.
PSALMUS.
(PSAL. LV.) Miserere mei Deus, quoniam conculvavit me homo: tota die impugnans tribulavit me. Conculcaverunt me inimici mei tota die: quoniam multi bellantes adversum me. Ab altitudine diei timebo: ego vero in te sperabo. In Deo laudabo sermones meos, in Deo speravi: non timebo, quid faciat mihi caro. Tota die verba mea exsecrabantur: adversum me omnes cogitationes eorum in malum. Inhabitabunt et abscondent: ipsi calcaneum meum observabunt. Sicut sustinuerunt animam meam, pro (0536B)nihilo salvos facies illos: in ira populos confringes. Deus vitam meam annuntiavi tibi: posuisti lacrymas meas in conspectu tuo. Sicut et in promissione tua: tunc convertentur inimici mei retrorsum. In quacunque die invocavero te: ecce cognovi quoniam Deus meus es. In Deo laudabo verbum, in Domino laudabo sermonem: in Deo speravi, non timebo, quid faciat mihi homo. In me sunt Deus vota tua; quae reddam laudationes tibi. Quoniam eripuisti animam meam de morte, et pedes meos de lapsu, ut placeam coram Deo in lumine viventium.
Ut supra. Quoniam probasti nos Deus, igne nos examinasti, sicut examinatur argentum. Induxisti nos in laqueum, posuisti tribulationes in dorso nostro: imposuisti homines super capita nostra. Da (0536C)nobis, Domine, auxilium de tribulatione; et vana salus hominis.
Oratio. Transfer, Domine, iniquitatem familiae hujus sub tuarum alarum umbra sperantis, ut missam de coelo misericordiam tuam, a nequissimis, quibus insidiamur, foveis eruamur. Per.
Litania ut supra.
In die tribulationis meae Deum exquisivi manibus meis nocte contra eum, et non sum deceptus. Domine Deus virtutum, converte nos, et ostende faciem tuam, et salvi erimus. Domine Deus virtutum, exaudi orationem meam, auribus percipe Deus Jacob. Protector noster aspice Deus, et respice in faciem Christi tui. Nunquid in aeternum irasceris nobis, aut extendes (0536D)iram tuam a generatione in generationem? Deus tu conversus vivificabis nos, et plebs tua laetabitur in te. Ostende nobis, Domine, misericordiam tuam, et salutare tuum da nobis. Respice in me, et miserere mei; quia unicus et pauper sum ego. Tribulationes cordis mei multiplicatae sunt, de necessitatibus meis erue me. Adjutor meus esto, ne derelinquas me, neque despicias me, Deus salutaris meus. Ego autem in te speravi, Domine, dixi: Deus meus es tu, in manibus tuis sortes meae. Eripe me de manu inimicorum meorum, et a persequentibus me. Illustra faciem tuam super servum tuum, salvum me fac in misericordia tua, Domine, non confundar, quoniam invocavi te. Ne memineris, Domine, iniquitatum nostrarum antiquarum, cito anticipent nos (0537A)misericordiae tuae, quia pauperes facti sumus nimis.
Oratio. Adjuva nos, Deus salutaris noster, propter gloriam nominis tui, Domine, libera nos, et propitius esto peccatis nostris propter nomen tuum. Dimitte, Deus, peccata nostra, et tribue nobis misericordiam tuam oris nostri deprecatus alloquio, ac humilitatem attende, vincula solve, delicta dele, tribulationem inspice, adversitatem repelle, effectumque petitionis nostrae largiens et benignus clementer exaudi. Per.
Omnipotens sempiterne Deus, qui subvenis in periculis et necessitatibus laborantibus, majestatem tuam suppliciter exoramus, ut mittere digneris sanctum angelum tuum, qui nos in angustiis et necessitatibus nostris laborantes, consolationibus foveat tuis, quibus et de praesenti tribulatione consequamur (0537B)auxilium, et aeterna remedia comprehendere valeamus. Per.
73 FERIA III. AD SPECIALES ORATIONES FACIENDAS.
Miserere Domine, miserere Christe: tu misericordia mea, miserere mihi [ Cod. Reg., miserere mei]. Miserere Domine, miserere Christe; ut credam in te. Miserere Domine, miserere Christe; ut diligam te. Miserere Domine, miserere Christe; ut cognoscam te. Miserere Domine, miserere Christe; ut sperem in te. Miserere Domine, miserere Christe; ut anima mea vivat in te. Miserere Domine, miserere Christe; ut caro mea exsultet in te. Miserere Domine, miserere Christe; ut vita mea [ Cod. Reg., ut anima mea] (0537C)proficiat in te [ Martene, perficiatur in te]. Miserere Domine Deus Pater, gloria mea, vita mea. Miserere Christe Salvator, salus mea, fortitudo mea. Miserere Spiritus paraclitus, consolatio mea, illuminatio mea. Miserere Domine Deus, Trinitas et unitas. Te laudo, te adoro, te confiteor. Pax mea, spes mea, laus mea, lux mea, pulchritudo mea, beatitudo mea. Tibi laus; tibi gloria, tibi gratiarum actio semper et ubique in saecula sempiterna.
Deus adjutorium, ter.
PSALMUS.
(PSAL. LVI.) Exaudi Domine justitiam meam: intende deprecationem meam. Auribus percipe orationem meam, non in labiis dolosis. De vultu tuo (0537D)judicium meum prodeat: oculi tui videant aequitatem. Probasti cor meum, et visitasti nocte: igne me examinasti, et non est inventa in me iniquitas. Ut non loquatur os meum opera hominum: propter verba labiorum tuorum ego custodivi vias duras. Perfice gressus meos in semitis tuis: ut non moveantur vestigia mea. Ego clamavi, quoniam exaudisti me Deus: inclina aurem tuam mihi, et exaudi verba mea. Mirifica misericordias tuas, qui salvos facis sperantes in te. A resistentibus dexterae tuae custodi me ut pupillam oculi. Sub umbra alarum tuarum (0538A)protege me, a facie impiorum, qui me afflixerunt. Inimici mei animam meam circumdederunt: adipem suum concluserunt, os eorum locutum est superbiam. Projicientes me, nunc circumdederunt me: oculos suos statuerunt declinare in terram. Susceperunt me sicut leo paratus ad praedam, et sicut catulus leonis habitans in abditis. Exsurge, Domine, praeveni eum, et supplanta eum: eripe animam meam ab impio, frameam tuam ab inimicis manus tuae. Domine a paucis de terra divide eos in vita eorum: de absconditis tuis adimpletus est venter eorum. Saturati sunt filiis: et dimiserunt reliquias suas parvulis suis. Ego autem in justitia apparebo conspectui tuo: satiabor, cum apparuerit gloria tua.
Ut supra. Ego dixi, Domine, miserere mei, sana (0538B)animam meam. Miserere mei, Domine, et exaudi orationem meam. Intende voci orationis meae, Rex meus, et Deus meus. Quoniam ad te orabo, Domine, mane exaudies vocem meam.
Oratio. Converte, Domine, oculos cordis nostri, ad cernendam tui judicii veritatem, ut, dum hic igne spiritali probamur, de tuis in aeternum conspectibus cum fructu justitiae satiemur.
PSALMUS.
(PSAL. XXIV.) Ad te Domine levavi animam meam: Deus meus in te confido, non erubescam. Neque irrideant me inimici mei: etenim universi, qui sustinent te, non confundentur. Confundantur omnes iniqua agentes supervacue. Vias tuas, Domine, (0538C)demonstra mihi: et semitas tuas edoce me. Dirige me in veritate tua, et doce me: quia tu es Deus Salvator meus, et te sustinui tota die. Reminiscere miserationum tuarum, Domine, et misericordiarum tuarum, quae a saeculo sunt. Delicta juventutis meae, et ignorantias meas ne memineris. Secundum misericordiam tuam memento mei tu, propter bonitatem tuam, Domine. Dulcis et rectus Dominus: propter hoc legem dabit delinquentibus in via. Diriget mansuetos in judicio: docebit mites vias suas. Universae viae Domini misericordia et veritas: requirentibus testamentum ejus, et testimonia ejus. 74 Propter nomen tuum Domine propitiaberis peccato meo: multum est enim. Quis est homo qui timet Dominum? legem statuit ei in via, quam elegit. (0538D)Anima ejus in bonis demorabitur: et semen ejus haereditabit terram. Firmamentum est Dominus timentibus eum: et testamentum ipsius ut manifestetur illis. Oculi mei semper ad Dominum: quoniam ipse evellet de laqueo pedes meos. Respice in me, et miserere mei: quia unicus et pauper sum ego. Tribulationes cordis mei multiplicatae sunt: de necessitatibus meis erue me. Vide humilitatem meam et laborem meum: et dimitte universa delicta mea. Respice inimicos meos, quoniam multiplicati sunt: et odio iniquo oderunt me. Custodi animam meam (0539A)et erue me: non erubescam, quoniam speravi in te. Innocentes et recti adhaeserunt mihi, quia sustinui te. Libera Deus Israel ex omnibus iniquitatibus suis.
Ut supra. Ego dixi, Domine, miserere mei: sana animam meam, quoniam peccavit tibi. Exaudi, Domine, vocem meam, qua clamavi: miserere mei, et exaudi me. Tibi dixit cor meum, exquisivit te facies mea: faciem tuam, Domine, requiram.
Oratio. Libera nos ab omnibus angustiis nostris, mitissime Deus, qui ad te animas nostras erigimus: obliviscere, quaesumus, delicta juventutis, et ignorantiae prioris; et si quid negligenter deliquimus, clementer ignosce. Per.
PSALMUS.
(0539B)(PSAL. LIII.) Deus in nomine tuo salvum me fac: et in virtute tua judica me. Deus exaudi orationem meam: auribus percipe verba oris mei. Quoniam alieni insurrexerunt adversum me, et fortes quaesierunt animam meam: et non proposuerunt Deum ante conspectum suum. Ecce enim Deus adjuvat me: et Dominus susceptor est animae meae. Averte mala inimicis meis: et in veritate tua disperde illos. Voluntarie sacrificabo tibi: et confitebor nomini tuo Domine, quoniam bonum est. Quoniam ex omni tribulatione eripuisti me: et super inimicos meos despexit oculus meus.
Ut supra. Ego dixi, Domine miserere mei. Ad te, Domine, clamabo, Deus meus, ne sileas a me: nequando (0539C)taceas a me, et assimilabor descendentibus in lacum. Exaudi, Domine, vocem deprecationis meae, dum oro ad te; dum extollo manus meas ad templum sanctum tuum. Illustra faciem tuam super servum tuum, salvum me fac in misericordia tua: Domine, non confundar, quoniam invocavi te.
Oratio. Jesu Domine, qui ante saecula manens, conditionemque humanam suscipiens ab unianimo discipulo proditus mortem subiisti pro perditis: exaudi orationem supplicum, et praesta, ut te vespere meridieque laudantes mereamur ab hujus saeculi tempestatibus defensari, per te Deus noster, qui cum aeterno Patre vivis et regnas in saecula saeculorum. Amen.
PSALMUS.
(0539D)(PSAL. LXVI.) Deus misereatur nostri, et benedicat nobis: illuminet vultum suum super nos, et misereatur nostri. Ut cognoscamus in terra viam tuam: in omnibus gentibus salutare tuum. Confiteantur tibi populi Deus: confiteantur tibi populi omnes. Laetentur et exsultent gentes, quoniam judicas (0540A)populos in aequitate, et gentes in terra dirigis. Confiteantur tibi populi, Deus, confiteantur tibi populi omnes, terra dedit fructum suum. Benedicat nos Deus, Deus noster, benedicat nos Deus: et metuant eum omnes fines terrae.
Ut supra. Ego dixi, Domine, miserere mei. Adjuva nos Deus salutaris noster: propter gloriam nominis tui, Domine, libera nos. Et propitius esto 75 peccatis nostris propter nomen tuum. Fiat, Domine, misericordia tua super nos: quemadmodum speravimus in te. Exaudi nos Deus salutaris noster, spes omnium finium terrae et in mari longe.
Oratio. Illumina, Domine, vultum tuum super nos, et misericordiam nobis uberem, benedictionemque largire. Per.
PSALMUS. (0540B)
(PSAL. LIX.) Deus, in adjutorium meum intende: Domine, ad adjuvandum me festina. Confundantur et revereantur, qui quaerunt animam meam. Avertantur retrorsum et erubescant, qui volunt mihi mala. Avertantur statim erubescentes: qui dicunt mihi: Euge, euge! Exsultent et laetentur in te omnes, qui quaerunt te: et dicant semper: magnificetur Dominus, qui diligunt salutare tuum. Ego vero egenus et pauper sum: Deus adjuva me. Adjutor meus et liberator meus es tu: Domine, ne moreris.
Ut supra. Ego dixi, Domine miserere mei. Deus ne elongeris a me: Deus meus in auxilium meum respice. Ego autem in te, Domine, semper sperabo: (0540C)et adjiciam super omnem laudem tuam. Adjuva me, Domine Deus meus: salvum me fac secundum misericordiam tuam.
Oratio. Inexhausti adjutorii Deus aeterne, ad adjuvandum familiae, tuae supplicanti [ Cod. Reg., familiae supplici] festinus occurre: ut evictis macularum [ Cod. Reg., ut evictis malorum] opprobriis, tuis semper auxiliis muniamur.
PSALMUS.
(PSAL. XXX.) In te Domine speravi, non confundar in aeternum: in justitia tua libera me. Inclina ad me aurem tuam: accelera ut eruas me. Esto mihi in Deum protectorem, et in domum refugii: ut salvum me facias. Quoniam fortitudo mea et refugium meum es tu: et propter nomen tuum deduces (0540D)me, et enutries me. Educes me de laqueo hoc, quem absconderunt mihi: quoniam tu es protector meus. In manus tuas commendo spiritum meum: redemisti me, Domine Deus veritatis. Odisti observantes vanitates supervacue. Ego autem in Domino speravi: exsultabo et laetabor in misericordia tua. (0541A)Quoniam respexisti humilitatem meam, salvasti de necessitatibus animam meam. Nec conclusisti me in manibus inimici: statuisti in loco spatioso pedes meos. Miserere mei Domine, quoniam tribulor: conturbatus est in ira oculus meus, anima mea, et venter meus. Quoniam defecit in dolore vita mea, et anni mei in gemitibus. Infirmata est in paupertate virtus mea, et ossa mea conturbata sunt. Super omnes inimicos meos factus sum opprobrium: vicinis meis valde, et timor notis meis. Qui videbant me, foras fugerunt a me: oblivioni datus sum tanquam mortuus a corde. Factus sum tanquam vas perditum: quoniam audivi vituperationem multorum commorantium in circuitu. In eo dum convenirent simul adversum me: accipere animam meam conciliati (0541B)sunt. Ego autem in te speravi Domine: dixi, Deus meus es tu, in manibus tuis sortes meae. Eripe me de manu inimicorum meorum, et a persequentibus me. Illustra faciem tuam super servum tuum, salvum me fac in misericordia tua Domine: non confundar, quoniam invocavi te. Erubescant impii, et deducantur in infernum: muta fiant labia dolosa, quae loquuntur adversus justum iniquitatem in superbia, et in abusione. Quam magna multitudo dulcedinis tuae, Domine, quam abscondisti timentibus te! Perfecisti eis, qui sperant in te, in conspectu filiorum hominum. Abscondes eos in abscondito faciei tuae, a conturbatione hominum. Proteges eos in tabernaculo tuo, a contradictione linguarum. Benedictus Dominus: quoniam mirificavit misericordiam (0541C)suam mihi in civitate munita. Ego autem dixi in excessu mentis meae: projectus sum a facie oculorum tuorum. Ideo exaudisti vocem orationis meae, dum clamarem ad te. 76 Diligite Dominum, omnes sancti ejus: quoniam veritatem requiret Dominus, et retribuet abundanter facientibus superbiam. Viriliter agite, et confortetur cor vestrum: omnes qui speratis in Domino.
Ut supra. Ego dixi, Domine, miserere mei. Exaudi, Deus, orationem meam, et ne despexeris deprecationem meam: intende mihi, et exaudi me. Domine exaudi orationem meam, et clamor meus ad te veniat. In quacunque die invocavero te, velociter exaudi me.
Oratio. Excelsi solii regnator immense [ Cod. (0541D)Reg., regnator aeterne], qui sperantes in te damnari aeterna confusione non pateris: reple, quaesumus, labia nostra [laude tua] et in his nos semper meditationibus bonorum insinuator exerce [ Cod. Reg., exercere digneris]. Per.
PSALMUS.
(PSAL. LXXXV.) Inclina Domine aurem tuam, et exaudi me: quoniam inops et pauper sum ego. Custodi animam meam, quoniam sanctus sum: salvum fac servum tuum Deus meus sperantem in te. Miserere mei, Domine, quoniam ad te clamavi tota die: (0542A)laetifica animam servi tui, quoniam ad te, Domine, animam meam levavi. Quoniam tu Domine suavis et mitis: et multae misericordiae omnibus invocantibus te. Auribus percipe Domine orationem meam: intende voci deprecationis meae. In die tribulationis meae clamavi ad te: quia exaudisti me. Non est similis tui in diis, Domine: et non est secundum opera tua. Omnes gentes, quascunque fecisti, venient et adorabunt coram te Domine: et glorificabunt nomen tuum. Quoniam magnus es tu, faciens mirabilia: tu es Deus solus. Deduc me, Domine, in via tua, et ingrediar in veritate tua: laetetur cor meum, ut timeat nomen tuum. Confitebor tibi Domine Deus meus in toto corde meo: et glorificabo nomen tuum in aeternum. Quia misericordia tua magna est super me: et (0542B)eruisti animam meam ex inferno inferiori. Deus iniqui insurrexerunt super me: et synagoga potentium quaesierunt animam meam: et non proposuerunt te in conspectu suo. Et tu, Domine Deus miserator et misericors, patiens et multae misericordiae, et verax. Respice in me, et miserere mei, da imperium tuum puero tuo: et salvum fac filium ancillae tuae. Fac mecum signum in bonum, ut videant qui oderunt me, et confundantur: quoniam tu, Domine, adjuvisti me et consolatus es me.
Ut supra. Ego dixi, Domine miserere mei. Ne derelinquas me, Domine, Deus meus: ne discesseris a me. Intende in adjutorium meum, Domine Deus salutis meae. Adjutor meus, et protector meus, tu es Deus meus, ne tardaveris.
(0542C)Oratio. Laetifica, Domine, vultum familiae tuae [ Cod. Reg., vultum tuum super familiam tuam], et erue animas nostras ex inferno inferiori, ut tui vultus contemplatione protecti, desideria carnis spiritali dominatione calcemus. Per.
Litania ut supra.
Ego dixi, Domine Deus meus, in te speravi. Salvum me fac ex omnibus persequentibus me, et libera me. Ne quando rapiat ut leo animam meam, dum non est qui redimat, neque qui salvum faciat. Tu autem, Domine, ne elongaveris auxilium tuum a me: ad defensionem meam conspice. Judica, Domine, nocentes me, expugna impugnantes me. Apprehende arma et scutum, et exsurge in adjutorium mihi. Effunde frameam, et conclude adversus eos, qui persequuntur (0542D)me: dic animae meae, Salus tua ego sum. Domine averte faciem tuam a peccatis meis, et omnes iniquitates meas dele. Cor mundum crea in me, Deus, et spiritum rectum innova in visceribus meis. Ne projicias me a facie tua; et Spiritum sanctum tuum ne auferas a me. Redde mihi laetitiam salutaris tui, et spiritu principali confirma me. Eripe me, Domine, ab homine malo, a viro iniquo eripe me. Non tradas, Domine, desiderio meo peccatori, cogitaverunt contra me: ne derelinquas me, ne forte exaltentur. Domine, clamavi ad te, exaudi me, intende voci meae, cum clamavero ad te. Dirigatur oratio mea sicut incensum in conspectu tuo: elevatio manuum mearum (0543A)sacrificium vespertinum. Pone, Domine, custodiam ori meo; et ostium circumstantiae labiis meis. Non declines cor meum in verba 77 malitiae, ad excusandas excusationes in peccatis. Domine exaudi orationem meam, auribus percipe obsecrationem meam in veritate tua, exaudi me in tua justitia. Et non intres in judicio cum servo tuo: quia non justificabitur in conspectu tuo omnis vivens. Auditam fac mihi mane misericordiam tuam, quia in te speravi. Notam fac mihi viam in qua ambulem, quia ad te levavi animam meam. Eripe me de inimicis meis, Domine, ad te confugi: doce me facere voluntatem tuam, quia Deus meus es tu. Spiritus tuus bonus deducet me in terra recta, propter nomen tuum Domine: vivificabis me in aequitate tua. Educes de (0543B)tribulatione animam meam, et misericordia tua disperdes inimicos meos. Et perdes omnes, qui tribulant animam meam, quoniam ego servus tuus sum. Domine exaudi orationem meam, et clamor meus ad te veniat. Miserere mei, Deus, secundum magnam etc..
ORATIO SANCTI AUGUSTINI.
Tibi soli, Domine, peccavi, quia nullus hominum sine peccato: et ideo tibi soli peccavi, quia tu solus es sine peccato. Da, Domine, misericordiam misero, qui tandiu pepercisti criminoso. Aspice ad infelicem pietas immensa. Respice crudelem misericordia publica. Pene desperatus ad omnipotentem venio, vulneratus ad medicum curro. Serva, Domine, pietatem mensuetudinis, qui tandiu suspendisti gladium (0543C)ultionis. Dele numerositatem criminum multitudine misericordiarum. . . Hic nonnulla desunt.
Et ego ad te, Domine, clamavi, et mane oratio mea praeveniet te. Ut quid, Domine, repellis orationem meam, avertis faciem tuam a me? Pauper sum ego, et in laboribus a juventute mea: exaltatus autem, humiliatus, et conturbatus. In me transierunt irae tuae: et terrores tui conturbaverunt me. Circumdederunt me sicut aqua tota die, circumdederunt me simul. Elongasti a me amicum et proximum, et notos meos a miseria.
Oratio. Redemptor omnium, ineffabilisque Salvator Deus, qui pro nobis inferna penetrans, factus es inter mortuos liber: exaudi matutinam precem: miserere, Domine, familiae, et erue nos ab inimici (0543D)insidiantis pessima servitute. Per.
Alia oratio. Palma totius beatitudinis Deus, qui fideles tuos, ut in lege tua ambulent, testimonia tua scrutentur, mandata custodiant, salubris provisor informas: concede nobis justificationes tuas toto corde quaerere, eloquia intelligere, mirabilia praedicare: ut qui hactenus quasi perditae oves erravimus, tuis piis humeris restitui paradiso gloriemur. Per.
Litania ut supra.
Deus, propitius esto mihi peccatori. Domine, miserere mei, sana animam meam, quia peccavi tibi. Quoniam lumbi mei impleti sunt illusionibus, (0544A)et non est sanitas in carne mea. Propter nomen tuum, Domine, propitiaberis peccato meo: multum est enim. Delicta quis intelligit? ab occultis meis munda me: et ab alienis parce servo tuo. Delicta juventutis meae, et ignorantias meas ne memineris. Secundum misericordiam tuam memento mei tu, propter bonitatem tuam, Domine. Miserere mei, Deus, secundum magnam misericordiam tuam, dele iniquitatem meam.
ORATIO METRICA AURELII PRUDENTII CLEMENTIS.
O Dee cunctipotens animae dator, o Dee Christe
Cujus ab ore Deus subsistit spiritus unus,
Te moderante regor, te vitam principe duco:
(0544B)Judice te pallens trepido, te judice eodem
Spem capio fore, quidquid ago, veniabile apud te,
Quamlibet indignum venia, faciamque loquarque,
Confiteor, dimitte libens, et parce fatenti.
Omne malum merui, sed tu, bonus arbiter, aufer
Quod merui; meliora favens largire precanti.
Dona animae quandoque meae, cum corporis hujus
78 Liquerit hospitium, nervis, cute, sanguine, felle
Os sibi exstructum corrupta quod incola luxu
Heu nimium complexa fovet, cum flebilis hora
Clauserit hos orbes, et conclamata jacebit
Materies, oculisque suis mens nuda fruetur,
Ne cernat truculentum aliquem de gente latronum
Immitem, rabidum, vultuque et voce minacem,
Terribilem, qui me maculosum aspergine morum
(0544C)In praeceps ut praedo trahat, nigrisque ruentem
Immergat specubus cuncta exacturus ad usque
Quadrantem minimum damnosae debita vitae.
Multa in thesauris patris est habitatio, Christe,
Disparibus secreta locis. Non posco beata
In regione domum, sint illic castra virorum.
Agmina, pulvereum quae dedignantia censum
Divitias petiere tuas, sit flore perenni
Candida virginitas animum castrata recisum.
At mihi tartarei satis est si nulla ministri
Occurrat facies, avidae nec flamma gehennae
Devoret hanc animam, mersam fornacibus imis
Esto, cavernoso, quia sic pro labe necesse est
Corporea, tristis me sorbeat ignis Averno.
Statim mitificos incendia lenta vapores
(0544D)Exhalent, aestuque calor languente tepescat.
Lux immensa alios, et tempora juncta coronis
Glorificet, me poena levis clementer adurat.
Item preces de charitatis dono.
Diligam te, Domine, fortitudo mea.
De laude Dei.
Benedicam Dominum in omni tempore: semper laus ejus in ore meo.
Pro fide.
Domine auge nobis fidem.
Pro spe.
Exaudi nos Deus, salutaris noster, spes omnium finium terrae.
(0545A)Pro custodia Dei.
Custodi me, Domine, ut pupillam oculi: sub umbra alarum tuarum protege nos.
Pro conversione.
Domine, dimitte me, ut refrigerer priusquam abeam, et amplius non ero.
Pro fortitudine.
Fortitudinem meam ad te custodiam, quia Deus susceptor meus: Deus meus, misericordia ejus praeveniet me.
Pro gratia Dei.
Misericordia tua praeveniet me, et misericordia tua subsequatur me omnibus diebus vitae meae.
Pro extremo die.
Quoniam tu es protector meus, Domine, in manus (0545B)tuas commendabo spiritum meum.
Pro tentatione.
Erue, Domine, a framea animam meam: et de manu canis unicam meam.
O Domine, libera animam meam, misericors Dominus, et justus, et Deus noster miseretur.
Pro visione Dei.
Unam petii a Domino, hanc requiram; ut inhabitem in domo Domini omnibus diebus vitae meae. Ut videam voluntatem [ L., voluptatem] Domini, et visitem templum ejus. Beati qui habitant in domo tua, Domine, in saecula saeculorum laudabunt te.
ORATIO ALCUINI.
De agnitione Dei, et indulgentia delictorum, et de ereptione diversarum tribulationum. (0545C)Miserere Domine, miserere Christe: tu misericordia mea, miserere mihi. Miserere Domine, miserere Christe: ut bene rogem te. Miserere Domine, miserere Christe: ut dignum me facias exaudiri. Miserere Domine, miserere Christe: ut exaudias me. Miserere Domine, miserere Christe: ut sanctam voluntatem tuam doceas me. Miserere Domine, miserere Christe: ut in charitate tua enutrias me. Miserere Domine, miserere Christe: ut Spiritu sancto tuo 79 illumines me. Miserere Domine, miserere Christe: ut credam in te. Miserere Domine, miserere Christe: ut cognoscam te. Miserere Domine, miserere Christe: ut diligam te. Miserere Domine, miserere Christe: ut sperem in te. Miserere Domine, miserere Christe: ut a morte perpetua eripias (0545D)me. Miserere Domine, miserere Christe: ut de omnibus peccatis meis veram poenitentiam tribuas mihi. Miserere Domine, miserere Christe: ut remissionem omnium peccatorum tribuas mihi. Miserere Domine, miserere Christe: ut ab omni tribulatione eripias me. Miserere Domine, miserere Christe: ut ab omni immunditia cordis et corporis liberes me. Miserere Domine, miserere Christe: ut fontem libidinis exstinguas in me. Miserere Domine, miserere Christe: ut ab insidiis diaboli liberes me. Miserere Domine, miserere Christe: ut ab omni malo liberes me. Miserere Domine, miserere Christe: ut ab immunda cogitatione liberes me. Miserere Domine, miserere (0546A)Christe: ut anima mea vivat in te. Miserere Domine, miserere Christe: ut caro mea exsultet in te. Miserere Domine, miserere Christe: ut vita mea proficiat in te. Miserere Domine Deus Pater, gloria mea, vita mea. Miserere Christe Salvator, salus mea, fortitudo mea. Miserere Spiritus paraclitus, consolatio mea, illuminatio mea. Miserere Domine Deus, Trinitas, et unitas. Te laudo, te adoro, te confiteor, pax mea, spes mea, laus mea, lux mea, pulchritudo mea, beatitudo mea. Tibi laus, tibi gloria, tibi gratiarum actio semper ubique in saecula sempiterna.
FERIA IV. ORATIO BEATI AMBROSII, In qua pro suis peccatis veniam postulat.
Miserator et misericors, patiens, et multum misericors, (0546B)magne et terribilis Deus: tibi confiteor delicta mea, tibi patefacio vulnera mea. Tu propter ineffabilem bonitatem tuam confer mihi misero medicinam. Tu enim mitissime, dignatus es dicere: Nolo mortem peccatoris, sed ut convertatur, et vivat. Confiteor, inique egi: perversa est in conspectu tuo via mea. Lapsa est in lacum miseriae vita mea, exstincta est in iniquitatibus anima mea. Superbia, libido, ira, impatientia, malitia, invidia, gula, ebrietas, concupiscentia, rapina, mendacium, perjurium, scurrilitas, stultiloquium, ignorantia, negligentia, seu caeterae pestes occiderunt animam meam. Pollutum est cor meum, et labia mea; visus meus et auditus, gustus, odoratus, et tactus: et omnimodis cogitatione, locutione, sive actione perditus sum. (0546C)Quaeso te, Domine Deus, cujus miseratio nullum habet finem, attrahe me sicut attraxisti mulierem peccatricem. Dona mihi, sicut donasti illi, non cessare osculari pedes tuos, rigare lacrymis, extergere capillis. Concede mihi, ut secundum magnitudinem iniquitatum mearum sit magna dilectio mea in te: ut propter immensam pietatem tuam omnia dimittas mihi. Largire mihi de praeteritis veniam, de praesentibus malis continentiam, de futuris cautelam. Fac me, priusquam moriar, consequi plenissime misericordiam tuam, et ne dies meos ante finiri sinas, quam peccata dimittas: sed sicut vis, et sicut scis, miserere mei.
PSALMI PRO QUACUNQUE TRIBULATIONE CANTANDI.
PSALMUS. (0546D)
(PSAL. XXI.) Deus, Deus meus, respice in me: quare me dereliquisti? longe a salute mea verba delictorum meorum. Deus meus clamabo per diem, et non exaudies: et nocte, et non ad insipientiam mihi. Tu autem in sancto habitas, laus Israel. In te speraverunt patres nostri: speraverunt, et liberasti eos. Ad te clamaverunt, et salvi facti sunt: in te speraverunt, et non sunt confusi. Ego autem sum vermis, et non homo: opprobrium hominum et abjectio plebis. Omnes videntes me, deriserunt me: ocuti sunt labiis, et moverunt caput. Speravit in Domino, eripiat eum: salvum faciat eum, quoniam (0547A)vult eum. Quoniam tu es, qui extraxisti me de ventre: spes mea ab uberibus matris meae. In te projectus sum ex utero: de ventre matris meae Deus meus es tu; ne 80 discesseris a me. Quoniam tribulatio proxima est, quoniam non est qui adjuvet. Circumdederunt me vituli multi: tauri pingues obsederunt me. Aperuerunt super me os suum: sicut leo rapiens et rugiens. Sicut aqua effusus sum: et dispersa sunt omnia ossa mea. Factum est cor meum tanquam cera liquescens, in medio ventris mei. Aruit tanquam testa virtus mea, et lingua mea adhaesit faucibus meis: et in pulverem mortis deduxisti me. Quoniam circum dederunt me canes multi: consilium malignantium obsedit me. Foderunt manus meas et pedes meos, et dinumeraverunt omnia ossa mea. Ipsi vero (0547B)consideraverunt et inspexerunt me: diviserunt sibi vestimenta mea, et super vestem meam miserunt sortem. Tu autem, Domine, ne elongaveris auxilium tuum a me: ad defensionem meam conspice. Erue a framea animam meam: et de manu canis unicam meam. Salva me ex ore leonis, et a cornibus unicornium humilitatem meam. Narrabo nomen tuum fratribus meis: in medio Ecclesiae laudabo te. Qui timetis Dominum, laudate eum: universum semen Jacob glorificate eum. Timeat eum omne semen Israel: quoniam non sprevit, neque despexit deprecationem pauperis. Nec avertit faciem suam a me: et cum clamarem ad eum, exaudivit me. Apud te laus mea in Ecclesia magna: vota mea reddam in conspectu timentium eum. Edent pauperes, et saturabuntur: (0547C)et laudabunt Dominum, qui requirunt eum: vivent corda eorum in saeculum saeculi. Reminiscentur, et convertentur ad Dominum universi fines terrae. Et adorabunt in conspectu ejus universae familiae gentium. Quoniam Domini est regnum: et ipse dominabitur gentium. Manducaverunt et adoraverunt omnes pingues terrae: in conspectu ejus cadent omnes, qui descendunt in terram. Et anima mea illi vivet: et semen meum serviet ipsi. Annuntiabitur Domino generatio ventura: et annuntiabunt coeli justitiam ejus populo, qui nascetur, quem fecit Dominus.
Ut supra. Domine, quid multiplicati sunt, qui tribulant me? multi insurgunt adversum me. Multi dicunt animae meae, non est foedus [ Al., salus] ipsi (0547D)in Deo ejus. Tu autem, Domine, susceptor meus es: gloria mea, et exaltans caput meum.
Oratio. Caput misericordiae Deus, qui propter nos descendens in uterum, addictus ligno, perfossus clavo, vestimentis insuper sorte divisis, surrexisti liber ab infernis: precamur, ut hujus sancti commercii non immemor sis, populi ab hoste leonis ereptor, qui fuisti quondam patribus in te sperantibus liberator. Per Dominum.
PSALMUS.
(PSAL. LXIII.) Exaudi Deus orationem meam cum deprecor: a timore inimici eripe animam meam. Protexisti me a conventu malignantium: a multitudine (0548A)operantium iniquitatem. Quia exacuerunt ut gladium linguas suas, intenderunt arcum rem amaram: ut sagittent in occultis immaculatum. Subito sagittabunt eum, et non timebunt: firmaverunt sibi sermonem nequam. Narraverunt ut absconderent laqueos: dixerunt: Quis videbit eos? Scrutati sunt iniquitates: defecerunt scrutantes scrutinio. Accedet homo ad cor altum: et exaltabitur Deus. Sagittae parvulorum factae sunt plagae eorum, et infirmatae sunt contra eos linguae eorum. Conturbati sunt omnes qui videbant eos: et timuit omnis homo. Et annuntiaverunt opera Dei, et facta ejus intellexerunt. Laetabitur in Domino, et sperabit in eo: et laudabuntur omnes recti corde.
Ut supra. Adjutor in opportunitatibus, in tribulationibus, (0548B)quae invenerunt nos nimis. Sperent in te omnes, qui noverunt nomen tuum Domine; quoniam non dereliquisti quaerentes te, Domine. Deus qui sedes super thronum, et judicas aequitatem, esto refugium pauperum, quia tu solus laborem et dolorem consideras.
Oratio. Tutela omnium credentium, Deus, custodi Ecclesiam tuam a conventu malignantium, qui eam occultis jaculis oppugnare nituntur: ut te salubri rectoque retinens intellectu, justorum meritis perpetualiter collaetetur.
81 PSALMUS.
(PSAL. LXXVIII.) Salvum me fac Deus: quoniam intraverunt aquae usque ad animam meam. Infixus (0548C)sum in limo profundi: et non est substantia. Veni in altitudinem maris: et tempestas demersit me. Laboravi clamans, raucae factae sunt fauces meae: defecerunt oculi mei, dum spero in Deum meum. Multiplicati sunt super capillos capitis mei, qui oderunt me gratis. Confortati sunt qui persecuti sunt me inimici mei injuste: quae non rapui, tunc exsolvebam. Deus tu scis insipientiam meam; et delicta mea a te non sunt abscondita. Non erubescant in me, qui exspectant te Domine virtutum. Non confundantur super me, qui quaerunt te, Deus Israel. Quoniam propter te sustinui opprobrium: operuit confusio faciem meam. Extraneus factus sum fratribus meis: et peregrinus filiis matris meae. Quoniam zelus domus tuae comedit me: et opprobria exprobrantium tibi ceciderunt (0548D)super me. Et operui in jejunio animam meam, et factum est in opprobrium mihi. Et posui vestimentum meum in cilicium: et factus sum illis in parabolam. Adversum me loquebantur, qui sedebant in porta, et in me psallebant, qui bibebant vinum. Ego vero orationem meam ad te Domine: tempus beneplaciti Deus. In multitudine misericordiae tuae exaudi me: in veritate salutis tuae. Eripe me de luto, ut non infigar: libera me ab his, qui oderunt me, et de profundis aquarum. Non me demergat tempestas aquae, neque absorbeat me profundum: neque urgeat super me puteus os suum. Exaudi me, Domine, quoniam benigna est misericordia tua: secundum multitudinem miserationum tuarum respice in me. Et ne avertas faciem tuam a puero tuo: quoniam (0549A)tribulor, velociter exaudi me. Intende animae meae et libera eam: propter inimicos meos eripe me. Tu sis improperium meum: et confusionem meam, et reverentiam meam. In conspectu tuo sunt omnes, qui tribulant me: improperium exspectavit cor meum et miseriam. Et sustinui, qui simul contristaretur, et non fuit: et qui consolaretur, et non inveni. Et dederunt in escam meam fel: et in siti mea potaverunt me aceto. Fiat mensa eorum coram ipsis in laqueum: et in retributiones et in scandalum. Obscurentur oculi eorum, ne videant, et dorsum eorum semper incurva. Effunde super eos iram tuam . et furor irae tuae comprehendat eos. Fiat habitatio eorum deserta: et in tabernaculis eorum non sit, qui inhabitet. Quoniam quem tu percussisti, (0549B)persecuti sunt: et super dolorem vulnerum meorum addiderunt. Appone iniquitatem super iniquitatem eorum: et non intrent in justitiam tuam. Deleantur de libro viventium: et cum justis non scribantur. Ego sum pauper et dolens: salus tua Deus suscepit me. Laudabo nomen Dei cum cantico: et magnificabo eum in laude. Et placebit Deo super vitulum novellum, cornua producentem et ungulas. Videant pauperes et laetentur: quaerite Deum, et vivet anima vestra. Quoniam exaudivit pauperes Dominus: et vinctos suos non despexit. Laudent illum coeli et terra: mare, et omnia reptilia in eis. Quoniam Deus salvam faciet Sion: et aedificabuntur civitates Judae. Et inhabitabunt ibi, et haereditate acquirent eam. Et semen servorum ejus possidebit (0549C)eam, et qui diligunt nomen ejus, habitabunt in ea.
Ut supra. In tribulatione invocavi Dominum, et ad Deum meum clamavi. Et exaudivit de templo sancto suo vocem meam, et clamor meus in conspectu ejus introibit in aures ejus. Deus noster refugium et virtus: adjutor in tribulationibus, quae invenerunt nos nimis.
Oratio. Benignissime Domine exaudi nos in veritate salutis tuae, ut eruti ab squalore peccati mereamur in libro vitae digito coelesti conscribi. Per.
Educes de tribulatione animam meam. Et perdes omnes, qui tribulant animam meam. Exaudi Deus orationem meam, cum deprecor.
ORATIO SANCTI AMBROSII.
(0549D) Christe summa Dei virtus, una et indiscreta majestas, orationis meae tota substantia, invoco nomen sanctum tuum: exaudi me meo mecum corde luctantem, agnoscentem peccata facinorum, et cogitationum crimina confitentem. 82 Frange, Domine, artes diaboli; fingit enim labiis aliud suggerendo, ipsamque orationem captivat. Respice, Domine, mei supplicis lacrymas; et cum lacrymae non sint, indulgentiae tuae pietatem infunde. Custodi in me immaculatam fidem, meque cum proximis semper in pace reconcilia. Fructuos [ F., os fructus] tuos panis. . . . . propria largitate distribue. Tibi inclino cervicem. Tibi genua flecto. Te Dominum Deum, (0550A)cum sis unus, in sancta Trinitate confiteor. Frange, Domine, contra me inimicorum potestates, erue me de periculis, tuere me in omnibus causis, et in criminatione defende. Aegro me jacente, et ea, quae explere non possum, quasi sint expleta concede.
ORATIO.
Pro familiaribus nostris et cunctis fidelibus defunctis.
Te, Domine sancte Pater omnipotens aeterne Deus, supplices deprecamur pro spiritibus famulorum et famularum tuarum, quos ab origine saeculi hujus ad te accersire praecepisti; ut digneris, Domine, dare eis locum lucidum, locum refrigerii et quietis; et ut liceat eis transire portas infernorum, et vias tenebrarum, maneantque in mansionibus sanctorum, et (0550B)in luce sancta, quam olim Abrahae promisisti et semini ejus. Nullam laesionem sustineant animae eorum, sed cum magnus ille dies resurrectionis ac remunerationis advenerit, resuscitare eos digneris Domine, una cum sanctis et electis tuis: et ut deleas eorum delicta atque peccata, usque ad novissimum quadrantem, tecumque immortalitatis vitam et regnum consequantur aeternum.
Ut supra. Ne tradas bestiis. Requiem aeternam. Justorum animae.
PSALMUS.
(PSAL. V.) Verba mea auribus percipe, Domine: intellige clamorem meum. Intende voci orationis meae, Rex meus et Deus meus. Quoniam ad te adorabo, Domine: (0550C)mane exaudies vocem meam. Mane astabo tibi et videbo: quoniam non Deus volens iniquitatem tu es. Neque habitabit juxta te malignus: neque permanebunt injusti ante oculos tuos. Odisti omnes qui operantur iniquitatem: perdes omnes qui loquuntur mendacium. Virum sanguinum et dolosum abominabitur Dominus. Ego autem in multitudine misericordiae tuae introibo in domum tuam: adorabo ad templum sanctum tuum in timore tuo. Domine deduc me in justitia tua: propter inimicos meos dirige in conspectu tuo viam meam. Quoniam non est in ore eorum veritas: cor eorum vanum est. Sepulcrum patens est guttur eorum: linguis suis dolose agebant, judica illos Deus. Decidant a cogitationibus suis, secundum multitudinem impietatum eorum expelle (0550D)eos, quoniam irritaverunt te Domine. Et laetentur omnes, qui sperant in te: in aeternum exsultabunt et habitabis in eis. Et gloriabuntur in te omnes, qui diligunt nomen tuum: quoniam tu benedices justo. Domine ut scuto bonae voluntatis tuae coronasti nos.
Ut supra. A porta inferi. Pretiosa est in conspectu Domini.
Oratio. Pie Domine, qui attriti cordis gemitum, priusquam proferatur, intelligis, effice nos, quaeso, templum Paracliti, ut mereamur scuto coelestis benevolentiae coronari. Per.
Alia oratio. Supplicationibus clamoris nostri, quaesumus, Domine, aures tuae pietatis clementer accommoda: ut animae famulorum famularumque tuarum, (0551A)omnium christianorum, ab omni mortis exutae contagio, coelesti perfrui regno mereantur. Per te Christe Jesu qui vivis et regnas.
PSALMUS.
(PSAL. VI.) Domine ne in furore tuo arguas me: neque in ira tua corripias me. Miserere mei Domine, quoniam infirmus sum: sana me Domine, quoniam conturbata sunt ossa mea. Et anima mea turbata est valde: sed tu Domine usquequo? Convertere Domine, et eripe animam meam, salvum me fac propter misericordiam tuam. Quoniam non est in morte, qui memor sit tui: in inferno autem quis confitebitur tibi? Laboravi in gemitu meo, lavabo per singulas noctes 83 lectum meum: lacrymis (0551B)meis stratum meum rigabo. Turbatus est a furore oculus meus: inveteravi inter omnes inimicos meos. Discedite a me, omnes qui operamini iniquitatem: quoniam exaudivit Dominus vocem fletus mei. Exaudivit Dominus deprecationem meam: Dominus orationem meam suscepit. Erubescant et conturbentur vehementer omnes inimici mei: convertantur et erubescant valde velociter.
Ut supra. In memoria aeterna erit justus. Animae eorum in bonis demorabuntur.
Oratio. Ut ne in furore et ira tua animas famulorum tuorum, Domine, arguas, deprecamur: sed cuncta peccaminum labe mundatos, tuae pietatis dono refrigerii locum concede. Per Dominum.
PSALMUS. (0551C)
(PSAL. XXXIX.) Exspectans exspectavi Dominum: et intendit mihi. Et exaudivit preces meas, et eduxit me de lacu miseriae, et de luto faecis. Et statuit supra petram pedes meos, et direxit gressus meos. Et immisit in os meum canticum novum, carmen Deo nostro. Videbunt multi et timebunt: et sperabunt in Domino. Beatus vir, cujus est nomen Domini spes ejus: et non respexit in vanitates, et insanias falsas. Multa fecisti tu Domine Deus meus mirabilia tua, et cogitationibus tuis non est, qui similis sit tibi. Annuntiavi et locutus sum: multiplicati sunt super numerum. Sacrificium et oblationem noluisti: aures autem perfecisti mihi. Holocaustum et pro peccato non postulasti: tunc dixi, ecce venio. In capite (0551D)libri scriptum est de me, ut facerem voluntatem tuam, Deus meus volui, et legem tuam in medio cordis mei. Annuntiavi justitiam tuam in Ecclesia magna: ecce labia mea non prohibebo, Domine tu scisti. Justitiam tuam non abscondi in corde meo: veritatem tuam et salutare tuum dixi. Non abscondi misericordiam tuam et veritatem tuam a consilio multo. Tu autem Domine ne longe facias miserationes tuas a me, misericordia tua et veritas tua semper susceperunt me. Quoniam circumdederunt me mala, quorum non est numerus: comprehenderunt me iniquitates meae, et non potui ut viderem. Multiplicatae sunt super capillos capitis mei: et cor meum dereliquit me. Complaceat tibi Domine ut eruas me: Domine (0552A)ad adjuvandum me respice. Confundantur et revereantur simul: qui quaerunt animam meam, ut auferant eam. Convertantur retrorsum et revereantur, qui volunt mihi mala. Ferant confestim confusionem suam, qui dicunt mihi: Euge, euge. Exsultent et laetentur super te omnes quaerentes te, et dicant semper: Magnificetur Dominus, qui diligunt salutare tuum. Ego autem mendicus sum et pauper: Dominus sollicitus est mei. Adjutor meus et protector meus tu es: Deus meus ne tardaveris.
Ut supra. Exsurge, Domine, in requiem tuam. Justi in perpetuum vivent.
Oratio. Partem beatae resurrectionis obtineant, Domine, animae servorum tuorum, vitamque aeternam habere mereantur in coelis, per te Christe Jesu, (0552B)qui vivis et regnas cum Deo Patre in unitate Spiritus sancti, per immortalia saecula saeculorum. Amen.
Alia oratio. Exspectatio tuorum unica famulorum, Deus, quem venturum in mundum caput libri principalis edocuit: insere, precamur, legem tuam in medio cordis nostri, ut tuas . . . . . nuntiantes ab imminentibus periculis eruamur. Per.
Oratio pro qualicunque homine defuncto. Omnipotens et misericors Deus, tuam deprecamur clementiam, quia judicio tuo et nascimur et finimur: ut animam fratris nostri, quem tua pietas de incolatu hujus mundi transire praecepit, in requiem aeternam suscipias, et in consortio electorum tuorum in resurrectione sociari permittas, ut in aeterna beatitudine (0552C)una cum illis sine fine permaneat. Per.
Animam, quam redemisti, suscipe Domine, cum servis tuis; et qui te confessus est in vita communi, constituas eum in vita perenni.
Alia oratio. Libera, Domine, animam servi tui de periculis infernorum, et de periculis tenebrarum, et de persecutionibus multis, et de flammarum gehennae ignibus. Libera, Domine, animam servi tui, sicut liberasti Abraham 84 de Ur Chaldaeorum. Libera, Domine, animam servi tui, sicut liberasti Loth de civitate Sodomorum. Libera, Domine, animam servi tui, sicut liberasti populum Israel de manu Aegyptiorum. Libera, Domine, animam servi tui, sicut liberasti Moysem de manu Pharaonis, qui antecedebat populum Israel in deserto. Libera, Domine, animam (0552D)servi tui, sicut liberasti David de manu Saulis, et de manu Goliae gigantis. Libera, Domine, animam servi tui, sicut liberasti Eliam et Enoch de hoc mundo. Libera, Domine, animam servi tui, sicut liberasti tres pueros de camino ignis ardentis. Libera, Domine, animam servi tui, sicut liberasti Susannam de manu principum. Libera Domine, animam servi tui, sicut liberasti Daniel de lacu leonum. Sicut liberasti, Domine, Jonam de ventre ceti, sic animam fratris nostri ab omnibus periculis poenarum liberare digneris, et bonis aeternis cum electis tuis eam perfrui jubeas. Per.
In memoria aeterna. Requiem aeternam. Requiescant in pace.
FERIA V. CONFESSIO PECCATORUM POST ACCEPTAM QUIETEM. (0553A)
Confiteor tibi, Domine, omnia peccata mea, quaecunque feci, et egi, et gessi omnibus diebus vitae meae. Deus, qui creasti omnia, tu nosti peccata mea: indulge et miserere mei, quia nimium peccavi tibi, Domine, miserere mei. Per intercessionem omnium angelorum atque archangelorum, miserere mei. Per intercessionem patriarcharum et prophetarum miserere mei. Per intercessionem apostolorum, martyrum, confessorum et virginum te deprecor, miserere mei. Domine, si in te peccavi, tamen te non dereliqui, deos alienos non adoravi: miserere mei, (0553B)Domine, veniam peto a te pro omnibus culpis meis. Pius Deus, tibi confiteor peccata mea, quia crimina agnosco in me. Deus propitius esto mihi peccatori servo tuo: non me deseras, non me derelinquas, Deus meus. Pius Deus, sanctus fortis, sanctus et immortalis: misericors Deus clementissime, adjuva me peccatorem famulum tuum. Da mihi cor, quod timeat te, sensum qui te intelligat, oculos qui te videant, aures quae te audiant, nares qui te odorem suscipiant. Domine, mollifica cor meum durum et lapideum, qui sum cinis mortuus. Salva me, Domine, vigilantem, custodi me dormientem; ut dormiam in pace, et vigilem in Christo. Amen. Deprecor te, Domine, ut omnes, qui mihi bona volunt aut faciunt, redde illis in aeternum: et si qui mihi mala volunt (0553C)aut faciunt, da illis indulgentiam. Misericors Deus, da mihi famulo tuo remissionem peccatorum, et finem perfectum; perduc me ad viam salutis.
Alia oratio. Fiat mihi quaeso, Domine, fides firma in corde, galea salutis in capite, signum Christi in fronte, verbum veritatis in ore, voluntas bona in mente, dilectio Dei in pectore, praecinctio castitatis in circuitu, honestas in actione, sobrietas in conscientia, humilitas in prosperitate, patientia in tribulatione, spes in Creatore, perseverantia usque in finem, amor vitae aeternae. Praestante Domino
ORATIO SANCTI BENEDICTI.
Digneris mihi donare, Pater pie et sancte, intellectum, qui te intelligat, sensum qui te sentiat, animum (0553D)qui te sapiat, diligentiam quae te quaerat, sapientiam quae te inveniat, animum qui te cognoscat, viscera quae te ament, cor quod te cogitet, actum qui te augeat, auditum qui te audiat, oculos qui te videant, linguam quae te praedicet, conversationem quae tibi placeat, patientiam quae te sustineat, perseverantiam quae te exspectet, finem perfectum, praesentiam tuam sanctam, resurrectionem bonam, retributionem, vitam aeternam. Amen.
PSALMUS. (PSAL. XXXIII.) Benedicam Dominum in omni tempore, semper laus ejus in ore meo. In Domino laudabitur anima mea: audiant mansueti et laetentur. (0554A)Magnificate Dominum mecum: et exaltemus nomen ejus in idipsum. Exquisivi Dominum, 85 et exaudivit me: et ex omnibus tribulationibus meis eripuit me. Accedite ad eum, et illuminamini: et facies vestrae non confundentur. Iste pauper clamavit, et Dominus exaudivit eum: et ex omnibus tribulationibus ejus salvavit eum. Immittet angelus Domini in circuitu timentium eum: et eripiet eos. Gustate et videte, quoniam suavis est Dominus: beatus vir qui sperat in eo. Timete Dominum omnes sancti ejus: quoniam non est inopia timentibus eum. Divites eguerunt et esurierunt: inquirentes autem Dominum non minuentur omni bono. Venite, filii, audite me: timorem Domini docebo vos. Quis est homo, qui vult vitam: diligit dies videre bonos? (0554B)Prohibe linguam tuam a malo, et labia tua ne loquantur dolum. Diverte a malo et fac bonum, inquire pacem, et persequere eam. Oculi Domini super justos: et aures ejus in preces eorum. Vultus autem Domini super facientes mala: ut perdat de terra memoriam eorum. Clamaverunt justi, et Dominus exaudivit eos: et ex omnibus tribulationibus eorum liberavit eos. Juxta est Dominus his, qui tribulato sunt corde: et humiles spiritu salvabit. Multae tribulationes justorum: et de omnibus his liberavit eos Dominus. Custodit Dominus omnia ossa eorum: unum ex his non conteretur. Mors peccatorum pessima: et qui auderunt justum, delinquent. Redimet Dominus animas servorum suorum: et non delinquent omnes, qui sperant in eo.
(0554C)Ut supra. Protexisti me a conventu malignantium.
Oratio. Angelorum et totius creaturae dispensator Deus, emitte angelum tuum in circuitu nostro, cujus ambitione muniti, mereamur a peccatorum morte pessima liberari. Per Dominum.
Alia Oratio. Inquirentes te, Domine, dignanter exaudi, et ut benedicamur tam in adversis, quam et in prosperis, benignus indulge: atque ut in te laudetur anima nostra, propitius indultor imperti. Et quia juxta es his, qui tribulato sunt corde, aurem tuam ad contritionis nostrae spiritus aperi; et pacem tuam, quae exsuperat omnem sensum [ Add. concede, vel simile ], et corpora nostra et corda purificet. Per.
PSALMUS. (0554D)
(PSAL. CXLIV.) Exaltabo te, Deus meus rex: et benedicam nomini tuo in saeculum, et in saeculum saeculi. Per singulos dies benedicam tibi: et laudabo nomen tuum in saeculum, et in saeculum saeculi. Magnus Dominus et laudabilis nimis, et magnitudinis ejus non est finis. Generatio et generatio laudabit opera tua: et potentiam tuam pronuntiabunt. Magnificentiam gloriae sanctitatis tuae loquentur: et mirabilia tua narrabunt. Et virtutem terribilium tuorum dicent: et magnitudinem tuam narrabunt. Memoriam abundantiae suavitatis tuae eructabunt: (0555A)et in justitia tua exsultabunt. Miserator et misericors Dominus, patiens et multum misericors. Suavis Dominus universis: et miserationes ejus super omnia opera ejus. Confiteantur tibi, Domine, omnia opera tua et sancti tui benedicant tibi. Gloriam regni tui dicent: et potentiam tuam loquentur. Ut notam faciant filiis hominum potentiam tuam et gloriam magnificentiae regni tui. Regnum tuum regnum omnium saeculorum: et dominatio tua in omni generatione et generationem. Fidelis Dominus in omnibus verbis suis: et sanctus in omnibus operibus suis. Allevat Dominus omnes, qui corruunt, et erigit omnes elisos. Oculi omnium in te sperant, Domine: et tu das escam illorum in tempore opportuno. Aperis tu manum tuam: et imples omne animal benedictione. Justus (0555B)Dominus in omnibus viis suis: et sanctus in omnibus operibus suis. Prope est Dominus omnibus invocantibus eum: omnibus invocantibus eum in veritate. Voluntatem timentium se faciet, et deprecationem eorum exaudiet: et salvos faciet eos. Custodit Dominus omnes diligentes se: et omnes peccatores disperdet. Laudationem Domini loquetur os meum: et benedicat omnis caro nomini sancto ejus in saeculum, et in saeculum saeculi.
Ut supra. Misit de summo, et accepit me: assumpsit me de aquis multis. Eripuit me de inimicis meis fortissimis, et ab his qui oderunt me, quoniam 86 confortati sunt super me. Praevenerunt me in die afflictionis meae, et factus est Dominus protector meus.
(0555C)Oratio. Regnator omnium saeculorum, Domine, qui spiritualem cibum omni animae opportuno ministras in tempore: concede nobis te perpetualiter benedicere, tuamque potentiam cum electis tuis fiducialiter exaltare. Per Dominum nostrum Jesum Christum.
Capitulum. Liberasti nos, Domine, ex affligentibus nos, et eos, qui nos oderunt, confudisti. Laus tibi, Domine Rex aeternae gloriae.
GRATIARUM ACTIO.
Tibi ago laudes et gratias, Deus meus, misericordia mea, qui me ad tuam cognitionem perducere, et per sacri me baptismatis ablutionem inter adoptionis tuae filios aggregare dignatus es. Tibi ago laudes et gratias, qui me ab ipsis rudimentis infantiae usque (0555D)ad hanc horam per multa defluentem vitia, immensae bonitatis tuae patientia ad emendationem exspectas. Te laudo et glorifico, qui me saepissime de multis tribulationibus et angustiis, calamitatibus et miseriis liberasti, qui me hactenus de aeternis suppliciis, de corporis hujus cruciatibus exemisti. Te laudo et glorifico, qui mihi sospitatem membrorum, tranquillitatem temporum, et honorem, affectum et charitatem: si qua etiam dona sunt in me tuae pietatis, conferre dignatus es. Quaeso, Domine Deus, inaestimabilem suavitatis tuae clementiam; ut inchoata in me bona perficias. Quidquid in me tibi displicet, (0556A)repellas; a cunctis me, quae supersunt, tribulationibus, iniquitatibus ac diversis malis eripias. Cogitationes meas, locutiones pariter et actus in tua voluntate dirigas; et ne auferas animam meam de hoc mundo, priusquam emendari studeat in tua voluntate. Inter adversa me et prospera gradientem semper et ubique custodias: et ad tuae me visionis iterata gaudia quandoque perducas. Amen.
ORATIO ISIDORI PRO OMNIBUS CHRISTIANIS. Pie exaudibilis Domine, Deus noster Jesu Christe, clementiam tuam cum omni supplicatione deposcimus, ut per interventum et meritum beatae et gloriosae semper virginis Mariae, omniumque sanctorum angelorum, archangelorum, patriarcharum, prophetarum, (0556B)apostolorum, martyrum, virginum, confessorum, monachorum, et omnium civium supernorum, Ecclesiae tuae sanctae catholicae fidem augeas, pacem tribuas rectoribus nostris, et nobis indulgentiam et remissionem peccatorum concedas: infirmis salutem, lapsis reparationem, aerum commoditatem, navigantibus atque itinerantibus fidelibus prosperum iter ac salutis portum, tribulantibus [ L., tribulatis] gaudium, oppressis relevationem, captivis, vinctis, et peregrinis remissionem, absolutionem, ad patriam reversionem, mutuam discordantibus charitatem, infidelibus veram fidem, et defunctis fidelibus requiem. Angelum tuum sanctum nobis hic et ubique custodem et defensorem propitius donare digneris, qui cum Patre et Spiritu sancto vivis et regnas Deus per omnia saecula saeculorum. Amen.
HYMNUS SANCTI AMBROSII PRO INFIRMIS. (0556C)
Christe coelestis, medicina Patris,
Verus humanae Medicus salutis:
Providae plebi precibus potenter
Pande favorem.
En ob infirmos tuae [ Marten., tibi] supplicamus,
Quos nocens pestis valetudo quassat:
Ut pius morbum releves jacentem,
Quo patiuntur.
Qui potestate manifestus exstans,
Mox Petri socrum febribus jacentem,
Reguli prolem, puerumque salvas
Centurionis.
Ferto [ Marten., festo] languenti populo vigorem,
(0556D)Efflue largam populo salutem:
Pristinis more solito reformans
Viribus aegros.
Corporum morbos, animumque [ Marten., animaeque] sana.
Vulnerum causis adhibe medelam,
Ne sine fructu cruciatus urat
Corpora nostra.
Omnis impulsus perimens recedat,
Omnis incursus crucians liquescat,
Vigor optatae foveat salutis
Membra dolentis.
(0557A)87 Jam Deus noster miserate fletus,
Sic quibus te nunc petimus medere,
Ut tuam omnis recubans medelam
Sentiat aeger.
Quo per illata mala dum teruntur,
Eruditorum numero decori,
Compotes intrent sociante fructu
Regna polorum.
Gloria Patri, genitaeque Proli,
Et ibi compar utriusque semper
Spiritus alme, Deus unus omni
Tempore secli.
Gloria psallat chorus, et resultet,
Gloriam dicat, canat et resolvat, [ Marten. revolat],
(0557B)Spiritus alme, Deus unus omni
Tempore secli.
PRO FAMILIARIBUS ORATIO.
Libera nos, quaesumus, Domine sancte Pater omnipotens, aeterne Deus, ab omnibus vitiis, et de insidiis inimici. Protege nos ab omni tribulatione et potestate iniqua, ut magnificetur nomen tuum et majestas tua: ne dicant gentes, Ubi est Deus eorum? Deus autem noster in coelo, omnia quaecunque voluit, fecit. Custodi nos, Domine, ut pupillam oculi, sub umbra alarum tuarum protege nos: ne ulla potestas humana iniqua nobis nocere valeat in anima, in corpore, in mente, in ambulando, in dormiendo, in stando, in sedendo, in visu, in auditu, in tactu, (0557C)in odoratu, in gustu, in potu, in usu, in gressu, in lectione, in oratione, in sensu, in locutione, in cogitatione, in separatione, in congregatione, in itinere, in navigatione. Libera nos, clemens Trinitas, ab omni malo praeterito, praesenti, et futuro: sicut liberasti servos tuos ab initio mundi, Noe a diluvio, Abraham de Ur Chaldaeorum, Lot de civitate Sodomorum, Moysen et populum Israel de mari Rubro et de manibus Pharaonis, David de manu Saulis et Goliae, Eliam et Enoch de hoc mundo, Tobiam de dolore oculorum, tres pueros de camino ignis ardentis, Susannam de manu principum, Daniel de lacu leonum, Jonam de ventre ceti, Ezechiam de infirmitate, Naaman Syrum de aegritudine, et Jesum filium Nun de praeliis Chananaeorum, Ninivem de morte (0557D)minante, Isaac de gladio patris sui, Job de tribulationibus suis, Gedeon de barbaris, Petrum de fluctibus maris et de carcere, Paulum de multis tribulationibus et periculis. Sic sancta Trinitas aeterne Deus, nos famulos tuos ab omnibus in hoc saeculo insidiis diaboli liberare, et in tuo sancto conservare digneris illaesos servitio: ut in futuro tecum praemia consequi mereamur aeterna, qui vivis et regnas in saecula saeculorum. Amen.
PSALMUS.
(PSAL. XIX.) Exaudiat te Dominus in die tribulationis: protegat te nomen Dei Jacob. Mittat tibi auxilium de sancto: et de Sion tueatur te. Memor sit omnis sacrificii tui: et holocaustum tuum pingue (0558A)fiat. Tribuat tibi secundum cor tuum: et omne consilium tuum confirmet. Laetabimur in salutari tuo: et in nomine Dei nostri magnificabimur. Impleat Dominus omnes petitiones tuas: nunc cognovi quoniam salvum fecit Dominus Christum suum. Exaudiet illum de coelo sancto suo in potentatibus salus dexterae ejus. Hi in curribus, et hi in equis: nos autem in nomine Domini Dei nostri invocabimus. Ipsi obligati sunt et ceciderunt: nos autem surreximus et erecti sumus. Domine, salvum fac regem: et exaudi nos in die, qua invocaverimus te.
Ut supra. Fiat misericordia tua, Domine, super nos.
Oratio. Imple, Domine, petitiones nostras, et tanquam pinguissimum nos holocaustum assume, ut inimicorum curribus obligatis, salutaris tui opitulatione (0558B)laetemur. Per.
Alia Oratio. Imple, Domine, petitiones nostras, et mitte nobis auxilium de sancto: memor esto sacrificii nostri, quod tibi non solum oblatione et oratione offertur, ac preces nostras, quas in quacunque die tibi tam manu linguae, quam genu cordis offerimus, propitius audire dignare. Per.
88 PSALMUS.
(PSAL. XL.) Beatus vir, qui intelligit super egenum et pauperem: in die mala liberabit eum Dominus. Dominus conservet eum, et vivificet eum, et beatum faciat eum in terra: et non tradat eum in animam inimicorum ejus. Dominus opem ferat illi super lectum doloris ejus: universum stratum ejus (0558C)versasti in infirmitate ejus. Ego dixi: Domine, miserere mei: sana animam meam, quia peccavi tibi. Inimici mei dixerunt mala mihi: quando morietur et peribit nomen ejus? Et si ingrediebatur, ut videret, vana loquebatur: cor ejus congregavit iniquitatem sibi. Egrediebatur foras: et loquebatur in idipsum. Adversum me susurrabant omnes inimici mei: adversum me cogitabant mala mihi. Verbum iniquum constituerunt adversum me: Nunquid qui dormit, non adjiciet ut resurgat? Etenim homo pacis meae in quo speravi: qui edebat panes meos, magnificavit super me supplantationem. Tu autem, Domine, miserere mei, et resuscita me: et retribuam eis. In hoc cognovi, quoniam voluisti me: quoniam non gaudebit inimicus meus super me. Me (0558D)autem propter innocentiam suscepisti: et confirmasti me in conspectu tuo in aeternum. Benedictus Dominus Deus Israel a saeculo et usque in saeculum: fiat, fiat.
Ut supra. Dispersit, dedit pauperibus.
Oratio. Nostrorum peccaminum mitis indultor, aeterne Deus, qui das effugere diem malum, si misericordia subsequatur egenum: fer opem, quaesumus, doloribus nostris, ut dum carnalia delicta clementer arguis, medicamentum animae placabiliter largiaris. Per Dominum.
Alia. Confirma nos in conspectu tuo, Domine, in aeternum; ut defixum iter nostrum nullo alieno sollicitetur aspectu. Per.
PSALMUS. (0559A)
(PSAL. LXVI.) Deus misereatur nostri: et benedicat nobis: illuminet vultum suum super nos, et misereatur nostri. Ut cognoscamus in terra viam tuam: in omnibus gentibus salutare tuum. Confiteantur tibi populi, Deus: confiteantur tibi populi omnes. Laetentur et exsultent gentes, quoniam judicas populos in aequitate, et gentes in terra dirigis. Confiteantur tibi populi, Deus, confiteantur tibi populi omnes, terra dedit fructum suum. Benedicat nos Deus, Deus noster, benedicat nos Deus, et metuant eum omnes fines terrae.
Ut supra. Adjutorium nostrum in nomine Domini.
Oratio. Illumina, Domine, vultum tuum super (0559B)nos, et misericordiam nobis uberem, benedictionemque largire. Per.
Alia Oratio. Cognoscentes in terra viam tuam, Domine, in omnibus gentibus salutare tuum, Christum Dominum, et viam esse confitemur et patriam, per quem in directum gradimur, et ad profectum plenissimum pervenimus. Per.
PSALMUS.
(PSAL. CXXXI.) Memento, Domine, David, et omnis mansuetudinis ejus. Sicut juravit Domino, votum vovit Deo Jacob. Si introiero in tabernaculum domus meae, si ascendero in lectum strati mei. Si dedero somnum oculis meis, et palpebris meis dormitationem. Et requiem temporibus meis: donec inveniam (0559C)locum Domino, tabernaculum Deo Jacob. Ecce audivimus eam in Ephrata: invenimus eam in campis silvae. Introibimus in tabernaculum ejus: adorabimus in loco, ubi steterunt pedes ejus. Surge, Domine, in requiem tuam: tu et arca sanctificationis tuae. Sacerdotes tui induantur justitiam: et sancti tui exsultent. Propter David servum tuum, non avertas faciem Christi tui. Juravit Dominus David veritatem, et non frustrabitur eam: de fructu ventris tui ponam super sedem tuam. Si custodierint filii tui testamentum meum: et testimonia mea haec, quae docebo eos. Et filii eorum usque in saeculum, sedebunt super sedem tuam. Quoniam elegit Dominus Sion: elegit eam in habitationem sibi. Haec requies mea in saeculum saeculi: hic habitabo, quoniam (0559D)elegi eam. 89 Viduam ejus benedicens benedicam: pauperes ejus saturabo panibus. Sacerdotes ejus induam salutari: et sancti tui exsultatione exsultabunt. Illuc producam cornu David, paravi lucernam Christo meo. Inimicos ejus induam confusione: super ipsum autem efflorebit sanctificatio mea.
Ut supra. Salvos fac nos, Domine Deus noster.
Oratio. In omni ingressu nostro memor esto nobis, omnipotens aeterne Deus; indue nos sacerdotali justitia, ut induci mereamur in tabernacula sempiterna. Per.
Alia. Exsurge, Domine, et corda nostra tibi praeparentur in requiem; sitque in singulis arcae tuae sanctificatio, meditatioque sanctitatis, et operum (0560A)nostrorum lucerna, Christus Dominus noster; ut haec eo praeparante, fructu justitiae repleamur ad gratiam, et verbo vitae contineamur ad gloriam. Per.
PSALMUS.
(PSAL. CXXXII.) Ecce quam bonum et quam jucundum, habitare fratres in unum. Sicut unguentum in capite, quod descendit in barbam, barbam Aaron. Quod descendit in oram vestimenti ejus: sicut ros Hermon, qui descendit in montem Sion. Quoniam illic mandavit Dominus benedictionem, et vitam usque in saeculum.
Ut supra. Non mortui laudabunt te, Domine.
Oratio. Infunde, Domine, in Ecclesiam tuam charitatem fraternitatis et pacis, ut rore spiritalis unguenti (0560B)aspersi, benedictionis tuae gratia jucundemur. Per.
Alia. Christe Domine, cujus sacrum nomen, unguento effuso, sapientiae comparavit odorem; da, quaesumus, unguentum verticis tui in barbam decoris populi tui, te profundente, descendere, ac in ipsa vestimenti ora, quae praesentis vitae induitur, pervenire. Per Dominum.
PSALMUS. (PSAL. CXXXIII.) Ecce nunc benedicite Dominum, omnes servi Domini. Qui statis in domo Domini, in atriis domus Dei nostri. In noctibus extollite manus vestras in sancta: et benedicite Dominum. Benedicat te Dominus ex Sion: qui fecit coelum et terram.
Ut supra. Propter fratres meos et proximos (0560C)meos.
Oratio. Benedicentes te omnes servi tui, Domine, deprecamur, ut nos mundi hujus nocte contectos illuminare digneris, quatenus dum manus nostras in bonis operibus elevamus, benedictionem a te largissimam consequamur. Per.
Alia Oratio. Praesta, Domine, ut cunctis gradibus perfectionis ascensis in virtutum culmine, te laudemus; et stantes in domo tua atque in atriis tuis, manus nostras ad te benedicendum diebus ac noctibus extendamus, benedictione a te percepta, coeli ac terrae Domino et Salvatore.
DEPRECATIO Quam papa Gelasius pro universali Ecclesia constituit canendam esse.
(0560D)Dicamus omnes, Domine, exaudi et miserere.
Patrem unigeniti, et Dei Filium genitoris ingeniti, et sanctum Deum Spiritum fidelibus animis invocamus.
Pro immaculata Dei vivi Ecclesia, sacerdotibus ac ministris, divinam bonitatis opulentiam deprecamur.
Pro sanctis Dei magni sacerdotibus et ministris, cunctisque Deum verum colentibus populis, Christum Dominum supplicamus.
Pro universis recte tractantibus verbum veritatis, multiformem Verbi Dei sapientiam peculiariter obsecramus.
Pro his, qui se mente et corpore propter coelorum (0561A)regna castificant, et spiritualium labore desudant, largitorem spiritalium munerum obsecramus.
Pro religiosis principibus, omnique militia eorum, qui judicium et justitiam diligunt, Domini potentiam obsecramus.
Pro jucunditate et serenitate pluviae, atque aurarum vitalium blandimentis, ac prospero diversorum operum cursu, rectorem mundi Dominum deprecamur.
Pro his, quos prima Christiani nominis initiavit agnitio, quos jam desiderium 90 gratiae coelestis accendit, omnipotentis Dei misericordiam obsecramus.
Pro his, quos humanae infirmitatis fragilitas, et quos nequitiae spiritalis invidia, vel varius saeculi (0561B)horror involvit, Redemptoris nostri misericordiam imploramus.
Pro his, quos peregrinationis necessitas, aut iniquae potestatis impietas, vel hostilis vexat aerumna, Salvatorem Dominum supplicamus.
Pro judaica falsitate, aut haeretica pravitate deceptis, vel gentilium superstitione perfusis, veritatis Dominum deprecamur.
Pro operariis pietatis, et his qui necessitatibus laborantum fraterna charitate subveniunt, misericordiam Dominum deprecamur.
Pro omnibus intrantibus in haec sanctae domus Dei atria religioso corde, et supplici devotione convenienter Dominum gloriae deprecamur.
Pro emundatione animarum corporumque nostrorum (0561C)omnium, ac venia peccatorum, clementissimum Dominum supplicamus.
Pro refrigerio fidelium animarum, praecipue sanctorum Domini sacerdotum, qui huic Ecclesiae praefuerunt catholicae, Dominum spirituum, et universae carnis judicem deprecamur.
Mortificatam vitiis carnem, et viventem fide animam praesta, Domine, praesta.
Castum timorem, et veram dilectionem praesta, Domine, praesta.
Gratum vitae ordinem, et probabilem exitum praesta, Domine, praesta.
Angelum pacis, et solatia sanctorum praesta, Domine, praesta.
Nosmetipsos, et omnia nostra, quae orta, quae (0561D)acta, per Dominum ipso auctore suscepimus, ipso custode retinemus, ipsiusque misericordiae et arbitrio providentiae commendamus. Domine, miserere.
QUOTIDIE PRO FAMILIARIBUS.
Dicamus omnes, Domine, exaudi et miserere, Domine, miserere. Hanc nostram auribus tuae pietatis, clementissime Pater, orationem exaudire digneris, quam tibi, fraternae charitatis affectu stimulante, pro fratribus et sororibus nostris supplici voce fundimus, qui et quae pro nobis quotidie indefessa oratione intercedere studentes nostris se commendaverunt (0562A)orationibus, nec non pro omnibus tua praestante clementia, propter nomen tuum bene nobis facientibus. Et pro his qui spiritali stimulo compuncti sua nobis confessi sunt peccata.
Hos ergo, omnipotens Deus, omnes, quorum hic nomina scripta habentur, ab omnibus in hoc saeculo insidiis diaboli in tuo sancto conservare digneris illaesos servitio, ut in futuro tecum praemia consequi mereantur aeterna.
Salvos fac servos tuos. Mitte eis, Domine, auxilium de sancto. Nihil proficiat inimicus in eis. Per merita, Domine, et orationes sanctorum omnium libera, custodi, confirma, pacifica, purifica, et dimitte eis delicta eorum, et conserva eos in nomine tuo, sicut vis et sicut scis, Domine. Benedictio, et (0562B)claritas, et sapientia, et gratiarum actio, et honor, et virtus, et fortitudo Deo nostro in saecula saeculorum. Amen.
FERIA VI. IN MEMORIAM INCARNATIONIS, PASSIONIS ET RESURRECTIONIS, SIVE ASCENSIONIS DOMINI. HYMNUS FORTUNATI DE NATIVITATE ET CRUCE CHRISTI.
Pange, lingua, gloriosi
Praelium certaminis,
Et super crucis trophaeo
Da triumphum nobilem;
Qualiter Redemptor orbis
(0562C)Immolatus vicerit.
De parentis protoplasti
Fraude factor condolens,
Quando pomi noxialis
Morte morsu corruit:
Ipse ligno tunc notavit,
Damna ligni ut solveret.
Hoc opus nostrae salutis
Ordo depoposcerat,
Multiformis perditoris
Arte ut artem falleret;
Et medelam ferret inde
Hostis unde laeserat.
91 Quando venit ergo sacri
(0562D)Plenitudo temporis,
Missus est ab arce Patris
Natus orbis Conditor,
Atque ventre virginali
Caro factus prodiit.
Vagit infans inter arcta
Conditus praesepia,
Membra pannis involuta
Virgo mater alligat,
Et pedes, manusque, crura
Stricta pangit [ Al., cingit] fascia.
Lustra sex qui jam peracta
(0563A)Tempus implens corporis,
Se volente, natus ad hoc
Passioni deditus,
Agnus in crucis levatur
Immolandus stipite.
Hic acetum, fel, arundo,
Sputa, clavi, lancea,
Mite corpus perforatur
Sanguis unda profluit:
Terra, pontus, astra, mundus,
Quo lavantur flumine.
Crux fidelis inter omnes
Arbor una nobilis,
Nulla talem silva profert
Fronde, flore, germine;
(0563B)Dulce lignum, dulcem clavum [ Al., dulces clavos]
Dulce pondus sustinens.
Flecte ramos arbor alta,
Tensa laxa viscera,
Et rigor lentescat ille,
Quem dedit nativitas,
Ut superni membra Regis
Mittenda [ L., mitti tendas] stipite.
Sola digna tu fuisti
Ferre pretium seculi,
Atque portum praeparare
Nauta mundo naufrago:
Quam sacer cruor perunxit
Fusus agni stipite [ L., agni corpore].
EJUSDEM. (0563C) Crux benedicta nitet, Dominus qua carne pependit, Atque cruore suo vulnera nostra lavit. Mitis amore pio pro nobis victima factus, Traxit ab ore lupi qua sacer agnus oves. Transfixis palmis ubi mundum clade redemit, Atque suo clausit funere mortis iter. Hic manus illa fuit clavis confixa cruentis, Quae eripuit Paulum crimine, morte Petrum. Fertilitate potens, o dulce et nobile lignum! Quando tuis ramis tam nova poma geris. Cujus odore novo defuncta cadavera surgunt, Et redeunt vitae qui caruere die. Nullum uret aestus sub frondibus arboris hujus, Luna nec in noctem, sol neque meridie. (0563D)Tu plantata micas, secus est ubi cursus aquarum, Spargis et ornatas flore recente comas. Appensa est vitis inter tua brachia, de qua Dulcia sanguineo vina rubore fluunt.
PSALMUS DE INCARNATIONE.
(PSAL. II.) Quare fremuerunt gentes: et populi meditati sunt inania? Astiterunt reges terrae et principes convenerunt in unum adversus Dominum, et adversus Christum ejus. Dirumpamus vincula eorum, et projiciamus a nobis jugum ipsorum. Qui habitat in coelis, irridebit eos: et Dominus subsannabit eos. Tunc loquetur ad eos in ira sua: et in furore suo conturbabit eos. Ego autem constitutus sum Rex ab oe super Sion montem sanctum ejus, praedicans praeceptum (0564A)ejus. Dominus dixit ad me: Filius meus es tu, ego hodie genui te. Postula a me, et dabo tibi gentes haereditatem tuam, et possessionem tuam terminos terrae. Reges eos in virga ferrea, et tanquam vas figuli confringes eos. Et nunc, reges, intelligite: erudimini qui judicatis terram. Servite Domino in timore, et exsultate ei cum tremore. Apprehendite disciplinam, nequando irascatur Dominus, et pereatis de via justa. Cum exarserit in brevi ira ejus, beati omnes, qui confidunt in eo.
92 Ut supra. Exortum est in tenebris. Suscepimus Deus misericordiam tuam.
Oratio. Effice nos, Domine, tanquam fructuosissimum lignum ante conspectum tuum, ut tuis imbribus mitigati, mereamur tibi suavium fructuum ubertate (0564B)placere. Per.
Alia. Servientes tibi, Domine, ob metum in timore judicii, exsultantes cum tremore propter fiduciam spei, doce nos apprehendere disciplinam, qui judicas terram, ut te propitiante veteris hominis figulum confringentes exterioris terrae purgamenta calcemus.
PSALMUS DE PASSIONE DOMINI. (PSAL. XXXIV.) Judica, Domine, nocentes me: expugna impugnantes me. Apprehende arma et scutum, et exsurge in adjutorium mihi. Effunde frameam, et conclude adversus eos, qui persequuntur me: dic animae meae, salus tua ego sum. Confundantur et revereantur; quaerentes animam meam. (0564C)Avertantur retrorsum, et confundantur: cogitantes mihi mala. Fiant tanquam pulvis ante faciem venti, et angelus Domini coarctans eos. Fiat via illorum tenebrae et lubricum, et angelus Domini persequens eos. Quoniam gratis absconderunt mihi interitum laquei sui: supervacue exprobaverunt animam meam. Veniat illi laqueus, quem ignorat, et captio quam abscondit, apprehendat eum, et in laqueum cadat in ipsum. Anima autem mea exsultabit in Domino: et delectabitur super salutari suo. Omnia ossa mea dicent: Domine, quis similis tibi? Eripies inopem de manu fortiorum ejus: egenum et pauperem a diripientibus eum. Surgentes testes iniqui, quae ignorabam, interrogabant me. Retribuebant mihi mala pro bonis: sterilitatem animae meae. Ego autem (0564D)cum mihi molesti essent, induebar cilicio. Humiliabam in jejunio animam meam, et oratio mea in sinu meo convertetur. Quasi proximum, et quasi fratrem nostrum, sic complacebam: quasi lugens et contristatus sic humiliabar. Et adversum me laetati sunt, et convenerunt: congregata sunt super me flagella, et ignoravi. Dissipati sunt nec compuncti; tentaverunt me, subsannaverunt me subsannatione: frenduerunt super me dentibus suis. Domine, quando respicies? restitue animam meam a malignitate eorum, a leonibus unicam meam. Confitebor tibi in Ecclesia magna: in populo gravi laudabo te. Non supergaudeant mihi, qui adversantur mihi inique, qui oderunt me gratis, et annuunt oculis. Quoniam (0565A)mihi quidem pacifice loquebantur: et in iracundia terrae loquentes, dolos cogitabant. Et dilataverunt super me os suum, dixerunt: Euge, euge, viderunt oculi nostri. Vidisti, Domine, ne sileas: Domine, ne discedas a me. Exsurge et intende judicio meo: Deus meus, et Dominus meus in causam meam. Judica me secundum justitiam tuam, Domine Deus meus: et non supergaudeant mihi. Non dicant in cordibus suis: Euge, euge! animae nostrae, nec dicant: devorabimus eum. Erubescant et revereantur simul, qui gratulantur malis meis. Induantur confusione et reverentia, qui maligna loquuntur super me. Exsultent et laetentur qui volunt justitiam meam, et dicant semper: magnificetur Dominus, qui volunt pacem servi ejus. Et lingua mea meditabitur justitiam tuam, (0565B)tota die laudem tuam.
Ut supra. Adjutor et liberator meus esto, Domine, ne moreris.
Oratio. Protectio salusque animae nostrae, operi nos galea spei, et scuto inexpugnabilis munimenti; ut a te in causis nostrae necessitatis adjuti, mereamur cum te diligentibus laetitia et exsultatione perfundi. Per.
Alia Oratio. Domine, quando respicies, dicesque nobis: salus vestra ego sum? Et ad solitudinem atque implorationem nostram quando propitius convertes? Ad quam jam convertere, Domine, et intende judicium nostrum, et ipse judicantes nos fortis propugnator expugna; ut oratio nostra, quae nunc in sinum nostrum pro secretorum suorum compunctione (0565C)convertitur, ante conspectum tuum purgata, cordis gemitu dirigatur.
93 PSALMUS DE RESURRECTIONE.
(PSAL. III.) Domine, quid multiplicati sunt, qui tribulant me? multum surgunt [ Al., multi insurgunt] adversum me. Multi dicunt animae meae, non est salus ipsi in Deo ejus. Tu autem, Domine, susceptor meus: gloria mea, et exaltans caput meum. Voce mea ad Dominum clamavi, et exaudivit me de monte sancto suo. Ego dormivi, et soporatus sum, et exsurrexi: quia Dominus suscepit me. Non timebo millia populi circumdantis me, exsurge, Domine, salvum me fac, Deus meus. Quoniam (0565D)tu percussisti omnes adversantes mihi sine causa, dentes peccatorum contrivisti. Domini est salus, et super populum tuum benedictio tua.
Ut supra. Tenuisti manum dexteram meam.
Oratio. Effunde, Domine, benedictionem tuam super populum tuum, ut tua resurrectione muniti, non timeamus ab adversantium vitiorum malitia circumdari. Per.
Alia. Domine, contra multiplicationem tribulationum nobis fortis propugnator accurre, et adversus multitudinem insurgentium in nos pius defensor assiste, sitque benedictio tua super populum tuum: ut qui salutem animae nostrae in te esse negant, te salvatorem nostrum ipsa sua expugnatione cognoscant.
ITEM PSALMUS DE EADEM. (0566A)
(PSAL. XXIX.) Exaltabo te, Domine, quoniam suscepisti me: nec delectasti inimicos meos super me. Domine Deus meus, clamavi ad te: et sanasti me. Domine, eduxisti ab inferno animam meam: salvasti me a descendentibus in lacum. Psallite Domino sancti ejus: et confitemini memoriae sanctitatis ejus. Quoniam ira in indignatione ejus: et vita in voluntate ejus. Ad vesperum demorabitur fletus: et ad matutinum laetitia. Ego autem dixi in abundantia mea: non movebor in aeternum. Domine, in voluntate tua praestitisti decori meo virtutem. Avertisti faciem tuam a me: et factus sum conturbatus. Ad te, Domine, clamabo, et ad Deum meum deprecabor. Quae utilitas in sanguine meo, dum descendero in corruptionem? (0566B)Nunquid confitebitur tibi pulvis, aut annuntiabit veritatem tuam? Audivit Dominus, et misertus est mei: Dominus factus est adjutor meus. Convertisti planctum meum in gaudium mihi: concidisti saccum meum, et circumdedisti me laetitia. Ut cantet tibi gloria mea et non compungar: Domine Deus meus, in aeternum confitebor tibi.
Ut supra. Ego dormivi.
Oratio. Susceptor omnium clementissime Deus, ne permittas delectari inimicos nostros super nos; sed ita nos tua virtute corrobora, ut conversum planctum nostrum in sanctitatis tuae gaudium, memoria jugiter excolamus. Per.
Alia. Audi, Domine, et miserere nostri, et confitentes memoriae sanctitatis tuae, laetitia confessionis (0566C)accinge: et quia in voluntate tua vita est nostra, voluntatis ipsius munus impertire; ut dum nobis vita ex voluntate tua tribuitur, voluntas tua vitae ipsius munere impleatur. Per.
PSALMUS DE ASCENSIONE.
(PSAL. VIII.) Domine Dominus noster, quam admirabile est nomen tuum in universa terra! Quoniam elevata est magnificentia tua super coelos. Ex ore infantium et lactentium perfecisti laudem propter inimicos tuos, ut destruas inimicum et ultorem. Quoniam videbo coelos tuos, opera digitorum tuorum: lunam et stellas, quae tu fundasti. Quid est homo, quod memor es ejus: aut filius hominis, quoniam visitas eum? Minuisti eum paulo minus ab angelis: (0566D)gloria et honore coronasti eum, et constituisti eum super opera manuum tuarum. Omnia subjecisti sub pedibus ejus: oves et boves universas, insuper et pecora campi. Volucres coeli, et pisces maris, qui perambulant semitas maris. Domine Dominus noster: quam admirabile est nomen tuum in universa terra!
Ut supra. Ascendit Deus in jubilo. Regnabit Deus super gentes.
94 Oratio. Quid est homo, Domine, quod memor es ejus? aut cur es tu filius hominis, nisi ut eum, ne in perpetuum periret, redimeres? Da ergo nobis auxilium necessarium, qui dedisti pro nobis sanguinem pretiosum; et praesta, ut quos mors tua redimit, eorum te vita glorificet.
(0567A)Secundum nomen tuum, Deus. Exaudivit de templo sancto suo vocem meam. Psallite Deo nostro, quoniam rex omnis terrae Deus.
Oratio. Admirabile nomen tuum, omnipotens Domine, supplices exoramus, ut qui omnem creaturam mundi ad usus hominum subjecisti, nos ad tuae servitutis officium dignos digneris efficere. Per.
Item Oratio. Exaudi, Domine, sancte Pater omnipotens aeterne Deus; orationes nostras, quas pietati tuae fundimus in memoriam sacrae incarnationis, nativitatis, passionis, resurrectionis, ascensionis Domini nostri Jesu Christi, qui pro nobis incarnari, nasci, mori, resurgere, coelosque ascendere, nostram sua virtute captivitatem ducens captivam, dignatus est; ejus gubernatione, protectione, misericordia, (0567B)a cunctis muniamur diabolicae fraudis insidiis, qui tecum vivit in unitate Spiritus sancti per immortalia saecula saeculorum.
FERIA ITEM VI ORATIO SANCTI CYPRIANI MARTYRIS.
Domine sancte Pater agios, ad te levavi animam meam. Deus meus, quis enim major te? Tibi gratias et laudem refero. Deus Abraham, Deus Isaac, Deus Jacob, Deus patrum nostrorum, Deus apostolorum, Deus prophetarum, Deus martyrum; qui es, et qui fuisti ante mundi constitutionem. Deus vivorum, venturus judicare vivos et mortuos, qui es Deus verax, qui sedes super cherubim, et prospicis abyssos: qui vides cuncta, priusquam nascantur, (0567C)qui habes potestatem occidere, et rursum restituere; qui habes potestatem de arido viridem facere. Tu omnium Deus dominator, libera me ab hoc saeculo. Exaudi me orantem, sicut exaudisti filios Israel de terra Aegypti, et non tibi crediderunt, nec famulo tuo Moysi. Vae peccatis meis! cum te levaveris confringere terram, sub quam fissuram petrarum me absconsurus sum ante virtutem tuam? Cui monti dicturus sum, cade super me: et cui colli, tege me ante metum Domini, cum te levaveris confringere terram? Rogo, Domine, subveni mihi, et noli secundum actum meum me judicare: nihil enim in praeceptis tuis paravi. Exaudi me rogantem. Sicut exaudisti Jonam de ventre ceti, sic exaudias me et ejicias (0567D)me de morte ad vitam. Sicut Ninivitae induerunt cinerem et cilicium, et poenitentiam egerunt, ita et ego exhomogesin faciens ante conspectum tuum pro universis peccatis meis, qui es amator poenitentiae, miserere mei. Sed et David dicit: Domine, propter nomen tuum dele peccatum meum; et ego deprecans majestatem tuam: dele universa peccata mea. Exaudi me orantem sicut exaudisti tres pueros de camino ignis, Ananiam, Azariam, Misael: et misisti angelum tuum cum nimbo roris. Confusus est Nabuchodonosor praepositus regni, quoniam tu es Rex regnantium, et Dominus dominantium, qui solus habes immortalitatem, et lucem inaccessibilem, quem nemo hominum videt, nec videre potest. Exaudi me orantem, sicut exaudisti Danielem de lacu (0568A)leonum, et misisti Habacuc prophetam, et attulit ei prandium, et dixit: Prande prandium quod tibi misit Dominus, Et dixit Daniel: Non relinquit Dominus quaerentes se. Exaudi me orantem, sicut exaudisti Tobiam et Saram, dum orarent in atrio domus suae: tunc obtulit pro eis Raphael angelus orationem eorum; sic exaudias preces meas, et admittas ad aulam sanctam tuam orationes meas: et continenter mittas angelum tuum, qui deleat universa commissa mea, sicut delesti spiritum immundum a Sara, filia Raguel. Illumines cor meum, sicut illuminasti oculos Tobiae. Exaudi me orantem, sicut exaudisti Susannam, et liberasti eam de manibus seniorum, sic et me liberes ab hoc saeculo, quia tu es amator purae conscientiae. Exaudi me orantem, sicut exaudisti (0568B)Ezechiam regem Judae, et delesti ab eo infirmitatem carnis; sic et a me auferas infirmitatem corporis et animae, et augeas mihi fidem, sicut auxisti illi annos XV ad vitam. Liberes me de medio saeculi hujus, sicut liberasti Theclam de medio 95 amphitheatro; sic liberes me de omni infirmitate carnis. Te deprecor, Pater, qui in fine temporum commemoratus es nostri, mittens nobis Jesum Christum Filium tuum Dominum Salvatorem nostrum, natum ex Maria virgine de Spiritu sancto, annuntiante Gabriel angelo, per quem nos liberasti de periculo mortis imminentis. Et te deprecor, Fili Dei viventis, qui fecisti magnalia in Cana Galilaeae, de aqua vinum fecisti propter Israel: qui caecis oculos aperuisti, qui surdum audire fecisti, qui paralyticos ad sua membra (0568C)revocasti, linguas blesorum daemonio vexante sanasti, claudos currere fecisti velut cervos, mulierem profluxu sanguinis liberasti, mortuos suscitasti, super aquam pedibus ambulasti: qui mare fundasti, et terminos ei imposuisti in tua virtute. Te deprecor, Fili Dei vivi, propter universa commissa mea, qui es in coelis Filius in Patre, Pater in te sempiterno; qui sedes super cherubim et seraphim, sedem honoris tui. Tibi assistunt angeli, numerus inaestimabilis, timentes et paventes honorem et virtutem tuam, clamantes voce magna, et dicentes: Sanctus, sanctus, sanctus Dominus, Deus Sabaoth. Tu ipse nobiscum testamentum fecisti, et paulo post dixisti: Petite et accipietis, quaerite et invenietis, (0568D)pulsate et aperietur vobis. Quodcunque a Patre meo petieritis in nomine meo, accipietis. Ego Patrem peto, ut accipiam; ego quaero, ut inveniam; ego pulso, ut aperiatur mihi. Ego in tuo nomine peto, ut tu Patrem petas, et detur mihi venia. Paratus sum propter nomen tuum victimam sanguinis fundere, et quodcunque tormentum sustinere. Tu es adjutor meus, defensor meus, defende ab adversario animam meam. Angelus tuus lucis protegat me, quoniam tu dixisti: Quod credentes petieritis per orationem, dabitur vobis. Omnis homo mendax; tu solus verax. Sicut tu repromisisti, potestatem habes dare. Domine, revela mihi sacramentum tuum coeleste, ut dignus sim faciem sanctorum tuorum videre. Spiritus sanctus in me operetur voluntatem (0569A)tuam, quam tibi spopondi omnibus diebus vitae meae. Qui passus es sub Pontio Pilato bonam confessionem. Crucifixus es, descendisti, et conculcasti aculeum mortis. Qui dixisti, ubi es mors, quae regnabas? Ubi es, aculeus mortis? Victa es mors, devictus inimicus diabolus. Tu resurrexisti a mortuis, et apparuisti apostolis tuis. Ascendisti ad coelos, sedes ad dexteram Patris, venturus judicare vivos et mortuos. Qui nostri dominaris, libera me de manu quaerentis animam meam. Per nomen sanctum tuum deprecor, libera me ab adversarii parte, ut operam des vincendi inimicum meum; quoniam tu es potens assertor, et advocatus precum; et ad petitionem nostram die et nocte, Domine, interpellans pro peccatis meis, orationem meam perferas ad Patrem (0569B)tuum. Digneris respicere super preces meas, sicut respexisti super munera Abel justi tui. Digneris me liberare ab igne perenni poenarum, et ab omni tormento, quod parasti iniquis, per bonum et benedictum Jesum Christum Salvatorem nostrum, per quem tibi est honor, virtus, gloria in saecula saeculorum. Amen.
ALIA ORATIO.
Largire mihi, Domine, munditiam labiorum, puritatem et innocentiam cordis, rectitudinem operis. Dona mihi humilitatem, patientiam, abstinentiam, castitatem, sobrietatem, prudentiam, justitiam, fortitudinem, sive temperantiam. Largire mihi spiritum sapientiae et intellectus, consilii et fortitudinis, scientiae (0569C)et pietatis atque timoris tui. Da mihi irriguum inferius, et irriguum superius. Praebe mihi geminum charitatis effectum, fidem rectam, spem inconcussam. Da mihi benedictionem de rore coeli, et pinguedine terrae. Fac me toto corde meo, tota anima mea exquirere faciem tuam. Concede mihi in tuo conspectu cor habere contritum et humiliatum, tuae charitati nihil praeponere, tuo quandoque amore mundo funditus exstingui. Fac me in tuo sacrificio hostiam vivam fieri, tuae clementiae holocausta medullata offerre. Summa, aeterna, et ineffabilis sapientia, depelle a me caecitatis et ignorantiae tenebras. Summa aeterna virtus, libera me. Summa aeterna fortitudo, adjuva me. Summa et incomprehensibilis lux, illumina me. Summa et infinita misericordia, miserere (0569D)mei. Amen.
96 COLLECTIO PSALTERII BEDAE. PSAL. I. Beatus vir qui non abiit in consilio impiorum, et in via peccatorum non stetit, et in cathedra derisorum non sedit. Sed in lege Domini voluntas ejus, et in lege ejus meditabitur die ac nocte. Et erit tanquam lignum transplantatum juxta rivulos aquarum, quod fructum suum dabit in tempore suo. Et folium ejus non defluet, et omne, quod fecerit, prosperabitur.
II. Nunc ergo, reges intelligite, erudimini judices terrae. Servite Domino in timore, et exsultate ei in (0570A)tremore. Adorate pure, ne forte irascatur, et pereatis de via.
III. Tu autem, Domine, clypeus circa me; gloria mea, et exaltans caput meum. Surge, Domine, salvum me fac, Deus meus.
IV. Miserere mei, et exaudi orationem meam. V. Verba mea audi, Domine, intellige murmur meum. Rex meus, et Deus meus: quoniam ad te deprecor. Domine, deduc me in justitia tua, propter insidiatores meos: dirige ante faciem meam viam tuam. VI. Domine, ne in furore tuo arguas me: neque in ira tua corripias me. Miserere mei, Domine, quoniam infirmus sum: sana me, Domine, quoniam conturbata sunt ossa mea. Et anima mea turbata est valde, (0570B)et tu, Domine, usquequo? Revertere, Domine, et erue animam meam: salva me propter misericordiam tuam. VII. Domine Deus meus, in te speravi: salva me ab omnibus persequentibus me, et libera me. Ne forte rapiat, ut leo animam meam laceret, et non sit qui eruat. VIII. Domine, dominator noster, grande est nomen tuum in universa terra. IX. Laetabor, et gaudebo in te, canam nomini tuo, Altissime. Exsurge, Domine Deus, leva manum tuam, noli oblivisci pauperum. X. Dominus justum probat. XI. Salva nos, Domine.(0570C) XII. Usquequo exaltabitur inimicus meus super me? Convertere, et exaudi me, Domine Deus meus: ne quando dicat inimicus meus: Praevalui adversus eum. XIII. Exsultabit Jacob, et laetabitur Israel. XIV. Timentes autem Dominum glorificat. XV. Custodi me, Deus, quoniam speravi in te dicens Deo: Dominus meus es tu, bene mihi non est sine te. XVI. Intende deprecationem meam, sustenta gressus meos in callibus tuis, et non labentur vestigia mea. Inclina aurem tuam mihi: audi eloquium meum. Mirabilem fac misericordiam tuam, Salvator, sperantium in te. Custodi me quasi pupillam intus in oculo, in umbra alarum tuarum protege me. Ego (0570D)autem in justitia videbo faciem tuam. XVII. Diligam te, Domine, fortitudo mea. XVIII. Ab occultis meis munda me, a superbis quoque libera servum tuum. Sint placentes sermones oris mei, Domine, fortitudo mea, et redemptor meus. XIX. Nos autem nominis Domini recordabimur. XX. Exaltare, Domine, in fortitudine tua, cantabimus et psallemus fortitudines tuas. XXI. Tu autem, Domine, ne longe fias fortitudo mea: in auxilium meum festina. Erue a gladio animam meam, salva me ex ore leonis.(0571A) XXII. Et benignitas et misericordia tua subsequatur me omnibus diebus vitae. XXIII. Et accipiam benedictionem a Domino. XXIV. Ad te, Domine, animam meam levo. Vias tuas, Domine, ostende mihi: et semitas tuas doce me. Deduc me in veritate tua, doce me, quia tu es Deus Salvator meus. Peccatorum adolescentiae meae et scelerum meorum ne memineris. Secundum misericordiam tuam recordare mei. Propter nomen tuum propitiare iniquitati meae, quoniam grandis est. Respice in me, et miserere mei: de angustiis meis educ me. Vide afflictionem meam, et porta omnia peccata mea. Custodi animam meam, et libera me. 97 XXV. Domine, dilexi habitaculum domus tuae. Ne auferas cum peccatoribus animam meam: redime (0571B)me, et miserere mei. XXVI. Dominus lux mea, et salutare meum, quem timebo? Audi, Domine, vocem meam invocantis: miserere mei, et exaudi me. Ne abscondas faciem tuam a me, ne declines in furore a servo tuo. Auxilium meum fuisti, ne derelinquas me, et ne dimittas me, Deus Salvator meus. Ostende mihi, Domine, viam tuam, et deduc me in semita recta, propter insidiatores meos. Ne tradas me, Domine, animae tribulantium me. Ego autem credo, quod videam bona Domini in terra viventium. XXVII. Audi, Domine, deprecationem meam, cum clamavero ad te. Ne tradas me cum impiis, et cum operantibus iniquitatem.(0571C) XXVIII. Dominus fortitudo mea, et scutum meum. Adorate Dominum in decore sancto. XXIX. Audi, Domine, et miserere mei. Domine, esto adjutor, ut laudet te gloria, et non taceat. Domine Deus meus, in sempiternum confitebor tibi. XXX. In te, Domine, speravi, non confundar in aeternum: in justitia tua salva me. Inclina ad me aurem tuam, velociter libera me: quia petra mea, et munitio mea tu es. In manu tua commendo spiritum meum. In manu tua tempora mea. Libera me de manu inimicorum meorum, et persequentium me. Ostende faciem tuam super servum tuum, salva me in misericordia tua. XXXI. Beatus, cui dimissa est iniquitas, et absconditum est peccatum. Peccatum meum notum facio (0571D)tibi, et iniquitatem meam non abscondo. Tu es protectio mea, ab hoste custodies me. XXXII. Ecce oculus Domini super timentes eum, et exspectantes misericordiam ejus. Sit misericordia tua, Domine, super nos, sicut exspectavimus te. XXXIII. Benedicam Domino in omni tempore, semper laus ejus in ore meo. Magnificate Dominum mecum, et exaltemus nomen ejus pariter. Quaesivi Dominum, et exaudivit me; et de omnibus angustiis meis liberavit me. Gustate, et videte, quoniam bonus est Dominus: beatus vir qui sperat in eo. Timete Dominum sancti ejus, quoniam non est inopia timentibus eum. Quaerentibus autem Dominum non deerit omne bonum. Dominus custodit omnia ossa eorum, (0572A)unum ex eis non confringetur. Redimet Dominus animas servorum suorum. XXXIV. Judica, Domine, adversarios meos; pugna contra impugnantes me. Apprehende scutum et hastam, et consurge in auxilium meum. Dic animae meae, salus tua ego sum. Anima autem mea exsultabit in Domino, et laetabitur in salute sua. Confitebor tibi in Ecclesia grandi, et lingua mea meditabitur justitiam tuam, tota die laudem tuam. XXXV. Domine, in coelo misericordia tua. Quam pretiosa est misericordia tua, Domine! Quoniam tecum est fons vitae, et in lumine tuo videbimus lumen. Attrahe misericordiam tuam scientibus te, et justitiam tuam rectis corde. Non veniat mihi pes superbiae, et manus impiorum non me commoveat.(0572B) XXXVI. Puer fui, siquidem senui: et non vidi justum derelictum. Quia Dominus diligit judicium, et non derelinquet sanctos suos. In aeternum custoditi sunt, et auxiliabitur eis Dominus. XXXVII. Domine, ne in ira tua arguas me, neque in furore tuo corripias me. Te enim, Domine, exspectabam: tu exaudies, Domine Deus meus. Quia sequebar bonum, ne derelinquas me. Domine Deus meus, ne elongeris a me: festina in auxilium meum, Domine salutis meae. XXXVIII. Praestolatio mea, ut es, ab omnibus iniquitatibus meis libera me. Opprobrium stulto ne ponas me, tolle a me plagas tuas. XXXIX. Exspectans exspectavi Dominum, et inclinatus est ad me. Et audivit clamorem meum, Domine, (0572C)ad adjuvandum me festina. Gaudeant et laetentur, qui quaerunt te, auxilium meum et salutare meum tu es, Deus meus, ne moreris. 98 XL. Ego dixi, Domine, miserere mei, sana animam meam, quia peccavi tibi. Tu autem, Domine, miserere mei.
XLI. Sicut areola praeparata ad irrigationes aquarum: sic anima mea praeparata est ad te, Deus. XLII. Judica me, Deus, et discerne causam meam a gente non sancta: a viro doloso et iniquo libera me. Tu enim es fortitudo mea, quare projecisti me? XLIII. Surge, auxiliare nobis: et redime nos propter misericordiam tuam. XLIV. Thronus tuus, Deus, in saeculum: et in aeternum. Propterea populi confitebuntur tibi in saeculum, (0572D)et in aeternum. XLV. Deus misericors, spes et fortitudo: auxilium in tribulationibus inventus es validum. XLVI. Rex magnus super omnem terram. Canite Deo, canite: canite Regi nostro, canite. XLVII. Quia ipse est Deus, Deus noster, in saeculum et in perpetuum. Ipse erit dux noster in morte. XLVIII. Verumtamen Deus redimet animam meam de manu inferiori, cum assumpserit me. XLIX. Fortis Deus Dominus locutus est: non propter victimas tuas arguam te: et holocaustomata tua coram me sunt semper. Non accipiam de domo tua vitulum, neque de gregibus hircos: mea sunt enim omnia animalia silvarum. Scio omnes aves montium, (0573A)et universitas agri mecum est. Si esuriero, non dicam tibi: meus est enim orbis, et plenitudo ejus. Immola Deo laudes, et redde Altissimo vota tua. Et invoca me in die tribulationis: liberabo te, et glorificabis me. Qui immolat confessionem, glorificat me; et qui ordinate ambulat, ostendam ei salutare meum. L. Miserere mei, Deus, secundum magnam misericordiam tuam. Juxta multitudinem miserationum tuarum, dele iniquitates meas. Multum lava me ab iniquitate mea, et a peccato meo munda me. Quoniam iniquitates meas cognovi: et peccatum meum contra me est semper. Tibi soli peccavi, et malum coram te feci. Absconde faciem tuam a peccatis meis, et omnes iniquitates meas dele. Cor mundum crea in (0573B)me, Deus, et spiritum stabilem renova in visceribus meis. Ne projicias me a facie tua, et Spiritum sanctum tuum ne auferas a me. Redde mihi laetitiam Jesu tui, et spiritu potenti confirma me. Libera me de sanguinibus, Deus, Deus salutis meae: laudabit lingua mea justitiam tuam. Domine, labia mea aperies, et os meum annuntiabit laudem tuam. Sacrificium Deo spiritus contribulatus, cor contritum et humiliatum, Deus, non despicies. LI. Misericordia Dei tota est die. Ego autem sicut oliva virens in domo Dei, speravi in misericordia Dei in saeculum sempiternum. LII. Exsultabit Jacob, et laetabitur Israel. LIII. Deus, in nomine tuo salva me, et in fortitudine tua ulciscere me. Deus, exaudi orationem meam, (0573C)auribus percipe verba oris mei. LIV. Exaudi, Deus, orationem meam, et ne despicias deprecationem meam: attende mihi, et exaudi me. Ego autem fiduciam habeo tui. LV. In quacunque die territus fuero, ego in te confidam. Non timebo, quid faciat mihi caro, hoc scio, quia Deus meus es. LVI. Miserere mei, Deus, miserere mei: quoniam in te sperat anima mea. In umbra alarum tuarum sperabo, donec transeant insidiae. Invocabo Deum altissimum, Deum ultorem meum. Mittet de coelo, et salvabit me. LVII. Vere est Deus judicans in terra. LVIII. Erue me de inimicis, Deus meus, et a resistentibus mihi protege me. Fortitudinem meam ad (0573D)te servabo. Quoniam tu, Deus, elevator meus, Dei mei misericordia praeveniet me. Quoniam factus es fortitudo mea, et refugium meum in die tribulationis meae. Tibi cantabo quoniam Deus adjutor meus, fortitudo mea, Deus misericordia mea. LIX. Da nobis auxilium in tribulatione, vana est enim salus ab homine. In Deo faciemus virtutem, et ipse conculcabit tribulantes nos. LX. Exaudi, Deus, laudationem meam: intende orationi meae. De novissimo terrae ad te clamabo, cum triste fuerit cor meum. Cum fortis elevabitur adversum me, tu eris ductor meus. 99 Fuisti spes mea, turris munitissima a facie inimici. Habitabo in tabernaculo tuo, jugiter sperabo in protectione alarum (0574A)tuarum. Tu enim, Deus, exaudisti orationem meam: dedisti haereditatem timentibus nomen tuum. Misericordia et veritas servabunt eum. LXI. Ab ipso enim praestolatio mea, ipse est fortitudo mea et salus mea: susceptor meus, non timebo. LXII. Deus, fortitudo mea tu es, de luce consurgam ad te. Sitivit te anima mea: desideravit te caro mea. Sic in sancto apparui tibi, ut videam fortitudinem tuam et gloriam tuam. Melior misericordia tua quam vita: labia mea laudabunt te. Sic benedicam tibi in vita mea, in nomine tuo levabo manus meas. Quia fuisti auxilium meum, in umbra alarum tuarum laudabo te. LXIII. Audi, Deus, vocem meam loquentis, a timore (0574B)inimici serva vitam meam. LXIV. Exaudi nos, Deus salvator noster. LXV. Omnis terra adoret et canet tibi, canet nomini tuo. Benedicite populi Deo nostro, et auditam facite vocem laudis ejus. Qui posuit animam nostram in vita. Benedictus, qui non abstulit orationem meam, et misericordiam tuam a me. LXVI. Deus misereatur nostri, et benedicat nobis, illustret faciem suam super nos. Benedicat nobis Deus, Deus noster, benedicat nobis Deus. LXVII. Exsurgat Deus, et dispergantur inimici ejus, et fugiant qui oderunt eum a facie ejus. Justi autem laetentur et exsultent in conspectu Dei, gaudeant in laetitia. LXVIII. Exaudi me, Domine, quoniam bona est misericordia (0574C)tua; secundum multitudinem miserationum tuarum respice ad me. Et ne abscondas faciem tuam a servo tuo, quoniam tribulor, cito exaudi me. Accede ad animam meam, et redime eam: propter inimicos meos libera me. Salus tua, Deus, suscepit me. LXIX. Deus, ut liberes me, Domine, ut auxilieris mihi festina. Gaudeant et laetentur in te omnes, qui quaerunt te. Ego autem egenus et pauper; Deus, festina pro me. Auxilium meum et salvator meus, tu Domine, ne moreris. LXX. In te, Domine, speravi, non confundar in aeternum: in justitia tua erue me, et libera me. Inclina ad me aurem tuam, et salva me. Deus meus, salva me de manu impii, de manu iniqui et nocentis; (0574D)quia tu es exspectatio mea, Domine. Deus, ne elongeris a me: Deus, ad auxiliandum mihi festina. LXXI. Erit nomen tuum in aeternum, ultra solem, perseverabit nomen tuum. LXXII. Mihi autem appropinquare Deo bonum est, posui in Domino Deo spem meam. LXXIII. Deus autem rex meus ab initio. Ne tradas bestiis animam eruditam lege tua: vitae pauperum tuorum ne obliviscaris in perpetuum. LXXIV. Ego autem annuntiabo in sempiternum, cantabo Deo Jacob. LXXV. Cum surrexerit ad judicandum Deus, ut salvos faciat omnes mites terrae. LXXVI. Voce mea ad Dominum clamavi; voce mea (0575A)ad Dominum, et exaudivit me. In die tribulationis meae Deum requisivi. LXXVII. Ipse vero misericors propitiatur iniquitati, et non disperdet. LXXVIII. Ne recorderis iniquitatum nostrarum veterum. Cito anticipent nos misericordiae tuae, quia attenuati sumus nimis. Auxiliare nobis, Deus Jesus noster, propter gloriam nominis tui, et libera nos. Et propitiare peccatis nostris propter nomen tuum. LXXIX. Suscita fortitudinem tuam, et veni: ut salvos facias nos. Domine Deus exercituum, converte nos, et ostende faciem tuam, et salvi erimus. LXXX. Laudate Dominum, fortitudinem nostram. LXXXI. Judicate pauperi et pupillo, egeno et inopi juste facite. Salvate inopem; et pauperem de manu (0575B)impiorum liberate. LXXXII. Deus, ne taceas, ne sileas, et non quiescas, Deus. Et sciunt [ F., sciant], quia nomen tuum est, Domine, solus tu excelsus super omnem terram. LXXXIII. Domine Deus exercituum, exaudi orationem meam: Domine exercituum, beatus homo, qui confidit in te. 100 LXXXIV. Converte nos Jesus noster, et solve iram tuam adversum nos. Noli in aeternum irasci nobis. Ostende nobis, Domine, misericordiam tuam, et salutare tuum da nobis.
LXXXV. Inclina, Domine, aurem tuam, et exaudi me: quia egenus et pauper ego sum. Miserere mei, Domine, quoniam ad te clamabo tota die. Laetifica animam servi tui, quia ad te animam meam levo. Tu (0575C)enim es, Domine, bonus et propitiabilis: et multus misericordia omnibus, qui invocant te. Exaudi, Domine, orationem meam: et ausculta vocem deprecationum mearum. In die tribulationis meae invocabo te, quia exaudies me. Doce me, Domine, viam tuam: ut ambulem in veritate tua. Unicum fac cor meum, ut timeat nomen tuum. Confitebor tibi, Domine Deus meus, in toto corde meo: et glorificabo nomen tuum in sempiternum. Tu autem, Domine, Deus misericors et clemens, respice ad me, et miserere mei: da fortitudinem servo tuo, et salva filiam ancillae tuae. Fac mecum signum in bonitate, et audiant, qui oderunt me, et confundantur. Quia tu, Domine, auxiliatus es mihi, et consolatus es me. LXXXVI. Et cantabunt, quasi in choris, omnes (0575D)fortes mei in te. LXXXVII. Ingrediatur ante te oratio mea: inclina aurem tuam ad laudationem meam. Ego autem ad te, Domine, clamavi: et mane oratio mea praeveniet te. LXXXVIII. Confitebuntur coeli mirabilia tua, Domine: misericordia et veritas praecedent faciem tuam. LXXXIX. Appareat apud servos tuos opus tuum, et gloria tua super filios eorum. Et sit decor Domini Dei nostri super nos, et opus manuum nostrarum confirma. XC. Tu enim es, Domine, spes mea. XCI. Quoniam laetificasti me, Domine, in opere tuo.(0576A) XCII. Testimonia tua fidelia facta sunt nimis XCIII. Misericordia tua sustentabat me. XCIV. Venite, adoremus et curvemur. Flectamus genua ante faciem Domini factoris nostri: quia ipse est Dominus Deus noster. XCV. Gloria et decor ante vultum ejus. XCVI. Qui diligitis Dominum, odite malum, custodit animas sanctorum suorum: de manu impiorum eruet eos. XCVII. Recordatus est misericordiae suae. Et exaltate Dominum Deum nostrum. XCVIII. Servite Domino in laetitia. Ingredimini coram eo in laude. XCIX. Scitote, quoniam Dominus ipse est Deus: ipse fecit nos, et ipsius sumus.(0576B) C. Misericordiam et judicium cantabo tibi, Domine, psallam et erudiar in via perfecta, quando venias ad me. CI. Domine, exaudi orationem meam, et clamor meus ad te veniat. Ne abscondas faciem tuam a me. In die tribulationis meae inclina ad me aurem tuam. In quacunque die invocavero te, velociter exaudi me. CII. Benedic, anima mea, Domino, et noli oblivisci omnium retributionum ejus. Qui propitiatur in cunctis iniquitatibus: et sanat omnes infirmitates tuas. Qui redimet de corruptione vitam tuam, et coronat te in misericordia et miserationibus CIII. Benedic anima mea Domino: Domine Deus meus, magnificatus es nimis. Gloria et decore indutus (0576C)es. Sit gloria Domini in sempiternum: laetabitur Dominus in operibus suis. CIV. Quaerite Dominum, et virtutem ejus: quaerite faciem ejus jugiter. Recordamini mirabilium ejus, quae fecit. CV. Beati, qui custodiunt judicium, et faciunt justitiam in omni tempore. Salva nos, Domine Deus noster, ut confiteamur nomini sancto tuo: et canamus laudantes: benedictus Dominus Deus Israel. CVI. Confitemini Domino, quoniam bonus, quoniam in aeternum misericordia ejus. Confitemini Domino misericordiae ejus, et mirabilia ejus in filios hominum. Quia saturavit animam vacuam, et animam esurientem implevit bonis. CVII. Da nobis auxilium in tribulatione: vana est (0576D)enim salus ab homine. In Deo erimus fortes, et ipse conculcabit hostes nostros. 101 CVIII. Tu autem Deus Domine, fac meum propter nomen tuum: quoniam bona est misericordia tua. Libera me, quoniam egenus et pauper sum ego: adjuva me, Domine Deus meus. Salva me secundum misericordiam tuam. CIX. Dominare in medio inimicorum tuorum. CX. Confitebor Domino in toto corde meo. Gloria et decor opus ejus: opus manuum ejus veritas et judicium. CXI. Beatus vir, qui timet Dominum: in mandatis ejus volet nimis. In memoria sempiterna erit justus, (0577A)ab auditu malo non timebit. Sit nomen Domini bedictum, modo usque in aeternum. CXII. Non nobis, Domine, non nobis: sed nomini tuo da gloriam. Propter misericordiam tuam, et veritatem tuam. CXIII. Obsecro, Domine, salva animam meam. CXIV. Et nomen Domini invocabo. Gloriosa in conspectu Domini mors sanctorum ejus. CXV. Et veritas Domini in aeternum. CXVI. Dominus, Dominus meus es, non timebo quid faciat mihi homo. Dominus mihi auxiliator, et ego despiciam odientes me. Melius est sperare in Domino, quam sperare in homine. Melius est sperare in Domino, quam sperare in principibus. Confitebor tibi, Domine, quoniam exaudisti me: et factus (0577B)es mihi in salutem. CXVII. Confitebor tibi, Domine, in directione cordis: cum didicero judicia justitiae tuae. Ne errare facias me a mandatis tuis. Revela oculos meos, et videbo mirabilia in lege tua. Viam mendacii aufer a me, et legem tuam dona mihi. Inclina cor meum ad testimonia tua et non ad avaritiam. Et veniant mihi misericordiae tuae, Domine, et salus tua juxta eloquium tuum. Haec est consolatio mea in afflictione mea, quia eloquium tuum vivificavit me. Misericordia tua completa est terra, praecepta tua doce me. Antequam audirem ego ignoravi. Bonus tu et beneficus, doce me praecepta tua. Sit, obsecro, misericordia tua in consolatione mea, sicut locutus es servo tuo. Secundum misericordiam tuam vivifica (0577C)me, et custodiam testimonium oris tui. Nisi quod lex tua meditatio mea est, forte periissem in pressura mea. Quam dulce gutturi meo eloquium tuum; super mel ori meo. Voluntaria oris mei complaceant tibi, Domine, et secundum judicia tua doce me. Confirma me secundum verbum tuum, et vivam: auxiliare mihi, et salvus ero. Fac cum servo tuo juxta misericordiam tuam, et praecepta tua doce me. Respice ad me, et miserere mei, et doce me praecepta tua. Justus es, Domine, et rectum judicium tuum. Vocem meam audi juxta misericordiam tuam, Domine: secundum judicium tuum vivifica me. Vide afflictionem meam, et eripe me: juxta misericordiam tuam vivifica me. Pax multa diligentibus legem tuam, et non est illis scandalum. Ingrediatur (0577D)laus mea coram te, Domine, secundum verbum tuum. Veniat deprecatio mea ante vultum tuum: secundum eloquium tuum libera me. CXVIII. Domine, libera animam meam a labio mendacii, a lingua dolosa. CXIX. Levabo oculos meos in montes, unde veniat auxilium mihi. CXX. Sit bene his, qui diligunt te. CXXI. Miserere nostri, Domine, miserere nostri. CXXII. Auxilium nostrum in nomine Domini, qui fecit coelum et terram. CXXIII. Benefac, Domine, bonis et rectis corde. CXXIV. Converte, Domine, captivitatem nostram, sicut rivum in austro.(0578A) CXXV. Nisi Dominus custodierit civitatem, frustra vigilat, qui custodit eam. CXXVI. Beatus omnis, qui timet Dominum, qui ambulat in viis ejus. CXXVII. Benedictio Domini sit super nos. CXXVIII. Domine, exaudi vocem meam. Fiant aures tuae intendentes ad vocem deprecationis meae. CXXIX. Domine, non est exaltatum cor meum, neque elati sunt oculi mei. CXXX. Haec est requies mea in sempiternum. CXXXI. Quoniam ibi mandavit Dominus, benedictionem, et vitam usque in aeternum. 102 CXXXII. Qui statis in domo Domini. CXXXIII. Laudate Dominum, quoniam bonus est. CXXXIV. Confitemini Deo coeli, quoniam in aeternum (0578B)misericordia ejus. CXXXV. Beatus homo, qui amat Dominum. CXXXVI. Confitebor tibi, Domine, in toto corde meo. Domine, misericordia tua in aeternum, opera manuum tuarum ne dimittas. CXXXVII. Si ascendero in coelum, ibi es tu: si jacuero in infernum, ibi ades. CXXXVIII. Erue me, Domine, ab homine malo: a viris iniquis salva me. CXXXIX. Exaudi vocem meam clamantis ad te. Dirigatur oratio mea, sicut incensum in conspectu tuo. CXL. Pone, Domine, custodiam ori meo: serva paupertatem labiorum meorum. Educ de carcere animam meam, ut confitear nomini tuo.(0578C) CXLI. Domine, exaudi orationem meam, exaudi me in justitia tua. Et non venias ad judicandum cum servo tuo, quia non justificabitur in conspectu tuo omnis vivens. Fac me audire mane misericordiam tuam, quoniam in te confido. Notam fac mihi viam, in qua ambulo, quoniam ad te levabo animam meam. Libera me de inimicis meis, Domine, a te protectus. Doce me, ut faciam voluntatem tuam, quia tu Deus meus. Spiritus tuus bonus deducet me in terra recta, propter nomen tuum, Domine, vivificabis me in justitia tua. Ego enim sum servus tuus. CXLII. Benedictus Dominus fortis meus, misericordia mea, et fortitudo mea: auxiliator meus, et salvator meus.(0578D) CXLIII. In omni die benedicam tibi, et laudabo nomen tuum in sempiternum jugiter. CXLIV. Laudem Domini loquetur os meum, et benedicat omnis caro nomini sancto ejus: in aeternum et jugiter. CXLV. Lauda, anima mea, Dominum, laudabo Dominum in vita mea: cantabo Deo meo, quandiu sum. CXLVI. Laudate Dominum, quoniam bonus est: placetur Domino in his, qui timent eum, et exspectant misericordiam ejus. CXLVII. Flabit spiritu suo, et fluent aquae CXLVIII. Laudate Dominum de coelis, laudate eum in excelsis. Laudate eum, omnes angeli ejus. Laudate (0579A)eum omnes exercitus ejus. Laudate eum, sol et luna: laudate eum, stellae luminis. Laudate eum, coeli coelorum, et aquae, quae super coelos sunt, laudent nomen Domini. Quoniam ipse mandavit, et creata sunt. Laudate Dominum, reges terrae, et omnes populi: principes, et universi judices terrae. Juvenes et virgines, senes cum pueris laudent nomen Domini. Quoniam sublime nomen ejus solius, gloria ejus in coelo et in terra. Exaltavit cornu populi, laus omnibus sanctis ejus. CXLIX. Cantate Domino canticum novum, laus ejus in congregatione sanctorum. Exaltabit mansuetos in Jesu. Exsultabunt sancti in gloria, laudabunt in cubilibus suis. Exsultationes Dei in gutture eorum. CL. Omne quod spirat laudet Dominum. LITANIA UT SUPRA, ET PRECES. (0579B) Vivit anima mea, et laudabit te. Judica, Domine, nocentes me. Repleatur os meum laude. Domine, averte faciem tuam a peccatis meis. Cor mundum crea in me, Deus. Redde mihi laetitiam salutaris tui. Domine, ne simul tradas me cum peccatoribus. Domine, non secundum peccata nostra facies nobis. Domine, ne memineris iniquitatum nostrarum. Adjuva nos, Deus salutaris noster. Esto nobis, Domine, turris fortitudinis. Adjutor et liberator meus esto, Domine. Benedictus Dominus die quotidie. Ne intres in judicio cum servo tuo. Delicta juventutis meae. Eripe me, Domine, ab homine malo. Eripe me de inimicis meis, Deus meus. Eripe me de operantibus (0579C)iniquitatem. Sic psalmum dicam nomini tuo in saeculum saeculi. Exaudi nos, Deus salutaris noster. Deus, in adjutorium meum intende. Sanctus Deus, sanctus fortis. Benedicat nos Deus Pater. O Domine, salvum me fac. Domine, salvum fac regem. Salvum fac populum tuum. Salvos fac servos tuos. Memento congregationis tuae. Exaudi, Domine, vocem meam. Miserere mei, Deus, totum. Domine, exaudi.
103 ORATIO EUGENII TOLETANI EPISCOPI.
Rex Deus, immensi quo constat machina mundi,
Quod miser imploro, tu Christe, perfice clemens.
Sit mihi recta fides, et falsis obvia sectis.
Sit mihi praecipue morum correctio praesens.
Sim charus, humilis, verax, cum tempore prudens,
Secreti tacitus, et linguae famine cautus.
(0579D)Da fidum socium, da fixum semper amicum.
Da blandum, sobrium, parcum, castumque ministrum.
Non me pauperies cruciet, nec languor obuncet.
Sit comes alma salus, et sufficientia victus.
Absint divitiae, fastus, et jurgia, lites,
Invidiae, luxus, et ventris pensio turpis.
Crimine nec laedam quemquam, nec crimine laedar.
Sic bene velle queam, quo pravum posse recedat.
Nil turpe cupiam, faciam, vel proloquar unquam.
Te mens desideret, lingua canat, actio promat.
(0580A)Da, Pater altitonans, undosum fletibus imbrem;
Quo valeam lacrymis culparum solvere moles.
Da precor auxilium, possim quo vincere mundum,
Et vitae stadium placido percurrere passu.
Cumque suprema dies mortis patefecerit urnam,
Concede veniam, cui tollit culpa coronam.
SABBATO. SI CUI VITA PRAESENS FASTIDIO SIT, EI SUPERNA CONTEMPLARI JUVAT. ORATIO SANCTI AUGUSTINI. Deus universitatis conditor, praesta mihi primum, ut te bene rogem: deinde, ut me agam dignum, quem liberes; postremo, ut liberes. Deus, per quem omnia quae per se non essent, tendunt esse. Deus, qui ne (0580B)id quidem, quod se invicem perdit, perire permittis. Deus, qui de nihilo mundum istum creasti, omnium quem sentiunt oculi pulcherrimum. Deus, qui malum non facis, et facis esse, ne pessimum fiat. Deus, qui paucis ad id, quod vere est, refugientibus, ostendis malum nihil esse. Deus, per quem universitas, etiam cum sinistra parte, perfecta est. Deus, a quo dissonantia usque in extremum nulla est, cum deteriora melioribus concinant. Deus, quem amat omne, quod potest amare, sive sciens, sive nesciens. Deus, in quo sunt omnia, cujus tamen universae creaturae nec turpitudo turpis est, nec malitia nocet, nec error errat. Deus, qui nisi mundos, verum te scire noluisti, Deus Pater veritatis, Pater sapientiae, Pater verae summaeque vitae, Pater beatitudinis, Pater boni et (0580C)pulchri, Pater intelligibilis, lucis, Pater evigilationis atque illuminationis nostrae, Pater pignoris, quo admonemur redire ad te, te invoco. Deus veritas, in quo, et a quo, et per quem vera sunt, quae vera sunt omnia. Deus sapientia, in quo, et a quo, et per quem sapiunt quae sapiunt omnia. Deus vera et summa vita, in quo, et a quo, et per quem vivunt, quae vere summeque vivunt omnia. Deus beatitudo, in quo, et a quo, et per quem beata sunt, quae beata sunt omnia. Deus bonum et pulchrum, in quo, et a quo, et per quem bona et pulchra sunt, quae bona et pulchra sunt omnia. Deus intelligibilis lux, in quo, et a quo, et per quem intelligibiliter lucent, quae intelligibiliter lucent omnia. Deus, cujus regnum est totus mundus, quem sensus mortalis corporis ignorat. Deus, de cujus regno lex (0580D)etiam in ista regna describitur. Deus, a quo averti cadere, in quem converti resurgere, in quo manere consistere est. Deus, a quo exire mori, in quem redire reviviscere, in quo habitare vivere est. Deus, 104 quem nemo amittit nisi deceptus, quem nemo quaerit nisi admonitus, quem nemo invenit nisi purgatus. Deus, quem relinquere hoc est, quod perire, quem attendere hoc est, quod amare, quem videre hoc est, quod habere. Deus, cujus nos fides excitat, spes erigit, caritas jungit. Deus, per quem vincimus inimicum, te deprecor. Deus, quem accepimus, ne omnino periremus. Deus, a quo admonemur, ut vigilemus. (0581A)Deus, per quem a malis bona separamus. Deus, per quem mala fugimus, et bona sequimur. Deus, per quem non cedimus adversitatibus. Deus, per quem bene servimus, et bene dominamur. Deus, per quem discimus aliena esse, quae aliquando nostra; et nostra esse, quae aliquando aliena putavimus. Deus, per quem malorum escis atque illecebris non inhaeremus. Deus, per quem nos res minutae non minuunt. Deus, per quem melius nostrum deteriori subjectum non est. Deus, per quem mors absorbetur in victoria. Deus qui nos convertis. Deus, qui nos eo, quod non est, exuis, et eo, quod est, induis. Deus, qui nos exaudibiles facis. Deus, qui nos munis. Deus, qui nos in omnem veritatem inducis. Deus, qui nobis omnia bona loqueris, nec insanos facis, (0581B)nec a quoquam fieri sinis. Deus, qui nos revocas in viam. Deus, qui facis ut pulsantibus aperiatur. Deus, qui nos deducis ad januam. Deus, qui das nobis panem vitae. Deus, per quem sitimus potum, quo hausto nunquam sitiamus. Deus, qui arguis saeculum de peccato, de justitia, de judicio. Deus, per quem nos non movent, qui minime credunt. Deus, per quem improbamus eorum errorem, qui animarum merita nulla esse apud te putant. Deus, per quem non servimus infirmis et egenis elementis. Deus, qui nos purgas, et ad divina praeparas praemia. Adveni mihi in auxilium propitius: tu quidquid a me dictum est, unus Deus: tu, tu veni, veni in auxilium mihi una, aeterna, vera substantia, ubi nulla discrepantia, nulla confusio, nulla transitio, nulla indigentia, nulla mors: (0581C)ubi summa concordia, summa evidentia, summa constantia, summa plenitudo, summa vita: ubi nihil deest, ubi redundat, ubi qui gignit, et quem gignit, unum sunt: cui serviunt, quae serviunt omnia, cui obtemperat omnis bona anima, cujus legibus rotantur poli, cursus suos sidera peragunt, sol exercet diem, luna temperat noctem: omnisque mundus per dies, vicissitudine lucis et noctis, et per menses crementis decrementisque lunaribus, per annos veris, aestatis, autumni, hiemis successionibus perlustrat, perfectione cursus solaris per magnos orbis recursus in ortus suos siderum magnam rerum continentiam, quantum sensibilis materia patitur, temporum ordinibus replicationibusque custodit. Cujus legibus in aevo stantibus motus instabilis rerum mutabilium (0581D)perturbatus esse non sinitur, frenisque circumeuntium saeculorum semper ad similitudinem stabilitatis renovatur. Cujus legibus arbitrium animae liberum est, bonisque praemia, et malis poenae, fixis per omnia necessitatibus, distributae sunt. A quo manant omnia bona usque ad nos, a quo coercentur usque a nobis omnia mala: supra quem nihil, extra quem nihil, sine quo nihil: sub quo totum, in quo totum, cum quo totum est: qui fecisti hominem ad imaginem et similitudinem tuam, quod qui se novit agnoscit. Exaudi, exaudi, exaudi me, Deus meus, Domine meus, Rex meus, Pater meus, causa mea, spes mea, res mea, honor meus, domus mea, patria mea, salus mea, lux mea, vita mea. Exaudi, exaudi, exaudi me (0582A)more illo tuo, paucis notissimo. Nam te solum amo, te solum sequor, te solum quaero, tibi soli servire paratus sum, quia tu solus juste dominaris. Tui juris esse cupio, jube, quaeso, atque impera, quidquid vis; sed sana et aperi aures meas, quibus voces tuas audiam: Sana et aperi oculos meos, quibus nutus tuos videam: expelle a me insaniam, ut recognoscam te. Dic mihi, qua attendam, ut aspiciam te: et omnia me spero, quae jusseris, esse facturum. Respice, oro, fugitivum tuum, Domine clementissime: jamjam satis poenas dederim: satis inimicis tuis, quos sub pedibus habes, servierim: satis fuerim fallaciarum ludibrium. Accipe me ab istis fugientem famulum tuum, quia et ista me, quando a te fugiebam, acceperunt alienum. Ad te mihi redeundum esse sentio, (0582B)pateat mihi pulsanti janua tua, sed quomodo ad te perveniatur, doce me. Nihil aliud 105 habeo, quam voluntatem. Nihil aliud scio, nisi fluxa, et caduca spernenda esse, certa et aeterna requirenda. Hoc facio, Pater, quia hoc solum novi: sed unde ad te perveniatur, ignoro. Tu mihi suggere, tu ostende, tu viaticum praebe. Si fide te inveniunt, qui ad te refugiunt, fidem da: si virtute, virtutem: si scientia, scientiam. Auge in me spem. Auge charitatem. O admiranda et singularis bonitas tua! Ad te ambio, et quibus rebus a te ambiatur, ad te rursum peto. Tu enim si deseris, peritur hic: sed non deseris, quia tu es summum bonum, qudo nemo recte quaesivit, et minime invenit. Omnis autem recte quaesivit, quem tu recte quaerere fecisti, fac et me, Pater; vindica me ab (0582C)errore. Quaerenti te mihi nihil aliud pro te occurrat: si nihil aliud desidero quam te, inveniam te jam, quaeso, Pater. Si autem est in me superflui alicujus appetitio, tu ipse me munda, et fac idoneum ad videndum te. Caeterum, de salute hujus mortalis corporis mei, quandiu in hoc habitem, nescio, quid mihi ex eo utile sit, vel eis, quos diligo. Tibi illud committo, Pater sapientissime atque optime, et pro eo, quod admonueris ad tempus, deprecabor. Tantum oro excellentissimam clementiam tuam, ut me penitus ad te convertas, nihil mihi repugnare facias tendenti ad te, jubeasque me, dum hoc ipsum corpus ago atque porto, purum, magnanimum, justum prudentemque esse, perfectumque amatorem perceptoremque sapientiae tuae, et dignum habitatione, atque habitatorem (0582D)beatissimum regni tui. Amen.
Deus in adjutorium meum intende, ter.
PSALMUS.
(PSAL. XLI.) Quemadmodum desiderat cervus ad fontes aquarum, ita desiderat anima mea ad te, Deus. Sitivit anima mea ad Deum fortem vivum: quando veniam et apparebo ante faciem Dei? Fuerunt mihi lacrymae meae panes die ac nocte: dum dicitur mihi quotidie, ubi est Deus tuus? Haec recordatus sum, et effudi in me animam meam: quoniam transibo in locum tabernaculi admirabilis usque ad domum Dei. In voce exsultationis et confessionis sonus epulantis. Quare tristis es, anima mea; et quare conturbas me? (0583A)Spera in Deo, quoniam adhuc confitebor illi: salutare vultus mei, et Deus meus. Ad meipsum anima mea conturbata est: propterea memor ero tui de terra Jordanis, et Hermoniim a monte modico. Abyssus abyssum invocat in voce cataractarum tuarum. Omnia excelsa tua et fluctus tui super me transierunt. In die mandavit Dominus misericordiam suam, et nocte canticum ejus. Apud me oratio Deo vitae meae: dicam Deo, susceptor meus es. Quare oblitus es mei, et quare contristatus incedo, dum affligit me inimicus? Dum confringuntur ossa mea: exprobraverunt mihi, qui tribulant me, inimici mei. Dum dicunt mihi per singulos dies, ubi est Deus tuus? quare tristis es, anima mea; et quare conturbas me? Spera in Deo, quoniam adhuc confitebor illi: salutare vultus mei (0583B)et Deus meus.
Ut supra. Diligam te, Domine, fortitudo mea. Dominus firmamentum meum, et refugium meum, et liberator meus. Deus meus adjutor meus, et sperabo in eum.
Oratio. Vultus nostri mirificum salutare, quem animae fidelium ardenter sitiunt servulorum; tribue, quaesumus, ut dum te visibili lacrymarum imbre pasti requirimus, invisibiliter te intra pectoris nostri tabernaculum collocemus. Per.
PSALMUS.
(PSAL. LXII.) Deus, Deus meus, ad te de luce vigilo. Sitivit in te anima mea, quam multipliciter tibi caro mea. In terra deserta, invia, et inaquosa: sic in (0583C)sancto apparui tibi, ut viderem virtutem tuam et gloriam tuam. Quoniam melior est misericordia tua super vitas: labia mea laudabunt te. Sic benedicam te in vita mea: et in nomine tuo levabo manus meas. Sicut adipe et pinguedine repleatur anima mea: et labiis exsultationis laudabit os meum. Sic memor fui tui super stratum meum, in matutinis meditabor in te: quia fuisti adjutor meus. Et in velamento alarum tuarum exsultabo, adhaesit anima mea post te: 106 me succepit dextera tua. Ipsi vero in vanum quaesierunt animam meam, introibunt in inferiora terrae, tradentur in manus gladii, partes vulpium erunt. Rex vero laetabitur in Deo, laudabuntur omnes, qui jurant in eo: quia obstructum est os loquentium iniqua.
(0583D)Ut supra. Beatus quem elegisti et assumpsisti habitabit in atriis tuis.
Oratio. Ad te diluculo vigilantibus lumen largire perpetuum, auctor lucis aeternae; ut te labia nostra laudent, te vita benedicat, te meditatio matutina glorificet. Per.
PSALMUS.
(PSAL. LXXXIII.) Quam dilecta tabernacula tua, Domine virtutum: concupiscit et deficit anima mea in atria Domini. Cor meum et caro mea exsultaverunt in Deum vivum. Etenim passer invenit sibi domum: et turtur nidum sibi, ubi reponat pullos suos. Altaria tua, Domine virtutum: Rex meus et Deus meus. (0584A)Beati, qui habitant in domo tua, Domine: in saecula saeculorum laudabunt te. Beatus vir, cujus est auxilium abs te, ascensiones in corde suo disposuit in valle lacrymarum: in loco, quem posuit. Etenim benedictionem dabit legislator, ibunt de virtute in virtutem: videbitur Deus deorum in Sion. Domine Deus virtutum, exaudi orationem meam: auribus percipe, Deus Jacob. Protector noster aspice Deus, et respice in faciem Christi tui. Quia melior est dies una in atriis tuis super millia. Elegi abjectus esse in domo Dei mei: magis quam habitare in tabernaculis peccatorum. Quia misericordiam et veritatem diligit Deus: gratiam et gloriam dabit Dominus. Non privabit bonis eos, qui ambulant in innocentia: Domine virtutum, beatus homo qui sperat in te.
LITANIA UT SUPRA. (0584B) Confirma hoc, Deus, quod operatus es in nobis, a templo tuo in Hierusalem tibi offerunt reges munera. Emitte Spiritum tuum, et creabuntur, et renovabis faciem terrae. Sit gloria Domini in saeculum, laetabitur Dominus in operibus suis. Jucundum sit ei eloquium meum, ego vero delectabor in Domino. Laetetur cor quaerentium Dominum, et confirmamini: quaerite faciem ejus semper.
Oratio. Tabernaculorum coelestium fundator aeterne Deus, dispone, quaesumus, ascensus in cordibus nostris, quibus ad tua tabernacula mereamur sine lapsu peccati conscendere. Per.
ORATIO SANCTI ISIDORI.
(0584C)Beatissimi servi illi, quos cum venerit Dominus, invenerit vigilantes (Luc. XII, 37). Beata vigilia, qua ad Dominum universitatis amatorem vigilatur. Utinam me quoque vilem, licet tuum tamen servulum, ita digneris, Domine, de somno inertiae excitare; ita illo divinae charitatis igne accendere, quo de meo corde supra sidera exardesceret tuae charitatis flamma, tuae nimiae dilectionis desiderium, semperque divinus ignis intra me arderet! Utinam illa ligna haberem, quibus ille ignis jugiter aleretur, pasceretur, succenderetur, et illa flamma nutriretur, quae exstingui nesciret, sed augeri sciret! Utinam talis essem meriti, ut mea lucerna semper tota nocte in templo Domini Dei mei arderet, ut omnibus domum Dei intrantibus luceret! Da mihi, Domine, rogo te, in nomine (0584D)Jesu Christi, Filii tui Dei mei, illam, quae nescit cadere, charitatem: ut mea lucerna accendi sciat, exstingui nesciat; mihi ardeat, aliis luceat. Tu ipse, Christe, lucernas nostras accendere digneris, ac lucidissime Salvator noster, quo perpetue luceant in templo tuo, ac perenne lumen a te, perenni lumine accipiant, ut tenebrae nostrae illuminentur, mundi autem tenebrae fugentur: sic lumen meae largiaris lucernae, rogo te, Domine Jesu, ut illius luminis claritate, illa ita mihi sancta sanctorum appareant, quae te aeternum pontificem aeternorum in interioribus magni illius tui templi illo intrantem habeant, quo te jugiter tantummodo aspiciam, desiderem, exspectem. Tantum te amans concupiscam. Tuum sit, (0585A)quaeso, ita te nobis pulsantibus demonstrare, amantissime Salvator noster, ut te amplius intelligentes te tantum amemus, te solum die ac nocte meditemur, 107 semper de te cogitemus: et in tantum nobis tuam inspirare digneris dilectionem, quantum amari Deum decet ac diligi, ut omnia interiora nostra tua impleat dilectio, totosque nos tuus possideat amor, tua impleat charitas, ut tua igniti charitate praeter te aliud amare nesciamus, quo tanta charitas aquis multis hujus aeris, hujus terrae, hujusque maris exstingui in nobis nequeat: juxta illud, Aquae multae non poterunt exstinguere charitatem: quod in nobis quoque compleri vel ex parte Deus faciat, donante Domino nostro Jesu Christo.
EJUSDEM ALIA ORATIO.
(0585B)Apud nos fias, quaesumus, Domine, ut nos defendas in gloria: intra nos fias, ut nos recipias: circa nos fias, ut nos conserves: ante nos fias, ut nos deducas: pro nobis fias, ut pro nobis intercedas: super omnia fias, ut nos benedicas, et provoces ad tuum regnum, qui vivis et regnas.
ITEM SABBATO IN HONORE OMNIUM SANCTORUM ORATIO SANCTI GREGORII PAPAE.
Deus omnipotens Pater et Filius et Spiritus sanctus, unica Trinitas in tribus personis, qui es idem et qui eras, et qui venturus es. Libera me, Domine, ab omnibus peccatis meis et ista mortalitate, et a (0585C)morte poenae, a planta usque ad verticem, intus et foris. Intercedite pro me sancta cherubim, sancta seraphim, sancti throni, sanctae dominationes, sancti principatus, sanctae potestates, sanctae virtutes, sancti angeli, sancti archangeli. Sancte Gabriel, sancte Michael, sancte Raphael, orate pro me. Intercedite pro me, sancti patriarchae, sancti duces, sancti judices, sancti sacerdotes, sancti prophetae, sancti reges, sancti Machabaei, sancti Infantes. Intercedite pro me nativitas Christi, Christi circumcisio, Christi baptisma, Christi operatio, Christi virtutes, Christi doctrina, Christi crux, Christi anima, Christi caro, Christi resurrectio, Christi descensio, Christi ascensio. Sancta Maria, sancti apostoli, sancti discipuli, sancti successores, sancti baptistae, sancti principes, (0585D)sancti episcopi, sancti presbyteri, sancti diaconi, sancti subdiaconi, sancti lectores, sancti exorcistae, sancti martyres, sancti confessores, sancti anachoretae, sancti monachi, sancti clerici, sancti laici, sanctae virgines, sanctae uxores, sancti domini, sancti servi, sancti divites, sancti pauperes, sancti doctores, sancti fratres, sanctae sorores. Horum omnium generaliter nomina, et memoriae, et spiritus, et animae, et sanctae cogitationes, et sancta verba, et sancta opera, et merita in coelis, et reliquiae in terris, et divitiae bonitatis Dei, et longanimitatis, et patientiae, et misericordiae: haec omnia in nomine Domini nostri Jesu Christi, sint scuta, sint galeae, sint sanitates, sint suffragia, sint loricae animae meae, et (0586A)spiritus mei, et corporis mei cum omnibus personis meis intus et foris, a planta usque ad verticem: visui, auditui, odoratui, gustui, tactui, carni et sanguini cum omnibus ossibus, et nervis, et visceribus meis, venis, medullis, compagibus, artubus meis, cuti, meatibus meis. Per te enim, Jesu Christe, omnia vivificantur, et inspirantur, et mutantur, et sana sunt. Protege me, Domine, a dextris et a sinistris, ante et retro, subtus et supra, in aere, in terra, in aquis, in mari, in flexu, in erectione, in gressu, in sede, in stando, in ambulando, in vigilando, in dormiendo, in loco, in omni hora, in omni die, in omni nocte, in omni vita. Adjuva me, custodi me, Trinitas sancta, omnipotens Deus. Libera me, Domine, ab omni malo praeterito, praesenti et futuro: de (0586B)periculis terrae, et maris, et omnium bestiarum, et phantasmatum, et volucrum, et quadrupedum, et serpentium. Defende me ab igne et fulgure, a tonitruo, a grandine, a nive, a pluvia, a ventis, a hiatu terrae, a turbine, a terrae motu, ab omnibus hominibus malis, a veneficiis, ab invidis oculis. Ego confiteor impietatem peccati mei: peccator enim sum, et de peccato natus. Tu autem verus Deus omnipotens sine peccato. Rogo Patrem per Filium. Rogo Filium per Patrem. Rogo Spiritum sanctum per Patrem et Filium, ut et omnia vitia elongentur a me, et omnes sanctae virtutes plantentur in me. Deus immense, 108 a quo omnia, per quem omnia sunt: in quo omnia facta sunt, visibilia et invisibilia, supra tegens, et infra ferens, opera tua extra circumdans, (0586C)intra replens. Custodi me, Domine, creaturam tuam usque in sempiternum. Hos omnes invoco in auxilium meum. Per.
PSALMUS IN HONORE S. MARIAE.
(PSAL. XLIV.) Eructavit cor meum verbum bonum: dico ego opera mea Regi. Lingua mea calamus scribae velociter scribentis. Speciosus forma prae filiis hominum, diffusa est gratia in labiis tuis: propterea benedixit te Deus in aeternum. Accingere gladio tuo super femur tuum, potentissime. Specie tua et pulchritudine tua: intende, prospere, procede et regna. Propter veritatem et mansuetudinem et justitiam: et deducet te mirabiliter dextera tua. Sagittae tuae acutae, populi sub te cadent in corda inimicorum (0586D)regis. Sedes tua Deus in saeculum saeculi: virga directionis, virga regni tui. Dilexisti justitiam, et odisti iniquitatem: propterea unxit te Deus, Deus tuus oleo laetitiae prae consortibus tuis. Myrrha et gutta et casia a vestimentis tuis a domibus eburneis: ex quibus delectaverunt te filiae regum in honore tuo. Astitit Regina a dextris tuis in vestitu deaurato: circumdata varietate. Audi filia et vide, et inclina aurem tuam: et obliviscere populum tuum et domum patris tui. Et concupiscet Rex decorem tuum, quoniam ipse est Dominus Deus tuus, et adorabunt eum. Et filiae Tyri in muneribus: vultum tuum deprecabuntur omnes divites plebis. Omnis gloria filiae regis ab intus, in fimbriis aureis, circumamicta varietatibus. (0587A)Adducentur regi virgines post eam: proximae ejus afferentur tibi. Afferentur in laetitia et exsultatione: adducentur in templum regis. Pro patribus tuis nati sunt tibi filii: constitues eos principes super omnem terram. Memor ero nominis tui in omni generatione et generationem. Propterea populi confitebuntur tibi in aeternum, et in saeculum saeculi.
Oratio. Christe Domine Verbum Patris, per quem cuncta creata sunt et creantur: custodi, quaesumus, Ecclesiam tuam varietate gentium congregatam, ut dum te ex ipsa credulitatis justitia corde puro diligimus, principatum aeterni saeculi cum Patribus mereamur. Per.
Alia oratio. Domine Deus noster, cujus sedes in (0587B)saeculum saeculi manet: praesta, ut tibi, Rex noster, opera nostra pandamus, cui antequam fiant nota, et per te praesentes potestates scimus. Per.
PSALMUS APOSTOLORUM. (PSAL. XVIII.) Coeli enarrant gloriam Dei: et opera manuum ejus annuntiat firmamentum. Dies diei eructat verbum: et nox nocti indicat scientiam. Non sunt loquelae neque sermones, quorum non audiantur voces eorum. In omnem terram exivit sonus eorum: et in fines orbis terrae verba eorum. In sole posuit tabernaculum suum: et ipse tanquam sponsus procedens de thalamo suo. Exsultavit ut gigas ad currendam viam: a summo coelo egressio ejus. Et occursus ejus usque ad summum ejus, nec est, qui se (0587C)abscondat a calore ejus. Lex Domini immaculata convertens animas: testimonium Domini fidele, sapientiam praestans parvulis. Justitiae Domini rectae, laetificantes corda: praeceptum Domini lucidum, illuminans oculos. Timor Domini sanctus permanet in saeculum saeculi: judicia Domini vera, justificata in semetipsa. Desiderabilia super aurum et lapidem pretiosum multum: et dulciora super mel et favum. Etenim servus tuus custodit ea: in custodiendis illis retributio multa. Delicta quis intelligit? ab occultis meis munda me, et ab alienis parce servo tuo. Si mei non fuerint dominati, tunc immaculatus ero: et emundabor a delicto maximo. Et erunt, ut complaceant eloquia oris mei, et meditatio cordis mei in conspectu tuo semper. Domine, adjutor meus et redemptor (0587D)meus.
Ut supra. Sanctis, qui sunt; in omnem terram exivit sonus eorum. Constitues eos. Nimis honorati sunt amici tui Deus.
109 Oratio. Domine, ante quem nullus absconditur, a cujus inquisitione quod latitat, non celatur; ab occultis nostris munda nos, et ab alienis parce servis tuis, et praesta ut examinationis tuae calore puritas a te concessa non aestuet.
PSALMUS MARTYRUM.
(PSAL. XXXII.) Exsultate justi in Domino: rectos decet collaudatio. Confitemini Domino in cithara: in psalterio decem chordarum psallite illi. Cantate ei canticum novum: bene psallite ei in vociferatione. (0588A)Quia rectum est verbum Domini, et omnia opera ejus in fide. Diligit misericordiam et judicium: misericordia Domini plena est terra. Verbo Domini coeli firmati sunt: et spiritu oris ejus omnis virtus eorum. Congregans sicut in utre aquas maris: ponens in thesauris abyssos. Timeat Dominum omnis terra: ab eo autem commoveantur omnes inhabitantes orbem. Quoniam ipse dixit, et facta sunt: ipse mandavit, et creata sunt. Dominus dissipat consilia gentium: reprobat autem cogitationes populorum, et reprobat consilia principum. Consilium autem Domini in aeternum manet: cogitationes cordis ejus in generatione et generationem. Beata gens, cujus est Dominus Deus ejus: populus quem elegit in haereditatem sibi. De coelo respexit Dominus, vidit (0588B)omnes filios hominum. De praeparato habitaculo suo respexit super omnes qui habitant terram. Qui finxit singillatim corda eorum: qui intelligit omnia opera eorum. Non salvatur Rex per multam virtutem: et gigas non salvabitur in multitudine virtutis suae. Fallax equus ad salutem, in abundantia autem virtutis suae non salvabitur. Ecce oculi Domini super metuentes eum, et in eis qui sperant super misericordia ejus. Ut eruat a morte animas eorum, et alat eos in fame. Anima nostra sustinet Dominum: quoniam adjutor et protector noster est. Quia in eo laetabitur cor nostrum: et in nomine sancto ejus speravimus. Fiat misericordia tua, Domine, super nos, quemadmodum speravimus in te.
Ut supra. Sanctis, qui sunt in terra ejus. Gloria et (0588C)honore coronasti eos. Posuisti, Domine.
Oratio. Fiat misericordia tua, Domine, super nos, et animabus nostris patientiam ad omnia toleranda adjutorio tuae protectionis insinua; et qui singillatim corda hominum fingis, spe tua sanctifices, et quia oculi tui super eos sunt, qui te . . . . . [ Forte suppl. metuunt], timoris tui da nobis plenitudinem, ut etiam aspectui conferas dignitatem.
PSALMUS ITEM MARTYRUM. (PSAL. LXXVIII.) Deus, venerunt gentes in haereditatem tuam, polluerunt templum sanctum tuum: posuerunt Hierusalem in pomorum custodiam. Posuerunt morticina servorum tuorum escas volatilibus coeli: carnes sanctorum tuorum bestiis terrae. Effuderunt (0588D)sanguinem eorum tanquam aquam in circuitu Hierusalem: et non erat, qui sepeliret. Facti sumus opprobrium vicinis nostris, subsannatio et illusio his qui in circuitu nostro sunt. Usquequo, Domine, irasceris in finem: accendetur velut ignis zelus tuus? Effunde iram tuam in gentes, quae te non noverunt: et in regna quae nomen tuum non invocaverunt. Quia comederunt Jacob, et locum ejus desolaverunt. Ne memineris iniquitatum nostrarum antiquarum: cito anticipent nos misericordiae tuae, quia pauperes facti sumus nimis. Adjuva nos, Deus salutaris noster: et propter gloriam nominis tui, Domine, libera nos, et propitius esto peccatis nostris propter nomen tuum. Ne forte dicant in gentibus: (0589A)ubi est Deus eorum? et innotescant in nationibus coram oculis nostris. Ultio sanguinis servorum tuorum, qui effusus est, introeat in conspectu tuo gemitus compeditorum. Secundum magnitudinem brachii tui posside filios mortificatorum. Et redde vicinis nostris septuplum in sinu eorum: improperium ipsorum, quod exprobraverunt tibi, Domine. Nos autem populus tuus et oves pascuae tuae confitebimur tibi in saeculum. In generatione et generationem annuntiabimus laudem tuam.
110 Ut supra. Oculi Domini super justos. Pretiosa in conspectu Domini. Justorum animae.
Oratio. Ne memineris iniquitatum nostrarum antiquarum, Domine, neque nos originalis culpa contristet, quos secunda nativitas in Christo regenerat. (0589B)Apprehendat nos itaque misericordia tua, Domine, quia Creator hominis in homine nascitur, et homo in Deo glorificando [ Forte, glorificandus] assumitur.
PSALMUS CONFESSORUM. (PSAL. CXXIII.) Nisi quia Dominus erat in nobis, dicat tunc Israel: nisi quia Dominus erat in nobis. Cum exsurgerent homines in nos, forte vivos deglutissent nos. Cum irasceretur furor eorum in nos: forsitan aqua absorbuisset nos. Torrentem pertransivit anima nostra: forsitan pertransisset anima nostra aquam intolerabilem. Benedictus Dominus, qui non dedit nos in captionem dentibus eorum. Anima nostra sicut passer erepta est de laqueo venantium. Laqueus contritus est: et nos liberati sumus. (0589C)Adjutorium nostrum in nomine Domini: qui fecit coelum et terram.
Ut supra. Inimici defecerunt framea [ Vulgata, frameae] in finem. Destruxisti omnes sepes ejus. Laudem Domini loquetur os meum.
Oratio. Converte, Domine, laqueos, quos nobis hi, qui animas nostras venari conantur, opponunt; et adversantium atque captivantium nos insidias adjutorii tui opitulatione conturba, quia nisi tu in nobis fueris, tam nos potest contraria virtus deglutire, quam absorbere. Esto servorum tuorum et custos et praevius, ut spiritalium nequitiarum muscipulas non incurrat; ut volatus, quibus ad te venire nituntur, tota alacritate exerceant.
Laudate Dominum de coelis. Require retro in Feria (0589D)prima.
LITANIAE UT SUPRA. Justi in perpetuo vivent. Gloriabuntur in te omnes, qui diligunt nomen tuum. Exsultabunt sancti in gloria. Exsultent in conspectu Dei; apud te est, Domine, fons vitae. Mirabilis Deus in sanctis suis. In conspectu angelorum psallam tibi. Exaudi, Domine, vocem meam, qua clamavi.
ORATIO SANCTI GREGORII. Dominator Domine Deus omnipotens, qui es Trinitas una, Pater in Filio, Filius in Patre, cum Spiritu sancto: qui es semper in omnibus, et eras ante omnia, et eris super omnia Deus benedictus in saecula. (0590A)Commendo animam meam in manus potentiae tuae, ut custodias eam diebus ac noctibus, horis atque momentis. Miserere mei, Deus angelorum. Dirige me Rex archangelorum. Custodi me per orationes patriarcharum, per merita prophetarum, per suffragia apostolorum, per victorias martyrum, per fidem confessorum, per intercessionem omnium sanctorum, qui tibi placuerunt ab origine mundi usque ad consummationem saeculi. Oret pro me sanctus Abel, qui primus coronatus est martyrio. Oret pro me sanctus Seth, qui primus coepit invocare nomen Domini. Oret pro me sanctus Enoch, qui ambulavit cum Deo, et translatus est de mundo. Oret pro me sanctus Noe, quem Deus servavit in diluvio propter justitiam. Oret pro me Melchisedech rex justus, qui (0590B)obviavit Abrahae, et benedixit ei. Roget pro me fidelis Abraham, qui primus credidit, cui reputata est fides ad justitiam. Intercedat pro me justus Isaac, qui fuit obediens patri usque ad mortem, in exemplum Domini nostri Jesu Christi, qui oblatus est Deo Patri pro salute mundi. Postulet pro me felix Jacob, qui vidit angelos Dei et Domini venientes in auxilium sibi. Oret pro me beatus Joseph, qui solvit somnia regis, et interpretatus est, et liberatus est de carcere. Oret pro me sanctus Job, magnus et patiens, qui nihil peccavit in labiis suis, in omnibus quae acciderunt illi. Oret pro me beatus Moyses, cum quo locutus est Deus facie ad faciem. Oret pro me Hiesus filius Nun, quem elegisti, Domine, post Moysen famulum tuum. Oret pro me sanctus Samuel (0590C)propheta, qui benedixit et unxit duos reges super Israel. Subveniat mihi sanctus David, quem elegisti secundum cor tuum, Domine. Deprecetur pro me sanctus Elias 111 propheta, quem elevasti in curru igneo usque ad coelum. Oret pro me beatus Isaias, cujus mundata sunt labia igne coelesti. Adsit mihi beatus Jeremias, quem sanctificasti in utero matris suae. Oret pro me sanctus Ezechiel propheta, qui vidit visiones mirabiles Dei, et prophetavit resurrectionem mortuorum. Deprecetur pro me electus Daniel, desiderabilis Dei, qui solvit somnia regis, et interpretatus est, et liberatus est de lacu leonum: et tres pueri Ananias, Azarias, Misahel, liberati ab igne. Duodecim prophetae, Osee, Amos, Michaeas, Johel, Abdias, Habacuc, Jonas, Naum, Sophonias, Aggaeus, (0590D)Zacharias, Malachias: Esras, Tobias, et Machabaei. Hos, et omnes sanctos Veteris Testamenti invoco in auxilium meum. Oret pro me sancta virgo Maria mater Salvatoris, et sanctus Joannes Baptista praecursor Domini, et omnes sancti apostoli Domini nostri Jesu Christi, Petrus et Paulus, Andreas et Joannes, tres Jacobi, Philippus et Bartholomaeus, Thomas et Matthaeus, Tathaeus Simon, Barnabas et Mathias, Marcus, Lucas, Stephanus. Per horum ergo et caeterorum omnium sanctorum Novi Testamenti merita depelle a me, Domine, concupiscentiam gulae, et da mihi virtutem abstinentiae: fuga a me spiritum fornicationis, et da mihi ardorem castitatis: exstingue in me cupiditatem, et da mihi voluntariam (0591A)paupertatem. Cohibe a me iracundiam meam, et accende in me nimiam suavitatem et charitatem Dei et proximi. Abscinde a me, Domine, tristitiam saeculi, auge mihi gaudium spiritale, expelle a me jactantiam mentis, timorem tuum et amorem, compunctionem cordis, minue superbiam meam, et perfice in me humilitatem veram. Indignus ego sum et infelix homo: quis me liberabit de corpore mortis hujus, peccati, nisi gratia tua, Domine Jesu Christe; quia ego peccator sum et innumerabilia delicta mea, et non sum dignus vocari servus tuus? Suscita in me fletum, mollifica cor meum durum et lapideum, et accende in me ignem timoris tui, quia sum cinis mortuus. Libera animam meam ab insidiis inimici, et conserva me in tua voluntate. Doce me facere (0591B)voluntatem tuam, quia Deus meus es tu. Tibi honor et gloria per omnia saecula saeculorum. Amen.
LITANIA BEATORUM APOSTOLORUM, MARTYRUM QUOQUE, CONFESSORUM ATQUE VIRGINUM. Ex libro quem beatus Hieronymus de sanctorum per anni circulum Natalitiis conscripsit, collecta. PRIMA FERIA. Miserere nobis miseris, misericors Trinitas sancta, et dimitte universa delicta nostra, quae commisimus coram angelis tuis in conspectu tuo, per merita, et orationes, et intercessiones, et invocationes (0591C)omnium sanctorum tuorum, quorum festivitas celebratur N. et quorum nomina nunc recitamus. Libera nos, clemens Trinitas, cum omnibus fratribus et sororibus nostris [ Lib. Caroli Calvi addit: una cum conjuge nostra Yrmindrudi ac liberis nostris et omni populo christiano] ab omni malo praeterito, praesenti et futuro: de morte ad vitam, de tenebris ad lucem, de inferno ad paradisum, de malo ad bonum: de ignorantia ad scientiam, de peccatis ad veram poenitentiam, de omnibus vitiis ad perfectas virtutes: de cunctis insidiis inimici ad medicinam coelestem et divinam protectionem: per invocationem trini nominis tui, Patris, et Filii, et Spiritus sancti; quia qui fideliter et humiliter nomen tuum invocaverit, salvus erit. Humiliter ergo et fideliter (0591D)te postulamus, ut deleas et obliviscaris cuncta scelera nostra per suffragia et merita sanctorum tuorum: quorum meritis precibusque 112 concede, ut in omnibus protectionis tuae muniamur auxilio, atque ab aeterna damnatione nos facias eripi, et in eorum numero jubeas aggregari. Fac nos, captivitatis nostrae redemptor, bene rogare, dignos exaudiri, et cum misericordia exaudi nos.
(0592A)Omnes sancti Spiritus, orate pro nobis.
Angeli,
Archangeli,
Virtutes,
Potestates,
Principes,
Dominationes,
Throni,
Cherubim,
Seraphim,
Patriarchae,
Prophetae,
Apostoli,
Martyres,
Confessores,
Episcopi,
Presbyteri,
Diaconi,
Et omnes sancti,
(0592B)
Et Ecclesiastici,
Et anachoretae,
Et monachi,
Et sanctae virgines,
Sanctae viduae,
Et sancti sapientes,
Et omnes sancti, qui nos praecesserunt ab Adam usque in hodiernum diem, orent pro nobis.
Michael,
Gabriel,
Raphael, orate pro nobis.
Patriarchae,
Abel,
Seth,
Enoch,
Noe,
(0592C)
Melchisedech,
Abraham,
Isaac,
Jacob,
Joseph,
Job,
Moyses,
Jesus,
Samuhel,
David,
Prophetae,
Helia,
Helisaeus,
Esaias,
Hieremias,
Ezechiel,
Daniel,
Hesdras,
Osee,
(0592D)
Johel,
Amos,
Abdias,
Jonas,
Micheas,
Naum,
Abacuc,
Sophonias,
Aggaeus,
Zacharias,
Malachias,
Tobias,
(0592A)
Ananias,
Azarias,
Mizahel,
Johannes Baptista, orate pro nobis.
Sancta Maria,
Sancte Petre,
Sancte Paule,
Sancte Andreas,
Sancte Jacobe,
Sancte Johannes,
Sancte Thomas,
Sancte Matthaee,
Sancte Philippe,
Sancte Bartholomaee.
Sancte Tathaee,
Sancte Simon,
Sancte Jacobe,
Sancte Mathias,
Sancte Barnabas,
(0592B)
Sancte Lucas,
Sancte Marce, orate pro nobis.
Sancte Stephane,
Sancte Line,
Sancte Clete,
Sancte Clemens,
Sancte Xiste,
Sancte Silvester,
Sancte Corneli,
Sancte Cypriane,
Sancte Hermes,
Sancte Hippolyte,
Sancte Sebastiane,
Sancte Tranquiline,
Sancte Marcelle,
Sancte Marce,
Sancte Chromaci,
Sancte Tiburti,
(0592C)
Sancte Valeriane,
Sancte Neree,
Sancte Achilee,
Sancte Panchrati,
Sancte Valentine,
Sancte Polycarpe,
Sancte Ignati,
Sancte Apollinaris,
Sancte Babillas,
Sancte Grisogone,
Sancte Gervasi,
Sancte Prothasi,
Sancte Montane,
Sancte Celse,
Sancte Joannes,
Sancte Paule,
Sancte Cosmas,
Sancte Damiane,
Sancte Anastasi,
(0592D)
Sancte Flaviane,
Sancte Georgi,
Sancte Cirici,
Sancte Felix,
Sancte Adriane,
Sancte Symphoriane,
Sancte Juliane,
Sancte Valeri,
Sancte Dionysi,
Sancte Rustice,
Sancte Eleutheri,
Sancte Vincenti,
(0593A)
Sancte Candide,
Sancte Maurici,
Sancte Exsuperi,
Sancte Genesi,
Sancte Crispine,
Sancte Luciane,
Sancte Venanti,
Sancte Theodare,
Sancte Gereon,
Sancte Ferruci,
Sancte Pastor,
Sancte Victor,
Sancte Alexander,
Sancte Gordiane,
Sancte Marcelline,
Sancte Beatricis,
113 Sancte Simplici,
Sancte Saturnine,
Sancte Albine,
(0593B)
Sancte Marcelle,
Sancte Martialis,
Sancte Firmine,
Sancte Cassiane,
Sancte Crispine,
Sancte Crispiniane,
Sancte Pantaleon,
Sancte Galle,
(0593A)
Sancte Innocenti,
Sancte Cilliane,
Sancte Columbane,
Sancte Romane,
Sancte Vitalis,
Sancte Eventi,
Sancte Urbane,
Sancte Processi,
Sancte Abdo,
Sancte Cyriace,
Sancte Nicomedis,
Sancte Nicostrate,
Sancte Theodore,
Sancte Marcelle,
Sancte Quintine,
Sancte Prisce,
Sancte Benigne,
Sancte Saturnine,
Sancte Maximine,
(0593B)
Sancte Christophore,
Sancte Albane,
Sancte Juste,
Sancte Januari,
Sancte Martine,
Sancte Faustine,
Sancte Senes,
Sancte Agapite.
SECUNDA FERIA.
(0593B)
(0593B)Sancte Cesari,
Sancte Faviane,
Sancte Juvenalis,
Sancte Niceti,
Sancte Felicule,
Sancte Lantberte,
Sancte Bonefaci,
Sancte Prote,
Sancte Jacinte,
Sancte Ammoni,
(0593C)
Sancte Juliane,
Sancte Celse,
Sancte Antoni,
Sancte Bassiane,
Sancte Romane,
Sancte Cirione,
Sancte Agatore,
Sancte Ammone,
Sancte Petre,
Sancte Rogate,
Sancte Rogatiane,
Sancte Viane,
Sancte Fortunate,
Sancte Petre,
Sancte Paule,
Sancte Urbane,
Sancte Donate,
Sancte Felix,
Sancte Valentone,
(0593D)
Sancte Januari,
Sancte Luce,
Sancte Hiriane,
Sancte Ganduliane,
Sancte Modiane,
Sancte Juste,
Sancte Quintine,
Sancte Dionysi,
Sancte Saturnine,
Sancte Martialis,
Sancte Cature,
Sancte Victoriane,
Sancte Evasse,
Sancte Terh,
Sancte Fussee,
Sancte Marcelline,
Sancte Orate,
Sancte Tanate,
Sancte Honorate,
(0593B)
Sancte Profire,
Sancte Erasmi,
Sancte Lugodoni,
Sancte Vite,
Sancte Macari,
Sancte Silbe,
Sancte Vitalis,
Sancte Comme,
Sancte Gemine,
Sancta Eulalia,
(0593C)
Sancta Emelia,
Sancta Potamia,
Sancta Rodana,
Sancta Cantia,
Sancte Amasse,
Sancte Mutiriane,
Sancte Tabule,
Sancte Alexander,
Sancte Pontice,
Sancte Histee,
Sancte Sosine,
Sancte Tite,
Sancte Juli,
Sancte Sotice,
Sancte Gemiane,
Sancte Babille,
Sancte Vincenti,
Sancte Prisce,
Sancte Hilari,
(0593D)
Sancte Felix,
Sancte Agapite,
Sancte Honorate,
Sancte Phurphire,
Sancte Pamphile,
Sancti VII fratres,
Sancte Anastasi,
Sancte Basse,
Sancte Felix,
Sancte Silvane,
Sancte Cassare,
Sancte Sebastiane,
Sancte Vincenti,
Sancte Alexander,
Sancte Rufine,
Sancte Eugeni,
Sancte Secundine,
Sancte Donate,
Sancte Longine,
(0594A)
Sancte Fructuose,
Sancte Eucine,
Sancte Eppepoli,
Sancte Victorine,
Sancte Victor,
Sancte Peregrine,
Sancte Severiane,
Sancte Sanctule,
Sancte Emerite,
Sancte Justine,
Sancte Apolinaris,
Sancte Crissoni,
Sancte Polychroni,
Sancte Helene,
Sancte Parmene,
Sancte Theodole,
Sancte Eventi,
Sancte Felicissime,
Sancte Hermes,
(0594B)
Sancte Gallicane,
Sancti XL milites,
Sancte Argee,
Sancte Martialis,
Sancte Martiane,
Sancte Theodole,
Sancte Quintine,
Sancte Aquiline,
114 Sancte Candide,
Sancte Secundine,
Sancte Luciane,
Sancte Jucunde,
Sancte Caliste,
Sancte Revocate,
Sancte Absalme,
Sancte Repense,
Sancte Eudbrichthe,
Sancte Muscenti,
Sancte Christifere,
Sancte Senonis,
(0594C)
Sancte Mucce,
Sancte Sabiane,
Sancte Fructuose,
Sancte Eulogi,
Sancte Minuce,
Sancte Severiane,
Sancte Castule,
Sancte Rodonis,
Sancte Putiolis,
Sancte Arthemate,
Sancte Juliane,
(0594A)
Sancte Messoriane,
Sancte Celiane,
Sancte Date,
Sancte Commessoriane,
Sancte Feliane,
Sancte Constane,
Sancte Tassice,
Sancte Sotice,
Sancte Dionysse,
Sancte Marine,
Sancte Symphoriane,
Sancte Celeris,
Sancte Gelasse,
Sancte Sulpici,
Sancte Soterice,
Sancte Amane,
Sancte Silvane,
Sancte Poene,
Sancte Eubraxe,
Sancte Bassili,
(0594B)
Sancte Castarte,
Sancte Desideri,
Sancte Damiane,
Sancte Modeste,
Sancte Cyriace,
Sancte Faustiniane,
Sancte Crissantis,
Sancte Secundiane,
Sancte Ritule,
Sancte Classice,
Sancte Pupule,
Sancte Marcelle,
Sancte Gae,
Sancte Potamine,
Sancte Nemisse,
Sancte Viruli,
Sancte Felix,
Sancte Jucunde,
Sancte Servule,
(0594C)
Sancte Sirice,
Sancte Floriane,
Sancte Paule,
Sancte Primitive,
Sancte Carfore,
Sancte Herenee,
Sancte Cerere,
Sancte Nestoris,
Sancte Thetolis,
Sancte Anteginis.
TERTIA FERIA.
(0594C)
(0594C)Sancte Popule,
Sancte Serapion,
Sancte Leo,
Sancte Donate,
Sancte Floriare,
Sancte Caste,
(0594D)
Sancte Vocator,
Sancte Rustice,
Sancte Firmine,
Sancte Mirdane,
Sancte Macedone,
Sancte Palatine,
Sancte Innocens,
Sancti Infantes omnes occisi pro Christo in toto mundo.
Sancte Gorgone,
Sancte Macidane,
Sancte Palatine,
Sancte Candide,
Sancte Valere,
Sancte Petre,
Sancte Marciane,
Sancte Paule,
Sancte Silue,
(0594C)
Sancte Petrose,
Sancte Ingenue,
Sancte Regule,
Sancte Longine,
Sancte Hilari,
Sancte Tatiane,
(0594D)
Sancte Castor,
Sancte Dionysse,
Sancte Januari,
Sancte Collecte,
Sancte Aprelis,
Sancte Quintine,
Sancte Servule,
Sancte Theothole,
Sancte Basse,
Sancte Originis,
Sancte Filocale,
Sancte Fidelis,
Sancte Albine,
Sancte Seluce,
Sancte Ambrosi,
Sancte Castule,
Sancte Montane,
Sancte Pastor,
Sancte Rogate,
(0595A)
Sancte Successe,
Sancte Dorothee,
Sancte Domine,
Sancte Amisse,
Sancte Quintiane,
Sancte Victor,
Sancte Procule,
Sancte Miltiades,
Sancte Euagre,
Sancte Benigne,
Sancte Agathe,
Sancte Meri,
Sancte Creste,
Sancte Thetole,
Sancte Agatho,
Sancte Phi,
Sancte Mature,
Sancte Claudiane,
Sancte Plante,
(0595B)
Sancte Marciane,
Sancte Nicandre,
Sancte Herenee,
Sancte Seleuse,
Sancte Cyriaces,
Sancte Apolone,
Sancte Repense,
Sancte Gaiane,
Sancte Osuualde,
Omnes sancti Martyres, orate pro nobis.
Sancte Hilari,
Sancte Martine,
Sancte Sylvester,
Sancte Remei,
Sancte Eusebi,
Sancte Germane,
Sancte Ambrosi,
115 Sancte Hieronyme,
Sancte Augustine,
(0595C)
Sancte Gregori,
Sancte Isidore,
Sancte Severine,
Sancte Pauline,
Sancte Avite,
Sancte Servasi,
Sancte Medarde,
Sancte Vedaste,
Sancte Amande,
Sancte Audomare,
Sancte Richari,
Sancte Bertine,
Sancte Arnulfi.
Sancte Leudegari,
Sancte Bauo,
Sancte Goar,
Sancte Gaurici,
Sancte Valeriane,
Sancte Theodore,
(0595D)
Sancte Audate,
Sancte Tiburti,
Sancte Anniane,
Sancte Calliste,
Sancte Candide,
Sancte Rumolde,
Sancte Piato,
Sancte Suplici,
Sancte Brici,
Sancte Flodolde,
Sancte Marcelle,
Sancte Cubrethe,
Sancte Egbreth,
Sancte Benedicte,
Sancte Patrici,
(0595A)
Omnes sancti Confessores.
Sancte Paule,
Sancte Antoni,
Sancte Hilarion,
Sancte Machari,
Sancte Pocomi,
Sancte Nestorion,
Sancte Amate,
Sancte Joseph,
Sancte Zacharias,
Sancte Pastor,
Sancte Pambo,
Sancte Sasas,
Sancte Chame,
Sancte Arseni,
Sancte Methoen,
Sancte Euagri,
Sancte Moyses,
(0595B)
Sancte Nile,
Sancte Abraham,
Sancte Anastasi,
Sancte Felix,
Sancte Epiphani,
Sancte Isidore,
Sancte Speriti,
Sancte Theodore,
Sancte Serapion,
Sancte Sperici,
Sancte Daniel,
Sancte Mathois,
Sancte Johannes,
Sancte Passion,
Sancte Petre,
Sancte Loth,
Sancte Ammon,
Sancte Theophile,
Sancte Helias,
Sancte Bisarion,
(0595C)
Sancte Pior,
Sancte Marce,
Sancte Agiahen,
Sancte Sarion,
Sancte Jacob,
Sancte Ammai,
Sancte Zelon,
Sancte Theodote,
Sancte Silvane,
Sancte Zacharias,
Sancte Apollo,
Sancte Milido,
Sancte Euolog,
Sancte Johannes,
Sancte Zenon,
Sancte Nisteron,
Sancte Ammonas,
Sancte Natira,
Sancte Luci,
(0595D)
Sancte Mistero,
Sancte Anubab,
Sancte Passis,
Sancte Effrem,
Sancte Pesteris,
Sancte Johannes,
Sancte Or,
Sancte Ammon,
Sancte Beree,
Sancte Theon,
Sancte Apollon,
Sancte Ammon,
Sancte Cepres,
Sancte Pater,
Sancte Mot,
(0596A)
Sancte Sire,
Sancte Esaias,
Sancte Paule,
(0596A)
Sancte Helene,
Omnes sancti Monachorum Ordines.
QUARTA FERIA.
(0596A)
(0596A)Sancta Maria,
Sancta Tecla,
Sancta Felicitas,
Sancta Perpetua,
Sancta Agatha,
Sancta Agnes,
Sancta Cecilia,
Sancta Petronilla,
Sancta Eugenia,
Sancta Sabina,
Sancta Anastasia,
Sancta Genovefa,
Sancta Gertrudis,
Sancta Afra,
Sancta Columba,
(0596B)
Sancta Sinclita,
Sancta Eulalia,
Sancta Christiana,
Sancta Euphemia,
Sancta Basilissa,
Sancta Scolastica,
Sancta Aldegundis,
Sancta Radagundis,
Sancta Prisca,
Sancta Lucia,
Sancta Theodosia,
Sancta Candida,
Sancta Julitta,
Sancta Transilla,
Sancta Fulgenia,
Sancta Cirilla,
Sancta Lucina,
Sancta Theodora,
Sancta Chorona,
(0596C)
Sancta Leonilla,
Sancta Emerentiana,
Sancta Constantia,
Sancta Agappa,
Sancta Balbina,
Sancta Severentia,
Sancta Claudia,
Sancta Basilissa,
Sancta Helena cum tribus filiis.
(0596A)
Sancta Palladia,
Sancta Ciriaca,
Sancta Concordia,
Sancta Triphonia,
Sancta Anna,
116 Sancta Babilla,
Sancta Lustra,
Sancta Justina,
Sancta Ambicula,
Sancta Felicissima,
Sancta Justa,
Sancta Flabia,
Sancta Marciosa,
Sancta Valeria,
Sancta Megitia,
(0596B)
Sancta Basilia,
Sancta Italica,
Sancta Eulogia,
Sancta Sabathia,
Sancta Helia,
Sancta Philagia,
Sancta Trophima,
Sancta Papia,
Sancta Donata,
Sancta Daraclita,
Sancta Julia,
Sancta Augusta,
Sancta Maxima,
Sancta Donatilla,
Sancta Veneria,
Sancta Philenta,
Sancta Martina,
Sancta Susanna,
Sancta Theodota,
(0596C)
Sancta Fustimatha,
Sancta Chasia,
Sancta Valentina,
Sancta Manna,
Sancta Martyria,
Sancta Paulina,
Sancta Candida,
Sancta Crispina,
Sancta Leochudia,
- Videntur aliqua deesse.
ORATIO Quam beati Patres post recitata sanctorum nomina in quotidianis orationibus cantare solebant . Per sanctorum, angelorum, archangelorum, et patriarcharum, et prophetarum, et beatorum apostolorum, et omnium sanctorum martyrum et confessorum, (0596D)et beatarum virginum merita et orationes, et intercessiones, et passiones et suffragia, Trinitas clemens, exaudi me, libera me, defende me, redime me, protege me, adjuva me, et salva me, conserva me, illustra me, visita me. Da mihi, Domine, cor contritum et purum, quod te videat, et cogitet, et credat, et pedes castos, qui praeceptis tuis obedienter ministrent, et manus continentes, sine ira et vanitate ad te elevatas, quae utilitatem proximorum et misericordiam laborent. Largire, Domine Christe, labia discreta, quae te benedicant, et magnificent, et praedicent, et cum timore, et tremore, et exsultatione te (0597A)semper adorent: et aures intentas, quae nomen tuum, et legem tuam, et verba tua audiant: et oculos humiles, qui te videant, sensum, qui te sentiat, intellectum, qui te intelligat, et animum, qui te semper cogitet et diligat: et non veniat mihi pes superbiae, et munus peccatoris non moveat me. Non hebetet me gastrimargia, et non coinquinet me fornicatio. Non gubernet me vana gloria, non obducat me filargiria, non dilaniet me ira, non mortificet me tristitia. Non vacuet me acedia, non humiliet me cenodoxia, et non destruat me superbia. Sed largire mihi, clemens Trinitas, abstinentiam et castitatem, voluntariam paupertatem et mansuetudinem: largitatem, pietatem, et quietem: misericordiam, lenitatem, indulgentiam, humilitatem, benignitatem, hilaritatem, (0597B)patientiam, modestiam, sinceritatem, sapientiam, concordiam, pacem et charitatem. Miserere mihi, Domine, miserere mihi. De praeteritis veniam, de praesentibus emendationem, de futuris largire custodiam. Per Dominum nostrum Jesum Christum.
HYMNUM DOMINICALE. Te Deum laudamus, te Dominum confitemur. Te aeternum Patrem omnis terra veneratur. Tibi omnes angeli, tibi coeli et universae potestates. Tibi cherubim et seraphim incessabili voce proclamant: Sanctus, sanctus, sanctus, Dominus Deus Sabaoth. Pleni sunt coeli et terra majestatis gloriae tuae. Te gloriosus apostolorum chorus. Te prophetarum laudabilis numerus. Te martyrum candidatus laudat (0597C)exercitus. Te per orbem terrarum sancta confitetur Ecclesia. Patrem immensae majestatis. Venerandum tuum verum unicum Filium. Sanctum quoque paracletum Spiritum. Tu Rex gloriae Christus. Tu Patris sempiternus es Filius. Tu ad liberandum suscepturus hominem non horruisti Virginis uterum. Tu devicto mortis aculeo aperuisti credentibus regna coelorum. Tu ad dexteram Dei sedes in gloria Patris. Judex crederis 117 esse venturus. Te ergo quaesumus, tuis famulis subveni, quos pretioso sanguine redemisti. Aeterna fac cum sanctis tuis in gloria numerari. Salvum fac populum tuum, Domine, et benedic haereditati tuae. Et rege eos et extolle illos usque in aeternum. Per singulos dies benedicimus te. Et laudamus (0597D)nomen tuum in saeculum, et in saeculum saeculi. Dignare, Domine, die isto sine peccato nos custodire. Miserere nostri, Domine, miserere nostri. Fiat misericordia tua, Domine, super nos: quemadmodum speravimus in te. In te, Domine, speravi: non confundar in aeternum.
ORATIO. Deus rerum omnium Conditor atque Creator, qui unus in Trinitate, et trinus in unitate cognosceris, cujus magnitudinem deficiens est lingua humana narrare; quem sine cessatione proclamant angeli: sanctus. Ideo nos minimi famuli tui ore quidem indigno non tres sanctos, sed ter Sanctus, praeconio vocis attollimus, ut consona modulamina proclamant (0598A)terrae petita laudatio: ob hoc pietatem tuam, Domine clementissime Pater, exoramus, optata tribuas, commissa indulgeas, ut detersa a nobis peccamina, pura et libera conscientia, tua mereamur opulentia gratulari. Per.
FIDES APUD NICAEAM A trecentis decem et octo episcopis edita. Credimus in unum Deum Patrem omnipotentem, omnium visibilium et invisibilium factorem, et in unum Dominum nostrum Jesum Christum Filium Dei de Patre natum unigenitum, hoc est, de substantia Patris. Deum ex Deo, lumen ex lumine, Deum verum de Deo vero. Natum, non factum Omousion Patri, hoc est, ejusdem cum Patre substantiae, per (0598B)quem omnia facta sunt in coelo et in terra. Qui propter nos, et propter nostram salutem descendit et carnem assumpsit, et homo factus est. Passus est, et resurrexit tertia die. Ascendit ad coelos, sedet in dexteram Dei Patris omnipotentis. Inde venturus judicare vivos et mortuos. Et in Spiritum sanctum. Eos autem, qui dicunt, aliquando erat tempus, quando non erat, et priusquam nasceretur, non erat; et quia ex nullis subsistentibus factus est; aut ex alia substantia vel essentia, aut mutabilem dicunt esse, vel convertibilem Filium Dei, anathematizat catholica et apostolica Ecclesia.
ORATIO SANCTI HILARII, Quam XII libris, quos de sancta conscripsit Trinitate, subjunxit. (0598C)Sancta Trinitas, conserva, oro, fidei meae incontaminatam religionem, usque ad excessum spiritus mei. Dona mihi hanc conscientiae meae vocem, ut quod in regenerationis meae symbolo, baptizatus in Patre et Filio et Spiritu sancto, professus sum, semper obtineam: Patrem scilicet te nostrum, Filium tuum una tecum adorem, et sanctum Spiritum tuum, qui ex te per unigenitum tuum est, promerear; quia mihi idoneus ad fidem testis est, dicens: Pater, omnia mea tua sunt, et tua mea. [ Deus meus, omnia mea tua sunt, et tua mea.] Deus meus Jesus Christus manens in te, et ex te, et apud te semper Deus, qui est benedictus in saecula saeculorum. Amen.
ORATIO SANCTI AUGUSTINI EPISCOPI. (0598D)Deus justitiae, te deprecor, Deus misericordiae, Deus invisibilis, Deus incomprehensibilis, Deus inenarrabilis, aeterne, perpetue, benedicte: Deus, cujus omnia, in quo omnia, sub quo omnia, per quem omnia sunt: parce animae meae, parce malis meis, parce peccatis meis atque criminibus: visita infirmum, cura aegrum, sana languentem. Da cor, quod te timeat, sensum, qui te intelligat, oculos cordis, qui te videant. Da mihi scintillam sapientiae tuae, quae mihi justificationum tuarum iter ostendat, et foveas inimici declinare me doceat. Miserere mei, quia peccavi, et propter duritiam cordis mei, in ipsa peccatorum meorum morte perduro: ego ore, ego corde, ego opere, ego omnibus (0599A)vitiis inquinatus sum, omnibus sceleribus coopertus sum. Veniam peto, quia crimen agnosco: scelera mea tibi fateor, quae etsi non confiterer, tamen te latere non possunt. Tu enim scrutator cordis et renium es. tibi occulta manifestantur, et secreta patefiunt. Miserere mei, Domine, ne me perire 118 patiaris: ne me permittas aeternis tenebris et perpetua morte consumi. Aufer a corde meo alienum sensum, cura in me stuporem mentis: extirpa a visceribus meis consilia iniquitatis, erade a lingua mea detrahendi consuetudinem, mentiendi facilitatem, loquendi scurrilitatem, et omnes actus meos arte et medicina tua sana. Circumcide in me, Domine, vitia cordis et corporis. Miserere mei, Deus, quia tu nosti facta mea. Si tu transgressiones meas (0599B)judicio tuo persequi ac punire voluisses, olim me terra vivum absorbuisset. Sed quia tanta est clementia majestatis tuae, ut nullum perire patiaris; sed omnes exspectas ad poenitentiam reverti, qui das spatium poenitendi; da possibilitatem operanti, ut non sit hoc vanum indulgentiae tuae tempus, quod mihi largiri pro tua pietate dignaris. Miserere mei, Deus, ne me despicias, neque avertas faciem tuam a me, quia non pro justitia mea peto misericordiam tuam, sed propter clementiam tuam respice ad me de sede majestatis tuae, et tenebras cordis mei radio splendoris tui illumina. Protege me, Domine, scuto veritatis ac fidei, ut me diaboli jacula ignita non penetrent, et quidquid illud est, quod infelicitas mea a te petere aut non praesumit, aut non intelligit, id tu (0599C)pro tua virtute tribue, et hoc largire, quod animam meam salvet a morte; et exeunti mihi de hac clausura tenebrarum manum porrige, et lumen ostende. Miserere mei, Domine, et redintegra confractum, sana corruptum, emenda vitiatum, et illud indulge, quod feci, et hoc, praesta, ne iterum faciam. Misericors et miserator Deus, qui et barbaros salvare vis, et ad veritatis agnitionem venire, ad te confugi fidelium Salvatorem. Miserere mei, quia te plurimum exacerbavi, et inimicum gaudere feci, et ecce mortuus sum obediens ei. Tu, Domine, et impiis, et his qui sunt sine misericordia, misereris: miserere humilitati meae: apud te enim impossibile nihil est, quoniam secus infernum dissipata est anima mea. Fac (0599D)misericordiam, quia benignus es et misericors, figmento tuo; qui et corpora, quae non sunt, in die resurrectionis suscitaturus es. Exaudi me, Domine, quia defecit spiritus meus, et infelix anima mea. Tabefactum est etiam corpus meum, quod coinquinavi: etiam vivere non valeo pro eo, quod non credidi. Ignosce peccatum meum per poenitentiam, vivifica me contritum, et igne splendoris tui illumina, et accende cor meum: ut ego accipiens fiduciam misericordiae et indulgentiae tuae, residuum tempus vitae, quod mihi donaveris, mandata tua custodiam, et a timore tuo non recedam; sed devote serviam tibi amplius, quam modo. Parce ergo mihi, et vivifica me, omnipotens Deus, Domine Jesu Christe universitatis conditor, spes unica mundi. Praesta mihi primum, (0600A)ut te bene rogem, et ut me agam dignum, quod me exaudias. Auge in me, Domine, munera tua, ut anima mea diligat te et fiat expedita ab omni vitio concupiscentiae. Rogo te, Pater, deprecor te, Fili, obsecro te, Spiritus sancte, ut evadam de mundi miseria, et dones mihi aeterni regni perpetua gaudia. Revertere jam Deus meus, et ne obliviscaris mei usque in finem, non in perpetuum deseras, nec me cadere in potestate daemonum permittas. Licet in offensa jaceam, tu tamen clemens, tu pius, tu patiens, tu multum misericors, nullum derelinquis, nullum spernis ad sanitatem venientem, sed ultro offerens misericordiarum clementias peccatores exspectas, ut redeant. Quanti enim scelerati, et multis flagitiis involuti, per bonitatis tuae gratiam ad indulgentiam (0600B)pervenerunt? Sicut multis non merentibus gratis veniam donasti: sic et mihi indigno indulgentiam largiri digneris propter tuam ineffabilem misericordiam, omnipotens Deus, qui vivis et regnas per omnia saecula saeculorum. Amen.
ORATIO SANCTI GREGORII. Domine sancte, Pater omnipotens, aeterne Deus, qui sedes in septimo throno: sub cujus pedibus omnia contremiscunt; miserere mei, qui fecisti coelum et terram, mare et omnia quae in eis sunt. Miserere mei, qui altitudinem coeli, et latitudinem terrae, et profundum abyssi metitus es: qui perpetua sapientia tua coelos camerasti et stellis ornasti, et terram floribus (0600C)depinxisti; quem mundus non capit, et requiescis in corde mundo. Fac, Domine, cor meum 119 immaculatum, qui diem a nocte separas, et mutas linguas ferarum, et das eis sapientiam: quem diversa volatilia garrula agnoscunt voce suavitatis, laudantes suum Creatorem. Gloriosus es tu, Domine, et gloriosa opera tua, qui fecisti, quae non erant. Justus es, Domine, et justum judicium tuum: magna et mira sunt opera tua. Benedictus es super omnes benedictiones. Trinitas Deus inseparabilis, qui es unus et non solus: una divinitas, trina majestas, coaequalis gloria, Alpha et Omega, initium et finis. Deus noster Rex ante saecula, qui operatus es salutem in medio terrae. Deus qui saeculum senectute concludis, et tamen ipse cum saeculo non senescis. (0600D)Ad te expando manus meas in similitudinem crucis: ad te humilior, ad te resurgam. Erigat me dextera tua, Jesu Christe, qui manes in Patre, et Pater in te in sempiternum. Credimus, Domine, adventum tuum et resurrectionem tuam. Tu nostri dominaris. Domine, antequam discutias me, miserere mei; sana peccatorum meorum vulnera, quia peccavi in te. Ab occultis meis munda me, Domine. Illumina cor et sensum meum lumine serenitatis tuae. Te ante omnia sensus meus sapiat. Da mihi intellectum, ut sciam testimonia tua, et custodiam ea in corde meo. Da mihi gratiam tuam, quia non est, qui convalescat . . . Pater orphanorum, venerator viduarum, indultor egentium, confessor poenitentium; praesta mihi veniam, quem plasmasti de limo; et cogitationes, quae (0601A)fidem non frangant. Doce me facere voluntatem tuam. Quaecunque praecipis, ipse adjuva, ut implere possim, ut non peccem tibi amplius; sed da mihi desiderium ad omne opus bonum. Domine, in tua justitia libera me de peccatis meis, ab omni malo, ab omni periculo, ab omni haeresi, ab omnibus iniquis desideriis: et constitue me in omni opere bono, et visita dolores meos, et sana, quae tibi apta non sunt; et quod in me obscurum est, nomen luminis accipiat. Ante te, Domine, omne desiderium meum, et gemitus meus a te non est absconditus. Da mihi, Domine, fortitudinem adversus insidias diaboli, et instiganti obsistere satanae. Da mihi arma virtutis, et loricam fortitudinis tuae. Nulla mihi nimia oblectatio subripiat, nullus antiquae putredinis suae me foetor corrumpat. (0601B)Aufer a me lubricos et inutiles cogitatus, suggestionesque furtivas. Deus, qui plus potes dare, quam nos petamus aut intelligamus, moveat vox mea misericordiam tuam, qui es unus in Trinitate, et trinus in unitate. Ne perdas me cum peccatis meis; quia non venisti justos salvare, sed peccatores ad poenitentiam revocare: qui es amator poenitentiae, miserere mei.
Domine sancte, Pater omnipotens, aeterne Deus, fortitudo mea, firmamentum meum, liberator et protector magnus et patiens, refugium et virtus, adjutor et liberator, lux lucis, fons luminis, sol justitiae, stella diei, qui inhabitas saeculum, cujus alta et superna terra, cujus thronus inaestimabilis, et gloria incomprehensibilis, cui assistunt militiae cum pavore, (0601C)cujus vultus excitat abyssos, et tabescere facit montes: exaudi orationem servi tui, Deus meus, per Dominum nostrum Jesum Christum Filium tuum, qui est splendor verae lucis, janua vitae, via salutis, lucerna ardens, cibus coelestis, panis vivus, potus ex fonte perenni, Verbum in principio apud Deum cum Spiritu sancto, qui a Patre procedens circumit girum coeli. Quid ergo Deus meus, quid rogo, nisi Dominus Deus? Summe, optime, potentissime, et misericordissime, et justissime et sacratissime et praesentissime, et pulcherrime, stabilis et incomprehensibilis, immortalis; mutans omnia, nunquam novus, nunquam vetus; innovans omnia sine vetustate, perdens superbos et nesciunt, semper agens, (0601D)semper quietus, colligens et non egens, portans et implens, et protegens, creans, et nutriens, et perficiens; quaerens, cum nihil tibi desit. Amas nec aestuas; zelas et securus es: poenitet te, et non doles: irasceris et tranquillus es: opera mutas, nec mutas consilium: recipis quod invenis, et nunquam amisisti: nunquam inops, et gaudes lucris: nunquam avarus, et usuras exigis: supererogas ut debeas, nec quis habet quidquam non tuum. Reddis perdita debita, nihil perdens: sine qualitate bonus, sine quantitate magnus, sine indigentia Creator, sine situ 120 omnia tenens, sine loco ubique totus, sine tempore sempiternus, sine ulla mutatione mutabilia faciens, nihilque patiens. Exaudi, exaudi me, Domine. Tu es enim Deus meus vivus et verus, Pater meus (0602A)sanctus, Dominus meus pius, rex meus magnus, judex meus justus, magister meus unus, adjutor meus opportunus, medicus meus potentissimus, dilectus meus pulcherrimus, panis meus vivus, sacerdos meus in aeternum. Deus meus ad patriam lux mea vera. Dulcedo mea sancta, via mea recta, sapientia mea praeclara, simplicitas mea pura, concordia mea pacifica, custodia mea tuta, portio mea bona, salus mea sempiterna, misericordia mea magna, patientia mea robustissima, victima mea immaculata, redemptio mea facta, spes mea futura, charitas mea perfecta, resurrectio mea sancta, vita mea aeterna. Te deprecor, supplico et rogo, ut per te ambulem, ad te perveniam, in te requiescam. Exaudi, exaudi, exaudi me, Christe, qui cum Patre et (0602B)Spiritu sancto vivis et regnas.
ORATIO SANCTI GREGORII PAPAE. Peccavi, Domine, coram te, peccavi et coram angelis tuis. Fac mecum servulo tuo secundum misericordiam tuam. Tibi, Domine, misericordia, tibi, Domine, justitia. Sana me, Domine, et sanabor: salva me, et salvabor, quia non infernus confitebitur tibi, neque mors laudabit te. Vivens, vivens ipse confitebitur tibi, sicut et ego hodie. Intercede pro me, sancta Maria mater Domini nostri Jesu Christi. Beatissima et gloriosa genitrix, adjuva me. Intercede pro me, sancte Petre, apostolorum princeps, et solve me a vinculis peccatorum meorum. Intercede pro me peccatore, sancte Paule, apostole Christi, vas (0602C)electionis. Intercede pro me indigno et reo atque torpente, sancte Andreas. Intercede pro malis meis, sancte Jacobe. Intercede pro malefactis meis, sancte Joannes dilecte Dei. Intercede pro peccatis meis, sancte Philippe. Intercede pro peccatis meis, sancte Bartholomaee. Intercede pro infirmitatibus meis, sancte Thoma. Intercede pro delictis meis, sancte Matthaee. Intercede pro iniquitatibus meis, sancte Jacobe. Intercede pro sceleribus meis, sancte Tathaee. Intercede pro transgressionibus meis, sancte Simon. Intercede pro vanitatibus meis, sancte Mathias. Obsecro vos, apostoli Christi, per commemorationem vestram, ut mihi servulo vestro misereamini, et me in omni adjutorio adjuvetis. Obsecro vos, novem ordines angelorum, angelos, archangelos, virtutes, potestates, (0602D)principatus, dominationes, thronos, cherubim et seraphim, ut intercedatis pro me, ut sit mihi propitius Christus Filius Dei vivi. Obsecro divitias bonitatis et longanimitatis et patientiae tuae, Jesu Christe Fili Dei Salvator noster: miserere mei, et propitius esto mihi peccatori; quia non vis mortem peccatoris, sed ut convertatur et vivat; nec exstinguis linum fumigans, et arundinem quassatam non confringis. Fac me sicut unum de mercenariis tuis, et efficiar a te de servo amicus: et fiat voluntas tua, sicut in coelo et in terra.
ORATIO SANCTI HIERONYMI PRESBYTERI. Domine Jesu Christe, qui me dignatus fuisti creare ad imaginem tuam, et redimere de tuo pretioso sanguine: (0603A)qui intra matris viscera, mea membra compaginasti, et ad istius vitae lucem perduxisti. Precor dulcissimam pietatem tuam, ut me tuo coelesti lumine illuminare digneris, et vias paradisi mihi ostendas, et ad portum salutis aeternae perducas. Domine misericordissime, dignare in me accendere ignem amoris tui, qui peccata mea consumat, et ad tuum desiderium semper accendat; et habitet Spiritus sanctus in corde meo, qui me doceat facere voluntates tuas. Domine piissime Pater, mollifica cor meum durum et lapideum. Largire mihi compunctionem cordis, ut de reatu peccatorum meorum profusas lacrymas ante clementiam tuam fundam. Concede mihi, Domine, lacrymas Mariae, quae pedes tuos unguento unxit, lacrymis rigavit, et crine tersit. Concede mihi (0603B)fidem latronis, qui in cruce positus te confessus est, dicens: Memento mei, Domine, cum veneris in regnum tuum (Luc. XXIII, 42); et audire meruit: Amen dico tibi, hodie mecum eris in paradiso (Ibid., v. 43). Praesta mihi, omnipotens Deus, ut in illa die qua jusseris animam meam a corpore separari, 121 piam sententiam merear audire, et angeli sancti perducant animam meam ad gaudia justorum. Angeli vero iniqui tristes abscedant a me. Dirigatur ad te, Domine, oratio mea, sicut incensum in conspectu tuo. Exaudi, Domine, vocem meam, qua clamavi ad te, miserere mei et exaudi me. Domine, exaudi orationem meam, et clamor meus ad te veniat.
ITEM EJUSDEM. (0603C)Da mihi, Domine, compunctionem cordis, et lacrymas oculis meis; ut defleam diebus ac noctibus omnes dies negligentiae meae cum humilitate et puritate cordis et charitate. Appropiat oratio mea in conspectu tuo. Si iratus fueris, Domine, adversum me; quem adjutorem quaeram, aut quis miserebitur infirmitatibus meis? Memento, Domine, quod Chananaeam et Publicanum vocasti ad poenitentiam, et Petrum lacrymantem suscepisti; sic et meas suscipere digneris preces, misericors Deus, salva me, Salvator mundi, qui regnas.
ORATIO SANCTI HIERONYMI. Ego te, Domine Jesu Christe, vere credo, verum fateor; quia vere redemisti nos: vere, quia vivificasti nos; verum, quia salvasti nos. Tu fortior forte, (0603D)victor in praelio, praeparator vitae. Tu resurrectio mortuorum. Tua sumus vasa, tu noster figulus. Rogamus te, Domine, ut vacua spiritu tuo impleas, plena conserves. Te in Patre credimus: Patrem similiter in te confitemur, Spiritum quoque sanctum in utroque veneramur. Trinum Deum colimus in personis, unum in substantia deitatis. Munda me, Domine, vas tuum, et sanctifica, quod fecisti: de malitia evacua, et imple de gratia. Praesta mihi, ut fraternam semper teneam charitatem: mala obliviscar, aliena non requiram. Te solum creaturarum omnium, qui unus et verus es, semper diligam Creatorem, qui mortificas et vivificas, deducis ad inferos (0604A)et reducis, in Trinitate semper permanens in saecula saeculorum.
ORATIO SANCTI MARTINI. Deus gloriae, qui unus et verus, qui solus et justus es, in quo omnia, sub quo omnia, per quem omnia facta sunt. Exaudi me orantem, sicut exaudisti tres pueros de camino ignis ardentis. Exaudi me orantem, sicut exaudisti Jonam de ventre coeti. Exaudi me orantem, sicut exaudisti Susannam, et liberasti eam de manu iniquorum testium. Exaudi me orantem, sicut exaudisti Petrum in mari, et Paulum in vinculis. Parce animae meae: parce factis meis: parce cunctis criminibus nostris, qui regnas cum Patre et Filio in saecula.
ORATIO SANCTI COLUMBANI. (0604B)Domine Deus, destrue, et quidquid in me plantat adversarius, eradica; ut destructis iniquitatibus, in os et cor meum intellectum et opus bonum inseras: ut opere et voluntate tibi soli deserviam, et intelligam mandata tua, et teipsum requiram. Da memoriam. Da charitatem. Da castitatem. Da fidem. Da omne, quod scis ad utilitatem animae meae pertinere. Domine, fac in me bonum, et praesta mihi, quod scis oportere, qui regnas.
ORATIO SANCTI ISIDORI. Tu, Domine, verus doctor et praestitor, advocatus et judex, largitor et munitor: terribilis et clemens, adjutor et consolator, qui caecis mentibus donas aspectum, qui facis infirmis possibile quod praecipis, (0604C)qui sic pius es, ut assidue rogari velis; sic munificus, ut neminem desperare permittas. Dona quod te praestante bene quaerimus, parce et perduc nos ad illam contemplationem, ubi jam non possimus errare. Dona facere, quae te inspirante loqui praesumpsi. Dona complere, quae alios commonui, ut qui praestitisti pium sermonem, probabilem quoque conferas tuis famulis actionem. Libera nos, amator hominum benignissime, ab illo periculo; ne sicut dicit Apostolus, dum aliis praedico, ipse reprobus inveniar. Quam infirmi simus, tu veraciter nosti; quali hoste deprimamur, agnoscis: Te quaerit certamen impar. Te expetit mortalis infirmitas; quia majestatis tuae gloria est, si leo rugiens ab infirma ove superetur; si spiritus 122 violentissimus a debilissima (0604D)carne vincatur. Ille qui de coelo cecidit, et hic te pugnante subdatur; ut si potestatem ipsius ad tempus tua permissione patimur, nequaquam ejus insatiabilibus faucibus sorbeamur. Fac illum tristem de humana laetitia, qui de offensione nostra exsultat, Christe Jesu Salvator mundi.
ITEM EJUSDEM. Quo fletu mala mea flere incipiam, quibus lacrymis facinora mea lugeam, quibus fletibus angustias meas plangam? Peccata mea mihi sensum doloris tulerunt. O lacrymae! ubi vos subduxistis? ubi estis fontes lacrymarum? ubi es moeroris unda? ubi estis lamenta? quo fugistis fletus? quo abiistis ploratus? (0605A)Redite, obsecro vos, in nomine Domini nostri Jesu Christi; redite, progredimini, et oculos meos replete lacrymis. Novemini fontes lacrymarum, aspergite me fletibus, fluite super faciem meam, humectate maxillas meas, genas meas irrigate. Date mihi planctum anxium et amarum. Ego enim infelix et miser flendus ac miserandus, infelicissimus omnium atque miserrimus foeditatem meam conspicio, meumque reatum agnosco. Scio me esse peccatorem, et quam turpis sum video. Iniquum me esse reprehendo, impium me esse accuso. Rogo te, Domine, ut ignoscas mihi; ego agnosco iniquitatem meam. Inter omnes enim gravius corrui, inter omnes deterius cecidi, inter omnes plus peccato subjacui, plus caeteris carnali delectationi succubui. Cunctos carnales squalore (0605B)luxuriae superavi, omniumque impiorum mala scelere meo vici: ita ut tormenta tartarea vix malis meis sufficiant. Non est enim peccatum super peccatum meum, non est iniquitas super iniquitatem meam. Et nunc summae clementiae Deus, quoniam delicta mea cognita tibi facio, et in justitiam meam non abscondo; misericordiam tuam deprecor, misericordiam tuam imploro. Tuam imploro miserationem, tuam quaeso clementiam; dele mea peccata, ablue facinora mea. Peccatorum meorum maculas munda, labem criminum meorum purga, sordes delictorum meorum absterge, sordes iniquitatum mearum ablue. Non differas mundationem meam Deus. Totum me tibi sanandum offero, recipiat salutem anima mea. Da vulneri meo salutem. Deus, languoribus (0605C)meis medelam tribue, post plagas vulnerum redde incolumem. Vulneratus sum, medicum quaero. Languidus sum, medelam posco. Consumpta est caro mea, contabuit species mea. Ossa mea exaruerunt, membra mea contabuerunt. Appropinquavi corruptioni, umbra mortis comprehendit me. Tenebrae operuerunt me, caligo inferni involvit me. Oppressit me tenebrarum horror. Doce me facere voluntatem tuam, quia Deus meus es tu. Tibi honor, et gloria, et virtus, et potestas in saecula saeculorum. Amen.
ORATIO SANCTI ISIDORI. Succurre mihi, Deus meus, antequam mors veniat, antequam mors me perimat, antequam tartarus rapiat, antequam flamma comburat, antequam tenebrae (0605D)me involvant, antequam sine fine deficiam. Subveni mihi Deus meus, priusquam gehenna ignis devorer, priusquam sine termino crucier. Vae mihi misero homini, omni polluto contagio! Vae mihi peccatori omnium pessimo! Vae mihi, qui factus sum sentina omnium criminum! Heu mihi, qui superavi omnem magnitudinem peccatorum! Heu mihi, cujus iniquitas excrevit omnem magnitudinem delictorum! Obsecro vos, omnes sancti, miseriis meis subvenite, perditionem meam plangite. Flete me miserum et projectum. Flete me mortuum et abominatum. Flete me, coelum et terra. Plorate me, omnia elementa. Ingemisce me, omne genus humanum. Sumite super me lamentum, veniam pro me lacrymis impetrate, et preces pro me impio fundite, terram lacrymis (0606A)irrigate. Plenus sum sceleribus, plenus sum vitiis omnibus: vas iniquitatis ego sum. Per omnia membra mea scelerum insignia agnoscuntur. Nihil est, quod justitiae reservaverim, totum impietati me tradidi. Omne vitium, quod destinavi in carne, perfeci in opere. Omne crimen, quod cogitavi, complevi. Omnem pravam cogitationem ad studium perficiendi deduxi. Hinc est quod inter homines confusus, in coelum oculos erigere non valeo. In vultu enim meo ignominiam porto. In omnibus actibus meis erubesco. Faciem meam conscientiae 123 reatus inclinat. Confusio operis mei ante oculos versatur. Corde meo deprehensus ubique confundor: non audeo quempiam fiducialiter intueri. Fidem enim perdidi, pietatem contaminavi, sanctitatem pollui, religionem vitiis (0606B)impiavi. Divina omnia atque humana jura violavi. In omne fas nefasque properavi. Miserere mei, Domine, miserere mei, qui regnas.
ORATIO SANCTI EFFREM DIACONI. Domine Deus et Salvator meus, quare me dereliquisti? Miserere mei, quoniam tu es amator omnium solus. Salva me peccatorem, quoniam tu es sine peccato solus. Erue me de coeno iniquitatum mearum, ut non infigar in aeternum. Libera me de ore inimici mei: ecce enim ut leo rugiens devorare me cupit. Excita potentiam tuam, et veni, ut salvum me facias; corusca coruscationes tuas. Disperge virtutem inimici, amator hominum benignissime. Deus, adjuro te per miserationes tuas, ne (0606C)me cum haedis a sinistris tuis statuas, cum his qui te exacerbaverunt. Ne dicas mihi, Nescio te: sed tribue mihi propter multam misericordiam tuam indesinenter cordis compunctionem et fletum: et sanctifica me, ut fiam templum gratiae tuae, per te, Christe Jesu.
ORATIO PRO OMNI POPULO, Ut in regum continetur historia. Parce, Domine, parce populo tuo, quem redemisti, Christe, sanguine tuo; ut non in aeternum irascaris nobis. Deprecamur, Domine, in omni misericordia tua, ut auferatur furor tuus et ira tua a loco isto, et a domo sancta tua, quoniam peccavimus. Peccavimus tibi, Domine, et tu iratus es nobis, (0606D)et non est, qui effugiat manus tuas: sed supplicamus, ut veniat misericordia tua super nos, qui Ninivae pepercisti. Invocantes Dominum exclamemus, ut respiciat populum conculcatum et dolentem: protegat templum sanctum suum, ne ab impiis contaminetur, sed misereatur nobis. Exclamemus omnes ad Dominum dicentes: Peccavimus tibi, Domine, patientiam habe in nobis, et erue nos a malis istis, quae quotidie accrescunt super nos. Dimitte, Domine, peccata populi tui, secundum multitudinem misericordiae tuae, sicut propitius fuisti patribus nostris. Propitius esto nobis, et impleatur gloria tua universa terra. Recordare, Domine, dic angelo percutienti: Sufficit, contine manum tuam, et cesset interfectio quae grassatur in populo, et ne (0607A)perdas omnem animam viventem. Exsurge, Domine, adjuva nos et libera nos propter nomen tuum.
ORATIO EFFREM DIACONI. Pone, Domine, lacrymas meas in conspectu tuo, sicut in promissione tua, ut avertatur inimicus meus retrorsum, et expavescens conturbet, cum viderit me in loco quem praeparavit misericordia tua. Exspectans autem inimicus videre in loco, quem mihi propter delicta mea praeparavit, videat me in loco lucis et vitae aeternae, et conversus in tenebris conturbetur, quia nequaquam voluntas ejus effecta est. Ita benignissime, ita amator hominum, ita qui solus sine peccato es, effunde super me inaestimabilem et immensam misericordiam tuam, et (0607B)praesta mihi ut et ego et hi qui te diligunt regni tui efficiamur haeredes; et videntes gloriam tuam, adoremus bonitatem tuam: et dicamus pariter, qui digni fuerimus videre insatiabilem pulchritudinem majestatis tuae: Gloria Patri, qui fecit nos, gloria Filio, qui sanavit nos, gloria Spiritui sancto, qui renovavit nos: Trinitas sancta, une Deus, sub umbra alarum tuarum nos protege, qui es benedictus in saecula.
ORATIO Pro itineris et navigii prosperitate. Dei Patris festinare maximum mihi cito peto adjutorium. Jesu Christi imploro suffragia, qui natus est ex virgine Maria. Sancti quoque Spiritus praesidio fungar semper hic vel in exsilio. Christus a me auferat (0607C)pericula cuncta, quaeque daemonum jacula. Ne me captent hostes atque latrones, ne fures, neque mundi praedones. Ne me undae maris, neque flumina, neque aquae, nulla noceant numina. Ne tenebris, vel venti, vel flumine, velis plenis ventis quoque prosperis maris, cunctis solvar a periculis. Christus mecum duras ac pestiferas vincat terrae et aquarum bestias: vincat tela aeris vitalia [ F., lethalia?], vincat 124 cuncta tonitrui fulgura. Vincat quaeque venena serpentina, vincat saeva mundi veneficia: ut haec cuncta non mihi quae diximus, neque meis noceant comitibus. Sanus ego, sani mei comites, sine damno pergamus incolumes. Sana nave in pelagi fluctibus, sanis equis velis in terrestribus: sana nostra vehatur pecunia, ut sit apta ad nostra (0607D)utilia. Inimici ne sint nobis nociva, quamvis mala prorumpant consilia. Christi mihi in aeterno nomine viae cunctae pateant magnopere, si ascendam ardua in montium, si descendam convexa in vallium, si . . . vias per vastissimas silvarum, rubo per densissimas: via plana pergam atque lucida usque loci destinati . . . . .
Domine Jesu Christe, te obsecro per misericordiam et clementiam tuam, ut praestes mihi veniam delictorum meorum. Aperi mihi januam vitae, et princeps tenebrarum non occurrat mihi. Non veniat mihi pes superbiae, et manus extranea non contingat mihi: sed suscipe me secundum verbum tuum, (0608A)et perduc me ad convivium epularum tuarum, ubi epulantur omnes amici tui tecum. Tu es Jesus Christus Filius Dei vivi, cum Patre et Spiritu sancto regnans in saecula saeculorum.
ORATIO SANCTI AUGUSTINI, Quam XV libris, quos de sancta conscripsit Trinitate, subjunxit. Domine Deus, credimus in te Patrem, et Filium, et Spiritum sanctum. Neque enim diceret Veritas: Ite, baptizate gentes in nomine Patris, et Filii, et Spiritus sancti (Matth. XXVIII, 20), nisi Trinitas esses. Nec baptizari nos juberes, Domine Deus, in ejus nomine, qui non est Dominus Deus. Nec diceretur voce divina: Audi, Israel, Dominus Deus tuus, (0608B)Dominus unus est (Deut. VI, 4), nisi Trinitas ita esses, ut unus Dominus Deus esses. Et si tu Deus Pater ipse esses, et Filius Verbum tuum Jesus Christus ipse esses, et donum vestrum Spiritus sanctus: non legeremus in litteris veritatis: Misit Deus Filium suum (Gal. V, 4): nec tu Unigenite diceres de Spiritu sancto: Qui mittet Pater in nomine meo, et quem ego mittam vobis a Patre (Joan., III, 17). Ad hanc regulam fidei dirigens intentionem meam, quantum potui, quantum me posse fecisti; quaesivi te, et desideravi intellectu videre quod credidi, et multum disputavi et laboravi. Domine Deus meus, una spes mea, exaudi me, ne fatigatus nolim te quaerere; sed quaeram faciem tuam semper ardenter. Tu da quaerendi vires, qui (0608C)te inveniri fecisti, et magis magisque inveniendi te spem dedisti. Coram te est firmitas et infirmitas mea: illam serva, istam sana. Coram te est scientia et ignorantia mea: ubi mihi aperuisti, suscipe intrantem; ubi clausisti, aperi pulsanti. Meminerim tui, intelligam te, diligam te. Auge in me ista, donec me formes ad integrum. Scio, scriptum est [ Aug., scriptum esse]: In multiloquio non effugies peccatum (Prov. X, 19). Sed utinam praedicando verbum tuum, et laudando te, tantummodo loquerer: non solum fugerem peccatum, sed meritum bonum acquirerem; quantumlibet meruisses, loquerer [ Aug., quamlibet multum sic loquerer]. Neque enim homo de te beatus peccatum praeciperet germano in fide filio suo, cui scripsit, dicens: Praedica verbum, insta (0608D)opportune, importune (II Tim. IV, 2). Nunquid dicendum est istum non multum locutum, qui non solum opportune, verum etiam importune verbum tuum, Domine, non tacebat? sed ideo non erat multum, quia tantum erat necessarium. Libera me, Deus meus, a multiloquio, quod patior intus in anima mea misera in conspectu tuo, et confugientem ad misericordiam tuam. Non enim cogitationibus taceo, etiam tacens voce [ Aug., vocibus]. Et si quidem non cogitarem nisi quod placeret tibi, non utique rogarem ut me ab hoc multiloquio liberares. Sed multae sunt cogitationes meae tales, quales nosti cogitationes hominum, quoniam vanae sunt (Psal. (0609A)XCIII, 11). Dona mihi non eis consentire, et si quando me delectantur [ Aug., delectant], eas nihilominus improbare, nec in eis velut dormitando immorari: nec in tantum valeant apud me, ut aliquid in opera mea procedat ex illis, sed ab eis mea statim sit tuta sententia, tuta conscientia te tuente. Sapiens quidam cum de te loqueretur in libro suo, qui Ecclesiasticus proprio nomine jam vocatur: Multa, inquit, dicimus, et non pervenimus; et consummatio sermonum universa ipse est (Eccli. XLIII, 29). Cum ergo pervenerimus ad te, cessabunt multa ista quae 125 dicimus, et non pervenimus; et manebis unus omnia in omnibus; et sine fine dicemus unum, laudantes te in unum, et in te etiam facti nos unum, Domine Deus une. Deus Trinitas, ignosce mihi (0609B)omnia peccata mea, et in hac integritate fidei, et bonorum operum perfectione custodi me, et ab omnibus insidiis diaboli et hominum libera me, et sub umbra alarum tuarum protege me, qui es benedictus in saecula.
HYMNUS BEATI EPISCOPI SEDULII, De nativitate, et baptismo, et virtute, et traditione, et passione, resurrectione et ascensione Domini nostri Jesu Christi.
A solis ortus cardine
Ad usque terrae limitem,
Christum canamus principem
Natum Maria virgine.
Beatus auctor saeculi
Servile corpus induit,
(0609C)Ut carne carnem liberans
Ne perderet quos [ Al., quod] condidit.
Clausae [ Al., clausa] parentis viscera
Coelestis intrat gratia:
Venter puellae bajulat
Secreta quae non noverat.
Domus pudici corporis [ Al., pectoris]
Templum repente fit Dei:
Intacta nesciens virum
Verbo concepit Filium.
Enixa est puerpera [ Al., Enixa jam puerpera est]
Quem Gabriel praedixerat:
Quem matris alvo gestiens
(0609D)Clausus Joannes senserat.
Feno jacere pertulit,
Praesepe non abhorruit:
Parvoque lacte pastus est,
Per quem nec ales esurit.
Gaudet chorus coelestium,
Et angeli canunt Deo:
Palamque fit pastoribus
Pastor Creator omnium.
Hostis Herodes impie,
(0610A)Christum venire quid times?
Non eripit [ Al., non abripit] mortalia,
Qui regna dat coelestia.
Ibant Magi, qua venerant [ Al., quam viderant]
Stellam sequentes praeviam:
Lumen requirunt munere [ Al., lumine],
Deum fatentur munere.
Katerva matrum personat
Collisa deflens pignora:
Quorum tyrannus millia
Christo sacravit victima [ Al., victimam].
Lavacra puri gurgitis
Coelestis Agnus attigit:
Peccata quae non detulit
(0610B)Nos obluendo sustulit.
Miraculis dedit fidem
Habere secundum Patrem [ Al., Habere se Deum Patrem]:
Infirma sanans corpora,
Et suscitans [ Al., resuscitans] cadavera.
Novum genus potentiae
Aqua [ Al., aquae] rubescunt hydriae:
Vinumque jussa fundere
Mutavit unda originem.
Orat salutem servulo
Nixus [ Al., Flexus] genu Centurio:
Credentis ardor plurimus
Exstinxit ignes febrium.
Petrus per undas ambulat [ Al., ambulans]
(0610C)Christi levatus [ Al., levatur] dextera:
Natura quam negaverat,
Fides paravit semitam.
Quarta die jam fetidus
Vitam recepit Lazarus:
Mortisque liber [ Al., Cunctisque liber] vinculis
Factus est superstes sibi.
Rivos cruoris torridi [ Al., horridi]
Contacta vestis obstruit:
Fletu rigantis [ Al., rigante] supplicis
Clausit fluenta [ Al., Arent fluentia] sanguinis.
Solutus omni languore [ Al., omni corpore]
Jussus repente surgere,
(0610D)Suis vicissim gressibus
Aeger vehebat lectulum.
Tunc ille Judas carnifex
Ausus Magistrum tradere,
Pacem ferebat osculo
Quam non habebat pectore.
Verax datur fallacibus,
Pium flagellat impius:
Crucique fixus innocens
Conjunctus est [ Al., conjungitur] latronibus.
(0611A)126 Xyro [ Al., Xero; forte leg. Xro, id est Christo] myrrham post sabbatum
Quaedam vehebant compares [ Al., corpori],
Quas allocutus angelus:
Vivum sepulcrum non tegit [ Al., vivum sepulcro non tegi].
Ymnis venite dulcibus
Omnes canamus subditum
Christi triumpho tartarum,
Qui nos [ Al., qui vos] redemit venditos.
Zelum draconis invidi
Et os leonis pessimi,
Calcavit unicus Dei,
Sese qui [ Al., seseque] coelis reddidit.
Gloria Patri ingenito,
(0611B)Gloria Unigenito,
Una cum sancto Spiritu
In sempiterna saecula.
ORATIO. Praesta, Domine, legentibus profectum, quaerentibus legem tuam, peccatorum omnium remissionem: ut qui desiderio magno ad lumen Scripturarum tuarum pervenire cupimus, nullis peccatis caligantibus obscuremur. Attrahe nos ad te virtute omnipotentiae tuae. Ne relinquas sua voluntate vagari, quos pretioso sanguine redemisti. Imaginem tuam in nobis non sinas obscurari, quae si te praestante defendatur, non diabolo, non nobis liceat tua dona subvertere; quia totum fragile, quidquid tibi nititur obviare. Audi (0611C)nos, pie Rex, contra peccata nostra; et prius illa a nobis remove, antequam nos per ea juste possis in tua examinatione damnare. Quid nobis nostra insidiatur iniquitas? Quid contra nos delicta confligunt? Creaturam tuam evertere cupiunt, qui nulla substantia firmitate consistunt . . . . . diabolus, cur nos insaturabili dolore prosequitur? Nunquid illi consilium dedimus, ut tibi Domino superbus existeret, et de beatitudine collata caderet, cum tantae per te virtutis insignia possideret? Sufficiat quod nos in Adam (0612A)perculit; quare quotidianis deceptionibus impius calumniator insequitur? Et sicut ille fragilitatem nostram non desinit impetere, ita tuis possit viribus confusus abscedere. Non permittas, bone Rex, in nobis saevissimum hostem sua vota complere, qui te graviter eligit offendere. Quid nos sicut leo rugiens circuit? Quid devorare contendit? Semel illi in baptismate sacro renuntiavimus; semel tibi Domino credere professi sumus. Tales nos per tuam defensionem concede servari, quales nos fieri per aquam regenerationis, Creator altissime, praestitisti. Qui tui esse coepimus, alium Deum nesciamus. Tua gratia redempti sumus, tua mandata, te donante, faciamus. Si nos relinquis, tergiversator invadit. Indefessus atque impudens semper assistit, lucra sua (0612B)computans humanas ruinas. Blanditur ut decipiat, instigat ut perimat. Maxime per corpus nostrum animas decipit, et ita labilis per desideria humana diffunditur, ut nulla pene providentia, nullo prius consilio sentiatur. Longum est per singula discurrere. Tali quis possit obsistere, nisi tu, Domine, illi decreveris obviare? Quid enim de nobis possit facere, qui te in nostro corpore ausus fuit per subdola machinamenta tentare? Exaudi nos, o custos hominum. Hic nos ab illo indulgentia tua libera, qui nos trahere nititur ad gehennam. Cum illo sortem non habeamus, ut tecum, Domine, habere possimus. Vindica fabricam tuam ab illo qui destruit. Dominari alios si faciunt [ F., sic facit], qui se ipse damnavit: sed potius ille cum suis pereat, qui perdere cuncta (0612C)festinat . . . . . Caetera desunt.
ORATIO D. ALCUINI IN NOCTE.
Qui placido in puppi carpebat pectore somnum,
Exsurgens ventis imperat et pelago.
Fessa labore gravi quamvis hic membra quiescant
Ad se concedat cor vigilare meum.
Agne Dei, mundi qui crimina cuncta tulisti,
Conserva requiem mitis ab hoste meam.